Gabi na ng makauwi kami ni Angela. Paano ba naman kasi ay ang tagal naming nakasakay. Na-miss kasi namin ang jeep na pabalik dito kanina. Nagtatawanan na lang kami ni Angela. Nagkaroon din kasi kami ng mahaba-habang oras na gumala habang hinihintay ang sumunod na jeep na babyahe.
Palakad pa lang kami ni Angela papunta sa bahay ng mula roon ay natanaw ko si Luke na papatakbo papunta sa akin. Nagulat ako ng bigla ako nitong hinawakan ng mahigpit sa braso.
"H-hey!" sita ko rito.
"Where the f**k did you go?? I looked everywhere for you!! Halos mamatay ako sa pag-aalala!! Akala ko kung ano na ang nangyari sayo! Hindi ako mapakali sa trabaho kakaisip sayo tapos uuwi ako na walang tao ang bahay!" anitong kinagulat ko.
Tinanggal
