الذكريات الجزء الثالث

الرابع

بيجي الدكتور و يفيق ناكول و تدخل سوربي لعندهم

الدكتور : مرحبا شو اسمك

ناكول : ناكول اوبيروي

الدكتور : مين هاي المدام

ناكول : سوربي

سوربي : ناااكول ، وكانت بدها تحضنه بس دكتور يمنعها

الدكتور : بس لحظة مدام

سوربي تنصدم : شو قصدك

الدكتور : شو تقربلك هاي المدام

ناكول بيسير رأسه بيوجعه ويحس بدوار

ناكول : عم أحس بدوار مش عم أتذكر بس متأكد أنها ما تقربلي ولا تربطني فيها أي صلة

سوربي تنصدم من حكيه

سوربي : كيف ما عم تذكرني

ناكول : ومين انتي لحتى اتذكرك

سوربي كانت بدها تحكيله بس الدكتور يمنعها

سوربي : انا بكون زو. .

الدكتور : مدام ممكن تعالي شوي برا خلي المريض يرتاح

سوربي : بس دكتور

دكتور : لو سمحتي كرمال مصلحة المريض

الدكتور : ارتاح و هلا برجع

ناكول : سوربي انتي ليش هون ومين تكوني

سوربي تنصدم من حكي ناكول و تطلع بسرعة من الغرفة وتبكي

شاكتي : خبرنا عن ابنا دكتور

دكتور : للاسف صار معه فقدان ذاكرة

العائلة تنصدم و شاكتي يحضن بينكي

بينكي : شو يعني

الدكتور : للاسف مو متذكر مدامته

شاكتي : شو

الدكتور : مو متذكر شو صار معه تقريبا من لما دخلت مدامته ع حياته

بينكي تنهار ع الآخر : سوربي مو متذكرها

الدكتور : لا متذكرها بس يعرف اسمها

بينكي : كيف ما متذكرها ومتذكر اسمها

الدكتور : هذا نوع من فقدان الذاكرة نادر بحيث يتذكر اسم الشخص و ما بيتذكر #ذكريات_الماضي المرتبطة مع هذا الشخص و المواقف يلي معه

شاكتي : يعني شو راح نعمل هلا دكتور وبتجي لعندهم سوربي و تحضن بينكي

الدكتور : لازم تتركوا ع راحته و لا تذكروا بإي اشي ، ولا تجبروا ع اشي ، لازم هو يتذكر كل شي لحاله كرمال صحته و ما بيسير معه مضاعفات تضر بخلايا العصبية بالدماغ المسئولة عن #الماضي

سوربي : يعني هلا راح ابعد عنه

الدكتور : لا تبعدي عنه ، احكي انك رفيقته المقربة ، وهو مع الوقت بيتذكرك ويتذكر زواجكم اذا ما صار اشي ع** ذلك

بينكي : شو قصدك

الدكتور : لازم لما تتعاملوا معه تكونوا حذرين لآخر درجة

سوربي : انا راح اعمل اي اشي كرمال ناكول

الدكتور : عن إذنكم هلا

بينكي : شو راح يصير هلا

سوربي : بدي ادخل لعنده

شاكتي : انتبهي ع حالك حبيبتي

سوربي تدخل ع غرفة ناكول و يدوب ماسكة حالها كتير خايفة وتمسح دموعها

ناكول : انتي ليش هيك طلعتي بسرعة

سوربي : انا اسف استاذ

ناكول : خبريني ليش انا هون و شو صار معي ومين انتي

سوربي : أستاذ صار معنا حادث لهيك أنت هون

ناكول : بس انا مو متذكر

سوربي : عادي حبيبيى.... قصدي استاذ راح تتذكر كل شي بعدين

ناكول : طيب اوكيه وين عايلتي ، وينها جانكي و رودرا

سوربي مصدومة " متذكر جانكي و مو متذكر حبيبتك سوربي ليش هيك تعمل فيني " وماتستحمل وتطلع من الغرفة تبكي و تروح عند العائلة و تحضن بينكي

بينكي : حبيتي شو صار ليش تبكي

شاكتي : ناكول حكى اشي معك

سوربي : هو متذكرها و مو متذكر زوجته

بينكي : مين هي ....قصدك جانكي

سوربي : ايه ، وتبكي بزيادة

شاكتي : بنتي حبيبتي لازم تقوي من حالك كرمال ترجعي زوجك و حبك

سوربي : ما فيني

بينكي تمسك وجهها و تعصب عليها : لازم تكوني قوية متل كل مرة يلا روحي لعنده هو بحاجتك

سوربي : بس ما فيني

بينكي تعصب اكتر : اذا ما بتروحي بحرمك من شوفتوا

سوربي : ماما ليش تحكي هيك

بينكي : يلا كوني قوية كرمالنا وكرمال حبيبك شاكتي : ايه بنتي كوني قوية

سوربي : ماشي مستحيل اتخلى عنه

وترجع لعند ناكول وتفوت و هي متلبكة

ناكول : انتي ليش هيك تروحي و ترجعي تروحي و ترجعي بلشت اعصب انا

سوربي : اسف استاذ

ناكول : بشو استفيد من اعتذارك جاوبي ع اسئلتي

سوربي اوكيه استاذ

ناكول : ما خبرتيني وينهم جانكي و رودرا

سوربي : رودرا مسافر ، وجانكي مسافرة عندها حفلات خارج البلد ، وانت راح تبقى طول هالفترة معي

ناكول : طيب كيف هيك يسافروا وما يخبروني ، وليش ابقى معك

سوربي :لأنك زوج...

ناكول : شو حكيتي

سوربي : ولا اشي استاذ

ناكول : طيب احكيلي مين انتي شو تعملي هون

سوربي : أستاذ أنت عيتني المحامية الخاصة فيك و مديرة أعمالك الخاصة و سكرتيرتك الخاصة ، حتى إني عايشة معك ببيتك

ناكول : بس انا مو متذكر هيك اشي ابدا وأحس رأسي كتير يوجعني لما بدي أتذكر

سوربي : أستاذ انا توظفت عندك جديد من 3 شهور و بفترة الأخيرة صار كتير أحداث ، وانت صار معك فقدان ذاكرة قصير الأمد لهيك مو متذكر

ناكول : طيب ليش ما حكيتلي من قبل اني معي فقدان ذاكرة

سوربي : اسف استاد نسيت

ناكول : مرة تانية ما بسمح بهيك اهمال

سوربي : اسف

ناكول : متى بقدر ارجع ع البيت

سوربي : اليوم المسا

ناكول : يعني انتي ساكنة معي بقصر اوبيروي

سوربي" انا ساكنة بقلبك و ما تسمحلي اطلع منه " : ايه أستاذ

ناكول:هيك منيح بنقضي وقت مع بعض لحتى ترجع جانكي

سوربي تغار و تعصب بس ما تبين : اكيد استاذ

ناكول: فيكي تتركيني ارتاح بدي انام

سوربي : اوكيه استاذ

بتطلع سوربي من الغرفة و تروح لعند العائلة

بينكي : خبرتيه أنه مع فقدان ذاكرة

سوربي : ايه ماما

شاكتي : ليش زعلانة بنتي

سوربي : زعلان لانه متذكر جانكي البنت يلي خدعته و مو متذكر زوجته

بينكي : اصبري بنتي ، راح يتذكرك هو ما فيه يعيش من دونك

سوربي : انا بدي اروح ع البيت و أجهز غرفته

بينكي : و روحي ارتاحي بنتي

شاكتي : خلي الشوفير يوصلك

سوربي : ماشي بابا و ماما

سوربي تروح ع البيت و تطلع ع غرفتهم و تفتح الباب تكون مزينة وفيها صورهم ع الحيط و تعصب و تخرب كل الزينة و توقع ع الارض و تبكي

سوربي :ليش هيك يسير فيني انا شو اعملت زوجي حياتي مو متذكرني ليش .، أنت وعدتني انك ما راح تتركني ، بس شو فايدة انك راح تبقى معنا وناسي #ذكرياتنا ، شو راح تكون صفتك وبأي صفة راح تعامل معك ، ناااكول ليش هيك عملت ، حبيبي انا بحبك لا تعمل فيني هيك .... وتبكي كتير وتنادي ع الخادمة تنظف الغرفة

الخادمة : نعم مدام

سوربي تمسح دموعها و تنصدم الخادمة من منظر الغرفة

سوربي : ناظفي هاي الغرفة بسرعة

الخادمة : اوكيه مدام

سوربي : و لما تخلصي تنظيف بتشيلي كل الصور يلي متصورها مع العائلة و معلقة بالغرفة و برا ع حيطان القصر

الخادمة : اسف مدام ، بس ليش

سوربي : ناكول صار معه فقدان ذاكرة و مش متذكرني ، اشتغلي بسرعة

الخادمة : اوكيه مدام " في عندي أخبار كتير حلوة لسيدتي "

سوربي تلم أغراضها و صورها مع ناكول وتبكي و تتذكر لحظاتها مع ناكول و #ذكريات_الماضي و تطلع من الغرفة و تروح لعند غرفة الضيوف و تنام وهي عم تبكي

بيجي وقت المسا و بيوصل ناكول مع شاكتي و بينكي ع البيت و تفتح الخادمة الباب

الخادمة : سلامتك سيد ناكول

ناكول : اهلين وينها سوربي

الخادمة : أستاذ مدام نايمة بغرفة الضيوف

ناكول يعصب : كيف هيك تنام و ما تستقبل مديرها بالشغل

بينكي : ابني هدي حالك ، لا تنسى هي كانت معك اكيد تكون تعبانة

شاكتي : ايه معها حق امك

بينكي : يلا اطلع ع غرفتك وارتاح

ناكول : اوكيه انا طالع ع غرفتي

ويروح ع غرفته ويحس بإشي غريب

ناكول : شو شعور يلي عم أحس فيه

وبيدخل ع غرفته و شاكتي و بينكي بغرفتهم

بينكي : شاكتي شو راح يصير بإولادنا

شاكتي : لا تخافي كل شي راح يكون تمام

بينكي : يلي ما يقدر يبعد عنها ساعات ، هلا كل واحد بغرفة

شاكتي يحضنها : اصبري

بينكي : انا كتير خايفة ع سوربي

شاكتي : راح تتحمل سوربي كرمال #ذكرياتها_الماضية و حبها لناكول

ناكول بغرفته بيحس بإشي غريب : انا حاس حالي مش مرتاح كأنه ناقصني اشي ، بس شو هو ما بعرف اشي كان جزء مهم بحياتي بس ليش ما عم أتذكر انا ما فيني انام هون ، معقول يكون لاني ما حكيت مع جانكي

ناكول بيرن ع جانكي و ما بترد يعصب و ي**ر التلفون و يطلع من الغرفة و يصدم لسوربي و يحضنها ويتطلع بعيونها " عيونها كتير حلوة و مميزة ، بس فيهم اشي ما عم افهموا " وينتبه ع حاله

ناكول : انتي منيحة

سوربي سرحانة بعيون ناكول و ما تحكي معه

ناكول : سوربي....سوربي

سوربي : نعم حبيب... استاذ

ناكول : انتي منيحة

سوربي : ايه منيحة ، وتعدل حالها و تقوم

ناكول : بما انا نسيت شو صار معي و شو طبيعة علاقتنا تقبلي تكوني رفيقتي

سوربي : ايه بقبل

ناكول يمد ايده ليسلم عليها وتسلم عليه سوربي

ناكول " نفس الشعور مرة تانية ، معقول في اشي يتعلق بسوربي "

سوربي " عيونك ما تشبه العيون يلي كنت متعود عليها "

سوربي : أستاذ

ناكول : بما أنه صرنا رفقات فيكي تناديني ناكول

سوربي : ما فيني

ناكول : وليس

سوربي : ما بعرف كيف أوصلها الك

ناكول : انسي ، بدي اخبرك

سوربي : تفضل

ناكول : جانكي ما بترد ع اتصالاتي ليش

سوربي : ما بعرف

بينزل ناكول لعند أهله معصب

ناكول : ماما وينها جانكي بدي أشوفها هلا

بينكي مصدومة ومش عارفة شو بدها تعمل و يطق الباب و تكون جانكي والعائلة تنصدم

ناكول : جانكي ...وأخيرا

جانكي : ناكول كيفك ، وتحضنه

ناكول : انا هلا صرت منيح وينك انتي

جانكي : بتعرف انا مشغولة كتير

ناكول : ايه انا يلي بعرف ،

يمسك ايدها و يروحوا ع الغرفة سوربي مصدومة ، وتتطلع عليها جانكي بنظرة حقد " راح اخذ حبيبك منك متل ما اخذتيه مني "

سوربي " بترجاك لا تعمل اشي ناكول يخرب علاقتنا " : انا بدي انام

بينكي : تصبحي ع خير بنتي

شاكتي : كيف الها عين بترجع هون

بينكي : ما بعرف

شاكتي : انا اخاف تخرب علاقة ناكول وسوربي

بينكي : مستحيل تنجح

ناكول و جانكي بغرفته واقفين بيحكوا

ناكول : يعني هيك صار معك

جانكي : ايه حبيبي ناكول ، خسرت كل شي شغلي واعمالي و كل شي

ناكول : شو بدك تعملي هلا

جانكي : تسمحلي انام عندك الليلة

ناكول : اكيد فيكي و لحتى متى ما بدك

جانكي تحضن ناكول : شكرا الك كتير حبيبي

ناكول العفو

جانكي تتقرب من ناكول وترمي جاكيته بسرعة

ناكول : شو تعملي

جانكي : شوت متل كل مرة ما نعمل

ناكول ينصدم و تشده جانكي ع التخت ويوقع فوقها و تقبله ويحضنها ........