Oliver's POV
"Kamusta ka na?" Napalingon ako ng bahagya kay Mimi pero agad kong iniiwas ang tingin ko dito.
"Kamusta na siya?" Balik kong tanong sa kanya. Hindi ko man sabihin, alam ni Mimi kung sino ang tinutukoy ko.
Magdadalawang buwan na simula nang huli kaming magkita. Pagkaminsan ay gumagamit ako ng ibang telepono para tawagan siya. Hindi man ako nagsasalita ay nakokontento na ako na marinig ang boses niya kahit sa ganong paraan na lamang.
"She's strong, you know that." Sagot nito sa akin na nakatingin sa iba pa naming kaibigan mula sa veranda ng second floor ng kanilang bahay ni George. Kami lang dalawa dito habang ang mga kaibigan namin ay masayang nagkakainan at nagkukuwentuhan sa garden.
"I know," Tipid na sagot ko. Hindi ko alam kung anong strong ba ang ibig niyang sabihin.
