الفصل السادس

1315 Words

نوفيلا تعويذة حب بقلمي دنيا صابر أجمل ما في الحب تلك الابتسامات الخفيه، والنظرات السريعه، والكلمات المستتره، التلميحات تلك التميحات الخارج عن إرادتنا تجعل للحب طعم، الغيره والنيران المشتعله داخنا عندما نشغر بالغيره كل تلك المشاعر المضطربه ما هي الا ملح الحب. . . . محمود بنرفزه : روح اسكتي انتي اي مبتفصليش وبعدين انتي الي غ*يه ومبتفهميش ويلا علي البيت عشان جاي اخطبك روح مبحلقه عينيها : نعم !!! محمود بلامباله : زي ما قلت لك كدا روحي يلا علي بيتكوا عشان جاي اخطبك الساعه خمسه روح : محمود انت أهبل؟ محمود : لا لسه متهبلتش انجزي يلا روح : محمود بطل هزار احنا صحاب واخو... محمود : عارف عارف كل الي هتقوليه نفس الاسطوانه حفظتها محمود احنا صحاب واخوات وانت زي اخويا وبلا بلا بلاااا روح : طيب ولما انت عارف بتقول هتيجي تخطبني ليه؟! محمود : لا انتي تقولي الي تقوليه لكن انا هجي اخطبك مش ناقص انا حد يجي يوقفك تاني ويقولك اجي اتقدملك مش كيس جوافه انا روح : انت اكيد مش طبيعي محمود : لا طبيعي ما هو مفضلش احب فيكي كل السنين دي وتيجي تقوليلي احنا اخوات انا صبري نفذ بح خلااص يلا علي البيت واياااكي ترفضي انتي عارفاني مجنون روح : اي دا انت بتهددني انا مبتهددش وبعدين تتجوزني اي والبت الي مفروض هتتجوزها والوصيه محمود ببساطه : ما انا كلمتها وهي قالت انها بتحب شخص والشخص دا كلمني وقالي منفذش الوصيه دي واستني بس وهو أول أجازه ليه من الجيش هينزل ويتقدملها ، شوفتي اتحلت اهي يبقي اجي اتقدملك بقا قبل ما تظهر اي عقده جديده ومساله الاخوات دي انا هعرف انسهالك بعد كتب الكتاب يلا يا روح علي البيت بلغي عمي اني جاي اشرب قهوه الساعه خمسه روح بتذمر : لا بقول لك اي انت كل حاجه أوامر أوامر انا اي مليش راي بص انا مش عاجب... محمود بغضب : انتي اي يا روح روح بابتسامه بلهاء : انا بقول تيجي خمسه ونص احسن حتي تكون الشمس بدات تغيب والجوء يبقي لطيف محمود بابتسامه : طيب يلا روحي علي البيت روح : والكليه محمود بنفاذ صبر : رووح روح : طيب طيب الله $$$$$$$$$$$$$$$$$¢$¢$$$$$$$$ بحر وهو يضع ساق فوق الاخري ردد وهو فضولي إتجاه ردة فعلها عما سيقوله تحدث ببطي مستمتع بتوترها : احب اقول لك يا انسه يا محترمه ان مفيش في البيت غيرنا انا وانتي وان الخدم في اجازه. ندي.: اي دا انا مكنتش اعرف وبعدين انا لو كنت اعرف عمري ما كنت دخلت ابداا بحر بأستفزاز : طيب أد*كي عرفتي يلا أخرجي ندي وهي تحمل حقيبتها وتخطو متجهه لباب المنزل يقاطع خطواتها صوته بحر : بس خلي في علمك لو خرجتي من باب البيت مفيش دروس هتديها لركان تاني ومفيش فلوس هتتدفع للشهر دا ندي أغمضت عينيها بضيق وقهر وهي تتذكر أقساط وديون والدها وقُرب ميعاد سدادهم وبكاء اخواتها من تذمر زوجعت والدها وكل منهم يحلم بهدايا التي وعدتهم بها أخرجت تهيده وهي تبلع غصتها وتتحدث بصوت متحشرج مهتز : حضرتك عايز مني اي ؟! بحر وقد شعر بتغير نبرة صوتها ولكن تحدث بقسوه : ممشتيش يعني؟ كلكوا زي بعض بتدوروا علي الفلوس ندي بقهر : حضرتك متعرفش ظروفي ولا تعرفني عشان تحكم علياا انا مضطره أني أفضل في الشغلانه دي لو كان الأمر بأيدي مكونتش هفضل ولو ثانيه واحده بعد كل الاهانات الي حضرتك بترميها عليا بحر وهو يسمع صوت بكائها المكتوم بحدث بهدوء وهو لا يعلم لما يلفي عليها بتلك الكلمات اللاذعه : ممكن تساعديني وتحبيلي كوبايه مايه كمان ندي وهي لا تعلم هل هو مجنون!!؟ منذ قليل يهينها والان يطلب مسعادتها تن*دة برقه وذهبت لإحضار كأس الماء وأقتربت منه برقتها المعهوده ووضعت الكأس بيده وتحدثت بهدوء : انا علي فكره مش وحشه زي ما حضرتك مفكر انا بس مضطره اني أستني ركان لحد ما يجي عشان انا محتاجه فلوس الشغل دا ضروري وبرضوا مينفعش ابقي مع حضرتك في مكان واحد ولوحدنا عشان دا حرام وعيب ممكن تسمحلي استناه في الحديقه الخارجيه عقد بحر حاجبيه وهو لا يعلم هل ما تتفوه به صحيح أيعقل انها ليست كغيرها من بنات حواء تحدث بشرود : تمام اتفضلي واخيرًا تنفست ندي الصعداء وامسكت بحقيبتها وهي تحمد ربها انه تفهم وضعها ووافق علي عدم طردها جلست علي كرسي الحديقه وهي تنظر للماره خارج بوابه المنزل وينتابها الفضول نحوه وما السبب الذي أدي الي فقدان بصره ولما يبغض النساء عزمت علي معرفت المزيد نحوه وكل ذلك عن طريق أخيه. _________________________________ مصطفي وهو ينظر لها بغضب وضيق : بقول لك اركبي ليليان بسرعه فتحت باب السياره وهي تنفخ بضيق وخوف من نظراته وهي تحمد الله علي انها مازالت علي قيد الحياه من نظراته تلك فلو كانت النظرات تحرق لكانت احترقت الان من نظراته المشتعله تلك. بعد دقائق من ال**ت تحدث مصطفي وهو يزفر : انتي جايه تدربي في المستشفي تحت حمايتي ودا بكلام وطلب من باباكي ليا ومينفعش اسيبك كدا وكل ما اشوفك القيكي واقفه تضحكي وتتكلمي مع دكتور معتز انا بعتذر عن الكلام الي قلته وحوار الخطوبه دا بس انا قلته عشان اوقفه عند حده دكتور معتز دكتور مش كويس و***بي ولازم احميكي منه ليليان بضيق : انا مطلبتش حمايتك دي وانا مش صغيره عشان تاخد بالك مني مصطفي: انتي اي نعم مطلبتيش حمايتي بس باباكي طلب وانا بعز دكتور شريف وهعمل بكلامه حتي لو انتي نفسك معترضه دا اولا ثانيا بقا انا بعتذر منك عشان كنت قليل الذوق ليليان وهي غير مصدقه كلامه قالت بشك : دكتور مصطفي انت صاحي مصطفي بضحكه رنانه : اه صاحي ليه ليليان بأبتسامه رقيقه : عشان انا مش مصدقه انك بتعتذر مني مصطفي : أعتبريه إعتذار صفا يعني نبطل نبقي عاملين زي القط والفار ونعتبر نفسنا صحاب ليليان برقه وطفوليه: اشطا حيث كدا بقا هاتلي شوكلاتا بالبندق مصطفي برفعت حاجب وضحكه : اي دا انا قلت نتصالح مش هصالح بنت اختي انتي هتبداي استغلال من اولها ولا اي ليليان وهي تكتف يديها : دي غرامت الصلح يلا مصطفي : تمام يا ست ليليان ________________________ رنا : كريم انا فكرت وقررت اني مش هقدر اكمل معاك كريم وهو يضع الفستان جانبا وينظر الي الناس من حولهم : انتي اتجننتي يا رنا احنا جاين نختار فستان كتب الكتاب فأتلمي وانجزي قبل ما مامتك تاخد بالها رنا بضيق : انا مينفعش اكمل وانا عماله امثل علي نفسي انا مش هعرف استحمل اني اكون كوبري تتجوزني عشان تنفذ رغبه والدتك وبعد كدا ترميني وتتجوز حبيبتي انا بي ادمه وليا مشاعر كريم : مش وقته الكلام دا انجزي عشان الناس بتبص علينا رنا بتنهيده وهي تمسك بالفستان الذي بيده وتذهب لغرفه التبديل وهي تشغر بوخزات مؤلمه بقلبها والدته رنا بحنان :. هتحن إمتي ياأبني كريم بتنهيده : بنتك الي دماغه ناشفه ومش عايزه تفهم الي بيحصل حواليهاا والدت رنا : انت كدا بتجرحها كريم : بصي خليكي واثقه فيا مش انا شرحتلك الحوار وبعدين انا ناوي اعترف لها بس في الوقت المناسب والدت رنا بتنهيده : طيب يا ابني وربنا يسترها انا لولا ما عارفه كل حاجه في دماغك مكنتش رضيت بالي ناوي عليه دا. كريم بابتسامه متعبه: متشليش هم كل حاجه هتبقي تمام، ثم نظر الي تلك الجميله وهي تخرج من غرفه تبديل الملابس وهي ترتب فستانها ذو اللون الاوڤ وايت بتوتر وتنظر حولها بخجل تقدم نحوها بأبتسامه حالمه وتحدث بنبره مليئه بالحب : طالعه زي القمر رنا بخجل وهي تدنو راسها ناظره للاسفل : متشكره أقترب كريم ممسكا بوجهها رافعا ايها ناظرا الي عينيها بحب وتحدث بهدوء : راسك دي لازم تبقي علي طول مرفوعه متنزلهاش تاني نظرت له رنا بتسأل وعدم فهم : كريم هو انت بتحبني ابعد كريم عينيه بتوتر وتحدث متحمحم : اي الكلام دا يا رنا انتي عارفه اني عندي حبيبه واني قاطعته رنا : ايوا عارفه كل دا بس انا ساعات بحس من تصرفاتك انك بتحبني بشوف الحب دا في عنيك ونبرة صوتك اوقات بحس انك فعلا بتحبني زي ما انا بحبك ايوا مش هنكر انا فعلا بحبك وعمري ما فكرت ان هتجوزك ولما جيت واتقدمت انا مصدقتش انك فعلا بتتقدملي وفرحت جدا وقلت ان خلاص الدنيا هتضحكلي بس اتصدمت لما انت قلت انك جاي لرغبه مامتك وانك عندك حبيبه والي وجع قلبي انها تبقي صاحبتي نظر كريم حوله بتوتر وتحدث بأرهاق : رنا لو سمحتي ملوش لازمه الكلام دا دلوقتي رنا وهي تاخد نفس عميق تحدث بعتاب : عندك حق ملوش لازمه أستوب ونكمل بعدين

Free reading for new users

Scan code to download app

App Store Google Play

Facebookexpand_more