اعداء بالدم

الحلقة ال 11 وال 12 #الرحمة

الحلقة ال 11 وال 12

دي الحلقة ال 11 ف رواية #اعداء_بالدم ف الحلقات اللي فاتت كان اكبر مده فيها هي 10 ايام وبعد كده سنة و اتنين لحد 10 سنين بدون جديد كانت حياه هديه لحد ما باسل اتهم في قضيه قتل ظلم ل واحد من اصحابه اسمه خالد ، باسل مقدرش يطلع منها براءة لا كل السبل كانت في اتجاه واحد ، باسل يتحبس بس المحامي بتاعه اثبت انه مريض نفسي ودخل مستشفي المجانين كانت الخطه انهم ي**به شويه وقت من دخول المصحه اهله جابه محققين خاصين علشان يدوره على اي خيط يطلعه بس كل خيط يوصله ليه يلبس باسل في حيطه اكتر وفضل باسل هناك لمده 10 سنين جوه المصحه النفسيه تحت رحمه سما وهي بتعذب فيه ب اسم العلاج ب جلسات الكهربا فضل هناك بس باسل محارب وعقيده المحارب هي النجاه ب نفسه بس زي ما بيقولا كل محارب في حربه بيفقد شيء من الكينونة بتاعته و باسل فقد الرحمه

عوده من الفلاش باك

بعد جلسه الكهربا الجسم بيتخلص من كل اثار الادويه اللي بتسبب فقدان في التركيز وشلل في الجزء السفلي وانا نايم عل السرير دخل عليا ممدوح التمرجي

ممدوح : باسل باسل قوم يا بني قولي اساعدك ازاي

انا :: انتا جاي ليه ؟

ممدوح : في ميعاد حقنه دلوقتي

انا :: حقنة ايه ؟

ممدوح : المهدئ

انا :: طيب انتا عندك استعداد تساعدني

ممدوح : ايوه عندي

انا :: طيب فضي الحقنه دي في الأرض وبكره تجيب ليا حقنه بنج فوري اللي ياخده ينام ولاعه وعلبه جاز ومعاها علبه الجاز بتاعتها و ورقه وقلم وعبله سجاير

ممدوح : طيب اجبهم الساعه كام

انا :: قبل جلسه الكهربا بتاعت الصبح

ممدوح : حاضر

مشي ممدوح وانا برسم الخطه بتاعتي لما دخلت المستشفي اول مره شوفت سما قررت اني اهرب علشان اهرب عديت كل خطوه في طريقي ل الاوضه بتاعتي وكمان عدد الخطوات ل اوضه الكهربا فضلت صاحي بس قاعد على السرير لاني شاكك اني في كاميرات في الاوضه جيه الصبح كانت الساعه 11 الصبح

ممدوح : اهم

انا :: في كاميرات في الاوضه هنا ؟

ممدوح : ايوه بس مش متوصله ب اوضه الامن ، متوصلة بالمكتب بتاع الدكتوره

انا :: سما فين دلوقتي ؟

ممدوح : هتوصل كمان ساعه

انا :: طيب ( قومت لفيت الملاءة على المخده بعد ما طلعت كورتين قطن منها ولفيتهم في قماش ) امسك الكور دي تروح الاوضتين اللي جنبي من الناحيتين تولع فيهم وحطهم على السجاد وتمشي

ممدوح : ازاي

انا ::زي ما بقولك كده هتنفذ ولا هتخاف لو خايف انا عندي حافز كويس ليك انا هد*ك فلوس كتير بس اطلع اي مبلغ انتا عايزه

ممدوح : ( راح ناحية الباب وبصلي ) انا قولت ليك زمان اهرب وبقولا ا ليك دلوقتي اطلع واهرب يا باسل اهرب

طلع ممدوح وانا ولعت في الحته الكبيره اللي عملها وكتبت علي الورقه ( دي البدايه واهلاً بيكي في الجحيم ) حطتها جوه العلبه استنيت شويه وض*ب انذار الحريق في الاوضه بتاعتي واللي جنبي ثلاث اوض ساعتها هيضطره يخلو الجناح كله طلعونا من الاوض وكان سمير بس ومعاه واحد من الأمن مشيت ناحيته وانا عيوني سهتانه ومثلت اثار الدوه اول ما وصلت عنده اترميت عليه وكلمته في ودنه ( ده بدايه جحيمك ) حطيت حقنه البنج في رقبته نام ، الحارس انشغل فيه وقدرت امشي كل خطوه كانت محسوبه بخطواتي اول ما دخلت جديد لحد ما وصلت ل الباب الرئيسي لقيت سما دخلت باب في الجنب كانت اوضه فيها منظفات وسمعتها بتتكلم مع الامن

سما : ايه اللي بيحصل

امن : في حريقه يا دكتور

سما : حريقه طيب ( كانو وقفين ثلاثه بس ) انتو الاتنين تعالو معايا وانتا اطلب المطافي بسرعه

سمعت صوتها وهي بتجري تدخل جوه طلعت انا والامن شفني عملت نفسي ع**ط ومجنون لحد ما وصلت ليه شدني يدخلني تاني جوه المبني وهو بيسحبني هو قدامي لقيت جنبه صاعق سحبته وكهربته بية رحت على اوضه الأمن لقيت لبس خدته ومفتاح وفلوس من جيب الامن اللي واقع على الارض طلعت بره وكان المفتاح ل متوسكل ركبته مشيت به شويه وقفت على جنب غيرت هدومي وطلعت على شقه في القاهره محدش يعرف مكانها خالص وصلت هناك والبواب شكلهم غيروه ولا حاجه طلعت فوق الشقه دي ودخلتها روحت انور النور و روحت على خزنه في اوضه فتحتها كان فيها فلوس وباسبور احتياطي خدته وخدت 10 الف جنيه من الفلوس وكان في مسدس بتاعي تاني ونزلت من غير ما حد ياخد باله روحت وسط البلد اشتريت تلفون وخط و لبس بعد ما سبت المتوسكل بعيد روحت على بنسيون خدت اوضه هناك اسود من غير ورق طلعت الاوضه خدت دش وقعدت افكر في انتقامي رتبت الاحداث في دماغي لحد ما عرفت هبدا بمين وكان عيلتي نمت ريحت نفسي شويه وتاني يوم صحيت ركبت قطر ل المنيا رحت الكفر بعد ما اشتريت جلبه وشال لفيت وشي كويس وخدت حماره من واحد بعد ما دفعت ليه فلوس حطيت الشنطه فوق شجره امنت عليها كويس استنيت ل اليل ورحت على بيت عمي عا** لقيت عليه حراسه كبيره جدا وغريبه مكنش هممني ولا خفت انا حافظ البيت عن ظهر قلب طلعت المسدس ولسة هنط السور لقيت حد حط حاجه على وشي ونمت

مش عارف انا نمت قد ايه وقت ولا امته بس صحيت على سرير في اوضه عاديه جدا مش مخزن لا طلعت بره الاوضه دي في شقه غريبه عليا لحد ما وصلت ل الصاله بتحرك بخطوه تردد طلعت الصاله دي لقيت اخر حد كان عمي علاء

انا :: ( باستغراب ) عمي علاء

علاء : ( بابتسامه ) صباح الخير يا باسل

انا :: انا فين وبعمل ايه هنا

علاء : اقعد بس وانا هحكي ليك

انا :: ( قعدت قدامه بس في وضع استعداد علشان لو حاجه حصلت اعرف اتصرف اهرب ولا اقوم ) خير

علاء : ( بص ليا وفهم اللي في دماغي ابتسم ) بص يا باسل انا اللي طلعتك

انا :: ازاي

علاء : بص يابني بعد اللي حصل ساعة الانتخابات من عمك عا** وانا حطه تحت عيني وكان في تصرفات غريبه جدا ليه وبعد اللي حصل ليك نبشت وراه شويه مش عارف ليه حسيت انه سبب في اللي حصل ليك وطلع عندي حق ازاي الصحافه عرفت القضيه بتاعتك ( اصل في الوقت ده كان في مشاكل سياسيه كتير جدا في مصر والصحاف والاعلام مش فاضي لقضيه زي دي نهائي لانها لا تذكر اصلا ) عرفت انه اكيد طرف فيها بدأت ادور في علاقاتك السابقة مع الناس في القاهره لحد ما وصلت لمرفت وعرفت الحاجه اللي انتا طلبتها عن ام سندي ، وصلت لممدوح وخليته يهربك

انا :: وبعدين عمي بيعمل كده ليه انا كنت رايح ليه علشان افهم ويساعدني

علاء : اللي عرفته من البحث في الموضوع بتاعك انه جاله تليفون من شخص انك لازم تطلع مجنون وتدخل المستشفي اللي كنت فيها

انا :: اممممم طيب اكيد انتا مطلعني ودماغك فيها حاجه

علاء : لا انا عايز اطلعك بس انتقامك بقي انتا ترسمه بنفسك

انا :: سما فين

علاء : سما ماتت

انا :: ماتت!!!!!! ازاي

علاء: بعد اللي حصل ليك المستشفي بتاعتها انفجرت وهي المفروض انها جوه بس جالي خبر انها طلعت على فرنسا

انا :: خبر اكيد

علاء : اكيد

انا :: عايزها

علاء : ( ولع سيجاره ومد ايده في جيب الجلبية من جوه انا مسكت الطفاية كا رد فعل طبيعي عن عدم الثقه ابتسم ليا وطلع ظرف ) انتا بتعرف تتكلم فرنساوي

انا :: على قدي بس بتكلم انجليزي كويس

علاء : طيب الظرف ده فيه ورق وباسبور بس مش باسمك باسم عمرو حمدي محروس طالب في منحه لدراسه القانون في فرنسا متقلقش الورق مش مضروب ومعاك عنون لواحد صحبي هناك هيساعدك لو حبيت تنتقم من سما بس نصيحه متخدش بيها انتقم ولو حابب تستقر هيساعدك تاخد ورق غير ده وتروح اي حته في العالم بس مصر وفرنسا لا ( ساب جواز السفر قدامي ) اختار

انا :: مفيش قدامي غير اني اسافر وهناك اختار

علاء : كويس احنا هنطلع من هنا على مطار اسيوط مش هينفع تطلع من القاهره

انا :: اشمعنا اسيوط

علاء : ليا واحد حبيبي هناك ليا عنده خدمه او بالأصح ابوك ليه عنده خدمهيلا قوم افطر الاول علشان نسافر

قومت فطرت وخدت دش ونزلت انا وهو كان محضر عربيه طلعنا على اسيوط لبلد اسمها خان المحمدي كان مستاني حد هناك اسمه الحاج راضي المحمدي كان مستني بره استقبلنا

راضي : يا اهلا وسهلا بناس المنيا الجدعان حاج علاء اخبارك

علاء : ( خده بالحضن ) انا تمام يا حاج

راضي : ( بص ليا ) هو ده

علاء : ايوه

راضي : ( فتح دراعاته ) خش في حضني يا غالي

انا :: ( بدون ابتسامه سلمت عليه ) اهلا

راضي : ( بص ليا بابتسامه ) اتفضلو

دخلنا البيت عنده وانا عيني بتفحص كل ركن فيه زمان لو دخلت بيت حد غريب ادخل اعمي واطرش واخرس بس دلوقتي لازم اخد بالي من كل التفاصيل ( الشيطان يسكن التفاصيل ) رحنا مكتب كبير و فخم جدا قعدنا

راضي : منورين والله بجد بس انا عاتب على باسل افتح ليك دراعاتي تعمل كده

انا :: ( بهدوء ) انا معرفكش علشان ادخل في حضنك

راضي : ( رفع حاجبه باستغراب ) فعلاً العشر سنين الاخير مكانتش رحيمه بيك انا عارف انك كنت في جحيم

انا :: ( بتعبير جمود ) لا متعرفش

راضي : ( بيحاول يخفف الحده بتاعتي ) ايه رايك في د*كور المكتب

انا :: كويس

راضي : انتا عارف انه ذوق ابوك جلال

انا :: انتا تعرف ابويا

راضي : ايوه ابوك وقف جنبي كتير جدا اكتر ما اتخيل او انتا تتخيل ولما قررت ارد ليه الجميل طلب مني اسميك اختار ليك اسم كان باسل جلال راضي

انا :: ( مش عارف جوه مني حاجه بتقول متصدقش ) طيب

راضي : وحشني يا علاء ياخويا انتا عارف لولا الموته بتاعت اخويا جمال كنت عملت فرح علشان ابن اخويا وصاحب عمري شرفني لاول مره

علاء : يا راضي انا عارف اخوك جمال كان غالي علينا كلنا فين ابنه

راضي : في الفندق بيقضي يوم وراجع

علاء : اسمه ايه

راضي : اسمه ايهاب ( ايهاب ده ليه قصه طويله جدا هنحكيها ف رواية تانية مشتقه من الروايه دي )

علاء : طيب عملت ايه في موضوعي

راضي : انتا بتقول ايه يا جدع انا مش موافق طبعا يسافر هو بس يشرفني اسبوع بس وتكون الست دي واللي ورها عندك هنا

انا :: معلش انا بحب اخد حقي بايدي

راضي : طيب يا باسل سافر بليل تكون ورديه الامن دي خلصت علشان الضابط بتاعها رخم بتاع باليل سهل

علاء : طيب الليل ستار برضه

بعد شويه حضره الغدي واتغدينا وطلعنا على المطار ودخلت جوه محدش كلمني ولا سأل انتا رايح فين ختمت الجواز بتاعي واصريت اقعد لوحدي وهما يمشه قعدت افكر في كل حاجه وافتكرت يوم المطار لما سافرت شهر عسل مع سندي وشوفتها قدامي

سندي : انا جبت ليك قهوه من البوفيه اللي بتحبها

انا :: شكرا يا قمر

سندي : ( مبتسمه في وشي ) مالك يا باسل عينك مطفيه

انا :: علشان النور اللي فيها اتخ*ف مني

سندي : مفيش نور بيتخ*ف ممكن الضلمه تغطي عليه بس النور هنا ( شاورت على قلبي ) بس ده ( شاورت على عقلي ) هو سبب الضلمه من التفكير وتحليل الاشخاص والتفكير في المشاكل

انا :: لو حكمت قلبي هكون ع**ط يوم ما حكمته دفعت الثمن بعدي عنك

سندي : و يوم ما حكمت عقلك النور اللي جواك اختفي ( ابتسمت ليا اكتر ) بس انا واثقه انك هترجع علشان النور عامل زي النار اللي محدش يقدر يطفيها

بصيت ليها انا مبتسم وغمضت عيني فتحتها لقتها اختفت شكيت انه هلوسه من اثار الادويه اللي في جسمي ابتسمت وجيه معاد الطياره ركبتها وبعد كام ساعه كنت في مطار شارل دي جول طلعت ورقه العنوان اللي معايا وركبت تا**ي وصلت هناك كانت بار في مكان شكله غريب ومريب دخلت جوه لقتها فاضيه سألت واحد واقف جوه شغال هناك ( توضيح الكلام كله بالفرنسي او انجليزي بس هكتبه بالعربي )

انا :: لو سمحت

شخص : ( حط كبايه قدامي فاضيه ) تشرب ايه

انا :: شكرا انا بسأل على شخص هنا اسمه فرحات السوري

شخص : ( بص ليا شويه وسمعت صوت الباب بيتقفل بالمفتاح ) محدش هنا بالاسم ده

انا :: انتا متأكد

شخص : اكيد

انا :: ( افتكرت كلمه مكتوبه في الورقه ميركوري ) ميركوري

شخص : ( طلع بندقيه من تحت البار والاتنين اللي ورايه طلعه مسدسات ) انتا ايه مخابرات شرطه ولا انتربول

انا :: ( اتصدمت شويه بس حولت ألم نفسي ) انا لا ده ولا ده ولا ده انا جاي ليه من طرف واحد معرفه

شخص : مين هو

انا :: اتكلم قدام فرحات

شخص : ( شد راسي وحطها على البار وحط البندقيه فوق دماغي عدل ) يبقي يتعرف عليك لما وشك يبوظ

سمعت صوت صفاره من وراه سبني الشخص ده عدلت دماغي لقيت راجل ممكن يكون في 50 او 40 بس اول مره اشوفه

شخص : الواد ده بيدور على فرحات السوري

شخص2 : ( قرب ليا وهو باصص عليا ) ده مش حكومه

شخص : مش عارف

شخص2 : ( قعد على البار جنبي وقلي اقعد والشخص الاول نزل ليا كاس فيه خمره ) انتا بقي بتدور على فرحات السوري ليه

انا :: انتا فرحات

شخص2 : ليه انتا متعرفش شكل فرحات

انا :: لا

شخص2 : طيب مفيش حد اسمه فرحات

انا :: طيب لو انتا تعرف دلني على سكته

شخص2 : عايزه ليه قولي اي حاجه تخليني اوصلك ليه

انا :: انا جاي لية مخصوص معرفش اكتر من كده

شخص2 : ( شرب الكاس بتاعه في بق واحد وخلاني باصص عليه وايده التانيه في حنبه طلع مطوي وحطها في بقي وخلاها في جنب بقي وضغط اتكلم عربي ) اول درس هتتعلمة هنا لازم تتوقع كل حاجه من اللي قدامك ( طلع السكينه من بوقي وانا كنت خايف جدا رجع بص قدامه ) حمدلله بالسلامه يا باسل

انا :: انتا تعرفني

شخص2 : ايوه انا فرحات السوري انا اكيد شوفت صورتك قبل ما اقبلك

انا :: يعني انتا فرحات وعرفني ايه لزمت كل ده

فرحات : درس يا باسل درس

انا :: ( اتنرفزت ) درس ايه

فرحات : ( ولع سيجاره ) الدرس انك لو جاي لحد لازم تطلب صوره ليه تعرفه او تعرف عنه اي حاجه

انا :: وانا هعرف عنك اي حاجه ازاي او هشوف صورتك فين

فرحات : كنت طلبت من عمك علاء صوره ليا او وانتا داخل كنت سألت اي حد من اللي واقفين بره على المكان او عليا تاني مره لما تدخل مكان تدخل كا زبون عادي وبعد كده تسأل على اللي انتا طلبه فهمت

انا :: انتا جاي تعلمني هنا

فرحات : انتا عارف يا باسل معني كلمه ميركوري اللي قولتها ايه

انا :: ( بخنقه ) لا معرفش

فرحات : يعني البروفيسور بالياباني

انا :: انتا بتقولي ليه كده

فرحات : ( اتعد ليا ومسك ايدي وبياخدني معاه ) هتعرف بعدين تعاله

دخلنا ممر في الحمام وفي الوش اوضه فيها مكتب عادي تربيزه مكتب وكمان شويه حاجات عاديه

فرحات : اقعد يا باسل اقعد

انا :: ( قعدت ) انا كو

فرحات : ( شاور ليا اسكت وفتح درج طلع منو علبه وجيه قعد قدامي فتحه وطلع منو كيس ابيض وحشيش وكام حاجه تاني ودخل واحد و واحده الاوضه وشد قزازه الخمره اللي قدامه ) اتفضل

انا :: اتفضل ايه

فرحات : واجبك تحب تاخد سطر كوك بيحبها الشباب

انا :: انا مش شمام

فرحات : يبقي بتحب القديم نلف سيجارتين

انا :: ولا الحشيش ( محبتش اقولا اني مش بشرب خالص لازم امط في الكلام علشان ياخد عليا ويفتح ليا باب عقله علشان افهمه )

فرحات : اههههه صح انتا صعيدي يبقي تاخد بانجو لو حابب في مرجوانه

انا :: ولا ده

فرحات : يبقي انتا اكيد مائي تاخد حاجه معينه ولا اختار ليك على زوقي

انا :: مش بشرب خالص

فرحات : ( باصص لكل الحاجات دي ومحتار ) طيب انا اعمل ايه طيب انا حاولت معاك انتا لا مائي ولا هوائي طيب ايه نسوان ( شاور على البنت اللي وقفه ) جامده على فكره وهتبسطك

انا :: ( ضحكت وسكت )

فرحات : ( بص ليا باستغراب وفتح بقه )

فرحات : طيب لما مش ده كمان يبقي ايه ادلي فرصه اعمل معاك واجب طيب اي حاجه

انا :: طيب لازم تعرف حاجه عني انا لا خمره ولا م**رات

انا :: انا مش بحب العك ولا الرمرمه

فرحات : ( شاور للي قاعدين طلعه بره وهو دخل اوضه تانية وطلعه بس مختلف لبس بدله وبلطو ) تعاله يا باسل

رحت معاه وطلعنا من باب في المكتب على الشارع في عربيه ركنه ركب وقالي اركب معاه ركبت واتحركنا من مكنا بعد ساعه سواقه وصلنا لحي هادي جدا وراقي نزلنا لقيته رايح ناحية بيت واحد من الطرف التاني من الطريق ادله التحيه وهو بدله كمان فتح الباب ودخلت معاه جوه

فرحات : اعذرني في الاسئله اللي سألتها في الاول كان لازم اعرف انتا دماغك ازاي اصل انا هدخلك بيتي انتا عارف لو كنت اخترت اي حاجه من اللي عرضتها عليك في الاول كان زمانك مشحون على مصر لعمك

انا :: طيب مفكرتش اني ممكن اختار اي حاجه من باب اني ضيف ولازم اخد واجبي وده عيب اني ارفضه

فرحات : حتي لو وافقت برضه كنت هترجع لانك ساعتها هتكون اتخليت عن مبادئك وده شيء مرفوض ( رحنا الصاله ) اقعد يا باسل اتفضل

انا :: ( قعدت ساكت بصيت على البيت بيت نموذجي عادي بيت هدي مش مكركب لا منظم جدا )

فرحات : طبعاً انتا كنت متخيل اني ساكن في خرابه او في البار مكان ما كنا او هتلاقي بيت في منطقه كلها عصابات او ز**ج زي الافلام صح

انا :: الصراحه ايوه

فرحات : لا ده بيتي انا اساس دكتور في الجامعه هنا بدرس فلسفه

انا :: دكتور في الجامعه!!!!!! ازاي انا البني ادم اللي شوفته ده مستحيل اطمن انه يدرس لابني في جامعه او مدرسه او حتي حضانه

فرحات : هههههههه طيب يا عم بي باسل اللي شوفته دة واحد تاني خالص اسمه مارك انا هناك اسمي مارك علشان كده كانو هيقتلوك لما سألت على فرحات السوري

انا :: انتا ايه حكايتك وتعرف عمي منين

فرحات : طبعاً انتا عارف عمك زمان كان طالب في جامعه بس بره مصر الجامعه دي جامعه دمشق كنت انا وهو اصحاب بس انا كنت عصبي شويه ثوري بس عمك كان ملهوش في السياسه اتخرجت وفضلت انا وعمك اصحاب انا اتعينت في الجامعه معيد اتجوزت وخلفت في يوم مراتي كانت في الريف بتزور اهلها وحصل قذف بالطيارات والقريه دي اتحرقت بالي فيها طبعا وقفت واتكلمت وفي محكمه العدل الدوليه بس موت يا حمار الحكومه حطتني في دماغها فهربت لعمك ساعدني اني اهرب هنا واداني فلوس كتير ابدأ بيها هنا اول ما وصلت كان لازم اكون اتنين واحد قوي واحد ضعيف واحد يض*ب واحد يتضرب

انا :: ( بصيت ليه بملامح حزن اول مره اسمع قصه حزينه اكتر مني ) فهمت

فرحات : اسمع يا بطل انتا ارتاح النهارده وبكره نتكلم

انا :: انا معنديش وقت لبكره

فرحات : سما صح ؟

انا :: اد*ك عارف

فرحات : لازم تفهم انك هنا مش في مصر من غير عيله ال**دي بس سما هنا اقوي من عيله ال**دي بكتير علشان توقف قدامها لازم تاخد وقت شويه وتتحط تحت العين

انا :: مش محتاج ده كله انا محتاج منك حاجتين بس

فرحات : وانا سداد

انا :: بندقيه قنص وتليفونها وعنوان بيتها

فرحات : علشان ايه كل ده ؟

انا :: اعرف مكان بيتها اكلمها اعرفها اني شايفها واقتلها ساعتها تعرف اني اخدت حقي

فرحات : ( طلع ورق من جيب البدله وفتحه ) ده تقرير انك مجنون عارف يعني ايه مجنون جنب الحكم بتاعك الورقه دي بقت عند الحكومه نقطه سوده في ملف العيله عندكم غير بقي ابنك قدام هيكون ابن مجنون

انا :: انا معنديش اولاد

فرحات : انتا مش مراتك قصدي طلقتك كانت حامل

انا :: كانت حامل دلوقتي معرفش هي فين ولا مع مين اكد هي سعيده وابني او بنتي انا برضه معرفش عنه حاجه

فرحات : ليه مفترض انه عاش ممكن تكون نزل اين كان مصير كل دول لو موجودين هما بيدفعه ثمن غبائك و لو مش موجودين ف عيلتك بتدفع ثمن غبائك غباء علشان نزلت سلاحك الوحيد اللي كان في وش عدوك الطلقه القاضية

واحنا بنتكلم لقيت بنت دخله علينا من جوه البيت لبسه بيجامه بشرط قصير

فرحات : صباح الخير يا حبيبي كل ده نوم

بنت : سهرت اذكر متأخر

فرحات : طيب اعرفكم ببعض دي يا باسل بنتي وده يا روان باسل ال**دي عمه يبقي علاء ال**دي صحبي بتاع مصر

روان : اه اهلا وسهلا شرفت

فرحات : ( بص في الساعه ) طيب انا عندي محاضره في الجامعه اسبكم تتعرفه سلام

مشي فرحات وعرفت هو عرض عليا الخمره والم**رات والنسوان ليه علشان يطمن اني ادخل بيته وبنته فيه قعدت روان

روان : قولي يا باسل انتا عندك كام سنه شكلك كبير

انا :: مش عارف

روان : ( باستغراب ) مش عارف ازاي في حد ميعرفش عنده كام سنه

انا :: الصراحه بطلت اعد بس انا مواليد 1990

روان : يعني عندك 30 سنه كده

انا :: ممكن

روان : عندك اولاد متجوز

انا :: مش عارف برضه

روان : ليه انتا عندك فقدان في الذاكره ونمت في تابوت صحيت لقيت نفسك هنا

انا :: ليه هو انا عوكل

روان : ( ضحكت ) ههههههه ايوه يا عم فك كده اوعي تكون فكرني فرنساويه لا ده انا عربيه ومصريه اكتر منك

انا :: ماشي يا ستي

روان : قولي بقي ايه حكايتك

انا :: لا حكايتي طويله جدا

روان : احكي

انا :: لا اصلها حكايه كبيره قوي

روان : هو حد قل ليك اني عندي اجتماع في مجلس الاتحاد الأوروبي ياعم احكي

انا :: ( خدت نفس عميق وبدات احكي لروان كل حاجه عني من الاول للاخر ) بس يا ستي

روان : ( بصه ليا وهي مندهشه ) انا عايزه كاس دلوقتي تشرب ايه هجبلك كاس معايا هجبلك طيب ( راحت ورجعت معاها كاسين وقزازه نبيت وصبت ليا وليها واحد ) وانتا بقي يا باسل ليه مفكرتش توصل لمراتك او طلقتك وابنك او بنتك

انا :: مش عارف كنت بفكر اني لازم اخلص من اللي ورايا الاول وبعد كده اروح ليهم

روان : انتا مش بتشرب ليه انتا م**وف

انا :: لا بس مش بشرب خمور

روان : بس دي مش خمره

انا :: ( مسكت قزازه النبيت وقريت الس عليها ) ده نبيت ال كنت شرمل دي مرتل تعتيق 1850 زوقك حلو بس نصيحه ممكن تجربي الدوق سيباستيان لو انتي بتحبي النكهات القويه

روان : ( باندهاش ) انتا بتفهم في النبيت كمان ازاي مش بتشرب

انا :: انا قولتلك انا كان عندي مطعم سبع نجوم وفي ناس بتحب الشرب

روان : طيب يا سيدي في قانون في البيت ده م***ع شرب الخمور بس ده نبيت 0 كحول بس لو عايز تشرب ممكن تروح البار

انا :: بار!!!!!

روان : ايوه بابا عنده بار انتا متعرفش

انا :: لا معرفش

روان : انتا متعرفش تكذب لازم تمرن نفسك ازاي تكذب من غير حد يعرف انا عارفة بابا عنده بار وعارفة نشاط بابا كله

انا :: نشاط ابوكي اللي هو

روان : ( شربت الكاس ) معرفش لازم هو اللي يقولك تعاله معايا اوريك الاوضه بتاعتك

قومت معاها رحنا اوضه في الدور الثاني البيت ثلاث ادوار دخلت الاوضه وغيرت لبسي وخدت دش وقعدت افكر في فرحات انا كان عندي قدره اني اقري الناس بس ده لا ، صعب انك تقري واحد دارس فلسفه كويس وده دليل من الكتب الكتير موجوده في البيت صحيح احذر اذا انحرف المتعلمون فصلت من التفكير على صوت روان بتقول ان العشا جاهز نزلت تحت كان فرحات قاعد على السفرة قعدت اتعشيت معاة وطلعت انام اريح جسمي شويه تاني يوم صحيت من النوم نزلت تحت

فرحات : ارتحت في النوم

انا :: مش هيكون في راحه غير لما اخد حقي

فرحات : ( بص قدامه ورجع بص ليا ) بص يا باسل عارف مثل اللي يعمل مبيقولش والي بيقول مبيعملش

انا :: ايوه

فرحات : اهو انا ماشي بمثل تاني خالص هو اللي بيقول بيعمل باللي بيعمله تصغير لغضب كبير جوه لازم يا باسل تتحكم في غضبك وتعرف توظفه كويس علشان يوم ما تعوزه يكون سلاح في ايدك مش السلاح اللي تموت به

انا :: يعني

فرحات : يعني لازم تهدي شويه وتفكر ازاي تطلع من هنا **بان لازم تطلع من هنا وانتا منتصر ولو خسران في عين عدوك فهمت

انا :: فهمت

فرحات : قولي بقي اخبار البلد ايه واعمامك كلهم

انا :: كويسين

فرحات : انتا عارف سبب اللي عمله عمك عا** معاك

انا :: لا مش مهم السبب المهم اللي هعمله معاه

روان : ( ضحكت ) ههههههههه برضه متعلمش

فرحات : لسه بدري عليك يا باسل بس لازم تعرف اسباب الناس ساعتها هيكون دافع قوي ليك ، عمك عا** عمل كده علشان علمت عليه وفكرته بابوك زمان ابوك كان زكي وشاطر وماسك خيوط العيله كلها في ايده كان عمك اسماعيل الله يرحمة لما كان كبير العيلة كان مجرد وجها لافكاره وطموحاته في العيله بس عمك عا** كان متمرد علشان كده تبص تلاقي اعمامك كلهم معاهم فلوس وسلطه كبيره لكن عمك عا** سلطته في منصبه بس ابوك كان كاسر شوكته ومخليه ضعيف مش فرض سيطره لا علشان اللي زي عمك عا** ده لو ملك الحيله يا ويلك منة ، انتا عارف انه بقي وزير الداخلية يعني لو كنت دخلت بيته وعملت اللي عملته او ناوي تعمله كان زمانك ميت لو عرفت تعدي الحرس بتوعه اصلاً فكر يا باسل عدوك قوي بس مش زكي خلص افطر علشان تيجي معايا يلا

فطرت معاه ونزلنا رحنا البار دخل من باب خلفي زي المره اللي فاتت وغير هدومه وطلعنا ركبنا عربيه تانيه ورحنا على طريق بعيد دخلنا مستودع مهجور لقيت رجاله كتير وقفه وفي واحد مربوط ومرمي على الارض دخلنا وساعتها شخصيه فرحات اتغيرت خالص لشخص سيكوباتي

فرحات : بترو بترو بترو عامل ايه

بترو : ( الشخص المربوط ) مارك سبني امشي

فرحات : لا ( بضحك ) ههههه انا قولت ليك ابعد وانتا مسمعتش كلامي علشان كده لازم تدفع الثمن ( طلع مسدس وحطه في ايدي ) اقتله

انا :: ( بصيت للراجل ده راجل ضعيف اقتله ليه ) انا مش قاتل

فرحات : انتا مش جاي تقتل اعتبره تدريب على الاهداف الحيه

انا :: اللي جاي اقتله بيني وبينه طار لكن ده معرفهوش

فرحات : اقتله واقولك سبب القتل

انا :: لو عرفت السبب هيكون سلاح في ايدي قولي السبب

فرحات : ( ابتسم ليا ) شاطر شكلك بتتعلم بسرعه ( طلع مسدس تاني من جنبه وهو باصص ليا وض*ب بترو بالنار ) تعاله يا باسل ورايه

انا :: ( غضبي طلع ) انتا قتلته ليه ؟

فرحات : ( ببرود ) علشان عايز اقتله علشان قادر اقتله

انا :: ( حطيت المسدس في رقبته والكل الرجاله اللي حوليه رفعه سلاحهم في وشي ) وانا كمان قادر اقتلك

فرحات : ( بنفس البرود ) بس مش عايز

انا :: انتا ادتني سبب دلوقتي ( دوست على الزناد بس المسدس فاضي )

فرحات : ( ضحك ) هههههه انا مش جايبك من مصر علشان اوسخ ايدك بدم يخصني تعاله

مشيت معاه وانا متخدر رجعنا البار تاني وطلب كاس

انا :: انتا عملت كده ليه ده راجل ضعيف

فرحات : انا عملت كده لسبب

انا :: سبب مفيش سبب للقتل

فرحات : ( بص ليا وهو مندهش وساعتها ايقن ان باسل رغم انه ذكي بس طيب ومش جاي ف نيته القتل ) انا هقولك السبب اللي مات ده اسمه بترو واحد من زعماء المافيا الروسيه هنا شغله في اوحش حاجه واكتر حاجه انا بكرها ، في هنا للاجئين سورين ومن اليمن البلاد اللي فيها خراب وحروب هربه من بلادهم علشان يعيشه هنا في مكان انضف البيه واللي زيه بستهدفه البنات دي ويشغلهم في الدعاره وهما علشان محتاجين يوفقه انا عرفت بالصدفه من روان لما واحده صحبتها عرضت عليها تشتغل معاها في المدرسه تخيل بنت عندها 18 سنه بتنام مع الشباب علشان بس تعرف تجيب اكل لامها وتعلم نفسها هو واخوتها

انا :: ازاي والقانون فين البلد دي فيها سياده قانون

فرحات : ( ضحك من قلبه جامد كائني قولت نكته ) ههههههههههههه قانون هههههههههه ( بص للساقي بتاع البار ) ههههههه بيقولك قانون

الساقي : ( ضحك ) هههههه ( فتح القميص بتاعه وراني جرح كبير جدا في ضهره ) ده جرح بسبب واحد كان بيبيع م**رات في الشارع ابني اتعلم منه واشتغل معاه ساعتها انا خرجت عن شعوري ورحت لالبوليس ابلغ عن الراجل ده والي مشغله كانت النتيجه جرح زي ده وابني مات جرعه زياده اشرب أشرب ههههه قانون

فرحات : بص يا باسل لو في بلد فيها موظف واحد او ضابط واحد مرتشي اعرف على طول ان البلد دي مفيش فيها قانون القانون الوحيد للفلوس وطول عمر الناس جعانه للفلوس اللي عنده مليون زي اللي عنده مليار كلهم عايزين فلوس ( قام فرحات وكلمني في ودني ) صدقي يا ابني ال 10 سنين بتوع المستشفي بتاعتك جحيم بس كل واحد عنده الجحيم اللي على مقاسه

سبني فرحات وانا قعدت افكر في كلامه

_______________

المشهد العام

باسل قدر يطلع من المستشفي من الجحيم بس فقد شيء من كيانه في المستشفي بس لما طلع لقي العالم بقي ظالم اكتر مما تخيل هرب من الجحيم بتاعه لجحيم تاني اسمه الدنيا زي ما فرحات قال ( كل واحد له الجحيم اللي على مقاسه ومحكوم عليه يعيش فيه ضريبه ) باسل كان مش عارف يفكر اللي شافه في الكام يوم دول خلوه يكتشف عالم جديد ومجبر انه يتأقلم معاه اصل باسل مش هيصلح كل اخطاء الكون ***