اعداء بالدم

الحلقة ال _ 37 #الصداقة

#اعداء_بالدم

#الجزء_الثاني

#الحلقة_الخامسة_والسادسة

#الصداقة

الصداقه حاجه مهمه جدا لازم يكون في حياتك صديق تثق فيه علشان لما تحتاج حيطه تتسند عليها تلاقي ولازم الواحد يكتر من الصحاب علشان كل واحد ليه يوم يقع فيه ولازم يكون في حد جنبه

بدايه الحلقة

رجع باسل من التمرين وقعدنا نتغده مع بعض على السفره

انا : بقولكم ايه تيجو نسافر

سندي : نسافر فين

انا : اي حته نغير جو وكده

مني : ايوه فين يعني

انا : ( فكرت شويه وحسيت اني مقصر في حق فرحات) بقولكم ايه احنا نروح فرنسا في واحد صاحبي هناك عايز ازوره ومقصر في حقه جدا

امي : مين ده

انا : فرحات صاحبي

امي : فرحات السوري

انا : ايوه هو صاحب عمي علاء

سندي : انا موافقه بس انا جواز السفر بتاعي خلصان

انا : يا ستي بكره نجدده مش صعبه يعني

ليليان : طيب انا كده هيفوتني معاد التقديم لي الجامعه

انا : برضه دي مش مشكله بكره تتحل

ليليان : انتا كل حاجه عندك سهله كده مفيش صعب

انا : الحياه سهله

ليليان : طيب انا م***عه من دخول فرنسا

مني : ( استغربت ) ليه

انا :مش مهم بكره اكلم السفاره ولو في اي مشكله اخلصها وبعدين يا مني بنتك بتختبرني

باسل : بقولك ايه فكك من فرنسا ونطلع عند عمو محمد نقضي اسبوع

انا : عايز تقعد مع ندي انتا صح

باسل : ( ات**ف ) بص في طبقك طيب وكمل اكل

انا : ماشي يا لمض

خصلنا الغدي وقعدنا نهزر ونضحك وامي ترخم عليا وانا قاعد ساكت مش عارف ارد عليها اصل هرد عليها تلبسني في حيطه تاني ، كان النهارده يوم سندي طلعنا الاوضه وهي دخلت الحمام وانا قعدت على السرير طلعت .

انا : ايه الحلاوه دي بس

سندي : (م**وفه) بجد حلوه

انا : انا مش بعرف اجامل ( تليفوني رن رقم بريڤت ) انا ناقص امه دلوقتي

سندي : طيب رد لحسن تكون حاجه مهمه

انا : مفيش اهم منك ( قفلت التلفون ) تعالي يا بطه

قربت من سندي و ، لقيت الباب بيخبط

انا : ده وقته مين

مني : ( من بره ) انا يا باسل

سندي : ( بي غيره ) ودي عايزه ايه

انا : في ايه يا مني

مني : عايزاك دلوقتي

سندي : لو قمت هقتلك

انا : بطلي جنون ( كلمت مني ) بكره يا مني نتكلم

مني : مينفعش لازم دلوقتي حالاً

انا : ( قومت فتحت الباب وانا بقول انا اللي جبته لنفسي طلعت) في ايه يا مني

مني : (ادتني تليفون) خد رد بسرعه

انا : يعني انتي عايزاني ارد على التلفون ده دلوقتي حالا ليه

مني: رد بس

انا : ( اخدت منها التلفون وانا منفعل ) الو مين

شخص : باسل بيه ال**دي معايا

انا : ( بلهجه هجوميه ) ايوه خير

شخص : انا احمد اسامه مدير مكتب رئيس الجمهوريه

انا : وده مبرر تكلمني في وقت زي ده

احمد : لا بس حضرتك مطلوب في رئاسه الجمهوريه حالاً

انا : مين اللي طلبني انا مش بنزل من البيت في الوقت ده

احمد : يا فندم انا عارف نظام حضرتك بس حضرتك مطلوب في اجتماع مع الريس حالاً

انا : ( سمعت الكلمه ودمي نشف ) طيب انا جاي في الطريق حالاً

قفلت

انا : خدي يا مني

مني : عرفت انا عايزاك ليه

انا : خلاص يا مني اتفضلي

دخلت الاوضه بعد ما مني مشيت

سندي : ( قعده على السرير مكشره وماده بوزها ) كانت عايزك في ايه

انا : هي مش عايزني

دخلت لبست

سندي : رايح فين

انا : مطلوب في رئاسه الجمهورية حالاً

سندي : الرئاسه؟؟؟؟؟؟ ليه

انا : انا عارف ، بقولك ايه انا مش هتأخر اوعي تنامي

سندي : ماشي

نزلت تحت

سامح : انتا طالع

انا : ايوه انا وانتا بس بلاش حراسه

سامح : رايح لي سليم

انا : يا ريت رايح ل سليم اتحرك على قصر الرئاسة

سامح : نعم

انا : بقولك ايه يا سامح الواحد دماغه مش فيه يلا بسرعه خلينا نشوف الليله دي هتخلص على ايه

ركبت مع سامح وانا بفكر هما عايزني في ايه انا مليش شغل مع الحكومه ولا الدوله خالص ، وصلنا الرئاسه بعد تفتيش جامد وسامح فضل بره هما رفضه دخوله وصلت لمكتب

شخص : اهلا يا باسل بيه شرفت راسه الجمهوريه

انا : (مبتسم) الشرف ليا انا

شخص : انا احمد اسامه اللي كلمت حضرتك

انا : اهلا يا احمد هو انا هنا ليه

احمد : انا معرفش انا حاولت اوصل ليك بس تلفون حضرتك اتقفل فا كلمنا مني هانم الديب هي المدام

انا : طيب ايه الشيء المهم قوي ده

احمد : انا مش عارف بس الريس طلب حضرتك بالاسم

انا : طيب

قعدت شويه وبعد كده دخلت المكتب الرئيسي

الرئيس : اهلا يا باسل اتفضل اقعد

انا : شكرا يا فندم

الرئيس : بلاش حد يدخل يا احمد .

احمد: تمام يا فندم

طلع احمد

الرئيس : طبعا انتا مستغرب وجودك في الوقت ده صح

انا : لا يا فندم وجودي هنا في اي وقت شرف كبير ليا

الرئيس: طبعا انتا عارف رئيس الوزراء وكمان مدير المشروعات العمرانيه

انا : طبعا يا فندم

الرئيس : باسل احنا في حرب ، في ناس بتحاربنا علشان منقفش على رجلنا

انا : عارف يا فندم بس احنا قادرين نسد قدام اي حد احنا دوله مش صغيره

الرئيس : طبعا طبعا ، بص يا باسل احنا في المشاريع العمرانيه الجديده بنجيب الحديد من بره مصر مفيش شركه او مصنع قادر يلبي احتياجنا في مصر

انا : تمام

الرئيس : بس الناس اللي بنحاربهم واقفه فيها دلوقتي يا نوقف شغل يا نتصرف من مص*ر تاني ، باسل انتا شغلك قايم على مناجم الحديد في اكتر من بلد في العالم كله روسيا الهند اليابان الصين وسط أروبا

انا :ايوه يا فندم

الرئيس : احنا عايزينك تكون مورد الحديد للدوله ودي مش حاجه قليله

انا: طبعا يا فندم انا موافق بس في شويه حاجات لازم نتفق عليها الاول

الرئيس : اللي هيا قول كل شروطك

انا : لا هي مش شروط قد ما هيا طلبات وتهم الدوله تتنفذ اكتر مني انا شخصيا اولا مينفعش حد يعرف اني المورد الحقيقي للدوله علشان شغلي ميقفش ومش عايز اكون هدف في حرب الدوله ، دي حرب كبيره جدا عليا وانا مش قدها

الرئيس : ده يهمنا اكتر منك

انا : تمام ثانيا بقي لازم يكون في شويه تسهيلات من الدوله ليا

الرئيس : (وشه قالب) زي ايه

انا : حاجه بسيطه تأمين الصحي للعمال عندي على حساب الدوله بس

رئيس الوزراء: بس كده

انا : لا كمان في حاجه تانيه اي دفعه هتتسلم للدوله قبلها بي 84 ساعه يكون مدفوع تمنها وده طبعا علشان اقدر اوفي الدفعات ل الدوله

الرئيس : تمام شروطك بسيطه وتتنفذ بسهوله

انا : انا قولت لي حضرتك في الاول دي مش شروط قد ما هيا طلبات بسيطه جدا بي جره قلم تخلص

الرئيس : تمام تمام انتا راجل شريف انا مشوفتش طلب واحد ليك شخصين

انا : انا مش محتاج حاجه يا فندم انا بس عايز اشتغل

رايس : واحنا يهمنا انك تشتغل انتا تحت ايدك عماله كبيره

انا : ربنا يقدرنا يا فندم

رايس : شرفت يا باسل شرفت

طلعت من المكتب بس وانا مش قادر اتنفس نزلت تحت ركبت

سامح : نرجع

انا : على سليم فورا

اتحركت لي سليم

سليم : خير يا باسل

انا : كارثه مش خير

سليم : طيب ايه هيا

انا : الدوله عايزاني اشتغل معاها

سليم : احنا عارفين ولا مش عايز تخدم بلدك

انا : اومال شغلي معاكم ده ايه

سليم : احنا حاجه والدوله حاجه تانيه

انا : يعني ايه مش فاهم

سليم : يعني احنا وش من وشوش الدوله

انا : يا سليم انا كده تحت المنظار

سليم : وايه الجديد انتا طول عمرك تحت المنظار شغلك مع الحكومه مفيد ليك

انا : انتا شايف كده

سليم: ايوه واتفضل بقي علشان عايز انام

انا : مش عارف انتا بتنام ازي في بيت الاشباح ده

سليم : ملكش دعوه ملكش دعوه اتفضل

طلعت من عند سليم ورجعت البيت رحت ل سندي لقيتها نايمه هي ليله باينه من اولها مضروبه بالنار خلعت ونمت جنبها صحيت الصبح نزلت تحت افطر

انا : صباح الخير يا سندي

سندي :انتا اخرت ليه

انا : كان اجتماع مهم

سندي : يعني معرفتش تخلع منه

انا : اخلع من مين ده اجتماع مع رئيس الجمهوريه عارفة يعني ايه رئيس الجمهوريه

مني : اجتماع ل ايه بقي

انا : موضوع كبير اوي فين الفطار

سندي : دقيقه ويكون جاهز

انا : فين ماما راحت فين

سندي : نايمه

انا : نايمه ناجية نايمه لحد دلوقتي اكيد في حاجه

طلعت لي امي الاوضه وخبط ودخلت

انا : ايه يا ناجية

امي : في ايه يا باسل

انا : انتي منزلتيش ليه ونايمه لحد دلوقتي يعني

امي : تعبانه شويه

انا : تعبانه ( حطيت ايدي على دماغها ) انتي سخنه قوي

امي : دور برد بس

انا : طيب اجيب دكتور

امي : لا لا شويه واقوم

انا : لا لازم دكتور ( طلعت تليفوني وكلمت سعد هو رايس المستشفي الجديد ) الو يا سعد

سعد : صباح الخير يا باشا

انا : اسمع ابعتلي اشطر دكاتره عندك على البيت بسرعه

سعد : في حاجه معينه

انا : الحاجه تعبانه شويه

سعد : طيب مسافه السكه

قفلت مع سعد ولقيت امي بتترعش جامد وتعبانه نصف ساعه وكان في دكاتره في البيت كشفو على امي

كتور : الضغط واطي شويه وكمان المناعه مش كويسه والسكر عايز يتضبط ودور برد صغير

انا : تحب تزود حاجه على الاوردار ، ايه كل ده

امي : اهو كل ده سببه التكيف والتليفون

انا : والنت كمان صح

امي : ايوه صح

انا : خلاص يا دكتور هي بقت تمام

كتب ليها الدكتور على علاج وسندي ومني قعدو معاها

انا : ليليان فين الملف بتاعك

ليليان : معايا فوق

انا : طيب طلعيه وانا رايح البس واشوف القصه دي

طلعت البس ونزلت خدت الملف بتاعها وجواز سفر سندي ورحت ل ماهر دياب المكتب

ماهر : اهلا اهلا ب باسل بيه شرفت المكتب يا باشا

انا : اهلا يا ماهر

ماهر : تشرب ايه يا باشا

انا : لا مش لازم امسك ده ملف ليليان بنت مراتي خلص كل الإجراءات عايزها طالبه في الجامعه

ماهر : يا باسل مني الديب جتلي وانا قولت ليها انا عايز ايه

انا : باسل ومني طيب اسمع يا ماهر انتا بيا من غيري مش هتغلب

ماهر : وانتا كمان من غيري مش هتغلب

انا : طيب ( بصيت لي المكتب ) مكتب جميل يا ماهر هيصعب عليا يتحرق

ماهر : لا دي بعيده شويه

انا : ( ابتسمت ليه ) مفيش حاجه بعيده في الزمن ده

سبت الملف قدامه ونزلت روحت مدريه الامن اقابل اشرف فضل لاطعني بره ساعه وبعد كده دخلت

اشرف : خير يا باسل انا مش فاضي

انا : كل خير ( اديته جواز سفر سندي ) عايز اجدد الجواز ده.

اشرف : روح الجوازات ده مكتب مباحث

انا : طيب ليه اروح ل حد لما ابن عمي وصاحبي هنا

اشرف : وانتا عملت حساب ل الصحبة دي قوي

انا : اشرف بلاش تدخل مشاكل ابوك معايا بينا

اشرف : لا يا باسل انتا الي بدات

انا : طيب ( خدت الجواز ) بقولك ايه خف شغل انتا وفرق البحث اللي مشكلها ، مش هتلاقي عليا حاجه ومهما وصلك عني وحش انا عملت الاوحش

طلعت من عنده أديت الجواز ل سامح ورحت الشركه خلصت شغلي ورجعت البيت اتغديت

انا : بقولك ايه يا ليليان انتي عايزه تدخلي ايه

ليليان : اعلام الكنديه

انا : الكنديه كويس بس في حاجه عايزين نتكلم فيها

ليليان : ايه هيا

انا : اللبس بتاعك مش عاجبني

ليليان : بس عاجبني

انا : بصي يا ليليان انا مش عايز امارس عليكي جو جوز الام بقي والتعسف بس لبسك غريب يعني انا عشت في باريس شويه حلوين محدش لبسه كده ، طيب شورت وعرفنا لكن المقطع ده غريب

ليليان : في ايه خليك متحضر شويه

انا : طيب اتني ركبتك كده

ليليان : ( تنت ركبتها فا طلعت بره من القطع ) اهو

انا : اهو كده مثلا ليه ركبتك طالعه بره انتي عارفه ليه انا بدلعك ب لولي

ليليان : ليه

انا : علشان انتي لولي لازم محدش يشوفه ولا يلمسه جوه المحار

ليليان : ماشي يا باسل ها فكر

قعدنا شويه وجالي تليفون من ماهر

انا : الو يا ماهر

ماهر : انا هنفز

انا : شاطر يا ماهر تخيل بقي انتا رفضت حاجه صغيره زي دي دان هيتحرقلك مكتب ، لو زعلتني بقي هعمل فيك ايه

ماهر : خلاص انا اسف

انا : اسف دي تقولها لما ادوس على رجلك تمام من هنا ورايح مني هانم مراتي تيجي ليك تنفذ الاوامر وانتا ساكت

ماهر : تمام يا باشا تمام

قفلت معاه وقضينا اليوم وبعد اسبوع سافرنا كلنا باريس وصلنا قولت اطلع على بيت فرحات عدل وفي دماغي انه اول ما يشوفني هيدني قلم علشان مش بسأل عليه وصلتهم الفندق وانا وصلت بيت فرحات خبط

شخص : ( فتحلي ) ايوه مين حضرتك

انا : مش ده بيت البروفيسور فرحات

شخص : لا فرحات مشي من زمان انا اشتريت البيت ده

انا : طيب شكرا

ركبت العربيه وانا بحاول اوصل لي فرحات التلفون مقفول و روان كمان رحت البار ودخلت قبل فيليب ده الساقي بتاع البار

فيليب : ( بص ليا واتخض ) الكونت انتا ايه اللي جابك ؟

انا : دي مقا**ه برضه

فليب : ( بص حوليه ) احنا مش هينفع نتكلم هنا نتقابل بره

انا : ماشي هستناك في الميدان

مشيت ورحت على ميدان ده لما نحب نتقابل فيه لو في مشكله في البار بعد نصف ساعه جالي فيليب

فيليب : انتا رجعت ليه ؟

انا : في ايه يا فيليب كلامك مش مريح وفين مارك مش عارف اوصل ليه

فيلب : ( بص ليا شويه ) تعالى معايا

ركبنا العربيه ورحنا المقابر شوفت شاره القبر ب اسم فرحات اتصدمت جدا

انا : فرحات مات

فيليب : ايوه

انا : مات امته وازاي

فيليب : من سنه

انا : طيب ازاي

فيليب : بعد ما انتا سافرت روان فضلت راكبه دماغها في علاقتها ب فرانك وهو سكت علشان يغيره قربه منه وبقي الشخص التاني بعده قعد فتره على الوضع ده لحد ما فرانك غدر بية وهو اللي مسك كل حاجه دلوقتي

انا : ( بتعبير وش جامد بس حزين ) و روان فين ؟

فيلب : بعد اللي حصل احنا معرفناش انه السبب ، اتجوزها وبعد ما تملك كل حاجه سابها وبعد كده عرفنا اللي حصل منه مع فرحات

انا : روان فين ؟

فيلب : (خبط على كتفي) ارجع مكان ما كنت علشان هو بيدور على الكونت بعد اللي حصل

انا : وانا جتله لحد عنده

سبته ومشيت طلعت تلفوني وكلمت سليم

سليم : ايه لحقت تزهق من الاجازه

انا : النهارده بليل عايز سامح والرجاله عندي في اقرب وقت

سليم : ليه في مشاكل

انا : ايوه في دم

سليم : طيب انا هبعت ليك سامح مع فريق مسح علشان رجالتك مش هتعرف تتصرف في باريس ، واتحرك انتا على سيف هوس علشان العيله هبعت ليك مندوب من السفاره

انا : ماشي

اتحركت على الفندق جبتهم ورحنا السيف هوس

مني : في ايه يا باسل

انا : باسل ليليان اطلعو فوق

قعدت على كنبه اريح وفكرت في فرحات ودموعي نزلت جت مني وسندي جنبي

مني : في ايه يا باسل

انا : صحبي اللي جاي ليه مات

سندي : الله يرحمة طيب بلاش تزعل نفسك ده عمره

انا : سبب الموت اتض*ب بالرصاص اتقتل واللي قتله خد أملاكه وعايش

مني : طيب انتا هتعمل ايه

انا : ملكمش دعوه انا ها عمل ايه انتو قضوا وقت ظريف اتعرفو على بعض

بعد شويه وصل سامح والرجاله ومعاهم ملف كامل ل فرانك وعملياته قعدنا شويه وبليل نزلت انا والرجاله رحنا بيت دعاره دخلت لوحدي

شخص : نورت يا فندم تحب حاجه معينه

انا : لا غلط انتا تعرض بضاعتك وانا اختار منها

شخص : طبعا يا فندم اتفضل من هنا

دخلت اوضه مقسومه نصين وقدامي لوح قزاز انتا تشوف منه لكن اللي على النحيه التانيه مشوفكش قعدت وكل وشويه تدخل بنت ترقص وانا اغيرها

انا : انا عايز دي

شخص : اختيار موفق يا فندم دي تمنها الفين يوره

انا : طيب ابعتها على العربيه بره

شخص : حضرتك تحب تدفع كاش ولا فيزه

انا : (ابتسمت ليه) ولا ده ولا ده

شخص : طيب ازاي

انا : كده يا روح امك ( ض*بته روصيه في دماغه وقع وانا جريته لحد بره كان سامح والرجاله خلصه على الحراسه اللي بره ) عفارم يا رجاله ( اتكلمت بصوت عالي ) كل البنات اللي هنا تقدر تمشي وترجع بيتها تاني ، سامح احرق المكان ده عايزه كوم رماد

طلعت بره وحطيت الحيوان ده في شنطه العربيه واتحركنا على حته هاديه ومقطوعه طلبت منهم ينزلو البنت ويجبوها ليا هي روان اول ما شوفتها خلعت الجاكت وحطيته عليها علشان كان لبسها عريان جدا .

روان : ( بتتكلم وهي بتدمع ) ايه اللي رجعك

انا : النصيب

روان : انتا مش روحت وشوفت حياتك راجع تاني ليه

انا : راجع ارد ديون عليا

روان : صاحب الدين مات ارجع مكان ما كنت

انا : مش قبل ما ارجع حق ابوكي

روان : من مين فرانك بقي قوي جدا وليه علاقات كتير جدا

انا : مش مهم

روان : بقولك ايه انتا لو جاي للمتعه انتا عارف السعر ، لو جاي للانتقام انصحك بلاش ارجع النهارده طول ما انتا قادر ترجع

انا : سامح نزل الحيوان من شنطه العربيه

سامح : ( نزل الق**د وحطه قدامي على الارض )

انا : ( طلعت مسدس وض*بت كام طلقه جنبه ) انتا هتروح ل فرانك وقوله الكونت دراكولا رجع يلا علشان ممكن ارجع في كلامي

طلع يجري وانا اخدت روان تحت دراعي

انا : حقك انتي وابوكي في رقبتي و رجوعه مسؤليه عليا

ختها ورجعت البيت كان الكل سهران تحت

انا : سندي مني دي روان بنت صديق عمري واختي الصغيره

سندي : ( بصت ل لبسها العريان ورجعت بصت ل مني وليا ) اهلا يا روان

انا : خديها يا مني تريح فوق وشوفي ليها لبس غير ده

مني : طبعا اتفضلي يا حبيبي اتفضلي

طلعت بيها مني

ليليان: طيب انا هطلع انام علشان اصحي بكره بدري يلا يا باسل

علي : يلا

طلع علي وليليان

سندي : بص انا مش هزعق ولا اتنرفز ولا هعمل حاجه بس انا عايزة افهم

مني : ( نزلت من فوق ) وانا كمان

انا: طيب ( حكيت ليهم فرحات عمل معايا ايه وانه سبب وجودي لحد دلوقتي عايش مش مجنون واللي حصل مع روان بعد كده )

مني : وانتا ناوي على ايه

انا : ناوي اخد حقها

سندي : كبر دماغك احنا ناخدها ونرجع مصر

انا : وحق اللي مات ده اللي مات كان سبب حياتي لحد دلوقتي كان سبب انكم بتسمعه في الاخبار اني رجل اعمال مش مجنون وهربان

مني : يا باسل احنا بعيد عن مصر في بلدنا بنعمل اللي احنا عايزنه لكن هنا لا

انا : انا هنا اقدر اعمل اللي مش بعمله في مصر انا هنا مش باسل ولا البعبع انا هنا دراكولا مصاص الدم سليل الظلام انا هنا اوسخ بكتير من مصر

في مشهد اخر

فرانك قاعد في مكتب فرحات في البار ودخل عليه الشخص بتاع بيت الدعاره

شخص : في مصيبه

فرانك : ايه اللي حصل

شخص : في واحد دخل البيت وطلب واحده ولما شاف روان خدها وبعد كده قتل الرجاله كلها وحرق البيت

فرانك : مين ده

شخص : اسمه الكونت دراكولا

فرانك : ( سمع الاسم وشه اصفر وخاف ) انتا سمعت الاسم كويس ولا دي تخاريف

شخص : لا زي ما بقول كده

فرانك : طيب عايز الرجاله كلها تدور عليه عايزه قدامي في اقرب وقت بالقوه ماشي

شخص: ماشي

قام فرانك ومشي راح لواحد اسمه البير هو اللي مقوي قلبه مع المافيا

البير : في ايه

فرانك : الكونت دراكولا رجع

البير: فين جثته انا قايلك لو ظهر ترجع ليا بجثته حصل ولا لا

فرانك : حصل بس نوصله ازاي احنا حتي منعرفش اسمه ولا في صوره عنه

البير : انتا قابلته مع فرحات قبل كده

فرانك : لا ولا مره

البير : دي مشكله كبير

فرانك : انا قلقان جدا

البير : من ايه

فرانك : هو ميعرفكش لكن يعرفني انا

البير : جمد قلبك انا في ضهرك

المشهد الرئيسي

تاني يوم انا ومني وسندي وليليان و باسل و روان في شارع بنشتري شويه حاجات وانا وسامح والرجاله شايلين اكياس كتير قوي

سامح : مش خلاص ولا ايه

انا : مش عارف

سامح : يعني يا باسل جايب معايا فريق مسح علشان نعمل مصايب وكوارث في الاخر الواد درغام شايل اكياس كتير كده

انا : سامح هو انا ناقص

مني : هندخل المحل ده

دخلنا المحل وانتشروة في المكان وبعد ما خلصه انا مسكت الفاتوره عامله زي البرشام بتاع مرجان احمد مرجان

انا : ايه ده

مني : ادفع

انا : ليه ادفع لما ممكن اطلقكم اسهل

سندي : ساعتها ناجية تاخد حقي انا والغلبانه مني

انا : ربنا يحرقكم ب جاز

روان : بتقول حاجه

انا : لا لا ولا حاجه ( طلعت الفيزا وانا ايدي بتترعش وهعيط والرجاله وره )

سامح : شكلها مفيش مرتب الشهر ده يا رجاله

الكل بيضحك وانا هطق من الغيظ ، فعلا سعاده اشخاص على حساب اشخاص تانيه خالص خصلنا جو الشراء و الشوبنج المقزز ده انا ب**ل انزل اشتري ل نفسي رجعنا البيت تاني وقعدت في جنينه البيت بعد شويه دخلت عليا روان

انا : عامله ايه يا روان مرتاحه

روان : اه اوي

انا: اوعي تكون سندي ولا مني حد فيهم مضايقك قولي

روان : لا لا بالع** هما زي اخواتي واكتر

انا : طيب كويس بصي اعملي حسابك قريب انتي راجعه معايا مصر

روان : لا يا باسل انتا عملت ليا كتير كفايه كده

انا : بالع** انا لسه معملتش حاجه لما احس اني ابوكي بقي مرتاح في قبره كده ابقي عملت اللي عليا وابوكي لسه مرتحش

مشهد من المستقبل القريب

قاعد في شقه بعيد و جنبي باسل ابني و على ضهره شنطه فيها قنبله

انا : باسل

باسل : ايوه يا بابا

انا : هو انا كنت وحش معاك

باسل : لا يا بابا انتا احسن اب في الدنيا كلها و لما ندخل الجنه مش هبعد عنك ابدا

انا : ( ابتسمت بحزن علشان الجنه مش هشوفها لا قريب ولا بعيد ) لو انتا دخلت الجنه مش هيفرق بالنسبه ليا انا فين المهم انتا تكون مبسوط بحبك اوي يا ابني

خدته في حضني جامد جداً

المشهد العام

باسل وصل باريس علشان يغير جو هو و العيله ، بس لقي صاحب عمره اتقتل زعل جدا واللي زعله اكتر اللي حصل ل روان ، باسل مكنش رايح يعمل مشاكل لا بس المشاكل كده كده بتجري وره اصله مغناطيس مشاكل

يتبع..........

توضيح لما باسل سافر من فرنسا الجزء اللي فات وصي فرحات انة مايعرفش حد انة سافر عشان يفضل اسطورة مرعبة للكل ومحدش كان يعرف هويتة الحقيقية غير فرحات