اعداء بالدم

#الحلقة_ال31_وال32#نهاية_الجزء_الاول

#اعداء_بالدم

#الحلقة_ال31_وال32

#نهاية_الجزء_الاول

دول اخر حلقتين في للرواية شوفنا فيها صراع مش بس مع حد زي الغول واللي حاول يقتل باسل لا صراع بين باسل وذاته صراع في البدايه بين باسل والوضع الجديد في بيته و ازاي حياه بنت خاله كنت هتضيع كل حاجه وصراع بين باسل والغول علشان ياخد حق دخولة بيته بالقوه و ازاي انضم للجماعه اللي كل يوم بيكتشف فيها حاجه جديده وصراع مع نفسه مع باسل الطيب والشرير وعلي الطفل ازاي ناس كتير راحت في الرجلين

فلاش باك

الحاجه اللي اخدتها من المكتب نوته فيها ارقام تليفون طلعت منها رقم واحد اسمه منصور الراجل ده احسن واحد ينتحل شخصيه اي حد في الدينا والميزة ان تكويني الجسماني عادي يعني انا بلعب رياضه دايما محتفظ على جسمي ، كلمته وجالي خليته يروح المشوار بتاع سندي ومني والخروجه دي ( لاني عارف اني متراقب ف كان لازم اشغل اللي بيراقبني بحركة الهاء ) وانا رحت مشوار مهم جدا حقي من جاك ، اليوم ده جاك كان في الطريق الصحراوي ادي واحد شنطه فيها م**رات هو بيستغل الحقيبه الدبلوماسيه دي في تهريب اي حاجه علشان مش هتتفتش بعد ما خلص تسليم وهو راجع في السكه كان في عربيه كنتيينر واقفه ومفتوحه السواق دخل فيها بسرعه

جاك : في ايه

سواق : اجرأءت امن

جاك : طيب

بعد نصف ساعه باب ال كنتينر اتفتح ونزلت العربيه في مكان في الصحراء

ماك : في ايه

انا : ( نزلت من العربيه ) جاك حبيبي واحشني جدا

جاك : علي فكرة انا شخصيه دبلوماسية مينفعش تعمل معايا كده

انا : :( باستغراب ) اعمل ايه هو انا عملت حاجه انتا عارف انتا فين

جاك : مش مهم اعرف المهم ان العربيه فيها نظام تحدد مواقع والمكان ده بره مخطط التحرك بتاعي يعني دقيقه واحده وهتلاقي نفسك بين جيش من قوات امريكية تبع السفاره هيخلصه عليك واللي هيفضل منك هتخده الحكومه المصريه أشلاء

انا : الامريكان الملاعين انا دلوقتي عرفت ليه دايما الروس بيقولو الكلمه دي علشان انتو فاكرين نفسكم اذكياء بس اللي متعرفهوش ان السواق بتاعك وقف جهاز الجي بي اس وحدد موقع تاني يعني انتا دلوقتي في بيتك في مصر والجهاز اللي تحت الجلد عندك ف ده بقي المزه اللي كنت سهران معاها امبارح هيا اللي خلصت منه ( حطت عليه لزقته وهو سكران اللزق دي فيه ساقط شبحي يعني حاجه تخليني انقل البيانات من اي حاجه الكترون مش محتاج فلاشه بمجرد اللمس خليت واحد عبقري في الحجات دي عرف الترميز بتاعه وشوش عليه يعني هو دلوقتي في البيت برضه ) ايه رايك يا سامح

سامح : حلوه يا كبير

انا : انا من رأي نغيرها بدل الامريكان الملاعين يبقي المصرين الملاعين

جاك : ( حس انه هيموت ) انا هعمل معاك صفقه

انا : اللي هيا

ماك : انا هقولك مين اللي عمل فيك ده انا كنت مجرد اداه في ايده والمقابل انتا عارفه

انا : طيب قول

ماك : احلف انتا مصري وعربي لما تحلف هتوفي بوعدك

انا : ( حلفت ليه ) ها مين

جاك : رافي اوميل سمحان

انا : مين ده بقي

جاك : مدير امن السفاره الإسرائيلية في مصر كل شغلك في مصر كان مضر ليه و اولهم سما والشبكه بتاعتها لما بعتني ليك كان عايز يضمك ليه بس انتا فلت من الشبكه

انا : طيب سامح القبر جاهز

سامح : جاهز

جاك : قبر ايه انتا حلفت

انا : اهي دي مشكله انك مش عارف قواعد لغة عربيه كويس انا حلفت اني هنفذ اللي في دماغي وانتا خوفك صور ليك ان الحلفان ده لمصلحتك ف اتكلمت وبعدين انا لازم اضمن تفوق المعلومه لو انتا مشيت يبقي رافي عرف ومش لازم يعرف

سامح : ( ربط ايده بكلبش ورجله كمان وخدة حبسة )

#توضيح ( باسل لحد دلوقتي مقتلش حد هو بيبحبسهم سواء سجن ااو عندة مؤقتا لحد ما يحبسهم )

انا : للاسف كان نفسي يكون كل ده من تخطيطك انتا كده انا هضططر افكر في طريق اقتل بيها رافي ده وتكون صايعة اصل انا بحب اخد حقي بطريق دراميه شويه ، سامح على المطعم

اتحركت على المطعم وصل منصور خلع المسك من على وشه

منصور : تمام يا باسل المقا**ه حصلت بطريقه سلسه

انا : يعني مفيش مشاكل

منصور : ايوه ده انا كنت خايف خوف

انا : ليه يا ابني انتا احسن واحد في شغلك عمرك ما اتعرفت

منصور : تصدق خوفي من اني اتكشف مكنش زي قعدت مراتك الاولي مع مراتك التانيه انا بعرف افككك اكتر من الفين نوع قنابل بس النهارده انا كنت قاعد في قلب القنبله

انا : ههههههه للدرجه

منصور : اكتر بكتير انا كنت خايف جدا بس نصيحه قبل ما امشي خلي بالك من امك

انا : :( منصور علشان يتقمص شخصيه حد لازم يعرف ادق تفاصيل حياته زي مثلا لو بيشرب قهوه تعبير وشه بتكون ازاي او بيمسك الفنجان ازاي ) ليه هي قالت حاجه

منصور : اهي دي المشكله من كلامك عن امك هي شخصيه صعبه وفي نظرها مراتك سندي زي بنتها واكتر ، كون انها تسكت ومتخدش حقها دي صعبه ف خالي بالك

انا : ومين قال اني مش خايف لا خايف اصل امي انا عارفها اكتر منك ومينفعش اخد بالي اصل امي لو هتخزوقني مفيش اي احتياطات امن تمنعها ابدا

منصور : ماشي يا باسل انتا عايز حاجه

انا : :( اديته شيك ) لو عزتك هكلمك سلام

مشي منصور وانا رجعت البيت لمني

مني : انتا اخرت ليه مش قولت ليك عايزه اتلكم معاك

انا : معلش يا قمر

مني : طيب ممكن اعرف منك حاجه بس نتكلم بصراحه

انا : بصراحه يا ستي عايزه ايه

مني : انتا ماسك ايه على سندي مراتك

انا : :( استغربت السوأل ) ليه

مني : اصل انا مش فاهمة يعني هي تسكت قولت ماشي واحده رضيت بالامر الواقع وترجع ليك قولت واحده خايفه على عيالها لحسن يبعده عنها وتوافق تقابلني وتقعد معايا قولت انتا مقنع لابعد الحدود وتعرف تعملها لكن توصل انها تقعد معايا وتديني نصايح علشان اكون زوجه مطيعه ليك لا انتا كده يا اما ساحر يا ماسك عليها حاجه يا اما انتا مجنون وهي مجنونه وكلكم مجانين في قلب بعض وانا دخلت سكه غلط

انا : ( خدت كلامها بهدوء اي حد تاني كان اتنرفز من كلمه ماسك عليها ايه دي ) بصي يا مني انا عايز افهمك حاجه يمكن نصيحه هي نستها انا لما بحب اعمل حاجه بعملها ولما بحب اقول لحد اعمل يعمل يا اما هيكون في عقاب مش هيعجبه وسندي عارفه انا مجنون لحد فين وعارفه اني لو زعلت هزعلها وهي مش قد كده فهمتي

مني : ( بصه ليا وخايفه ) فهمه

انا : :( ابتسمت ليها ومسك ايدها بوستها ) كويس

طلعت انام وجت ورايا مني وبعد كام يوم عادي مفيش جديد خالص بحاول اجمع اكبر حصيله معلومات عن رافي بعيد عن ا****عه علشان ا****عه لما بيكون في مشكله مع حد يهودي او شغل لازم حد معين هو اللي يدخل علشان هما مش يبثقه فيهم بعد اسبوع رحت البيت لسندي الساعه واحده الضهر قعدت في الجنينه

سندي : صباح الخير

انا : صباح النور

سندي :جاي ليه هو علي عايزك

انا : :( رفعت حاجبي ) هو مش بيتي ولا ايه

سندي : لا بيتك بس في شروط

انا :ماشي يا ستي انا عارف بس انا مش جاي ل باسل انا جاي ليكي انتي

سندي : خير في حاجه

انا : اصل عرفت انك عندك مقا**ه شغل النهارده في شركه ادويه

سندي : ايوه انتا بتراقبني ولا ايه

انا : ايوه

سندي : بجح بتعترف كمان

انا : ايوه انتي لسه على زمتي يعني يهمني امرك جدا انتي لسه مراتي

سندي : مش مبرر

انا : سيبك من المبررات قوليلي انتي ليه متخيله انهم هيقبله انك تشتغلي معاهم ايه المؤهلات بتاعتك

سندي : ( بثقه طلعت الملف بتاعها ) اتفضل اتف*ج على نجاح مراتك في الكام شهر الاخير

انا : ( فتحت الملف كان فيه الشهاده بتاعتها الانها الاولي على الدفعه بتاعتنا غير بقي مخ سندي في الارقام مخ ذري جدا جنبه في عشر شهادات من عشر اماكن مختلفه بتدي كورسات في مجال المحاسبه واداره الاعمال وكلها شهادات كبيره من اماكن ومكاتب معتمده ) حاجه مبهره الصراحه بقولك ايه كبري دماغك من شركه الادويه دي واشوف ليكي بنك اجنبي ولا حاجه

سندي : لا هي الشركه دي

انا : بالتوفيق

قامت سندي تمشي وبعد خطوتين ندمت عليها لفت قومت ليها وبقي وشي في وشها وبستها هي ممنعتش بس بعد ما بعت عنها فتحت عنيها بطق شرر ضرتني قلم على وشي ومشيت

انا :( ابتسمت ولعت ) جري ايه يا حاجه مش تدي صوت انك هنا

امي :: انا مش فهمه حاجه

انا : مش لازم تفهمي سندي وانا علاقه مش مفهومه خالص

سبتها ومشيت بس وانا فرحان ايوه انا اخدت قلم من سندي اخر مره خدت واحد زيه اول مره فكرت ابوسها في حياتي بعد القلم ده طلبت ايدها للجواز عدل ، وكمان ربكت امي علشان لو بتفكر في حاجه ناحية مني تشوف ان سندي بدأت تستسلم رحت البيت لمني روحت بدري ولقيت معاها حد ايوه هو

مني : ( بتضحك ) ههههههه انتا دمك خفيف قوي ، ايه ده باسل انتا رجعت بدري يعني حظك حلو بس بوظت المفاجأه رافي صاحبك جالي علشان مش عارف يوصل ليك

رافي : ابو باسل وحشني جدا ( خدني بالحضن ) يا راجل بعد ما ترجع من فرنسا مش عارف اعدي السكرتيره بتاعتك هههههه بقيت مهم يا باسل طول عمري بقول عليك ذكي

انا : عيب احنا اصحاب لازم اكون ذكي

مني : بص بقي يا رافي انا بعرف اطبخ بس مش قد كده انتا النهارده تتغدي معانا اوكي

رافي : اوكي يا مدام مني

مشيت مني وراحت المطبخ

رافي : ( قعد ) واقف ليه اقعد البيت بيتك هههههه

انا : ( قعدت ) بلط زي عينتك

رافي : قولي صحيح انتا بعد ما اتجوزت مني خلط فلوسك بفلوسها ولا لسه

انا : شيء ميخصكش

رافي : نصيحه من صديق واعتبرها هديه تعارف ، انجز مني معاها خميره حلوه قوي

انا : انتا جاي ليه

رافي : بص انا الصراحه لقيت ان اي تصرف معاك انتا غير كده مش كويس

انا : كان فين كل ده من الاول

رافي : دي غلطه مش مقصوده معلش اسلوب رخم شويه بس انتا ايه خدت حقك وضيعت عليا حاجات كتير زي زين وحماده رشوان وجاك الصراحه كانو اغ*يه

انا :جاي لليه

مني : ( دخلت ) الغدي جاهز

رافي : انا واقع من الجوع يلا بينا

قومنا قعدنا على السفره

مني : قولي يا رافي انتا بتتكلم مصري كويس جدا

رافي : اصل انا من عشاق مصر واهلها الشعب المصري ده جميل جدا

انا : :( بتكلم وانا مبتسم ) اصل رافي ده عمل زي الطفيلة لازم لما يدخل حته يعرف كل اهلها ولا ايه

رافي : ( بنفس البرود بتاع اليهود ) انتا بتقول فيها احكيلك يا مني انتي مش غريبه يضايقك لو قولت ليكي مني كده اكيد مش هيضايقك انا لما بكون زهقان ممكن انزل بمكروباص موقف رمسيس واقول عبود عتبه عبود واركب الناس واحمل

مني : هههههه انتا بتهزر

رافي : لا بجد

مني : قولي طيب انتا تعرف باسل منين

رافي : باسل مين قصدك ال كنت دراكولا سليل الدم انتي عارفة جوزك ده كان مدوخ الحكومه والانتربول في فرنسا كان يعمل كل مصيبه والتانيه ويرجع بيته عادي ملك انتي عارف كان ساكن فين

مني : فين

رافي : في شارع والشارع اللي وره فيه بيت رئيس وزراء فرنسا محدش فكر يدور عليه هناك نهائي مره عمل مصيبه مع ضابط ورجع عدي على رئيس قسم البوليس اللي هو ساكن جنبه واتغدو مع بعض

مني : اممممم انتا كنت خطر بقي

رافي : ولسه خطر جوزك ده يا هانم مخابرات دول حطاه في قيمه اخطر عشر رجال اعمال حول العالم

انا : كل يا رافي يا حبيبي اكلتك بقت ضعيفه قوي

رافي : معلش اصلي عامل رجيم

قعدنا ناكل وانا بتعامل مع رافي كانه صديقي فعلا وعمال يحكي مواقف محصلتش بيني وبينه بس بقول حصل وبضحك وادوس معاه في الكذبه لحد ما طلعنا الجنيه

رافي : ايه يا باسل

انا : ايه يا رافي

رافي : انا قولت انتا مش هتضيع فرصه نكون وحدنا وترفع عليا سكينه او تحاول تقتلني او حتي هددني اني لو ممشتش هتقتلني

انا : لا كويس انك جيت بدل ما اقعد ادور عليك

رافي : انتا متقدرش تعمل حاجه معايا بص بعيد عن التهديد لانه مش هيجيب معاك نتيجه ولا معايا انا كمان نتكلم في المهم

انا : اللي هو

رافي : انا عايزك تشتغل معايا ومتقولش لا فكر الاول

انا : ( بصيت بعيد شويه ورجعت بصيت ليه ) قولي صحيح الجنيه المصر عامل كام شيكل ( عمله فلسطين المحتله )

رافي : الشيكل عامل سبعه جنيه مصر

انا : والشيكل عامل كام دولار

رافي : الشيكل الواحد يتفك ب15 دولار

انا : حلو يعني انا : لو اديتك سبعه مليون جنيه تحولهم لمليون شيكل وبعد كده احولهم لدولارات يبقي 15 مليون دولار من سبعه مليون جنيه يا بلاش صفقه حلوه

رافي : ( بص ليا شويه وقعد يحسبها ) تصدق عندك حق دي صفقه مربحه جدا مش قولت ليك انا عايز واحد زيك

انا : لا انا مش بحب اشتغل مع طفيله زيك

رافي : انتا عمال تقول طفيله طفيلة وانا ساكت ليه يبني كده

انا : علشان انتا صهيوني مش يهودي لو انتا يهودي بس كنت اشتغل معاك لكن صهيوني لا انا مش بشتغل مع كيان فاكر نفسه هو بس اللي موجود في كيانات كتير جدا انتا متعرفش عنها حاجه

رافي : مش مهم اعرف عنهم ايه المهم اني اعرف انهم موجودين بس بص يا باسل انتا واد ذكي وقوي و

انا : ( سبته عمل يمدح فيا علشان يرضي غروري ) قاطعتة :: كنت بتقول انك عايزني اشتغل معاك قبل ما تبدا تنافقتي صح

رافي : ( ببرود كان الكلام مأثرش فيه ) ايوه

انا : طيب كل حاجه ليها ثمن عندك استعداد تدفع

رافي : طبعا

انا : انا عايز مراتك او بنتك لو عندم بنات يعني اصل انا جربت بنات كتير لكن يهوديه لا

رافي : بس كده مراتي وبنتي الاتنين كمان بكره تحب نحدد المعاد امته

انا : لا بلاش تحدد انا مش موافق

رافي : هو كلام عيال ولا ايه

انا : لا مش دي المشكله انتا عارف انا وانتا دماغنا شبه بعض جدا لابعد الحدود بس الفرق بينا بسيط جدا زي المسافه بين الكرسي بتاعك وبتاعي كده ، انا عايز اوصل لكل حاجه بس عندي استعداد ادفع الثمن انا بس ، لكن انتا عايز توصل لكل حاجه بس حد غيرك يدفع زي مراتك وبنتك كده قدمته على طبق من دهب انتا وكل بلدك المبنيه على كذبه كبيره جدا عايزين السلام بس محدش يكون جنبكم مش تبعكم عايزين الارض بس محدش يكون معاكم عليها عايزين الذكاء وال*قول بس محدش يكون عنده ذكاء ولا عقول نيره زيكم انا معنديش استعداد اشتغل مع ناس زيك ابدا اطلع بره

رافي : هتندم

انا : غيرك قالها وخد على دماغه

رافي : ( قام ) غيري قالها وانا اللي كنت مديه القوه يعني انا مص*ر قوته وانتا لعبت مع المصدر

انا : قصدك لعب في المص*ر اطلع بره انتا مشرفتش

طلع رافي وانا : ندمت سامح دخلت المكتب جبت حاجه مهمه وطلعت بره ركبت العربيات مع الرجاله خمس عربيات واحنا في السكه وقفنا عربيه رافي في الطريق كان ماشي لوحده دخلتها وركبت وره جنبه بعد ما سامح نزل السواق

انا : ( السيكوباتي طلع ) رافي وحشني جدا ( خدته في حضني ومديت ادي خدت المسدس بتاعه ) كل دي غيبه

رافي : ( بنفس الابتسامه ) باسل انتا اكتر بقولك ايه اعقل كده الطريق مليان عربيات حراسه

انا : ( بصيت في الساعه ) في الوقت ده بيتك في تل ابيب فلسطين المحتله انفجر وكمان كل عربيه حراسه على الطريق ده لبيت مني ولعت غير اللي عند البيت التاني برضه ولعه

رافي : برضه متقدرش انتا في عربيه تبع السفاره يعني دي ارض اسرائيليه القانون الدبلوماسي يمنعك اسف مره تانيه غيرها في غيرها

انا : ( طلعت من جيبي باسبور إسرائيلي فتحته ) ديفيد شارل سمحون ده اسمي انا اخترت الاسم ده بالذات علشان ده الاسم اللي علم بيه رافت الهجان على اليهود التاريخ بيعيد نفسه يعني انا دلوقتي مواطن اسرائيلي حقير قتل مواطن اسرئيلي احقر على اراضي اسرائيل حقيره اللي هي في الاساس اراضي فلسطينينه شريفه انا حابب ارص ليك الرصه دي علشان لما تموت تفضل الحقيقه قدامك بعد موتك برضه دنيا واخره شالوم يا رافي ( ض*بته طلقتني من المسدس بتاعه وانا لابس جوانتي فيه ب**ات واحد اسرائيلي ونزلت انا وسامح ) سامح ابعت العربيه دي لخبير التنظيف ( الشايب ) ماشي

سامح : ماشي

عدي اليوم وسندي اتقبلت في الوظيفه بس بدون اي تدخل مني رجعت البيت قضيت اليوم مع مني وانا سعيد جدا تاني يوم خلصت شغلي وعرفت مني اني بايت في البيت التاني قعدين نتغده

امي :: بس ايه سر الزياره دي

انا : وانا كمان عايز اعرف ايه سر كل ما اجي هنا افكركم انه بيتي برضه

امي :: كويس انك فاكر برضه

خلصنا غدي وقعدت مع باسل نلعب بلايستيشن وكل اللعب بتاعته اللي كانت غريبه عليا بس اتعلمت بعد كده جيه معاد النوم طلعت الاوضه بتاعتي ونمت على السرير وجت سندي ومعاها اميره

سندي : انتا بتعمل ايه هنا

انا :جاي انام

سندي : احنا بنا اتفاق

انا : ( رحت عليه وخدت منها اميره دخلتها السرير بتاعها تنام ورحت لسندي حاولت ابوسها بس جريت مني ) انا عارفك تحبي تفرهدي اللي جابوني

سندي : ( جريت بعيد ) جري ايه يا باسل احنا اتفقنا

انا : ما خلاص بقي يا سندي مش عدت مدة خلاص بقي انتو وحشاني قوي ( رحت عليها )

سندي : ( جريت تاني ) بقولك ايه لو قربت مني هعمل مصيبه

انا : :( استغربت جدا ) سندي انا عايزك

سندي : مش هتلمسي بمزاجي

انا : :( بصيت في الارض وانا هنفجر هين عليا اولع فيها بس انا بحبها للاسف هي نقطه ضعفي ) خلاص يا سندي انا مش هعمل حاجه انتي مش عايزها ( روحت عليها وهي كانت على الطرف التاني مني السرير هي بعدت بس انا نمت على السرير وشديت الغطي ) نامي يا سندي نامي انا مش هلمسك حتي لو بمزاجك

نمت و انا حزين جدا ازاي وصل بنا الحال لكده سندي دي حب حياتي اللون بتاعها ، وصوت تاني جوايا بيقول انه عايز مني يعني باسل عايز سندي والبعبع عايز مني والطفل عايز امه وامه في صف سندي وسندي قلبه على باسل والدنيا ملغبطه خالص نمت وصحيت الفجر على صوت تليفون من سليم استغربت رديت

انا : حدي يتكلم في الساعه دي يا سليم

سليم : ( بنرفزه ) عايزك تيجي حالاً

انا : سليم احنا الفجر لو الحرب قامت انا مش هقوم دلوقتي ابدا

سليم : لو انتا مجتش بمزاجك انا هبعت اجيبك بالعافيه اقفل والاقيك قدامي فاهم

قفل السكه في وشي وانا قومت عمال اسب والعن في أهله لقيت سندي نايمه على الكنبه بتاعة الاوضه اتنرفزت اكتر شلتها ونيمتها على السرير مكانها الطبيعي وخدت دش ولبست ونزلت وانا نازل عديت على المكتب خدت منه حاجه ونزلت طلعت بره لقيت عربيه غريبه جدا نازل منها اتنين سود شكلهم افارقا

انا : سامح تعاله

سامح : انتا عملت ايه

انت : مين دول

سامح : دل بعتهم سليم يخدوك بس الناس دي لما تروح تجيب حد مش بيرجع

انا : امممممم طيب

سامح : انا جاي معاك

انا : لا اقعد انتا عندك عيال عايز تربيهم

سامح : وانتا عندك ايه

انا : لا انا عيالي عندهم اللي يربيهم وعندهم كتير خليك انتا

ركبت العربيه مع الرجاله دي بعد ما اتفتشت كويس وخده السلاح بتاعي ركبت معاهم ورحنا لسليم دخلت لقيته حارق كميه سجاير ع**طه ومتوتر جدا

سليم : غ*ي انتا انسان غ*ي وانا كمان غ*ي علشان اختارتك تشتغل معايا

انا : ( دخلت وقعدت وبتكلم بق*ف ) بقولك ايه يا سليم يا تقول انتا جايبني ليه يا اما اروح

سليم : انتا قتلت رافي عارف انتا عملت ايه انتا عملت اكبر ازمه دبلوماسيه في تاريخ الشرق الاوسط كله ازمه محصلتش من ايام حرب اكتوبر اليهود طالبين تسليمك من الدولة والدولة طلبت نرفع الحمايه من عليك عارف ده معناه ايه

انا : ( بق*ف ) ايه

سليم : معناه انك مش هنا انتا هناك يعني انتا دلوقتي المفروض في سجن في تل ابيب والقرار اتاخد خلاص

انا : ( بصيت في الساعه ) طيب

سليم ( خرج عن شعوره كأن بركان انفجر ) انتا ع**ط ولا شكلك كده انتا في حكم الميت

انا : انا في حكم الميت من يوم ما اتولدت دي مش حاجه جديده الجديد بقي واللي مضايقني بجد انك صوتك عالي عليا انا ( طلعت مسدس من جنبي وجهته لسليم ) انتا تقولي انا باسل ال**دي لو مجتش هبعت اجيبك بالقوه انا

سليم : يعني انتا هتقتلني الرجاله اللي بره مش هيسبوك

انا : انا كده كده ميت انتا ناسي انا في حكم الميت يا سليم انتا نسيت ولا ايه

سليم : ( بخوف شديد اصل انا في نظره ابن اخته بس في نظري انا هو سليم رئيسي مع اني عارف انه خالي بس يا روح ما بعدك روح ) اعقل يا باسل اعقل وسيب المسدس

انا : :( وجهت المسدس ناحية السيجاره و دست على الزناد اصله ولاعه على شكل مسدس ههههههه حركه رخمه بس انا طلبة بالوصف علشان محدش يشك انه ولاعه لا اللي يشوفه مسدس ) ههههههههه انتا صدقت

سليم : ( بعد ما دمه نشف حاول يلم شويه من الكرامه بتعته ) انتا هتطلع من هنا على سينا ومن هناك هيخدوك ومفيش حد يعرف انتا رايح فين ولا انتا مين فاهم

انا : فاهم بس عندي حل احلي ( طلعت هرد خارجي واديته لسليم ) حط ده في الجهاز عندك

سليم : فيه ايه ده

انا : افلام رقص ، هنهزر اكيد شغل

سليم : ( وصل الهارد باللاب بتاعه ) عايز ب**ه صباع علشان يتفتح

انا : ( حطيت صباعي في دايره على الهارد اتفتح ) اتفضل

سليم : ( بص ليا قبل الشاشه ) صدقني يابني مفيش حاجه هتمنع اللي هيحصل

انا : بص بس وانتا تعرف

سليم : ( بص في البيانات اللي قدامه وبدات عينه توسع حتي هو مش مصدق لدرجه انه لبس النظاره وفتح بقه ) ايه ده

انا : عرفت بقي هما عايزين راسي ليه

سليم : ( قفل الشاشه ) انتا جبت الحاجه دي منين

انا : من جهاز رافي في يبته في تل ابيب صدقني يا سليم انا لو رحت هناك طلوعي من هناك اسهل من طلوعي من مستشفي سما ( قومت رحت ناحيه الباب وقفت ) صدقني يا سليم لو حصل تهديد زي ده تاني انتا واللي مشغلك مش هتلحقو تكلمو كلامكم اد*ك عارف انا معايا ايه علي مين اكيد مش هغلب في حاجه عنك انتا واللي بتقا**ه وسط الصحره سلام يا سليم سلام

طلعت من عند سليم وهو بيخبط اخماس في اسداس اصل اللي بيقبله في الصحراء ده بيت الرئيس بتاع ا****عه وده خطر جدا طلع يجري بسرعه وراح ليه

شخص : ( بيتاواب ) عايز ايه يا سليم احنا الفجر

سليم : كارثه بمعني الكلمه

شخص : ايه باسل مسلمش نفسه بسهولة

سليم : دي اكبر

شخص : الحرب النوويه بدات وانا نايم

سليم : اكبر

شخص : ايه ميسي مضي للاهلي

سليم : اهلي ايه وحرب نوويه ايه انتا لسه نايم

شخص : ( بنفاذ صبر ) خش في الموضوع بدل ما اقتلك وادخل اكمل نوم وانا ضميري مستريح

………..

الكاتب : ايه لقاء رئيس المافيا الع**ط ده

شخص : ايه يا عم الاسلوب الع**ط ده اتكلم عدل عايزني اقبله ازاي يعني

الكاتب : يعني مثلا يدخل سليم يلقيك قاتل عشره ومرمين على الارض او مطلع قلب بني ادم وبتشوية او اقول احسن بقي جايب ناس وبتدرب عليها نشان

شخص : بس بس ايه العبط ده انا كده مش رئيس مافيا انا كده خوط الصعيد

الكابت : طيب ابسط حاجه يعني ايه يلقيك نايم ازاي تنام

شخص : ليه هو انا مش انسان ولازم انام يلا كمل القصه بدل ما السعك على قفاك

الكاتب : لو راجل اض*ب وانا اقول اسمك ايه ل زوز ( دلع عزيزي بدل ما اقولك عزيزي القارئ لا احنا بقالنا شويه مع بعض ولازم ادلعك شويه برضه اقولك يا زوز بدل عزيزي وانتا تقولي كتكت بدل كاتب وكده يعني احنا بقينا اصحاب خلاص ) اللي هيموته يعرفه انتا مين

شخص : خلاص يا كتكت يا حبيب قلبي كمل بقي عايز ادخل انام يلا

كاتب : ماشي

…………..

سليم : باسل ال**دي عارف اني احنا بنتقابل هنا

شخص : ههههههههه طيب

سليم : طيب ايه ازاي يعرف احنا كده بنا خاين

شخص : لا ولا خاين ولا حاجه انا اساسا محدش من ا****عه بيجي هنا غيرك انتا لو حد جيه هنا غيرك مش بيطلع انا مستغرب انه عرف بدري احنا لسه في الجزء الاول

سليم : جزء ايه

شخص : كبر دماغك انتا انا بخرف اسمع باسل لازم يتسلم لليهود في اقرب وقت ( بص في ساعته ) يعني دلوقتي

سليم : مينفعش

شخص : سليم بلاش تقولي خايف هو ايوه هيرجع ويطلع عنينا شويه بس عادي يعني احنا اتعودنا على صداعه

سليم : لا بص ( فتح اللاب بتاعه وحطه قدام الرئيس )

شخص : ( بص في اللاب بتمعن شديد وابتسم ) عملها ابن ال**دي ههههههههه يابن الكلب دماغ سم انقذ نفسه من الحبس في ثانيه الواد ده كل تحركاته مدروسه صح عجباني

سليم : كده نقدر نحط ايدنا على افريقيا بس شكل شرعي قدام الترابيزه كلها ومحدش يقدر يتكلم

شخص : تؤ خلينا في الضلمه احسن اسمع ابعت نسخ من 1٪ لدامين دارك ونفس النسبه من البيانات دي للموساد خليهم يهدوا شويه انا قفلت تلفوني بسببهم يلا كده العمليه هيليوس ماشيه اسرع من المتوقع والصدام قريب جدا

سليم : بس احنا لا جاهزين ادبالرجاله لا ولا المعدات

شخص : والجحيم بيعمل ايه ده سبب وجوده

سليم : ( بلع ريقه ) الجحيم

شخص : ده وقته اتفضل بقي لحسن عايز انام

#يتبع