اعداء بالدم

الحلقة التامنة

#الحلقة-التامنة

باسل كان فاكر نفسه ذكي يقدر ياخد حاجه هو عايزها من الدنيا ويدفع مقابل ده الحاجه اللي هو عايزها مكنش فاهم انه مينفعش مع الدنيا كده لو اخذت حاجه انتا عايزها يبقي هتدفع مقابل اللي تحدده الدنيا نصيحه ل القارئ خلي طلباتك من الدنيا محدوده علشان هتدفع الثمن وساعتها هتندهش من اللي طلبته واللي اتاخد منك بلاش تغلط غلطه باسل وتفتكر نفسك اذكي من الدنيا علشان الدنيا هي الاستاذ الحقيقي بس بتدرس ماده محدش بيحضرها

بدايه الحلقة

صحيت من النوم على صوت جيهان

جيهان : يابني بصحيك بقالي ساعه اخلص عايزه انزل

انا : في ايه يا جيهان هو انتي خلصتي رخامه على جوزك وجايه ترخمي عليا

جيهان : ايوه يلا

انا : طيب قايم

قومت خدت دش وكانت الساعه 3 العصر ودي مشكله لسه اليوم طويل جدا نزلت الدور الاول لقيت ناجية وجيهان وعماد ابن اخويا

انا : صباح الخير يا ماما

ناجية : صباح الزفت كل ده نوم

انا : يا جيهان ممكن الفطار

جيهان : فطر نفسك وعماد معاك اهو يلا يا ناجية العربيه تحت

نزلت ناجية وجيهان وسبتني قاعد مع عماد وانا مش بحب الاطفال الصغيرة ل سبب واحد انه مش ابني يعني لازم احسس عليه واعمله بطريقه حلوه فضل باصص ليه وهو باصص ليا وابن الكلب كل ما اعمل حركه يعمل زي ايوه هو 5 سنين بس واد زي العسل حطيت رجل على رجل عمل زيي

انا : بقولك ايه يا عماد

عماد : ايه يا عمو

انا : تعرف تعمل فطار

عماد : لا

انا : طيب تعرف تعمل بيض مسلوق اكل انا وانتا

عماد : لا برضه

انا : طيب ايه سبونا كده من غير بيضه حتي وانا م**ل اعمل فطار نعمل ايه

عماد : ( بيتلكم بي اسلوب اطفال جدا ) ثيبك انتا قعده الرجاله مفيش احثن منها

انا : انا معاك برضه بس الستات مهمه يعني

عماد : لا مش مهمه كل شويه مامي تقولي اعمل واعمل انا تعبت منها انا نفسي تروح عند جده ( جده يبقي عمي بهجت )

انا : ياه انتا شايل كتير طيب هتتجوز ازاي

عماد : مش هتجوز

انا : لا اصل ( تداركت الموقف اني داخل في نقاش مع طفل عنده خمس سنين ) بقولك ايه تعالي ناكل في المطعم عندي

خته ورحنا المطعم وكلمت سندي

انا : صباح الخير يا قمر

سندي : قصدك مساء الخير يا بيه كل ده نوم

انا : معلش بقي يا قمر سهرت شويه باليل

سندي : طيب انتا فين

انا : في المطعم وانتي

سندي : في الفندق مع طنط ( باين ناجية ض*بتها ) اي خلاص ماما

انا : ايوه كده اتعدلي

سندي : اتعدلت

انا : كمان شويه وجي باي

قفلت معاها وخدت البدله وعماد ورحنا الفندق طلعت الاوضه بتاعتي حطيت البدله ورحت ل الشباب الاوضه كان محمود معاه اصحابه وكمان الحلاق

انا : ايه يا عريس عامل ايه

محمود : انتا فين يابني من الصبح

انا : موجود مالك

مصطفي : شكله متوتر

انا : معلش يا مصطفي هو لازم يتوتر برضه ده عريس

مصطفي : اخرت التوتر ده ايه هيقولها استري عليا انا زي اخوكي

انا : يبقي ي ي ي

الكل بي يضحك حتي الحلاق واللي معاه

محمود : خلصتم ترويش اسكتو

انا : ( قعدت على كرسي ) درجلي القفي

محمد : وانا كمان علشان امك تعرف تطرق ليا كويس

في مشهد اخر

اعمامي قعدين في الفندق مع ممدوح وهو ملهوش اخوات هو وحيد الام والاب

بهجت : هههههههههه تصدق وحشتني ايامك يا ممدوح

ممدوح : وانتا اكتر يا بهجت

علاء : لالا فاكر لما انا وانتا فكينا سرج الحصان ل جلال اخويا وهو ركبه وبيجري وقع من عليه

ممدوح : ههههههههه فاكر ساعتها رجله ودراعه ت**ره و ابوك ربطنا في الذريبة

عا** : ايوه فاكر هههههههههه كانت ايام حلوه

ممدوح : كان فيها راحه دلوقتي ادينا بنجوز العيال ل بعض وكلها شويه يبقي لينا احفاد

بهجت : (عينه دمعت شويه)

ممدوح : مالك يا حاج في ايه

بهجت : لا اصلي افتكرت جلال الله يرحمه

ممدوح : ( بص في الارض ب حزن الان مهما كان فيه بينه وبين ابويا جلال مشاكل ف كان في صداقه ومحبه من لما كان عمرهم 10 سنين هو وعم عزت ابو محمد حتي لما فكره يتجوز اتجوزه 3 اخوات علشان يفضله مع بعض ) خلاص بقي يا جماعه خلينا نفرح شويه

في مشهد اخر

السويت عند حياه قاعده فرحانه ومعاها بنات العيله كلها وامها وامي وسندي

حياه : بس تصدقي يا سندي باسل عنده حق انتي قمر اوي

سندي : لا انتي أللي قمر يا عروسه

ناجية : ايه يا قمرات انتي وهي

سندي : ايه يا ماما

ناجية : عايزكم تتصاحبو علشان لما تعيشه مع بعض تحت سقف واحد تكونه مبسوطين انا مش عايشه العمر كله

سندي : ليه بتقولي كده انتي الخير والبركة

ناجية : خلاص بقي كبرنا

حياه : متقلقيش يا خالتي سندي تتحب على طول

ناجية : عندك حق

سمعه صوت خبط على الباب وتطبيل راحت سندي تفتح

سندي : مين

محمود : انا

سندي : ( فتحت الباب بس كان مقفول ب قفل الفنادق يتفتح حته صغيره) ايه يا عريس

محمود ( كان وره انا ومحمد ومصطفي ) افتحي يا سندي عايز ادخل

ناجية : ( من جوه ) اوعي تفتحي فال وحش تشوف عروستك بالفستان قبل الفرح

محمود : فكك من الكلام ده افتحي

سندي : لو فتحت ليك امك هتعلقني

محمود : بقي كده ماشي

انا : ( حشت محمود وقفت قدامه وسندي قدامي ) طب وانا

سندي : وانتا كمان

انا : انا ايه

سندي : ( ب **وف ) ميصحش تشوووووفني قبل الللللفرح

انا : بس قمر طول عمرك قمر

محمد : ( من وره ) اخلص انت اوفر انتا وهي

انا : بس ياض دي احلي واحده شافتها عيني

وسندي ضحكت ليا ضحكه تنسي الدنيا كلها بس طلعت ساره من جوه وفتحت الباب وطلعت

ساره : باسل ممكن تيجي توصلني البيت

انا : ليه يا ساره تعبانه

ساره : لا اصل نسيت حاجه مهمه

انا : مهمه ايه اللي تنسيها لسه هنمشي ونرجع

ساره : لا ده تليفوني نسيته معلش تعاله معايا

انا : ( بي استغراب اصل محدش في الفتره دي بينسه تليفونه لحد دلوقتي بس قولت ارضيها علشان اللي وقفين ) ماشي يلل (مسكت ايد سندي من فتحت الباب وبستها ) ساعه وراجع ليكي يا قمر

خدودها احمرت وقفلت الباب والشباب قعدت تصفر مشيت مع ساره لحد الجراج

ساره : دي عربيتك

انا : ايوه

ساره : شكلها حلو

انا : شكرا ده زوقك

ركبت معايا ورحنا عند شقتهم وهي طلعت وانا فضلت تحت ونزلت بعد شويه ركبت اتحركنا

ساره : باسل هو انا ممكن اسألك على حاجه

انا : طبعاً اتفضلي

ساره : انتا شوفت ايه في سندي خلاك ت**ر نظام العيله

انا : ( ضحكت لانها عمله حركت التلفون دي علشان تتكلم معايا ) شوفت فيها كل حاجه

ساره : زي ايه مثلاً اصل انتا عارف نظام العيله صارم جدا علشان ت**ره صعب

انا : شوفت فيها الطيبه بنت عامله زي الصفحه البيضا تقدر تكتب فيها اللي انتا عايزه كان ممكن استغلها بس لا حبيت ان الصفحه البيضه دي اكتبها انا وهيا غير بقي جمالها وادبها كل حاجه ساعتها ملقتش حاجه تتقال غير طظ في العيله كلها بس عايز ابقي مع دي وبس

ساره : ( بصت قدمها ب ابتسامه صفره ) ربنا يوفقكم

في مشهد اخر

الاتنين الغير معروفين اللي كانو في روسيا قاعد الشخص وده الكبير والشخص 2 ده واحد بيشتغل عنده

شخص 2 : الفرح بتاع اخو باسل النهارده

شخص : حضر العربيات هنروح

شخص 2 : تحت امرك

شخص : ( ولع سيجاره وفتح الدرج بتاع المكتب وطلع منه مسدس وعمره حطه في جنبه )

في مشهد اخر

الاوضه عند حياه سندي قاعده وسرحانه ناجية شافتها

ناجية : مالك يا قمر

سندي : لا مفيش

ناجية : باسل كان عنده حق انتي مش بتعرفي تكذبي قولي مالك

سندي : مفيش كنت بتكلم مع باسل وجت ساره بنت عمه قالت ليه وصلني البيت اجيب تليفوني ومرجعوش لحد دلوقتي

ناجية : هههههههه يا خرابي عليكي يا سماح طول عمرها مش بتعرف تخطط

سندي : يعني ايه وسماح مين

ناجية : يعني (قامت فتحت درج وطلعت منه تليفون) ده تليفون ساره

سندي : ( كشرت اكتر واتنرفزت ) واعمل ايه دلوقتي

ناجية : (ب ابتسامه ) ولا حاجه اذا كانت هي في ظهرها سماح ال**دي ف انتي في ظهرك ناجية العدوي هما اغ*ياء اسمعي امسكي التليفون ده ولما تيجي ادهولها ب نفسك بي ابتسامه

سندي : ابتسامه ده باسل ها ولع فيها هي والبيه الي شربها

ناجية : هههههههه تبقي غ*يه لو فكره ان باسل شربها باسل لو شربها مكنش هيتحرك كان قال انتي معاكي عربيه روحي انتي ولو قالت ليه مش هعرف اسوق كان قلها خدي السواق بتاع ابوكي او خدي اخوكي باسل عارف علشان كده وافق وانتي لوعاندتي فيها او كلمتيها ب اسلوب مش حلو كانت جريت قالت ل العيله كلها الحقو اللي جايبها باسل بتكلمني ازاي وتزنق باسل يختار يا انتي يا العيله امها بقي مخططه ل كل ده فكره ان باسل هيختار العيله عنك بس باسل لو اختار هيختارك انتي ودي بقي واحده غ*يه هي وامها عايزن ابني يخسر ناسه واهله بس ميعرفوش اني فيها

سندي (قامت حضنت ناجية) مش عارفه من غيرك كنت عملت ايه

ناجية : مكنتيش هتتجوزي باسل لا في سنه وله في شهر وله في يوم

سندي : كويس انك في صفي انتي احسن حمي في الدنيا

ناجية : انا مش حماتك انا امك يا حبيبتي ولازم الام تعمل على مصلحه بنتها يلا خدي التليفون

المشهد الرئيسي

انا : يلا وصلنا يا ساره

ساره : ( نزلت من العربيه وانا كمان ) بقولك ايه

انا : قولي

ساره : هي سندي لو مش في حياتك كنت فكرت في مين

انا : ولا حد لو سندي مش موجوده كنت دورت عليها

دخلنا الفندق وساره طلعت ل البنات لقيتهم نزلين كلهم دخلت هي جوه تجيب تلفونها وسندي كانت آخر واحده في الاوضه

سندي : ( لفت وشها ل ساره ) ساره كنت عايزه اد*كي حاجه

ساره : ( ب اسلوب جاف ) ايه

سندي : ( ادتها تليفونها ) ده

ساره : ( مدت ايدها تاخده وهي مش عارفه تقول ايه )

سندي : ( بي ابتسامه رقيقه رجعت ب ايدها ل وره شويه ) اتفضلي المره الجايه ابقي خلي بالك من حاجتك بس حاجتك مش اللي فاكره انها حاجتك

سابتها سندي ونزلت تحت مع البنات وانا ومصطفي ومحمود واقفين تحت وحياه نزله على السلم ب الزفه ومسكها ابوها وسلمها ل محمود وباس رسها ودخله الفرح الناس باركت وقعدنا شويه بين الرقص والهزار والمجاملات العائليه والناس اللي جايه تبارك ولقيت خالد داخل مع واحدة الفرح خدت سندي في ايدي

انا : ( باخد خالد ب الحضن وانا مبتسم بس مش ابتسامه شماته وله صفره لا ابتسامه نصر) حبيبي كويس انك عرفت تيجي

خالد : مقدرش افوت فرح اخوك يا باسل انتا الغالي

انا : بس انا فرحي بقي مش هيكون كده

خالد : كده ازاي

انا : هعزم كل الناس مش اللي بحبهم لا كمان اللي مش بحبهم صح يا سندي

سندي : صح يا روحي

انا : هسبكم بقي اشوف ضيوفي باي استمتعو

خدت سندي وجت فقره الرقص سلو خدت سندي رقصت بيها وكل قاعد مستغرب مين اللي بيرقص معاها باسل بس مش هاممني اي حد لقيت سندي نايمه في حضني

انا : مبسوطه يا سندي

سندي : ( بضحكه طفوليه ) قوي يا حبيبي

انا : وده المهم انتي مبسوطه غير كده لا

سندي : هو بعد الجواز هنكون مبسوطين كده

انا : طول ما احنا مع بعض هيكون في مشاكل بس وره كل ده هنفضل نحب بعض

سندي : بحبك

انا : بحبك

خصلنا رقص واليوم خلص ومحمود طلع مع حياه فوق دخله الاوضه

محمود : ( بفرحه مش سيعاه ) فين تليفونك بسرعه

حياه : ( مبتسمه ب فرح ) ليه

محمود : هاتي بس ( خد تليفونها وتليفونه وحطهم بره الاوضه ) علشان محدش يزعجنا

حياه : جري ايه يا محمود هي اول مره

محمود : لا المره دي من غير خوف

تاني يوم كنا في الفندق كلنا نبارك ليهم وقعدين تحت كلنا عند البيسين في الهوا

انا : الف مب**ك يا عريس

محمود : الله يبار فيك يا اخويا

ناجية : فين سندي

انا : لا سندي النهارده مش فاضيه خالص

ناجية : اشمعنا

انا : بتجهز نفسها علشان رايحين ليهم النهارده

بهجت : طيب مش تقول يابني

انا : ماهو باسل لسه عارف الفجر ابوها وصل وقعد مع امها

عا** : ليه يعني يحدد معاد زي ما هو عايز بروح امه

انا : ( معجبنيش الكلام لبست النظاره الشمس وبصيت بعيد )

ممدوح : ايوه يحدد معاد زي ما هوعايز حقه من امته اهل العريس هما اللي بيحدده معاد الزياره طول عمره العروسه واهلها

عا** : حتي انتا يا ممدوح

ممدوح : هتيجي في الاصول هما صح

انا : وبعدين ما تهدي اعصابك شويه ابوها ممكن بي تليفون يسافر اي حته في العالم

ممدوح : لا يا باسل اهو ده كلام بره الاصول

انا : يا عمي ممدوح ده واحد شغله كله بالتليفون وجدول اعماله مش هيكون فاضي غير بعد سنه دي طبيعه شغله هو مهندس ايوه بس شغله صعب جدا

عا** : انا مش هكون فاضي

بهجت : انتا واخد اجازه

عا** : انا برضه شغلي صعب وممكن تليفون يطلبني وامشي

بهجت : لا انتا هتحضر وله ها ت**ر كلامي يا عاصم

عا** : ( بص بعيد وهو متنرفز مش ها يعرف يرد على عمي بهجت علشان هو كبير العيله كلها ) اللي تشوفه يا اخويه

قعدنا عادي ولحد بليل رحنا البيت عند سما وكان في حراسه كبيره زي المره اللي فاتت دخلنا وجيه ابوها

جمال : يا اهلا يا اهلاً ب ناس الصعيد ازايك يا باسل

انا : كويس يا عمي احب اعرفك عمي بهجت وعمي عا** واخويه مصطفي وعمي علاء والحاجه والدتي ناجية العدوي

جمال : اهلا اهلاً اتفضل

قعدنا وبعد التعارف بين الطراف وجت سما

انا : ازاي حضرتك يا دكتور

سما : ( بي ابتسامه مقدرش اقول انها شيله اي ضغينه او مكر لا دي سعاده ) عامل ايه يا باسل كويس ؟

انا : تمام

بهجت : احنا طبعاً خلصنا تعارف نخش في المفيد باسل طالب ايد بنتكم سندي ل الجواز حبين تاخده وقت تفكره

جمال : تفكير ايه بس يا حاج انا اعرف باسل من سنه كامله وهو زينه الشباب انا موافق وكمان العروسه

بهجت : طيب اكيد حضرتك عارف احنا صعايده ولازم يكون في شروط وقايمه

جمال : شروط ايه يا جماعه الكلام ده قديم جدا الجواز دلوقتي تكافل

ناجية : ايوه الكلام ده قديم بس ده حقها ولازم تخده ونصيحه بلاش تهاون فيه

جمال : ماشاء الله يا باسل الحاجه في صفك جدا

انا : ههههههه طبعا

ناجية : لا انا في صف سندي لازم تاخد كل حقوقها

سما : كلام جميل جدا

جمال : طيب احنا عايزن............ والشبكه بقي دي هديه العريس لي العروسه هما يختاروها ب نفسهم

ناجية : تمام بس لو الاقامة ه تكون في بيت العيله في المنيا

سما : بس انا مش عايزه بنتي تعيش في بيت عيله

ناجية : ليه البيت كبير هيعجبها وهي شافته كمان

سما : ايوه بس دول هيكونه عرسان جداد لازم يكون في خصوصيه ليهم

مصطفي : انا مع حضرتك يا دكتور بس مش هيقعدوه في الاوضه بتاعته لا في جناح كامل ل باسل ثلاث اوض وصاله وحمامين اظن دي خصوصه

سما : اوكي تمام

جمال : ادام الستات متفقين والشباب متفقين احنا نقري الفاتحه

قرينا الفاتحه ونزلت سندي كانت لابسه فستان روز تحفه قعدنا شويه نتكلم

جمال : ( وسط الكلام ) بس انا افتكرت

انا : افتكرت ايه حضرتك

جمال : افتكرت شوفتك فين

انا :هو حضرتك اول مره تشوفني ولا ايه

جمال : لالا مش قصدي انا افتكرت اول مره شوفتك فيها انا قلت ليك شوفتك في حته قبل كده صح

انا : ( بفتكر شويه ) ايوه

جمال : انا بقي افتكرت انا شوفت ابوك معاك صور ليه

انا : ( طلعت المحفظه طلعت صوره ابويا ) اتفضل

جمال : ( مسك الصوره ) ايوه كده انا شوفت ابوك

ناجية : هو حضرتك تعرف چلال

جمال : جلال ال**دي انا بقول الاسم مش غريب عليا

ناجية : انتا تعرفه منين

جمال : ابوك كان بيدرس في جامعه القاهره

انا : ايوه

جمال : كده تمام جلال ال**دي دحيح الدفعه

ناجية : صوح كان دحيح الدفعه

جمال : حضرتك كنتي بتدرسي معانا

ناجية : ايوه بس قسم معمار ( جلال ) كان كيمياء

جمال : ياه يا باسل انا افتكرت امتحان التخرج والدي توفي قبلها بيوم دخلت الامتحان وابوك هو اللي غششني لوله ابوك مكنتش هبقي هنا

فرحت جدا من سيره ابويا المشرفه انا مفيش حد في حياتي يعرف ابويا غير لما يقولي على الجدعنه بتاعته والصور و وصف الناس انا شبه جدا

المشهد العام

انا النهارده مش هكتب مشهد عام واحط فيه لغز او اوصف اللي حصل في الحلقة او الحلقات اللي جاية لان النهايه هنا سعيده بس دي نهايه حلقة مش الروايه علشان كده السعاده اللي كان فيها باسل مش دايما علشان هو خد اللي هو عايزه لازم مقابل يسيب حاجه بيحبها

----------------------------------