الحلقة ال _ 35 #الحكمة

1662 Words

#اعداء_بالدم الجزء الثاني #الحلقة_التالتة_والرابعة #الحكمة الحكمه انك تعرف سبب وجودك ايه ايه ممكن تغيره في الحياه اصل مفيش حد موجود فيها كده و خلاص لا كل واحد ليه هدف عايز يحققه وانتا و شطارتك يا تعرف تحققه يا لا و ساعتها بيكون الهدف هدف كاذب _________ بداية الحلقة _________ طلعت انا ومني ننام وصحيت بدري نزلت تحت فتحت التليفزيون اشوف الاخبار ايه وجالي تليفون من مصطفي انا : حاج مصطفي حبيبي واحشني مصطفي : وانتا اكتر يا ابو باسل عامل ايه انا : انا تمام يا اخويا مصطفي : انتا فين كده انا : في البيت مصطفي : طيب انا عايز اقابلك كده واقعد معاك انا : انتا تنور هبعت ليك العنوان مصطفي : ليه انا عارفه انا : لا انا عند مراتي التانيه مصطفي : طيب نتقابل بره لحسن نضايق المدام ولا حاجه انا : طيب بلاش عبط بس وتعالي يلا مصطفي : ماشي سلام انا : سلام قفلت معاه ونزلت مني مني : صباح الخير يا باسل كنت بتكلم مين ؟ انا : ده مصطفي اخويا عايز يقعد معايا بعت ليه العنوان مني : مصطفي اخوك الكبير انا : ايوه مني : طيب هقوم اخليهم يحضره الفطار علشان لما يوصل بعد نصف ساعه وصل مصطفي وكان معاه ابراهيم ابنه انا : يا اهلا يا اهلا بالحاج مصطفي نورت القاهره ازايك يا ابراهيم مصطفي : منوره بوجودك يا باسل ابراهيم : كويس يا عمي انا : طيب اتفضلو اتفضلو دخلنا وقعدنا نزلت مني وهي لابسه عبايه استقبال استغربت اصل مني جو بيجامه وكده غريب الجو ده انا : تعالي يا مني اعرفك ب مصطفي اخويا الكبير وابنه الصغير ابراهيم دي مني مراتي مني : يا اهلاً نورته القاهره مصطفي : منوره بيكم انا : عامل ايه يا مصطفي والبلد عامله ايه هي والبيت مصطفي : البلد زي ما هيا لكن البيت بقي هو اللي مش قد كده انا : ليه كده بس ماله البيت مصطفي : البيت فيه اتنين ستات غير الشغالين ومحدش عارف يمشيه علشان ناجية مش فيه انا : ههههههه انتا بتقول فيها ناجية لو رئيسه جمهورية كانت تمشيها على الساعه زي السيف مني : للدرجه دي مصطفي :شكلك متعرفيش ناجية كويس انا : اتقبلو مره بس مصطفي :لا ناجية دي ست من حديد ( بص ليا وضحك) انا : بتضحك ليه مصطفي : اصلي عرفت انا : عرفت من امبارح للنهارده مصطفي : لا انا عارف من زمان قوي والكل عارف حتي الواد ابراهيم انا : حتي انتا يا ابراهيم تشترك في الخازوق ده انا اعتبرتك صديقي طيب عرفني ابراهيم : ناجية ( ده عادي يقول ليها ناجية من غير تيته علشان هي مش بتحب كلمه تيته ) قالت لو انتا عرفت من حد فينا هتزعله انا : طيب في الخباسه كده قولي ابراهيم : طيب انا راضي زمتك يا عمي اقولك وازعل ناجية وله اسكت واكل عايش انا : لا ادامت الموضوع فيه ناجية يبقي كول عايش كلنا بناكل عايش جنبها مش اكتر بقولكم ايه يله نفطر يله قومنا فطرنا كلنا ورجعت اقعد انا ومصطفي وابراهيم ومني انا : ايه الموضوع المهم اللي انتا عايزني فيه مصطفي : هو موضوع في موضوعين انا : طيب ايه الموضوع اللي في موضوعين ده مصطفي : الاول انا عايز امضتك على كام ورقة كده انا : ايه شيكات على بياض مصطفي : انتا حلتك حاجه ياخي لا احنا ها ناخد قرض من بنك وعايز امضتك على الورق انا : قرض ليه مصطفي : عايزين نطور المصنع ومحتاجين سيوله كبيره انا : ليه المصنع كام خط انتاج مصطفي : ثلاثه انا : طيب ايه رايك نخليهم تمانية خطوط مصطفي : تامن خطوط ازي احنا هناخد قرض علشان نخليهم اربعه بس ، تقولي تمانيه مني : هو مصنع ايه ده انا : ده مصنع ابويا بتاع المعلبات مني : نفس مجالي انا : ايوه مصطفي : انتي عندك مصنع نفس المجال انا : لا مني عندها اكبر مصانع اغذيه في الشرق الاوسط كله مصانع الديب مصطفي : ( بي اندهاش ) الديب مني : ايوه مصانع بابا انا : اسمع يا مصطفي بدل ما تاخد قرض من البنك تاخده مني انا ماشي وبعد كده يتسدد من الارباح مني : و لو حابين انا ممكن ابعت ليكم الخبره بتوع المصانع عندي وكمان ممكن نكون شركاء او منافسين ودي بقي حاجه انا مش قدها خالص يعني مصطفي : ليه حد يقدر ينافس مصانع الديب مني : مصانع الديب حاجه ومصنع مشارك فيه باسل ال**دي ده حاجه تانيه مفيش منافس هيكمل قدامكم انا : ليه بس ده انا غلبان مني : طبعا غلبان انا : ادي الموضوع الاول خلص ايه الموضوع التاني مصطفي : بارك يا سيدي ل ابراهيم خلص ثانويه عامه انا : الف مب**ك يا ابراهيم ناوي على ايه بقي ابراهيم : على كليه انا : كويس المغفلين زاده واحد ابراهيم : نعم انا : لا يا حبيبي مفيش ناوي بقي على خاص ولا حكومي ابراهيم : انا كان نفسي ادرس هندسه بس بابا مش عايز انا : ليه بس لو المجموع مش مكمل يدخل ابراهيم : بس بابا قال مفيش خاص مصطفي : ايوه علشان تبقي تتخاذل تاني انا : ايه تتخاذل دي هو ميسي ، اسمع ياض لو عايز خاص قول وانا بقولك قدام ابوك حلمك هيتحقق ابراهيم : ( بص ليا ولي ابوه ) هو الحمام فين مني : من هنا يا حبيبي اتفضل البيت بيتك قام ابراهيم مصطفي : ايه اللي قولته ده يا باسل قدام الواد انا : اللي قولته ده عين ال*قل لازم يحقق حلمه بلاش تبقي انتا متخاذل وتسيبه من غير مساعده مصطفي : طيب انا اهو مهندس عملت ايه بالهندسه يعني اشتغلت بيها انا عايزه يدرس تجاره علشان يفهم الحسابات حاجه تنفعه في شغل العيله لما يكبر لكن هندسه لازمتها ايه ابراهيم : ( رجع من الحمام ). انا : ها يا ابراهيم ناوي على ايه ابراهيم : ناوي على بزنس زي ما بابا عايز انا : فكر كويس ده حلمك ومش هتيجي فرصه تحققه تاني ابراهيم : لا خلاص انا قررت خلاص بزنس انا : طيب يبقي تدخل الكنديه مصطفي : غاليه انا : بطل نتانه ده زي ابنك برضه قعدنا نضحك وبعد كده مشي مصطفي مني : هو اخوك بخيل انا : مصطفي لا ليه مني : اصل معلش يعني الكنديه غاليه ازاي ،لو قولت ليه المعهد الكندي هيعمل ايه ؟ انا : ولا حاجه مصطفي اصله ماسك كل حاجه وعارف داخل كام وبنصرف كام ، هو خايف من الزمن مني : زمن ايه بس اخوك مش محتاج انا : ايوه مش محتاج بس الزمن مش مضمون نصيحه اوعي تستهتري بالزمن خالص علشان ميسبش علامه فيكي وساعتها مش هتنسيها خالص مني : ماشي يا باسل بقولك ايه تعرف حد في وزاره التربيه والتعليم انا : ليه مني : هاخد ليليان ونروح علشان تعمل معادله انا : لا الصراحه ، بس روحي ل ماهر دياب ها يخلص القصه دي مني : انا مش عارف انتا بتثق في ماهر ده ازاي ماهر دياب ملهوش امان خالص انا : لا متخافيش عليا انا بعرف اوقف كل واحد عند حده يلا انا نازل المجموعه سلام نزلت رحت المجموعه وخلصت شغلي ودخلت العب رياضه شويه مسكت كيس الملاكمه طلعت كل تفكير فيها وجالي تليفون من علي ابني انا : ايه يا علي في حاجه باسل : ( صوته باين عليه خايف وبيعيط ) الحقني يا بابا انا : في ايه يا حبيبي انتا فين ؟ باسل : انا في البيت وماما تعبانه قوي وتيته مش هنا ولا حتي الشغالين انا : طيب اهدي وخليني اكلمها باسل : مش عارفه نايمه على الارض ومش بترد انا : ( اتخضيت ) طيب انا جاي نزلت من الشركه بلبس الرياضه زي ما انا ركبت لوحدي وطلعت اجري على البيت طلعت بسرعه انا : باسل يا باسل انتا فين نزلت سندي وكانت لابسه فستان تحفه انا اول مره اشوفها كده انا : انتي كويسه سندي : ايوه كويسه انا : طيب باسل واللي قاله سندي : ( قربت ميني ولفت ايدها على رقبتي وقربت وشها في وشي ) باسل مع اميره و ناجية بره انا : يعني سندي : ايوه ناجية ادتك على دماغك تاني انا : بقي كده يا سندي تعملي فيا كده سندي : انتا اللي بدأت انا : وندمت على كل ده انا لو قدامي ستات الدنيا كلها انتي حاجه تانيه خالص سندي : بجد طيب ومني انا : مني دي جزء من كياني عايزها زيك كده ، جزء من كياني عايزك ، انا مش قادر اعيش من غيرك ولا غيرها ودي حاجه انا مش عايز فيها نقاش علشان نفضل حلوين سندي : اممممم يعني احنا مكملناش كام ساعه متصالحين تيجي تحط شروط من دلوقتي و اوامر انا : ليه مش عاجبك ولا حاجه سندي : لا مش عاجبني بس وحشني جدا طلعت انا وسندي الاوضه فوق في مشهد اخر مصطفي وصل البيت في البلد جيهان : حمدلله على السلامه يا حبيبي مصطفي : الله يسلمك محمود : عملت ايه مصطفي : تمام علي وافق يسلفنا الفلوس محمود : مش قلتلك لو طلبتها منه هيحس اني احنا طمعانين فيه لكن لما تقول قرض يجي بمزاجه مصطفي : انا مش عارف يا محمود الدنيا هتوصل لحد فين بعد كده باسل اتغير جدا اللي بسمعة عنه يشيب محمود : طيب نعمل ايه ، احنا مش هنسرقه لا احنا هنستلف الفلوس دي وبعد كده ياخدها بالارباح بتاعتها دخل عليهم ابراهيم ابراهيم : انا هاعمل ايه يا بابا مصطفي : خلاص انتا وافقت على قراري يبقي انا كمان موافق تدخل جامعه في القاهره ابراهيم : بجد يا بابا بس مصطفي : اطلب يا سيدي عايز ايه ابراهيم : اغير العربيه مصطفي : ماشي يا سيدي اجبلك عربيه تكون **ر زيرو حاجه مستعمله نضيفه ( مصطفي ده بخيل قوي ) ابراهيم : ماشي يا حاج طلع ابراهيم من البيت راح الجنينه كان راضي قاعد راضي : ( بيتكلم في التليفون ) ايه نعم ياختي........ مفيش الكلام ده ( فرح ) اعقلي...... انا قولت كلمه وهتتسمع ماشي كلامي واضح يلا في داهيه ( قفل السكه) ابراهيم : انتا ها تفضل طول عمرك حيوان يا ابني فرح دي بنت ناس عيب دي بنت عمك مينفعش تكلمها زي الستات التانيه يا راجل انتا بتعامل الستات التانيه احسن من كده راضي : بقولك ايه يا ابراهيم الستات التانيه مش هتجوزها لكن دي هتجوزها لازم يكون في أسلوب حوار معين بيني وبينها لازم تعرف اني غيرك انتا ، قعدت تعامل بسنت حلو لحد ما طلع على دماغك ابراهيم : ( بص ليه بصه صفره وابتسم ) ماشي يا راضي

Free reading for new users

Scan code to download app

App Store Google Play

Facebookexpand_more