الحلقة ال_28

2616 Words

الحلقة ال _28 ...... وصلنا بيت مني نمت هناك وتاني يوم نزلت الصعيد لاهلي كنت سايب سامح والرجاله يحرسه البيت هناك وصلت ونازل من العربيه على رجلي سامح : باسل بيه رجعت بالسلامه يا كبير انا : الله يسلمك يا سامح سامح : انتا مش تكلمني اجيلك المطار انا : ليه يعني هو انا مشلول سامح : لا يا باسل دي ايام وعدت مب**ك رجوعك بالسلامه يا كبير انا : اسمع اجهز انتا والرجاله راجعين القاهره واعمل حسابك انتا والرجاله مفيش اجازه اسبوع عندنا شغل كتير قوي ومصايب ناوي اعملها وعايز رجالتي تكون معايا سامح : اخواتك يا كبير انا : ماشي يا عم سامح دخلت البيت اول ما دخلت كانت ناحيو الصغيره قاعده بتلعب مع باسل تحت ، باسل اول ما شفني جري عليا بالحضن باسل : بابا حبيبي انتا رجعت امته انا : وصلت امبارح يا سيدي ازايك يا نوجا دودو : كويسه يا اونكل انا : :( اونكل الله يرحم ابوكي ) فين ماما يا باسل باسل : مع تيته في المطبخ انا : طيب دخلت المطبخ وانا بتسحب علشان اعمل ليها مفاجئه دخلت كانت امي وحياه وجيهان قاعدين على تربيزه كل واحده مسكه طبق اول ما شافوني ماشي على رجلي شاورت ليهم محدش يعمل صوت ورحت لسندي كانت واقفه على البوتاجاز حضنتها من وره سندي : ( كانت بتدوق الشوربا واتخضت ولفت ) انا : :( الشوربا اتكبت عليا واتلسعت ) ايه يا سندي هتشويني سندي : ( بصه ليا بفرح وخدتني بالحضن ) وحشتني يا باسل انا : انتي اكتر يا بطتي امي :: ( بصه ليا بفرح ) حظك حلو صنيه البطاطس باللحمه بتتعمل انا : :( بصيت لامي بفرح ) طول عمرك عارفه معاد رجوعي يا امي امي :: مبقاش ناجية لو معرفتش طلعت بره واخواتي جم على السيره وكمان باقي العيله كمان الكل جاي يطمن عليا بليل بعد ما الكل مشي امي :: ايه اللي حصل بقي انا : :( حكيت ل امي كل حاجه ) بس رحت أتعالج ورجعت سندي : يعني انتا شايل كل ده لوحدك انا : قدري يا سندي مصطفي : ( بعضب ) مين بقي اللي ض*ب التقارير بتاعتك انا : واحد كده امي :: قولي اسمه وانا انهش لحمه بسناني انا : متقلقيش يا امي لسه معاده مجاش سندي : طيب مش تطمن على النونو بنتك انا : :( بفرح ) طلعت بنت سندي : ايوه انتا عارف يا استاذ انا حامل في الكام انا : اربع شهور وست عشر يوم سندي : صح انا : طيب اجهزي انتي و باسل علشان راجعين امي :: ارتاح النهارده طيب انا : لا ( اتكلمت جد ) بصي يا سندي قبل ما نرجع انا عايز اقولك حاجه قدام الكل سندي : ايه هي خير انا : كل خير انا اتجوزت سندي : ( ضحكت ) هههههههه انتا بتهزر صح انا : الصراحه لا سندي : بس بقي تقل دم يلا انا هقوم اجهز انا : سندي وحيات باسل ابني انا مش بهزر انا : حلفت من هنا والصوت العالي طلع عليا من كل الستات امي وحياه وجيهان وسندي والزعاق اشتغل سندي : ( بصوت عالي ) انا يا باسل تتجوز عليا انا ده انا : هخرب بيتك امي :: ( بنفس الطريقه ) انتا مجنون انا : لا انا مش مجنون انتي عارفة النظام لا جواز في السر ولا رفق ولا حتي م**رات ده نظامك وانا معملتش حاجه غلط ده حقي الشرعي جواز شرعي وعند مأذون سندي : وانا حقي الشرعي اني اطلق طلقني يا باسل انا : مفيش طلاق سندي : ايه مش عايزه اعيش معاك تاني وانتا متجوز واحده تانيه خلاص خلصت طلقني انا : لا سندي : ( هديت شويه ) طلقني يا باسل يا اخلعك انا : ده لو في قاضي محكمه اسره قبل القضيه يبقي راجل ويكمل فيها ده تبقي ليله امه سوده سندي : ( رجعت اتنرفزت تاني ) هفضحك في كل حاجه الجرائد وكمان التلفزيون انا عرفاك بتخاف فنتطلق بالمعروف احسن انا : زي ما قولت في الاول ولا قاضي ولا محامي ولا جريده او حتي برنامج تلفزيون هيتكلم في الموضوع ده هولع فيه وده اخر كلام عندي طلعت سندي بسرعه ومعاها جيهان وحياه امي :: ( هديت شويه وقعدت جنبي ) بص يابني مراتك التانيه دي لازم تطلقها انا : لا امي :: ( رجعت للنرفزه تاني ) انتا ايه ياض فاكر مش هقدر عليك فوق انا اجيبك تحت رجلي واقتلك بايدي انا : طيب تمام انا اطلقها بس هغلط معاها انا عملت الحلال مش الحرام امي :: يابني يا حبيبي انتا كده بتخرب بيتك بايدك فوق كده ده شيطان ودخل بينك وبينها انا : لا مش شيطان ده اختياري انا عايز اتجوز تاني ده حلال عايزين توقفه الحلال امي :: مفيش حلال يخرب البيوت العمرانه فوق كده وصالح مراتك انا : لا ( قومت ) اسمعي يا امي وبلغي الكلام ده ليها انا اتجوزت خلاص ومفيش مخلوق او قوي على الارض هتخليني ارجع عن قراري ماشي انا هديها مهله تفكر براحتها وترجع بس صبري ليه حدود وعارفها كده كويس واخرت صبري مش طلاق لا انا هجي اجبها من أيدها تمام سبتهم ومشيت طلعت بره خليت سامح يتحرك بينا رحنا القاهره وصلنا المستشفي بتاعتي ودخلت اوضه عمليات وخليت سامح والرجاله جابه الدكتور اكرامي مدير المستشفي وكان المشرف على الحاله بتاعتي من قفاه اكرامي :: باسل بيه انا : :( ببرود ) ايوه باسل بيه فاكر ان الحزن قتلني صح اكرامي :: حزن ايه يا باشا بس ده نصيب وبعدين حضرتك عايش ايوه على كرسي بعجل بس عايش انا : :( قمت من على الكرسي ورفعته في الهوي ونزلته على دماغ اكرامي ) انا بمشي يا روح امك ولسه بصحتي ( بض*ب فيه برجلي ) بقي انا عاجز يا ابن الكلب تحب اجيب منك عيال دلوقتي هتحب اكرامي :: ارحمني انا : ارحمك وانتا رحمتني ولا رحمت الناس اللي سرقت منهم الاعضاء ( اكرامي كان شغال تبع مافيا تجاره الاعضاء ) اكرامي :: ابوس ايدك ارحمني استر عليا انا عبد المأمور انا : زي ما اخدت من الناس قلبها وعنيها وكبدها اخدت منهم حياتهم انا هخدها منك سعد سعد : ( راجل تبعي ) امرك يا باسل بيه انا : اسمع عايز الحيوان دة يتسلم ومعاة كل الادلة والفيديوهات اللي تدينة سعد : امرك يا باشا بعد ما سعد خرج طلعت بره واتحركت مع الرجاله رحت لسليم سليم : نورت مصر يا باسل انا : منوره بناسها سليم : ارتحت دلوقتي انا : لا لسه فاضل كتير وكمان لسه الخاين اللي باعني سليم : هو انا : ايوه هو بس سهل حقي بعرف اخده سليم : على فكره الناس كلها فرحانه برجوعك انا : بجد سليم : ايوه انا : طيب سليم : نسيت ابارك ليك الف مب**ك الجواز انا : الله يبارك فيك يا سليم عبالك سليم : ( ابتسم ) في حياتك انا : بقولك ايه انا همشي بس في رساله عايزك توصلها للكل وده سر الزياره بتاعتي سليم : ايه هي انا : بلغ الكل اني رجعت تاني واقوي من الاول لو عرفت اني في حد ليه يد في حاجه من اللي حصلت ليا من قريب او بعيد هفرمه بجزمتي زي الصرصار انا راجع وفي عيني الشر مش عايزه يطول حد منهم تمام سليم : مش شايف ان لهجت الرساله دي هجوميه شويه انا : ده اللي عندي هتبعتها انتا ولا ابعتها بطريقتي سليم : اللي هيا انا : ابعتها مع راس حد من اللي اسمهم سليم اي حد سليم : ( بلع ريقه ) لا وعلى ايه ابعتها انا طلعت من عند سليم ورجعت البيت عند مني وده قاعد فيه فتره دخلت لقيت مني بتتكلم ف التليفون مني : وانا اكتر يا حبيبتي ........ معلش بقي كل حاجه جت بسرعه........... اكيد في اقرب اجازه هعرفك عليه.......... باي يا حبيبتي سلام انا : :( قعدت جنبها وخدتها في حضني ) بتكلمي مين يا قمر مني : دي بنتي انا : اه طيب تصدقي يا مني انا معرفش اسمها لحد دلوقتي مني : اسمها ليليان انا : طيب هي عرفت ان احنا اتجوزنا مني : ايوه وفرحانه جدا ونفسها تتعرف عليك انا : ماشي في اقرب فرصه تيجي من السفر مني : ( شافت دم على لياقه القميص ) ايه ده يا باسل انا : :( بصيت على الدم ) ياه على الستات وقوه الملاحظه بتاعتها مني : لا بجد ايه ده انا : كنت باخد حقي بدات بالدكتور الحيوان اللي باعني مني : ( بزعل ) تقوم تقتله انا : انتي زعلانه ولا ايه مني : طبعا ده بني ادم مش كلب انا : لا مش كلب بس اقذر من اي حيوان ممكن تشوفيه البيه شغال في تجاره الاعضاء عن طريق المستشفي عندي واللي بعت ليا الحاجات اللي وصلت من شهرين دكتور شغال تحت ايده لما عرف انه بلغني قطعه وهو عايش وباعه قطع اعضاء شوفتي انه حيوان وميستهلش يتزعل عليه مني : انتا كده بتعرض نفسك لسين وجيم انا : لا ده ولا ده انا مقتلتوش اناعملت منه رساله للكلاب اللي وره فهمتي مني :طيب انتا عارف مين اللى وره انا :: طبعا عارف مني : مين انا : متشغليش بالك بس كل ده ماشي يلا نطلع ننام عندي مشوار مهم طلعت انا ومني ننام تاني يوم صحينا بدري علشان اروح الشغل وهيا كمان تنزل تروح شغلها مني : صباح الخير يا حبيبي انا : صباح النور يا قمر فين القهوه بتاعتي مني : افطر الاول وبعد كده اشرب قهوه زي ما تحب انا : لا انا احب القهوه على الريق مني : القهوه دي هتعمل ليك انيميا وكمان الضغط كل الحاجات دي مش حلوه غير بقي تزيد نسبه اصابتك بالقلب انا : طيب فين القهوه بقي مني : هو كل الكلام ده مش عاجبك انا : مني انا عارف ايه الاضرار بتاعتها كويس جدا مش محتاج دكتوره تقولة انا متقبل المخاطرة ماشي بعد كده اصحي القهوه بتاعتي تكون جاهزه وانتي تعمليها بايدك مش الشغاله وبلاش مكنه قهوه انا احبها بلدي قومت وسبتها من غير فطار هي مش قاصده تزعلني بس لازم احط اانقط على الحروف الاول طلعت خدت دش لقيت مني عامله فنجان قهوه وحطه وكتبه ورقه جنبه ( انتا تأمر يا سيد الرجاله ) ضحكت لبست هدومي وشربت القهوه ونزلت ركبت العربيه مع الرجاله بتاعتي اتحركنا بعد مسافه ركنا غيرت هدومي ولبست لبس تاني ولبست نظاره شمس ومسكت عاصيا زي بتاعت الكفيف وركبت مع سامح عربيه النترا ورحنا سجن ابو زعبل داخل ببطاقه مضروبه وانا عامل اعمي وكمان جايب جهاز صغير جدا قد البور بنك كده شوش على كاميرات المراقبه وشي بس هو اللي يختفي دخلت جوه اوضه وجالي مسجون اسمه حماده رشوان واحد من اللي حبستهم مع سما حماده : اهلا باسل ال**دي انا كنت منتظر الزيارة دي من زمان انا : اهو اديني جيت حماده : ( حط رجل على رجل ) انا سمعت انك اتشليت وكمان طلعت عقيم لكن اعمي دي جديده انا : :( ببرود خلعت النظاره ولعت سيجاره ) وايه تاني حماده : كان نفسي ابص في عينك من زمان انا : انتا اهو باصص حماده : وسعيد جدا اني كنت سبب في دخولك المستشفى والغيبوبه انا : مش عارف ليه يا حماده انتا متخيل انك في امان انا ممكن اقتلك في ثانيه حماده : ( ضحك ) هههههههه متعرفش انا في اأمن حته في مصر سجن ابو زعبل اوعي تكون فاكر شويه القضايا دي هتوقعني انا هنا علشان ناس كتير مهمه وتقيله عايزني عايش انا : انتا عارف يا حماده انا معجب بيك قوي كنت عايز تجبني جنبك هنا بس فشلت ولما حبيت تطلع فشلت ولما حبيت تقتلني فشلت برضه انا بعشق الفشله حماد : كفايه اني خليتك الفتره الاخيره تشوف حاجات عمرك ما شوفتها ولا اتعرضت ليها ، القلق والخوف والحزن اللي كان جواك انا السبب فيه انا : ( شورت ليه يقرب وكلمته في ودنه ) انا مش بخاف ( حطيت خنجر في رقبته ) سلام يا حماده طلعت بره وعملت زي ما دخلت عادي وركبت العربيه ورحت الشركه بتاعتي الموظفين في حاله مفاجأه اني رجعت وماشي على رجلي دخلت على داليا كانت قاعده على كرسي المكتب وفي شاب قاعد ليها على المكتب اول ما دخلت الاتنين اتنفضو انا : ( مديت ايدي اسلم على الشاب ده ) اهلا انتا مين شاب : انا اشرف سوبر فيزر هنا انا : ام سوبر فيزر مش سوبر مان يعني اشرف : ( تنح ) هة انا : على مكتبك بسرعه علشان صاحب الشركه رخم داليا هاتي البوسطه المتأخره وكل الشغل المتأخر يلا دخلت المكتب وقعدت ولعت سيجاره ودخلت داليا داليا : اتفضل يا فندم ده كل الورق المتأخر انا :طيب داليا : ده اشرف يبقي انا : :( قطعت كلامها ) مش قصتي انتي تدلعي عليه هو يتدلع عليكي بره عني بس مش في شركتي اتفضلي طلعت داليا بعد ما احرجتها وقعدت اخلص شغلي المتأخر كله في مشهد اخر سندي في بيت الصعيد ومعاها امي واخواتي سندي : انا خلاص خدت قرار هطلق يعني هطلق امي :: طيب اهدي كده وفكري لما تطلقي هتروحي فين سندي : اي حته اشتغل واشيل مسؤوليه نفسي امي :: انتي فاكره باسل هيوافق سندي : هيعمل ايه يعني محمود : لا ممكن يعمل كتير ممكن يقفلك فيها سندي : خلاص امشي واسيب ليه البلد كلها امي: هتروحي فين يعني وتعيشي فين سندي : مفيش اكتر من البلاد بره مصر امي :: طيب وتسبيني لوحدي انتي بنتي سندي : بنتك طيب بنتك كرامتها بقت في الارض بنتك جوزها اتجوز عليها حسسها انها ناقصه مع اني عمري ما حرمته من اي حاجه بنتك جوزها بتاع مشاكل من يومه بنتك جوزها سيبها هنا زي الكلبه وعايش متهني مع مراته التانيه انا مش بنتك هو ابنكم علشان كده كلكم متجمعين علشان تقنعوني اقعد امي :: طيب فكري في ابنك وبنتك لازم يكونه جنب اهلهم سندي : اهلهم انا ولدت بتسل لوحدي وابوه كان بعيد وبنتي مش هتفرق كتير حياه : بلاش قسوه يا سندي سندي : قسوه انا مش قاسيه باسل هو اللي قاسي وجاحد كمان روحي كده اسألي ابنه انتا فاكر ايه ل ابوك هيعد مواقف معاه على ايده باسل مكنش معاه في حياته يبقي نكمل على كده احسن امي :: طيب اهدي طيب علشان نعرف نفكر سندي : مفيش تفكير المشهد الرئيسي قاعد في المكتب ومحمد دخل عليا بدون اذن محمد : ( بنرفزه ) ايه اللي عملته ده انا : عملت ايه محمد : انتا اتجوزت تاني انا : طيب اقعد محمد : اقعد ايه ياخي انتا بتخرب حياتك وتقولي اقعد انا : محمد يا تقعد نتكلم يا نقفل على الكلام من اولة محمد : ماشي ادي قاعده انا : بص يا محمد انتا اخويا وجنب ده انتا صاحبي الوحيد وانتا عارف ان الصوت العالي والشويتين اللي دخلت بيهم دول وامي هي اللي قالتلك تعمل كده ومحافظاك الكلام اللي هتقولة كمان شويه مش هياكل معايا ( ببصله ) صح محمد : ( متغاظ ) صح انا : يبقي نتكلم بال*قل احسن محمد : عقل ايه حد يعمل كده انا : هو انا عملت ايه انا اتجوزت شرعي محمد : مش كده اللي بيتجوز على مراته ده بيكون مراته مطلعه عينه او مش مكفياه او حتي وحشه وانتا لا ده ولا ده ولا ده ايه بقي فهمني انا : بص يا محمد انتا مش هتفهمني انا حبيت محمد : حبيت ايه انتا عمرك حبيت واحده غير سندي انتو الاتنين كنتم اكتر من قصص حب الافلام انا : عادي حبيت تاني وممكن تالت او رابع ده حقي محمد : حقك يابني اعقل مراتك حالفه لا تمشي انا : :( بصيت ليه باستغرب ومتنرفز ) تمشي ازاي يعني محمد : تمشي عايزه تسافر تاخد عيالك وتسافر انا : ( رنيت على سامح جالي ) سامح : امرك يا باشا انا : عايزك تبعت رجاله الصعيد وتحط البيت تحت الحراسه عارف يعني ايه حراسه المدام و الاولاد محدش يطلع غير و حد معاه وعايزك تنشر الخبر ده اي معبر حدود بري بحري جوي هتعدي من عليه مراتي وعيالي م***عين من السفر ماشي سامح : ماشي انا : ابعت حد انتا تكون واثق فيه سامح : حصل انا : اتحرك يلا طلع سامح ومحمد قعد باصص ليا بغيظ وساكت وانا : كمان ساكت قام مشي وانا خلصت اليوم و روحت مشهد من المستقبل انا : قاعد وقدامي مراتي انا : بقي انتي تخونيني انا عملت ليكي ايه انا عمري ما شوفت حد يعمل كده انتي مراتي انا خسرت كل حاجه بس علشانك وانتي كده ليه انا تحديت العالم كله بس انتي لازم تموتي .... #يتبع لسة في عدو مستخبي وراء الستارة ويمكن مش عدو واحد

Free reading for new users

Scan code to download app

App Store Google Play

Facebookexpand_more