الحلقة ال _ 42 #الحياة

1598 Words

#اعداء_بالدم الجزء الثاني #الحلقة_ال11 #الحياة • الحياه دي جميله جدا وبسيطه جدا و مفيش فيها اي مشاكل ، بس فيها ناس والناس هي المشكله ، مش بقول ان لازم الناس تموت ، لا بس الانسان بجهلة وطمعة عمل فروق كبيره جدا بين الناس علي اساس انه بيعمل طبقات وده نظام الدنيا العادي ، لا الدنيا مفيهاش الفروق الكبيره دي الدنيا بسيطه جدا ولازم نبص ليها بالنظره دي • بدايه الحلقة الشباب رجعو من بره وهما مبسوطين من اليوم ابراهيم : في ايه يا بابا مصطفي : عمكم باسل اض*ب بالنار راضي : ( اتخض ) ايه طلعه يجرو دخله جوه البيت طلعه فوق الجناح بتاعي انا نايم على السرير وفي حفره في دماغي مني : ( بتعيط. ) باسل قوم يا باسل سندي : قوم يا حبيبي قوم بلاش تموت باسل : ( بيعبط وهو ماسك ايدي ) بابا ارجع يا بابا انا : ( كأن حد كاتم نفسي وشال ايده مره واحده شهقت ) اهه انا فين امي : ( اتخضت ) انتا كويس انا : ( بحط ايدي على راسي صداع لقيت الرصاصه في أيدي بس كانت لازقه في راسي طلعتها ) ايه ده مصطفي : انتا كويس انا : ايوه بس مصدع قوي ايه اللي حصل دخل دكتور كانو كلموه دكتور : فين الحاله محمود : اهو يا دكتور دكتور : ( مسك الطلقه وبص لدماغي وطلع مطهر وكمان لزق وحطه عليها ) بس كده حياه : يا دكتور ده واخد طلقه في دماغه دكتور : الطلقه دي عدت من حاجه مصطفي : ايوه سور البيت دكتور : ( بص ليا بستغرب وبص للطلقه ) السور ده معمول من ايه مصطفي : مصبوب خرصان دكتور : علشان كده الطلقه اول ما دخلت فيه بقي شكلها مسطح كده ولما عدت منه خبطت في دماغه زي الزلطه مش اكتر ( كلمني ) استاذ باسل انتا محظوظ جدا كان ممكن تموت الطلقه دي قاتله انا : ( خدت منه الطلقه ) دي بقي تذكار ل حظي شكرا يا دكتور مشي الدكتور وسندي ومني نامو الاتنين جنبي و باسل كمان سندي : انتا ايه يا اخي مش بتموت خالص مني : بطلي فقر بقي لحسن نلاقيه مات دلوقتي امي : بعد الشر عليك يا حبيبي محمود : مين ممكن يكون عمل كده انا : ( تليفوني رن كان سليم ) الو يا باشا سليم : انتا لسه عايش انا : خيبت املك ولا ايه سليم : لا يا راجل حمدلله على السلامه انا : الاخبار كلها جايبه ايه سليم : خبر وفاتك هننشر التكذيب دلوقتي انا : لا نزله بعد كام ساعه مش دلوقتي سليم : اللي تشوفه انا هابعت الرجاله دلوقتي انا : لا سبهم في الاجازه بتاعتهم سليم : ازاي اللي يوصلك في الصعيد يقدر يوصلك في اي حته انا : اسمع كلامي بس سلام قفلت معاه امي : ليه يابني كده خلي رجالتك تيجي انا : ( كلمت نصحي ) الو يا نصحي نصحي : باسل بيه كويس انك عايش انا : اخبار البورصه ايه نصحي : نزلت جامد انا : طيب اشتري الاسهم كلها لمها ماشي وعايزك تحول المضاربه في المانيا ل الصناعات الحكوميه وصناعه العربيات ماشي نصحي : نصف ساعه وتكون خلصت قفلت معاه امي : وبعدين انا : ولا قابلين اطلعو بره عايز انام يلا طلعه بره كلهم امي : وبعدين بقي مع الواد ده مصطفي : انا هكلم الرجاله اجبها مني : ملهوش لازمه مصطفي : ليه مني : لو حد عايز يقتل باسل محدش هيقدر يقف قدامه غير باسل نفسه ، هو اخر خبر التكذيب علشان محدش يحاول النهارده تاني محمود : يعني ايه هنقعد نتف*ج عليه مني : محدش هيقدر يعمل حاجه غيره هو امي : مين عايز يقتل باسل مني : السؤال مش كده السؤال مين في مصر او بره مصر مش عايز باسل ميت والاهم مين جاله الجرأه يعملها سندي : وبعدين مع باسل هيفضل كده كتير كان فنجان منيل بستين نيله امي : فنجان ايه سندي : زمان انا و باسل قبلنا واحده بتقرئي الفنجان وقالت ل باسل حاجات كتير وحشه ومن ساعتها حياته مقلوبه امي : ( بصت ليها شويه ) طيب • في مشهد آخر • قاعد في الاوضه وافتكرت اللي حصل بالظبط • فلاش بااااااااك • قاعد بضحك مع باسل وجالي تلفون طلعت ارد بره كان جاي ليا من داليا داليا : صباح الخير يا باسل كل سنه وانتا طيب انا : وانتي طيبه يا داليا داليا : انا كنت عايزه حضرتك في حاجه بس محرجه انا : انا عودتك على كده انا اخوكي خير داليا : انا كنت عايزه سلفه انا : بس كده كام يا ستي داليا : 20 الف جنيه بس انا : بس كده سهله اكلم نصحي دلوقتي اول ما نفتح الشركه استلميها داليا : شكرا يا باسا بجد شكرا انا : مفيش شكر على حاجه تافهة زي دي يلا كل سنه وانتي طيب سلام داليا : وانتا طيب سلام قفلت معاها ولقيت مكالمه مش جواهرجي اسمه ياقوت استغربت انه بيكلمني انا : الو ياقوت الجوهرجي بنفسه عامل ايه يقوت : ( بصوت عالي ) باسل انتا فين اهرب يا باسل هيقتلوك اهرب بسرعه انا : في ايه يا ياقوت مكملتش الكلمه ولقيت السور بيتخرم والطلقه عدت في دماغي هو ده اللي حصل • عوده من الفلاش بااااااك • قعدت افكر مين عايزني ميت ملقتش حد مش عايزني ميت الصراحه قولت انام بما اني قادر انام نمت وصحيت تاني يوم على اميره على السرير انا : ايه ده اميره صباح النور والسرور يا قمر فين ماما ها فين سندي : ( طلعت من الحمام ) صباح الخير يا حبيبي انتا صحيت امته انا : انا صحيت على اميره انتي سيباها كده ليه لما تقع ودماغها تتخبط اعمل انا ايه بقي ها مفكرتيش انا ممكن اعمل فيكي ايه لو ضفر ات**ر منها سندي : جري ايه يا باسل ل كل ده انا : سندي انا عيالي عندي غاليين جدا خالي بالك بقي سندي : متخفش عليها دي قرده انا : زي امها قومت خدت دش وغيرت هدومي ونزلت تحت انا : صباح الخير امي : ايه خلاك تقوم انتا لسه تعبان انا : لا متخفيش عليا انا زي القرد اهو بس عايز اشرب قهوه امي : ثانيه اعملها قامت امي عملتت القهوه وشربتها وبعد شويه قومنا نفطر وبعد الفطار امي طلعت الجنينه ومعاها الفنجان بتاعي وفي واحده بتقري الفنجان بره اسمها جليله امي : خدي يا جليله اقري الفنجان ده جليله : ( قلبت الفنجان وحركت شفايفها وبصت فيه ) بلاش يا حاجه امي : بلاش ليه جليله : اللي هقوله مش هيعجبك امي : قولي اللي انتي شايفه جليله : شايفه شاب عتره بس طريقه وحش معادي خلق الكون كله وكلهم في قلوبهم الشر ليه ، عيشتهم بموته وعشته بموتهم ، ناس واقفه قدمها اسوار ب اسود حرساها ، بس ميتخفش عليه لا هو راجل شهم وتمن الشهامه دي كفنه امي : انتي شايفه موت جليله : الموت موجود وحواليه والموت انواع كتير ، يا يموت ابنه ، يا يموت حبيبته ، يا يموت الغالي عنده ، يا تموت سيرته وسط الناس و يبقي مداس عليه ، يا يموت هوا امي : طيب وبعدين احبسه في البيت جليله : لو حبستيه في برج نصيبه جي جي ( بصت بستغرب ) هو عنده كام بزره امي : اتنين ولد و بنت جليله : متأكده يا حاجة امي : ايوه بس هو متجوز اتنين ممكن تكون مراته التانيه حامل و هيا مش عارفه جليله : في خبر جاي ليه مش هيكون سعيد خالص امي : خبر ايه جليله : سامحيني يا حاجة مش كل حاجه بشوفها اقدر اقولها انتي عارفه امي : طيب خدي الفلوس دي جليله : انا مش باخد تمن الفنجان يا حاجه امي : طيب يا جليله اتفضلي مشيت جليله وامي دخلت وهي ساكت وعماله تبص عليا بحسره من الشاب اللي هيموت في شربه مايه وابنها اللي هيضيع وهو اخر العنقود الصغير بس ش*ي جدا طول عمره ش*ي من صغره انا : ها يا فرح كلمتي ابوكي فرح : ايوه يا عمي بس مش موافق اقعد عند حضرتك مش عايز يتقل عليك انا : ليه هو ابوكي فكرني هوافق تقعدي لوحدك ولا في سكن طلبه انسي انا هكلمه كلمت منصور و فهمته و هو قال هفكر وجت روان دخلت المكتب ليا روان : انت لسه عايش انا : ايوه روان : مش تهدي شويه و تعقل انا : اهدي ليه انا بلعب روان : لعب ايه يا باسل انتا روحك كانت خلاص ها تطلع انا : جري ايه يا روان انتي نسيتي ابوكي كان دايما يقول اللعب بالنار متعه بس لازم تتلسع بيها وده شر لابد منه روان : باسل فهمني في ايه في دماغك و لعب ايه انا : لعبه يا روان لعبة ، لعبه محسوب فيها كل حركه بعملها كل خطوه كل رصاصه مضروبه محسوبه برضه ، كل مره عدوي بياخد نفس انا اللي حاسبه و مخطط ليه لعبه فيها شهوه غريبه شهوه انك تتحكم في تحركات الناس و هما فاكرين انه تفكيرهم بس انا اللي رسمه كل واحد في اللعبه دي فاكر انه بيعمل اللي هو عايزه بس في الحقيقه بيعمل اللي انا عايزه كل واحد من اعدائي فاكر انه بيتحرك لخدمة مصلحته بس ده ل مصلحتي انا مش لحد تاني روان : حاسب يا اخويا انتا مش بتلعب بالنار انتا بتلعب شطرنج بس بالناس وده لية ثمن اغلي من لسعه النار ها تخسر انا : اخسر و ماله مش وحش ل حد ممكن يخسر روان : باسل بلاش اللعب بتاع باريس هنا مش ها ينفع انا : ينفع في كل حته روان : اللعب بالناس ملهوش قواعد ولا قوانين اد*ك شوفت و متحولش تقنعني ان اللي حصل امبارح ده كان في الخطه بتاعتك انا : بلاش تخافي اخوكي ميتخفش عليه روان : يتخاف عليك من نفسك يا اخويا قامت روان مشيت طلعت بره البيت و عملت تليفون روان : باسل ال**دي عنده خطه كبيره اوي شخص : انا عارف روان : لا متعرفش ده اكبر من اللي في خيالك باسل بيلعب بالناس الهوايه المفضله عنده شخص : مشكله بس كل مشكله وليها حل سلام #######

Free reading for new users

Scan code to download app

App Store Google Play

Facebookexpand_more