اعداء بالدم

الحلقة ال _48. #الصراع

#اعداء بالدم الجزء الثاني

#الحلقة_ال17_

#الصراع

كل يوم مشكله شكل ، كل يوم مصيبه شكل ، اصل الحياه مش دايما سعيده ، بس للاسف لو عدت بدون صراع احنا ندور عليه علشان الصراع بقي جزء لا يتجزأ من كيان ابن ادم ، ابن ادم اللي عايش في الارض في حروب عايزها تنتهي

بس لا الحرب مش بتخلص غير ب فناء البشريه

• بدايه الحلقة

نمت على السرير وجنبي لميتا صحيت تاني يوم ب حاجه غريبه في بوقي فوقت لقيت الهانم بنتي حاطه رجلها في وشي عدل فوقت دخلت الحمام خدت دش وغيرت هدومي بصيت في الساعه لقتها الساعه 11 مش عارف بقي اصحيها ولا اعمل ايه معاها دي , قولت اصحيها صحتها ونزلنا انا وهي تحت كان البيت كله صاحي

انا : صباح الخير يا جماعه بقولك ايه يا سندي

سندي : خير في مفاجأه تانيه

انا : ( باصص ليها ب برود ) خدي بنتي لميتا خليها تاخد دش

سندي : ( قامت ) انا رايحه المطبخ اعمل الفطار

انا : طيب انتي يا مني هتروحي ولا عندك اجتماع في الامم المتحدة

مني : لا هاعمل القهوه ل حضرتك

انا : طبعا طبعا القهوه مهمه

فرح : ممكن اخدها انا

انا : ماشي يا فرح ( كلمت لميتا ) لميتا دي فرح بنت عمك هتروحي معاها تاخدي شور

لميتا : ( ماسكه ايدي )

انا : لا متخافيش كده دي بنت عمك روحي وانا هنا قاعد مستني

خدتها فرح وطلعه فوق وانا قاعد مع راضي وابراهيم و باسل تحت

راضي : عمي

انا : خير يا حبيب عمك عايز تقول ايه

راضي : ها ولا حاجه مفيش

انا : طيب قاعد بتفرك مكانك من الصبح ليه قول يبني انا سامعك قول

راضي : ازاي كل ده حضرتك مش عارف.

انا : المصيبه اني فاكر اني عارف كل حاجه طلعت بلح ومش عارف اي حاجه

ابراهيم : طيب هتعمل ايه

انا : اعمل ايه في ايه البنت بنتي وهتعيش معايا