اعداء بالدم

الحلقة ال 45

#نكمل

....

قام منصور وانا فضلت في مكاني مشغل الفيديو كله وعمال اعيد وازيد فيه بحاول ادور على اي حاجه اي خيط اي دليل مين ده مش لاقي حاجه خالص لحد ما لقيت انه مفيش اي حاجه ومش عارف اعمل حاجه قولت ارجع البيت دخلت جوه سندي ومني قاعدين يتكلمه

سندي : مالك يا حبيبي

انا : لا مفيش حاجه عايز قهوه بس

مني : طيب اتغدي معانا الاول

انا : لا مليش نفس كله انتو وانا داخل المكتب

سندي : طيب في ايه

انا : ( ب خنقه .) مفيش يا سندي تعبان شويه من الشغل

سبتهم ودخلت المكتب

مني : هو في ايه

سندي : مش عارف بس قلقانه عليه قوي

مني : باسل متغير قوي مش فاهم دماغه خالص

سندي : باسل عمره ما حد فهم دماغه ، هنسيبه كده مش نحاول معاه ؟

مني : مش عارفه يا سندي

دخل راضي

راضي : صباح الخير

سندي : صباح ايه بقي احنا المغرب

راضي : معلش بقي سهرت بليل

سندي : طيب ضبط نومك بقي علشان الكليات قربت

راضي : خلاص بقي

سندي : خلاص طيب بقولك ايه يا مني

مني : خير يا سندي

سندي : انا من رأي نكلم ناجية وحياه يجو يقضو معانا كام يوم كده اهو يغيره جو ولا ايه

مني : انا شايفه كده

راضي : سندي انتي شريره قوي

سندي : عارفه يلا روح اتغدي

انا : ( طلعت من المكتب ) بقولكم ايه فين ابراهيم وفرح وليليان

مني : ابراهيم نزل يشتري لبس وفرح راحت تجيب لاب ليها وليليان راحت معاهم رخامه

انا : طيب اطلعه البسوا علشان هاخدكم ونروح حته حلوه

سندي : فين

انا : الحسين يلا

سندي : ( قامت تجري تلبس )

مني : الحسين نعمل ايه

انا : نزور الأولياء

مني : ايه الجو الغريب ده

انا : غريب ليه

مني : علشان تروح تلاقي الناس كتير وعماله تدعي

انا : فيها ايه هو الدعاء وحش وغريب

مني : اشمعنا هناك اصل ربنا مش محتاج تروح ل وألي علشان يستجيب

انا : قومي طيب نروح الحسين وبعدها نقعد شويه في الخان

طلعت مني تلبس ونزلت مع سندي واميره و باسل وراضي راح يلبس وحصلنا ، كلمت ابراهيم يجلنا على هناك وصلنا الحسين ومعيا سامح بس من غير حراسه دخلنا الجامع صلينا كلنا وقعدنا شويه زورنا المقام وطلعنا

مني : ايه ده فين جزمتي

انا : ايه مالك

مني : مش لاقيه جزمتي

انا : ههههههه مش قعدتي تستخفي ب الأولياء البسي بقي

مني : انا نقصاك يا باسا

انا : خلاص خلاص راضي خد سندي في محلات جنبنا هنا اشتري واحده جديده يلا

سندي : ماشي

مني : انتا عارف الجزمه دي تمنها كام

انا : بلاش يا مني انتي في حضرت الحسين بلاش تكبر احنا لابسين حرير في حرير ، بس في المكان ده لا كلنا فيه لابسين خيش ، لازم تحطي ده في دماغك احنا قدام ناس لا فلوسنا و لا رجالتنا و لا علاقتنا تنفع فيه

مني : ( خدت نفس عميق ) طيب يا باسا انتا عندك حق ( بصت قدمها لقت واحد صغير ماسك الجزمه وبيقدمها ل مني ) ايه ده

انا : شوفتي بقي ادي الجزمه اهي ( طلعت فلوس ل الواد خدها قلب فيها خد منها خمسه جنيه وساب الباقي ومشي )

مني : ده بجد

انا : طبعا

مني : طيب ده طبيعي

انا : هنا تنسي كل حاجه انتي فكراها طبيعيه ماشي

مني : ماشي

طلعنا قعدنا على قهوه في الخان وجت سندي وراضي ومعاهم الجزمه

سندي : ايه ده انتي لاقتيها

مني : مش هتصدقي يا سندي حاجه غريبه جدا

راضي : غريب بس مش زي اللي باع الجزمه لينا

سندي : شكله مبعش حاجه من الصبح ودي جت ليه نجده

مني : لا بجد في حاجه غريب بتحصل

انا : ( بصيت جنبي لقيت الواد واقف على عربيه اكل في الشارع ومعاه بنت اصغر منه اداها السندوتش ومشي ) اقولك انا ايه اللي حصل الجزمه دي ضاعت علشان الراجل الغلبان اللي اشتروا من عنده ياخد رزق والواد لقها علشان ياخد رزق ويجيب بيه اكل ل اخته بصو يا جماعه كل جنيه يدخل جيبي في واحد ليه حق فيه وده اللي حصل كل واحد خد حقه

دخل ابراهيم وليليان وفرح

ليليان : ايه جو الحسين ده بس

انا : اهو قلت اخدكم افسحكم في حته جميله

فرح : بس فكره حلوه

قعده وطلبنا مشاريب

راضي : انتي ازاي تنزلي من غير ما تاخدي ازن مني

فرح : فيها ايه انتا كنت نايم وابراهيم كان نازل قولت اروح معاه

راضي : وايه بقي مش في واحد لازم تاخدي ازنه

ابراهيم : في ايه يابني هي نزلت مع حد غريب ده معايا

راضي : لا لازم تاخد ازني

واحده : تقري الكف يا بيه

انا : ( بصيت ليها وفكرت ) ماشي

سندي : ( افتكرت اللي حصل مع خديجه ) لالا بلاش

انا : ليه لا يلا بس ينفع باسل

واحده : عمره كام

انا : 13 سنه

واحده : ايوه ( مسكت كف باسل و قلبته على ضهره و عدلته تاني ) امممممم عيل ابن ناس متدلع عشت حياتك كل حاجه بتخدها بس هيجي يوم اللي بيد*ك كل حاجه يرفض خوفا عليك ، هتعيش حياه سعيده بس لما تحب هتقوم حرب على حبك ، خلي بالك علشان سكينه الحب تلمه و بتوجع ، مش هتغلط غلطه ابوك حياتك بالنسبه ليه هتكون اسهل بكتير جدا بس انتا هتتعب شويه ( حطت نقطه من الحنه في كف ايده و قفلته ) مين تاني

ليليان : انا ممكن

واحد : ( مسكت كف ايدها وقلبته وقرته ) عايشه طول عمرك في بلاد غريبه بس رجعتي ومش حاسه انك غريبه حياتك سعيده طول ما انتي سعيده ههههههه قدامك واد زي القمر وجاي يعني جاي علشان انتي من نصيبه وهو من نصيبك بنت ناس وهو جاي لابس اسود وانتي لابسه ابيض

ليليان : ( ابتسمت لانها بتتكلم عن ابراهيم اصل محدش هيفهم كلام واحده بتقري الفنجان او الكف غير صاحبه ) طيب

واحده : ( حطت نقطه في ايدها من الحنه ) مين تاني

ابراهيم : انا

واحده : ( فركت كفه وقلبته وقرته ) عتره شاب عتره من اصل وفصل ومن نسل أشراف طريقك مفروش ب الورد ، بس متغلطش غلطه اللي قبلك ومن دمك بلاش مشي في سكك مش بتاعتك ، عندك واحد عينه في اللي في ايدك بس ع**ط خير جاي ليك خير ليك ول اهلك هتتأخر لحد ما تشوف عوضك بس هتفرح قوي

واحده : ( حطت نقطه حنة في ايده ) مين تاني

انا : يلا يا راضي

واحده : ( فركت كفه وقلبته وقرته ) اممم عصبي ودمك حامي بس على الفاضي على حاجه في خيالك بس جنبك الملاك الابيض بس عايز تخنقه بلاش طبع دمك الحامي اللي ورثهولك مخدش من وراه حاجه غير المشاكل بص ل النعمه اللي في ايدك و قول شكراً عليها ( حطت نقطه في ايده )

راضي : (هز دماغه)

واحده : ( بصت لي فرح ) نشوف العروسه بقي ( مسكت كف ايدها قلبته وقرته ) قدامك سكك كتير وبايدك الاختيار بس هتفرحي اصل كل واحد ليه من اسمه نصيب ( حطت نقطه وقفلت كفها ) مين تاني

انا : مني

واحده : ( فتحت كفها قلبته وقرته ) امم بلاش تكبري على الاسياد اتعلمتي الدرس كويس بس كملي ، هتجيبي بطن واحده اميرتين من نسل اشراف الناس ( حطت نقطه )

انا : يلا يا سندي

سندي : ( مدت ايدها وهي خايفه )

واحده : ( مسكت ايدها وقلبته وقرته ابتسمت ) خير يا حلوه خير انتي شوفتي كتير وعشتي كتير دافعتي عن حبك دافعتي عن قلبك هيجي يوم وتبقي قدام طريقين يا تبقي الملاك البريء يا تبقي ست من حديد والاختيار ب ايدك انتي ( حطت نقطه في ايدها ) فاضل مين

انا : انا

واحده : ( مسكت كف ايدي وفركته وقلبته وقرته ) اممم طريقك صعب ياللي بتعشق الفنجان حبه سوده تشربها وانتا فرحان وانتا حزين وانتا مشغول طريق صعب ايوه بس انتا قدها يا عتره قدها يا ابن الاشراف عدوك بعيد المره دي مش من الحاضر بتاعك لا ده من تاريخك دارس حياتك كويس ، طول عمرك مظلوم وطول عمرك بتجيب حقك بس المره دي انتا اللي ظالم ابعد عن السبع بنات حارسهم يحرسك و لو حد قرب ليك يبعده حارس السبع بنات قوي ا**به

انا : سبع بنات مين دل

واحد : اللي انتا بتدور عليهم ابعد عن السبع بنات وانتا ت**ب وينكشف عدوك وانتا تعرف ت**به وهديه هتلاقي اللي بتدور عليه اديلك كتير ( حطت النقطه )

انا : طيب ( طلعت من جيبي 200 جنيه )

واحده : ( خدت الفلوس ورجعت منها 150 ) دل رزقي والباقي مش رزقي

انا : ( اخت منها الفلوس ولقيت القهوجي داخل بصيت جنبي لقتها مشيت ) فنجان قهوه

طلبت القهوه ونزلت

سندي : باسل

انا : ايوه

سندي: بلاش تفكر في كلام الست دي

انا : انا كده كده مش بفكر فيه باسل تعالي نتمشي شويه

خدت بةسل واتمشينا شويه لقيت محل فضه دخلت جوه وانا بتف*ج لقيت حاجه غريبه ده الخاتم بتاعي

انا : لو سمحت الخاتم ده ب كام

بياع : ده مستعمل يا فندم حاجه كده قديمه

انا : ايوه بكام

بياع : بعشرين جنيه بس

انا : ( ابتسمت لانه لو يعرف سعر الفص اللي فيه كام كان باعه ب سعر كبير ) طيب انا هاخده بس عندك كمان احجار كريمه

بياع : موجود يا فندم في عقيق

انا: في عقيق اسود

بياع : ( بص ليا شويه ) موجود يا فندم بس سعره غالي شويه

انا : فين كده

بياع : ( طلع خاتم فيه فص عقيق اسود ومنفوش تحفه ) ده

انا : طيب تمنه كام ده

بياع : الف جنيه

انا :طيب اتفضل ( اديته الألف جنيه )

خدت الخاتم ومشيت انا عرفت الخاتم بتاعي لان عليه نقش غريب عليه زهره لوتس وحاضنها عقرب والنقش ده بيتعمل بالطلب الخاتم ده جابه ابويا ليا وانا صغير واتاخد مني في المستشفي شكل كده حد خده وباعه رجعت ليهم وخدتهم ومشينا رجعنا البيت طلعت انام وتاني يوم نزلت

سامح : صباح الخير يا باسا

انا : صباح النور يا سامح بقولك ايه اطلع على بني سويف هنروح المصنع هناك

سامح : ماشي

ركبنا العربيه واتحركنا على بني سويف الرجاله وهما شغالين في طافله حديد لقو مكان اثار جبت خبير اثار علشان يكمل الشغل وصلت هناك وقابلت الدكتور يوسف

يوسف : باسل بيه كنت لسه كنت هكلم حضرتك حالاً

انا : خير يا دكتور

يوسف : احنا امبارح وصلنا للمكان وفتحنا

انا : تمام

يوسف : بس في حاجه غريبه جدا المكان عباره عن بوابه سريه ل مدينه كاملة اسمها مدينه الملوك والملكات ، المدينه دي أكبر دليل على ان الحضاره المصريه مش سبع الف سنه لا دي اكبر ب كتير حضارة كامله منسيه

انا : تمام عايز اشوف المكان تحت

يوسف : طبعا اتفضل

طلعنا من الخيمه و نزلنا البير تحت وصلنا للمقبره اللي هيا البوابه حاجه تحفه تخلي عقل الواحد يتجنن من جمالها لمست حيطه وفجأة لقيت نفسي في الصحراء وقدامي واحده ست ، لا دي حاجه تانيه مستحيل يكون في ست بالجمال ده في العالم كله

واحده : لقيت الخاتم بتاعك

انا : انتي مين

واحده : انتا في مقبرتي انا الحارس بتاعها انتا في مقبره السبع بنات بوابه مدينه الملوك والملكات احنا حذرناك

انا : انتو مين

واحده : انا اللي قريت كفك

انا : انتي عايزه ايه

واحده : المقبره دي مش من نصيبك نصيبك منها بس هديه جنب تابوتي في عقدين خدهم ومتاخدش حاجه تاني غيرهم ال*قد الاول ل اللي اخترها قلبك الاول والتاني ل اللي اخترها عقلك خدهم وامشي طول ما انتا قادر تمشي

انا : ( بعدت ايدي عن الحيطه وانا فوقت دخلت جوه عند التابوت لقيت عقدين خدتهم وطلعت فوق ومعايا يوسف ) اسمع يا يوسف انا عايزك تقفل المكان كويس وعايزك تعمل طبه هواء علشان يحرس المكان وتحط لغم فيه

يوسف : بس الاكتشاف

انا : اسمع اللي بقولك عليه ابعد عن المكان ده واقفله لو على الفلوس انا هد*ك نصيبك عادي ماشي

يوسف : بس

انا : مفيش بس ولا تدفن جنبهم

يوسف: اللي تشوفه

انا : امسك ال*قدين دل رممهم كويس عايزهم كويسين

ركبت العربيه وقعدت فيها لحد ما شوفت الرجاله وهي بتقفل البير كويس واطمنت انهم قفلوه خدت ال*قدين ومشيت رجعت البيت تاني عدي اليوم عادي جدا

• المشهد العام

•

باسل سمع كلام حارسه المدينه علشان خايف اصل في حاجات تقدر تقف قدامها وحاجات تاني لا ودي منهم اصل الحياه فيها قوي عظمه كتير لازم تخاف منها ، باسل قبل الهديه من السبع بنات والمكان اتقفل خلاص اكبر اكتشاف اثري في القرن الواحد والعشرين بس مش معاده ولا ب ايد باسل علشان كده بعد عنه

• يتبع.......