اعداء بالدم

الحلقة ال _ 33 بداية الجزء الثاني

#اعداء_بالدم الجزء الثاني

#الحلقة_ال33

#توضيح قبل الحلقة انا مش بشجع الراجل يتجوز مرة تانية ولا اي حاجة الرواية من اولها ل اخرها مختلفة يعني متتوقعش تلاقي اللي انت متعود علية فالروايات وقلت من البداية الرواية هتكون مختلفة واكشن جامد + لية شايفين باسل بطل الرواية عشان هو اللي بيحكي يعني ما ممكن اكون كل دة بمهد عشان ابنة مثلا انا قلت من الاول الرواية كبيرة وفيها جيلين + لسة هنشوف العجب سواء من باسل الكبير او الصغير لسة الاكشن مبداأش

دي الحلقة الاولي ف الجزء التاني شفنا ازاي باسل خد حقه من عمه وكمان ازاي اتجوز مني الديب وده اثر على علاقته ب مراته سندي حب حياته شفنا نزاع بينه وبين نفسه وشوفنا كمان ازاي تصالح معاها شوفنا رافي لما حاول يقتل باسل ب الحسره وازي خد حقه منه وايه اللي وصل ليه علشان يخلي ا****عه تتمسك به قوي في الجزء دة دي ها نشوف فيها العجب

بدايه الحلقة

عدت مده طويله بين شغلي وعلاقتي ب مني وسندي اللي بعدت عنها تمام بقي علاقتي بيها شبه مقطوعه بروح البيت عندها اقعد مع باسل ابني بس وكمان اميره بقي عندها سنه والنهارده يوم عادي جدا رجعت البيت لي مني

مني : حبيبي اتاخرت يعني

انا : معلش يا قمر كان عندي شغل كتير

مني : طيب ينفع اتغدي لوحدي كده

انا : (مسكت ايدها وبستها) معلش يا حبيبتي وتعويض ليكي البسي وننزل نتعشي بره في اي مطعم

مني : ( ب فرحه طفوله) ماشي بقولك ايه صحيح بكره ليليان هتوصل من السفر

انا : دي تنور مصر كلها

مني : ماشي انا بس بقولك علشان تعمل حسابك ترجع بدري بكره

انا : ماشي يا منمن يلا بقي لحسن انام وانا قاعد

مني : (طلعت تجري) في ثانيه اجهز

طلعت مني وانا قعدت شويه وطلعت البس

في مشهد اخر

سندي لابسه فستان وقاعده في مطعم مع مديرها اللي هو شاب في الاربعين ومعاه ناس بتكلمه في صفقه ادويه

شخص : بس يا مستر عمر كده خساره كبيره جداً

عمر : لا مش خساره ولا ايه يا سندي

سندي : طبعا يا فندم احنا هناخد توكيل الادويه ده بي عشره مليون بس نكون الوكيل الحصري ليكم في مصر

شخص : بس ده مبلغ قليل جدا

سندي : لا مش قليل قدام اللي احنا بنقدمه اننا نضمن ليكم اني الدوي ده ميض*بش في السوق وكمان احنا حاطين نسبه مبيعات كبيره جدا لو متحققش في شرط جزائي كبير

عمر : اكيد انتو هتتمنه النسبه دي متتحققش صح (بيهزر ب روح امه سمج جدا)

شخص : ههههه لا احنا يهمنا نسب بس مش على الورق لا نسب على ارض الواقع

سندي : احنا نضمن ليكم ده هنزود منافذ البيع وكمان ممكن نعمل قافلة طبيه مجانيه ب اسم الشركه وكمان المكتب بتاعنا ف

شخص : بس ده هيكون مكلف جدا

سندي : اكيد بس الناس عايزه كده عايزه اللي يديهم بدون مقابل وده هيبني ثقه بنا وبينهم ويطمنه للمنتج بتاعكم اصل معلش الشركه بتاعتكم اول مره تستثمر في مصر يعني الشعب المصري ميعرفش هي ايه

شخص : اوكي بس هتدفعه 15 مليون وهارجع للشركاء بتوعي

عمر : ( ابتسم ) فكر واحنا معاك

طبعا يا زوز ( دلع عزيزي القارئ ) اللي في دماغك حصل انا دخلت المطعم مع مني بس مشوفتش سندي لان ضهرها لينا شوفت فاروق وهو الشخص الي معاهم نادم عليا

فاروق : باسل بيه باسل بيه

مني : مين ده

انا : امشي بس ( وصلت ليه ) ازيك يا فاروق

فاروق : انا محظوظ جدا اني قابلتك تاني اول مره الصبح ودي التانيه

انا : لا انا السعيد انتا بتعمل ايه هنا

فاروق : بخلص الصفقه اللي كنا بنتكلم فيها الصبح

انا : اه اوكي

فاروق : اسف نسيت اعرفك عمر لطفي صاحب شركه الادويه اللي هتاخد منا ودي مدام سندي رئيسه الحسابات عنده

انا : ( ميلت وشي وبصيت ليها وابتسمت ) عامله ايه يا قمر

عمر : ( حب يعمل جميل مد ايده وهو عامل فرمه بقي و لابس قميص ضيق مبين الكام عضله بتوعه ) اهلا يا باسل

انا : ( مسكت ايده ) اهلا يا حبيبي

فاروق : ده باسل بيه ال**دي يا عمر ملك الحديد المصري

عمر : ( داس بي ايده عايز ينشف عليا ) اهلا

انا : ( بي ابتسامه ودوست على ايده اكتر وده بين انه شويه حقن وبراشيم مش اكتر ) اهلا (سبت ايده) ها نسبكم انتو كملو واحنا هنا اتشرفت

سحبت انا ومني وانا في وشي عفاريت الدنيا كلها

فاروق : مدام سندي ممكن سؤال

سندي : (تمالكت اعصابها لانها خايفه مني) طبعا اتفضل

فاروق : هو حضرتك تعرفي باسل بيه منين اصل معلش يعني قالك يا قمر اسف لو بدخل ولا حاجه

سندي : لا مفيش حاجه باسل يبقي جوزي

فاروق : ازاي هو متجوز مني الديب اهي معاه

سندي : لا انا مراته الاولي مني التانيه بعد ازنكم رايحه التويلت

قامت سندي

عمر : انتا تعرفه منين وايه الاجتماع اللي كان الصبح ده

فاروق : فاكر معاد الاجتماع بتاعنا كان الصبح انا لغيته علشان جالي معاد معه

عمر : ليه يعني هتشتغل في الحديد وله ايه

فاروق : لا بس علشان اعرف اشتغل معاك لازم اخد اذن منه

عمرى : ازي مش فاهم

فاروق : افهمك باسل ال**دي لو اشتغلت من غير اذن منه ممكن يحصل تضارب مصالح بينك وبين واحد تاني تبعه وساعتها انا غريب عنه هيفرمني فرم وانا عايز اشتغل

عمر : انتا بتقول ايه البلد دي فيها قانون

فاروق : ايوه فيها قانون بس فيها باسل ال**دي برضه يابني باسل ال**دي ده كبير السوق و كل سوق انتا عارف وزير الاقتصاد يصحي الصبح ياخد اوامر بي التلفون من باسل ال**دي طيب انتا تعرف انا بجري على ترخيص مزوله تجاره الادويه دي في مصر بقالي سنه كامله كان واقف فيها واحد علشان ميكونش ليه منافس ، باسل ال**دي كلمه النهارده الصبح وقاله جمله واحده بس (الرخصه دي مسؤوليتك الشخصيه تجبها انتا بنفسك وحمايته في مصر منك انتا ) انتا عارف قعدنا نتغده بس ولقيت المنافس داخل معاه الرخصه خلصها هو وجيه لينا

عمر : وخد كام بقي

فاروق : ولا جنيه واحد

عمر : ازاي كل ده بدون مقابل

فاروق : اول ما عرف انها تركيبه علاج جديد ل مرضه السرطان بس سعر رخيص وافق بدون اي اعتراض ولما عرضت عليه فلوس رفض تصدق انه مش بياخد فلوس من حد هو اهم حاجه عنده النظام اومال فاكر الحكومه سيباه ليه وبتقدم ليه تسهيلات كتير ليه علشان وجوده عامل توازن وفارض امن بالقوه

عمر : طيب

سندي : (رجعت) معلش اتأخرت الحمام كان زحمه

فاروق : لا يا هانم ولا حاجه بقولكم ايه احنا عرضنا وقف على كام

عمر : 15 مليون

فاروق : احنا ممكن نخليه 10 مليون ب عقد 20 سنه

سندي : ( استغربت جدا ) اوكي

فاروق : استأذن انا سلام يا عمر انا سعيد بالتعرف عليكي يا سندي هانم

سندي : انا اسعد

مشي فاروق

عمر :طيب ازاي بقي

سندي : ( بصه عليا وانا على الترابيزه مع مني ومش باصص عليها خالص ) بص هناك وانتا تعرف

عمر : (بص علينا ورجع بص في طبقه) شكلك ها تيجي معايا كل اجتماعاتي

سندي : ده تمن اني اكون مرات البعبع مش يلهدا

عمر : اه يلا

مشت سندي معاه ونزلت الجراج تركب معاه وانا بعت رساله لي سامح

سامح : سندي هانم

سندي : ( بصت وره وهي عارفة ان انا ) خير يا سامح

سامح : حضرتك معاكي عربيتك

عمر : انتا مين وبتسألي بي انهي صفه

سامح : ( مبصش عليه ) ها يا هانم

سندي : لا

سامح : ( شاور لي واحد جيه بي عربيه من بتوع الحراسه وقف عندهم وفتح باب العربيه ) اتفضلي يا هانم

عمر : تتفضل فين انا بكلمك هنا ( خبط كتف سامح )

سندي : (محرجه) ماشي اسفه يا عمر انا ماشيه ( ركبت العربيه ومشيت )

سامح : ( لسه ها يمشي عمر شده )

عمر : استنه هنا انتو واخدها على فين

سامح : ( بص لي ايده اللي مسكاه ) بص يابني انت ، بشتغل مع واحد مش بيفهم كويس لما اروح اقوله هيبعتني بس المره دي بي قرار موتك ثانيا اوعي تلمسني تاني

مشي سامح وانا قضيت السهرة مع مني ومخلتهاش تحس اني مضايق ولا فيا النار بس جوه نار عظيمه هتحرق الاخضر واليابس لو طلعت ، بس خلصنا ورجعت البيت انا ومني وتاني يوم رحت الشركه انا عامل جناح خاص في المكتب فيه اوضه نوم وحمام خاص وجيم قاعد في الچيم ولقيت سندي داخله عليا

سندي : مش هتبطل شغل العيال ده بقي

انا : ( بشيل وزن ) اهلا يا سندي عامله ايه

سندي : غيرت من عضلاته

انا : ( فطست على روحي من الضحك لدرجه ان الوزن وقع ميني وانا كحيت من كتر الضحك ) هههههههه اغير من مين

سندي : من عمر

انا : ههههههه يابنتي اللي هو فيه ده انا كنت ابن عشرين سنه وكنت بعمله اللي هو بيعمله ده انا زهقت منه وبقي لعب عيال قوي

سندي : بس مز وقمر وبيفكر يتجوزني

انا : (مشيت ناحيتها وانا متنرفز جدا وهي من الخوف كانت بترجع لي وره هي اول مره تشوف ميني الوش ده مسكتها من رقبتها وضغط بسيط خالص) اسمعي يا بنت سما انا صابر على دلعك ده مش علشان انتي مراتي ولا انا بحبك لا انا صابر علشان انتي ام عيالي بس عندي استعداد اقتل ام عيالي يوم ما تفكر تخوني فاهمه ( سبتها ) انا لو بس فكرت في البتاع بتاعك ده ثانيه واحده هفرمه اقدر اوقف شغله كله ونشاطه جوه وبره مصر في ثانيه بتليفون واحد بس اقدر اخليه حزين على كل حاجه يملكها ولو ركزت شويه هعمل ليه فتحه بين حواجبه ، بقي مين يغير من التاني انا مش بغير انتي قاعده معاه اه بس انتي بتاعتي انا

دخلت مني

مني : ايه ده سندي ازايك

سندي: (بتتكلم بي العافيه من الخوف) كويسة

مني : مش يلا يا باسل اتأخرنا قوي

انا : اخد دش يا قمر ونتحرك شرفتي يا سندي تقدري تمشي مش عايزك تاني

مشيت سندي وهي حزينه جدا وسمعت صوت البوس بتاعي انا ومني وهي خارجه وده زود حزنها اكتر ركبت العربيه وساقت وهي بتعيط لحد ما وصلت

امي : ( قاعده معاها من ساعت ما رجعت سندي ) مالك يا حبيبتي

سندي : ( وهي بتعيط ) ابنك ده حيوان حيوان حيوان

امي : طيب اهدي وقوليلي ايه اللي حصل

سندي : انا مش عايزه اتكلم في الموضوع ده خالص

سبتها سندي ودخلت الاوضه بتعتها وامي كلمتني

انا : صباح الفل يا ام باسل وحشاني جدا

امي : انتا عملت ايه يا حيوان

انا : بقولك ايه يا ناجية انا مش فايق ليكي خالص قولي في ايه

امي : عملت ايه في مراتك

انا : هي محكتش ليكي

امي : لا

انا : علشان غلطانه الهانم دايره وفي ايدها واحد ميجيش جنبي حاجه سكت قولت عادي يا عم ده المدير بتاعها في الشغل لكن توصل انها تقولي انه عايز يتجوزها واني بغير منه لا ده انا اطلع عليها النار الاي معيشاني فيها على الي خلفوها (صوتي عالي جدا ) اقسم ب ديني وايماني لو مخلتهاش تعقل لا اعمل فيها حاجات يكون الموت رحمه ليها هيكون اخر طلب ليها ابوس ايدك اقتلني و ارحمني هي مش عايزه تطلق انا مش هطلق وحيات عيالي انا مش بهدد وقت التهديد والهزار والمحايله خلص

امي : طيب اهدي طيب واتكلم بالراحه انا امك

انا : ( زاد صوتي العالي ) امي ايه انتي لو امي كنتي عقلتيها من الجنان ده بدل ما انتي مقوياها وده آخره انفجار

امي : هتنفجر في امك يا حبيبي

انا : لا متخفيش الانفجار ده هياخدها هي بس لو خايفه عليها من جناني يا ريت تخليها اعقل من كده فاهمه

#يتبع