“Hihintayin kita dito ah? Magpaalam kana muna sa pamilya mo. Ikaw na bahala magdahilan ah? Bilisan mo.” Sabi ni Adam sa akin habang nasa loob kami ng kotse niya dahil umuwi na mga kaibigan niya at isinama talaga ako pero nandito kami ngayon sa tapat ng bahay ko dahil nga magsisimula na ang trabaho ko sa kanya ngayong gabi.
Hay paano ba 'to?
Pumasok na ako ng gate at…
“Oh ate? Ang aga mo ata umuwi. Sino kasama mo? Bago mo?” tanong sa akin ni Sammy.
“Ah hindi. Kaibigan ko lang 'yon. Am, si nanay?” tanong ko.
“Nasa loob. Hindi pa natutulog dahil hinahanap na naman si tatay. Kumain ka na ba ate?”
“Oo. Madami na akong nakaing tinapay. May dala kasing tinapay 'yong isa sa mga costumer ko kanina eh. Halika na nga, pumasok na tayo.” Aya ko sa kapatid ko.
Dumiretso na muna ako sa kwarto ko
