عشق والمستحيل

عشق والحب (1)

#الحب_والمستحيل

#قصة_عشق@

بقلم الكاتبه #ملكه_العاشقة

...

الجزء الأول ..1

سلسلة من الـ قصص

بيها من الحكايات والمفارقات والصدف

..حب ، عشق ، ألم ولقاء وفراق ..وحزن ..

..

الأحداث عبارة عن مجموعة من الـوقائع حدثت بين الشخصيات الأساسية والمضافة فيما بعد ..

..تدور في مكان معين في زمن مـا قد تتطابق مع بعض الناس لأنها قريبة جدا من الحقيقة مع لمسات وهمسات وذكريات وتغيير للاسماء وبعض الاحداث المضافه من الكاتبه للتشويق وتمويه عن الشخصيات الحقيقية ...

الرواية تحمل من الحب والعشق والرومانسية بما يفوق الخيال تخبرنا بها بطلة الرواية

...

اول مرة عرفكم بنفسي ..

اني أسمي (عشق) .. ناعمة وجسمي مليان شعري طويل وسرح لونة طبيعي اسود على تمري طبيعي ماصابغته ابد

..بيضة وعيوني كبار وخضر

وقصيرة طولي 150 تقريبا كنت مجتهدة بالدراسة جدية بالحياه وملتزمة بلاخلاق العاليه ...

..ماعدي تفكير ثاني بالحياة غير النجاح والتفوق ..

وامنيتي هية نفسها امنية بابا بالاساس ..

انجح واكمل كلية قانون واصير فاهمة وعالمة بالامور القانونية

واني هم بذلت جهدي و نفذت رغبته وحلمه ..

نعيش اني وبابا وهو رجل مو كبير بالعمر متوسط بالخمسين متقاعد من العمل وكان مريض يعاني من ضغط وسكر مزمن ..

عنده محل صغير من البيت نعيش منه بمنطقة شعبية في بغداد ..

بيتنا كلش بسيط وصغير ومن عندة مطلعين المحل اللي يشتغل بي بابا

الباب على الشارع معزول ويبيع بي الحلويات ومعجنات وكيك ..

فتحت عيني للدنيا ووعيت على قصص بابا وعشقة وغرامه لـلماما يتذكرها دائما ومانساها ويحجيلي عن كل شي صار بينهم بأدق التفاصيل ..

بكل يوم وكل وقت على الغدة وعلى العشة ووقت العصر وقبل النوم ولايمل من هالسوالف

دائما يگولي بابا انتي كل دنيتي وعشقي الأبدي

وقطعه من روحي ..

ثمرتي من حورية الراحت وعاف*ني وحيد وبعدني ماشبعت منها ضحيت لأجلها بكل ناسي وأهلي

ماحبيت قبلها ولابعدها ولانسيتها لحظة وحدة ..

واذا بيوم حالفج الحظ وكبرتي ولكيتي واحد يحبج ويستحقج عيشي وياه كل ثانيه وكل دقيقة

الحب الحقيقي مايتكرر ولايتعوض

كلامه يدهشني بحيث يخليني استغرب ..

اسرح بعالم ثاني

واكوله بابا معقولة هيجي اكو حب بالحياة !

.. ومن هذا الحب والعشق اللي كان ومازال بينهم سموني بهذا الاسم .. 'عشق' ..

ماما حسب كلامة كانت جدا جميلة وصغيرة بالعمر اخذت منها اكثر المعاني والملامح وحتى الصوت الهادئ والعيون والبشرة ..

بس عندي بعض ملامح من بابا

والدي اكبر منها بهوايه حسب كلام ال بابا انو هوه من محافظة من الجنوب وعائلته كلش اغنياء عدهم املاك بساتين وحلال تقريبا عشيرته معروفه بالبصرة

وكان هو الوحيد لأهله وعنده اثنين خوات اكبر منه كريمه وفاطمه متزوجات

وهو ميريد يتزوج ويعيش وياهم ع**هم تفكيرة يحب يطلع يتونس ويسافر ومايحب الالتزام رغم ماعمامة وخواله مدللي ويتوسلون بي على مرّة يخطب منهم بس هو ماعاجبه العجب شاب وطايش وعايش لحضاته ..

يحب الحرية ومامهتم لأي مسؤؤلية ...

الأفضل احجيلكم قصة بابا حسن من البداية حتى تعيشون اللحظة وياه ..

مرة من المرات راح بابا حسن ببدايه التسعينات للشمال للمصايف رحله سياحه بالصيف وتعرفون الجنوب حار يصير وكان عمرة 30 سنه

وهناك بالرحله شاف ماما حوريه ،

اسمها كان جميل وهيه بعد أجمل

وشاءت الاقدار يلتقون وتجمعهم الضروف ..

طلع حسن بالرحلة وية اصدقاءة مثل كل مرة وصلوا مكان تيهوا بي عن بقية الشباب ..

صار موج غريب بالنهر والشلال قوي كان وعاصفه صارت ..

غرك القارب «البلم» وتاه عن باقي الرحلة حسن تعرض لض*به قوية على راسة واغمى عليه فجاءة

وجماعته اللي غرك واللي نجا فقد الوعي لفترة ..

الاحداث التاليه

من الماضي بل**ن حسن ..

صحيت لكيت نفسي مغطة وراسي مشدود وببيت يشبه الكوخ والمكان غريب وعجوز تسوي كمادات وعلاج انطتني كتلهم انتو منو ..

ضحكت العجوز ..

حجت بكلام شويه مافهمته ..!

عرفت بيها كردية

..بس كانت جميله جدا رغم كبرها اشرت لي اشرب شربت وراها نمت شوية كعدت على ريحه طيبه ...

ايباااه شكد جوعان ..كمت شوية حسيت بدوخة اااي !!

الظاهر راسي متعور !

فتحت عيني ...

ماشاء لله..

تبارك الخلاق ..!!

اني بالجنه !!

..وافرك عيوني ..!

ياربي الحمد لله والشكر هاي ملاك من الجنه بس الكوخ خرابه مايخالف المهم الملاك ووجهة المشرق ..

دخيل لخلقج اقتربي اكثر ..

اعتقد فهمتني تقربت وبيدها لحم يمكن مشوي وخبز وليمون واني ميت جوع بدت توكلني بيدها واني صافن فاتح حلكي ورحت بعالم ثاني البنية كطن من البياض والعيون واسعة وخضرة وملابسها ريفية والشعر رغم الحجاب ملفوف بس طالع منة اصفر ذهب وعمرها تقريبا 14 او 15 سنه سالتها عن اسمها كالت حوريه ..

كلش ناعمه بس الجسم مليان ويحرك حرك خررب !!

صحيت اشرتلي شبعت؟

كتلها لا والله ..

بس تبتسم فدوة لربج شنو ل**به دحجي اسمع صوتج حجيها م**ر مامفهوم بين كردي وعربي الظاهر بت ريف ومتعرف كلشي بس تفهمني من احجي ..

اجت العجوز سألتني انته منين فتهمت منها كلت بداخلي هاي هدية السمه ونعمه من الله ابقى يمهم اتونس واغير جو وهم اقنعها واعيش وياهة الجو الرومانسي والحب وتجي وياي بلكت ماادري شصار بيه غركت ببحر حبها ودخت

حب من اول نظرة ماادري شنو

من اول ماشفتها عشقتها عيوني وراها وين ماتروح واحسها انخلقت اللي

اي .. هاي اللي راح تكون خليله العمر واقضي وياهة شبابي وشيبي ...

بعد تفكير وخيال سرحت هواي العجوز كالت يمه انته تعبان نام وكم يوم اطلع له هلك ..

كلامها مفهوم اكثر من الحورية

من اروحلها فدوة كروان لو بلبل اذا غردت ..

تالي تمددت وظليت اراقب حوريتي تفتر وترتب بالغراض متت عليها ..

شجاني يربي هسة اني مخبل طالع من الموت وهيجي تفكيري سئ وبعدين البنيه ترفه وصغيرة خاف عدها عمام لو بذمه رجال ..

ظليت اتعوذ من إبليس نمت واني احلم بيها كعدت على صوت دجاج وطيور وبط عدهم وديج شكبرة لاري ..

ماكو احد جان كمت طلعت جسمي م**ر الحمد لله ماكو جروح بس راسي مصدع كلش ..

برة الجو يخبل وريحة طيبه منطقة ريفيه بنص الجبال وبس الحلال والغنم وزرع تلفتت ماكو احد جان ورد اكو قطفت منه وكلت هذا للحوريه ياربي اسم على مسمى وينها وادور جان طلعت بيدها سطل وتمشي سبحان الخالق فكيت حلكي ابتسمت .

انطيتها الورد كالت شكرا ..

هههه صدقة شنو هذا صوت بلبل !

هم تبتسم وتغطي ووجهة بحجابها ..

اويلي يابه ..

راح حسن اشتعل شعل إنتهيت

واللة بعد مااتحمل ..

ابلع بريكي ودي احضنها انطتني من السطل حليب الظاهر حالبه الجاموس شربته كله واكلها اشرب ليش لا

وتقربت منها ابد متخاف تبتسم وبراءتها مثل الاطفال احسها تبادلني النظرات ياربي شلون بيه لعنه الله على ابليس ماادري شحس شهوة ورغبه مو طبيعية ..

العجوز اجت من بعيد ..

اشرت وكالت جدتي ..

اهاا ..

عرفت هاي جدته بعد روحي

سلمت عليها وتشكرت منها

كالت راح تروح يارجال ..؟

كتلها لا ابقى وياكم ..

وعيني على الحورية وهيه مبتسمه ..

كالت العجوز واهلك ..

كتلها ماعندي ..

كذبت علمود ابقى واحضى بقلب الحوريه ونسيت كلشي ورايه . ..

كالت تبقى ترعى بحلالنا ماعدنة زلمه

هزيت براسي وطرت من الفرح طلعت وياهن وافترينا كاع خضرة سبحان اللة بين الجبال وبعيدين هواية عن الولاية بس شلون لكني وشجابني هنا ماادري وماريد اعرف لان هبه السمه وهدية ربي وجودي هنا مثل الفاقد الذاكرة

ماجنت عايش قبل وهسة عشت ونفسّي جريته مرتاح وحسيت بقيمة حياتي ..

ظليت تقريبا عشرة ايام

بهالمكان شاءت الضروف تتمرض العجوز وتسوء الاحوال ..

بعد ميصير اعوفهم اضطريت اظل وياهن وانتظر

شلون اعوفهن نسوان وحدهم واني عاشقها لحوريه بكل تفاصيلها ونسيت اهلي وعشيرتي

مثل مجنون ليلى صرت

وهي هم بادلتني نفس الاهتمام والحب وبدت تتعلم تحجي مثلي شوية ..

. .اللي عرفته بعدين البنية يتيمه وهالحلال ورث من اجدادهم وكلشي مايعرفون من الدنيا ..

ناس بسطاء كلش وماعدهم ارتباط بالحكومة ابد يعني لاهوية أحوال مدنية ولا بطاقة ولا أي شي يثبت وجودهم ..

يعني اللي يموت حتى قبرة ينمسح شيكتبون عليه لا اصل ولا احد يتذكرهم تتناسهم الناس بمرور الزمن ..

المهم الحوريه اللي خذت عقلي وقلبي وعاشقها بجنون ..

مرت الايام ..

مرضت العجوز وراحت الابتسامة من وجه حوريه ..

زعلت عليها كلش وظليت أواسي بيها

واجتني من اللة احضنها واشبع منها ..

عطرها الرباني وانفاسها ... ..

كل تفاصيلها الملائكيه ..

كتلها يبنت الناس اريدج حلالي

صفنت وارتبكت !!!

بس الابتسامه متفاركها أبد

يربي شلون اشرحلها ..

لا تلفزيون لا تليفون لاعايشة ويه زلم ..

رحت للعجوز كتلها اريد حوريه الي ..

كيفت وظلت توصيني بيها وتكول ماعدها احد وطلبت مني احميها ودلتني على واحد كالت سلمه الحلال وينطيك فلوس وروح منا اخذ حوريه وياك واني طاير من الفرحة

الحمد لله كلشي صار من جانبي وتحقق مرادي ..

وبعد ايام ماتت العجوز وحفرت بالمزرعة وحدي حفرة غميكة ودفنتها وساويت الكاع وقررت اصفي كلشي بعد مادورت على الرجل ورحتله وحجت حورية وياه هم ..

وقنع وتصافينه بالحلال انطاني فلوس اخذتهن وطلعنا للولاية اشتريت ملابس وحجاب لحوري وكم قطعة ذهب لان رخيص يمهم وعجبني خاتم اشتريته لحوريه كلت خاتم زواجنا ومابقى شي وتصير حوريه الي ..

..

بس هيه جانت حزينه كلش على رحيل جدتها وراحت الابتسامة الحلوة منها

ضعفت وتغيرت وكامت متاكل وتمرضت ..

يمعودة مو وكتج عفت كل الدنيا لخاطرح كومي ..

قررنا نطلع الفجر نحمل غراضنا ونرجع للجنوب مابيها مجال بعد واسوي عرس هناك وافرح الحجية والحجي واعيش حياة جديدة ..

..بليل جانت مالها خلك مصخنه

بعدها حزينه على فراك جدتها وسهرت وياهة واستمتع بقربها وجمالها وجسمها احضنها مرة ومرة اشمها

فقدت وماتحملت وتقربت منها الشيطان غرني واني ميت عليها بديت ابوس بيها وانزعها ...

ظلت تبجي وصرخت خافت مني

اني عفتها ورجعت لورّة عدلت ملابسها وبجت ..

نعلت الشيطان عفتها واعتذرت منها ..

كتلها حورية اني اريدج حلالي شلون !!

كلتلي عوفني هسة ..

انسحبت رئسا خفت على مشاعرها كلش كلت بس لاتكرهني

حسيت بالخجل منها

وتفشلت كلش

طلعت برة الجو بارد عدهم واحس روحي اختنكت ..

وظليت الوج وافكر ياربي البنيه ماشايفة احد قبلي شتوقع يعني تسلمني نفسها اكيد شريفة ومحد لامسه قبل بعدين

تذكرت اهلي وامي وابوي وعشيرتي ياربي شسويت بروحي ..

لا اتذكر رقم تلفون واخابرهم ومنين اخابر !!

ذوله هنا شلون عايشين !!

سجدت لربي كتله ربي سهلها عليه البنية رايدها بالحلال ومااعرف شسوي ..

بين هالافكار ..

غفيت ماحس بروحي الة والديج اللاري فوك رأسي ويعوعي بأذني ..

خرب يومك نزيت صارت بيه خرعة منه

شفت غطة صوف فوكي وحورية تضحك

فديت الحورية ..

بعد روحي أروح فدوة لهالضحكة

بعد كل هلي وناسي وعشيرتي ..

وهذا الديج ابوسة اليوم ابوسة رجعلي هالضحكة الحلوة ..

ظلت تضحك وتركض واني اركض وراهة واشيلها ونلعب سوة ..

صرت مثل الطفل ونسيت كلشي

رجعتني سنين وسنين

عبالك عمري 15 سنة

والحمد لله رجعت لصحتها وامنت مني

كالت حسن اوعدني ماتفاركني بيوم ولاتاذيني ..

اني حسيت بروحي ردت واشكرت ربي فدوة استجبت دعاءي بسرعة

وعدتها وقنعتها تجي وياي لاهلي بس نروح للمدينه

رتبت كلشي جمعت عراضها

بسيطه كلش اللي عدها

اخذت الفلوس والذهب بجنطة على متني خفت اتسلب بالطريق وسلمت الحلال للرجل اللي اشتراهن مني وودعته ورحنة مشينه نفس الدرب دلتني حوريه وحجتلي شلون جانت رايحه هيه وجدتها دائما يرحن يبيعن شغلات من المزرعه مالهم ويشترون نفط وفحم للطبخ وملابس ولوازم الهن من مكان قريب على الفندق وشافوني هناك مغمى عليه وحوريه والجدة شالني وخلوني على عربه خشب مشدودة بحصان يحملن عليه غراضهن

وخذني وياهن لمزرعتهن ..

كتلها بس نوصل كلشي نشتري ونستقر هناك واعوضج عن كل شي ..

وطلعنا نمشي مسافة جنت اشيل حوريه شوية وانزلها بالطريق اخاف عليها تتعب واكلها وعديني الابتسامة الحلوة هاي متفاركج ابد ..

بدت تفهمني تقريبا تعلمت تحجي مثلي وتتجاوب وياي ..

الحمد لله حسيت بيها جانت وحيدة وخايفة وهسة لكت الامان يمي ..

بصراحة جنت اخاف عليها من نسمه الهوة واخاف واحد يشوفها وياخذها مني لو أحد ينظرها بنظرة احس بنار وتشب بيه ..

لحد ماوصلنا قريب للمدينه مشينا كتلها لفي نفسج فدوة متعارضني مطيعة وخجوله هالحورية ..

شفت اكو بيّاعين اشتريت كم شغلة

وخبز وتمر ..

وحوريه لفت نفسها لان صغيرة وحلوة ومبينه شكلها يختلف عني محد يصدكني وماعندي اي مستمسكات تثبت

تعبنا شفنا الاضواء وصوت السيارات واخيرا بس حوريه لزمتني واحسها خايفة كلش كتلها حوريتي لاتخافين اني يمج ماعوفج واحميج

.. وصلتلها كم شغلة وفهمت كم شغلة واكو شغلات كلشي مافهمت منها ..

ماضغطت عليها وكملنا الطريق ..

بالسيارة مارتاحت ابد ماصاعدة بيها من قبل مستغربه من كلشي جانت ..

اكلنا شوية وحضنتني ونامت اجمل احساس نظيف ماحاسه بحياتي

وكلشي تغير احس نفسي نولدت من جديد وقررت بس اوصل للمدينه ارتب معامله المستمسكات بسرعة حتى اكدر ارجع وماواجه مشاكل بالطريق ..

واستقر وياهة ..

وبنيت أحلام وامال هواية بخيالي لحد ما وصلنا ..

سألت على بيت صغير اجرته علما أراجع دائرة الاحوال المدنيه هناك بالمدينه ماعندي اي مستمسكات بوكتها

بعد ماستقرينه خليت غراضي وكلت نرتاح شويه تعبنا من الطريق وثاني يوم نطلع للنفوس

نامت حورية مثل الملاك واني كعدت اتف*ج على حسنها وجمالها وصليت وشكرت ربي وظليت ادعو ربي يسهل امري ويتمم فرحتي كعدنا الصبح اخذت حوريه وطلعت ..

سألت بالمنطقة دلوني

وراجعت دائرة النفوس ..

والله سخرلي ابن حلال ساعدني كتله بيتنا غرك يم النهر وطلعنا بهدومنا توسطلي وسجلت اسم حوريه متعرف اسم امها وابوها اختارينه اي اسم واني اسمي نفسه وفايل جديد وظلينا ثلاث ايام على ماكملنا

حورية حاضنتي طول الطريق لازمتني من جتفي مرّ الوكت وكوة صابر عليها

تمنيت كلشي يصير بيننا بس ردتها بالحلال

إلى ان عقدنا محكمه وسجلتها زوجتي ختمت العقد واخيرا واستنسخت الاوراق وضميتها ..

رتبتها وخلصت

بالفلوس كلشي يمشي ..

رجعنا لبيتنا البسيط كتلها حوريه بس صبري كلشي يجرالج اسكنج بقصر واعوضج طلعت الخاتم ولبستها فرحت كلش وضحكتها متتنسّه ابد وحضنتني ..

كالت المهم انت ويايّ وكلشي ماريد ماعدنه اثاث بالبيت فرشنه بالكاع وحضنتها وبديت اشمها ذبت باحضانها وانفاسها خبلتني وتفاعلنا جسدين بروح وحدة اختلطت انفاسنه

وتشابكت ادينه وشفاينه سوة ..

همست بذنها حوريه مرتاحه !

كالت اي ..

الحمد لله جنت خايف لا ترفضني ..

وتجاوبت وياي حوريتي وملاكي وهديه ربي حلمي تحقق وصارت ملكي ..

عشت وياهة اجمل ليله صدك ليله من العمر وماكو اعظم من احساس عشق حقيقي وبالحلال ..

مرت الايام الحلوة بسرعة ورّة شهر على زواجنا لحضات رومانسيه وحب وغزل

كضيناها ماطلعت من البيت شبعت منها وكل يوم احلى من اللي قبله بعدين كتلها حوريه اطلع اجيب مسواك مؤقتا

وابيع الذهب ونرجع للجنوب اكيد اهلي متخبلين هسة عليه ..

مقبلت اطلع وحدي الا تجي وياي

قفلت البيت وطلعنا للسوك اشتريت اكل وفواكه

وسألت على الكراج ندليته وصعدنا بسيارة نرجع شفت حوريه نخ*ف لونها ومارتاحت تضايقت كلش من تصعد سيارة تتخربط بس شو هالمرة أكثر تضايقت وصار عدها غثيان

مامتعودة وظليت خايف عليها كلش ..

نزلنا وتمشينا سولفت وياهة بالطريق كتلها لازم تتعودين حبيبتي مايصير هيج ..

جانت متتذمر ولاتشكي تأشر

براسها وتبتسم ..

اموت عليها واعشقها

عشقي وغرامي حوريتي ..

من وصلنا طلعت المسواك وساعدتها واكلنا وسويت جاي

تعاوننة من البداية بيننا بكلشي ومرّت الايام ..

وماحسيت بتعب لأن حوريه تنسيني كل تعب بضحكتها وبلمسة منها أذوب ..

ظلينه شهرين هيج ومشى الحال ..

****

يتبع..