"Hija.."
Biglang napalingon si Hanna. Nakilala niya agad ang driver ni Kenneth na si Mang Choy.
Nakangiti ito sa kanya.
"Sumabay ka na sa amin, madadaanan naman namin ang pauwi sainyo," wika nito sa kanya.
Nahihiyang umiling si Hanna.
"Huwag na po, Mang Choy. Sanay na rin naman ho akong maglakad, salamat na lang ho."
Bago pa man ito makasagot, bumukas ang pinto ng sasakyan. Biglang napayuko si Hanna nang makita si Kenneth. Kung bakit labis siyang nahihiya rito.
Siguro dahil apo ito ni Don Dante, ang pinakamayaman sa lugar nilang iyon. Kaya ganoon na lang ang pagkailang at hiyang nararamdaman niya.
Hindi rin maitatanggi ni Hanna na hindi siya komportable sa mga tingin nito, lalo na kapag tinititigan siya nito, pakiramdam niya marumi ang mukha niya!
"Sumabay ka na, Hanna. Doon di
