INILIBOT ni Kenneth ang buong paningin, punong-puno ng bisita ang kalawakan ng mansion.
Ang kanyang mga magulang naman, abala nang nakikipag-usap sa ilang bisita, samantalang ang kanyang Lolo Dante, hindi siya pinapakawalan.
Maya't maya siyang ipinapakilala nito, hindi tuloy maiwasang mahiya ni Kenneth at labis siyang ipinagmamalaki nito sa mga kaibigan.
"Siguradong maraming kadalagahan ang magkakagusto sa apo niyong ito, Dante. Napaka-guwapong binata!" anas ng matalik na kaibigan nito.
Kumawala naman ang tawa sa kanyang Lolo Dante. Kitang-kita ang pagka-proud nito sa kanya.
"Well, hindi na ako magtataka, nagmana sa akin e!"
Napangiti na lang si Kenneth sabay yuko. Ramdam niya ang pamumula ng kanyang magkabilaang-tainga lalo na nang tumawa ang mga kaibigan nito.
Minsan kasi, may
