Habang nakabitin si Simone ay nag-flashback sa kanya ang naganap ilang minuto lang ang nakalipas. Sinisisi ang sarili sa maling desisyong ginawa. Ngayon, manipis na lamang ang tsansa na makaligtas pa siya.
Pagpasok niya ng helicopter ay hinigit ni Mikael ang buhok niya.
“Akala mo ba makakatakas ka sa’kin, Babe?” Nanginig ang buong katawan niya sa boses na iyon habang inaamoy ng nakangising halimaw ang buhok niya. Alam na niyang karahasan na naman ang aabutin niya mula rito. She looked at the pilot whose hands and feet were tied with a long polyester rope. May pasak ring maliit na tela ang bibig nito. Parang basahang bilog ang nakalagay sa bibig ng lalaking nasa singkwenta mahigit na taong gulang na marahil. Gusto sanang tulungan ni Simone ang piloto ngunit hinila na siya muli ni
