Matapos nilang kumain ni Simone ng mga dala niyang pagkain ay naligo na ang dalaga. Tumambay muna siya sandali sa silid na ‘yon ngunit pinalabas siya ni Sylvana nang dinalhan nito ng damit ang kapatid. Piningot pa nito ang tainga ni Luis dahil balak pa raw niyang abangan ang paglabas na nakatapis ng tuwalya si Simone. Napatawa na lang siya dahil iyon naman talaga ang plano niya. Para-paraan din kung makakalusot.
“Bayad na kayo. Dali!” Nabungaran ni Luis ang magkakakumpol niyang mga kuya sa veranda. Hinanap niya si Toro upang pormal na magpaalam na ligawan si Simone ngunit magkausap raw sila ni Sylvana.
“Anong bayad?” Pagtataka niyang tanong kay Dominic na nangungubra ng panalo. Tig-dadalawang libong piso ang iniabot kay Dom nina Santi at Darius.
“Nakipagpustahan kami kay
