IRENE
Pagkagaling ko ng school, dumiretso agad ako sa ospital. Kaninang umaga iyong schedule ng operasyon ni Ivan at sabi ng asawa niya ay nagpapahinga na ito ngayon. Araw ng sweldo ko sa Mcdo ngayon kaya nakabili ako ng mga pagkain, prutas at kaunting groceries.
Pumasok na ako sa public ward kung saan maraming pasyente ang nakahiga. Naabutan kong pinapakain ni Janeth si Ivan. Nilapitan ko sila at agad naman akong nakita ni Ivan.
“Ate!” Tawag nito sa'kin. Pinisil ko ang tuhod niyang nakasemento na dahilan para mapasigaw siya sa kirot. “Awww!”
Natawa naman ako. “Ay sorry. Oh ayan! ha magtanda ka na sa nangyari sa'yo. Sa susunod mag-iingat ka na,” Bilin ko sa kanya.
“Oo Ate,” tugon naman nito habang nagkakamot ng ulo. Ibinaling ko naman ang atensiyon ko sa mga dala kong pagkain at pr
