Kinaumagahan, bandang ala dies ay nagsimula na kaming lumangoy para turuan si Aurora. Hindi ganoon katirik ang araw, malamig din ang tubig-dagat kung kaya ay tama lang para sa swimming lessons.
Si Pedro na ang nangisda ngayong araw dahil hindi ko naman din maiwan si Brayden para sumama kay Pedro. Ganoon din si Brayden na kung nasaan ako ay naroon din siya. So, kung sumama nga akong mangisda ay natural din na sasama siya.
Saan na lang pupulutin si Aurora?
Nag-isang linya ang labi ko habang maiging pinapanood si Aurora. Nakasuot siya ng black halter bikini at masasabi kong maganda rin ang hubog ng kaniyang katawan. Hindi na kataka-takang marami ang nagkakandarapa sa kaniya.
Tunay nga rin na hindi siya marunong lumangoy, makailang beses pa siyang nadapa. At sa babaw ng tubig kung saan si
