Sa sinabi ko ay halos hindi na maipinta ang mukha ni Brayden. Napangisi ako nang makita ang gusto kong reaksyon na makuha sa kaniya, pero kaagad ding nagsisi nang ura-urada niyang sinakop ang espasyong nakapagitan sa aming dalawa.
Mabibigat ang mga yabag ni Brayden, na naglilikha ng animo'y suspense sound dahilan para manlaki ang mga mata ko. Ilang beses pa akong umatras hanggang sa maramdaman ko na lamang ang tukador na dumikit sa likod ko.
"Say it again," matigas na palatak ni Brayden nang tuluyan siyang makalapit.
Dinungaw niya ako. Hindi na rin ako nakawala pa nang harangan niya ang kabilang side ko gamit ang bakante niyang kamay. Itinukod nito iyon sa tukador, sa pagitan ng leeg at balikat ko.
"Alin doon?" Humina ang boses ko, parang namilipit at kagustuhan nang bawiin ang lahat n
