Kinabukasan, nang gumising siya ay naihanda na lahat ni Valerie ang susuotin niya. Pagkatapos niyang mag-ayos ay dinala siya nito sa hapag upang mag-agahan. Doon ay nakita niya ang magulang at kapatid na naghihintay sa kanya. May mga pagkain na rin na nakahanda sa malaki at pahabang mesa.
Natigil muna siya sa paghakbang at tinignan ang tatlong taong nakaupo roon. May kumudlit na konsensya sa puso niya kahit hindi naman talaga niya kasalanan kung bakit siya ngayon ang narito at kasama nila. Hindi naman niya ginusto na pumasok ang kaluluwa niya sa katawan ng dalaga.
Agad siyang ngumiti sa kanila nang mag-angat sila ng mukha at napatingin sa kanya. Naglakad siya at naupo sa silyang hinila ni Gabriel para sa kanya. Muli ay parang may kumurot sa puso niya sa nakitang tuwa at ningning sa kanil
