عشق الصخر

الفصل السابع

رواية #عشق_الصخر الفصل السابع ?❤

صخر فضل حضنها ويلمس علي شعرها لحد ماعياطها قل وبقي مجرد تنهيدات ناعمة بعدها شوية عنه بس مطلعهاش من حضنه بص لوشها اللي بقا زي الفراولة من العياط وبص لقميصه وبهزار قال: ينفع اللي عملتيه فالقميص ده؟! هنزل انا ازاي دلوقتي!! وبعدين ايه الدموع دي كلها!! انتي موصله حنفيه فعنيكي ولا ايه؟!!

حاولت متضحكش علي طريقة كلامة اللي مش لايقه ابدا مع ملامحه الرجولية القاسية!! اللي يشوفه اول مره يقول دا شخص مستحيل يهزر او حتى يبتسم دلوقت بيهزر معاها بعد ماض*بته!! هي فعلا ض*بته؟!!جابت الشجاعة دي منين وازاي!!

قطع شوردها صخر :اللي واخد عقلك

بصتله فـ عنيه وقالت: انت عايز مني ايه ياصخر؟! ليه اتجوزتني بالطريقة دي؟! ليه تعمل فيا كده؟ كان ممكن تصبر علي بابا عشان تاخد فلوسك بس ليه يحصل معايا كده اشمعني انا؟! انا مش هقدر استمر فالوضع دا كتير ، انا تعبت من كل حاجة ، ارجوك انا هعمل اي حاجة بس سبني!! خليني امشي من هنا!! انا عايزة اكمل تعليمي عايزة اشتغل وانجح واحقق كياني ساعدني ياصخر ارجوك انا ماليش حق اطلب منك كده بس انا معنديش حد فالدنيا دي!! ابويا واتخلي عني وطردني من بيته ، امي وماتت بعد ماولدتني انا حتى مشفتهاش معرفش شكلها ايه؟!!

انا معنديش اي قرايب مش هلاقي حد يساعدني وانت مهما تظلمني او تيجي عليا مش هتلاقي حد يقفلك عشان يدافع عني!! اعتبرني زي مريم اختك ترضي يحصلها اللي بيحصلي ده؟! وانت فيوم اكيد هتلاقي واحدة في سنك ومركزك وترتبط بيها!! ساكت ليه ياصخر رد عليا!!

صخر مسك ايديها وقعد وقعدها معاه على طرف السرير مسح دموعها وقال بهدوء وكانه بيكلم طفلة: اول حاجة ممكن تبطلي عياط وتبقي بنوته شطورة

بصتله بغصب وحاولت تتكلم بس هو قاطعها: مش انتي اللي قولتي واحده في سني معني كده اني عجوز وانتي طفله صح

عشق: لا مقصدش انت اا

صخر :متقاطعنيش ياعشق اسمعيني للاخر زي مانا سمعتك اولا حقك عليا اني مديت ايدي عليكي انا عمري مامديت ايدي على اي واحدة اينعم انتي عصبتيني لدرجة مقدرتش اسيطر فيها علي نفسي بس دا مش مبرر انا اسف ياعش*ي ثانيا انتي مينفعش تسيبي البيت هنا لانه ببساطة بيتك عشان انتي مراتي ومكانك معايا عارف ان جوازنا متمش بطريقة طبيعية وعارف انك مش متقبلاه ولا متقبلاني بس اهو حصل وانا بقيت جوزك وانتي مراتي لو سبتي البيت هنا هتروحي فين؟! هتعيشي منين وازاي ولوحدك؟! انتي عايزة تنجحي وتكملي تعليمك وانا مش معترض!! فيها ايه تحققي اللي انتي عايزة وانتي معايا وفـ بيتي؟! انا عمري ماهظلمك ياعشق حتي لو عايز مقدرش، انا عندي حل اعتقد هيعجبك

عشق بفضول: ايه هو

صخر ببتسامة : نتخطب

بصتله بذهول وكان ليه راسيين ورددت كلامة : نتخطب

صخر: ايوه ننسي خالص ان احنا اتجوزنا وهنعيش مع بعض وفـ اوضة واحدة هنكون اصحاب! اتنين مخطوبين خلينا نتعرف علي بعض نقول مثلا الخطوبة 6 شهـور ولما يخلصوا هعمل اللي تقولي عليه ياعشق سواء وافقتي اننا نتمم جوازنا ونعيش زي اي اتنين طبعيين او رفضتي ومقتنعتيش بيا وقتها هننفصل بهدوء

وكمل بمرح: مع اني اشك اصلا انك هترفضي!! هتلاقي فين حد زي كده جينتل مان ورجل اعمال الكل بيعمله حساب وطول بعرض زيي كده دا كفاية لون عنيا ياستي

انفجرت عشق فـ الضحك لدرجة ان عيونها دمعت: مش ممكن انت مغرووور اوي ياصخر

صخر بغمزه: دي اقل حاجة عندي

عشق برتباك: ططب وودراستي ياصخر هكملها مش كده

صخر: طبعا ياعش*ي هتكملي دراستك انا لسه قايلك وهتشتغلي معايا فالشركة كمان

عشق بتلقائية رمت نفسها فحضنه وحضنته وقالت بأمتنان: متشكره اوووي اووووي ياصخر ربنا يخليك ليا يارب

صخر دفن وشه فـ رقبتها وقال: شكلك هتخليني الغي فترة الخطوبة دي ونخليها دخله علطول

بعدت عنه بخجل: بطل قله ادب ياصخر

صخر: حاضر ياعيون صخر

عشق بتوتر من كلامة ونظراته: طب ايه مش هننزل نفطر

صخر: يلا بينا

مسك ايديها حاولت تسحبها بس بصلها باصرارا: انتي مراتي ياعشق وطبيعي امسك ايدك صحيح احنا قولنا هنعيش وكاننا مخطوبين بس دا ميمنعش اني امسك ايدك او حتي احضنك اووو وبص لشفايفها وغمزلها ?عشق بصتله ب**وف ومردتش صخر نزل بيها لاوضه السفرة

كريمة ومريم و علي كانوا موجودين

قعد صخر وجانبه عشق

صخر: صباح الخير

الكل: صباح النور

كريمة ببتسامة: صباح الخير ياعشق عامله ايه ياحبيبتي

عشق بـ ابستامه: الحمدلله بخير

كريمة: تستهلي الحمد ياحبيبتي،اتأخرتوا كل ده ليه ياصخر

مريم بمرح: عريس وكده بقا ياماما

صخر بجدية: مريم

مريم: بقولك ايه يا ابيه دور رجل الاعمال دا مش عليا انت هنا اخويا حبيبي اهزر براحتي

صخر بـ ابستامه: لا والله

مريم: اه والله زيمبقولك كده

صخر: ماشي يام ل**نين

عشق كانت متبعاهم ببتسامة حبت علاقته باخته واضح انه حنين عليها ياريت كان عندها اخ زي صخر كان هيوقف معاها ويحميها ويدافع عنها

كريمة: عشق!! عششق!! سرحتي فايه يابنتي انتي كويسه

عشق: اه كويسة الحمدلله

كريمة: طب احب اعرفك بـ «علي» صاحب صخر من ايام الابتدائية متربي مع صخر زي الاخوات بالظبط بعتبرة ابني التاني وشريك صخر فالشغل وساكن فـ الڤيلا اللي جانبنا وطبعا مش محتاجة اعرفك بيها ياعلي ولا ايه

علي بهدوء وابتسامة: طبعا ياماما كريمة ، عشق هانم غنية عن التعريف اتشرفنا عشق هانم

عشق ببتسامة : الشرف ليا يااستاذ علي بس بلاش هانم دي قولي عشق بس

صخر بحده: مش هنفطر بقا ولا ايه؟! كفاية تعارف عندنا شغل وكمل بتريقة: يااستاذ علي

علي ابتسم ومردش وعرف ان صخر غيران على عشق حتى من الكلام معاه!!

خلصوا فطارهم وصخر وعلي راحوا عالشركة (السيوفي)

فضلت كريمة وعشق ومريم قاعدين مع بعض

_____________________

في قصر ناصر عمران كان ناصر قاعد فـ اوضته دراعة متجبس ومعاه ناريمان ومايا

مايا: سلامتك يا انكل

ناريمان بتريقة: تعيش وتاخد وغيرها ياحبيبي قال ايه اكيد هيشكورني

ناصر بعصبية: نااااريمان مش وقتك خالص انا علي اخري كفاية دراعي اللي اتخلع ده

ناريمان بتريقة : انت هتتشطر عليا انا كنت شوف نفسك لما صخر جوز بنتك **ر دراعك فوسط بيتك الله اعلم السنيورة عشق قالتله ايه عشان يجيلك بنفسه ويعمل فيك كده

ناصر بغضب وحقد: ورحمة امي مانا سايبة ولا سايبها هخليهم يدفعوا تمن **رة ايدي دي غالي اووي مبقاش انا ناصر عمران ان مندمتوا علي اللحظة اللي فكر يعمل فيا كدا يانا ياهو

ناريمان بخبث : اتكلم علي قدك ياناصر متنساش هو مين ومركزة ايع وممكن يعمل فيك ايه!! وبعدين ماهو كان سايبك ومعملكش حاجة وانت عليك ليه 100مليون جنية اشمعني دلوقتي جالك؟! اكيد عشق بنت الـ*** هي اللي سخنته عليك ووقفته ضدك الله اعلم هيعمل فيك ايه تاني!! البداية كانت **ر ايدك مين عارف بعد كده هيعمل ايه

ناصر خاف من كلامها وفنفس الوقت الحقد والغل ناحيه عشق وصخر كبر اكتر واكتر

لازم ينتقم من عشق مش كفاية اللي امها عملته فيه زمان !! جايه هي دلوقتي وتخلي جوزها يكمل عليه!!

ناصر بصوت جهوري: سبيني دلوقتي يانريمان عايزه اتخمد خدي بنتك وطلعوا بره

نريمان بصتله بسخرية وخدت مايا وطلعوا قاعدوا فالصالون

مايا بغل: شوفتي يامامي اللي حصل مين يتخيل ان صخر يطلع كده وان عشق الجربوعة تقع واقفة بالشكل ده اه ياناري بنت الـ**** علطول واقعة واقفة

ناريمان بحقد : عندك حق مين يصدق اللي حصل ده ، وانا اللي قولت هرتاح منها وهنتقم من اللي امها عملته فيا زمان

مايا بفضول: انتي كنتي تعرفي امها

ناريمان بغل: عز المعرفة

مايا بأستغراب: منين يامامي؟! انا مش فاهمة حاجة مش انتي اتجوزتي انكل ناصر بعد موت مراته؟! ازاي عرفاها دا انا حتى عمري ماشفت ليا صورة هنا

ناريمان : كنا صحاب

مايا بذهول: صحاااب؟!!!!! لا انتي تحكيلي الحكاية من طقطق لـ سلام عليكوا

_____☆_________☆_______

في قصر صخر .. كانت عشق قاعدة فالصالون ومعاها كريمة ومريم

مريم بفضول : قوليلي بقا ياعشق انتي عندك كام سنة وبتدرسي ايه وبتشتغلي ولا لا؟!مين صحابك؟! عندك اخوات؟ كام واحد؟ ، بنات ولا صبيان؟ اكتر اكل بتحبيه؟! بتكرهي ايه وهو انتي ساكته ليه ومبترديش عليا؟!!

عشق كانت متنحة من كتر الاسئلة اللي مريم سألتهلها في وقت واحد ومن غير ماتسبلها فرصة حتى ترد

كريمة بضحك: مش لما تسيبلها فرصة ترد الاول براحة عليها يامريم لسه مأخدتش علي رغيك متصدعهاش من اولها

ردت عشق ببتسامة ودودة: خليها برحتها ياطنط وانتي ياست مريم هجاوبك على اسئلتك الكتشيرة اوي دي اولا انا بدرس ادارة اعمال عندي 20 سنة معنديش اخوات لا صبيان ولا بنات ومش بشتغل معنديش صحاب لاني تقريبا مبخرجش من البيت الا للجامعة ومبخطلتش بحد ، وسألتي ايه تاني ااه افتكرت اكتر اكل بحبه اممم كل الاكل تقريبا وخصوصا المكرونة بشاميل والشكولاته دول قلبي ، واخيرا وليس اخرا اكتر حاجة بكرها هي الكذب . . بكره الكذب جدا ومش بسامح اي حد يكذب عليا هاه ياستي عندك اسئلة تانية

مريم: تؤتؤ معنديش بس عندي اقتراح حلو ايه رأيك انا ابقي صحبتك لاني معنديش صحاب وهو نعمل فريق ضد ابيه صخر

عشق حضنتها وضحكت: هو انا اطول واحده قمر كده تبقي صحبتي وخصوصا لو هنبقي فريق ضد صخر بيه

مريم حضنتها بحب: حبيبتي ياعشق تعرفي من اول ماشفتك حبيتك حسيت وكاني اعرفك من زمااان

عشق كان جواها نفس الاحساس من اول ما شافت مريم حبتها سواء هي او مامتها كريمة ع** صخر تماما

كريمة بحب: قوليلي ياعشق مامتك فين

عشق والدموع ملت عنيها: ماتت

الكلمة وجعت قلب كريمة قربت من عشق وحضنتها: اعتبريني زي امك ياعشق اي حاجة محتجاها او مزعلاكي انا موجودة يابنتي وهفضل معاكي وفضهرك مش هسيبك ابدا

كريمة كانت عارفة ان عشق حاسه انها لوحدها وانها خايفة ومحتاجة حد يطمنها هي بتعبرها زي مريم بنتها بالظبط ، عارفة ان ملهاش حد وان ابوها مش سال عنها وانها مش فرقا معاه قررت انها هتحميها حتي لو من ابنها ، اينعم صخر لايمكن يأذيها بس عارفة انه معاها بيبقي واحد تاني غير صخر اللي هي مربياه وعرفاه

قطع شرودها صوت مريم : ايه ياست الحبايب الدراما دي!! وانتي ياعشق تعالي اما اف*جك علي اوضتي هتعجبك جدا تعالي تعالي بلاش نكد ياماما

مريم اخدت عشق وطلعت اوضتها

كريمة قعدت مهمومة وحزينة . . مقهورة علي عشق لو تقدر تقولها اللي جواها لو بس تقدر انها تقولها!!