Chapter 44
Natapos ang gig nina Yuriko sa gabing iyon at tuwang-tuwa ang lahat. Busog na busog ako dahil maraming pagkain ang inihain sa harapan namin. Kasabay kong kumain ang The IV Legends at si Kyouko kagabi. Akala ko talaga magiging ayos na ang pakikitungo ni Yuriko kay Kyouko. Kinikilig pa naman ako sa kanila. Silang dalawa lang din ang nagsasalita sa table namin, akala ko lalangawin kaming apat.
Napaka awkward sa pagitan namin at ni Mikaito. Feeling ko may kinikimkim siyang galit sa akin. Huwag naman sana.
"Anong plano mo sa Spring Break?" si Tokizane na tinatanong si Kageyama.
"Baka matulog lang din buong araw," sagot naman ni Kageyama.
Nginuya ko ang kinakain ko habang tahimik na nakikinig. I feel so out of place. Pero siguro nasanay naman ako sa presensya nila. Kahit pa lumak
