Chapter 24
Lutang ako habang kumakain dahil na rin sa hindi mapakali. Baka biglang sumulpot dito si Kazuki o baka makita pa sila ni Aito at mabanggit niya ito kay Kasei.
"Sandali, o-order lang ako ng juice at miso—"
"Wag!"
Napatigil at nagulat si Aito nang hilahin ko ulit siya papaupo. Kapag siya ang o-order ay madadaanan at makikita niya sina Kazuki. Nagtatakha naman niya akong binalingan. Kanina pa ako ganito kaya alam kong nakakahalata na siya.
"Hayaan mong lumapit ang tagalinis ng table. Kailangan ma digest ng intestine mo ng maayos ang pagkaing kinain mo."
Kung ano-ano na ang sinasabi ko dahil wala akong maisip na ibang idadahilan. Tumango-tango naman siya at umupo ng maayos. Sinenyasan ko ang lalaking naglilinis ng table sa kabila at lumapit naman ito.
"Ano po iyon?" magala
