Nagising si Drew na hawak ni Rica ang kamay nya makaraan ang isa pang araw.
"Gising ka na pala. Maligayang pagbabalik, Longshot," bati ni Rica.
Napangiti si Drew.
"Nasa langit na ba ako?" mahinang tanong ni Drew.
"Baliw! Huwag kang ganyan," sabi ni Ricky.
"O nananaginip lang? May anghel akong katabi," wika ni Drew.
"Nakuha mo pang magbiro ng ganyan. Muntik mo na kaming iwanan," asar na wika ni Rica.
"Mawiwili ako kapag ganito lagi ang katabi ko. Sana laging ganito," wika ni Drew.
"Huwag kang toyo," ani Rica.
"At lagi nyo akong sinasabihan na ako ang bolero at sya ang seryoso," pang-aasar ni Mike.
"Nakaapekto ata ang gamot sa utak nya at nahahawa na sya sa'yo," pabirong gatong ni Rica.
"Kamusta na ang pakiramdam mo?" tanong ni Tony.
"Medyo maayos na. Anong nangyari?" usisa ni Dr
