Hindi ko agad napansin na papalayo na kami ni Ashton sa siyudad. Tahimik lang ang biyahe, kumakalam na ang sikmura ko sa amoy ng pagkaing binili namin sa drive thru.
May fries sa paper bag at burgers na maingat na nakasalansan. May dalawang bottled drinks na inabot niya sa akin kanina.
“Gutóm ka na ba?” tanong niya, bahagya pa akong nilingon.
Ngumiti lang ako at tumango. Hindi ko na itinanggi kasi totoo namang gutom na ako.
Maya-maya, huminto ang sasakyan sa harap ng isang napakalaking gate. Mataas iyon at itim na bakal. May security camera sa magkabilang gilid.
Bago pa ako makapagtanong, may nagbukas na agad… automatic, parang sa pelikula lang. Nanlaki ang mga mata ko.
“Wait… dito ka nakatira?” halos pabulong kong tanong. “Ito ba ang bahay niyo? Bakit tayo nagpunta rito?” bigla ak
