Binuksan niya iyon at pumasok. Pagkasara ng pinto ay biglang bumalot ang katahimikan sa paligid.
Ang kuwartong ito ay puno ng napakaraming alaala.
Napatingin siya sa mesa kung saan minsan niyang inilapag ang helmet niya matapos ang isang game.
Naalala niya kung paano siya sinalubong ng Mommy niya, nag-aalala dahil nasugatan siya sa laro.
Naalala niya kung paano siya nito pinilit paupuin habang nililinis ang sugat niya. Kung paano ito nagalit nang hindi siya nagpagamot.
“You’re so stubborn, Ashton!”
Mahinang tumawa noon si Ashton habang pinagmamasdan ang seryosong mukha ng ina.
Nakita rin niya ang ganoong uri ng pag-aalala kay Aviona. He loves her with all his heart. But in the end, she chose another man over him.
Napapikit siya ngayon. Mabilis na sumunod ang isa pang alaala.
Ang g
