“At sisiguraduhin natin,” mahinang sambit ng dean, “na kapag gumalaw tayo… wala rin silang laban.”
Sa kabilang banda, tahimik ang loob ng kotse ni Ashton habang umaandar ito papasok sa pribadong driveway ng Aguilar estate.
Isang kamay ang nasa manibela, habang ang isa’y hawak ang cellphone na naka-loudspeaker.
“Boss,” bungad ni Bobby, halatang pigil ang excitement pero may halong kaba at paghanga, “okay na po. Nagawa na ng mga estudyante at ng dalawang matatanda iyong iniutos mo.”
Hindi agad sumagot si Ashton. Isang maikli at mabagal na paghinga lang ang maririnig.
“Tell me how did they do it,” malamig niyang utos.
“Kanina lang po, sa mismong campus,” patuloy ni Bobby. “Sa harap ng maraming estudyante… lumuhod ang dean at iyong professor sa harap nina Aviona at Melody. Humingi ng taw
