Napalunok ako.
“Ashton,” sagot niya agad. “Ashton Nicholo Aguil–”
Bigla akong umubo.
“Kuya iyong kape mo baka lumamig na,” agaw-pansin ko. Muntik na.
“Taga-saan ka?” sunod na tanong ni Kuya.
“QC po. Pero madalas po akong kung saan-saan. Work-related.”
“Anong trabaho mo?”
“Ah…” saglit na huminto si Ashton, tapos ngumiti. “Freelance po. Events. Coordination. Creative stuff.”
Napahigpit ang hawak ko sa baso ng tubig. Ashton, ayusin mo ang sagot kung ayaw mong malintikan tayong pareho rito.
“Anong klaseng events?” tanong ni Kuya, hindi pa rin inaalis ang tingin kay Ashton.
“Gigs, fiesta, concert,” mabilis na sagot ni Ashton. “Minsan ay mga mini concert.”
Napatingin ako sa kaniya. Grabe ang bilis niyang mag-isip ng sasabihin.
Tumango si Kuya, parang kuntento naman sa sagot ni Ashton
