NANG DAHIL sa nangyari ay napa-under time ng wala sa oras si Zionne dahil na rin sa hindi makubling pag-aalala sa kasintahan kahit na malaki ang inis na nararamdaman para rito. Hindi rin maikubli ang kaniyang paghihinala lalo pa't malapit sa lugar ng kanilang work place na nangyari ang aksidente.
Nadatnan niyang nakaupo sa may wheel chair si Howard at may nakalagay na rin na mga benda sa mga sugat nito sa tuhod at mga galos sa braso. Sadyang kaawa-awa ang natamong sugat nito na iniinda nito ng sobra. Hindi niya tuloy maiwasang makaramdam ng awa sa kabila ng mga kasalanang nagawa nito sa kaniya. At sa kabila nang iniinda nitong mga sugat ay nagawa pa rin siyang kausapin nito, "M-mabuti at pinuntahan mo pa rin ako rito, Z-zionne, akala ko ay katapusan ko na," madamdaming anito na nagpahaba
