SA DINAMI-RAMI ng bilang ng tao sa kabuuan ng resort na iyon ay hindi naging hadlang iyon para mapansin ni Paul na wala si Zionne. Dali-dali siyang umahon sa pool at umakyat sa kanilang cottage subalit bigo pa rin siyang makita ang kaibigan.
"Nakita ni'yo si Zionne?" boses niya ang nakapagpatigil kay Howard na ngayon ay masaya pa ring nakikipag-inuman sa mga kaibigan. Habang didikit-dikit naman dito si Ruzelle.
"Bakit mo hinahanap si Zionne? Kaibigan ka lang naman," pormal na sabi ni Howard na nagbigay ng epekto sa kaniya.
"Dahil nag-aalala ako-- sabagay, ikaw nga 'tong nobyo, e, kaya dapat ikaw ang naghahanap sa kaniya," makatwirang sagot niya.
Doo'y napatayo si Howard at halata sa kilos nitong malakas na ang tama ng alak. "Tama, kaya manahimik ka na, saka 'wag mo nang alalahanin si Z
