روايه الصافي الجزء الاول

روايه الصافي 4

ﻗﺎﻟﺖ ﻟﻴﻬﻮ ﻛﻴﻒ ﻳﺎﺩﻛﺘﻮﺭ ﻓﻬﻤﻨﺎ ..

ﺍﻟﺪﻛﺘﻮﺭ ﺳﻜﺖ ﻣﺴﺎﻓﺔ .. ﻭﻣﺴﻚ ﺍﻟﺘﻠﻔﻮﻥ ﺍﻟﺜﺎﺑﺖ ﺑﺘﺎﻋﻮ .. ﻭﺟﺮﺍﻫﻮ ﻋﻠﻴﻬﻮ ﻛﺪﺍ .. ﻭﺭﻓﻊ ﺍﻟﺴﻤﺎﻋﺔ ﻭﺑﻘﻰ ﻳﻀﻐﻂ ﻓﻲ ﺍﻻﺭﻗﺎﻡ . ﺗﻴﺖ ﺗﻮﺕ ﺗﺎﺕ ﺗﻴﺖ ﻫﻪ ..

ﻭﻗﻌﺪ ﻳﺘﻜﻠﻢ ﻣﻊ ﺯﻭﻝ ﺑﺎﻻﻧﺠﻠﻴﺰﻱ ﻗﺮﻳﺐ ﺍﻟﺨﻤﺲ ﺩﻗﺎﻳﻖ ..

..

ﻗﺎﻝ ﻟﻴﻬﻮ ﺍﺳﻤﻊ ﻳﺎ ﺍﺳﺘﺎﺫ ﺍﻧﺖ ﻗﻠﺖ ﻟﻲ ﺍﺳﻤﻚ ﻣﻨﻮ؟ ﻗﺎﻝ ﻟﻴﻬﻮ ﺍﺳﻤﻲ ﺍﻻﻣﻴﻦ ﻳﺎﺩﻛﺘﻮﺭ ..

ﻗﺎﻝ ﻟﻴﻬﻮ ﻋﺎﺭﻑ ﻳﺎ ﺍﻻﻣﻴﻦ .. ﻧﺤﻦ ﻃﺒﻌﺎ ﻗﺒﻞ ﻣﺎﻧﻘﻮﻝ ﺍﻱ ﻛﻼﻡ .. ﺍﻧﺎ ﻋﺎﻳﺰﻙ ﺗﻤﺸﻲ ﻫﺴﻲ .. ﺗﻌﻤﻞ ﻟﻲ ﺍﻟﺼﻮﺭ .. ﺍﻟﻌﻤﻠﺘﻬﻦ ﺍﻟﻤﺮﺓ ﺍﻟﻔﺎﺗﺖ .. ﺗﺎﻧﻲ ..

ﻗﺎﻝ ﻟﻴﻬﻮ ﻛﻴﻒ ﻳﺎﺩﻛﺘﻮﺭ؟ .. ﻳﻬﻮﺩﻳﻞ ﺍﻟﺼﻮﺭ ﻗﺎﻋﺪﺍﺕ ﻣﻌﺎﻱ ..

ﺍﻟﺪﻛﺘﻮﺭ ﻗﺎﻝ ﻟﻴﻬﻮ ﻋﺎﺍﺍﺍﺍﺍﺍﺭﻑ .. ﺍﻣﺸﻲ ﺍﻋﻤﻞ ﻟﻲ ﺻﻮﺭ ﺟﺪﻳﺪﺓ .. ﻟﻮ ﻓﻌﻼ ﻛﺎﻧﺖ ﺍﻟﺤﺎﺟﺔ ﺍﻟﺨﺎﺗﻴﻬﺎ ﻓﻲ ﺭﺍﺳﻲ ﺩﻱ ﻃﻠﻌﺖ ﺻﺎﺡ .. ﺍﻧﺖ ﺯﻭﻝ ﻣﺤﻈﻮﻅ .. ﻭﺍﻟﻤﺪﺍﻡ ﺩﻱ ﺭﺑﻨﺎ ﺑﺮﻳﺪﻫﺎ .. ﺑﺲ ﺍﻟﺼﻮﺭ ﻣﻬﻤﺔ ﻣﻬﻤﺔ ..

ﺍﻻﻣﻴﻦ ﺳﺎﻕ ﺍﻳﻤﺎﻥ .. ﺗﺎﻧﻲ ﻭﻋﻤﻠﻮ ﺍﻟﺼﻮﺭ .. ﻭﺑﺎﺍﺍﺍﺍﺍﺍﻛﺮ ﺭﺟﻌﻮ ﻟﻴﻬﻮ ﺗﺎﻧﻲ ..

ﺑﺎﻟﺘﺎﻟﻲ ﻣﻮﺍﻋﻴﺪ ﺍﻟﻌﻤﻠﻴﺔ ﺡ ﺗﺘﺄﺟﻞ ..

ﺍﻟﺪﻛﺘﻮﺭ ﻋﺎﻳﻦ ﻟﻠﺼﻮﺭ .. ﻭﻗﺎﻝ ﻟﻴﻬﻮ .. ﺍﻟﻠﻪ ﺍﻛﺒﺮ ﻳﺎ ﺍﺳﺘﺎﺫ ﺍﻻﻣﻴﻦ .. ﺍﺣﻤﺪ ﺭﺑﻚ ﻭﺍﻋﻤﻞ ﻛﺮﺍﻣﺔ ..

ﺩﻗﻴﻘﺔ ﺑﺲ ﺩﻗﻴﻘﺔ .. ﺷﺎﻝ ﺣﺎﺟﺔ ﻛﺪﺍ ﺯﻱ ﺍﻟﻤﺴﻄﺮﺓ ﻭﺑﻘﻰ ﻳﻘﻴﺲ ﻓﻲ ﺍﻟﺼﻮﺭﺓ ﺍﻟﻜﺒﻴﺮﺓ ..

ﻭﻗﺎﻝ ﻟﻼﻣﻴﻦ ﺍﺳﻤﻌﻨﻲ ﻛﻮﻳﺲ ﺍﻧﺖ ﻭﺍﻟﻤﺪﺍﻡ ..

ﺍﻭﻻ ﺍﻧﺎ ﺍﻭﻝ ﻣﻤﺎ ﺷﻔﺖ ﺍﻟﺼﻮﺭﺓ ﺍﻻﻭﻟﻰ .. ﻭﺷﻔﺖ ﺍﻟﻮﺭﻡ ﺍﻟﻔﻲ ﺍﻟﺮﺍﺱ .. ﺷﻔﺖ ﺷﻜﻠﻮ ﻭﺭﻡ ﺳﺮﻃﺎﻧﻲ .. ﻭﺣﺘﻰ ﻧﻮﻋﻮ ﻋﺮﻓﺘﻮ .. ﻟﻜﻦ ﺍﻧﺎ ﻗﻠﺖ ﻗﺒﻞ ﻣﺎ ﺍﺳﺘﻌﺠﻞ ﺍﻋﻤﻞ ﺍﻟﻌﻤﻠﻴﺔ .. ﺍﺣﺘﻤﺎﻝ ﺗﻜﻮﻥ ﺣﺎﻟﺔ ﺍﻟﺘﻬﺎﺑﻴﺔ .. ﺍﻧﺎ ﺍﺩﻳﻬﺎ ﻣﻀﺎﺩﺍﺕ ﻭﺍﺷﻮﻑ ﺍﻟﻨﺘﻴﺠﺔ .. ﻟﻜﻦ ﺑﻴﻨﻲ ﻭﺑﻴﻨﻚ .. ﻛﻨﺖ ﻗﻨﻌﺎﻥ ﻣﻦ ﺍﻟﻨﺘﻴﺠﺔ .. ﺑﺲ ﻟﻜﻦ ﺍﻟﻤﺪﺍﻡ ﺭﺑﻨﺎ ﺑﺤﺒﻬﺎ .. ﻭﻛﺖ ﻗﺎﻟﺖ ﻟﻲ ﺍﻻﻟﻢ ﺧﻒ .. ﻃﻮﺍﻟﻲ ﻋﺮﻓﺖ ﺍﻧﻮ ﺍﻟﻤﻀﺎﺩﺍﺕ ﺍﻟﺤﻴﻮﻳﺔ ﺍﺛﺮﺕ .. ﻣﻌﻨﺎﻫﺎ ﺍﻟﻤﻮﺿﻮﻉ ﻣﺎ ﻛﺎﻧﺴﺮ ,,

ﻗﺎﻟﺖ ﻟﻴﻬﻮ ﻛﻴﻒ ﻳﺎﺩﻛﺘﻮﺭ ﻓﻬﻤﻨﺎ ..

ﺍﻟﺪﻛﺘﻮﺭ ﺳﻜﺖ ﻣﺴﺎﻓﺔ .. ﻭﻣﺴﻚ ﺍﻟﺘﻠﻔﻮﻥ ﺍﻟﺜﺎﺑﺖ ﺑﺘﺎﻋﻮ .. ﻭﺟﺮﺍﻫﻮ ﻋﻠﻴﻬﻮ ﻛﺪﺍ .. ﻭﺭﻓﻊ ﺍﻟﺴﻤﺎﻋﺔ ﻭﺑﻘﻰ ﻳﻀﻐﻂ ﻓﻲ ﺍﻻﺭﻗﺎﻡ . ﺗﻴﺖ ﺗﻮﺕ ﺗﺎﺕ ﺗﻴﺖ ﻫﻪ ..

ﻭﻗﻌﺪ ﻳﺘﻜﻠﻢ ﻣﻊ ﺯﻭﻝ ﺑﺎﻻﻧﺠﻠﻴﺰﻱ ﻗﺮﻳﺐ ﺍﻟﺨﻤﺲ ﺩﻗﺎﻳﻖ ..

..ﻗﺎﻝ ﻟﻴﻬﻮ ﺍﺳﻤﻊ ﻳﺎ ﺍﺳﺘﺎﺫ ﺍﻧﺖ ﻗﻠﺖ ﻟﻲ ﺍﺳﻤﻚ ﻣﻨﻮ؟ ﻗﺎﻝ ﻟﻴﻬﻮ ﺍﺳﻤﻲ ﺍﻻﻣﻴﻦ ﻳﺎﺩﻛﺘﻮﺭ ..

ﻗﺎﻝ ﻟﻴﻬﻮ ﻋﺎﺭﻑ ﻳﺎ ﺍﻻﻣﻴﻦ .. ﻧﺤﻦ ﻃﺒﻌﺎ ﻗﺒﻞ ﻣﺎﻧﻘﻮﻝ ﺍﻱ ﻛﻼﻡ .. ﺍﻧﺎ ﻋﺎﻳﺰﻙ ﺗﻤﺸﻲ ﻫﺴﻲ .. ﺗﻌﻤﻞ ﻟﻲ ﺍﻟﺼﻮﺭ .. ﺍﻟﻌﻤﻠﺘﻬﻦ ﺍﻟﻤﺮﺓ ﺍﻟﻔﺎﺗﺖ .. ﺗﺎﻧﻲ ..

ﻗﺎﻝ ﻟﻴﻬﻮ ﻛﻴﻒ ﻳﺎﺩﻛﺘﻮﺭ؟ .. ﻳﻬﻮﺩﻳﻞ ﺍﻟﺼﻮﺭ ﻗﺎﻋﺪﺍﺕ ﻣﻌﺎﻱ ..

ﻃﺒﻌﺎ ﺍﻟﻮﺭﻡ ﻓﻲ ﺍﻟﺼﻮﺭﺓ ﺍﻻﻭﻟﻰ ﻛﺎﻥ ﻣﻘﻴﺎﺳﻮ 2.2 ﺳﻢ ﻣﺘﺮ .. ﻭﻫﺴﻲ ﻧﻘﺺ .. ﺍﻻﻥ ﻓﻘﻂ ‏( ﺑﻮﻳﻨﺖ ﺍﺭﺑﻌﺔ ‏) ﻳﻌﻨﻲ ﺍﻗﻞ ﻣﻦ ﻧﺺ ﺳﻨﺖ ..

ﻓﺎﻟﺤﺎﺻﻞ ﻛﺎﻻﺗﻲ .. ﺍﻟﺰﻭﻟﺔ ﺩﻱ ﻋﻨﺪﻫﺎ ﺍﺣﺘﻘﺎﻥ ﺻﺪﻳﺪﻱ .. ﻳﻌﻨﻲ ﻋﻨﺪﻫﺎ ﺧﺮﺍﺝ ﻓﻲ ﺍﻟﻤﺦ .. ﻭﺍﻟﺤﻤﺪ ﻟﻠﻪ ﻫﻮ ﻣﻦ ﺍﻟﻨﻮﻉ ﺍﻟﺨﻔﻴﻒ .. ﺍﻟﻤﻤﻜﻦ ﺗﻔﻴﺪ ﻣﻌﺎﻫﻮ ﺍﻟﻌﻘﺎﻗﻴﺮ .. ﻣﻦ ﺩﻭﻥ ﺍﻟﺘﺪﺧﻞ ﺍﻟﺠﺮﺍﺣﻲ ..

ﻳﻌﻨﻲ ﺍﻟﺤﻤﺪ ﻟﻠﻪ .. ﻣﺎﻓﻲ ﻋﻤﻠﻴﺔ ﻭﻻﺷﻲ .. ﺑﺲ ﺍﻧﺎ ﺡ ﺃﺩﻳﻬﺎ ﻧﻮﻉ ﺍﻗﻮﻯ ﻣﻦ ﺍﻟﺤﺒﻮﺏ ﺩﻱ .. ﻭﺡ ﺗﻜﻮﻥ ﺣﻘﻦ .. ﻭﺍﻥ ﺷﺎﺀ ﺍﻟﻠﻪ ﻛﻠﻬﺎ ﺍﺳﺒﻮﻋﻴﻦ .. ﻭﺍﻟﻤﻮﺿﻮﻉ ﺩﻩ ﻳﺘﻼﺷﻰ ﺑﺄﺫﻥ ﺍﻟﻠﻪ .. ﻻﻧﻮ ﺑﺮﺿﻮ ﺍﻟﺨﺮﺍﺝ ﻓﻲ ﺍﻟﻤﻨﻄﻘﺔ ﺩﻱ ﺧﻄﺮ ﺟﺪﺍ .. ﻣﻤﻜﻦ ﻳﻌﻤﻞ ﺷﻠﻞ ﺍﻭ ﺻﺮﻉ ﺍﻭ ﻣﻮﺕ .. ﺍﻟﺪﻛﺘﻮﺭ ﺩﻩ ﻓﺮﺡ ﻓﺮﺡ .. ﺑﺎﻟﻠﻪ ﺍﻟﺘﻘﻮﻝ ﺍﻳﻤﺎﻥ ﺩﻱ ﺑﺘﻮ ..

ﻟﺤﻈﺔ ــــــــ،،ﻣﻌﻠﻮﻡﺓ ﻃﺒﻴﺒﺔ .......

ﻃﻴﺐ ﻟﻠﻔﺎﺋﺪﺓ ﺍﻧﻘﻞ ﻟﻜﻢ ﻛﻼﻡ ﺍﻟﻄﺐ ﻓﻲ ﺍﻟﻤﻮﺿﻮﻉ ﺩﻩ

.. ﺗﻘﻮﻝ ﺍﻟﺪﻛﺘﻮﺭﺓ ﺷﻴﻤﺎﺀ ﻋﻠﻰ ..

ﻭﻣﻊ ﺧﻄﻮﺭﺓ ﺧﺮﺍﺝ ﺍﻟﻤﺦ , .. ﺇﻻ ﺃﻥ ﻧﺘﺎﺋﺠﻪ ﺍﻟﺴﻴﺌﺔ ﻣﻦ ﻧﺎﺣﻴﺔ ﺍﻻﻋﺘﻼﻝ .. ﻭﺍﻟﻮﻓﻴﺎﺕ ﻗﺪ ﺍﻧﺨﻔﻀﺖ ﺑﺴﺒﺐ ﺍﻟﺘﻘﺪﻡ ﺑﻮﺳﺎﺋﻞ ﺍﻟﺘﺸﺨﻴﺺ .. ﻭﺍﻟﻤﻀﺎﺩﺍﺕ ﺍﻟﺤﻴﻮﻳﺔ ﻭﺍﻟﺘﺪﺧﻼﺕ ﺍﻟﺠﺮﺍﺣﻴﺔ , ﻭﺃﻳﻀﺎ ﻣﻊ ﺍﻟﺘﻘﺪﻡ ﻓﻲ ﻋﻠﻢ ﺍﻷﻭﺑﺌﺔ .. ﺑﻤﺎ ﻓﻲ ﺫﻟﻚ ﻣﻦ ﻓﻬﻢ ﺃﻛﺒﺮ ﻷﺳﺒﺎﺏ ﺍﻟﻤﺮﺽ , ﻭﺍﻟﻌﻮﺍﻣﻞ ﺍﻟﻤﻬﻴﺌﺔ ﻟﻪ ﻛﻞ ﺫﻟﻚ ﻛﺎﻥ ﻟﻪ ﺃﺛﺮ ﻓﻲ ﺗﺤﺴﻴﻦ ﻃﺮﻕ ﺗﺸﺨﻴﺼﻪ ﻭﻋﻼﺟﻪ . ﻭﻫﻮ ﻳﺤﺪﺙ ﻋﻨﺪ ﺍﻟﺮﺟﺎﻝ ﺿﻌﻒ ﺣﺪﻭﺛﻪ ﻋﻨﺪ ﺍﻟﻨﺴﺎﺀ

ﻭﺗﺒﻠﻎ ﻣﻌﺪﻻﺕ ﺍﻹﺻﺎﺑﺔ ﺑﺨﺮﺍﺝ ﺍﻟﻤﺦ ﺃﻗﺼﺎﻫﺎ ﻓﻲ ﺍﻟﻌﻘﺪ ﺍﻟﺜﺎﻟﺚ ﻭﺍﻟﺮﺍﺑﻊ ﻣﻦ ﺍﻟﻌﻤﺮ ﺑﻴﻨﻤﺎ ﺍﻧﺨﻔﻀﺖ ﻧﺴﺒﺔ ﺍﻹﺻﺎﺑﺔ ﻓﻲ ﺍﻷﻃﻔﺎﻝ , ﻭﻳﺮﺟﻊ ﻫﺬﺍ ﺍﻻﻧﺨﻔﺎﺽ ﺇﻟﻰ ﺍﻟﺘﻐﻴﻴﺮﺍﺕ ﻓﻲ ﻣﻤﺎﺭﺳﺎﺕ ﺍﻟﺘﻄﻌﻴﻢ , ﻭﻋﻼﺝ ﺍﻷﻣﺮﺍﺽ ﺍﻟﻤﻌﺪﻳﺔ ﻓﻲ ﺍﻷﻃﻔﺎﻝ , ﻭﻣﻮﺍﺟﻬﺔ ﻭﺑﺎﺀ ﻧﻘﺺ ﺍﻟﻤﻨﺎﻋﺔ ﺍﻟﻤﻜﺘﺴﺐ ‏( ﺍﻹﻳﺪﺯ ‏)

ﻭﻣﻌﺪﻝ ﺍﻟﻮﻓﻴﺎﺕ ﻣﻦ ﺧﺮﺍﺝ ﺍﻟﻤﺦ ﻳﺒﻠﻎ ﺣﺎﻟﻴﺎ ﺣﻮﺍﻟﻲ ,%10 ﻭﻗﺪ ﻳﺒﻠﻎ ﺣﻮﺍﻟﻲ %80 ﻋﻨﺪ ﺍﻧﻔﺠﺎﺭ ﺍﻟﺨﺮﺍﺝ ﺩﺍﺧﻞ ﺑﻄﻴﻨﺎﺕ ﺍﻟﻤﺦ , ﺃﻣﺎ ﺍﻷﺣﻴﺎﺀ ﺍﻟﺬﻳﻦ ﻳﺘﺄﺛﺮﻭﻥ ﺑﺎﻟﻤﺮﺽ , ﻓﻴﻜﻮﻥ ﺗﺄﺛﺮﻫﻢ ﺭﺍﺟﻊ ﺇﻟﻰ ﻭﺟﻮﺩ ﺧﻠﻞ ﻋﺼﺒﻲ ﻣﺘﺒﻘﻲ ﻣﻦ ﺃﺛﺮ ﺍﻟﺨﺮﺍﺝ , ﺃﻭ ﺣﺪﻭﺙ ﺗﺸﻨﺠﺎﺕ ﺑﺴﺒﺐ ﻭﺟﻮﺩ ﺑﺆﺭ ﻣﺘﺼﻠﺒﺔ ﺑﻨﺴﻴﺞ ﺍﻟﻤﺦ ﻣﻦ ﺃﺛﺮ ﺍﻟﺨﺮﺍﺝ , ﺃﻭ ﺍﻟﺘﻐﻴﺮﺍﺕ ﺍﻟﻌﺼﺒﻴﺔ ﺍﻟﻨﻔﺴﻴﺔ .

ــــــــــــــــــ ﺍﻧﺘﻬﺖ ﺍﻟﻤﻌﻠﻮﻭﻭﻣﺔ ـــــــــــــ

ﺍﻟﺠﻤﺎﻋﺔ ﺩﻳﻞ ﻃﻠﻌﻮ ﻣﻦ ﺍﻟﺪﻛﺘﻮﺭ ﻓﺮﺣﺎﻧﻴﻦ .. ﻟﻲ ﺩﺭﺣﺔ ﺍﻧﻮ ﺍﻻﻣﻴﻦ ﻗﻌﺪ ﻳﺒﻜﻲ .. ﻭﺍﻳﻤﺎﻥ ﻣﻨﻄﻄﺔ ﻋﻴﻮﻧﺎ .. ﺗﻌﺎﻳﻦ ﻟﻼﻣﻴﻦ .. ﺍﻭﻝ ﻣﺮﺓ ﺗﺸﻮﻓﻮ ﻳﺠﻮﻋﺮ ﺑﺎﻟﻄﺮﻳﻘﺔ .. ﻭﺑﺘﻘﻮﻝ ﻟﻴﻬﻮ ﻳﺎﺭﺍﺟﻞ ﻫﻮﻱ .. ﻧﺤﻦ ﻓﻲ ﺍﻟﺸﺎﺭﻉ ..

ﻭﻫﻮ ﺑﻘﻮﻝ ﻟﻴﻬﺎ ﻣﺎﻗﺎﺩﺭ ﺍﺳﻜﺖ .. ﻭﺍﻟﻠﻪ ﻣﺎﻗﺎﺩﺭ ﺍﺳﻜﺖ .. ﻭﺻﻠﻮ ﺍﻟﺒﻴﺖ ﻭﻧﺎﺱ ﺍﻟﻤﻠﻜﺔ ﻭﻋﺸﺔ ﻭﺍﻟﺒﻨﺎﺕ ﻟﻤﻦ ﻋﺮﻓﻮ ﺍﻟﺨﺒﺮ .. ﻗﻌﺪﻥ ﻳﺰﻏﺮﺩﻥ ﻭﻧﺎﺱ ﺍﻟﺠﻴﺮﺍﻥ ﺍﺗﻠﻤﻮ ﻭﺑﺴﺄﻟﻮ ﻓﻲ ﺷﻨﻮ؟

ﺭﻭﺍﻳﺔ ﺍﻟﺼﺎﻓﻲ ..

ﺍﻟﺤﻠﻘﺔ 14 ..

ﺑﻘﻠﻢ ﻃﺎﺭﻕ ﺍﻟﻠﺒﻴﺐ ..

ﻗﺎﻝ ﻟﻴﻬﻮ ﻋﻨﺪﻱ ﺻﺎﺣﺒﺄ ﻟﻲ ﻓﻲ ﻋﻄﺒﺮﺓ .. ﺍﺳﻤﻮ ﻋﺒﺪﺍﻟﻤﻨﻌﻢ .. ﺧﻄﻴﺒﺘﻮ ﺍﺳﻤﻬﺎ ﻧﺒﻴﻬﺔ .. ﻭﺍﻟﻠﻪ ﺗﻘﻮﻝ ﺍﻟﺒﺖ ﺩﻱ ﺗﻮﻣﺘﻬﺎ ﺷﺪﺓ ﻣﺎﺑﺘﺸﺒﻬﺎ .. ﻻﻣﻦ ﺍﻧﺎ ﺑﺮﺍﻱ ﻗﻠﺒﻲ ﻓﺮﺍﻧﻲ ..

ﻗﺎﻝ ﻟﻴﻬﻮ ﻭﺍﻟﻠﻪ ﻟﻜﻦ ﺻﺎﺣﺒﻚ ﻣﻌﻨﺎﻫﺎ .. ﻋﻨﺪﻭ ﺫﻭﻕ ﺭﻓﻴﻊ ﻓﻲ ﺍﻻﺧﺘﻴﺎﺭ ..

ﻗﺎﻝ ﻟﻴﻬﻮ ﺍﻧﺖ ﻣﺎﺷﻔﺖ ﻧﺪﻯ ..

ﻗﺎﻝ ﻟﻴﻬﻮ ﻧﺪﻯ ﺩﻱ ﻣﻨﻮ ﻳﺎ ﺍﻻﻣﻴﻦ ؟ ﻗﺎﻝ ﻟﻴﻬﻮ ﻧﺪﻯ ﺻﺎﺣﺒﺘﻬﺎ ..

ﻗﺎﻝ ﻟﻴﻬﻮ ﻃﻴﺐ ﺍﺣﻜﻲ ﻟﻲ ﻳﺎ ﺍﻻﻣﻴﻦ .. ﺍﻟﻈﺎﻫﺮ ﻋﻠﻴﻚ ﻋﻨﺪﻙ ﻛﻔﺎﻭﻱ ﻓﻲ ﻋﻄﺒﺮﺓ ﻣﻊ ﺍﻟﺠﻨﺲ ﺍﻟﻠﻄﻴﻒ ..

ﻗﺎﻝ ﻟﻴﻬﻮ ﻳﺎﺯﻭﻝ ﺑﺲ ﺍﻟﻮﺍﺣﺪ ﻳﻘﻮﻝ ﺍﻟﺤﻤﺪ ﻟﻠﻪ .. ﺍﻟﻌﺒﺪ ﻣﺴﻴﺮ ﻭﻣﺎﻋﺎﺭﻑ ﺍﻟﻘﺪﺭ ﺑﻮﺩﻳﻬﻮ ﻋﻠﻰ ﻭﻳﻦ ..

ﺍﻫﺎ ﺑﻌﺪ ﺍﻻﻣﻴﻦ ﺍﻃﻤﺄﻥ ﻋﻠﻰ ﺍﻳﻤﺎﻥ .. ﻭﺍﻧﻬﺎ ﺑﻘﺖ ﺍﻟﺤﻤﺪ ﻓﻲ ﺍﻣﻦ ﻭﺍﻣﺎﻥ ..

ﺗﺎﻧﻲ ﻳﻮﻡ ﻃﻮﺍﻟﻲ ﺍﺗﺼﻞ ﻋﻠﻰ ﻋﻤﺮ .. ﺑﺘﺎﻉ ﺍﻻﺗﺼﺎﻻﺕ ﺍﻟﻔﻲ ﺳﻮﻕ ﻋﻄﺒﺮﺓ .. ﻭﻗﺎﻝ ﻟﻴﻬﻮ ﺑﻠﻎ ﻋﻄﻴﺔ .. ﻗﻮﻝ ﻟﻴﻬﻮ ﺍﻳﻤﺎﻥ ﻃﻠﻊ ﻋﻨﺪﻫﺎ ﺧﺮﺍﺝ .. ﻭﻣﺎﺷﺔ ﻓﻲ ﺍﻟﻌﻼﺝ ﻛﻮﻳﺲ ﺍﻟﺤﻤﺪ ﻟﻠﻪ ..

ﺍﻻﻣﻴﻦ ﻃﺒﻌﺎ " ﻧﺺ ﺍﻟﻘﺮﻭﺵ ﺍﻟﻤﻌﺎﻫﻮ ﺍﻧﻘﺮﺿﺖ ﺑﺪﻭﻥ ﻋﻤﻠﻴﺔ .. ﻟﻜﻦ ﺑﺮﺿﻮ ﺭﺍﺿﻲ ﻭﻓﺮﺣﺎﻥ ﺑﻲ ﻋﺎﻓﻴﺔ ﻣﺮﺗﻮ .. ﻭﻟﺴﻊ ﻣﺎﻋﺎﺭﻓﻴﻦ ﺟﻮﺍﻫﻮ ﺷﻨﻮ ﺑﺎﻟﻨﺴﺒﺔ ﻟﻠﺒﺖ ﺍﻻﺳﻤﻬﺎ ﻧﺪﻯ ﺍﻟﻔﻲ ﻋﻄﺒﺮﺓ ..

ﺍﺧﺪﻭ ﺍﻻﻳﺎﻡ ﺍﻟﻤﻔﺮﻭﺽ ﻳﺎﺧﺪﻭﻫﻦ ﻟﻠﻌﻼﺝ .. ﻭﺑﻌﺪ ﺍﺳﺒﻮﻋﻴﻦ ﻓﻘﻂ ﻣﺸﻮ ﺍﻟﻤﻘﺎﺑﻠﺔ ﻟﻠﺪﻛﺘﻮﺭ .. ﻭﺍﻟﺪﻛﺘﻮﺭ ﻗﺎﻝ ﻟﻴﻬﻢ ﺍﻟﻤﻮﺿﻮﻉ ﺍﻧﺘﻬﻰ ﺗﻤﺎﻣﺎ .. ﺍﻟﺤﻤﺪ ﻟﻠﻪ .. ﻭﺗﺎﻧﻲ ﻣﺎﻓﻲ ﺧﻮﻑ .. ﻭﻭﻗﻒ ﻣﻨﻬﺎ ﺍﻟﻌﻼﺝ ..

ﻭﺧﻼﺹ ﺑﻘﻮ ﻓﻲ ﺗﺮﺗﻴﺒﺎﺕ ﺍﻟﺴﻔﺮ ﻟﻲ ﻋﻄﺒﺮﺓ .. ....

ﻭﻓﻲ ﻋﻄﺒﺮﺓ ﻫﻨﺎﻙ ﻓﻲ ﺣﺎﺟﺎﺕ ﻛﺘﻴﺮﺓ ﺣﺎﺻﻠﺔ .. ﺍﻭﻝ ﺣﺎﺟﺔ ﻋﺒﺪﺍﻟﻤﻨﻌﻢ ﺍﻟﻘﻤﺮﺗﻲ ﺍﻟﻔﻲ ﺑﻴﺖ ﺍﻟﻌﺬﺍﺑﺔ .. ﻋﺮﻑ ﺍﻧﻮ ﺍﻟﺪﻛﺎﻥ ﺑﺘﺎﻉ ﺍﻻﻣﻴﻦ ﺍﺗﺒﺎﻉ .. ﻭﺍﺗﻘﻔﻞ ﻻﺟﻞ ﻏﻴﺮ ﻣﺴﻤﻰ .. ﻗﺎﻡ ﻻﻗﻰ ﻋﻄﻴﺔ .. ﻭﺳﺄﻟﻮ ﻋﻦ ﺍﻟﺤﺎﺻﻞ ﻋﻠﻰ ﺍﻻﻣﻴﻦ ﺑﺎﻟﻀﺒﻂ ﺷﻨﻮ .. ﻭﻋﻄﻴﺔ ﺣﻜﺎ ﻟﻴﻬﻮ ..

ﻗﺎﻝ ﻟﻴﻬﻮ ﻃﺒﻌﺎ ﺍﻟﺰﻭﻝ ﺩﻩ ﺣﺼﻞ ﻋﻠﻴﻬﻮ ﻛﻴﺖ ﻛﻴﺖ .. ﻭﻫﺴﻲ ﻫﻮ ﻣﻊ ﺯﻭﺟﺘﻮ ﻓﻲ ﺍﻟﺨﺮﻃﻮﻡ ﻓﻲ ﺍﻟﻌﻼﺝ ..

ﻋﺒﺪﺍﻟﻤﻨﻌﻢ ﻃﺒﻌﺎ ﻃﻮﺍﻟﻲ ﻣﺸﻰ ﻛﻠﻢ ﻧﺒﻴﻬﺔ .. ﻧﺒﻴﻬﺔ ﺣﻜﺖ ﻟﻲ ﻧﺪﻯ ..

ﻧﺪﻯ ﻗﺎﻟﺖ ﻟﻴﻬﺎ .. ﻟﻮ ﻣﺮﺗﻮ ﺍﻟﻤﻐﻔﻠﺔ ﻋﺎﺭﻓﺔ ﺍﻧﻮ ﺑﻠﻌﺐ ﺑﻲ ﻭﺭﺍﻫﺎ .. ﻭﺑﻼﻗﻴﻨﻲ ﻛﺎﻧﺖ ﻃﻠﻘﺘﻮ ..

ﻟﻜﻦ ﺍﻧﺎ ﻣﺎ ﺑﺴﻜﺖ .. ﺑﺘﺠﻲ ﻭﺑﻌﺮﻑ ﺑﻴﺘﻬﺎ .. ﻭﺑﻤﺸﻲ ﻟﻴﻬﺎ .. ﻭﺑﺤﻜﻲ ﻟﻴﻬﺎ .. ﺍﺻﺒﺮﻱ ﻟﻲ ﻟﻴﻬﻮ ﺳﺎﻱ .. ﺍﻟﻜﻀﺎﺏ ﺍﻟﻐﺸﺎﺵ ﺍﻟﻤﺨﺎﺩﻉ .. ﻭﺍﻟﻠﻪ ﺍﻧﺎ ﻣﻐﻠﻮﻟﺔ ﻋﻠﻴﻬﻮ ﺟﻨﺲ ﻏﻞ ..

ﻧﺒﻴﻬﺔ ﻗﺎﻟﺖ ﻟﻴﻬﺎ ﺍﻧﺘﻲ ﺍﺗﺴﺮﻋﺘﻲ ﺑﺮﺍﻙ .. ﺷﻨﻮ ﻳﻌﻨﻲ ﻣﻌﺮﺱ؟ .. ﻭﺍﻟﻠﻪ ﺍﻧﺎ ﻛﺎﻥ ﻓﻲ ﻣﺤﻠﻚ .. ﻛﻨﺖ ﺍﻗﻮﻝ ﻟﻴﻬﻮ ﻳﺎﺯﻭﻝ ﻭﻻﻳﻬﻤﻚ .. ﺍﻟﺮﺍﺟﻞ ﻣﺤﻠﻼﺕ ﻟﻴﻬﻮ ﺍﺭﺑﻌﺔ .. ﻭﺍﻧﺎ ﻗﺒﻼﻧﺔ .. ﺍﻧﺘﻲ ﻳﺎﻧﺪﻯ ﻫﺴﻲ ﺭﺍﺟﻞ ﺍﻟﻤﺮﺍﺓ .. ﻣﺎ ﺍﺧﻴﺮ ﻣﻦ ﺍﻟﺒﻮﺭﺓ ﺍﻟﻨﺤﻦ ﻓﻴﻬﺎ ﺩﻱ ؟

ﻗﺎﻟﺖ ﻟﻴﻬﺎ ﻭﺍﻟﻠﻪ ﻳﺎﻧﺒﻴﻬﺔ .. ﺍﻗﻮﻝ ﻟﻴﻚ ﺣﺎﺟﺔ؟؟ ﻭﺣﺎﺕ ﺍﻟﻠﻪ ﺍﻧﺎ ﺍﻻﻣﻴﻦ ﺑﻘﺪﺭ ﻣﺎ ﺍﻧﻲ ﺯﻋﻼﻧﺔ ﺍﻧﻮ ﻏﺸﺎﻧﻲ .. ﺑﺮﺿﻮ ﻧﺪﻣﺎﻧﺔ ﺍﻧﻲ ﺧﻠﻴﺘﻮ ..

ﻭﻓﻌﻼ ﺣﺴﻴﺖ ﺍﻧﻲ ﺍﺗﺴﺮﻋﺖ .. ﻟﻜﻦ ﻛﺮﺍﻣﺘﻲ ﻣﺎﻧﻌﺎﻧﻲ ﺍﻣﺸﻲ ﺍﺗﻜﻠﻢ ﻣﻌﺎﻫﻮ ﺗﺎﻧﻲ .. ﻫﺴﻲ ﻛﻤﺎﻥ ﻗﻠﺘﻮ ﺑﺎﻉ ﺍﻟﺪﻛﺎﻥ .. ﻭﻣﺸﻰ ﻳﻌﺎﻟﺞ ﻣﺮﺗﻮ ﻓﻲ ﺍﻟﺨﺮﻃﻮﻡ .. ﻳﻌﻨﻲ ﺍﻧﺎ ﻛﻨﺖ ﺡ ﺍﺗﺠﻬﺠﻪ ﻣﻊ ﻋﻼﺝ ﺍﻟﻤﺮﺍﺓ ..

ﻏﺎﻳﺘﻮ ﻭﺍﻟﻠﻪ ﻣﺎﻋﺎﺭﻓﺔ ﺫﺍﺗﻮ ﺍﻟﻘﺪﺭ ﻣﻮﺩﻳﻨﺎ ﻭﻳﻦ . ﺍﻧﺘﻲ ﻫﺴﻲ ﺭﺍﻳﻚ ﺷﻨﻮ ؟ ﺍﻣﺸﻲ ﺍﺣﻜﻲ ﻟﻲ ﻣﺮﺗﻮ .. ﺍﻧﻮ ﻛﺎﻥ ﻋﻨﺪﻭ ﻣﻌﺎﻱ ﻋﻼﻗﺔ ﻭﺑﺤﺒﻨﻲ .. ﻭﺍﺣﻜﻲ ﻟﻴﻬﺎ ﺍﻟﺘﻔﺎﺻﻴﻞ .. ﺑﺘﺎﻋﺔ ﺍﻟﻘﻤﺎﺭ ﺍﻟﻘﺎﻻ ﻟﻴﻨﺎ ﻋﺒﺪﺍﻟﻤﻨﻌﻢ؟؟ ..

ﻭﻻ ﺍﺣﺴﻦ ﺍﺧﺶ ﻓﻴﻬﻮ ﻫﻮ .. ﻭﺍﺻﻠﺢ ﻋﻼﻗﺘﻲ ﻣﻌﺎﻫﻮ .. ﻭﺍﻋﺮﺳﻮ ﺑﻲ ﻣﺮﺗﻮ . ؟؟

ﺍﻧﺎ ﻣﺘﺄﻛﺪﺓ ﻟﻮ ﺭﺟﻌﺘﺎ ﻟﻴﻬﻮ .. ﻫﻮ ﻣﺎﻋﻨﺪﻭ ﺍﻱ ﻣﺎﻧﻊ .. ﻭﺣﻴﺘﺰﻭﺟﻨﻲ ﻭﺍﺛﻘﺔ ﻣﻦ ﺍﻟﺤﺘﺔ ﺩﻱ .. ﻫﻮ ﺍﺻﻼ ﺑﻤﻮﺕ ﻓﻴﻨﻲ ﻋﺪﻳﻞ ﻛﺪﺍ ..

ﻧﺒﻴﻬﺔ ﻗﺎﻟﺖ ﻟﻴﻬﺎ ﻟﻮ ﺩﺍﻳﺮﺓ ﺭﺍﻱ .. ﻣﺎﻓﻲ ﺩﺍﻋﻲ ﺗﻌﻤﻠﻲ ﻓﺘﻨﺔ ﺑﻴﻦ ﺍﻟﺮﺍﺟﻞ ﻭﻣﺮﺗﻮ .. ﺍﺳﺎﺳﺎ ﺍﻧﺘﻲ ﻟﻮ ﻋﺮﺳﺘﻴﻬﻮ ﻫﻲ ﺑﺮﺍﻫﺎ ﺑﺘﻄﻠﻘﻮ .. ﻧﺴﻮﺍﻥ ﺍﻟﺠﻴﻬﺔ ﺍﻟﻜﺪﻱ ﺩﻳﻞ .. ﺍﻟﻮﺍﺣﺪﺓ ﻣﺎﺑﺘﻘﻌﺪ ﻣﻊ ﺍﻟﺮﺍﺟﻞ ﺍﻟﺒﻌﺮﺱ ﻓﻮﻗﺎ .. ﻭﺍﻟﻠﻪ ﻭﺍﺣﺪﺍﺕ ﺑﻜﺘﻠﻨﻮ ﻋﺪﻳﻞ .. ﺟﻨﻬﻦ ﻭﺟﻦ ﺍﻟﻌﺮﺱ ﺩﻩ ...

ﺑﺲ ﺍﻧﺘﻲ ﻟﻮ ﺑﺘﻘﺪﺭﻱ ﺗﺮﺟﻌﻲ ﻣﻌﺎﻫﻮ ﻋﻼﻗﺘﻚ .. ﻣﺎﻓﻲ ﺍﻱ ﺩﺍﻋﻲ ﻟﻲ ﻓﺘﻦ ﻭﻏﻼﻏﻞ .. ﺧﻠﻴﻚ ﺑﺖ ﺣﻼﻝ ﻭﻣﺤﻀﺮ ﺧﻴﺮ ﻭﻋﺮﺳﻴﻬﻮ ﻭﺧﻼﺹ

ﻗﺎﻟﺖ ﻟﻴﻬﺎ ﻭﺍﻟﻠﻪ ﻳﺎﻧﺒﻴﻬﺔ ﻛﻼﻣﻚ ﺻﺎﺡ .. ﺍﻧﺎ ﻧﻔﺴﻲ ﻭﺍﻟﻠﻪ ﺍﺭﺟﻊ ﻋﻼﻗﺘﻲ ﻣﻊ ﺍﻻﻣﻴﻦ .. ﻭﺍﻟﻠﻪ ﻓﻘﺪﺗﻮ ﺑﻲ ﺣﻤﺎﻗﺘﻲ ﻭﻋﻮﺍﺭﺗﻲ .. ﻟﻜﻦ ﻳﺎﻧﺒﻴﻬﺔ ﺍﻧﺎ ﻣﺎﺑﻘﺪﺭ ﺍﺭﺟﻊ ﻟﻴﻬﻮ ﺑﺮﺍﻱ ﺗﺎﻧﻲ .. ﻳﻘﻮﻡ ﻳﻘﻮﻝ ﺍﻟﺒﺖ ﺩﻱ ﺳﺎﻛﺎﻧﻲ .. ﻭﻳﻘﻮﻝ ﻋﻨﻲ ﺧﻔﻴﻔﺔ ﻭﻟﻔﻴﻔﺔ ..

ﻧﺒﻴﻬﺔ ﻗﺎﻟﺖ ﻟﻴﻬﺎ ﺍﻧﺘﻲ ﺑﺲ ﺧﻠﻲ ﺍﻟﻤﻮﺿﻮﻉ ﺩﻩ ﻋﻠﻲ .. ﺧﻠﻴﻬﻮ ﻳﺠﻲ ﺭﺍﺟﻊ .. ﻭﺍﻧﺎ ﺑﻈﺒﻂ ﻟﻴﻚ ﺍﻟﻤﻮﺿﻮﻉ ﺩﻩ ..

ﻗﺎﻟﺖ ﻟﻴﻬﺎ ﺍﻟﻠﻪ ﻳﺨﻠﻴﻚ ﻟﻲ ﻳﺎﻧﺒﻴﻬﻪ .. ﻭﻣﺎﻳﺤﺮﻣﻨﻲ ﻣﻨﻚ ﻳﺎﺣﺒﻴﺒﺔ ﻋﻤﺮﻱ .. ﻧﺒﻴﻬﺔ ﻗﺎﻟﺖ ﻟﻴﻬﺎ ﺑﺲ ﻳﺎ ﻧﺪﻯ .. ﺍﻧﺎ ﻃﺎﻟﺒﺔ ﻣﻨﻚ ﻃﻠﺐ .. ﻛﻞ ﺍﻟﺨﻄﻮﺍﺕ ﺍﻟﻌﺎﻳﺰﻳﻦ ﻧﻘﻮﻡ ﺑﻴﻬﺎ ﻋﺒﺪﺍﻟﻤﻨﻌﻢ ﻣﺎﻳﻜﻮﻥ ﻋﺎﺭﻓﻬﺎ .. ﺣﺘﻰ ﻣﺎﻳﻌﺮﻑ ﻋﻼﻗﺘﻚ ﺭﺟﻌﺖ ﻣﻊ ﺍﻻﻣﻴﻦ ..

ﻗﺎﻟﺖ ﻟﻴﻬﺎ ﻟﻴﻪ ﺍﻧﺘﻲ ﺑﺘﻘﻮﻟﻲ ﻛﺪﻱ ﻳﺎ ﻧﺒﻴﻬﺔ؟؟ ﻣﻮﺵ ﻋﺒﺪ ﺍﻟﻤﻨﻌﻢ ﻫﻮ ﺣﺒﻴﺒﻚ؟

ﻗﺎﻟﺖ ﻟﻴﻬﺎ ﻋﺒﺪﺍﻟﻤﻨﻌﻢ ﺣﺎﻗﺪ ﻭﺍﻟﻠﻪ .. ﺍﻧﺘﻲ ﻣﺎﻋﺎﺭﻓﺎﻫﻮ ﺳﺎﻱ .. ﻭﺍﻟﻠﻪ ﻛﺎﻥ ﻣﻨﻰ ﻋﻴﻨﻮ .. ﺍﻧﻮ ﻳﻘﻄﻊ ﺍﻟﻌﻼﻗﺔ ﺍﻟﺒﻴﻨﻚ ﻭﺑﻴﻦ ﺍﻻﻣﻴﻦ .. ﻭﺳﻌﻰ ﻟﻠﻤﻮﺿﻮﻉ ﺩﻩ ﺑﻜﻞ ﻣﺎﻳﻤﻠﻚ .. ﻭﻟﻮ ﻣﺎ ﺍﻧﺘﻬﺖ ﺍﻟﻌﻼﻗﺔ ﺩﻱ .. ﻣﺎ ﻛﺎﻥ ﺍﺭﺗﺎﺡ ..

ﻗﺎﻟﺖ ﻟﻴﻬﺎ ﺑﺲ ﺗﻔﺘﻜﺮﻱ ﺍﻟﺴﺒﺐ ﺷﻨﻮ ﻳﺎﻧﺒﻴﻬﺔ .. ؟ ﺍﻧﺎ ﻋﺒﺪ ﻻﻣﻨﻌﻢ ﺑﺤﺘﺮﻣﻮ ﻭﺑﻘﺪﺭﻭ ﺷﺪﻳﺪ .. ﻟﻴﻪ ﺑﻌﻤﻞ ﻓﻴﻨﻲ ﻛﺪﺍ ﻳﻌﻨﻲ ..

ﻗﺎﻟﺖ ﻟﻴﻬﺎ ﻻﻻ ﻣﺎﻗﺎﺻﺪﻙ ﺍﻧﺘﻲ .. ﻫﻮ ﻗﺎﺻﺪ ﺍﻻﻣﻴﻦ .. ﻻﻧﻮ ﻋﺎﺭﻑ ﺍﻻﻣﻴﻦ ﻣﻴﺖ ﺑﻲ ﺣﺒﻚ .. ﺑﺲ ﻛﺎﻥ ﻋﺎﻳﺰ ﻳﻌﻮﻗﻮ ﻭﻳﺤﺮﻣﻮ ﻣﻨﻚ .. ﻭﻓﻌﻼ ﻗﺪﺭ ﻋﻠﻰ ﺍﻟﻤﻮﺿﻮﻉ ﺩﻩ .. ﻭﻋﻼﻗﺘﻜﻢ ﺍﻧﻘﻄﻌﺖ .. ﺑﺲ ﻫﺴﻲ ﻣﺎﻓﻲ ﺩﺍﻋﻲ ﻟﻠﻜﻼﻡ ﺍﻟﺒﺘﻘﻮﻟﻲ ﻓﻴﻬﻮ ﺩﻩ .. ﻭﺻﻴﺘﻲ ﻟﻴﻚ ﺩﻱ ﻣﺎﺗﻨﺴﻴﻬﺎ .. ﻋﺒﺪ ﺍﻟﻤﻨﻌﻢ ﻣﺎﺍﺍﻳﻌﺮﻑ . ﺍﻧﺘﻲ ﺑﺘﻬﻤﻴﻨﻲ ﺍﻛﺘﺮ ﻣﻦ ﻋﺒﺪﺍﻟﻤﻨﻌﻢ ﻭﻗﺒﻴﻠﺘﻮ ..

ﻓﺎﻫﻤﺔ ﻭﻻﻻ .. ﻗﺎﻟﺖ ﻟﻴﻬﺎ ﻓﺎﻫﻤﺔ ﻳﺎﻧﺒﻴﻬﺔ .. ﻭﺑﻘﻦ ﻣﻨﺘﻈﺮﺍﺕ ﺍﻻﻣﻴﻦ ﻟﻤﻦ ﻳﺠﻲ ﻣﻦ ﺍﻟﺨﺮﻃﻮﻡ ..

ﺍﻻﻳﺎﻡ ﻣﺮﺕ .. ﻭﻧﺎﺱ ﺍﻻﻣﻴﻦ ﺑﻜﺮﺍ ﺍﻟﻤﻔﺮﻭﺽ ﻳﻘﻮﻣﻮ ﻋﻄﺒﺮﺓ ﺧﻼﺹ ..

ﻟﻜﻦ ﺍﻟﺼﺎﻓﻲ ﺑﻢ ﺍﻧﻮ ﻋﺮﻑ ﻏﺎﻟﺒﻴﺔ ﺍﻭﻻﺩ ﺍﻟﺠﻴﺮﺍﻥ .. ﺍﻟﻜﺎﻧﻮ ﻣﺒﺴﻮﻃﻴﻦ ﻣﻨﻮ ..

ﻗﺎﻝ ﻻﺑﻮﻫﻮ ﻳﺎ ﺍﺑﻮﻱ ﺍﻧﺎ ﻋﻨﺪﻱ ﺻﺎﺣﺒﻲ ﺍﺳﻤﻮ ﻣﺼﻌﺐ .. ﻓﻲ ﺍﻟﺸﺎﺭﻉ ﺍﻟﺘﺎﻧﻲ ﺩﻩ ﺑﻲ ﺟﺎﻱ .. ﻗﺎﻝ ﻋﺎﺯﻣﻨﻲ ﻓﻄﻮﺭ ﺑﻜﺮﻩ ﺍﻣﺸﻲ ﻟﻴﻬﻮ؟

ﺍﺑﻮﻫﻮ ﻣﺎ ﺍﻫﺘﻢ ﺑﺎﻟﻤﻮﺿﻮﻉ .. ﻛﺎﻥ ﻣﺸﻐﻮﻝ ﺑﺼﻠﺢ ﻟﻴﻬﻮ ﻓﻲ ﺍﻟﺮﺑﺎﻁ ﺑﺘﺎﻉ ﺟﺰﻣﺘﻮ .. ﺍﻳﻤﺎﻥ ﺍﻧﺘﺒﻬﺖ ﻟﻜﻼﻡ ﺍﻟﺼﺎﻓﻲ .. ﺭﺩﺕ ﻋﻠﻴﻬﻮ ﻗﺎﻟﺖ ﻟﻴﻬﻮ ﺗﻤﺸﻲ ﻟﻴﻬﻮ ﻃﻮﺍﻟﻲ ﻳﺎ ﺍﻟﺼﺎﻓﻲ .. ﺍﻟﺰﻭﻝ ﺍﻟﺒﻌﺰﻣﻚ ﺗﻤﺸﻲ ﻟﻴﻬﻮ .. ﻋﺸﺎﻥ ﺍﻧﺖ ﻟﻮ ﻋﺰﻣﺘﻮ ﻳﺠﻴﻚ .. ﻭﺍﻧﺖ ﻣﺴﺎﻓﺮ ﻣﻨﻬﻢ ﺍﻟﻨﺎﺱ ﺩﻳﻞ .. ﺧﻠﻴﻬﻢ ﻳﺘﺬﻛﺮﻭﻙ ﺑﻲ ﺫﻛﺮﺓ ﻃﻴﺒﺔ .. ﻟﻤﻦ ﺗﻤﺸﻲ ﻣﻨﻬﻢ .. ﺑﺘﺮﺿﻰ ﻟﻤﻦ ﺗﻤﺸﻲ ﻳﻘﻮﻟﻮ ﺍﻟﺼﺎﻓﻲ ﺍﻟﻤﻔﺘﺮﻱ ﻋﺰﻣﻨﺎﻫﻮ ﺍﺑﺎ ﻳﺠﻴﻨﺎ؟ ﺑﺘﺮﺿﻰ؟ ..

ﻗﺎﻝ ﻟﻴﻬﺎ ﻻﻻ ﻣﺎﺑﺮﺿﻰ .. ﻗﺎﻟﺖ ﻟﻴﻬﻮ ﺧﻼﺹ ﺗﻤﺸﻲ ﺗﻜﻠﻢ ﻣﺼﻌﺐ .. ﺗﻘﻮﻝ ﻟﻴﻬﻮ ﺍﻧﺎ ﺑﺎﻛﺮ ﺑﺠﻴﻚ ﻛﻠﻤﺖ ﺍﻣﻲ ﻭﺍﺑﻮﻱ ..

ﺍﻻﻣﻴﻦ ﻓﺠﺄﺓ ﻛﺪﺍ ﺍﻧﺘﺒﻪ .. ﻗﺎﻝ ﻟﻴﻬﺎ ﺍﺳﻤﻌﻲ ﺩﻗﻴﻘﺔ ﺩﻗﻴﻘﺔ .. ﻧﺤﻦ ﻣﻮﺵ ﻣﺘﻔﻘﻴﻦ ﻧﺴﺎﻓﺮ ﺑﻜﺮﺓ ؟

ﻗﺎﻟﺖ ﻟﻴﻬﻮ ﻻﻻ ﻣﺎ ﻣﺸﻜﻠﺔ .. ﻧﺘﺄﺧﺮ ﻳﻮﻡ ﻭﺍﺣﺪ .. ﻋﺸﺎﻥ ﺍﻟﺼﺎﻓﻲ ﻣﺎ ﻳﻘﺼﺮ ﻓﻲ ﺍﺻﺤﺎﺑﻮ .. ﻗﺎﻝ ﻟﻴﻬﺎ ﻳﺎ ﺍﻳﻤﺎﻥ ﻋﻠﻴﻚ ﺍﻟﻠﻪ ﻣﺎ ﺗﻌﻠﻤﻲ ﻟﻲ ﺍﻟﻮﻟﺪ ﻋﻠﻰ ﺍﻟﺪﻟﻊ ﻭﺗﻨﻔﻴﺬ ﺍﻟﻄﻠﺒﺎﺕ ..

ﻗﺎﻟﺖ ﻟﻴﻬﻮ ﺍﻧﺖ ﻣﺎﺗﻨﻈﺮ ﻟﻴﻬﺎ ﻣﻦ ﺍﻟﻨﺎﺣﻴﺔ ﺩﻱ .. ﺍﻧﻈﺮ ﻟﻴﻬﺎ ﻥ ﻧﺎﺣﻴﺔ ﺍﻧﻮ ﺍﻟﺼﺎﻓﻲ ﻳﻌﺮﻑ .. ﺍﻧﻮ ﺗﻘﺪﻳﺮ ﺍﻟﻨﺎﺱ ﻣﻬﻢ .. ﻭﻣﻤﻜﻦ ﺍﻟﺰﻭﻝ ﻳﺄﺟﻞ ﻋﺸﺎﻧﻮ ﺍﻟﺴﻔﺮ ..

ﺍﻧﺖ ﻓﺎﻫﻤﻨﻲ ﻳﺎ ﺍﻻﻣﻴﻦ ﺻﺎﺡ .. ﺍﻟﺼﺎﻓﻲ ﻗﺎﻝ ﻟﻴﻬﺎ ﺍﻳﻮﺓ ﺻﺎﺍﺡ ﺍﻧﺎ ﻓﺎﻫﻤﻚ .. ﻣﻮﺵ ﻳﺎ ﺍﻣﻲ ﻗﻠﺘﻲ ﻟﻲ .. ﻭﺍﻟﺰﻭﻝ ﺍﻟﺒﺤﺘﺮﻡ ﺍﻟﻨﺎﺱ ﺍﻟﻨﺎﺱ ﺑﺤﺘﺮﻣﻮﻩ ﻭﺍﻟﺰﻭﻝ ﺍﻟﺤﻘﺎﺭ ﺍﻟﻨﺎﺱ ﺑﺤﺘﻘﺮﻭﻩ ..

ﻭﺍﻧﺎ ﻟﻮ ﻣﺸﻴﺖ ﻟﻤﺼﻌﺐ ﺑﻜﻮﻥ ﺑﺤﺘﺮﻣﻪ ..

ﺍﻻﻣﻴﻦ ﻗﺎﻝ ﻟﻴﻬﻮ ﺧﻼﺹ ﺧﻼﺹ .. ﺍﻣﺸﻲ ﻟﻴﻬﻮ ﻣﺎﺗﺠﻴﺒﻮ ﻟﻲ ﻋﺸﺮﺍﻗﻪ ﺍﻧﺖ ﻭﺍﻣﻚ ..

ﻭﺯﻱ ﻣﺎ ﻣﻼﺣﻈﻴﻦ .. ﻣﺎﺯﺍﻟﺖ ﺍﻳﻤﺎﻥ ﺗﺰﺭﻉ ﻓﻲ ﺍﻟﻘﻴﻢ ﻓﻲ ﺭﻭﺡ ﺍﻟﺼﺎﻓﻲ .. ﻭﻟﻮ ﻋﻠﻰ ﺣﺴﺎﺏ ﻭﻗﺘﻬﺎ ﻭﺳﻔﺮﻫﺎ ﻭﻣﺼﻠﺤﺘﻬﺎ .. ﺍﻛﺘﺮ ﺣﺎﺟﺔ ﺗﺨﻠﻲ ﺍﻟﻮﻟﺪ ﻳﺸﻌﺮ ﺑﺎﻟﻤﺴﺆﻟﻴﺔ .. ﻫﻲ ﺍﻧﻚ ﺗﻌﺎﻣﻠﻮ ﻣﻌﺎﻣﻠﺔ ﺯﻭﻝ ﻛﺒﻴﺮ .. ﻭﺗﺤﺴﺴﻮ ﺑﺎﻻﺣﺘﺮﺍﻡ ﻭﺍﻟﺘﻘﺪﻳﺮ .. ﻭﺍﻟﺤﻜﺎﻳﺔ ﺩﻱ ﺩﺍﻳﺮﺓ ﺻﺒﺮ ﻭﺿﻐﻂ ﺷﺪﻳﺪ ﻟﻠﻨﻔﺲ ..

ﺍﻟﻤﻬﻢ ﺍﻟﺼﺎﻓﻲ ﺑﻜﺮﺓ ﻟﺒﺲ ﻭﺍﺗﻈﺒﻂ ﺗﺐ .. ﻭﻣﺎﺷﻰ ﻻﺻﺤﺎﺑﻮ ﻋﺸﺎﻥ ﻳﻔﻄﺮ ﻣﻌﺎﻫﻢ .. ﺍﻣﻮ ﻗﺎﻟﺖ ﻟﻴﻬﻮ ﺍﻣﺸﻲ ﻣﻌﺎﻙ ﺍﻭﺻﻠﻚ ﻟﻴﻬﻢ؟؟ ..

ﻗﺎﻝ ﻟﻴﻬﺎ ﻻﻻ .. ﺍﻟﺒﻴﺖ ﻗﺮﻳﺐ .. ﻭﻫﻮ ﻣﺼﻌﺐ ﺫﺍﺗﻮ ﺑﺠﻴﻨﻲ ﺑﺮﺓ .. ﻫﻨﺎ ﺟﻤﺐ ﺍﻟﺒﺎﺏ .. ﻭﺍﻧﺎ ﺑﻤﺸﻲ ﻣﻌﺎﻫﻮ .. ﻣﺼﻌﺐ ﻋﻤﺮﻭ ﺗﻘﺮﻳﺒﺎ 11 ﺳﻨﺔ ﻭﺍﺧﻮﻫﻮ ﺍﺻﻐﺮ ﻣﻨﻮ ﻓﻲ ﺣﺪﻭﺩ 8 ﺳﻨﺔ ﺳﻤﻪ ﺣﺬﻳﻔﺔ ﺗﻘﺮﻳﺒﺎ .. ﺍﻟﻤﻬﻢ ﺟﻮﻫﻮ ﺍﻻﺗﻨﻴﻦ .. ﻭﺩﻗﻮ ﺍﻟﺒﺎﺏ ﻭﻗﺎﻟﻮ ﻧﺤﻦ ﺩﺍﻳﺮﻳﻦ ﺍﻟﺼﺎﻓﻲ ﻋﺸﺎﻥ ﻳﻔﻄﺮ ﻣﻌﺎﻧﺎ

ﺍﻟﺼﺎﻓﻲ ﻣﺸﻰ ﻟﻴﻬﻢ ﻭﺍﺗﻌﺮﻑ ﻋﻠﻰ ﺍﻻﺳﺮﺓ ﻛﻠﻬﺎ .. ﻭﺍﺗﻮﻧﺲ ﻣﻊ ﺍﻣﻬﻢ ﻭﺍﺑﻮﻫﻢ .. ﻭﺍﺩﺍﻫﻢ ﺍﺧﺒﺎﺭ ﻋﻄﺒﺮﺓ .. ﻭﻛﺎﻥ ﻣﻨﺪﻫﺸﻴﻦ ﻣﻦ ﺍﻟﻮﻟﺪ ﻓﻲ ﺳﻦ ﺍﻗﻞ ﻣﻦ ﻋﺸﺮﺓ ﺳﻨﺔ .. ﻭﺑﺘﻜﻠﻢ ﺑﻲ ﻭﻋﻲ ﻭﻟﺒﺎﻗﺔ ﺍﻛﺘﺮ ﻣﻦ ﺍﻟﻨﺎﺱ ﺍﻟﻜﺒﺎﺭ ..

ﻭﻣﺸﻰ ﻣﻨﻬﻢ ﻭﺗﺮﻙ ﺍﻟﺼﺎﻓﻲ ﺑﺼﻤﺔ ﻻﺗﻤﺤﻰ ﻓﻲ ﺷﻤﺒﺎﺕ ﻭﺧﺼﻮﺻﺎ ﻓﻲ ﺍﺳﺮﺓ ﻣﺼﻌﺐ ﻭﺣﺬﻳﻔﺔ ..

ﻋﻠﻰ ﻛﻞ ﺑﺎﻛﺮ ﺍﻟﺼﺒﺎﺡ ﻭﺩﻋﻮ ﻧﺎﺱ ﺍﻟﺒﻴﺖ .. ﻭﺍﺗﺤﺮﻛﻮ ﻋﻠﻰ ﺍﻟﺒﻠﺪ ﻭﺑﻌﺪ ﺩﺍﻙ ﺑﻤﺸﻮ ﻋﻄﺒﺮﺓ ..

ﺍﻭﻝ ﻣﻦ ﻭﺻﻠﻮ ﺍﻟﺒﻠﺪ .. ﻛﺎﻧﺖ ﺍﻟﻔﺮﺣﺔ ﻇﺎﻫﺮﺓ ﻓﻮﻕ ﺍﺑﻮ ﺍﻳﻤﺎﻥ .. ﻭﻋﻤﻞ ﻟﻴﻬﺎ ﻛﺮﺍﻣﺔ ﺗﺎﻧﻲ .. ﻭﻃﺒﻌﺎ ﺯﻱ ﻣﺎﻋﺎﺭﻓﻴﻦ ﻧﺎﺱ ﺍﻟﺒﻠﺪ ﻣﺎﻓﻲ ﺣﺎﺟﺔ ﺑﺘﻨﺪﺱ ﻋﻠﻴﻬﻢ .. ﻧﺎﺱ ﺍﻟﺒﻠﺪ ﻛﻠﻬﻢ ﻋﺎﺭﻓﻴﻦ ﺍﻧﻮ ﺍﻳﻤﺎﻥ ﺟﺎﻫﺎ ﺳﺮﻃﺎﻥ ﻓﻲ ﺍﻟﺮﺍﺱ .. ﻭﺳﺎﻓﺮﺕ ﺍﻟﺨﺮﻃﻮﻡ ﻟﻠﻌﻼﺝ .. ﻭﻟﻤﻦ ﻋﺮﻓﻮ ﺍﻧﻮ ﺍﻟﻔﺤﺺ ﻃﻠﻊ ﻧﻀﻴﻒ

ﺟﻮ ﻛﻠﻬﻢ ﻳﺤﻤﺪﻭ ﻟﻴﻬﺎ ﺍﻟﺴﻼﻣﺔ .. ﻭﺍﻟﺤﺎﺝ ﺍﺑﻮ ﺍﻳﻤﺎﻥ ﺩﻋﺎﻫﻢ ﻃﻮﺍﻟﻲ ﻟﻲ ﻛﺮﺍﻣﺔ ..

ﻧﺎﺱ ﺍﻟﺒﻠﺪ ﺩﻳﻞ ﻃﺒﺎﻳﻌﻬﻢ ﻏﺮﻳﺒﺔ ﻭﻋﺠﻴﺒﺔ .. ﻋﻨﺪﻫﻢ ﺗﻜﺎﻓﻞ ﻏﺮﻳﺐ ..

ﺍﻭﻝ ﻣﻦ ﻋﺮﻓﻮ ﺍﻧﻮ ﺍﻳﻤﺎﻥ ﻃﻠﻌﺖ ﺳﻠﻴﻤﺔ .. ﺗﻌﺎﻝ ﺷﻮﻑ ﺍﻟﺤﺼﻞ .. ﺣﺎﺝ ﺍﻟﺘﻮﻡ ﺟﺎﺏ ﺧﺮﻭﻑ .. ﻭﻋﻤﺮ ﻭﺩ ﺍﻟﺴﻴﺪ ﺟﺎﺏ ﺧﺮﻭﻑ .. ﻭﺑﺎﺑﻜﺮ ﺍﻟﻨﻮﺭ ﺟﺎﺏ ﺷﻮﺍﻝ ﺳﻜﺮ .. ﻭﺍﻟﻄﻴﺐ ﻋﺒﺪﻭ ﺟﺎﺏ ﺷﻮﺍﻝ ﺑﺼﻞ .. ﻭﺟﺮﻛﺎﻧﺔ ﺯﻳﺖ

ﻭﻛﻴﺲ ﻟﺒﻦ ﻛﺒﻴﺮ ﻭﻛﺒﺎﺑﻲ ﺷﺎﻱ .. ﻭﻓﻼﻥ ﺟﺎﺏ ﺷﻨﻮ .. ﻭﻓﺎﻥ ﺟﺎﺏ ﺷﻨﻮ

ﻳﻌﻨﻲ ﺍﻱ ﺯﻭﻝ ﺟﺎﺏ ﺣﺎﺟﺔ .. ﻟﺪﺭﺟﺔ ﺗﺤﻴﺮﻙ ﺫﺍﺗﻮ .. ﺍﻟﺤﺎﺟﺎﺕ ﺩﻱ ﺍﺗﺮﺩﻣﺖ ﺗﻔﺘﺢ ﻟﻴﻬﺎ ﺩﻛﺎﻥ ﺍﺟﻤﺎﻟﻲ ..

ﻭﺍﻟﺤﺎﺝ ﺍﺑﻮ ﺍﻳﻤﺎﻥ ﻣﺎﺧﺴﺮ ﺍﻱ ﺣﺎﺟﺔ ﻓﻲ ﻛﺮﺍﻣﺔ ﺍﻳﻤﺎﻥ .. ﺑﺎﻟﻌﻜﺲ ﺍﻟﻜﺮﺍﻣﺔ ﺍﻧﺘﻬﺖ ﻭﺍﻟﺤﺎﺟﺎﺕ ﻧﺼﻬﺎ ﺭﺍﻗﺪ .. ﻭﻛﻢ ﺧﺮﻭﻑ ﻣﺮﺑﻮﻃﺎﺕ ﻟﺴﻊ ﻓﻲ ﺍﻟﺰﺭﻳﺒﺔ ﺑﺘﺎﻋﺔ ﺍﻟﺒﻬﺎﻳﻢ ..

ﻭﺩﻳﻞ ﺍﻫﻠﻲ .. ‏( ﻋﻨﺪﻛﻢ ﻓﻲ ﺍﻟﻤﺪﻳﻨﺔ ﻓﻲ ﺣﺎﺟﺔ ﺯﻱ ﺩﻱ؟ ‏) ﻣﺎ ﺍﻇﻦ .. ﻭﻗﺎﻝ ﻃﺎﺭﻕ ﺍﻟﻠﺒﻴﺐ ..

ﺍﻟﺠﻮﺩ ﻭﺍﻟﺘﻜﺎﻓﻞ ﻭﻧﺠﺪﺓ ﺍﻟﻤﺤﺘﺎﺝ ..

ﺑﺘﻠﻘﺎﻫﻦ ﻫﻨﺎﻙ ﻋﻨﺪﻧﺎﺱ ﺑﺸﺪﻭ ﺍﻟﺼﺎﺝ .

ﺻﺒﺎﺭﻳﻦ ﻋﻠﻰ ﺍﻟﻠﻬﺐ ﺍﻟﺒﻘﻮﻡ ﻫﻮﺍﺝ .

ﻧﻔﻮﺳﻮ ﻃﻴﺒﺔ ﺯﻱ ﻣﺴﻚ ﺍﻟﻤﺪﺍﻳﻦ ﻗﺎﺝ .

ﺍﻟﻜﺮﻡ ﻓﻲ ﺍﻟﺮﻳﻒ ﺍﻟﺴﻮﺩﺍﻧﻲ ﺷﻲ ﻳﺤﻴﺮ ﺍﻟﻌﻘﻮﻝ .. ﻓﻲ ﺍﻟﺸﺮﻕ ﺍﻭ ﺍﻟﻐﺮﺏ ﺍﻭ ﺍﻟﺸﻤﺎﻝ ﺍﻭﺟﻨﻮﺏ ﻛﻠﻤﺎ ﺑﻌﺪﺕ ﻣﻦ ﺍﻟﻤﺪﻥ .. ﺗﺰﺩﺍﺩ ﺣﻴﺮﺗﻚ ﻣﻦ ﺍﻟﺼﻔﺎﺕ ﺍﻟﻌﺠﻴﺒﺔ .. ﻭﺍﻟﺴﻤﺎﺕ ﺍﻟﻨﺎﺩﺭﺓ .. ﻓﺎﻟﻤﺪﻥ ﺩﺍﻳﻤﺎ ﻣﺴﻜﻮﻧﺔ ﺑﺎﻟﺘﻨﺎﻗﻀﺎﺕ .. ﻭﻋﺪﻡ ﺍﻻﻣﻦ ﻭﺍﻟﺠﻔﺎﺀ ﻭﺗﺴﻜﻨﻬﺎ ﺍﻟﺨﻴﺎﻧﺔ ﻭﺍﻻﻧﺎﻧﻴﺔ ..

ﺍﻻ ﻣﻦ ﺭﺣﻢ ﺭﺑﻲ ..

ﺑﻌﺪ ﺍﻟﻜﺮﺍﻣﺔ ﺍﻻﺗﻌﻤﻠﺖ ﻓﻲ ﺍﻟﺒﻠﺪ .. ﺳﺎﻓﺮ ﺍﻻﻣﻴﻦ ﻭﺍﻭﻻﺩﻭ ﻳﻮﻡ ﺍﻻﺭﺑﻌﺎ

ﻓﻲ ﻧﺺ ﺍﻟﺸﻬﺮ .. ﺍﻟﻰ ﻋﻄﺒﺮﺓ ﻭﺍﻳﻀﺎ ﺍﻟﻰ ﻣﺼﻴﺮ ﻣﺠﻬﻮﻝ ..

ﺍﻟﻘﺮﻭﺵ ﺍﻟﻤﻌﺎﻫﻮ ﻣﺎﺑﺘﻌﻤﻞ ﺣﺎﺟﺔ .. ﻭﻟﻤﻦ ﻭﺻﻠﻮ ﺍﻟﺸﻤﺎﻟﻲ ﻓﻲ ﻋﻄﺒﺮﺓ .. ﻛﻞ ﺍﻟﺠﻴﺮﺍﻥ ﺳﻤﻌﻮ ﺑﻴﻬﻢ .. ﻭﺑﺮﺿﻮ ﺟﻮ ﻭﺍﺟﺘﻤﻌﻮ .. ﻭﻛﺎﻧﺖ ﻓﺮﺣﺔ ﻻﻧﻬﻢ ﻛﺎﻧﻮ ﻋﺎﺭﻓﻴﻦ ﺍﻟﺤﺎﺻﻞ ﺑﺮﺿﻮ ..

ﻭﺍﻻﻣﻴﻦ ﻭﺍﺳﺮﺗﻮ ﻣﻨﺘﻈﺮﺍﻫﻢ ﺗﺤﺪﻳﺎﺕ ﻛﺒﻴﺮﺓ .. ﻫﻢ ﻣﺎﻋﺎﺭﻓﻴﻨﻬﺎ .. ﻭﻫﻲ ﺍﻟﺸﻐﻞ ﻭﻣﺼﺪﺭ ﺍﻟﺮﺯﻕ .. ﻭﺍﻟﻨﻴﺔ ﺍﻟﻤﺒﻴﺘﻪ ﻣﻦ ﺍﻟﺒﻨﺖ ﺍﻻﺳﻤﻬﺎ ﻧﺪﻯ ..

ﻭﺣﺎﺟﺎﺕ ﻛﺪﺍ ﺗﺠﻴﺐ ﺍﻟﻬﻢ .. ﻭﺍﻻﻣﻴﻦ ﻃﺒﻌﺎ ﻫﻤﻮ ﺍﻻﻭﻝ ﻭﺍﻻﺧﻴﺮ ﻳﻮﻓﺮ ﻣﺼﺪﺭ ﺭﺯﻕ ﻟﻲ ﺍﻭﻻﺩﻭ ..

ﺍﻫﺎ ﺍﻭﻝ ﺷﻲ ﻓﻜﺮ ﻓﻴﻬﻮ .. ﺑﻌﺪ ﺍﻭﻻﺩﻭ ﻭﺻﻠﻮ ﺑﺎﻟﺴﻼﻣﺔ .. ﻋﻄﻴﺔ

ﺍﻟﻀﻬﺮ ﻛﺪﺍ ﻣﺸﻰ ﻋﻠﻰ ﺍﻟﺴﻮﻕ .. ﻭﺳﺄﻝ ﻣﻦ ﻋﻄﻴﺔ ﻗﺎﻟﻮ ﻟﻴﻬﻮ ﻋﻄﻴﺔ ﺳﺎﻓﺮ ﺍﻟﺨﻤﻴﺲ ﺍﻟﺨﺮﻃﻮﻡ ... ﻭﺗﺎﻧﻲ ﻣﺎﺟﺎﻱ ﻻﻧﻮ ﻣﻮﺍﻋﻴﺪ ﺳﻔﺮﻭ ﻟﻠﺴﻌﻮﺩﻳﺔ ﺟﺎﺕ ﺧﻼﺹ .. ﻭﺍﻻﻣﻴﻦ ﺣﺴﻪ ﺑﻲ ﻋﻄﺒﺮﺓ ﻏﺮﻳﺒﺔ .. ﺍﻟﺰﻭﻝ ﺍﻟﻮﺣﻴﺪ ﺍﻟﺒﻄﻤﺌﻦ ﻟﻴﻬﻮ .. ﻭﺿﺮﺍﻋﻮ ﺍﻟﻴﻤﻴﻦ .. ﺳﺎﻓﺮ ﺧﻼﺹ ﻭﺩﻉ ﺍﻟﺒﻠﺪ .. ﻳﺎﺣﻠﻴﻠﻮ ..

ﺍﺣﺴﺎﺱ ﻏﺮﻳﺐ .. ﻋﻨﺪﻣﺎ ﻳﺴﺎﻓﺮ ﺻﺪﻳﻘﻚ ﺍﻟﻮﺣﻴﺪ .. ﻣﻦ ﺑﻠﺪ ﺍﻧﺖ ﻓﻴﻬﺎ ﻏﺮﻳﺐ .. ﻭﺑﻘﻰ ﻣﺎﻓﻲ ﻗﺪﺍﻣﻮ ﻏﻴﺮ ﻳﻤﺸﻲ ﻳٍﺴﺄﻝ ﻣﻦ ﻋﺒﺪﺍﻟﻤﻨﻌﻢ ﻓﻲ ﺑﻴﺖ ﺍﻟﻌﺬﺍﺑﺔ .. ﻭﻳﺴﻠﻢ ﻋﻠﻴﻬﻮ ﻳﺸﻮﻑ ﺍﺧﺒﺎﺭﻭ ﺷﻨﻮ؟

ﻭﺍﻻﻣﻴﻦ ﺑﻘﻰ ﻳﻌﺎﻳﻦ ﻟﻲ ﺩﻛﺎﻧﻮ ﻣﻘﻔﻮﻝ .. ﻭﻋﻄﻴﺔ ﻣﺎﻓﻴﺶ .. ﻭﺍﻟﺒﻠﺪ ﺑﻘﺖ ﻟﻴﻬﻮ ﻣﺴﻴﺨﺔ ﻭﻏﺮﻳﺒﺔ .. ﻭﺧﻨﻘﺘﻮ ﻋﺒﺮﺓ ..

ﻭﻗﺎﻝ ..

ﻣﺎﻟﻚ ﻳﺎ ﺑﻼﺩ ﺍﻻﻛﺮﻣﻴﻦ ﺣﺰﻧﺎﻧﻪ ؟؟ ..

ﺑﺎﻟﻬﻢ ﻭﺍﻟﻜﺮﻭﺏ ﻣﺘﺪﺭﺑﻜﻪ ﻭﻣﻠﻴﺎﻧﺔ ..

ﻭﻳﻨﻮ ﺍﻟﻜﺎﻥ ﻣﻌﺎﻱ ﺳﺎﻧﺪ ﻳﻤﻴﻨﻲ ﺍﻋﺎﻧﻪ ؟ ..

ﻭﻳﻨﻮ ﻋﻄﻴﺔ ﻭﻳﻦ ﻳﺎ ﻋﻄﺒﺮﺓ ﺍﻟﺤﺮﺩﺍﻧﻪ ...

ﻭﻗﺎﻡ ﻣﺎﺷﻲ ﻋﻠﻰ ﺑﻴﺖ ﺍﻟﻌﺬﺍﺑﺔ ﻭﺟﻮﺍﻫﻮ ﺍﻟﻒ ﺻﻮﺕ ﻳﻤﻨﻌﻮ ﻣﻦ ﺍﻟﻤﺸﻲ

ﻭﻫﻮ ﻣﺎﺷﻲ ﻭﺭﺑﻨﺎ ﻳﺠﻴﺐ ﺍﻟﻌﻮﺍﻗﺐ ﺳﻠﻴﻤﺔ ..

ﺍﻟﻰ ﺍﻟﻠﻘﺎﺀ .

ﺭﻭﺍﻳﺔ ﺍﻟﺼﺎﻓﻲ ..

ﺍﻟﺤﻠﻘﺔ 15 ..

ﺑﻘﻠﻢ ﻃﺎﺭﻕ ﺍﻟﻠﺒﻴﺐ ..

ﺣﻠﻘﺔ ﻟﻤﻴﻨﻴﻪ .. ﺧﺎﻟﻴﺔ ﻣﻦ ﺍﻟﺼﺎﻓﻲ ^+^

ﺍﻻﻣﻴﻦ ﻭﻛﺖ ﻣﺸﻰ ﺑﻴﺖ ﺍﻟﻌﺬﺍﺑﺔ .. ﻟﻘﻰ ﻋﺒﺪﺍﻟﻤﻨﻌﻢ ﻗﺎﻋﺪ ﺑﺮﺍﻫﻮ ..

ﻗﺎﻋﺪ ﻟﻴﻬﻮ ﻓﻮﻕ ﻋﻨﻘﺮﻳﺐ ﺣﺒﺎﻝ ﺻﻐﻴﺮ ﻛﺪﺍ .. ﻭﻣﻬﺘﻮﻙ ﺯﻱ ﺍﻟﺤﻔﺮﺓ .. ﻭﺑﺨﻴﻂ ﻟﻴﻬﻮ ﻓﻲ ﺷﻨﻄﺔ ﻫﺎﻧﺪﺑﺎﻕ ﻗﺪﻳﻤﺔ .. ﺧﺖ ﺍﻟﺸﻨﻄﺔ ﻭﺍﻻﺑﺮﻩ ﻭﻗﺎﻡ ﻣﻦ ﺍﻟﻌﻨﻘﺮﻳﺐ ﺍﻟﻤﻬﺘﻮﻙ ﺑﺎﻟﺠﻼﻟﺔ .. ﻋﺸﺎﻥ ﻳﺴﻠﻢ ﻋﻠﻰ ﺍﻻﻣﻴﻦ .. ﻭﺳﻠﻢ ﻋﻠﻴﻬﻮ ﺳﻼﻣﺎ ﻣﺴﻴﺦ ﻛﺪﻱ .. ﻭﻗﻌﺪ ﺭﺍﺟﻊ .. ﺷﺎﻝ ﺍﻟﺸﻨﻄﺔ ﻭﺍﻻﺑﺮﺓ ﻭﺍﺳﺘﻤﺮ ﻓﻲ ﺍﻟﺨﻴﺎﻃﺔ .

ﺍﻻﻣﻴﻦ ﻋﺮﻑ ﺍﻧﻮ ﺍﻟﺰﻭﻝ ﻣﺎﺷﺎﻳﻞ ﻣﺎﺩﺗﻮ .. ﻭﻣﺎﻋﻨﺪﻭ ﻟﻴﻬﻮ ﺣﺎﺟﺔ ﻓﻲ ﺍﻟﻮﻗﺖ ﺍﻟﺮﺍﻫﻦ ..

ﺳﺄﻟﻪ ﻋﻦ ﺍﺧﺒﺎﺭ ﺍﻟﺠﻤﺎﻋﺔ .. ﻭﻋﺒﺪ ﺍﻟﻤﻨﻌﻢ ﺑﺮﺩ ﻋﻠﻴﻬﻮﺭﺩﻭﺩ ﻣﺴﻴﺨﺔ ﻭﻋﺒﻴﻄﺔ .. ﻭﻗﺮﺏ ﻳﻘﻮﻝ ﻟﻴﻬﻮ ﻳﺎﺧﻮﻱ ﺍﺧﺘﺎﻧﻲ .. ﻣﺎﻋﻨﺪﻱ ﻟﻴﻚ ﺣﺎﺟﺔ ..

ﺍﻻﻣﻴﻦ ﺍﺗﻀﺎﻳﻖ ﺑﺮﺍﻫﻮ .. ﻭﺣﺲ ﺑﺎﻻﺣﺮﺍﺝ .. ﻭﻗﺎﻝ ﻟﻴﻬﻮ ﺧﻼﺹ ﻳﺎﻋﺒﺪ ﺍﻟﻤﻨﻌﻢ .. ﺍﻧﺎ ﺍﺳﺘﺄﺫﻥ ﻧﺘﻼﻗﻰ ﺗﺎﻧﻲ ﺍﻥ ﺷﺎﺀ ﺍﻟﻠﻪ ..

ﻃﺒﻌﺎ ﺩﻱ ﺍﺳﻮﺀ ﻃﺒﻌﺔ ﺍﻧﻚ ﺗﻘﺎﺑﻞ ﺿﻴﻔﻚ ﺑﻲ ﺑﺮﻭﺩ .. ﻭﺗﺤﺴﺴﻮ ﺑﺎﻧﻮ ﻫﻮﺿﻴﻒ ﺛﻘﻴﻞ .. ﺩﻱ ﺍﺑﺪﺍ ﻣﺎ ﻣﻦ ﺷﻴﻢ ﺍﻟﺮﺟﺎﻝ .. ﺍﻟﻀﻴﻒ ﺣﺘﻰ ﻟﻮ ﻋﺪﻭﻙ ﺍﻟﻤﻔﺮﻭﺽ ﺗﻮﺭﻳﻬﻮ ﻏﻠﻄﻮ ﻭﺗﻨﺎﻗﺸﻮ .. ﺍﻭ ﺗﻘﺎﺑﻠﻮ ﺑﻲ ﺑﺴﻤﻪ ﻭﺍﻫﺘﻤﺎﻡ .. ﻟﻜﻦ ﺍﻟﺘﻬﻤﻴﺸﻪ ﺩﻱ ﺍﺳﻮﺀ ﺣﺎﺟﺔ .. ﻗﺎﻝ ﻃﺎﺭﻕ ﺍﻟﻠﺒﻴﺐ ﻣﺮﺓ ﻛﺪﻱ ...

ﻭﻛﺖ ﺍﻟﺰﻭﻝ ﻳﺠﻴﻚ ﻭﺗﻘﺎﺑﻠﻮ ﺑﻲ ﺗﻬﻤﻴﺸﻪ ..

ﻧﺎﺭ ﺍﻟﻐﻞ ﺑﺘﻌﻤﻞ ﻓﻲ ﺍﻟﻔﺆﺍﺩ ﺗﻜﻤﻴﺸﻪ ..

ﻋﻼﻗﺔ ﺍﻟﺨﻮﺓ ﻣﺎﺑﺘﻘﺒﻞ ﻋﻼﺝ ﺗﻌﻤﻴﺸﻪ .

ﺍﺧﻮﻙ ﺭﺣﺒﺒﻮ ﺑﺎﺳﻢ ﻭﻻ ﺯﻭﻝ ﺗﺨﻤﻴﺸﻪ .

ﻋﻠﻰ ﻛﻞ ﺣﺎﻝ .. ﺍﻻﻣﻴﻦ ﺍﺧﺪ ﺑﻌﻀﻮ ﻭﺍﺗﺨﺎﺭﺝ .. ﻣﺮﻕ ﻣﻦ ﺍﻟﺒﻴﺖ ﻭﻫﻮ ﻣﺴﺘﺎﺀ ﻭﻣﺤﺮﺝ .. ﻭﺍﺻﻼ ﻗﺒﻞ ﻣﺎﻳﺪﺧﻞ ﺷﺎﻳﻒ ﻋﻄﺒﺮﺓ ﺑﺎﻟﻨﺴﺒﺔ ﻟﻴﻬﻮ ﺯﻱ ﺧﺮﻡ ﺍﻻﺑﺮﺓ .. ﺑﻲ ﻋﺪﻡ ﻋﻄﻴﺔ .. ﻭﺭﺟﻊ ﺍﻟﺒﻴﺖ ﻭﻛﺎﻥ ﺍﻟﻴﻮﻡ ﺩﺍﻙ ﺳﺎﻛﺖ ﻭﻣﺪﺑﺮﺱ .. ﻭﺍﻳﻤﺎﻥ ﺑﺘﻌﺎﻳﻦ ﻟﻴﻬﻮ ﺳﺎﻱ ﺩﻩ ﻧﻔﺲ ﺍﻟﻴﻮﻡ ﺍﻟﺠﻮ ﻣﻦ ﺍﻟﺴﻔﺮ .. ﻭﺳﺎﻟﺘﻮ ﻗﺎﻟﺖ ﻟﻴﻬﻮ ﻣﻤﻜﻦ ﺗﺤﻜﻲ ﺍﻧﺖ ﻣﺎﻟﻚ ؟ ﻗﺎﻝ ﻟﻴﻬﺎ ﻭﺍﻟﻠﻪ ﺑﺲ ﻓﺎﺭﻕ ﻋﻠﻲ ﻋﻄﻴﺔ .. ﻟﻜﻦ ﺗﺎﻧﻲ ﻣﺎﻋﻨﺪﻱ ﻋﻮﺟﺔ ..

ﺍﻧﺘﻲ ﻋﻤﻠﺘﻲ ﺷﻨﻮ ؟؟ ﺧﻼﺹ ﺭﺗﺒﺘﻲ ﺑﻴﺘﻚ ؟ ﻗﺎﻟﺖ ﻟﻴﻬﻮ ﻭﺍﻟﻠﻪ ﺟﺎﺭﺍﺗﻲ ﺍﻟﻠﻪ ﻳﺒﺎﺭﻙ ﻓﻴﻬﻦ .. ﻣﺎ ﺧﻠﻨﻲ ﻫﺒﺸﺖ ﺣﺎﺟﺔ ﺑﻲ ﻳﺪﻱ .. ﻧﻈﻤﻦ ﺍﻟﺒﻴﺖ .. ﻭﻋﻤﻠﻦ ﺍﻱ ﺣﺎﺟﺔ .. ﻭﺍﻧﺎ ﻗﺎﻋﺪﺓ ﺯﻱ ﺍﻟﻌﺮﻭﺱ .. ﺣﺘﻰ ﻣﻼﺡ ﺍﻟﻐﺪﺍ ﻋﻤﻠﺘﻮ ﺑﺘﻮﻝ ﻓﻲ ﺑﻴﺘﻬﺎ ﻭﺟﺎﺑﺘﻮ ﻟﻲ .. ﻭﻫﺪﺍﻙ ﻏﺪﺍﻙ ﺟﺎﻫﺰ ﻣﺨﺘﻮﺕ ﻓﻲ ﺍﻟﺼﻴﻨﻴﺔ .. ﻛﺎﻥ ﻗﻠﺖ ﻫﺴﻲ ﺍﻗﻮﻡ ﺍﺟﻴﺒﻮ ﻟﻴﻚ .

ﻗﺎﻝ ﻟﻴﻬﺎ ﻭﺍﻟﻠﻪ ﺍﻟﻨﺎﺱ ﺩﻳﻞ ﻏﺎﻳﺘﻮ ﺭﺑﻨﺎ ﻳﻘﺪﺭﻧﺎ ﻋﻠﻰ ﺟﺰﺍﻫﻢ ..

ﻗﺎﻟﺖ ﻟﻴﻬﻮ ﻳﺎ ﺍﻻﻣﻴﻦ .. ﺍﺻﻼ ﺍﻟﺠﻴﺮﺍﻥ ﻫﻢ ﺭﺍﺱ ﻣﺎﻝ ﺍﻟﻐﺮﻳﺐ ﻓﻲ ﻏﺮﺑﺘﻮ .. ﻭﻛﺖ ﺗﺒﻘﻰ ﺑﻌﻴﺪ ﻣﻦ ﺍﻫﻠﻚ .. ﻣﺎﺑﻜﻮﻥ ﻋﻨﺪﻙ ﺍﻗﺮﺏ ﻣﻦ ﺟﺎﺭﻙ .. ﺍﺣﺴﻦ ﺗﻜﺴﺒﻮ ﻭﺗﺘﻌﺎﻣﻞ ﻣﻌﺎﻫﻮ ﺑﻲ ﻣﻌﺎﻣﻠﺔ ﺍﻻﻛﺮﺍﻡ .. ﻭﺗﺤﺘﺮﻣﻮ .. ﻓﻲ ﻳﻮﻡ ﻣﻦ ﺍﻻﻳﺎﻡ ﺑﺘﺠﻴﻚ ﻛﺮﺑﺔ .. ﻭﻣﺎﺑﺘﻠﻘﻰ ﺯﻭﻝ ﺍﻗﺮﺏ ﻟﻴﻚ ﻣﻨﻮ ..

ﺟﺎﺭﺍﺗﻲ ﺩﻳﻞ ﺍﻧﺎ ﻛﻨﺖ ﻣﻌﺎﻫﻦ ﻓﻲ ﺍﻟﺤﺎﺭﺓ ﻭﺍﻟﺒﺎﺭﺩﺓ .. ﻋﺸﺎﻥ ﻛﺪﻱ ﻫﺴﻲ ﻭﺍﻟﻠﻪ ﻣﺘﺴﺎﺑﻘﺎﺕ ﻋﻠﻰ ﺧﺪﻣﺘﻲ ..

ﺍﻟﻤﻬﻢ ﻳﺎﺯﻭﻝ .. ﻋﺪﻭ ﺍﻟﻠﻴﻠﺔ ﺩﻳﻚ .. ﻭﺑﺎﻛﺮ ﺍﻻﻣﻴﻦ ﻗﺎﻡ ﺍﻟﺼﺒﺎﺡ ﻳﺸﻮﻑ ﻟﻴﻬﻮ ﻃﺮﻳﻘﺔ ﺷﻐﻞ .. ﻻﻧﻮ ﺍﻟﻘﺮﻳﺸﺎﺕ ﺍﻟﻤﻌﺎﻫﻮ ﺩﻳﻞ ﻣﺎﺑﻌﻤﻠﻦ ﺣﺎﺟﺔ ﻳﻌﻨﻲ .. ﻭﻫﻮ ﺯﻭﻝ ﺍﺗﻌﻠﻢ ﻋﻠﻰ ﺍﻟﺪﻛﺎﻛﻴﻦ ﻭﺍﻟﺘﺮﻃﻴﺒﺔ .. ﺗﺎﻧﻲ ﺍﻟﻔﻠﺲ ﺑﻜﻮﻥ ﻋﻠﻴﻬﻮ ﺻﻌﺐ .. ﻃﻠﻊ ﻃﻮﺍﻟﻲ ﻣﺸﻰ ﻋﻠﻰ ﺩﻛﺎﻧﻮ ﺍﻟﻤﻘﻔﻮﻝ ﺩﺍﻙ .. ﺳﺄﻝ ﺍﻟﺠﻤﺎﻋﺔ ﺍﻟﺠﻴﺮﺍﻥ .. ﻗﺎﻝ ﻟﻴﻬﻢ ﺍﻟﺪﻛﺎﻥ ﺩﻩ ﻣﺎﻓﻲ ﺯﻭﻝ ﺟﺎ ﺍﺷﺘﻐﻞ ﻓﻴﻬﻮ؟؟ ..

ﻗﺎﻝ ﻟﻮ ﻟﻴﻬﻮ ﻭﺍﻟﻠﻪ ﺳﻤﻌﻨﺎ ﺍﻧﻮ ﺍﺷﺘﺮﺍﻫﻮ ﻭﺍﺣﺪ ﻣﻦ ﺍﻟﺪﺍﻣﺮ .. ﻟﻜﻦ ﻗﺒﻞ ﻣﺎﻳﻔﺘﺤﻮ ﺳﺎﻓﺮ ﺍﻟﺨﺮﻃﻮﻡ .. ﻋﻨﺪﻭ ﺍﺧﻮﻫﻮ ﺣﺎﺻﻞ ﻟﻴﻬﻮ ﺣﺎﺩﺙ ..

ﻭﻛﺪﺍ ﺍﻻﻣﻴﻦ ﻗﻨﻊ ﻣﻦ ﻗﺼﺔ ﺍﻟﺪﻛﺎﻥ ﺣﻘﻮ ﺩﻱ .. ﻣﺸﻰ ﻳﻠﻒ .. ﻭﻣﻦ ﺩﺭﺑﻮ ﺩﺍﻙ ﻣﺸﻰ ﻟﻠﺰﻭﻝ ﺍﻻﺷﺘﺮﻯ ﻣﻨﻮ ﺍﻟﺪﻛﺎﻥ .. ﺍﻟﺘﺎﺟﺮ ﺍﻟﻤﺸﻬﻮﺭ ﺍﻟﻤﻦ ﺑﺎﻧﺖ ﺍﻟﻤﺎﺟﺒﻨﺎ ﺍﺳﻤﻮ ﺩﺍﻙ .. ﻋﺸﺎﻥ ﻳﺴﺄﻟﻮ ﻣﻦ ﺍﻟﺰﻭﻝ ﺍﻻﺷﺘﺮﻯ ﺍﻟﺪﻛﺎﻥ ..

ﺍﻟﻤﻬﻢ ﺑﻌﺪ ﺳﻠﻢ ﻋﻠﻴﻬﻮ .. ﻗﺎﻝ ﻟﻴﻬﻮ ﻳﺎﺣﺎﺝ ﻓﻼﻥ .. ﺍﻧﺎ ﻃﺒﻌﺎ ﺍﻟﺤﻤﺪ ﻟﻠﻪ ﺯﻭﺟﺘﻲ ﺍﺗﻌﺎﻟﺠﺖ ﻭﺑﻘﺖ ﻓﻲ ﺍﻣﻦ ﻭﺍﻣﺎﻥ ﺍﻟﺤﻤﺪ ﻟﻠﻪ .. ﻭﺟﻴﺖ ﺍﺷﻜﺮﻙ ﻋﻠﻰ ﻭﻗﻔﺘﻚ ﻣﻌﺎﻱ .. ﻭﺍﻟﻠﻪ ﺍﺑﺪﺍ ﻣﺎﻗﺼﺮﺕ .. ﻭﺩﺍﻳﺮ ﺍﺳﺄﻟﻚ ﻣﻦ ﺍﻟﺰﻭﻝ ﺍﻟﺠﺮﺩﺕ ﻟﻴﻬﻮ ﺩﻛﺎﻧﻲ .. ﻫﻞ ﻣﻤﻜﻦ ﻳﻘﺒﻞ ﺷﺮﺍﻛﺔ ﺑﻴﻨﻲ ﻭﺑﻴﻨﻮ؟

ﺍﻟﺮﺍﺟﻞ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﻻﻣﻴﻦ .. ﺍﻟﺰﻭﻝ ﺍﻟﺠﺮﺩ ﺍﻟﺪﻛﺎﻥ .. ﺯﻭﻝ ﻗﺮﻳﺒﻨﺎ ﻣﻦ ﺑﻌﻴﺪ .. ﻭﺳﺎﻛﻦ ﺍﻟﺪﺍﻣﺮ ﺍﻟﺤﻠﺔ ﺍﻟﺠﺪﻳﺪﺓ .. ﻟﻜﻦ ﻣﻦ ﻣﺎ ﻣﺴﻚ ﻣﻔﺎﺗﻴﺢ ﺍﻟﺪﻛﺎﻥ .. ﺟﺎﻫﻮ ﺧﺒﺮ ﺍﺧﻮﻫﻮ ﻛﺎﺳﺮ ﻛﺮﺍﻋﻮ .. ﻓﻲ ﺣﺎﺩﺙ ﻓﻲ ﺍﻟﺨﺮﻃﻮﻡ .. ﻭﺳﺎﻓﺮ ﻟﻴﻬﻮ .. ﻗﺎﻟﻮ ﻣﻼﺯﻣﻮ ﻓﻲ ﺍﻟﻤﺴﺘﺸﻔﻰ ..

ﻓﻤﺎﻋﺎﺭﻑ ﺍﻟﺰﻭﻝ ﺩﻩ ﻳﺠﻲ ﻣﺘﻴﻦ .. ﻟﻜﻦ ﺍﻧﺎ ﺍﻭﻝ ﻣﺎﻳﺠﻲ ﺑﻜﻠﻤﻮ ﻟﻴﻚ .. ﻟﻮ ﻋﻨﺪﻭ ﻓﻜﺮﺓ ﺷﺮﺍﻛﺔ ﻃﻮﺍﻟﻲ ﺗﺨﺶ ﻣﻌﺎﻫﻮ .. ﺍﻧﺖ ﻫﺴﻲ ﻓﻲ ﺍﻻﻳﺎﻡ ﺩﻱ .. ﺣﺎﻭﻝ ﻟﻘﻂ ﻣﻦ ﺟﺎﻱ ﻻﺟﺎﻱ .. ﻋﺸﺎﻥ ﻣﺎ ﺗﺎﻛﻞ ﻣﻦ ﺳﻨﺎﻣﻚ ..

‏( ﻳﻌﻨﻲ ﺗﺎﻛﻞ ﻣﻦ ﺍﻟﻘﺮﻭﺵ ﺍﻟﻤﻮﻓﺮﺓ ﻟﻠﺸﻐﻞ ‏) .. ﻭﺑﻌﺪﻳﻦ ﺗﻔﻠﺲ ..

ﻗﺎﻝ ﻟﻴﻬﻮ ﺟﺪﺍ ﻳﺎﺣﺎﺝ .. ﻭﺷﻜﺮﻭ ﻭﻣﺸﻰ ﺍﻟﺒﻴﺖ .. ﻣﺴﺘﺎﺀ ﻭﻗﺎﻓﻠﺔ ﻣﻌﺎﻫﻮ

ﺑﺎﻛﺮ ﻣﺸﻰ ﺍﻟﺴﻮﻕ ﺑﺮﺿﻮ .. ﻋﻨﺪﻭ ﻭﺍﺣﺪ ﺑﻌﺮﻓﻮ ﻣﺎﻋﻨﺪﻭ ﻣﻌﺎﻫﻮ ﺻﺪﺍﻗﺔ ﻟﻜﻦ ﻣﻌﺮﻓﺔ .. ﺍﺳﻤﻮ ﺍﻟﻄﺎﻫﺮ ﻳﻮﺳﻒ .. ﺍﻟﻄﺎﻫﺮ ﻳﻮﺳﻒ ﻋﻨﺪﻭ ﺩﻛﺎﻥ ﻣﻼﺑﺲ ﺟﺎﻫﺰﺓ .. ﺍﻭﻝ ﻣﻦ ﺷﺎﻑ ﺍﻻﻣﻴﻦ ﻭﻗﻒ ﻟﻴﻬﻮ ﻋﻠﻰ ﺣﻴﻠﻮ .. ﻭﺭﺣﺐ ﺑﻴﻬﻮ ﺗﺮﺣﻴﺐ ﺷﺪﻳﺪ ﺧﻼﺹ .. ﻗﺎﻝ ﻟﻴﻬﻮ ﻛﻴﻔﻚ ﻳﺎﺭﺟﻞ ﻳﺎﻧﺎﺟﺢ .. ﺍﻧﺖ ﻋﺎﺭﻑ ﻳﺎ ﺍﻻﻣﻴﻦ .. ﺍﻧﺎ ﻣﺘﻜﻴﻒ ﻣﻨﻚ ﻛﻴﻒ ﺷﺪﻳﺪ ﺧﻼﺹ ..

ﻳﺎﺧﻲ ﺍﻧﺖ ﻣﻦ ﻳﻮﻣﻚ ﺍﻟﻤﺴﻜﺖ ﺩﻛﺎﻥ ﻋﻄﻴﺔ .. ﻭﺍﻟﺪﻛﺎﻥ ﻣﺎﺷﻲ ﺯﻱ ﺍﻟﻔﻞ

.. ﻓﻲ ﻇﺮﻑ ﺷﻬﺮ ﺍﻧﺖ ﺧﻠﻴﺖ ﺍﻟﺪﻛﺎﻥ ﺩﻩ ﻣﺪﻭﺭ ﺍﻟﺸﺎﺭﻉ ﻛﻠﻮ ..

ﺍﻧﺎ ﻗﻠﺖ ﻟﻠﺠﻤﺎﻋﺔ ﺍﻻﻣﻴﻦ ﺩﻩ ﻓﻲ ﺳﻨﺔ .. ﺑﻘﻠﺐ ﺍﺟﻤﺎﻟﻲ ﻭﺑﻜﻮﻥ ﻣﻦ ﻣﻠﻮﻙ ﺍﻟﺴﻮﻕ .. ﻟﻜﻦ ﻫﺴﻲ ﻃﻮﻟﺖ ﻣﻨﻚ .. ﺩﻛﺎﻧﻚ ﻣﺎﺷﻲ ﻛﻴﻒ؟ ..

ﺍﻻﻣﻴﻦ ﺩﻧﻘﺮ ﻓﻲ ﺍﻟﻮﺍﻃﺔ .. ﻓﺎﻝ ﻟﻴﻬﻮ ﻭﺍﻟﻠﻪ ﺍﻟﺪﻛﺎﻥ ﺿﺎﻉ ﻣﻦ ﻳﺪﻱ ﻳﺎ ﺍﻟﻄﺎﻫﺮ ..

ﻗﺎﻝ ﻟﻴﻬﻮ ﺍﻟﺤﺎﺻﻞ ﺷﻨﻮ ﻳﺎﺯﻭﻝ ؟

ﺍﻻﻣﻴﻦ ﻗﻌﺪ ﻳﺤﻜﻲ ﻟﻴﻬﻮ ﻓﻲ ﻣﺴﻠﺴﻞ ﻣﺮﺽ ﺍﻳﻤﺎﻥ ﻭﺍﻟﺸﻲ ﺍﻟﺤﺼﻞ

ﻭﺍﻟﻠﻪ ﺍﻟﻄﺎﻫﺮ ﺩﻩ ﺍﺗﺎﺛﺮ ﺗﺎﺛﻴﺮ ﺷﺪﻳﺪ ﺧﻼﺹ ..

ﻗﺎﻝ ﻟﻴﻬﻮ ﻳﺎ ﺍﻻﻣﻴﻦ ﺍﻧﺖ ﺯﻭﻝ ﻧﺎﺟﺢ ﻓﻲ ﺍﻟﺘﺠﺎﺭﺓ .. ﻭﺯﻭﻝ ﺑﺘﻌﺮﻑ ﺗﺘﻌﺎﻣﻞ ﻣﻊ ﺍﻟﺰﺑﺎﻳﻦ .. ﻣﺎﻳﻨﻔﻊ ﻣﻌﺎﻙ ﺍﻱ ﺷﻐﻞ ﻏﻴﺮ ﺍﻟﺘﺠﺎﺭﺓ .. ﺍﻧﺖ ﻟﻮ ﺩﺍﻳﺮ ﻧﺼﻴﺤﺘﻲ .. ﺣﺘﻰ ﻟﻮ ﺍﺗﺴﻠﻔﺖ ﻳﺎ ﺭﺟﻊ ﺩﻛﺎﻧﻚ ... ﻭﻻ ﺧﺶ ﻟﻴﻚ ﻓﻲ ﺩﻛﺎﻥ ﺗﺎﻧﻲ ..

ﻭﺍﻧﺎ ﻣﺘﺄﻛﺪ ﺩﻛﺎﻧﻚ ﺑﺒﺮﺩ ﻟﻴﻚ .. ﻓﻲ ﺍﻗﻞ ﻣﻦ ﺳﺘﺔ ﺷﻬﻮﺭ ..

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﻟﻄﺎﻫﺮ ﺑﺲ ﺣﻜﺎﻳﺔ ﺍﻟﺪﻳﻮﻥ ﺩﻱ .. ﺑﻘﻰ ﺍﻟﺰﻭﻝ ﻳﺨﺎﻑ ﻣﻨﻬﺎ .. ﻭﺍﻟﻨﺎﺱ ﺫﺍﺗﻬﺎ ﻣﺎﺑﺘﺜﻖ .. ﻗﺎﻝ ﻟﻴﻬﻮ ﻳﺎﺧﻲ ﺍﻧﺖ ﻣﻌﺮﻭﻑ ﻓﻲ ﺍﻟﺴﻮﻕ ﻛﻠﻮ .. ﻭﺍﻱ ﺯﻭﻝ ﻣﻤﻜﻦ ﻳﺘﻌﺎﻣﻞ ﻣﻌﺎﻙ ﺑﻲ ﻗﻠﺐ ﺟﺎﻣﺪ ..

ﻃﻴﺐ ﺍﻗﻮﻝ ﻟﻴﻚ ﻛﻼﻡ .. ﻓﻲ ﺟﻤﺎﻋﺔ ﺍﺻﺤﺎﺑﻲ ﺳﻤﺎﺳﺮﺓ ﻧﺠﻴﻀﻴﻦ .. ﺗﺸﺘﺮﻱ ﻣﻨﻬﻢ ﻋﺮﺑﻴﺔ ﺑﺎﻟﺸﻴﻚ .. ﻭﺗﺒﻌﻬﺎ ﺑﺎﻟﻜﺎﺵ .. ﻓﻲ ﻓﺘﺮﺓ ﺍﻟﺸﻴﻚ ﺍﻧﺖ ﺑﺘﻜﻮﻥ ﻇﺒﻄﺎ ﺍﻣﻮﺭﻙ .. ﻭﺗﺴﺪﺩ ﻋﻠﻰ ﺭﺍﺣﺘﻚ ..

ﻗﺎﻝ ﻟﻴﻬﻮ ﻟﻜﻦ ﺍﻟﻔﺘﺮﺓ ﺑﺘﻜﻮﻥ ﻛﻴﻒ ؟ ﻗﺎﻝ ﻟﻴﻬﻮ ﻃﺒﻌﺎ ﺍﻧﺖ ﻋﺎﺭﻑ ﻣﻨﻄﻖ ﺍﻟﺴﻮﻕ .. ﻛﻠﻤﺎ ﺯﺍﺩﺕ ﺍﻟﻤﺪﺓ ﺯﺍﺩ ﺍﻟﺴﻌﺮ ..

ﻗﺎﻝ ﻟﻴﻬﻮ ﺧﻼﺹ ﺍﻧﺖ ﺑﺲ ﺷﻮﻑ ﻟﻲ ﺟﻤﺎﻋﺘﻚ .. ﺍﻧﺎ ﺑﺎﻛﺮ ﺑﻤﺸﻲ ﺑﻔﺘﺢ ﻟﻲ ﺣﺴﺎﺏ ﻓﻲ ﺍﻟﺒﻨﻚ ﻭﺑﻨﺘﻈﺮﻙ .. ﺍﺣﺴﻦ ﻣﻦ ﺍﻟﺰﻭﻝ ﻳﻘﻌﺪ ﺳﺎﻱ ..

ﻃﺒﻌﺎ " ﺍﻻﻣﻴﻦ ﺩﺍﻳﺮ ﻳﻤﺸﻲ ﻓﻲ ﺩﺭﺏ ﺧﻄﻴﺮ ﻭﺻﻌﺐ ﺍﻟﺮﺟﻮﻉ ﻣﻨﻮ ..

ﺷﻴﻜﺎﺕ ﻭﺩﻳﻮﻥ ﻭﻛﺴﺮ ﻭﺍﻧﺘﻈﺎﺭ .. ﻭﺍﻟﺤﻜﺎﻳﺔ ﺩﻱ ﺡ ﺗﺪﺧﻠﻮ ﻓﻲ ﺣﻴﺺ ﺑﻴﺺ ..

ﺍﺣﺴﻦ ﺣﺎﺟﺔ ﻋﻤﻼ ,, ﺍﻧﻮ ﻣﺸﻰ ﺍﻟﺒﻴﺖ .. ﻭﺣﻜﻰ ﺍﻟﻜﻼﻡ ﺩﻩ ﻻﻳﻤﺎﻥ .. ﺍﻳﻤﺎﻥ ﻗﺎﻟﺖ ﻟﻴﻬﻮ ..

ﺍﻧﺎ ﻳﺎ ﺍﻻﻣﻴﻦ ﻣﺎﻣﻮﺍﻓﻘﺔ ﻋﻠﻰ ﺍﻟﻤﻮﺿﻮﻉ ﺩﻩ ﻧﻬﺎﺋﻲ .. ﻭﻣﺎﻋﺎﻓﻴﺔ ﻟﻴﻚ ﻟﻮ ﺩﺧﻠﺖ ﻋﻠﻴﻨﺎ ﻗﺮﻭﺵ ﺯﻱ ﺩﻱ .. ﺍﻟﻤﻮﺿﻮﻉ ﺩﻩ ﺍﻧﺎ ﻣﺎ ﻣﺮﺗﺎﺣﺔ ﻟﻴﻬﻮ ..

ﺍﺑﺪﺍ ﻣﺎ ﻣﺮﺗﺎﺣﺔ ﻟﻴﻬﻮ .. ﻳﺎﺧﻲ ﻗﺪﺭ ﺍﻟﻘﺮﻳﺸﺎﺕ ﺍﻟﻌﻨﺪﻙ ﺩﻳﻞ .. ﺍﻣﺸﻲ ﺍﺷﺘﻐﻞ ﺑﻴﻬﻦ ..

ﺍﻧﺖ ﻭﻛﺖ ﻛﻨﺖ ﺷﻐﺎﻝ ﻓﻲ ﺍﻟﺒﻠﺪ ﻓﻲ ﺍﻟﺨﻀﺎﺭ .. ﻧﺤﻦ ﻣﺘﻨﺎ ﺑﺎﻟﺠﻮﻉ؟؟

ﺍﺣﺘﺠﻨﺎ ﻟﺰﻭﻝ ؟؟ ﺍﻟﺤﻤﺪ ﻟﻠﻪ ﺍﻣﻮﺭﻧﺎ ﻣﺴﺘﻮﺭﺓ .. ﻭﻣﺎﻛﻠﻴﻦ ﻭﺷﺎﺭﺑﻴﻦ .. ﻓﻲ ﺯﻭﻝ ﺩﺍﻳﺮ ﻳﺠﻲ ﻳﻔﺘﺢ ﺣﻠﺘﻲ ﻳﺸﻮﻑ ﻣﻼﺣﻲ ﺷﻨﻮ؟

ﺍﻥ ﺷﺎﺀ ﺍﻟﻠﻪ ﻧﺎﻛﻼ ﺑﻲ ﺑﺼﻠﺔ .. ﺍﻟﻤﻬﻢ ﻧﻜﻮﻥ ﻣﺮﺗﺎﺣﻴﻦ ﻧﻔﺴﻴﺎ .. ﻭﻻ ﻋﻠﻴﻨﺎ ﺩﻳﻮﻥ ﻭﻻﺧﺎﻳﻔﻴﻦ ﻣﻦ ﺷﻴﻚ ﻳﻤﺸﻲ ﺍﻟﻤﺤﻜﻤﺔ ..

ﻗﺎﻝ ﻟﻴﻬﺎ ﻟﻜﻦ ﺍﻋﻤﻞ ﺷﻨﻮ ﻃﻴﺐ ﻳﺎ ﺍﻳﻤﺎﻥ؟؟ ﻫﺴﻲ ﻟﻮ ﻗﻌﺪﻧﺎ ﻧﺘﺼﺮﻑ ﻣﻦ ﺍﻟﻘﺮﻭﺵ ﺩﻱ .. ﺑﺘﺨﻠﺺ ﻭﻣﺎﺑﻜﻮﻥ ﻋﻨﺪﻧﺎ ﺍﻟﺒﻨﺎﻛﻠﻮ ..

ﻗﺎﻟﺖ ﻟﻴﻬﻮ ﺍﻧﺖ ﺧﻠﻘﺘﻨﺎ؟؟ .. ﻣﺎﻟﻚ ﻭﻣﺎﻝ ﺑﻜﺮﻩ .. ﺧﻠﻲ ﺍﻻﻣﻮﺭ ﻋﻠﻰ ﺍﻟﻠﻪ .. ﻛﻞ ﻳﻮﻡ ﺑﺠﻲ ﺑﻲ ﺭﺯﻗﻮ ﻳﺎ ﺍﻻﻣﻴﻦ .. ﻣﺎ ﺩﺍﻡ ﺭﺑﻨﺎ ﺧﻠﻘﻨﺎ ﻗﺎﺩﺭ ﻳﺮﺯﻗﻨﺎ ..

ﺍﺻﻼ ﻣﺎﺗﺴﺘﻌﺠﻞ ﻋﻠﻰ ﺍﻟﻐﻨﻰ .. ﺍﻟﻌﺠﻠﺔ ﻋﻠﻰ ﺍﻟﻐﻨﻰ ﻓﻘﺮ .. ﻭﻓﻌﻼ ﻛﻼﻡ ﺍﻳﻤﺎﻥ ﻋﻴﻦ ﺍﻟﺤﻘﻴﻘﺔ ..

ﻭﻣﺮﺓ ﻗﺎﻝ ﺍﻟﻠﺒﻴﺐ ..

ﺍﻳﻪ ﺍﻟﺪﺍﻋﻲ ﺗﺪﺧﻞ ﻓﻲ ﺩﻳﻮﻥ ﻭﺗﺨﺎﻃﺮ ..

ﺍﻳﻪ ﺍﻟﺪﺍﻋﻲ ﺗﻜﺘﺐ ﺷﻴﻚ ﻭﻓﻴﻬﻮ ﻣﺨﺎﻃﺮ ..

ﻣﺎﺩﺍﻡ ﺍﻧﺖ ﻣﺎﻛﻞ ﻭﻣﺴﺘﻘﺮ ﺍﻟﺨﺎﻃﺮ ..

ﺍﺭﺿﺎﺑﻮ ﺍﻟﻘﻠﻴﻞ ﺍﻭﻉ ﺍﻟﻄﻤﻊ ﻳﺎﺷﺎﻃﺮ ..

.... ﻓﻲ ﺍﻟﻨﻬﺎﻳﺔ ﺍﻻﻣﻴﻦ ﺭﺿﺦ ﻟﻲ ﻛﻼﻡ ﺍﻳﻤﺎﻥ .. ﻭﻃﻠﻊ ﺍﻟﺼﺒﺎﺡ ﻣﺸﻰ ﻟﻠﻄﺎﻫﺮ .. ﻗﺎﻝ ﻟﻴﻬﻮ ﺍﻧﺎ ﻏﻴﺮﺕ ﺭﺍﻱ ﻣﻦ ﻣﻮﺿﻮﻉ ﺍﻟﺒﺎﺭﺡ .. ﻣﺎﻋﺎﻳﺰ ﺣﺎﺟﺔ ﺑﺎﻟﺪﻳﻦ ..

ﺑﺸﺘﻐﻞ ﺑﻲ ﺿﺮﺍﻋﻲ ﻭﻋﺮﻕ ﺟﺒﻴﻨﻲ ﻭﺭﺑﻨﺎ ﻛﺮﻳﻢ .. ﻭﻣﻦ ﻣﺤﻠﻮ ﺩﺍﻙ ﻣﺸﻰ ﻋﻠﻰ ﺳﻮﻕ ﺍﻟﺨﻀﺎﺭ .. ﻛﺎﻧﺖ ﺍﻟﺴﺎﻋﺔ 9 ﻭﺷﻮﻳﺔ ﺻﺒﺎﺣﺎ ..

ﻟﻘﻰ ﺗﻼﺕ ﻛﺪﺍ ﻗﺎﻋﺪﻳﻦ ﺑﺸﺮﺑﻮ ﻟﻴﻬﻢ ﻓﻲ ﻗﻬﻮﺓ .. ﻗﻌﺪ ﻣﻌﺎﻫﻢ ﻭﺳﻠﻢ ﻋﻠﻴﻬﻢ .. ﻗﺎﻝ ﻟﻴﻬﻢ ﺍﻧﺎ ﺩﺍﻳﺮ ﻟﻲ ﺷﻐﻞ ﻳﺎﺟﻤﺎﻋﺔ ..

ﻭﺍﺣﺪ ﻓﻴﻬﻢ ﻗﺎﻝ ﻟﻴﻬﻮ ﺷﻐﻞ ﺷﻨﻮ؟ .. ﺍﻧﺖ ﺩﺍﻳﺮ ﺗﺸﺘﻐﻞ ﺷﻨﻮ ؟ ﻋﺘﺎﻟﺔ؟ ﺗﺒﻊ ﺍﻛﻴﺎﺱ؟ ﺗﺸﺘﺮﻱ ﺟﻤﻠﺔ .. ﺗﺒﻴﻊ ﻗﻄﺎﻋﻲ؟ ﺷﻨﻮ ﺑﺎﻟﻀﺒﻂ ﺍﻻﻧﺖ ﻋﺎﻳﺰﻭ ﻭﺍﻧﺎ ﺑﻔﻴﺪﻙ ..

ﻗﺎﻝ ﻟﻴﻬﻮ ﺍﻧﺎ ﺷﺎﻳﻞ ﻗﺮﻭﺵ ﻭﺩﺍﻳﺮ ﺍﻗﻠﺒﺎ ﻓﻲ ﺍﻟﺴﻮﻕ ..

ﻗﺎﻝ ﻟﻴﻬﻮ ﺍﻳﻮﺍﺍﺍ ﻛﻢ ﻗﺮﻭﺷﻚ ؟ ﻗﺎﻝ ﻟﻴﻬﻮ ﻗﺮﻭﺷﻲ ﻛﺪﺍ .. ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺖ ﺍﺣﻼ ﺯﻭﻝ .. ﻭﺯﻭﻝ ﻣﺤﻈﻮﻅ ﻭﺍﻣﻚ ﺩﺍﻋﻴﺔ ﻟﻴﻚ .. ﺗﻌﺎﻝ ﻭﺭﺍﻱ ..

ﻭﺍﻟﻠﻪ ﺍﻟﺰﻭﻝ ﺩﻩ ﺧﻼ ﻛﺒﺎﻳﺔ ﺍﻟﻘﻬﻮﺓ ﻣﺎ ﻛﻤﻠﻬﺎ .. ﻗﺎﻡ ﻣﻊ ﺍﻻﻣﻴﻦ ﺳﺎﻗﻮ ﻭﻣﺸﻰ ﻋﺸﺎﻥ ﻳﺨﺪﻣﻮ .. ﻭﺩﻳﻞ ﺍﻫﻠﻲ ..

ﻗﺎﻝ ﻟﻴﻬﻮ ﺷﻔﺖ ﺍﻟﺮﺍﺟﻞ ﺍﻟﻮﺍﻗﻒ ﺩﻩ .. ﻋﻨﺪﻭ ﺑﺼﻞ ﺩﺍﻳﺮ ﻳﺒﻌﻮ .. ﻭﺳﻌﺮﻭ ﻛﻮﻳﺲ ﺷﺪﻳﺪ .. ﻭﻧﺤﻦ ﻣﺎﻋﻨﺪﻧﺎ ﻗﺮﻭﺵ .. ﺍﺷﺘﺮﻳﻬﻮ ﻣﻨﻮ ﻋﻠﻰ ﻣﺴﺆﻟﻴﺘﻲ .. ﻋﺸﺮﺓ ﺷﻮﺍﻻﺕ ..

ﻃﻮﺍﻟﻲ ﺍﻻﻣﻴﻦ ﻣﺸﻰ ﻋﻠﻰ ﺍﻟﺮﺍﺟﻞ .. ﻭﺍﺗﻔﺎﻫﻢ ﻣﻌﺎﻫﻮ ﻓﻲ ﺍﻟﺴﻌﺮ .. ﻭﺍﻻﻣﻴﻦ ﻃﺒﻌﺎ ﺯﻭﻝ ﻓﻲ ﺍﻟﺘﺠﺎﺭﺓ ﺫﻛﻲ ﻭﻟﺒﻖ .. ﻭﺑﺘﻌﺎﻣﻞ ﺑﺮﻗﻲ ﺷﺪﻳﺪ ..

ﻭﺩﺍﻳﻤﺎ ﻣﺒﺘﺴﻢ .. ﻭﺗﺠﻴﻬﻮ ﺍﻧﺖ ﺑﺎﻳﻊ ﻭﻻ ﻣﺸﺘﺮﻱ .. ﻳﺘﻌﺎﻣﻞ ﻣﻌﺎﻙ ﺯﻱ ﺍﻟﺒﻌﺮﻓﻚ ..

ﺍﻟﺮﺍﺟﻞ ﺳﻴﺪ ﺍﻟﺒﺼﻞ ﻗﺎﻝ ﻟﻼﻣﻴﻦ .. ﻭﺍﻟﻠﻪ ﻳﺎ ﺯﻭﻝ ﺍﻧﺎ ﻣﻦ ﺷﻔﺘﻚ ﺍﺭﺗﺤﺖ ﻟﻴﻚ .. ﺍﻧﺖ ﻗﻮﻝ ﺍﻟﺴﻌﺮ ﺍﻟﺒﺮﻳﺤﻚ .. ﻭﺍﺩﻳﻨﻲ ﺍﻟﻘﺮﻭﺵ ﻭﺍﻣﺸﻲ ﺭﺑﻨﺎ ﻳﻌﺸﻴﻚ ..

ﺍﻻﻣﻴﻦ ﻗﺎﻝ ﻟﻴﻬﻮ .. ﻭﺍﻟﻠﻪ ﺍﻧﺎ ﻛﻤﺎﻥ ﻣﺎ ﺍﺳﺘﻐﻠﻚ ﺍﺑﺪﺍ .. ﻭﺡ ﺍﺷﺘﺮﻱ ﻣﻨﻚ .. ﻭﺍﺷﺘﺮﻳﻚ ﺍﺧﻮ ﻭﺻﺎﺣﺐ .. ﻭﺍﻱ ﻳﻮﻡ ﺗﺠﻲ ﺍﻟﺴﻮﻕ ﺩﻩ .. ﺗﻠﻘﺎﻧﻲ ﺍﻧﺎ ﺍﺧﻮﻙ .. ﺍﻟﺮﺍﺟﻞ ﻗﻌﺪ ﻳﺘﺒﺴﻢ .. ﻭﺑﺎﻉ ﻟﻼﻣﻴﻦ ﺍﻟﺒﺼﻞ ﺑﺴﻌﺮ ﻣﻤﺘﺎﺯ ﺟﺪﺍ ..

ﺍﻻﻣﻴﻦ ﺭﺟﻊ ﻟﻠﺰﻭﻝ ﺍﻟﻤﻊ ﺍﻟﺠﻤﺎﻋﺔ ﺍﻟﺒﺸﺮﺑﻮ ﻓﻲ ﺍﻟﺠﺒﻨﺔ .. ﻭﻗﺎﻝ ﻟﻴﻬﻮ ﺍﻟﺰﻭﻝ ﺑﺎﻉ ﺍﻟﺒﺼﻞ ﺑﻲ ﻛﺪﺍ ..

ﻗﺎﻝ ﻟﻴﻬﻮ ﻣﺎﺑﺼﺪﻕ .. ﻳﺎﺧﻲ ﻧﺤﻦ ﻣﻦ ﺍﻟﺼﺒﺎﺡ ﺑﻨﺤﺎﻭﻝ ﻓﻴﻬﻮ ﺑﻲ ﺍﻛﺘﺮ ﻣﻦ ﻛﺪﺍ .. ﻟﻮﺍﺣﺪ ﻛﺪﺍ .. ﺗﺘﺨﻴﻞ ﺍﺑﺎ ﻛﻠﻮ ﻛﻠﻮ .. ﺍﻧﺖ ﻋﻤﻠﺖ ﻟﻴﻬﻮ ﺷﻨﻮ؟؟ ﻓﻲ ﺧﻤﺲ ﺩﻗﺎﻳﻖ ﺍﺩﺍﻙ ﻟﻴﻬﻮ ﺑﻲ ﺳﻌﺮ ﺯﻱ ﺩﻩ ؟؟ ..

ﻗﺎﻝ ﻟﻴﻬﻮ ﺷﻜﺮﺕ ﻟﻴﻬﻮ ﺑﺼﻠﻮ .. ﻭﺍﺣﺘﺮﻣﺖ ﻭﻗﻔﺘﻮ .. ﻭﺍﻻﺣﺘﺮﺍﻡ ﺑﻴﻦ ﺍﻟﻨﺎﺱ ﻣﺘﺒﺎﺩﻝ ﻳﺎ ﺍﺑﻦ ﺍﻟﻌﻢ ..

ﻭﺍﻧﺎ ﻟﻮ ﻣﺎ ﺍﻧﺖ ﺩﻟﻴﺘﻨﻲ ﻭﻭﺟﻬﺘﻨﻲ .. ﺩﻩ ﻛﻠﻮ ﻣﺎ ﻛﺎﻥ ﻟﻘﻴﺘﻮ .. ﺭﺑﻨﺎ ﻳﻜﺮﻣﻚ .. ﻗﺎﻝ ﻟﻴﻬﻮ ﺍﻟﻠﻪ ﻳﺒﺎﺭﻙ ﻓﻴﻚ .. ﺍﻧﺖ ﻃﻴﺒﺘﻚ ﺩﻱ .. ﻳﺎﻫﺎ ﺍﻟﺼﺤﺤﺖ ﻟﻚ ﺍﻟﺒﻴﻌﺔ ..

ﻋﻨﺪﻙ ﻣﻜﺎﻥ ﺗﺨﺖ ﻓﻴﻬﻮ ﺍﻟﺒﺼﻞ ؟ ﻭﻻ ﺍﺧﺘﻮ ﻟﻴﻚ ﻋﻨﺪﻱ .

ﻗﺎﻝ ﻟﻴﻬﻮ ﻣﺎﻋﻨﺪﻱ ﻭﺍﻟﻠﻪ .. ﻟﻜﻦ ﻣﺎﺩﺍﻡ ﺍﻧﺖ ﻋﻨﺪﻙ ﻣﻜﺎﻥ .. ﺍﻧﺎ ﻛﺪﺍ ﺍﻃﻤﻨﺖ ..

ﺍﻟﺮﺍﺟﻞ ﻃﻮﺍﻟﻲ ﻛﻮﺭﻙ ﻟﻠﻌﺘﺎﻟﺔ ﺷﺎﻟﻮ ﺍﻟﺒﺼﻞ ﺧﺘﻮ ﺟﻮﺓ ..

ﻭﺑﺎﻛﺮ ﺍﻻﻣﻴﻦ ﺟﺎ ﻭﻗﻒ ﻓﻮﻕ ﺍﻟﺒﺼﻞ .. ﻭﺑﺎﻋﻮ ﺑﺎﺳﻌﺎﺭ ﺧﺮﺍﻓﻴﺔ .. ﻭﺍﻧﺘﻈﺮ ﺍﻭﻝ ﺑﺼﻞ ﺩﺧﻞ ﺍﻟﺴﻮﻕ ﺍﺷﺘﺮﺍﻫﻮ .. ﻭﺍﺷﺘﻐﻞ ﻛﺪﺍ ﺑﺲ .. ﺑﻘﻰ ﻳﻘﻠﺐ ﻓﻲ ﺍﻟﺒﺼﻞ ﻭﺍﺭﺑﺎﺣﻮ ﻣﺎﺷﺔ ﺍﻟﺤﻤﺪ ﻟﻠﻪ ..

ﻗﺎﻝ ﻟﻴﻚ ﺍﻟﺰﻭﻝ ﺩﻩ ﻓﻲ ﺍﺳﺒﻮﻋﻴﻦ .. ﺍﻟﺴﻮﻕ ﻛﻠﻮ ﻋﺮﻑ ﺍﻻﻣﻴﻦ ﺑﺘﺎﻉ ﺍﻟﺒﺼﻞ .. ﻭﺑﻘﻰ ﻛﻞ ﻳﻮﻡ ﻳﺠﻲ ﺍﻟﺒﻴﺖ ﺷﺎﻳﻞ ﺍﻟﻘﺮﻭﺵ ﺩﻱ ﺭﺑﻂ .. ﻭﺑﻘﻰ ﻳﺸﺘﺮﻱ ﺍﻟﺒﺼﻞ ﺑﺎﻟﺸﺤﻨﺔ .. ﻣﺮ ﺷﻬﺮ ﺑﺎﻟﻄﺮﻳﻘﺔ ﺩﻱ .. ﻭﻣﺎﺯﺍﻝ ﺩﻛﺎﻧﻮ ﺍﻟﻔﻲ ﺍﻟﺴﻮﻕ ﻣﻘﻔﻮﻝ .. ﻭﻛﻞ ﻳﻮﻡ ﻳﺠﻲ ﻣﺎﺷﻲ ﻓﻮﻕ ﺍﻟﺪﻛﺎﻥ .. ﻳﻮﻡ ﻣﺸﻰ ﻟﻠﺘﺎﺟﺮ ﺍﻻﺟﻤﺎﻟﻲ ﺩﺍﻙ ﻭﺳﺄﻟﻮ ﻣﻦ ﺍﻟﺪﻛﺎﻥ ﺗﺎﻧﻲ ..

ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﺰﻭﻝ ﺩﻩ ﺿﺮﺏ ﻣﻦ ﺍﻟﺨﺮﻃﻮﻡ .. ﻭﻗﺎﻝ ﺑﻴﻌﻮ ﺍﻟﺪﻛﺎﻥ ﻭﺭﺳﻠﻮ ﻟﻲ ﻗﺮﻭﺷﻮ .. ﻭﺍﻧﺖ ﻃﺒﻌﺎ ﻣﺎﻋﻨﺪﻙ ﻗﺮﻭﺵ ﻗﺪﺭ ﺍﻟﺒﻀﺎﻋﺔ .. ﻭﺷﺎﻳﻔﻨﻚ ﻗﺎﻟﻮ ﻣﺎﺳﻚ ﺳﻮﻕ ﺍﻟﺒﺼﻞ ﺑﻲ ﺍﺳﻤﻚ ﺍﻟﻴﻮﻣﻴﻦ ﺩﻳﻞ .. ﻗﻠﻨﺎ ﻧﺨﻠﻴﻚ ..

ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﺍﻟﻜﻠﻤﻚ ﻣﻨﻮ؟

ﻗﺎﻝ ﻟﻴﻬﻮ ﻳﺎ ﺍﻻﻣﻴﻦ ﻧﺤﻦ ﺳﻼﻃﻴﻦ ﺍﻟﺴﻮﻕ .. ﺍﻱ ﺩﺍﺧﻠﺔ ﻭﻣﺎﺭﻗﺔ ﻋﺎﺭﻓﻴﻨﻬﺎ ﻫﻬﻬﻪ ..

ﺍﻻﻣﻴﻦ ﻗﺎﻝ ﻟﻴﻬﻮ ﺍﻧﺎ ﺟﺎﻫﺰ ﺍﺷﺘﺮﻱ ﺍﻟﺪﻛﺎﻥ ..

ﻗﺎﻝ ﻟﻴﻬﻮ ﺍﻣﺸﻲ ﺍﻭﻝ ﺣﺎﺟﺔ ﺍﻓﺘﺤﻮ .. ﻭﺷﻮﻑ ﺍﻟﺒﻀﺎﻋﺔ ﺍﻟﻤﻨﺘﻬﻴﺔ .. ﻭﺧﻠﻴﻬﻮ ﻋﻠﻰ ﺍﻟﺼﺎﻓﻲ ﺍﻟﻨﺎﻓﻊ .. ﺍﻫﻢ ﺣﺎﺟﺔ ﺗﻘﺮﺍ ﺗﺎﺭﻳﺦ ﺍﻧﺘﻬﺎﺀ ﺍﻟﻤﻌﻠﺒﺎﺕ .. ﺍﻟﺪﻛﺎﻥ ﻣﻘﻔﻮﻝ ﻟﻴﻬﻮ ﻗﺮﻳﺐ ﺍﻟﺸﻬﺮﻳﻦ ..

ﻗﺎﻝ ﻟﻴﻬﻮ ﺧﻼﺹ ﺑﻜﺮﺓ ﺑﺠﻲ ﺍﺷﻮﻑ ﺍﻟﺤﺎﺻﻞ ﺷﻨﻮ؟

ﺍﻻﻣﻴﻦ ﻣﻦ ﻫﻨﺎﻙ ﺑﺮﺭﺭﺭﺿﻮ ﻣﺸﻰ ﺍﻟﺒﻴﺖ ﻫﻨﺎﻙ ﺣﻜﺎ ﻻﻳﻤﺎﻥ ﺍﻟﻤﻮﺿﻮﻉ ﺩﻩ ..

ﻭﻗﺎﻝ ﻟﻴﻬﺎ ﺍﻧﺎ ﺡ ﺍﺳﻴﺐ ﺳﻮﻕ ﺍﻟﺒﺼﻞ .. ﻭﺍﺭﺟﻊ ﻟﻲ ﺩﻛﺎﻧﻲ .. ﻭﺍﻛﻮﻥ ﺭﺟﻌﺖ ﻟﻲ ﻗﻮﺍﻋﺪﻱ ﺳﺎﻟﻢ .. ﻭﻻ ﺩﻳﻦ ﻭﻻ ﺷﻴﻚ ..

ﺍﺗﺨﻴﻞ ﺍﻳﻤﺎﻥ ﻗﺎﻟﺖ ﻟﻴﻬﻮ ﺷﻨﻮ؟

..

ﺍﻳﻤﺎﻥ ﻗﺎﻟﺖ ﻟﻴﻬﻮ .. ﻭﺍﻟﻠﻪ ﻳﺎ ﺍﻻﻣﻴﻦ .. ﻋﺎﺩ ﺍﻧﺖ ﺍﻛﺘﺮ ﺯﻭﻝ ﺑﺘﻌﺮﻑ ﻣﺼﻠﺤﺘﻚ ﻭﻳﻦ .. ﺍﻧﺖ ﺑﺮﺍﻙ ﺷﻔﺖ ﺍﻟﺪﻛﺎﻥ .. ﻭﺷﻔﺖ ﺷﻐﻞ ﺍﻟﺒﺼﻞ .. ﺍﻟﺸﺎﻳﻔﻮ ﺍﺧﻴﺮ ﻟﻴﻚ ﺳﻮﻳﻬﻮ .. ﻟﻜﻦ ﻛﺎﻥ ﺍﻧﺎ ﻛﻨﺖ ﻓﻲ ﻣﺤﻠﻚ .. ﺑﺴﻮﻱ ﺍﻻﺳﺘﺨﺎﺭﺓ ﻓﻲ ﺩﻩ ﻭﻓﻲ ﺩﻩ .. ﻻﻧﻮ ﺍﻟﺰﻭﻝ ﻣﺎﺑﻌﺮﻑ ﺍﻟﺒﺤﺼﻞ ﺑﻜﺮﺓ ﺷﻨﻮ .. ﺭﺑﻨﺎ ﻫﻮ ﺍﻟﻌﺎﻟﻢ ﺑﻲ ﺭﺑﺤﻚ ﻟﻲ ﻗﺪﺍﻡ ﻭﻳﻦ .. ﻭﺧﺴﺎﺭﺗﻚ ﻭﻳﻦ ..

ﻗﺎﻝ ﻟﻴﻬﺎ ﻭﺍﻟﻠﻪ ﻛﻼﻣﻚ ﺣﻘﻴﻘﺔ .. ﺍﻟﺰﻭﻝ ﻳﺴﺘﺨﻴﺮ ..

ﻭﺩﻩ ﺍﻟﺼﺢ .. ﺍﻟﻤﻔﺮﻭﺽ ﺍﺧﻮﻧﺎ ﺍﻻﻣﻴﻦ ﻳﺴﺘﺨﻴﺮ ﺍﻟﻠﻪ .. ﻭﺑﻌﺪﻳﻦ ﺍﻟﺒﺴﻬﻼ ﺍﻟﻠﻪ ﻫﻲ ﺍﻟﺒﻜﻮﻥ ﻓﻴﻬﺎ ﺍﻟﺨﻴﺮ .. ﻭﺍﻟﺒﺘﺘﻌﻜﺲ ﻋﻠﻴﻬﻮ .. ﺑﺘﻜﻮﻥ ﻣﺎﻓﻴﻬﺎ ﺧﻴﺮ .. ﻭﺩﻱ ﺍﺻﻼ ﻓﻜﺮﺓ ﺍﻻﺳﺘﺨﺎﺭﺓ ﻛﺪﺍ ..

ﻓﻲ ﻧﺎﺱ ﻳﻘﻮﻝ ﻟﻴﻚ .. ﺍﻧﺎ ﻭﺍﻟﻠﻪ ﺍﺳﺘﺨﺮﺕ .. ﻭﺷﻔﺖ ﻣﻨﺎﻡ ﻣﺎﻛﻮﻳﺲ .. ﻋﺸﺎﻥ ﻛﺪﺍ ﺧﻠﻴﺖ ﺍﻟﻤﻮﺿﻮﻉ .. ﻣﻴﻦ ﻗﺎﻝ ﻛﺪﺍ ؟؟ ﺍﻻﺳﺘﺨﺎﺭﺓ ﻳﺎﺟﻤﺎﻋﺔ ﻣﺎﻋﻨﺪﻫﺎ ﻋﻼﻗﺔ ﺑﺎﻻﺣﻼﻡ ..

ﻣﻤﻜﻦ ﺗﻜﻮﻥ ﺍﻟﺤﺎﺟﺔ ﻛﻮﻳﺴﺔ .. ﻭﺍﻧﺖ ﺗﺸﻮﻑ ﺣﻠﻢ ﻣﻦ ﺍﻟﺸﻴﻄﺎﻥ ﻳﻀﻠﻠﻚ .. ﻋﺸﺎﻥ ﻛﺪﺍ ﺍﻟﺰﻭﻝ ﻣﺎﻳﺮﺑﻂ ﺍﻻﺳﺘﺨﺎﺭﺓ ﺑﻲ ﺣﺎﺟﺔ ﻳﺸﻮﻓﻬﺎ ﻓﻲ ﺍﻟﻨﻮﻡ .. ﻭﻓﻲ ﻧﺎﺱ ﻛﻤﺎﻥ ﻋﻨﺪﻫﻢ ﻓﻠﺴﻔﺔ ﻙ .. ﺩﺍ ﺑﻌﺮﻓﻮ ﻟﻴﻬﺎ ﺑﺮﺍﻫﻢ .. ﺍﻟﻮﺍﺣﺪ ﻳﻘﻮﻝ ﻟﻴﻚ ﺍﻧﺎ ﺍﺳﺘﺨﺮﺕ ﻭﻣﺎ ﺍﺭﺗﺤﺖ ﻟﻠﻤﻮﺿﻮﻉ .. ﺍﻭ ﻳﻘﻮﻝ ﺍﻧﺎ ﺍﺳﺘﺨﺮﺕ ﻭﺣﺴﻴﺖ ﺑﻲ ﺿﻴﻖ .. ﺑﺮﺿﻮ ﺩﻩ ﻛﻼﻡ ﻓﺎﺿﻲ ..