روايه الصافي الجزء الاول

روايه الصافي 3،

ﻭﻗﺎﻋﺪ ﻓﻲ ﻧﺺ ﺍﻟﺪﻛﺎﻥ ﻗﺼﺎﺩ ﺍﻟﻤﺮﻭﺣﺔ .. ﻻﺑﺲ ﻟﻴﻬﻮ ﻋﺮﺍﻗﻲ ﻭﻃﺎﻗﻴﺔ .. ﻭﺟﻼﺑﻴﺘﻮ ﻣﻌﻠﻘﺔ ﺟﻮﺓ ﺍﻟﺪﻛﺎﻥ ..

ﻭﻗﻔﺖ ﻟﻴﻬﻮ ﻛﺪﺍ .. ﻭﻋﻄﻴﺔ ﻛﺎﻥ ﺑﻘﺮﺍ ﻟﻴﻬﻮ ﻓﻲ ﺟﺮﻳﺪﺓ .. ﻭﻗﺎﻋﺪ ﻓﻲ ﻧﺺ ﺍﻟﺪﻛﺎﻥ ﻗﺼﺎﺩ ﺍﻟﻤﺮﻭﺣﺔ .. ﻻﺑﺲ ﻟﻴﻬﻮ ﻋﺮﺍﻗﻲ ﻭﻃﺎﻗﻴﺔ .. ﻭﺟﻼﺑﻴﺘﻮ ﻣﻌﻠﻘﺔ ﺟﻮﺓ ﺍﻟﺪﻛﺎﻥ ..

ﻭﻗﻔﺖ .. ﻭﻗﻌﺪﺕ ﺗﺘﻠﻔﺖ ﺟﺎﻱ ﻭﺟﺎﻱ .. ﻭﻫﻮ ﺑﺲ ﻗﺎﻋﺪ ﺑﻌﺎﻳﻦ ﻟﻴﻬﺎ .. ﻓﻲ ﻧﻮﻋﻴﺔ ﺑﻨﺎﺕ ﺯﻱ ﺩﻳﻞ .. ﺑﺘﺠﻲ ﺍﻟﻮﺍﺣﺪﺓ ﺗﻌﺎﻳﻦ ﻟﻠﺒﻀﺎﻋﺔ ﻛﺪﺍ .. ﻭﺗﻬﺒﺶ ﺍﻟﺤﺎﺟﺎﺕ ﻭﺗﻤﺸﻲ .. ﻭﻻﺑﺘﻘﻮﻝ ﺩﻩ ﺑﻲ ﻛﻢ .. ﺩﻳﻞ ﻃﺒﻌﺎ " ﺑﺠﻴﺒﻦ ﻛﺜﺎﻓﺔ ﺍﻟﺘﺎﺟﺮ .. ﻭﻓﻲ ﻭﺍﺣﺪﺍﺕ .. ﻳﻘﻮﻟﻦ ﻟﻴﻚ ﺩﻱ ﺑﻲ ﻛﻢ ﻳﺎﻫﻨﺎﻱ ؟ ﻫﻬﻪ ﻫﻨﺎﻱ ﻣﻨﻮ ؟ﻳﻌﻨﻲ ﺣﻨﻚ ﺩﺍﻳﺮ ﺍﺟﻴﺐ ﺍﺳﻤﻚ ﻭﻧﺎﺳﻴﺔ .. ﻋﺸﺎﻥ ﻛﺎ ﺑﺘﻠﻘﻰ ﺍﻟﺘﺎﺟﺮ ﺩﻣﻮ ﻓﺎﻳﺮ ﻣﻦ ﺍﻟﻨﻮﻋﻴﺔ ﺩﻱ ..

ﺍﻟﻤﻬﻢ ﻋﻄﻴﺔ ﺍﻓﺘﻜﺮ ﻧﺪﻯ ﻣﻦ ﺍﻻﻧﻮﺍﻉ ﺍﻻﺳﺘﻜﺸﺎﻓﻴﺔ ﺩﻱ .. ﻗﺎﻝ ﻟﻴﻬﺎ ﻧﻌﻢ ؟ ﺍﻱ ﺧﺪﻣﺔ .. ﻗﺎﻟﺖ ﻟﻴﻬﻮ ﺷﻜﺮﺍ " .. ﺍﻻﻣﻴﻦ ﻭﺩ ﻋﻤﻚ ﻣﻮﺵ ﻛﺪﺍ؟ ﻗﺎﻝ ﻟﻴﻬﺎ ﻧﻌﻢ ﻣﺎﻭﺩ ﻋﻤﻲ ﻟﺰﻡ ﻟﻜﻦ ﻭﺩ ﺣﻠﺘﻲ .. ﻗﺎﻟﺖ ﻟﻴﻬﻮ ﺍﻧﺎ ﺻﺪﻳﻘﺔ ﺯﻭﺟﺘﻮ ..

ﻗﺎﻝ ﻟﻴﻬﺎ ﺯﻭﺟﺔ ﻣﻨﻮ؟؟ ﻗﺎﻟﺖ ﻟﻴﻬﻮ ﺍﻻﻣﻴﻦ ﺩﻩ ﺫﺍﺗﻮ .. ﻗﺎﻝ ﻟﻴﻬﺎ ﺣﺒﺎﺑﻚ ﻭﺍﻟﻠﻪ ﻟﻜﻦ ﺍﻧﺘﻲ ﺑﺘﻌﺮﻓﻲ ﺍﻳﻤﺎﻥ ﻣﻦ ﻭﻳﻦ ؟

ﻗﺎﻟﺖ ﻟﻴﻬﻮ ﺍﻳﻤﺎﻥ ﻣﻨﻮ؟ ..

ﻗﺎﻝ ﻟﻴﻬﺎ ﺍﻳﻤﺎﻥ ﻣﺮﺍﺓ ﺍﻻﻣﻴﻦ .. ﺍﻣﺎﻝ ﺍﻧﺖ ﺻﺎﺣﺒﺔ ﻣﻨﻮ؟

ﻧﺪﻯ ﻃﻮﺍﻟﻲ ﻓﺎﺗﺖ ﻣﻨﻮ .. ﺧﻠﺖ ﺑﺎﻗﻲ ﻛﻼﻣﻮ ﻓﻲ ﺧﺸﻤﻮ .. ﻫﻮ ﺧﺖ ﺍﻟﺠﺮﻳﺪﺓ ﻓﻮﻕ ﻛﺮﻋﻴﻬﻮ .. ﻭﺑﻘﻰ ﻳﺼﻔﻖ ﻓﻲ ﻳﺪﻳﻬﻮ ﻭﻳﻘﻠﺐ ﻓﻴﻬﻦ ﺟﺎﻱ ﻭﺟﺎﻱ .. ﻭﻳﻘﻮﻝ ﻭﺍﻟﻠﻪ ﺳﺒﺤﺎﻥ ﺍﻟﻠﻪ .. ﻏﺎﻳﺘﻮ ﺯﻱ ﻣﺎﻗﺎﻟﻮ ﺗﻌﻴﺶ ﻛﺘﻴﺮ ﺗﺸﻮﻑ ﻛﺘﻴﺮ .. ﻫﻮ ﻃﺒﻌﺎ " ﻛﺎﻥ ﻣﻔﺘﻜﺮﻫﺎ ﻣﻦ ﻧﺎﺱ ﺍﻟﺸﻤﺎﻟﻲ .. ﻟﻜﻦ ﺑﻌﺪ ﻣﺎﻓﺎﺗﺖ ﺑﻲ ﺩﻗﻴﻘﺔ ﺑﺲ ﺍﻧﺘﺒﻪ .. ﺍﻧﻮ ﺩﻱ ﺍﺣﺘﻤﺎﻝ ﺗﻜﻮﻥ ﺍﻟﺒﺖ ﺑﺘﺎﻋﺔ ﺍﻻﻣﻴﻦ ﺍﻟﺴﻤﻊ ﺑﻴﻬﺎ ﺍﻟﺒﺎﺭﺡ .. ﻃﻠﻊ ﻓﻲ ﺍﺧﺮ ﺍﻟﺸﺎﺭﻉ ﻭﻛﻮﺭﻙ ﻟﻴﻬﺎ .. ﻳﺎ ﺍﺧﺖ ﻳﺎ ﺍﺧﺖ ..

ﺟﺎﺗﻮ ﺭﺍﺟﻌﺔ .. ﻟﻘﺎﻫﺎ ﻋﻴﻮﻧﻬﺎ ﻣﺤﻤﺮﺍﺕ ﻣﻦ ﺍﻟﺒﻜﺎ ..

ﻗﺎﻝ ﻟﻴﻬﺎ ﺍﻧﺘﻲ ﺑﺘﻌﺮﻓﻲ ﺍﻻﻣﻴﻦ ﻣﻦ ﻭﻳﻦ .. ؟ ﺍﻧﺘﻲ ﺯﻭﻟﺔ ﺍﻻﻣﻴﻦ ﺍﻻﺗﻜﻠﻢ ﻣﻌﺎﻙ ﻓﻲ ﻣﻮﺿﻮﻉ ﺯﻭﺍﺝ ﻭﻛﺪﺍ ؟؟ ﻫﺰﺕ ﻟﻴﻬﻮ ﺭﺍﺳﻬﺎ ﻛﺪﺍ ﻳﻌﻨﻲ ﺍﻳﻮﺓ .. ﻗﺎﻝ ﻟﻴﻬﺎ ﺍﻧﺘﻲ ﻣﺎﻋﺎﺭﻓﺔ ﺍﻻﻣﻴﻦ ﻣﺘﺰﻭﺝ؟ ﻃﻴﺐ ﺑﺘﻜﻀﺒﻲ ﻋﻠﻲ ﻣﺎﻟﻚ؟ ﺷﻨﻮ ﺍﻻﻧﺎ ﺻﺎﺣﺒﺔ ﻣﺮﺍﺗﻮ .. ﻟﻮ ﻋﺎﻳﺰﺓ ﻣﻌﻠﻮﻣﺔ ﻣﺎﺗﺴﺄﻟﻴﻨﻲ ﻋﺪﻳﻞ ..

ﺍﻻﻣﻴﻦ ﻣﺘﺰﻭﺝ ﻳﺎﺧﺘﻲ .. ﻭﻣﺮﺗﻮ ﺍﺳﻤﻬﺎ ﺍﻳﻤﺎﻥ .. ﻭﻋﻨﺪﻭ ﻭﻟﺪ ﻋﻤﺮﻭ 8 ﺳﻨﻪ ﺑﻘﺮﺍ ﻓﻲ ﺗﺎﻧﻴﺔ .. ﺍﺳﻤﻮ ﺍﻟﺼﺎﻓﻲ .. ﺧﻠﻴﻚ ﻓﻲ ﺍﻟﻤﻌﻠﻮﻡ .. ﻭﺍﺻﺤﻲ ﻣﻦ ﺍﻟﻨﻮﻡ ..

ﻗﺎﻟﺖ ﻟﻴﻬﻮ ﺍﻻﻣﻴﻦ ﺑﺘﺎﻋﻚ ﺩﻩ ﻭﺍﺣﺪ ﻛﺬﺍﺏ .. ﻭﺧﺪﺍﻉ ﺍﻟﻠﻪ ﻳﻨﺘﻘﻢ ﻣﻨﻮ .. ﻭﻣﻦ ﻣﺤﻠﻬﺎ ﺩﺍﻙ ﻃﻮﺍﺍﺍﻟﻲ ﻋﻠﻰ ﺍﻻﻣﻴﻦ ﻓﻲ ﺩﻛﺎﻧﻮ ..

ﻟﻘﺖ ﻣﺰﺣﻮﻡ .. ﻗﺎﻟﺖ ﻟﻴﻬﻮ ﺑﻤﺸﻲ ﻭﺑﺠﻴﻚ .. ﻭﻣﺎ ﻣﺸﺖ .. ﻭﻗﻔﺖ ﺑﻌﻴﺪ ﺑﺎﻟﺠﻴﻬﺔ ﺍﻟﺘﺎﻧﻴﺔ ﻣﻦ ﺍﻟﺸﺎﺭﻉ .. ﻭﺍﻗﻔﺔ ﺗﺤﺖ ﺷﺠﺮﺓ ﻣﺮﺑﻌﺔ ﻳﺪﻳﻬﺎ ..

ﻭﺍﻗﻔﺔ ﺯﻱ ﺍﻟﺘﻤﺜﺎﻝ .. ﺍﻇﻦ ﻗﺮﻳﺐ ﻧﺺ ﺳﺎﻋﺔ .. ﻣﺎ ﺍﺗﺤﺮﻛﺖ ﻣﻦ ﻭﻗﻔﺘﻬﺎ ..

ﻭﻻﺣﺴﺖ ﺑﺎﻟﺘﻌﺐ ﻭﻻ ﺍﻟﻮﻗﻔﺔ ﻭﻻ ﺍﻟﺴﺨﺎﻧﺔ ..

ﺑﻌﺪ ﻣﺎ ﺍﻟﻨﺎﺱ ﺧﻠﺼﻮ ﻣﻨﻮ ﺟﺎﺗﻮ .. ﻗﺎﻟﺖ ﻟﻴﻬﻮ ﻟﻼﺳﻒ ﻳﺎ ﺍﻻﻣﻴﻦ .. ﻃﻠﻌﺖ ﺍﻧﺴﺎﻥ ﻛﺬﺍﺏ ﻭﺣﻘﻴﺮ .. ﻭﺍﻧﺎ ﻧﺪﻣﺖ ﻋﻠﻰ ﻟﺤﻈﺔ ﻗﻀﻴﺘﻬﺎ ﻣﻌﺎﻙ .. ﺍﻧﺎ ﻟﻼﺳﻒ ﻟﻤﻦ ﺷﻔﺘﻚ ﻗﻠﺖ ﺍﻧﺖ ﺍﻧﺴﺎﻥ ﻋﺎﻗﻞ .. ﻭﻣﺴﺘﺤﻴﻞ ﺍﺗﺨﺪﻉ ﻓﻴﻚ .. ﻟﻜﻦ ﺯﻱ ﻣﺎﻗﺎﻟﻮ ﺍﻟﺘﺤﺴﺒﻮ ﻣﻮﺳﻰ ﻳﻄﻠﻊ ﻓﺮﻋﻮﻥ ..

ﻗﺎﻝ ﻟﻴﻬﺎ ﺩﻗﻴﻘﺔ ﻳﺎﻧﺪﻭ ﻭﺭﻳﻨﻲ ﻓﻲ ﺷﻨﻮ ؟ ﻗﺎﻟﺖ ﻟﻴﻬﻮ ﻧﺪﻭ ﻓﻲ ﻋﻴﻨﻚ .. ﺗﺎﻧﻲ ﺍﻭﻋﺎ ﻟﻲ ﺑﺎﻟﻚ ﺗﺠﻴﺐ ﺍﺳﻤﻲ ﻓﻮﻕ ﺧﺸﻤﻚ .. ﺍﻣﺸﻲ ﺍﺗﻠﻤﻪ ﻋﻠﻰ ﻣﺮﺗﻚ ﺍﻳﻤﺎﻥ ﻭﻭﻟﺪﻙ ﺍﻟﺼﺎﻓﻲ .. ﻭﺧﻠﻴﻨﻲ ﻓﻲ ﺣﺎﻟﻲ ﻭﺣﻘﻲ ﺍﻥ ﺷﺎﺀ ﺍﻟﻠﻪ ﻳﻼﻗﻴﻚ .. ﺭﺑﻨﺎ ﻳﻨﺘﻘﻢ ﻣﻨﻚ ﺍﻥ ﺷﺎﺀ ﺍﻟﻠﻪ ..

ﻫﻪ ﻣﺎﻓﻲ ﺩﺍﻋﻲ ﺗﺪﺍﻋﻴﻬﻮ .. ﺍﻟﺰﻭﻝ ﺍﺻﻼ ﺍﺗﺪﻣﺮ ﻣﻦ ﻳﻮﻡ ﺩﺧﻞ ﻋﻠﻴﻬﻮ ﺣﻖ ﺍﻟﺤﺮﺍﻡ ..

ﻏﺎﻳﺘﻮ ﻳﺎﺯﻭﻝ ﺳﻤﻌﺘﻮ ﻟﻴﻚ ﻛﻼﻡ ﺯﻱ ﺍﻟﺴﻢ .. ﻭﻓﺎﺗﺖ .. ﻭﻫﻮ ﻳﻜﻮﺭﻙ ﻟﻴﻬﺎ .. ﻛﺪﻱ ﺩﻗﻴﻘﺔ ﻳﺎﻧﺪﻯ ﺍﺻﺒﺮﻱ .. ﺍﺗﻜﻠﻢ ﻣﻌﺎﻙ .. ﻭﻫﻲ ﻣﺎﺷﺔ ﻭﻻ ﺍﺗﻠﻔﺘﺖ ﻋﻠﻴﻬﻮ ﻓﻮ ﻓﻮ ﻓﻮ .. ﻭﺍﻟﻠﻪ ﻛﺸﺖ ﻛﺶ .. ﺍﻻﻣﻴﻦ ﺑﻘﻰ ﻣﺴﺘﻐﺮﺏ .. ﺍﻟﺒﺖ ﻋﺮﻓﺖ ﺍﺳﻢ ﺍﻳﻤﺎﻥ ﻭﺍﻟﺼﺎﻓﻲ ﻣﻦ ﻭﻳﻦ؟ ﻋﺒﺪﺍﻟﻤﻨﻌﻢ ﻣﺎﺑﻌﺮﻑ ﺍﺳﻢ ﻣﺮﺗﻲ .. ﻭﻻ ﺍﺳﻢ ﻭﻟﺪﻱ .. ﻳﺎﺭﺑﻲ ﺩﻱ ﺍﻟﻜﻠﻤﻬﺎ ﻣﻨﻮ .. ﻣﻌﻘﻮﻝ ﻋﻄﻴﺔ؟ ﻃﻴﺐ ﻋﻄﻴﺔ ﻟﻢ ﻓﻴﻬﺎ ﻭﻳﻦ؟ .. ﺍﻟﻤﻬﻢ ﻏﺎﻳﺘﻮ ﺍﻻﻣﻴﻦ ﺩﻩ ﺍﻧﻬﺎﺭ ﺍﻧﻬﻴﺎﺭ ﻏﺮﻳﺐ .. ﺑﻌﺪ ﻣﺎ ﺍﻟﺤﻤﺎﻣﺔ ﺧﻼﺹ ﻃﺎﺭﺕ .. ﻗﻌﺪ ﻓﻲ ﻧﺺ ﺍﻟﺪﻛﺎﻥ ﻭﺍﺗﻤﺤﻦ .. ﻭﺑﻘﻰ ﺍﻱ ﺯﻭﻝ ﻳﺠﻴﻬﻮ ﻣﻦ ﺍﻟﺰﺑﺎﻳﻦ ﻳﻘﻮﻝ ﻟﻴﻬﻮ ﺍﻧﺎ ﻋﻴﺎﻥ ﻫﻪ ..

ﺯﻱ ﺍﻟﺴﺎﻋﺔ 3 ﻗﻔﻞ ﺍﻟﺪﻛﺎﻥ ﻭﻣﺎﺷﻰ ﻟﻲ ﻋﻄﻴﺔ .. ﻣﺎﺷﻲ ﻳﺘﻨﻀﻢ ﺑﺮﺍﻫﻮ ﻣﺘﻨﻮﻓﺶ .. ﻭﻗﺎﻝ ﻭﺍﻟﻠﻪ ﺍﻟﻠﻴﻠﺔ ﻋﻄﻴﺔ ﻳﻜﻮﻥ ﻛﻠﻢ ﺍﻟﺒﺖ ﺩﻱ .. ﺍﺻﻮﻃﺎ ﻟﻴﻚ ﻣﻌﺎﻫﻮ ﻻﻣﻦ ﻳﻔﻬﻢ ﺣﺎﺟﺔ .. ﺍﻫﺎ ﻭﻛﺖ ﻭﺻﻞ ﻟﻴﻬﻮ ﻓﻲ ﺍﻟﺪﻛﺎﻥ .. ﻗﺎﻝ ﻟﻴﻬﻮ ﺍﻧﺖ ﻳﺎﻋﻄﻴﺔ ﻻﻗﻴﺖ ﻧﺪﻯ .. ؟؟

ﻗﺎﻝ ﻟﻴﻬﻮ ﻧﺪﻯ ﺷﻨﻮ؟؟ ﻳﺎﻫﺎ ﺍﻟﺒﺖ ﺍﻟﺠﺎﺗﻨﻲ ﻗﺒﻴﻞ ﺩﻱ؟؟؟

ﺍﻳﻮﺓ ﺟﺎﺗﻨﻲ ﻫﻨﺎ ..

ﻭﺳﺄﻟﺘﻨﻲ ﻣﻦ ﻣﺮﺗﻚ ﻗﺎﻟﺖ ﺻﺎﺣﺒﺘﻬﺎ .. ﺍﻧﺎ ﻋﺮﻓﺘﻬﺎ ﺍﻧﻬﺎ ﻳﺎﻫﺎ ﺯﻭﻟﺘﻚ ..

ﻭﺩﺍﻳﺮﺓ ﺗﺘﺨﺒﺮ

بم تفكر؟ﺭﻭﺍﻳﺔ ﺍﻟﺼﺎﻓﻲ ..

ﺍﻟﺤﻠﻘﺔ 11

ﺑﻘﻠﻢ ﻃﺎﺭﻕ ﺍﻟﻠﺒﻴﺐ

ﺍﻳﻤﺎﻥ ﻛﺎﻥ ﺍﻟﻄﺮﻳﻖ ﺑﺎﻟﻨﺴﺒﺔ ﻟﻴﻬﺎ .. ﻣﺘﻌﺐ ﻭﻣﺮﻫﻖ ﻟﺪﺭﺟﺔ ﺣﺎﺳﺔ ﺍﻧﻬﺎ ﻣﺎﺷﺔ ﺍﻟﺨﺮﻃﻮﻡ ﺑﻲ ﻛﺮﻋﻴﻨﺎ .. ﻣﻦ ﺍﻟﺘﻌﺐ ﻭﺍﻻﻟﻢ .. ﺣﺘﻰ ﺻﻮﺕ ﺍﻟﻠﺴﺎﺗﻚ ﻓﻲ ﺍﻟﺰﻟﻂ ﺑﺄﻟﻤﻬﺎ .. ﻏﺎﻳﺘﻮ ﺑﻲ ﻗﺪﺭﺓ ﺍﻟﻠﻪ .. ﻭﺻﻠﺖ ﺍﻟﺨﺮﻃﻮﻡ .. ﻭﻧﺰﻟﻮ ﻓﻲ ﺑﺤﺮﻱ ﺍﻟﺤﻨﻴﻨﺔ .. ﻓﻲ ﺷﻤﺒﺎﺕ ﻣﻊ ﻧﺎﺱ ﻭﺩﺍﺍﻻﺳﺪ .. ﺍﻟﻤﺘﺰﻭﺝ ﺧﺎﻟﺘﻬﺎ ﺍﻡ ﺍﺣﻤﺪ .. ﺍﻟﺴﺎﻳﻖ ﺍﻟﻌﺮﺑﻴﺔ ﺩﻩ .. ﻳﻌﻨﻲ ﺍﻣﻬﺎ ﻧﺎﺯﻟﺔ ﻣﻊ ﺍﺧﺘﻬﺎ ﻣﻠﻜﺔ ﺑﻲ ﺑﺘﻬﺎ ﻟﻠﻌﻼﺝ ..

ﻭﻧﺎﺱ ﺍﻟﺒﻴﺖ ﻓﻲ ﺷﻤﺒﺎﺕ .. ﻋﺮﻓﻮ ﺍﻳﻤﺎﻥ ﺩﻱ ﺍﻟﻤﺮﺽ ﺍﻟﻌﻨﺪﻫﺎ ﺩﻩ ﻣﺎﺳﺎﻫﻞ ..

ﺍﻭﻝ ﺣﺎﺟﺔ ﻟﻮﻧﻬﺎ ﻣﺨﻄﻮﻑ .. ﻭﻋﻴﻮﻧﺎ ﺫﺍﺑﻼﺕ .. ﻭﻛﻮﻧﻮ ﺭﺍﺟﻠﻬﺎ ﻭﺍﻣﻬﺎ ﻭﺍﺍﺧﻮﻫﺎ .. ﻛﻠﻬﻢ ﺟﺎﻳﻴﻦ ﻣﺮﺍﻓﻘﻨﻬﺎ .. ﺗﺒﻘﻰ ﺍﻟﻘﺼﺔ ﻓﻴﻬﺎ ﻛﻼﻡ .. ﻭﺍﻟﻤﻠﻜﺔ ﺑﺘﺴﺄﻝ ﻓﻲ ﺍﺧﺘﻬﺎ .. ﺍﻧﺘﻲ ﻳﺎ ﻋﺎﺷﺔ ﻋﻠﻴﻚ ﺍﻟﻠﻪ ﺍﻳﻤﺎﻥ ﺩﻱ ﻋﻨﺪﻫﺎ ﺷﻨﻮ؟ .

ﺣﺎﻟﺘﻬﺎ ﻛﺪﺍ ﻣﺎﻫﺎ ﻣﺮﻳﺤﺎﻧﻲ ..

ﺍﻟﻤﻬﻢ ﺍﻟﻤﺮﺍﺓ ﻟﻤﻦ ﺍﺻﺮﺕ ﻋﻠﻲ ﺍﺧﺘﻬﺎ .. ﻋﺸﺔ ﻛﻠﻤﺘﻬﺎ .. ﻗﺎﻟﺖ ﻟﻴﻬﺎ ﻭﺍﻟﻠﻪ ﺑﻌﻴﺪ ﻋﻨﻚ .. ﺍﻳﻤﺎﻥ ﻇﻬﺮ ﻟﻴﻬﺎ ﺍﻟﺴﻴﺮﻃﺎﻥ .. ﻧﺤﻤﺪ ﺍﻟﻠﻪ ﻋﻠﻰ ﺍﻟﺴﻤﺢ ﻭﺍﻟﺸﻴﻦ ﻳﺎﺑﺖ ﺍﻣﻲ ..

ﻭﺍﻳﻤﺎﻥ ﺷﺎﻳﻠﺔ ﻫﻤﻴﻦ .. ﻫﻢ ﺍﻟﻤﺮﺽ ﺍﻟﺨﻄﻴﺮ .. ﺍﻟﻤﺎﻋﺮﻓﺖ ﺗﺘﺄﻛﺪ ﻣﻨﻮ .. ﻭﻫﻢ ﺍﻟﺼﺎﻓﻲ ﺍﻟﻘﻄﻌﺔ ﻣﻦ ﻗﻠﺒﻬﺎ .. ﻣﻦ ﻳﻮﻡ ﻭﻟﺪﺗﻪ ﻣﺎﺣﺼﻞ ﻓﺎﺭﻗﺘﻮ .. ﻭﻣﺎﻋﺎﺭﻓﺔ ﺗﻌﺪﻱ ﺍﻳﺎﻡ ﺍﻟﻌﻼﺝ ﻣﻨﻮ ﺑﻌﻴﺪﻩ ﻛﻴﻒ ..

ﻭﻛﻞ ﻣﺎ ﺗﺠﻴﻬﺎ ﻓﻜﺮﺓ ﺍﻧﻮ ﺍﻟﻤﺮﺽ ﺍﻟﻌﻨﺪﻫﺎ ﺩﻩ ﻛﻌﺐ .. ﺯﻱ ﻣﺎﻫﻮ ﻇﺎﻫﺮ ﻓﻲ ﻭﺷﻮﺵ ﺍﻟﻨﺎﺱ ﻛﻠﻬﺎ .. ﺑﺲ ﻫﻲ ﺑﺘﺤﺎﻭﻝ ﺗﻄﺮﺩ ﺍﻟﻔﻜﺮﺓ ﻣﻦ ﺭﺍﺳﻬﺎ ﻭﻣﺎﻗﺎﺩﺭﺓ .. ﻭﻣﺎﻋﺎﻳﺰﺓ ﺗﺴﺄﻝ ﺍﻻﻣﻴﻦ .. ﻭﻻ ﻋﺎﻳﺰﺓ ﺗﺴﺄﻝ ﺍﻣﻬﺎ .. ﻻﻧﻬﺎ ﻛﺎﻧﺖ ﺧﺎﻳﻔﺔ ﺍﻧﻮ ﻳﻘﻮﻟﻮ ﻟﻴﻬﺎ ﺍﻟﻤﺮﺽ ﺍﻟﻜﻌﺐ .. ﻗﺎﻟﺖ ﺍﺣﺴﻦ ﺍﻛﻮﻥ ﻣﺎﻋﺎﺭﻓﺔ ﺑﺲ .. ﺣﺘﻰ ﻟﻮ ﺑﺲ ﻣﺎ ﻣﺘﺄﻛﺪﺓ ﺍﺣﺴﻦ ﻣﻦ ﺃﺳﺄﻝ ﻭﺍﺗﺎﻛﺪ .. ﺍﻟﻤﻔﺮﻭﺽ ﺍﻟﻌﺼﺮﻳﺔ .. ﻳﻤﺸﻮ ﻳﺤﺠﺰﻭ ﻟﻴﻬﺎ ﻋﻨﺪ ﺍﻟﺪﻛﺘﻮﺭ ..

ﺍﻟﺼﺎﻓﻲ ﻃﺒﻌﺎ " ﻓﻲ ﺍﻟﺒﻠﺪ ﻓﺎﺭﻗﻴﻦ ﻋﻠﻴﻬﻮ ﺍﻣﻮ ﻭﺍﺑﻮﻫﻮ .. ﺑﺲ ﺣﺎﺳﻲ ﺑﺄﻧﻮ ﺷﻮﻗﻮ ﻟﻲ ﺍﻣﻮ ﺍﻛﺒﺮ ﺑﻲ ﻛﺘﻴﺮ .. ﻻﻧﻮ ﻣﺮﺗﺒﻂ ﺑﻴﻬﺎ ﺍﺭﺗﺒﺎﻁ ﺷﺪﻳﺪ .. ﺛﺮﻳﺎ ﻣﻼﺣﻈﺔ ﺍﻧﻮ ﺍﻟﺼﺎﻓﻲ ﺑﺴﺮﺡ ﻛﺘﻴﺮ .. ﻭﻛﻞ ﻣﺮﺓ ﺑﺘﺤﺎﻭﻝ ﺗﺸﻐﻠﻮ .. ﻭﺗﻘﻮﻝ ﻟﻴﻬﻮ .. ﺍﻧﺖ ﻳﺎ ﺍﻟﺼﺎﻓﻲ ﻧﺘﻴﺠﺔ ﺍﻣﺘﺤﺎﻧﺎﺗﻚ ﺑﺘﻈﻬﺮ ﻣﺘﻴﻦ .. ؟ ﻭﺍﻟﻤﺪﺭﺳﺔ ﻛﺎﻧﺖ ﻛﻴﻒ ؟ ﻭﺍﺻﺤﺎﺑﻚ ﻓﻲ ﺍﻟﻔﺼﻞ ﻣﻨﻮ ﻭﻣﻨﻮ؟ ﻭﻛﺪﺍ ﻳﻌﻨﻲ ﺃﺳﺎﻟﺔ ﺍﻧﺼﺮﺍﻓﻴﺔ .. ﺑﺲ ﺍﻟﺼﺎﻓﻲ ﺍﻟﺤﺎﺳﻲ ﺑﻴﻬﻮ ﺍﻛﺒﺮ ﻣﻦ ﺍﻟﺘﻀﻠﻴﻞ ........

ﺍﻫﺎ ﻫﻨﺎﻙ ﻓﻲ ﺍﻟﻌﺼﺮﻳﺔ ﺍﺣﻤﺪ ﻭﺍﻻﻣﻴﻦ ﺭﻛﺒﻮ ﻣﺸﻮ ﺍﻟﺪﻛﺘﻮﺭ ﻳﺤﺠﺰﻭ .. ﻭﺻﻔﻮ ﻟﻴﻬﻢ ﺩﻛﺘﻮﺭ ﺑﺘﺎﻉ ﺍﻭﺭﺍﻡ ﺯﻭﻝ ﺷﺎﻃﺮ ﻭﻣﻌﺮﻭﻑ . .. ﺣﺠﺰﻭ ﻭﺟﻮ ﺭﺍﺟﻌﻴﻦ ﺑﺎﻟﻤﺴﺎﺀ .. ﺷﺮﺑﻮ ﺍﻟﺸﺎﻱ ﻭﺳﺎﻗﻮﺍﻳﻤﺎﻥ ﻭﺩﻭﻫﺎ ﻟﻴﻬﻮ . ﺍﻟﺪﻛﺘﻮﺭ ﺑﻘﻰ ﻳﺴﺄﻝ ﻓﻴﻬﺎ .. ﺍﻧﺘﻲ ﻣﻦ ﻣﺘﻴﻦ ﺑﺘﺸﻌﺮﻱ ﺑﺎﻟﺼﺪﺍﻉ؟ ..

ﺍﻳﻤﺎﻥ ﻗﺎﻟﺖ ﻟﻴﻬﻮ ﻭﺍﻟﻠﻪ ﻣﻦ ﺑﺪﺭﻱ ﺑﺲ ﻛﺎﻥ ﺧﻔﻴﻒ . ﻭﻋﺎﺩﻱ ﻭﺑﺠﻲ ﻭﺑﺮﻭﺡ ..

ﺑﺲ ﻓﻲ ﺍﻟﺸﻬﺮﻳﻦ ﺍﻟﻔﺎﺗﻦ ﺩﻳﻞ ﺑﻘﻰ ﻳﺸﺪ ﻋﻠﻲ ﺷﺪﻳﺪ ..

ﺑﺠﻴﻚ ﻓﻲ ﺍﻭﻛﺎﺕ ﻣﻌﻴﻨﺔ ﻭﻻ ﻋﻠﻰ ﻃﻮﻝ ؟ ﺑﺨﻒ ﻭﺑﺰﻳﺪ ﻭﻻ ﻣﺴﺘﻤﺮ ؟

ﺍﻟﻤﻬﻢ ﺳﺄﻟﻬﺎ ﺍﺳﺌﻠﺔ ﻛﺪﺍ ﺭﻭﺗﻴﻨﺔ ..

ﻗﺎﻡ ﺍﻻﻣﻴﻦ ﻗﺎﻝ ﻟﻴﻬﻮ .. ﻋﻤﻠﻨﺎ ﻟﻴﻬﺎ ﺍﻟﻔﺤﻮﺻﺎﺕ ﻟﻲ ﻛﻞ ﺣﺎﺟﺔ ﻓﻲ ﻋﻄﺒﺮﺓ .. ﻣﺎﻟﻘﻴﻨﺎ ﻋﻨﺪﻫﺎ ﺷﻲ .. ﻭﻋﻤﻠﻨﺎ ﺻﻮﺭﺓ ﻃﻠﻊ ﻓﻴﻬﺎ ﻭﺭﻡ ..

ﻗﺎﻝ ﻭﻳﻨﺎ ﺍﻟﺼﻮﺭﺓ ؟؟ ﺍﺩﻭﻫﻮ ﺍﻟﺼﻮﺭﺓ ﻋﺎﻳﻦ ﻟﻴﻬﺎ ﻛﺪﺍ .. ﻗﺎﻝ ﺍﻟﺼﻮﺭﺓ ﺩﻱ ﺍﺳﺎﺳﺎ ﻣﺎ ﻭﺍﺿﺤﺔ ﻛﻮﻳﺲ ..

ﻛﺘﺐ ﻟﻴﻬﻢ ﻓﺤﻮﺻﺎﺕ ﺟﺪﻳﺪﺓ .. ﻭﺻﻮﺭﺓ ﺍﺷﻌﺔ ﻭﺻﻮﺭ ﻣﻘﻄﻌﻴﺔ ﻟﻠﻤﺦ ﻭﻏﺎﺍﺍﺍﺍﻳﺘﻮ .. ﻭﻗﺎﻝ ﻟﻴﻬﻮ ﺟﻴﺐ ﻟﻲ ﺍﻟﻨﺘﺎﻳﺞ ﺩﻱ ﺑﻜﺮﺓ ..

ﻭﺍﻻﻣﻴﻦ ﺑﺲ ﺑﻔﺮﺗﻚ ﺭﺑﻄﺔ ﺭﺑﻄﺔ ﻣﻦ ﺍﻟﻘﺮﻭﺵ ﻭﻳﺪﻓﻊ .. ﻭﻟﻒ ﻏﺮﻳﺐ

ﺍﻟﻤﻬﻢ ﻳﺎﺯﻭﻝ ..

ﺍﻟﻨﺎﺱ ﺩﻳﻞ ﺑﻜﺮﺓ ﺟﺎﺑﻮ ﺍﻟﺼﻮﺭ ﻟﻠﺪﻛﺘﻮﺭ .. ﺍﻟﺪﻛﺘﻮﺭ ﺩﻩ ﺩﻛﺘﻮﺭ ﻣﻌﺮﻭﻑ ﻭﻟﻴﻬﻮ ﻭﺯﻧﻮ .. ﻣﻦ ﺍﻟﻜﻮﺍﺩﺭ ﺍﻟﻨﺎﺩﺭﺓ ﻓﻲ ﺍﻟﺒﻠﺪ ﺩﻱ . ﻭﻏﺮﻳﺒﺔ ﺍﻧﻮ ﻣﺎ ﻫﺎﺟﺮ ﺑﻲ ﻭﻟﻴﺪﺍﺗﻮ .. ﻻﻧﻮ ﺍﻟﺪﻛﺎﺗﺮﺓ ﺍﻟﻤﺘﻤﻴﺰﻳﻦ .. ﺍﻏﻠﺒﻴﺘﻬﻢ ﺧﻠﻮ ﺍﻟﺒﻠﺪ ﻭﻣﺸﻮ ﻳﻔﻴﺪﻭ ﻧﺎﺱ ﺑﺮﺓ .. ﻻﻧﻮ ﺑﻠﺪﻧﺎ ﺑﻘﺖ ﺻﻌﺒﺔ ﺍﻟﻤﻌﻴﺸﺔ ﻓﻴﻬﺎ .. ﺍﻟﺪﻛﺎﺗﺮﺓ ﺍﻟﻤﺘﻤﻴﺰﻳﻦ ﻓﻲ ﺍﻟﺒﻠﺪ ﺩﻱ ﺑﻘﻮ ﺑﺴﻴﻄﻴﻦ ﺟﺪﺍ ﺟﺪﺍ .. ﺍﻟﻐﺎﻟﺒﻴﺔ ﺍﻟﻌﻈﻤﻲ ﻣﻦ ﺍﻟﻘﺎﻋﺪﻳﻦ ﺩﻳﻞ ﻣﺴﺘﻮﻳﺎﺗﻬﻢ ﻣﺘﺪﻧﻴﻪ .. ﻭﺍﻻﺧﻄﺄﺀ ﺍﻟﻄﺒﻴﻪ ﺍﺻﺒﺤﺖ ﻻﺗﺤﺘﻤﻞ .. ﻭﻛﻮﻧﻮ ﻳﻤﻮﺕ ﺯﻭﻝ ﻧﺘﻴﺠﺔ ﺧﻄﺄ ﻃﺒﻲ .. ﺩﻱ ﻫﻢ ﺫﺍﺗﻬﻢ ﺍﺗﻌﻮﺩﻭ ﻋﻠﻴﻬﺎ .. ﻭﺑﻘﺖ ﻣﺎﺑﺘﺸﻜﻞ ﻟﻴﻬﺎ ﻓﺎﺭﻕ ﻛﺒﻴﺮ .. ﻟﻜﻦ ﺍﻟﺮﺍﺋﻌﻴﻦ ﻣﻦ ﺍﻻﻃﺒﺎﺀ ﻣﻮﺟﻮﺩﻳﻦ ﻭﻟﻮ ﻗﻠﻴﻞ .. ﺭﺑﻨﺎ ﻳﺘﻮﻻﻧﺎ ﺑﻲ ﺭﺣﻤﺘﻮ ﺑﺮﺍﻫﻮ ..

ﺍﻟﺪﻛﺘﻮﺭ ﻳﻠﺼﻖ ﺻﻮﺭﺓ ﺻﻮﺭﺓ ﻋﻠﻰ ﺍﻟﺸﺎﺷﺔ ﺍﻟﺒﻴﻀﺎﺀ ﺍﻟﻤﻀﻴﺌﺔ .. ﻭﻗﺎﻋﺪ ﻳﻌﺎﻳﻦ ﻟﻠﺼﻮﺭ ﺩﻱ .. ﻗﺮﻳﺐ ﺍﻟﻌﺸﺮﺓ ﺩﻗﺎﻳﻖ .. ﺍﻟﻤﻬﻢ ﻓﻲ ﺍﻟﻨﻬﺎﻳﺔ ﻃﻠﻊ ﻧﻈﺎﺭﺍﺗﻮ .. ﻭﺧﺘﺎﻫﺎ ﻓﻲ ﺍﻟﻄﺮﺑﻴﺰﺓ .. ﻭﻗﻌﺪ ﻭﻣﺴﻚ ﺍﻟﻘﻠﻢ .. ﻭﻗﻌﺪ ﻳﻜﺘﺐ ..

ﺍﻻﻣﻴﻦ ﻗﺎﻝ ﻟﻴﻬﻮ ﻳﺎﺩﻛﺘﻮﺭ ﻧﺤﻦ ﺭﺍﺟﻴﻨﻚ ﺗﻘﻮﻝ ﻟﻴﻚ ﻛﻠﻤﺔ ﻧﻄﻤﻦ ﺑﻴﻬﺎ ﻗﻠﻮﺑﻨﺎ ﻳﺎ ﺩﻛﺘﻮﺭ .. ﺍﻟﺪﻛﺘﻮﺭ ﻋﺎﻳﻦ ﻟﻴﻬﻮ ﻛﺪﺍ .. ﻭﻟﺴﺎﻥ ﺣﺎﻟﻮ ﺑﻘﻮﻝ ..

ﻣﺎﻟﻚ ﻳﺎﺭﻓﻴﻖ ﺑﺎﻟﺠﺮﺳﺔ ﻣﺎﺭﻕ ﺣﺴﻚ ..

ﺻﺪﺭﻙ ﻟﻴﻪ ﺑﻀﻴﻖ ﻭﻛﺖ ﺍﻟﻤﺼﻴﺒﺔ ﺗﺠﺴﻚ ..

ﻛﺎﻥ ﺩﺍﻳﺮ ﺍﻟﻜﻮﺍﺭﺙ ﻭﺍﻟﻤﺤﻦ ﻣﺎﺗﻤﺴﻚ ..

ﺷﻮﻑ ﻟﻚ ﻓﺠﺔ ﻏﻴﺮ ﻛﻮﻥ ﺍﻟﻠﻪ ﻛﺎﻥ ﺑﺪﻙ ..

ﻭﻗﻌﺪ ﻳﺘﻜﻠﻢ ﻣﻊ ﺍﻻﻣﻴﻦ .. ﻗﺎﻝ ﻟﻴﻬﻮ ﺍﻻﻧﺴﺎﻥ ﻻﺯﻡ ﻳﻜﻮﻥ ﻣﺆﻣﻦ ﻭﺭﺍﺿﻲ ﺑﺎﻗﺪﺍﺭ ﺍﻟﻠﻪ ﻣﻬﻤﺎ ﻛﺎﻧﺖ .. ﻳﻌﻨﻲ ﺍﻧﺖ ﺡ ﺗﻌﻤﻞ ﺷﻨﻮ ... ﻏﻴﺮ ﺗﺴﺘﺴﻠﻢ ﻻﻣﺮ ﺍﻟﻠﻪ .. ﺍﻟﻤﻮﺿﻮﻉ ﻳﺎﻫﻮ ﺫﺍﺗﻮ ﺍﻟﺨﺎﻳﻔﻴﻦ ﻣﻨﻮ .. ﺍﻧﻮ ﻓﻲ ﻭﺭﻡ ﻓﻲ ﺍﻟﻤﺦ .. ﺍﺳﻤﻮ ﺍﻟﻮﺭﻡ ﺍﻟﻘﺤﻔﻲ ﺍﻟﺴﺤﺎﺋﻲ .. ﻭﺩﻩ ﻃﺒﻌﺎ ﻟﻤﻦ ﻳﺠﻲ ﻻﻧﺴﺎﻥ ﺑﺎﻟﻎ ﻭﻛﺒﻴﺮ .. ﺻﺮﺍﺣﺔ ﺑﻜﻮﻥ ﺧﻄﻴﺮ .. ﻭﺍﻟﻤﻔﺮﻭﺽ ﻃﻮﺍﻟﻲ ﻧﺒﺪﺃ ﻓﻲ ﺍﻟﺘﺮﺗﻴﺐ ﻟﻌﻤﻠﻴﺔ ﺍﺳﺘﺌﺼﺎﻝ .

ﺍﻧﺎ ﺡ ﺍﻛﺘﺐ ﻟﻴﻜﻢ ﻓﺤﻮﺿﺎﺕ ﺗﺎﻧﻲ .. ﻟﻲ ﺣﺎﺟﺎﺕ ﻣﻌﻴﻨﺔ .. ﺍﺷﻮﻑ ﻋﻨﺪﻫﺎ ﻗﺎﺑﻠﻴﺔ ﻟﻠﻌﻤﻠﻴﺔ ﻭﻻﻻ ..

ﻭﺗﺎﺍﺍﺍﻧﻲ ﻓﺤﻮﺻﺎﺕ .. ﻭﺍﻟﻈﺎﻫﺮ ﺍﻧﻮ ﻓﻲ ﻣﺸﻜﻠﺔ ﺗﺎﻧﻴﺔ ﻣﺘﻌﻠﻘﺔ ﺑﺸﻨﻮ ﻛﺪﺍ ﻣﺎﻋﺎﺭﻑ .. ﺍﻟﻤﻬﻢ ﻗﺎﻟﻮ ﺍﻟﻌﻤﻠﻴﺔ ﻻﺯﻡ ﺗﻜﻮﻥ ﺑﻌﺪ ﺍﺳﺒﻮﻉ .. ﻓﻲ ﺣﺒﻮﺏ ﻣﻌﻴﻨﻪ ﻛﺪﺍ ﻻﺯﻡ ﺗﺴﺘﻌﻤﻼ ﻗﺒﻞ ﺍﻟﻌﻤﻠﻴﺔ ..

ﻟﻜﻦ ﺍﻟﻌﻤﻠﻴﺔ ﻛﺎﻧﺖ ﺭﺳﻮﻣﻬﺎ ﻛﺒﻴﺮﺓ ﺟﺪﺍ .. ﻭﻫﻲ ﻋﻤﻠﻴﺔ ﻧﺎﺩﺭﺓ ﻭﻣﻌﻘﺪﺓ .. ﻭﺑﺘﺘﻌﻤﻞ ﻓﻲ ﺍﻟﺴﻮﺩﺍﻥ ﻓﻲ ﺍﻟﻮﻛﺖ ﺩﺍﻙ .. ﻓﻲ ﺣﺘﺎﺕ ﻣﻌﻴﻨﺔ ..

ﻭﻋﺎﺩﺓ ﺍﻟﻨﺎﺱ ﺑﺴﺎﻓﺮﻭ ﻟﻴﻬﺎ ﺑﺮﺓ .. ﻟﻜﻦ ﺍﻟﻨﺎﺱ ﺩﻳﻞ ﻛﺎﻧﻮ ﻭﺍﺛﻘﻴﻦ ﻓﻲ ﺍﻟﺪﻛﺘﻮﺭ ﺩﻩ ..

ﺑﺲ ﺍﻟﺴﺆﺍﻝ ﺍﻟﺒﻄﺮﺡ ﻧﻔﺴﻮ .. ﺣﺘﻰ ﻭﻟﻮ ﺍﻟﺪﻛﺘﻮﺭ ﺷﺎﻃﺮ .. ﻫﻞ ﺍﻻﻣﻜﺎﻧﻴﺎﺕ ﺍﻟﻄﺒﻴﺔ ﻭﺍﻟﻌﻨﺎﻳﺔ ﻛﺎﻓﻴﺔ ﻻﺟﺮﺍﺀ ﻋﻤﻠﻴﺔ ﺑﻬﺬﻩ ﺍﻟﺨﻄﻮﺭﺓ .. ﻛﻞ ﺍﻟﻘﺮﻭﺵ ﺍﻟﻌﻨﺪ ﺍﻻﻣﻴﻦ ﻣﺎﺑﺘﻜﻔﻲ .. ﻭﺻﺪﻳﻖ ﺍﺧﻮﻫﺎ ﻣﻌﺎﻫﻮ ﻗﺮﻭﺵ ﺑﺴﻴﻄﺔ ﺑﺮﺿﻮ .. ﻭﺍﺣﻤﺪ ﻭﺩ ﺍﻟﻤﻠﻜﺔ ﻭﺍﻫﻠﻮ ﻋﺎﻣﻠﻴﻦ ﺭﺍﻳﺤﻴﻦ ..

ﻭﺍﻫﻞ ﺍﻳﻤﺎﻥ ﻭﺍﻻﻣﻴﻦ .. ﻣﺎ ﻛﺎﻧﻮ ﻣﺘﺨﻴﻠﻴﻦ ﺍﻟﻌﻤﻠﻴﺔ ﻗﺮﻭﺷﻬﺎ ﻗﺪﺭ ﺩﻩ ..

ﺍﻻﻣﻴﻦ ﻗﺎﻝ ﻟﻴﻬﻢ .. ﺍﻧﺎ ﺑﻮﺻﻠﻜﻢ ﺍﻟﺒﻴﺖ .. ﻭﺑﻜﺮﺓ ﺍﻟﺼﺒﺎﺡ ﻻﺯﻡ ﺍﺳﺎﻓﺮ ﻋﻄﺒﺮﺓ .. ﻭﺍﺗﺼﺮﻑ ﻗﺒﻞ ﻣﺎﻳﺠﻲ ﺍﻻﺳﺒﻮﻉ ﻭﺍﺟﻲ ﺭﺍﺟﻊ .. ﺍﻳﻤﺎﻥ ﻗﺎﻋﺪﺓ ﺗﺴﺘﻌﻤﻞ 3 ﺍﻧﻮﺍﻉ ﻣﻦ ﺍﻟﺤﺒﻮﺏ ..

ﻭﻓﻌﻼ ﺍﻻﻣﻴﻦ ﺳﺎﻓﺮ ﺍﻟﺼﺒﺎﺡ ﺑﺪﺭﻱ ﻣﺸﻰ ﻋﻄﺒﺮﺓ .. ﻭﺍﻭﻝ ﺯﻭﻝ ﻣﺸﻰ ﻟﻴﻬﻮ .. ﻣﺸﻰ ﻟﻲ ﻋﻄﻴﺔ .. ﻟﻘﺎﻫﻮ ﻓﻲ ﺑﻴﺘﻮ ﻭﺍﻟﺪﻛﺎﻥ ﺣﻘﻮ ﺑﺘﺎﻉ ﺍﻟﻌﺪﺓ ﺭﺍﺡ ﻓﻲ ﺣﻖ ﺍﻟﻠﻪ .. ﻣﺠﻬﺰ ﺟﻮﺍﺯﻭ ﻭﺍﻭﺭﺍﻗﻮ ﻛﻠﻬﺎ .. ﻭﻣﻨﺘﻈﺮ ﻣﻮﺍﻋﻴﺪ ﺍﻟﺴﻔﺮ ﺑﺲ ..

ﺟﺎﻫﻮ ﻋﻘﺪ ﻋﻤﻞ ﺑﺘﺎﻉ .. ﻣﻨﺪﻭﺏ ﻣﺒﻴﻌﺎﺕ ﻓﻲ ﺷﺮﻛﺔ .. ﻓﻲ ﺍﻟﺴﻌﻮﺩﻳﺔ ..

ﺑﺎﻟﻤﻨﺎﺳﺒﺔ .. ﻗﺎﻟﻮ ﻓﻲ ﺍﻟﺴﻌﻮﺩﻳﺔ ﻧﺎﺩﺭ ﻳﻮﻇﻔﻮ ﺳﻮﺩﺍﻧﻲ ﻣﻨﺪﻭﺏ ﻣﺒﻴﻌﺎﺕ .. ﻻﻧﻮ ﺍﻟﺴﻮﺩﺍﻧﻴﻴﻦ ﺻﻌﺒﻴﻦ ﻓﻲ ﺍﻟﺘﻌﺎﻣﻞ .. ﻭﻋﻨﺪﻫﻢ ﻋﺰﺓ ﻧﻔﺲ ﺯﺍﻳﺪﺓ ﻋﻦ ﺍﻟﺤﺪ ﺍﻟﻤﻌﻘﻮﻝ .. ﻭﻣﺎﺑﻌﺮﻓﻮ ﻳﺴﻮﻗﻮ ﻭﻳﻐﺮﻭﺍ ﺍﻟﺰﺑﻮﻥ .. ﻟﻜﻦ ﻣﺸﻬﻮﺭﻳﻦ ﺑﺎﻻﻣﺎﻧﺔ .. ﻋﺸﺎﻥ ﻛﺪﺍ ﺑﻤﺴﻜﻮﻫﻢ ﺍﻟﺤﺴﺎﺑﺎﺕ ﻭﺍﻻﻣﻮﺭ ﺍﻟﻤﺎﻟﻴﺔ .. ﺍﻣﺎ ﻣﺪﺭﺍﺀ ﺍﻟﺘﺴﻮﻳﻖ ﻭﻣﻨﺪﻭﺑﻲ ﺍﻟﻤﺒﻴﻌﺎﺕ ﺩﺍﻳﻤﺎ ﺑﻜﻮﻧﻮ ﻣﻦ ﺍﻟﻤﺼﺮﻳﻴﻦ .. ﻭﺍﻟﺸﻮﺍﻡ .. ﻻﻧﻬﻢ ﺑﻌﺮﻓﻮ ﻳﺘﻌﺎﻣﻠﻮ ﻣﻊ ﺍﻟﺰﺑﺎﻳﻦ .. ﻫﻪ ﻃﺒﻌﺎ ﺩﻩ ﻣﻔﻬﻮﻡ ﺷﺎﻳﻊ ﻓﻲ ﺍﻟﺴﻌﻮﺩﻳﺔ .. ﻟﻜﻦ ﻋﻄﻴﺔ ﺩﻩ ﻟﻴﻪ ﺍﺧﺘﺎﺭﻭﻩ ﻣﻨﺪﻭﺏ ﻣﺒﻴﻌﺎﺕ؟؟ .. ﻏﺎﻳﺘﻮ ﺍﻟﻠﻪ ﻏﺎﻟﺐ ..

ﺍﻟﻤﻬﻢ ﺍﻻﻣﻴﻦ ﻗﻌﺪ ﻳﺤﻜﻲ ﻟﻲ ﻋﻄﻴﺔ .. ﻭﻳﺒﻜﻲ ﻭﻳﺼﻮﺭ ﻟﻴﻬﻮ ﻓﻲ ﻣﻌﺎﻧﺎﺓ ﺍﻳﻤﺎﻥ .. ﻭﻋﻄﻴﺔ ﻃﺒﻌﺎ " ﻣﺎﻛﺎﻥ ﻋﻨﺪﻭ ﺍﻱ ﺧﺒﺮ ﺑﺎﻟﺘﻄﻮﺭﺍﺕ ﺍﻟﺤﺼﻠﺖ ﺩﻱ ..

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﻻﻣﻴﻦ .. ﺍﻧﺎ ﻟﻮ ﻣﺎ ﺩﺧﻠﺖ ﻗﺮﻭﺷﻲ ﻓﻲ ﺍﻟﺤﺎﺟﺎﺕ ﺩﻱ ..

ﻭﺍﻟﻠﻪ ﺍﻟﺪﻛﺎﻥ ﻛﻠﻮ ﻛﻨﺖ ﺍﺩﻓﻌﻮ ﻟﻴﻚ .. ﻋﺸﺎﻥ ﺍﻡ ﺍﻟﺼﺎﻓﻲ .. ﻟﻜﻦ ﺑﺴﺎﻋﺪﻙ ﺑﻲ ﺣﺎﺟﺔ .. ﺍﻧﺎ ﺑﺸﻮﻑ ﻟﻴﻚ ﺯﻭﻝ ﻳﺠﺮﺩ ﺍﻟﺪﻛﺎﻥ ﻳﺸﺘﺮﻳﻬﻮ ﻣﻨﻚ ﻛﺎﻣﻞ .. ﻭﻳﺪﻳﻚ ﻗﺮﻭﺷﻮ ﻋﻠﻰ ﺩﺍﻳﺮ ﺍﻟﻤﻠﻴﻢ .. ﺗﻤﺸﻲ ﺗﻌﺎﻟﺞ ﺍﻟﻤﺮﺍﺓ ﺑﻌﺪﻳﻦ ﺍﻟﻠﻪ ﻛﺮﻳﻢ ..

ﺍﻻﻣﻴﻦ ﻗﺎﻝ ﻟﻴﻬﻮ ﻣﺎﻋﻨﺪﻱ ﺍﻱ ﻣﺎﻧﻊ .. ﺍﻧﺎ ﻭﺍﻟﻠﻪ ﻣﻤﻜﻦ ﺍﺑﻴﻊ ﺭﻭﺣﻲ ﻓﻲ ﺍﻟﺴﻮﻕ ﻋﺸﺎﻥ ﺍﻳﻤﺎﻥ ..

ﻗﺎﻝ ﻟﻴﻬﻮ ﻗﺒﻞ ﻛﺪﺍ ﻛﻨﺖ ﺩﺍﻳﺮ ﺗﺒﻴﻊ ﺍﻳﻤﺎﻥ ﻋﺸﺎﻥ ﻭﺍﺣﺪﺓ ﻣﺎﺑﺘﺴﺎﻭﻱ ﻧﻌﺎﻟﻬﺎ ..

ﻋﻠﻴﻚ ﺍﻟﻠﻪ ﻫﺴﻲ ﺍﻟﺸﺤﻄﻮﺭﺓ ﺍﻟﺠﺎﺗﻨﻲ ﺩﻱ .. ﻛﻨﺖ ﺩﺍﻳﺮ ﺗﻌﺮﺳﻬﺎ ﻓﻮﻕ ﺍﻳﻤﺎﻥ؟؟ .. ﻭﻛﻤﺎﻥ ﺗﻤﺸﻲ ﺗﻠﻌﺐ ﺍﻟﻘﻤﺎﺭ .. ﻋﺸﺎﻥ ﺗﻮﻓﺮ ﻟﻴﻬﺎ ﺍﻟﺒﻴﺖ ..

ﻭﺍﻟﻠﻪ ﺍﻟﻤﺼﺎﻳﺐ ﺍﻟﺤﺎﺻﻠﺔ ﻋﻠﻴﻚ ﺩﻱ ﻛﻠﻬﺎ .. ﺗﻠﻘﺎﻫﺎ ﻣﻦ ﻗﺮﻭﺵ ﺍﻟﻘﻤﺎﺭ ﺍﻟﻜﺴﺒﺘﻬﺎ ﺍﻟﻴﻮﻡ ﺩﺍﻙ .. ﺍﻧﺖ ﻗﺎﻳﻞ ﺣﻖ ﺍﻟﺤﺮﺍﻡ ﺩﻩ ﺑﺮﻭﺡ ﺳﺎﻱ؟؟؟ ...

ﻗﺎﻝ ﻟﻴﻬﻮ ﺍﻧﺖ ﻗﺎﻳﻞ ﺍﻧﺎ ﻣﺎﻓﻜﺮﺕ ﻓﻲ ﺍﻟﻜﻼﻡ ﺩﻩ ﻳﺎﻋﻄﻴﺔ ؟؟

ﻟﻜﻦ ﻫﺴﻲ ﺍﺗﺼﺮﻑ ﻛﻴﻒ .. ﺍﻧﺎ ﻣﺴﺘﻌﺪ ﺍﺭﺟﻊ ﻟﻴﻬﻢ ﻗﺮﻭﺷﻬﻢ .. ﻟﻜﻦ ﻫﺴﻲ ﺍﻧﺎ ﻣﺤﺘﺎﺝ ﻻﻱ ﺗﻌﺮﻳﻔﺔ ﻭﺍﻟﻠﻪ .. ﻋﺸﺎﻥ ﺍﻟﻌﻤﻠﻴﺔ ﺍﻟﻤﺴﺘﻌﺠﻠﺔ ..

ﻋﻄﻴﺔ ﻗﺎﻝ ﻟﻴﻬﻮ ﻋﺎﺭﻑ ﻳﺎ ﺍﻻﻣﻴﻦ؟؟ .. ﻫﻮ ﺍﺻﻼ ﺧﻼﺹ ﺍﻟﺤﺼﻞ ﺣﺼﻞ .. ﻭﺍﻳﻤﺎﻥ ﺍﻟﻤﺮﺽ ﺍﺗﻤﻜﻦ ﻓﻴﻬﺎ .. ﻭﺗﺎﻧﻲ ﻣﺎﺑﺘﻘﺪﺭ ﺗﻨﻘﺬﻫﺎ .. ﻟﻜﻦ ﺍﻧﺎ ﺑﻘﺘﺮﺡ ﻟﻴﻚ ﺍﺗﺤﻠﻞ ﻣﻦ ﺍﻟﻘﺮﻭﺵ ﺍﻟﺪﺧﻠﺖ ﻋﻠﻴﻚ .. ﻋﻠﻰ ﺩﺍﻳﺮ ﺍﻟﻤﻠﻴﻢ .. ﻫﻬﻪ ‏( ﻳﻌﻨﻲ ﺣﻜﺎﻳﺔ ﺍﻟﺘﺤﻠﻞ ﺩﻱ ﻣﻦ ﺯﻣﺎﻥ ﻣﻮﺟﻮﺩﺓ ‏) .. ﻋﺸﺎﻥ ﻣﺎﺗﺤﺼﻞ ﻟﻴﻚ ﻛﺎﺭﺛﺔ ﺍﻧﺖ ﺍﻭ ﺗﻘﻊ ﻓﻲ ﺍﻟﺼﺎﻓﻲ ﻭﻟﺪﻙ ..

ﻭﻫﺴﻲ ﻣﺎﺗﻌﺎﻟﺞ ﻣﺮﺗﻚ ﺑﻲ ﻗﺮﻭﺵ ﺍﻟﺤﺮﺍﻡ .. ﺍﺗﺨﻠﺺ ﻣﻨﻬﺎ ﻧﺼﻴﺤﺔ ﻟﻴﻚ ..

ﻳﺎﺯﻭﻝ ﺍﻻﻣﻴﻦ ﺩﻩ ﺳﺮﺡ ﻣﺴﺎﺍﺍﺍﺍﻓﺔ ﻛﺪﺍ .. ﻭﺑﻘﻰ ﻳﻌﺎﻳﻦ ﻓﻲ ﺍﻟﻮﺍﻃﺔ ..

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻋﻄﻴﺔ ﺍﻧﺎ ﻗﺪﺭ ﻣﺎ ﺍﻓﻜﺮ ﻓﻲ ﺍﻟﻘﺼﺔ ﺩﻱ .. ﺑﺤﺲ ﺍﻧﻲ ﺍﻧﺎ ﺍﻟﺠﻨﻴﺖ ﻋﻠﻰ ﺍﻳﻤﺎﻥ ..

ﺍﻧﺎ ﺯﻣﺎﻥ ﺟﺪﻱ ﻛﺎﻥ ﺑﻘﻮﻝ ﻟﻲ .. ﺣﻖ ﺍﻟﺤﺮﺍﻡ ﺑﻴﺎﺧﺪ ﺍﻟﻮﺭﺍ ﻭﺍﻟﻘﺪﺍﻡ .. ﻟﻜﻦ ﺑﺲ ﺑﺼﻴﺮﺗﻲ ﻛﺎﻧﺖ ﻋﻤﻴﺎﺀ .. ﻭﻣﺎﻓﺘﺤﺖ ﺍﻻ ﺑﻌﺪ ﻓﻮﺍﺕ ﺍﻻﻭﺍﻥ ..

ﻋﻄﻴﺔ ﻗﺎﻝ ﻟﻴﻬﻮ " ﺍﻟﺠﻔﻠﻦ ﺧﻠﻬﻦ ﺍﻗﺮﻉ ﺍﻟﻮﺍﻗﻔﺎﺕ .."

ﺗﺮﺍ ﺍﻳﻤﺎﻥ ﻧﻔﺪ ﻓﻴﻬﺎ ﺍﻟﻘﺪﺭ .. ﻧﺤﻤﺪ ﺍﻟﻠﻪ ﻋﻠﻰ ﻛﻞ ﺣﺎﻝ .. ﺍﻧﺖ ﻫﺴﻲ ﺍﺗﺨﺎﺭﺝ ﻣﻦ ﻗﺮﻭﺵ ﺍﻟﺤﺮﺍﻡ .. ﺣﻔﺎﻇﺎ ﻋﻠﻰ ﺭﻭﺣﻚ ﻭﻭﻟﺪﻙ ﺍﻟﻔﺎﺿﻞ ﻟﻴﻚ ﻓﻲ ﺍﻟﺪﻧﻴﺎ ﺩﻱ ..

ﻗﺎﻝ ﻟﻴﻬﻮ ﻛﻮﻳﺲ ﻳﺎﻋﻄﻴﺔ .. ﺑﺲ ﺍﻧﺖ ﻫﺴﻲ ﺷﻮﻑ ﻟﻲ ﺯﻭﻝ ﻳﺠﺮﺩ ﻟﻲ ﺍﻟﺪﻛﺎﻥ ﻭﻳﺪﻳﻨﻲ ﺣﻘﻮ ﻭﺍﻧﺎ ﺍﺭﺟﻊ ﺳﺮﻳﻊ ..

ﻗﺎﻝ ﻟﻴﻬﻮ ﻗﻮﻡ ﺍﺭﺡ ﻫﺴﻲ ﻣﺎﺗﺮﺗﺎﺡ ﺫﺍﺗﻮ .. ﻭﻗﺎﻣﻮ ﻣﺸﻮ ﻋﻠﻰ ﺍﻟﺴﻮﻕ ..

ﻋﻄﻴﺔ ﻋﻨﺪﻭ ﻭﺍﺣﺪ ﺻﺎﺣﺒﻮ ﺑﺘﺎﻉ ﺩﻛﺎﻥ ﺍﺟﻤﺎﻟﻲ .. ﻣﻦ ﻣﻨﻄﻘﺔ ﺍﺳﻤﻬﺎ ﺑﺎﻧﺖ .. ﺑﺎﻧﺖ ﺩﻱ ﺟﻨﻮﺏ ﺩﺍﺭﻣﺎﻟﻲ ﻃﻮﺍﻟﻲ ﻭﺷﻤﺎﻝ ﻛﻨﻮﺭ .. ﺍﻟﺮﺍﺟﻞ ﻃﺒﻌﺎ ﻣﺸﻬﻮﺭ ﻓﻲ ﻋﻄﺒﺮﺓ .. ﻋﺸﺎﻥ ﻛﺪﺍ ﻧﺘﺤﻔﻆ ﻋﻠﻰ ﺍﺳﻤﻮ .. ﺍﻫﺎ ﻣﺸﻮ ﻟﻴﻬﻮ ﻭﺣﻜﻮ ﻟﻴﻬﻮ ﺍﻟﻘﺼﺔ .. ﺗﺘﺨﻴﻞ ﺍﻟﺮﺍﺟﻞ ﻗﻌﺪ ﻳﺒﻜﻲ .. ﻃﻮﺍﻟﻲ ﻗﺎﻝ ﻟﻲ ﻭﻟﺪﻭ .. ﺍﻣﺸﻲ ﻣﻊ ﻋﻄﻴﺔ ﻭﺍﻻﻣﻴﻦ ﺩﻳﻞ ﻫﺴﻲ .. ﺍﺟﺮﺩﻭ ﺍﻟﺪﻛﺎﻥ ﺩﻩ .. ﻭﺗﻌﺎﻝ ﺍﺩﻳﻬﻢ ﻗﺮﻭﺷﻢ .. ﻭﻗﻔﻞ ﺍﻟﺪﻛﺎﻥ ﻭﺟﻴﺐ ﻣﻔﺎﺗﻴﺤﻮ .. ﺳﺒﺤﺎﻥ ﺍﻟﻠﻪ .. ﻭﺍﻟﻠﻪ ﺍﻟﺒﻠﺪ ﺩﻱ ﻓﻴﻬﺎ ﺭﺟﺎﻝ ..

ﻟﻮ ﻣﺎﺟﻴﺖ ﻣﻦ ﺯﻱ ﺩﻳﻞ ﻭﺍﺳﻔﺎﻱ ﻭﺍﻣﺎﺳﺎﺗﻲ ﻭﺍﺫﻟﻲ ..

ﺍﻟﺪﻛﺎﻥ ﺍﺗﺠﺮﺩ ﻓﻲ ﺑﺎﻗﻲ ﺍﻟﻴﻮﻡ ﺩﺍﻙ .. ﻗﺮﻭﺷﻮ ﻛﺎﻧﺖ ﺧﻤﺴﺔ ﻣﻠﻴﻮﻥ ﻭﺍﺭﺑﻌﻤﻴﺔ .. ﺍﻟﺘﺎﺟﺮ ﻭﺩﺑﺎﻧﺖ ﺍﻟﻀﻮ ﺍﺩﺍﻫﻢ ﺳﺘﺔ ﻣﻠﻴﻮﻥ ..

ﻭﺍﻻﻣﻴﻦ ﺷﺎﻝ ﺍﻟﻘﺮﻭﺵ ﻭﻣﺸﻰ ﻣﻊ ﻋﻄﻴﺔ ﺍﻟﺒﻴﺖ .. ﻭﻗﺎﻝ ﻟﻲ ﻋﻄﻴﺔ ﺍﻧﺎ ﻻﺯﻡ ﺑﺎﻛﺮ ﺍﺷﻴﻞ ﺍﺗﻨﻴﻦ ﻣﻠﻴﻮﻥ ﺍﻭﺩﻳﻬﺎ ﻟﻠﻌﺬﺍﺑﺔ ﺩﻳﻞ .. ﻣﻜﺎﻥ ﻣﺎﺟﺒﺘﻬﺎ .. ﻗﺎﻝ ﻟﻴﻬﻮ ﺍﺣﺴﻦ ﻣﺎﻋﻤﻠﺖ .. ﺑﺎﻛﺮ ﺍﻟﺨﻤﻴﺲ ﺑﻨﻤﺸﻲ ﻋﻠﻴﻬﻢ ﺍﻧﺎ ﻭﺍﻧﺖ .. ﺍﻧﺎ ﺍﺻﻼ ﻣﺎﻋﻨﺪﻱ ﺷﻐﻠﺔ ﻓﺎﺍﺍﺍﺿﻲ ..

ﺍﻫﺎ ﻳﺎﺯﻭﻝ ﺑﻜﺮﺓ ﻣﺸﻮ ﻟﻠﻌﺬﺍﺑﺔ .. ﻋﻄﻴﺔ ﻟﻘﻰ ﻋﺒﺪ ﺍﻟﻤﻨﻌﻢ ﻗﺎﻋﺪ ﺑﺮﺍﻫﻮ .. ﻗﺎﻝ ﻟﻴﻬﻮ ﺍﻧﺎ ﺩﺍﻳﺮﻙ ﺗﻠﻢ ﻟﻲ ﺍﻟﻨﺎﺱ ﺍﻟﻜﺎﻧﻮ ﻻﻋﺒﻴﻦ ﻳﻮﻡ ﺍﻻﻣﻴﻦ ﺧﺮﺗﻜﻢ .. ﺑﺘﻘﺪﺭ ﺗﻠﻤﻬﻢ ﻟﻲ ﺑﺎﻛﺮ ..

ﻗﺎﻝ ﻟﻴﻬﻮ ﺩﺍﻳﺮ ﺑﻴﻬﻢ ﺷﻨﻮ؟ ﻗﺎﻝ ﻟﻴﻬﻮ ﺩﺍﻳﺮﻳﻦ ﻧﺮﺟﻊ ﻟﻴﻬﻢ ﻗﺮﻭﺷﻬﻢ ﺑﻲ ﺷﺮﻁ ﻟﻜﻦ ..

ﻗﺎﻝ ﻟﻴﻬﻮ ﺧﻼﺹ ﺍﺻﻼ ﺑﺎﻛﺮ ﺍﻟﺠﻤﻌﺔ ﺑﺘﻠﻤﻮ .. ﺗﻌﺎﻟﻮ ﻟﻴﻨﺎ ﺍﻟﺼﺒﺎﺡ ﻭﻧﺸﻮﻑ ﺍﻟﻜﻀﺐ ﻣﻦ ﺍﻟﺼﺢ .. ﺍﻫﺎ ﺍﻟﺼﺒﺎﺡ ﺑﺪﺭﻱ ﻋﻄﻴﺔ ﻭﺍﻻﻣﻴﻦ ﺟﻮ ﺑﻴﺖ ﺍﻟﻌﺬﺍﺑﺔ ﻭﻟﻘﻮ ﺍﻟﺠﻤﺎﻋﺔ ﻗﺎﻋﺪﻳﻦ .. ﻋﻄﻴﺔ ﻗﺎﻝ ﻟﻴﻬﻢ ﻳﺎﺣﻤﺎﻋﺔ ﻧﺤﻦ ﻗﺮﺭﻧﺎ ﻧﺮﺟﻊ ﻟﻴﻜﻢ ﻗﺮﻭﺷﻜﻢ ﺩﻱ ﺑﻲ ﺷﺮﻁ .. ﺗﺎﻧﻲ ﻣﺎﺗﻠﻌﺒﻮ ﻗﻤﺎﺭ ..

ﻗﻌﺪﻭ ﻳﻨﻘﻨﻘﻮ .. ﻭﺑﺘﺎﻉ .. ﻋﺒﺪ ﺍﻟﻤﻨﻌﻢ ﻗﺎﻝ ﻟﻴﻬﻮ ﻳﺎﺯﻭﻝ ﺍﻧﺎ ﺍﻭﻝ ﺯﻭﻝ ﺑﻌﺎﻫﺪﻙ .. ﻭﺍﺳﻤﻌﻮ ﻳﺎﺭﺟﺎﻟﺔ ﺍﻟﺒﻌﺎﻫﺪ ﺑﻨﺪﻳﻬﻮ ﺣﻘﻮ .. ﻭﺍﻟﻤﺎﺑﻌﺎﻫﺪ ﻣﺎﻋﻨﺪﻭ ﻋﻨﺪﻧﺎ ﺣﻖ .. ﺍﻟﻤﻬﻢ ﻛﻠﻬﻢ ﻗﺎﻟﻮ ﻟﻴﻬﻮ ﺧﻼﺹ ﺑﻨﻌﺎﻫﺪﻙ .. ﻟﻜﻦ ﻃﺒﻌﺎ ﻣﺎﻣﻌﺮﻭﻑ ﺻﺎﺩﻗﻴﻦ ﻭﻻ ﻛﺎﺫﺑﻴﻦ .. ﺍﻟﻤﻬﻢ ﺍﻻﻣﻴﻦ ﻭﺯﻉ ﻟﻴﻬﻢ ﻗﺮﻭﺷﻬﻢ ﻧﻔﺮ ﻧﻔﺮ ﻭﻃﻠﻌﻮ ﻫﻮ ﻭﻋﻄﻴﺔ .. ﻏﺎﻳﺘﻮ ﺍﻻﻣﻴﻦ ﻃﻠﻊ ﻣﺮﺗﺎﺡ ﻧﻔﺴﻴﺎ ﺍﻧﻮ ﺍﺗﺨﺎﺭﺝ ﻣﻦ ﻗﺮﻭﺵ ﺍﻟﺤﺮﺍﻡ

ﻟﻜﻦ ﺑﻌﺪ ﺷﻨﻮ؟ ﺑﻌﺪ ﻣﺎﺳﺒﻖ ﺍﻟﺴﻴﻒ ﺍﻟﻌﺰﻝ ..

ﺍﻟﺤﻤﺪﻟﻠﻪ ﻏﺎﻳﺘﻮ ..

ﺍﻟﻰ ﺍﻟﻠﻘﺎﺀ

ﺭﻭﺍﻳﺔ ﺍﻟﺼﺎﻓﻲ ..

ﺍﻟﺤﻠﻘﺔ 12

ﺑﻘﻠﻢ ﻃﺎﺭﻕ ﺍﻟﻠﺒﻴﺐ

ﻋﻄﻴﺔ ﻭﺍﻻﻣﻴﻦ ﻃﻠﻌﻮ ﻣﻦ ﺍﻟﻌﺬﺍﺑﺔ ﻓﺮﺣﺎﻧﻴﻦ ﻓﺮﺡ ﺷﺪﻳﺪ .. ﺍﻟﺤﻤﺪ ﻟﻠﻪ .. ﻭﺍﻻﻣﻴﻦ ﻛﺎﻥ ﻣﻘﻠﻖ ﻗﻠﻖ ﻏﺮﻳﺐ .. ﺑﺲ ﺩﺍﻳﺮ ﺑﺎﻱ ﻃﺮﻳﻘﺔ ﻳﺴﺎﻓﺮ ﻻﻧﻮ ﺧﻼ ﺍﻳﻤﺎﻥ ﻣﺘﺄﻟﻤﺔ ﺍﻟﻢ ﻻﻳﺤﺘﻤﻞ ..

ﻋﻄﻴﺔ ﻗﺎﻝ ﻟﻴﻬﻮ ﺍﺻﺒﺮ ﻻ ﺑﺎﻛﺮ .. ﺍﻟﻠﻴﻠﺔ ﺍﻟﺠﻤﻌﺔ ﺑﺎﻛﺮ ﺍﺭﻛﺐ ﺍﻟﺼﺒﺎﺡ ﺑﺪﺭﻱ .. ﻭﺍﻣﺸﻲ ﺍﺻﻼ ﺍﻟﻮﻗﺖ ﻣﻌﺎﻙ ..

ﻗﺎﻝ ﻟﻴﻬﻮ ﺍﻧﺖ ﻋﺎﺭﻑ ﻳﺎﻋﻄﻴﺔ .. ﺍﻧﻮ ﺍﻟﻘﺮﻭﺵ ﺩﻱ ﻣﺎﺑﺘﻜﻔﻲ ﺍﻟﻌﻤﻠﻴﺔ .. ﻭﺍﻧﺎ ﻣﺎﺷﻲ ﺍﻟﺨﺮﻃﻮﻡ .. ﺍﺷﻮﻑ ﺍﺣﻤﺪ ﻭﺩ ﺧﺎﻟﺔ ﺍﻳﻤﺎﻥ .. ﻟﻮ ﻳﺪﻳﻨﻲ ﺍﻥ ﺷﺎﺀ ﺍﻟﻠﻪ .. ﻭﺍﻟﻠﻪ ﻣﺎﻋﺎﺭﻑ ﺍﻋﻤﻞ ﺷﻨﻮ ﺫﺍﺗﻮ .. ﻗﺎﻝ ﻟﻴﻬﻮ ﻳﺎﺯﻭﻝ ﺧﻠﻴﻬﺎ ﻋﻠﻰ ﺍﻟﻠﻪ .. ﺑﺲ ﻻﺯﻡ ﺗﻨﺘﻈﺮ ﻻ ﺍﻟﺼﺒﺎﺡ ..

ﺍﻟﻤﻬﻢ ﺍﺻﺮ ﻋﻠﻴﻬﻮ ﺍﻧﻮ ﻳﻨﺘﻈﺮ ﻟﻠﺼﺒﺎﺡ ..

ﺍﻟﺼﺎﻓﻲ ﻓﻲ ﺍﻟﺒﻠﺪ ﺍﻣﻮ ﻓﺎﺭﻗﺔ ﻋﻠﻴﻬﻮ ﻓﺮﻗﺔ ﺷﺪﻳﺪ .. ﻭﻣﺎﻗﺎﺩﺭ ﻳﺴﺘﺤﻤﻞ ﻓﺮﺍﻗﻬﺎ ﻭﺑﺤﺎﻭﻝ ﻳﺤﻔﻲ ﻣﺸﺎﻋﺮﻭ ﻋﻦ ﻧﺎﺱ ﺍﻟﺒﻴﺖ ﻋﺸﺎﻥ ﻣﺎﻳﻘﻮﻟﻮ ﺷﺎﻓﻊ ﺻﻐﻴﺮ ..

ﻭﻫﺴﻲ ﻓﻲ ﺍﻟﻠﺤﻈﺔ ﺑﺘﻜﻠﻢ ﻣﻊ ﺧﺎﻟﺘﻮ ﻗﺎﻝ ﻟﻴﻬﺎ ﺍﻧﺘﻲ ﻳﺎﺧﺎﻟﺘﻮ ﺍﻣﻲ ﺩﻱ ﻣﺎ ﻛﻠﻤﺘﻚ ﻋﻴﺎﻧﺔ ﻋﻨﺪﻫﺎ ﺷﻨﻮ؟

ﻗﺎﻟﺖ ﻟﻴﻬﻮ ﺍﻣﻚ ﺑﺲ ﻋﻨﺪﻫﺎ ﺻﺪﺍﻉ ..

ﻗﺎﻝ ﻟﻴﻬﺎ ﻟﻜﻦ ﺍﻟﺼﺪﺍﻉ ﺩﻩ ﻳﺮﻭﺡ ﻣﻨﻬﺎ ﻣﺘﻴﻦ ﻭﺗﺠﻲ؟؟ .. ﻭﺍﻟﻠﻪ ﺍﻧﺎ ﺍﺷﺘﻘﺘﺎ ﻟﻴﻬﺎ ..

ﻗﺎﻟﺖ ﻟﻴﻬﻮ ﻭﺍﻟﻠﻪ ﻳﺎ ﺍﻟﺼﺎﻓﻲ .. ﻫﺴﻲ ﻫﻲ ﺳﺎﻓﺮﺕ ﺍﻟﺨﺮﻃﻮﻡ ﻟﻠﺪﻛﺘﻮﺭ .. ﻋﺸﺎﻥ ﻳﻌﺎﻟﺠﻬﺎ .. ﺑﺲ ﺍﻧﺖ ﻓﻲ ﺻﻼﺗﻚ ﺍﺩﻋﻲ ﻟﻴﻬﺎ ﺭﺑﻨﺎ .. ﻗﻮﻝ ﺭﺑﻨﺎ ﻳﺸﻔﻴﻬﺎ ﻭﺗﺮﺟﻊ ﻟﻴﻨﺎ ﺑﺎﻟﺴﻼﻣﺔ ..

ﻗﺎﻝ ﻟﻴﻬﺎ ﺍﻧﺎ ﻃﻮﺍﻟﻲ ﺑﻘﻮﻝ .. ﺑﻘﻮﻝ ﻳﺎﺭﺑﻨﺎ ﺗﺸﻔﻲ ﺍﻣﻲ .. ﻭﺟﻊ ﺍﻟﺮﺍﺱ ﻳﺮﻭﺡ ﻣﻨﻬﺎ ..

ﻭﺭﺑﻨﺎ ﺍﺻﻼ ﺍﻱ ﺣﺎﺟﺔ ﺍﻗﻮﻝ ﻟﻴﻬﻮ ﺍﻋﻤﻠﻬﺎ ﻟﻲ .. ﺑﻌﻤﻼ ﻟﻲ .. ﻭﻫﺴﻲ ﺍﻣﻲ ﺣﻴﺒﻘﻴﻬﺎ ﻛﻮﻳﺴﺔ .. ﺍﻧﺎ ﻣﺘﺄﻛﺪ .. ﺑﺲ ﻣﺎﻋﺎﺭﻑ ﻣﺘﻴﻦ ﺣﻴﺒﻘﻴﻬﺎ ﻛﻮﻳﺴﻪ ..

ﻗﺎﻟﺖ ﻟﻴﻬﻮ ﻭﺍﻧﺎ ﻣﺘﺄﻛﺪﺓ ﻳﺎ ﺍﻟﺼﺎﻓﻲ .. ﺭﺑﻨﺎ ﻣﺎ ﺡ ﻳﺨﻴﺐ ﻇﻨﻚ .. ﻭﺍﻧﺖ ﻛﻞ ﻣﺎ ﺻﻠﻴﺖ ﻭﺩﻋﻴﺖ .. ﻛﻞ ﻣﺎ ﺍﻣﻚ ﺑﻘﺖ ﻛﻮﻳﺴﺔ .. ﻗﺎﻝ ﻟﻴﻬﺎ ﻛﻮﻳﺲ ﺍﻧﺎ ﻋﻨﺪﻱ ﺣﺎﺟﺔ ﺑﺪﻋﻲ ﺑﻴﻬﺎ .. ﻛﻠﻤﺘﻨﻲ ﺑﻴﻬﺎ ﺍﻣﻲ .. ﻗﺎﻟﺖ ﻟﻴﻬﻮ ﺩﻋﺎﺀ ﺫﺍﻟﻨﻮﻥ ﻣﻮﺵ؟ ﻗﺎﻝ ﻟﺴﻬﺎ ﺍﻳﻮﺍ ﺍﻧﺘﺲ ﺍﻟﻜﻠﻤﻚ ﻣﻨﻮ؟

ﻗﺎﻟﺖ ﻟﻴﻬﻮ ﺩﻩ ﻃﻮﺍﻟﻲ ﺑﺘﻘﻮﻟﻮ ﺍﻣﻚ ﻣﻦ ﺯﻣﺎﻥ .. ﻧﺤﻦ ﺣﺎﻓﻈﻨﻮ ﻣﻨﻬﺎ ..

ﻭﺑﻘﻰ ﻛﻞ ﻣﺎﻳﺼﻠﻲ .. ﻳﻘﻮﻝ ﺩﻋﺎﺀ ﺫﻱ ﺍﻟﻨﻮﻥ ﻋﻠﻴﻪ ﺍﻟﺴﻼﻡ ﺍﻟﻮﺻﺘﻮ ﺑﻴﻬﻮ ﺍﻣﻮ .. ﻻ ﺍﻟﻪ ﺍﻻ ﺍﻧﺖ ﺳﺒﺤﺎﻥ ﺍﻧﻲ ﻛﻨﺖ ﻣﻦ ﺍﻟﻈﺎﻟﻤﻴﻦ ..

ﺍﻟﻠﻴﻠﺔ ﺍﻟﺼﺎﻓﻲ ﻗﺎﻡ ﺑﺎﻟﻠﻴﻞ .. ﻭﻗﻌﺪ ﻋﻠﻰ ﺣﻴﻠﻮ .. ﻭﺟﺎ ﺭﻗﺪ ﺟﻢ ﺧﺎﻟﺘﻮ .. ﻗﺎﻳﻠﻬﺎ ﺩﻱ ﺍﻣﻮ .. ﻛﺎﻥ ﻧﺎﺳﻲ ﺍﻧﻮ ﺍﻣﻮ ﺳﺎﻓﺮﺕ .. ‏( ﻧﻌﺴﺎﻥ ﻭﻛﺪﺍ ‏) ﻓﺠﺄﺓ ﺍﻧﺘﺒﻪ ﺍﻧﻮ ﺩﻱ ﺧﺎﻟﺘﻮ ﻣﺎ ﺍﻣﻮ ..

ﻗﺎﻡ ﺭﺟﻊ ﺳﺮﻳﺮﻭ .. ﻭﻗﻌﺪ ﻳﺒﻜﻲ ﺑﺎﻧﺘﺤﺎﺏ ﺧﻔﻲ .. ﻣﻦ ﺷﺪﺓ ﺷﻮﻗﻮ ﻟﻲ ﺍﻣﻮ ..

ﺧﺎﻟﺘﻮ ﺣﺴﺖ ﺑﻴﻬﻮ ﺑﺒﻜﻲ .. ﻋﺮﻓﺖ ﺍﻧﻮ ﺑﺒﻜﻲ ﻋﺸﺎﻥ ﻓﺎﻗﺪ ﺍﻣﻮ .. ﻭﻋﻤﻠﺖ ﻓﻴﻬﺎ ﻧﺎﻳﻤﺔ ..

ﺍﻟﻤﻬﻢ ﻫﻮ ﻗﺎﻡ ﻣﻦ ﺍﻟﺴﺮﻳﺮ .. ﺍﻟﻮﻟﺪ ﺍﺗﻮﺿﺎ ﺑﺮﺓ ﻭﺟﺎ ﻓﺮﺵ ﺍﻟﻤﺼﻼﻳﺔ ﻭﻗﻌﺪ ﻳﺼﻠﻲ ..

ﻭﺧﺎﻟﺘﻮ ﻣﺮﺍﻗﺒﺔ .. ﻭﻓﻲ ﺻﻼﺗﻮ ﻗﻌﺪ ﻳﺒﻜﻲ .. ﺑﻌﺪ ﻣﺎﺻﻠﻰ ﺭﻛﻌﺘﻴﻦ .. ﺭﻓﻊ ﺍﻳﺪﻳﻬﻮ ﺍﻟﺼﻐﻴﺮﻭﻧﺎﺕ ﺩﻳﻚ ﻭﻗﺎﻝ ..

ﻳﺎ ﺍﻟﻠﻪ ﺍﻧﺎ ﻛﺘﻴﺮ ﻗﻠﺖ ﻟﻴﻚ ﺍﺷﻔﻲ ﺍﻣﻲ .. ﻭﺭﻭﺡ ﻣﻨﻬﺎ ﺍﻟﺼﺪﺍﻉ .. ﻭﻗﻠﺖ ﻟﻴﻚ ﺟﻴﺒﻬﺎ ﻟﻲ ﺳﺮﻳﻊ .. ﺍﻧﺎ ﺍﺷﺘﻘﺖ ﻟﻴﻬﺎ .. ﻳﺎ ﺍﻟﻠﻪ ﺍﻧﺎ ﺑﺤﺒﻚ ﺷﺪﻳﺪ .. ﻭﺑﺤﺐ ﺍﻣﻲ ..

ﻟﻮ ﺍﻧﺖ ﻣﺎ ﺩﺍﻳﺮ ﺗﻌﺎﻟﺠﻬﺎ .. ﺧﻼﺹ ﺑﺲ ﺧﻠﻴﻬﻢ ﻳﻮﺩﻭﻧﻲ ﻟﻴﻬﺎ .. ﻓﻲ ﺍﻟﺨﺮﻃﻮﻡ ..

ﻟﻜﻦ ﺍﻧﺖ ﻣﺎﺣﺼﻞ ﺍﺑﻴﺖ ﻟﻲ ﻓﻲ ﺣﺎﺟﺔ .. ﺧﻠﻴﻬﺎ ﺗﺒﻘﻰ ﻛﻮﻳﺴﺔ ﺑﺲ .. ﺛﺮﻳﺎ ﺧﺎﻟﺘﻮ ﻗﻌﺪﺕ ﺗﺒﻜﻲ ﺟﻨﺲ ﺑﻜﺎ .. ﻭﻛﺎﺗﻤﺔ ﺑﻜﺎﻫﺎ .. ﻭﻗﺎﻟﺖ ﻳﺎﺑﺨﺘﻚ ﻳﺎ ﺍﻳﻤﺎﻥ ﺍﺧﺘﻲ .. ﻓﻌﻼ ﻭﻟﺪﺗﻲ ﻭﺭﺑﻴﺘﻲ .. ﺍﻟﻠﻪ ﻳﺤﻔﻈﻚ ﻳﺎ ﺍﻟﺼﺎﻓﻲ .. ﻣﺎﺷﺎﺀ ﺍﻟﻠﻪ ﺗﺒﺎﺭﻙ ﺍﻟﻠﻪ .. ﻳﺎﺭﻳﺖ ﺍﻻﻭﻻﺩ ﻛﻠﻬﻢ ﺯﻳﻚ ﻳﺎ ﺍﻟﺼﺎﻓﻲ ..

ﺍﻟﻜﻼﻡ ﺩﻩ ﻛﺎﻥ ﻳﻮﻡ ﺍﻟﺠﻤﻌﺔ ﺑﺎﻟﻠﻴﻞ .. ﻭﻓﻲ ﻧﻔﺲ ﺍﻟﻴﻮﻡ ﺍﺑﻮﻫﻮ ﻛﺎﻥ ﻣﺴﺎﻓﺮ ﺑﻜﺮﺓ ﺍﻟﺼﺒﺎﺡ ..

ﺍﻻﻣﻴﻦ ﺷﺎﻳﻞ ﻫﻢ ﺍﻟﺪﻧﻴﺎ ﻭﺍﻟﻌﺎﻟﻤﻴﻦ .. ﻣﻦ ﺍﻻﻟﻢ ﺍﻟﻌﻨﺪ ﺍﻳﻤﺎﻥ ﻭﻣﺎﻗﺎﺩﺭﺓ ﺗﺤﺘﻤﻠﻮ .

ﺍﻫﺎ ﻳﺎﺯﻭﻝ ﺍﻟﺼﺒﺎﺡ .. ﻗﺎﻡ ﻣﻌﺎﻫﻮ ﻋﻄﻴﺔ ﻭﻭﺻﻠﻮ ﺍﻟﻤﻮﻗﻒ .. ﻭﺭﻛﺐ ﻭﻭﺩﻋﻮ .. ﻭﻗﺎﻝ ﻟﻴﻬﻮ ﺍﻭﻝ ﻣﻦ ﺗﺼﻞ ﺍﺿﺮﺏ ﻟﻲ ﺗﻠﻔﻮﻥ ﻋﻨﺪ ﻋﻤﺮ .. ﺍﻧﺎ ﺑﻤﺸﻲ ﻟﻴﻬﻮ ﻣﺨﺼﻮﺹ .. ﻋﻤﺮ ﺩﻩ ﺟﺎﺭ ﺍﻟﺪﻛﺎﻥ ﺍﻟﺒﺎﻋﻮﻫﻮ ﺩﻩ ..

ﻭﻗﺎﻝ ﻟﻴﻬﻮ ﻳﺎ ﺍﻻﻣﻴﻦ ﻣﺎﺗﻨﺴﻰ ﻛﻼﻡ ﺫﺍ ﺍﻟﻨﻮﻥ .. ﻗﺎﻝ ﻟﻴﻬﻮ ﺣﻀﺮ ﺍﻥ ﺷﺎﺀ ﺍﻟﻠﻪ ..

ﺍﻫﺎ ﻳﺎﺯﻭﻝ ﺍﻻﻣﻴﻦ ﺍﺗﺤﺮﻙ .. ﻭﻋﻄﻴﺔ ﻧﻴﺘﻮ ﺍﻟﻄﻴﺒﺔ .. ﻭﻗﻠﺒﻮ ﺍﻻﺑﻴﺾ ﻇﺎﻫﺮﺓ ﻓﻮﻕ ﻧﻈﺮﺍﺕ ﺍﻟﻮﺩﺍﻉ .. ﺍﻟﻮﺩﻉ ﺑﻴﻬﺎ ﺍﻻﻣﻴﻦ ..

ﺍﻟﻤﺸﻜﻠﺔ ﺍﻟﻤﺆﺭﻗﺔ ﺍﻻﻣﻴﻦ .. ﺍﻧﻮ ﺍﻻﺭﺑﻌﺔ ﻣﻠﻴﻮﻥ ﺍﻟﺸﺎﻳﻼ ﺩﻱ .. ﻣﺎ ﺑﺘﻢ ﺣﻖ ﺍﻟﻌﻤﻠﻴﺔ .. ﻟﻜﻦ ﻛﺎﻥ ﺟﻮﺍﻫﻮ ﻳﻘﻴﻦ .. ﺍﻧﻮ ﺭﺑﻨﺎ ﺑﻔﺮﺟﻬﺎ ﻋﻠﻴﻬﻮ ..

ﺍﻻﻣﻴﻦ ﻭﺻﻞ ﺑﺤﺮﻱ ﺍﻟﺤﻨﻴﻨﺔ .. ﺯﻱ ﺍﻟﺴﺎﻋﺔ 11 ﻭﻧﺺ .. ﻭﻧﺰﻝ ﻃﻮﺍﻟﻲ ﻋﻠﻰ ﺍﻟﺒﻴﺖ ..

ﻟﻘﻰ ﺍﻟﻮﺿﻊ ﻓﻲ ﺍﻟﺒﻴﺖ ﻃﺒﻴﻌﻲ .. ﻭﺳﻠﻢ ﻋﻠﻰ ﺍﻟﻨﺎﺱ .. ﻭﻗﺎﻝ ﻟﻴﻬﻢ ﺍﻳﻤﺎﻥ ﻛﻴﻒ ؟ ﻗﺎﻝ ﻟﻴﻬﻮ ﻳﻬﺪﻳﻚ ﺑﺘﻮﺭﻕ ﻓﻲ ﺍﻟﻤﻠﻮﺧﻴﺔ ؟

ﺍﻻﻣﻴﻦ ﻧﻄﻂ ﻋﻴﻮﻧﻮ ﻗﺪﺭ ﺍﻟﻔﻨﺠﺎﻥ .. ﻃﻮﺍﻟﻲ ﻗﺎﻡ ﺟﺎﺭﻱ ﻋﻠﻴﻬﺎ ..

ﺷﻨﻮ ﻳﺎ ﺍﻳﻤﺎﻥ؟؟ ﺍﻧﺎ ﺧﻠﻴﺘﻚ ﺭﺍﻗﺪﺓ ﻭﻣﺎﻗﺎﺩﺭ ﺗﺘﻜﻠﻤﻲ ..

ﺑﻌﺪ ﺳﻠﻤﺖ ﻋﻠﻴﻬﻮ .. ﻗﺎﻟﺖ ﻟﻴﻬﻮ ﻭﺍﻟﻠﻪ ﺍﻟﺤﺒﻮﺏ ﺍﻻﺩﺍﻧﻲ ﻟﻴﻬﻦ ﺍﻟﺪﻛﺘﻮﺭ ﺩﻳﻞ .. ﻗﻮﻳﺎﺕ ﺷﺪﻳﺪ ﻳﺎ ﺍﻻﻣﻴﻦ .. ﺍﻧﺎ ﻣﻦ ﺍﻟﺒﺎﺭﺡ ﺑﻌﺪ ﺻﻼﺓ ﺍﻟﺠﻤﻌﺔ .. ﺣﺴﻴﺖ ﺑﺎﻧﻲ ﺑﺪﻳﺖ ﺍﺧﻒ ﺷﻮﻳﺔ ﺷﻮﻳﺔ ..

ﺻﺤﻴﺖ ﺍﻟﻠﻴﻠﺔ ﺻﻼﺓ ﺍﻟﺼﺒﺢ .. ﻟﻘﻴﺖ ﺍﻻﻟﻢ ﺷﺒﺔ ﺍﺧﺘﻔﻰ .. ﺑﺲ ﻟﺴﻪ ﺣﺎﺳﺔ ﺑﻲ ﺭﺍﺳﻲ ﺗﻘﻴﻞ ﻳﻌﻨﻲ .. ﻗﺎﻝ ﻟﻴﻬﺎ ﺧﻼﺹ ﺑﺲ ﺍﻧﺘﻲ ﺍﻟﺤﺒﻮﺏ ﺩﻱ ﻣﺎﺗﻮﻗﻔﻴﻬﺎ .. ﻟﻐﺎﻳﺔ ﻣﺎﻳﺠﻲ ﻳﻮﻡ ﺍﻟﻌﻤﻠﻴﺔ .. ﺍﻧﺎ ﺍﻛﺘﺮ ﺷﻲ ﻣﺰﻋﺠﻨﻲ ﺍﻻﻟﻢ ﺩﻩ .. ﻟﻮ ﺑﺮﻭﺡ ﺍﻻﻟﻢ ﻟﻐﺎﻳﺔ ﻳﻮﻡ ﺍﻟﻌﻤﻠﻴﺔ ﺑﻨﺸﻴﻠﻮ ﻣﻦ ﺟﺬﻭﺭﻭ ﻭﺧﻼﺹ ..

ﻗﺎﻟﺖ ﻟﻴﻬﻮ ﺍﻟﻠﻪ ﻳﺴﻬﻞ ﻳﺎ ﺍﻻﻣﻴﻦ .. ﺍﻋﻔﻰ ﻟﻲ ﻳﺎ ﺍﻻﻣﻴﻦ .. ﺗﻌﺒﺘﻚ ﻣﻌﺎﻱ ﺷﺪﻳﺪ .

ﻗﺎﻝ ﻟﻴﻬﺎ ﺍﻧﺘﻲ ﺑﺘﻘﻮﻟﻲ ﺷﻨﻮ ﻳﺎ ﺍﻳﻤﺎﻥ؟ .. ﺍﻧﺎ ﻭﺍﻟﻠﻪ ﻓﻲ ﺷﺎﻥ ﺷﻔﺎﻛﻲ ﻭﻋﻼﺟﻚ .. ﺍﺑﻴﻊ ﻧﻔﺴﻲ ﻓﻲ ﺳﻮﻕ ﺍﻟﻌﺒﻴﺪ .. ﺑﺲ ﺍﻧﺘﻲ ﺗﻜﻮﻧﻲ ﻛﻮﻳﺴﺔ ..

ﻗﺎﻟﺖ ﻟﻴﻬﻮ ﻭﺍﻟﻠﻪ ﺍﻟﺤﻤﺪ ﻟﻠﻪ ﻳﺎ ﺍﻻﻣﻴﻦ .. ﺍﻧﺎ ﺍﻟﺒﺸﻮﻓﻨﻲ ﻫﺴﻲ .. ﻣﺎﻳﺸﻮﻓﻨﻲ ﺍﻣﺲ ﺍﻟﺼﺒﺎﺡ .. ﺍﻣﺲ ﺣﺴﻴﺖ ﺍﻧﻲ ﻣﺎ ﺑﻘﻌﺪ ﻟﻐﺎﻳﺔ ﺍﻟﻤﺴﺎﺀ .. ﺑﺲ ﺍﻟﺤﻤﺪ ﻟﻠﻪ .. ﺍﻟﻨﺎﺱ ﻓﻲ ﺻﻼﺓ ﺍﻟﺠﻤﻌﺔ .. ﺣﺴﻴﺖ ﺍﻟﺼﺪﺍﻉ ﺑﺪﺍ ﻳﺨﻒ .. ﻭﻛﻞ ﺭﺍﺱ ﺭﺍﺱ ﺳﺎﻋﺔ ﺑﺨﻒ ﺑﺨﻒ .. ﺳﺒﺤﺎﻥ ﺍﻟﻠﻪ .. ﻣﻦ ﺍﻟﻌﺸﺎﺀ ﻧﻮﻣﺖ .. ﺑﻌﺪ ﻣﺎ ﻛﻨﺖ ﺑﺴﺎﻫﺮ ﺍﻟﻠﻴﻞ ﺯﻱ ﻟﻤﺒﺎﺕ ﺍﻟﺠﺎﻣﻊ .. ﻧﻮﻣﺖ ﺍﻟﺤﻤﺪ ﻟﻠﻪ ﻗﻤﺖ ﻗﺒﻴﻠﻚ ﻣﻊ ﺍﻟﻔﺠﺮ ﻧﺸﻴﻄﺔ ﻭﺟﺴﻤﻲ ﻣﺮﺗﺎﺡ .. ﻭﺍﻟﺼﺪﺍﻉ ﺷﺒﻪ ﻣﺨﺘﻔﻰ ﺑﺲ ﺣﺎﺳﺔ ﺑﺎﻟﺘﻘﻞ ﺯﻱ ﻣﺎﻗﻠﺖ ﻟﻴﻚ ﻭﺍﻟﺨﺪﺭ ..

ﻗﺎﻝ ﻟﻴﻬﺎ ﺑﺪﺍ ﻳﺨﻒ ﻣﻦ ﺻﻼﺓ ﺍﻟﺠﻤﻌﺔ ؟؟

ﻗﺎﻟﺖ ﻟﻴﻬﻮ ﺍﻱ ﻧﻌﻢ ..

ﻗﺎﻝ ﻟﻴﻬﺎ ﺳﺒﺤﺎﻥ ﺍﻟﻠﻪ ﻧﻔﺲ ﺍﻟﻮﻛﺖ ﺍﻻﻧﺎ .......... ﻭﻗﻄﻊ ﺍﻟﻜﻼﻡ ..

ﻗﺎﻟﺖ ﻟﻴﻬﻮ ﻧﻔﺲ ﺍﻟﻮﻛﺖ ﺷﻨﻮ ﻳﺎ ﺍﻻﻣﻴﻦ؟؟ .. ﻣﺎﻟﻚ ﻗﻄﻌﺖ ﺍﻟﻜﻼﻡ ..

ﻃﺒﻌﺎ ﻫﻮ ﺩﺍﻳﺮ ﻳﻘﻮﻝ ﻟﻴﻬﺎ ﺩﻩ ﻧﻔﺲ ﺍﻟﻮﻛﺖ ﺍﻻﺗﺨﻠﺼﺖ ﻓﻴﻬﻮ ﻣﻦ ﻗﺮﻭﺵ ﺍﻟﺤﺮﺍﻡ .. ﻟﻜﻦ ﻏﻠﺒﻮ ﻳﺘﻢ ﺍﻟﻜﻼﻡ .

ﻗﺎﻝ ﻟﻴﻬﺎ ﻧﻔﺲ ﺍﻟﻮﻛﺖ ﺍﻟﻜﻨﺖ ﺑﺪﻋﻲ ﻟﻴﻚ ﻓﻴﻬﻮ .. ﺣﺴﻴﺖ ﺑﺎﻧﻮ ﺭﺑﻨﺎ ﺍﺳﺘﺠﺎﺏ ﻟﻲ ..

ﻗﺎﻟﺖ ﻟﻴﻬﻮ ﻣﺎﺣﻜﻴﺖ ﻟﻴﻚ ﻭﺍﺧﺪﺕ ﻟﻴﻬﺎ ﺑﺴﻤﺔ ﻛﺪﺍ .. ﺷﻔﺖ ﻳﺎ ﺍﻻﻣﻴﻦ ﻗﺒﻴﻞ ﻗﺒﺎ ﺍﻟﺼﺒﺢ .. ﻭ ﺍﻧﺎ ﻧﺎﻳﻤﺔ ﺣﻠﻤﺎﻧﺔ ﺑﺎﻟﺼﺎﻓﻲ ﺑﺪﻋﻲ ﻟﻲ ﺩﻋﺎﺀ ﻳﻀﺤﻚ .. ﺑﺲ ﻣﺎﻓﺮﺯﺗﻮ ﺑﻘﻮﻝ ﻓﻲ ﺷﻨﻮ .. ﻟﻜﻦ ﺣﺴﻴﺖ ﺍﻧﻮ ﺭﺑﻨﺎ ﺣﻴﺴﺘﺠﻴﺐ ﻟﻴﻬﻮ .. ﺳﺒﺤﺎﻥ ﺍﻟﻠﻪ ..

ﻭﺍﻟﻠﻪ ﻳﺎﺟﻤﺎﻋﺔ ﻧﺎﺱ ﻛﺘﻴﺮﻳﻦ ﻣﻤﻜﻦ ﻳﻘﺮﻭ ﺍﻟﻘﺼﺔ ﺩﻱ .. ﻭﻳﻘﻮﻟﻮ ﺩﻱ ﻣﺒﺎﻟﻐﺎﺕ .. ﻟﻜﻦ ﻭﺍﻟﻠﻪ ﺍﻟﺰﻭﻝ ﺍﻟﺒﻜﻮﻥ ﻋﻨﺪﻭ ﻳﻘﻴﻦ ﺑﺎﻟﺪﻋﺎﺀ .. ﺑﺸﻮﻑ ﺍﻟﻌﺠﺎﺋﺐ ﻣﻦ ﺭﺏ ﺍﻟﻌﺎﻟﻤﻴﻦ . ﺑﺲ ﺍﻟﻤﺸﻜﻠﺔ ﺍﻧﻮ ﺍﻟﻨﺎﺱ ﺑﻘﺖ ﻳﻘﻴﻨﻬﺎ ﺿﻌﻴﻒ .. ﻭﺍﺟﺎﺑﺔ ﺍﻟﺪﻋﺎﺀ ﻛﺘﻴﺮ ﻣﻦ ﺍﻟﻨﺎﺱ ﺑﻘﻮ ﺑﺸﻮﻓﻮﻫﺎ ﻣﻦ ﺍﻟﻤﻌﺠﺰﺍﺕ .. ﻟﻜﻦ ﻭﺍﻟﻠﻪ ﺍﻟﻨﺎﺱ ﻟﻮ ﻣﺴﻜﺖ ﻓﻲ ﺭﺑﻨﺎ .. ﻭﺍﻟﺤﺖ ﻓﻲ ﺍﻟﺪﻋﺎﺀ ﻭﺍﻟﻠﻪ ﻳﺸﻮﻓﻮ ﺍﻟﻌﺠﺐ .. ﻭﺍﺳﺄﻝ ﻣﺠﺮﺏ ..

ﺍﻟﻤﻬﻢ ﺍﻻﻣﻴﻦ ﺍﺭﺗﺎﺡ ﻧﻔﺴﻴﺎ .. ﻭﺍﻟﺰﻭﻝ ﺩﻩ ﻓﺮﺡ ﺷﺪﻳﺪ ﺑﻲ ﺍﻧﻮ ﺍﻳﻤﺎﻥ ﺧﻒ ﻣﻨﻬﺎ ﺍﻻﻟﻢ .. ﻭﻗﺎﻝ ﻟﻴﻬﺎ ﺑﺲ ﺍﻟﺸﻲ ﺍﻟﻄﺎﻟﺒﻮ ﻣﻨﻚ ﺍﻟﺤﺒﻮﺏ ﺩﻱ .. ﻣﺎﺗﻮﻗﻔﻴﻬﺎ ﺍﺑﺪﺍ ..

ﻗﺎﻟﺖ ﻟﻴﻬﻮ ﻭﺍﻟﻠﻪ ﺍﻥ ﺷﺎﺀ ﺍﻟﻠﻪ ﻳﺎ ﺍﻻﻣﻴﻦ .. ﻗﺎﻟﺖ ﻟﻴﻬﻮ ﻳﺎ ﺍﻻﻣﻴﻦ ﺍﻧﺎ ﻃﺎﻟﺒﺔ ﻣﻨﻚ ﻃﻠﺐ .. ﻳﺎﺭﻳﺖ ﻣﺎﺗﺮﺩﻧﻲ .. ﺧﻠﻲ ﺻﺪﻳﻖ ﺍﺧﻮﻱ ﻳﻤﺸﻲ ﻳﺠﻴﺐ ﻟﻲ ﺍﻟﺼﺎﻓﻲ ﻋﻠﻴﻚ ﺍﻟﻠﻪ ﻳﺎ ﺍﻻﻣﻴﻦ ..

ﻗﺎﻝ ﻟﻴﻬﺎ ﺍﻧﺎ ﻳﺎ ﺍﻳﻤﺎﻥ ﻭﺍﻟﻠﻪ ﺫﺍﺗﻲ ﺍﺷﺘﻘﺖ ﻟﻠﺼﺎﻓﻲ .. ﻟﻜﻦ ﻛﻠﻬﺎ ﻛﻢ ﻳﻮﻡ ﻭﺗﻌﻤﻠﻲ ﻋﻤﻠﻴﺘﻚ ﻭﺗﻤﺸﻲ ﻟﻴﻬﻮ .. ﻣﺎﻓﻲ ﺩﺍﻋﻲ ﻧﺘﻠﺘﻞ ﺍﻟﻮﻟﺪ ﻳﺴﺎﻓﺮ ﻭﻳﺠﻴﺐ ﺩﺍﻙ ﻭﻳﺠﻲ .. ﻗﺎﻟﺖ ﻟﻴﻬﻮ ﺍﻧﺎ ﻛﻠﻤﺖ ﺻﺪﻳﻖ ﻭﻣﺎﻋﻨﺪﻭ ﻣﺎﻧﻊ .. ﺑﺲ ﺭﺍﺟﻴﻦ ﻣﻮﺍﻓﻘﺘﻚ ..

ﻗﺎﻝ ﻟﻴﻬﺎ ﻛﻮﻳﺲ ﻛﻮﻳﺲ .. ﺍﻥ ﺷﺎﺀ ﺍﻟﻠﻪ . ﻫﺴﻲ ﺍﺣﻤﺪ ﻭﻳﻦ ؟ ﻗﺎﻟﺖ ﻟﻴﻬﻮ ﻣﺎﺭﺟﻊ ﻣﻦ ﺍﻟﺸﻐﻞ .. ﺍﻟﻤﻠﻜﺔ ﻭﻋﺸﺔ ﻭﻧﺎﺱ ﺍﻟﺒﻴﺖ ﻛﻠﻬﻢ ﻣﺴﺘﺒﺸﺮﻳﻦ ﺧﻴﺮ .. ﻻﻧﻮ ﻗﺒﻴﻞ ﻓﻲ ﺟﺎﺭﺗﻬﻢ ﺩﻛﺘﻮﺭﺓ ﺻﻐﻴﺮﺓ ﻛﺪﺍ .. ﺟﺎﺕ ﺍﻟﻠﻴﻠﺔ ﺍﻟﺼﺒﺎﺡ .. ﻗﺎﻟﺖ ﻟﻴﻬﻢ ﻣﺎﺩﺍﻡ ﺍﻻﻟﻢ ﺧﻒ ﻡ .. ﻋﻨﺎﻫﺎ ﺍﻟﺒﺘﺎﻉ ﺩﻩ ﻣﺎﻳﺎﻫﻮ ﺍﻟﺤﺎﺟﺔ ﺍﻟﺨﺎﻳﻔﻴﻦ ﻣﻨﻬﺎ ﺩﻳﻚ ..

ﻭﻗﺎﻟﺖ ﻟﻴﻬﺎ ﻭﻗﻔﻲ ﺍﻟﻤﺴﻜﻦ .. ﻧﺸﻮﻑ ﻟﻐﺎﻳﺔ ﺍﻟﻤﺴﺎﺀ ﺍﻟﺒﺤﺼﻞ ﺷﻨﻮ ..

ﻗﺎﻟﺖ ﻟﻴﻬﺎ ﺍﻟﻤﺴﻜﻦ ﻣﻦ ﺍﻟﺒﺎﺭﺡ ﺍﻟﻤﺴﺎﺀ ﺗﺎﻧﻲ ﺍﻧﺎ ﻣﺎﺑﻠﻌﺘﻮ .. ﺑﺲ ﺷﻐﺎﻟﺔ ﻓﻲ ﺍﻟﺤﺒﻮﺏ ﺍﻻﺩﺍﻧﻲ ﻟﻴﻬﺎ ﺍﻟﺪﻛﺘﻮﺭ .. ﻗﺎﻟﻮ ﻣﻀﺎﺩﺍﺕ ﺣﻴﻮﻳﺔ ..

ﺍﻻﻣﻴﻦ ﻣﺸﻰ ﺑﻲ ﻏﺎﺩﻱ ﻟﻘﻰ ﺻﺪﻳﻖ ﻗﺎﻋﺪ .. ﺳﻠﻢ ﻋﻠﻴﻬﻮ ﻭﺑﺴﺄﻝ ﻓﻴﻬﻮ ..

ﻗﺎﻡ ﺻﺪﻳﻖ ﻗﺎﻝ ﻟﻴﻬﻮ .. ﻳﺎ ﺍﻻﻣﻴﻦ ﺍﻳﻤﺎﻥ ﺩﻱ ﺩﺍﻳﺮﺍﻧﻲ ﺍﺳﺎﻓﺮ ﺍﺟﻴﺐ ﺍﻟﺼﺎﻓﻲ ..

ﻭﺍﻧﺎ ﻣﻦ ﺭﺍﻱ ﺍﻟﻤﻔﺮﻭﺽ ﺍﺳﺎﻓﺮ ﺍﺟﻴﺒﻮ .. ﻟﻲ ﻧﻔﺴﻴﺎﺗﻬﺎ ﺳﺎﻱ . ﺭﺍﻳﻚ ﺷﻨﻮ؟

ﺍﻻﻣﻴﻦ ﻗﺎﻝ ﻟﻴﻬﻮ ﻛﻮﻳﺲ ﺧﻼﺹ .. ﺑﺎﻛﺮ ﺳﺎﻓﺮ ﻃﻮﺍﻟﻲ ..

ﻗﺎﻝ ﻟﻴﻬﻮ ﺑﺎﻛﺮ ﻟﻴﻪ ﻳﺎ ﺍﻻﻣﻴﻦ ﻫﺴﻲ ﺑﻤﺸﻲ ﻣﻮﻗﻒ ﺷﻨﺪﻱ .. ﺍﻟﻀﻬﺮ ﺑﻜﻮﻥ ﻫﻨﺎﻙ .. ﺑﺎﻛﺮ ﺑﺠﻴﺒﻮ ﻭﺑﺠﻲ .. ﻓﻄﺮ ﻭﺍﺗﺤﺮﻙ ﻣﺸﻰ ﻳﺠﻴﺐ ﺍﻟﺼﺎﻓﻲ ..

ﺍﻟﻜﻼﻡ ﺩﻩ ﻛﺎﻥ ﻳﻮﻡ ﺍﻟﺴﺒﺖ .. ﻭﺍﻟﻤﻔﺮﻭﺽ ﺍﻳﻤﺎﻥ ﻳﻜﻮﻥ ﻋﻨﺪﻫﺎ ﻣﻘﺎﺑﻠﺔ ﻳﻮﻡ ﺍﻻﺗﻨﻴﻦ .. ﻋﺸﺎﻥ ﺍﻟﻌﻤﻠﻴﺔ ﺡ ﺗﻜﻮﻥ ﻳﻮﻡ ﺍﻟﺘﻼﺗﺎ ..

ﻟﻐﺎﻳﺔ ﺍﻟﻤﺴﺎﺀ ﻣﺎﻓﻲ ﺍﻱ ﻣﺴﻜﻨﺎﺕ .. ﻟﻜﻦ ﺭﺟﻊ ﺻﺪﺍﻉ ﺧﻔﻴﻒ ﺟﺪﺍ ﻣﺴﺘﻤﺮ .. ﺑﺲ ﻣﻘﺪﻭﺭ ﻋﻠﻴﻬﻮ ... ﻭﺑﺎﻟﻠﻴﻞ ﻗﺪﺭﺕ ﺗﻨﻮﻡ ﻋﺎﺩﻱ .. ﻭﺻﺤﺖ ﺍﻟﺼﺒﺎﺡ .. ﻭﻛﺪﺍ ﻳﻮﻣﻴﻦ ﺑﺪﻭﻥ ﻣﺴﻜﻨﺎﺕ ﻭﺍﻟﺼﺪﺍﻉ ﻣﻮﺟﻮﺩ ﺑﺲ ﺧﻔﻴﻒ .. ﻳﻌﻨﻲ ﻣﺎﻓﻲ ﺍﻱ ﻣﻘﺎﺭﻧﺔ ﺑﻴﻨﻮ ﻭﺑﻴﻦ ﺍﻟﺼﺪﺍﻉ ﺍﻟﺠﺎﺕ ﺑﻴﻬﻮ ﻣﻦ ﺍﻫﻠﻬﺎ ..

.. ﺍﻫﺎ ﺗﻌﺎﻟﻮ ﻧﺸﻮﻑ ﻟﻤﻦ ﺻﺪﻳﻖ ﺍﺧﻮ ﺍﻳﻤﺎﻥ ﻭﺻﻞ ﻟﻲ ﻟﻠﺒﻠﺪ ﻋﺸﺎﻥ ﻳﺴﻮﻕ ﺍﻟﺼﺎﻓﻲ ..

ﺍﻭﻝ ﻣﺎ ﺻﺪﻳﻖ ﻭﺻﻞ ﺍﻟﺒﻴﺖ ﻭﺩﻕ ﺍﻟﺒﺎﺏ .. ‏( ﺳﺎﻻﻡ ﻋﻠﻴﻜﻮﻭﻭﻭﻭﻡ ‏) .. ﺍﻟﺼﺎﻓﻲ ﺳﻤﻌﻮ ,, ﻗﺎﻝ ﻟﻴﻬﺎ ﺛﺮﻳﺎ ﺛﺮﻳﺎ .. ﻭﺍﻟﻠﻪ ﺍﺷﺎﺭﻃﻚ ﺩﻩ ﺧﺎﻟﻲ ﺻﺪﻳﻖ ..

ﻗﺎﻟﺖ ﻟﻴﻬﻮ ﻛﻀﺎﺏ .. ﺻﺪﻳﻖ ﺍﻟﺒﺠﻴﺒﻮ ﺷﻨﻮ؟

ﻗﺎﻝ ﻟﻴﻬﺎ ﺍﻫﺎ ﻣﻦ ﻛﻢ ﻟﻲ ﻛﻢ؟؟ ﻗﺒﻞ ﻣﺎﻳﺠﻲ .. ﻗﺎﻟﺖ ﻟﻴﻬﻮ .. ﻣﻦ ﺣﺒﺔ ﻣﻨﻘﺔ ﻟﻲ ﺣﺒﺔ ﻣﻨﻘﺔ .. ﻗﺎﻝ ﻟﻴﻬﺎ ﺍﻫﺎ ﻋﺎﻳﻨﻲ ﻟﻴﻬﻮ ﺩﻩ ﻣﻨﻮ؟

ﻭﺍﻟﺼﺎﻓﻲ ﺟﺮﻱ ﻳﺴﻠﻢ ﻋﻠﻰ ﺻﺪﻳﻖ .. ﻣﺴﻜﻮ ﻣﻦ ﻳﺪﻭ ﻛﺪﺍ ﺑﺴﻠﻢ ﻋﻠﻴﻬﻮ ﻭﺍﻟﺼﺎﻓﻲ ﺑﻌﺎﻳﻦ ﻟﻠﺒﺎﺏ .. ﺩﺍﻳﺮ ﻳﺸﻮﻑ ﺍﻣﻮ ﻭﺍﺑﻮﻫﻮ ﺟﻮ ؟

ﺻﺪﻳﻖ ﻗﺎﻝ ﻟﻴﻬﻮ ‏( ﻫﺎ ﺟﻨﺎ ﻫﺎ ‏) .. ﺑﺘﻌﺎﻳﻦ ﻟﺸﻨﻮ؟ ﺍﻣﻚ ﻓﻲ ﺍﻟﺨﺮﻃﻮﻡ ..

ﺍﻟﺼﺎﻓﻲ ﺟﺎﻫﻮ ﺍﺣﺒﺎﻁ .. ﻭﻣﺪ ﻗﺪﻭﻣﻮ ﻛﺪﺍ .. ﺻﺪﻳﻖ ﻗﺎﻝ ﻟﻴﻬﻮ ﻟﻜﻦ ﻳﺎ ﺍﻟﺼﺎﻓﻲ ﺍﻧﺎ ﻋﻨﺪﻱ ﻟﻴﻚ ﺑﺸﺎﺭﺓ .. ﺗﺪﻓﻊ ﻛﻢ ﻭﺍﻗﻮﻻ ﻟﻴﻚ ؟ ﻗﺎﻝ ﻟﻴﻬﻮ ﺑﺪﻳﻚ ﺣﺒﺔ ﺍﻟﻤﻨﻘﺔ ..

ﻗﺎﻝ ﻟﻴﻬﻮ ﻳﺎﺗﻮﺣﺒﺔ ﻣﻨﻘﺔ ؟ ﻗﺎﻟﻴﻬﻮ ﺣﻘﺔ ﺷﺮﺍﻃﻲ ﻣﻊ ﺧﺎﻟﺘﻲ ﺛﺮﻳﺎ .. ﺑﺲ ﺍﻧﺖ ﻗﻮﻝ ﻟﻲ ﺍﻟﺒﺸﺎﺭﺓ ..

ﻗﺎﻝ ﻟﻴﻬﻮ ﻳﺎ ﺯﻭﻝ ﺍﺍﺗﻔﻘﻨﺎ .. ﺍﻟﺒﺸﺎﺭﺓ ﻫﻲ ....... ﻭﺳﻜﺖ ﻗﻌﺪ ﻳﻀﺤﻚ ..

ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﻳﺎ ﺧﺎﻟﻲ ﺗﻘﻮﻭﻭﻭﻝ .. ﻭﺍﻟﻠﻪ ﻫﺴﻲ ﺍﻧﺎ ﺑﺒﻜﻲ ﻟﻴﻚ .. ﺑﻄﻮﻝ ﺣﺴﻲ ..

ﻗﺎﻝ ﻟﻴﻬﻮ ﻻﻻ ﺍﻭﻋﻚ .. ﺍﻟﺒﺸﺎﺭﺓ ﻫﻲ ﺍﻧﻮ ﺍﻧﺎ ﺳﺎﻳﻘﻚ ﺍﻟﺨﺮﻃﻮﻡ ﺑﺎﻛﺮ ﺍﻟﺼﺒﺎﺡ ﻻﻣﻚ ﻭﺍﺑﻮﻙ .. ﻳﺎﺯﻭﻝ ﺍﻟﺼﺎﻓﻲ ﺩﻩ ﻗﻌﺪ ﻳﻨﻄﻂ ﻭﻳﻌﺮﺽ

ﺯﻱ ﻋﺮﺿﺔ ﻧﺎﺱ ﺍﻟﺪﻟﻮﻛﺔ .. ﻫﻬﻪ ..

ﺻﺪﻳﻖ ﻗﺎﻝ ﻟﻲ ﺛﺮﻳﺎ ﺍﺑﻮﻱ ﻭﻳﻦ .. ؟ ﻗﺎﻟﺖ ﻟﻴﻬﻮ ﺍﺑﻮﻱ ﺗﺤﺖ ﻓﻲ ﺍﻟﺰﺭﺍﻋﺔ ..

ﻗﺎﻝ ﻟﻴﻬﺎ ﺍﻟﺒﺸﺎﺭﺓ ﺍﻻﻛﺒﺮ ﻣﻦ ﻛﺪﺍ ,, ﺍﻧﺖ ﻣﺎﻋﺎﺭﻓﺎﻫﺎ ..

ﺍﻳﻤﺎﻥ ﺍﻟﺼﺪﺍﻉ ﺧﻒ ﻣﻨﻬﺎ ﺷﺪﻳﺪ .. ﻭﺍﺣﺘﻤﺎﻝ ﻣﺎﺗﺤﺘﺎﺝ ﻻﻱ ﻋﻤﻠﻴﺔ .. ﻭﻻ ﺟﺮﺍﺣﺔ .. ﻗﺎﻟﺖ ﻟﻴﻬﻮ ﺍﻭﻋﻚ ﺗﻜﻀﺐ .. ﺍﻟﻤﺮﺽ ﺍﻟﻌﻨﺪﻫﺎ ﺩﻩ ﻗﺎﻟﻮ ﺃﺻﻼ ﻣﺎﺑﺮﻭﺡ ﻳﺎﺻﺪﻳﻖ .. ﺍﻻ ﻳﻜﺘﻞ ﺍﻟﺰﻭﻝ ..

ﻗﺎﻝ ﻟﻴﻬﺎ ﻭﺍﻟﻠﻪ ﺍﻟﺤﻘﻴﻘﺔ ﻓﻲ ﺩﻛﺘﻮﺭﺓ ﺻﻐﻴﺮﺓ ﻛﺪﺍ .. ﻗﺎﻟﺖ ﺍﺣﺘﻤﺎﻝ ﺍﻟﻤﺮﺽ ﺩﻩ ﻣﺎﻳﻜﻮﻥ ﻋﻨﺪ ﺍﻳﻤﺎﻥ ﻣﻦ ﺍﺳﺎﺳﻮ .. ﻗﺎﻟﺖ ﻟﻴﻬﻮ ﺍﻥ ﺷﺎﺀ ﺍﻟﻠﻪ ﻳﺎﺻﺪﻳﻖ ﻣﻦ ﺧﺸﻢ ﻭﻟﻲ ﺑﺎﺏ ﺍﻟﺴﻤﺎﺀ ﻳﺎﻭﺩ ﺍﻣﻲ ..

ﺍﻟﺼﺒﺎﺡ ﻳﺎﺯﻭﻝ ﺻﺪﻳﻖ ﻟﺒﺲ ﺍﻟﺼﺎﻓﻲ ﺍﻟﺼﺒﺎﺡ ﺑﺪﺭﻱ ﻭﺷﺎﻝ ﻟﻴﻬﻮ ﻫﺪﻳﻤﺎﺗﻮ ﻓﻲ ﻫﺎﻧﺒﺎﻙ ﻭﺳﺎﻗﻮ ﻣﻦ ﺍﻳﺪﻭ ﻋﻠﻰ ﺍﻟﻤﻮﺍﺻﻼﺕ .. ﺍﻫﺎ ﻟﻤﻦ ﻭﺻﻠﻮ ﻫﻨﺎﻙ .. ﻛﺎﻥ ﺍﻟﻠﻘﺎﺀ ﻣﺒﻜﻲ ﺑﻴﻦ ﺍﻟﺼﺎﻓﻲ ﻭﺍﻣﻮ .. ﺍﻭﻝ ﻣﻦ ﺟﺎ ﺩﺧﻞ ﺍﻟﺒﻴﺖ ﻛﺪﺍ ﻋﺎﻳﻦ ﻟﻲ ﺍﻣﻮ ﻣﺎﻗﺪﺭ ﻳﺘﻜﻠﻢ ﺑﺲ ﺩﻣﻮﻋﻮ ﻧﺎﺯﻟﺔ ﻭﺟﺎ ﻣﺴﻚ ﺍﻣﻮ ﻣﻦ ﻧﺼﻬﺎ ﻛﺪﺍ ﻣﺎﻗﺎﺩﺭ ﻳﺼﻼ ﻓﻮﻕ ﻋﺸﺎﻥ ﻳﺴﻠﻢ ﻋﻠﻴﻬﺎ ﺑﺎﻻﺣﻀﺎﻥ ﻭﺑﻘﺶ ﻓﻲ ﻭﺷﻮ ﺑﻲ ﺗﻮﺑﻬﺎ ﻛﺪﺍ ﻋﺸﺎﻥ ﻳﺰﻳﻞ ﺍﺛﺮ ﺍﻟﺪﻣﻮﻉ ﻭﺗﺎﻧﻲ ﻳﻌﺎﻳﻦ ﻟﻴﻬﺎ ﻓﻲ ﻭﺷﻬﺎ ..

ﺍﻭﻝ ﻛﻠﻤﺔ ﻗﺎﻝ ﻟﻴﻬﺎ ﻳﻤﺔ ﺍﻧﺘﻲ ﺑﻘﻴﺘﻲ ﻛﻮﻳﺴﺔ ﺻﺢ ؟ ﻗﺎﻟﺖ ﻟﻴﻬﻮ ﺍﺣﺴﻦ

ﺍﻧﺖ ﻛﻴﻒ ﺍﻭﻋﺎ ﻳﻜﻮﻥ ﻋﻤﻠﺖ ﺍﺯﻋﺎﺝ ﻟﻲ ﺧﺎﻟﺘﻚ ؟

ﻗﺎﻝ ﻟﻴﻬﺎ ﺍﻧﺎ ﺷﺎﻓﻊ ﺻﻐﻴﺮ ﺑﻌﻤﻞ ﺍﺯﻋﺎﺝ .. ؟

ﻗﺎﻟﺖ ﻟﻴﻬﻮ ﻣﺎﺷﺎﺀ ﺍﻟﻠﻪ ﻳﺎ ﺍﻟﺮﺍﺟﻞ ﺍﻟﻜﺒﻴﺮ ﺷﺎﻳﻔﺔ ﺷﻨﺒﻚ ﻗﺎﻡ ﻫﻬﻪ

ﻗﺎﻝ ﻟﻴﻬﺎ ﻻﻻ ﻣﺎﻗﺪﺭ ﺩﻩ ﻛﻤﺎﻥ ﺍﻧﺘﻲ ؟؟ ﺍﻟﺠﻤﺎﻋﺔ ﻛﻠﻬﻢ ﻓﻘﻌﻮﻫﺎ ﺿﺤﻜﺔ ﻣﻦ ﻛﻼﻡ ﺍﻟﻮﻟﺪ ﺍﻻﻛﺒﺮ ﻣﻦ ﻋﻤﺮﻭ ﺑﻲ ﻛﺘﻴﺮ .. ﻭﺳﻠﻢ ﻋﻠﻰ ﺍﻟﻨﺎﺱ ﻛﻠﻬﻢ

ﻭﻗﻌﺪ ﻓﻲ ﺍﻟﻜﺮﺳﻲ ﻭﺧﻠﻒ ﻛﺮﺍﻋﻮ .. ﻃﺒﻌﺎ ﺍﻟﺼﺎﻓﻲ ﺑﺤﺎﻭﻝ ﻳﺘﺼﺮﻑ ﺯﻱ ﺍﻟﻨﺎﺱ ﺍﻟﻜﺒﺎﺭ ﻭﻣﺎﺑﺮﺿﻰ ﺍﻟﺰﻭﻝ ﻳﻘﻮﻝ ﻟﻴﻬﻮ ﻳﺎ ﺷﺎﻓﻊ ﻭﻻ ﻛﺪﺍ ﻫﻬﻪ

ﻭﻧﺎﺱ ﺍﻟﺒﻴﺖ ﻛﻠﻬﻢ ﺑﺲ ﺑﺘﺎﺑﻌﻮ ﻓﻲ ﺣﺮﻛﺎﺗﻮ

ﺍﻟﻤﻬﻢ ﺍﻟﺼﺎﻓﻲ ﻭﺻﻞ ﺑﺤﺮﻱ .. ﻭﺍﻳﻤﺎﻥ ﻣﺎﺯﺍﻝ ﺍﻟﺼﺪﺍﻉ ﻣﻌﺎﻫﺎ ﺑﺲ ﺧﻔﻴﻒ .. ﻭﻛﻞ ﻣﺮﺓ ﺗﺎﺧﺪ ﻟﻴﻬﺎ ﺭﻗﺪﺓ ﻭﻣﺮﺓ ﻣﺮﺓ ﺗﺴﺘﻔﺮﻍ .. ﺍﻟﻠﻪ ﻳﺴﺘﺮ ﻋﻠﻴﻬﺎ .. ﺍﻟﻜﻼﻡ ﺩﻩ ﻛﺎﻥ ﻳﻮﻡ ﺍﻻﺣﺪ .. ﻭﺑﻜﺮﺓ ﺍﻟﻤﻘﺎﺑﻠﺔ ﻣﻊ ﺍﻟﺪﻛﺘﻮﺭ .. ﺭﺑﻨﺎ ﻳﺠﻴﺐ ﺍﻟﻌﻮﺍﻗﺐ ﺳﻠﻴﻤﺔ ..

ﺍﻟﻰ ﺍﻟﻠﻘﺎﺀ

ﺭﻭﺍﻳﺔ ﺍﻟﺼﺎﻓﻲ ..

ﺍﻟﺤﻠﻘﺔ 13 ..

ﺑﻘﻠﻢ ﻃﺎﺭﻕ ﺍﻟﻠﺒﻴﺐ ..

ﺍﻟﺼﺎﻓﻲ ﻛﺎﻥ ﻗﺎﻋﺪ ﺟﻤﺐ ﺍﺑﻮﻫﻮ .. ﻭﺑﻌﺎﻳﻦ ﻻﺑﻮﻫﻮ ﻛﺪﺍ ﻓﻲ ﻭﺷﻮ .. ﻗﺎﻝ ﻟﻴﻬﻮ ﺍﺑﻮﻱ ﺟﻴﺐ ﺍﺿﺎﻧﻚ .. ﺍﺑﻮﻫﻮ ﺩﻧﻘﺮ ﺑﻲ ﺍﺿﺎﻧﻮ ﻋﻠﻴﻬﻮ ﻛﺪﺍ .. ﺍﻟﺼﺎﻓﻲ ﻗﺎﻟﻴﻬﻮ .. ﺍﻧﺖ ﻳﺎ ﺍﺑﻮﻱ ﺷﻜﻠﻚ ﻓﺮﺣﺎﻥ .. ﻳﻮﻣﻚ ﺍﻟﺴﺎﻓﺮﺕ ﻭﺷﻚ ﺯﻱ ﺍﻟﺪﺍﻳﺮ ﺗﺒﻜﻲ .. ﺍﺑﻮﻫﻮ ﺭﻓﻊ ﺭﺍﺳﻮ ﻛﺪﺍ .. ﻭﻣﺴﻜﻮ ﻣﻦ ﺍﺿﺎﻧﻮ .. ﻭﺑﻀﺤﻚ ..

ﻭﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺖ ﺍﻟﻤﺴﻠﻂ .. ﻭﺍﻟﺼﺎﻓﻲ ﺑﺘﺰﺍﻭﻍ ﻣﻦ ﻗﺮﺻﺔ ﺍﻻﺿﺎﻥ ﻭﻣﻐﻤﺾ ﻋﻴﻮﻧﻮ ﻭﺑﻀﺤﻚ .. ﻣﻼﺣﻈﺔ ﺭﻫﻴﺒﺔ ﻃﺒﻌﺎ " ﻣﻦ ﺍﻟﺼﺎﻓﻲ ..

ﻗﺎﻝ ﻟﻴﻬﻮ ﺍﻧﺖ ﻳﺎ ﺍﺑﻮﻱ .. ﺍﻣﻲ ﺑﻘﺖ ﻛﻮﻳﺴﺔ ﻣﻦ ﻭﺟﻊ ﺍﻟﺮﺍﺱ ؟ .. ﻗﺎﻝ ﻟﻴﻬﻮ ﺍﻳﻮﺓ ﻛﻮﻳﺴﺔ ﺷﺪﻳﺪ .. ﻣﺎﺷﺎﻳﻔﻬﺎ ﻫﺴﻲ ﻣﻦ ﺟﻴﺖ ﺍﻧﺖ .. ﻫﻲ ﺑﻘﺖ ﺗﻤﺎﻡ ..

ﺍﻟﻴﻮﻡ ﺩﺍﻙ ﻛﻠﻮ ﻛﺎﻥ ﻭﻧﺴﺔ ﻣﻊ ﺍﻟﺼﺎﻓﻲ .. ﻭﻧﺎﺱ ﺍﻟﺒﻴﺖ ﻛﻠﻬﻢ ﺣﺒﻮﻫﻮ .. ﺍﺻﻼ ﺍﻟﺒﻴﺖ ﻣﺎﻓﻴﻬﻮ ﻃﻔﻞ .. ﻭﺍﻟﺼﺎﻓﻲ ﺩﺧﻞ ﻋﻠﻰ ﺍﻟﺒﻴﺖ ﺩﻩ ﺑﻬﺠﺔ ﻋﺠﻴﺒﺔ ..

ﺍﻟﻌﺼﺮﻳﺔ ﻛﺪﺍ .. ﺟﻮ ﺍﻭﻻﺩ ﺍﻟﺠﻴﺮﺍﻥ ﺍﺗﻨﻴﻦ ﻓﻲ ﺍﻟﺒﻴﺖ .. ﺍﻇﻨﻬﻢ ﺳﻤﻌﻮ ﺑﺎﻟﻮﻟﺪ ﺍﻟﺠﺎﻱ ﻣﻦ ﻋﻄﺒﺮﺓ ﺩﻩ .. ﺩﺍﻳﺮﻳﻦ ﻳﺸﻮﻓﻮﻫﻮ .. ﻭﻳﺴﻠﻤﻮ ﻋﻠﻴﻬﻮ ﺍﺗﻨﻴﻦ ﻓﻲ ﻋﻤﺮﻭ ﻛﺪﺍ ..

ﺍﻟﻤﻠﻜﺔ ﻗﺎﻟﺖ ﻟﻴﻬﻮ .. ﺍﻣﺸﻲ ﻳﺎ ﺍﻟﺼﺎﻓﻲ .. ﺍﻟﻌﺐ ﻣﻌﺎﻫﻢ .. ﻗﺎﻝ ﻟﻴﻬﺎ ﺍﻧﺎ ﻣﺎﻋﺎﻳﺰ ﺍﻟﻌﺐ ﻫﺴﻲ .. ﻫﻢ ﻟﻮ ﻋﺎﻳﺰﻳﻦ ﻭﻧﺴﻪ ﻣﻤﻜﻦ .. ﻟﻜﻦ ﻟﻌﺐ ﺩﻩ ﻣﺎﻓﻲ ﻟﻴﻬﻮ ﻭﻛﺖ ﻫﺴﻲ ..

ﺍﻟﻤﻠﻜﺔ ﻗﻌﺪﺕ ﺗﻀﺤﻚ .. ﻗﺎﻟﺖ ﻟﻴﻬﻮ ﻏﺎﻳﺘﻮ ﺍﻧﺖ ﺟﻨﺲ ﻗﻼﺻﺔ ﻋﻠﻴﻚ !!

.. ﺧﻼﺹ ﺍﻧﺖ ﺍﻣﺸﻲ ﻣﻌﺎﻫﻢ .. ﺑﻌﺪﻳﻦ ﺷﻮﻓﻬﻢ .. ﺩﻳﻞ ﺿﻴﻮﻓﻚ ﺍﻧﺖ ﻣﺎﺿﻴﻒ ﻫﻨﺎ .. ﻓﺎﻫﻢ؟

ﻗﺎﻝ ﻟﻴﻬﺎ ﻓﺎﻫﻢ ﻭﺍﻟﻠﻪ ..

ﺍﻟﻤﻬﻢ ﺍﻟﺼﺎﻓﻲ ﻣﺸﻰ ﻟﻼﻭﻻﺩ ﺑﻲ ﻏﺎﺩﻱ .. ﻟﻘﻰ ﺍﻭﻻﺩ ﺷﻤﺒﺎﺕ ﻛﻠﻤﺎﺗﻬﻢ ﻣﺨﺘﻠﻔﺔ .. ﻋﻦ ﺍﻭﻻﺩ ﻋﻄﺒﺮﺓ .. ﻭﻋﻦ ﺍﻭﻻﺩ ﺍﻟﺒﻠﺪ .. ﻭﻃﺮﻳﻘﺔ ﺗﻌﺎﻣﻠﻬﻢ ﺫﺍﺗﻬﺎ ﻣﺎﺯﻱ ﺩﻳﻚ .. ﻭﺍﺣﺪ ﻓﻴﻬﻢ ﻗﺎﻝ ﻟﻴﻬﻮ ﺍﻧﺖ ﻣﻦ ﻋﻄﺒﺮﺓ ؟ ﻗﺎﻝ ﻟﻴﻬﻮ ﻻﻻ ﻧﺤﻦ ﺳﺎﻛﻨﻴﻦ ﻓﻲ ﻋﻄﺒﺮﺓ ﺳﺎﻛﻨﻴﻦ .. ﻟﻜﻦ ﺍﻫﻠﻨﺎ ﻓﻲ ﺍﻟﺒﻠﺪ ..

ﻗﺎﻝ ﻟﻴﻬﻮ ﺻﺤﻴﺢ ﻋﻄﺒﺮﺓ ﻓﻴﻬﺎ ﺣﺪﻳﺪ ﻛﺘﻴﺮ ؟

ﺍﻟﺼﺎﻓﻲ ﻗﺎﻝ ﻟﻴﻬﻮ ﺍﻱ ﻭﺍﻟﻠﻪ ﺍﻧﺎ ﺳﻤﻌﺖ ﻫﻨﺎﻙ ﺑﻘﻮﻟﻮ .. ﺑﻠﺪ ﺍﻟﺤﺪﻳﺪ ﻭﺍﻟﻨﺎﺭ .. ﻳﻤﻜﻦ ﻋﺸﺎﻥ ﺍﻟﺴﻜﺔ ﺣﺪﻳﺪ .. ﻭﺍﻟﻘﻄﺎﺭﻩ ﺍﻟﻜﺘﻴﺮﺍﺕ .. ﻫﻨﺎﻙ ﻓﻲ ﻗﻄﺎﺭﺓ ﻛﺘﻴﺮﺍﺕ .. ﻭﺍﻟﻘﻄﺎﺭﺓ ﺍﻟﺒﺘﺒﻮﻅ ﺑﺼﻠﺤﻮﻫﺎ ﻓﻲ ﻋﻄﺒﺮﺓ ..

ﺍﻟﻮﻟﺪ ﻗﺎﻝ ﻟﻴﻬﻮ ﺍﻧﺖ ﺷﻔﺘﻬﺎ ؟ .. ﺍﻟﺤﺘﺔ ﺍﻟﺒﺼﻠﺤﻮ ﻓﻴﻬﺎ ﺍﻟﻘﻄﺎﺭﺓ ﺩﻱ ؟ ﻗﺎﻝ ﻟﻴﻬﻮ ﺍﻳﻮﺓ ﻣﺸﻴﺖ ﻣﺮﺗﻴﻦ ﻣﻊ ﺍﺑﻮﻱ .. ﻗﺎﻝ ﻟﻴﻬﻮ ﻃﻴﺐ ﺍﻟﻨﺎﺭ ﺩﻱ ﺷﻨﻮ؟ ﻣﻮﺵ ﻗﻠﺖ ﺍﻟﺤﺪﻳﺪ ﻭﺍﻟﻨﺎﺭ ؟

ﺍﻟﺼﺎﻓﻲ ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﻨﺎﺭ ﺩﻱ ﻣﺎﺑﻌﺮﻓﻬﺎ .. ﺍﻻ ﺃﺳﺎﻝ ﺍﺑﻮﻱ ..

ﺍﻟﻮﻟﺪ ﻗﺎﻟﻴﻬﻮ ﻭﺩﺭﺍﺳﺘﻜﻢ ﻫﻨﺎﻙ ﺯﻱ ﺩﺭﺍﺳﺘﻨﺎ؟؟ .. ﺍﻟﺼﺎﻓﻲ ﻗﺎﻝ ﻟﻴﻬﻮ ﺑﺲ ﺍﻧﺎ ﻣﺎﻋﺎﺭﻑ ﺩﺭﺍﺳﺘﻜﻢ ﻛﻴﻒ .. ﻭﺍﺧﺪ ﻟﻴﻬﻮ ﺿﺤﻜﺔ ﻛﺪﺍ ﺑﺘﺎﻋﺔ ﻣﻌﻠﻤﻴﻦ ﻛﺒﺎﺭ ﻫﻪ ..

ﺍﻟﻮﻧﺴﺔ ﻛﺎﻧﺖ ﺣﻠﻮﺓ .. ﻭﺍﻟﻘﻌﺪﺓ ﻣﻌﺎﻫﻢ ﺫﺍﺗﻬﺎ ﺍﻟﺰﻭﻝ ﻳﺴﺘﻤﺘﻊ ﺑﻴﻬﺎ .. ﻟﻜﻦ

ﻧﺤﻦ ﺑﻜﺮﺓ ﻋﻨﺪﻧﺎ ﻣﺸﻮﺍﺭ ﻣﺼﻴﺮﻱ .. ﻣﻊ ﺍﻳﻤﺎﻥ ﻟﻠﺪﻛﺘﻮﺭ ..

ﺍﻫﺎ ﺑﻜﺮﺓ ﺍﺻﺒﺤﺖ ﺍﻳﻤﺎﻥ ﻛﻮﻳﺴﺔ ﺷﺪﻳﺪ .. ﺑﺎﻟﻤﻘﺎﺭﻧﺔ ﻣﻊ ﺍﻣﺲ ﺍﻻﺣﺪ .. ﻭﺍﻟﺼﺪﺍﻉ ﻛﺎﻥ ﺿﻌﻴﻒ .. ﻟﺪﺭﺟﺔ ﺍﻧﻮ ﻗﺪ ﻻﻳﺬﻛﺮ .. ﻭﻫﻲ ﻛﻞ ﻣﺮﺓ ﺑﺘﻬﺰ ﺭﺍﺳﻬﺎ ﻛﺪﺍ .. ﻋﺸﺎﻥ ﺗﺸﻮﻑ ﻓﻲ ﺻﺪﺍﻉ ﻭﻻ ﻣﺎﻓﻲ .. ﻭﺍﻻﻣﻴﻦ ﻳﻜﻮﺭﻙ ﻓﻴﻬﺎ .. ﻳﺎ ﺍﻳﻤﺎﻥ ﻣﺎﺗﻬﺰﻱ ﺭﺍﺳﻚ ﻛﺪﺍ .. ﻳﺎﺥ ﺍﻧﺘﻲ ﻣﺎﻟﻚ ﺩﺍﻳﺮﺓ ﺗﺠﻴﺒﻲ ﻟﻲ ﺟﻠﻄﺔ .. ﺍﺻﺒﺮﻱ ﺍﻟﻨﻤﺸﻲ ﺍﻟﺪﻛﺘﻮﺭ ﻧﺸﻮﻑ ..

//

ﺍﻟﻤﻬﻢ ﺍﻟﻤﺴﺎﺀ ﻣﺸﻮ ﺍﻟﻤﻘﺎﺑﻠﺔ .. ﻭﺍﻟﺪﻛﺘﻮﺭ ﻟﻤﻦ ﺩﺧﻠﺖ ﻟﻴﻬﻮ ﺍﻳﻤﺎﻥ ﻭﺍﻻﻣﻴﻦ ﻭﻋﺸﻪ ﺍﻣﻬﺎ .. ﺍﻟﺪﻛﺘﻮﺭ ﻋﺎﻳﻦ ﻟﻲ ﺍﻳﻤﺎﻥ ﻛﺪﺍ .. ﻗﺎﻝ ﻟﻴﻬﺎ ﺩﻱ ﺍﻧﺘﻲ ﺍﻟﻤﺮﻳﻀﺔ .. ؟؟ ﻗﺎﻟﺖ ﻟﻴﻬﻮ ﻧﻌﻢ ..

ﻗﺎﻝ ﻟﻴﻬﺎ .. ﻣﺴﺘﺤﻴﻞ ..!!! ﺑﻲ ﺻﺮﺍﺣﺔ ﺍﻧﺎ ﻣﺘﻮﻗﻊ ﻳﺠﻴﺒﻮﻙ ﻟﻲ ﻓﻮﻕ ﻛﺮﺳﻲ ﺍﻭ ﻧﻘﺎﻟﺔ .. ﻟﻜﻦ ﺍﻟﺤﺼﻞ ﺷﻨﻮ .. ؟؟؟

ﻗﺎﻟﺖ ﻟﻴﻬﻮ ﻭﺍﻟﻠﻪ ﻛﻤﺎﻥ ﻳﺎﺩﻛﺘﻮﺭ ﻭﻗﻔﺖ ﺍﻟﻤﺴﻜﻨﺎﺕ .. ﺑﺲ ﻣﻮﺍﺻﻠﺔ ﻓﻲ ﺍﻟﺤﺒﻮﺏ ﺍﻟﺒﻴﻀﺎ ﺍﻻﺩﻳﺘﻨﻲ ﻟﻴﻬﺎ .. ﻭﺍﻟﺤﻤﺪ ﻟﻠﻪ ﺍﻟﺼﺪﺍﻉ ﺧﻒ ﺷﺪﻳﺪ .. ﻟﺪﺭﺟﺔ ﺍﻧﻲ ﻫﺴﻲ ﻣﺎﺣﺎﺳﺔ ﺑﻴﻬﻮ .. ﺍﻟﺪﻛﺘﻮﺭ ﺧﺖ ﺍﻟﻘﻠﻢ ﻭﺍﺗﻤﺤﻦ .. ﻭﻗﺎﻝ ﻟﻴﻬﺎ ﺳﺒﺤﺎﻧﻚ ﺭﺑﻲ .. ﻻ ﺍﻟﻪ ﺍﻻ ﺍﻟﻠﻪ .. ﻭﺍﻟﻠﻪ ﺩﻩ ﺗﺪﺧﻞ ﺍﻟﻬﻲ ﻭﺑﺲ ..