روايه الصافي الجزء الاول

روايه الصافي 2

ﺍﻻﻣﻴﻦ ﻗﺎﻝ ﻟﻴﻬﺎ ﻳﺎ ﺍﻳﻤﺎﻥ .. ﺍﻧﺎ ﺑﺴﺄﻟﻚ ﺳﺆﺍﻝ .. ﺍﻧﺘﻲ ﻋﺮﻓﺘﻲ ﻛﻴﻒ ﺍﻧﻮ ﻋﻄﻴﺔ ﻋﻨﺪﻭ ﻣﺸﻜﻠﺔ؟ .. ﻛﻨﺘﻲ ﺑﺘﺘﻠﺒﺪﻱ ؟

ﻗﺎﻟﺖ ﻟﻴﻬﻮ ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻳﺎ ﺍﻻﻣﻴﻦ .. ﻣﻌﻘﻮﻝ ﺍﻧﺖ ﺗﻘﻮﻝ ﻋﻨﻲ ﻛﺪﻱ؟ ﺍﻧﺖ ﻣﻌﻨﺎﻫﺎ ﻟﺴﻊ ﻣﺎﻋﺮﻓﺘﻨﻲ .. ﺍﻟﻠﻪ ﻳﺴﺎﻣﺤﻚ ..

ﻗﺎﻝ ﻟﻴﻬﺎ ﻣﺎﺟﺎﻭﺑﺘﻴﻨﻲ .. ﻋﺮﻓﺘﻲ ﻣﻦ ﻭﻳﻦ ؟

ﻗﺎﻟﺖ ﻟﻴﻬﻮ ﻣﻦ ﻭﻟﺪﻙ ﺍﻟﺒﻠﻔﺢ ﺍﻟﻜﻼﻡ ﺩﻩ .. ﻗﺎﻝ ﻟﻴﻬﺎ ﺍﻟﺼﺎﻓﻲ؟ .. ﻣﺎﻟﻮ ﻗﺎﻝ ﻟﻴﻚ ﺷﻨﻮ؟

ﻗﺎﻟﺖ ﻟﻴﻬﻮ ﻗﺎﻝ ﻟﻲ ﻋﻄﻴﺔ ﻗﺎﻝ ﻟﻲ ﺍﺑﻮﻱ ﺍﻧﺎ ﻓﻲ ﺩﺭﻙ ..

ﺍﻻﻣﻴﻦ ﻧﺎﺩﻯ ﺍﻟﺼﺎﻓﻲ .. ﻗﺎﻝ ﻟﻴﻬﻮ ﻳﺎ ﺍﻟﺼﺎﻓﻲ ﺗﺎﻧﻲ ﺍﻭﻋﻚ ﺗﻨﻘﻞ ﺍﻟﻜﻼﻡ ﻣﻦ ﺯﻭﻝ ﻟﻲ ﺯﻭﻝ .. ﻛﺪﺍ ﺣﺮﺍﻡ ﺑﺘﺪﺧﻞ ﺍﻟﻨﺎﺭ .. ﻗﺎﻝ ﻟﻴﻬﻮ ﻛﻴﻒ ﺍﻧﻘﻞ ﺍﻟﻜﻼﻡ ؟

ﻗﺎﻝ ﻟﻴﻬﻮ ﻳﻌﻨﻲ ﻣﺎﺗﻜﻠﻢ ﺯﻭﻝ ﺑﻲ ﻛﻼﻡ ﺍﻟﻨﺎﺱ .. ﻣﺜﻼ ﻫﺴﻲ ﺍﻧﺖ ﺳﻤﻌﺖ ﻋﻄﻴﺔ ﻗﺎﻝ ﺍﻧﺎ ﻓﻲ ﺩﺭﻙ .. ﺟﻴﺖ ﻛﻠﻤﺖ ﺍﻣﻚ ﺑﻲ ﻛﻼﻡ ﻋﻄﻴﺔ .. ﻛﺪﺍ ﻋﻴﺐ .. ﻗﺎﻝ ﻟﻴﻬﻮ ﺍﻧﺎ ﺳﺄﻟﺖ ﺍﻣﻲ ﺳﺆﺍﻝ .. ﺳﺆﺍﻝ .. ﻗﻠﺖ ﻟﻴﻬﺎ ﻳﻌﻨﻲ ﺷﻨﻮ ﺍﻟﺪﺭﻙ .. ﻫﻲ ﻗﺎﻟﺖ ﻟﻲ ﺳﻤﻌﺘﻬﺎ ﻭﻳﻦ .. ﺍﻧﺎ ﻋﺎﺭﻑ ﻳﺎ ﺍﺑﻮﻱ ﺍﻟﺰﻭﻝ ﻣﺎﻳﻜﻮﻥ ﻗﻮﺍﻝ .. ﻋﺎﺍﺍﺭﻑ .. ﻋﺎﺭﻑ ..

ﺍﻳﻤﺎﻥ ﻗﺎﻟﺖ ﻟﻴﻬﻮ ﺩﻱ ﺣﻘﻴﻘﺔ ﻳﺎ ﺍﻻﻣﻴﻦ .. ﻫﻮ ﻛﺎﻥ ﺑﺴﺄﻝ .. ﺑﺲ ﺍﻧﺎ ﺍﺳﺘﻐﺮﺑﺖ ﺳﻤﻊ ﺍﻟﻜﻠﻤﺔ ﻭﻳﻦ .. ﺍﺳﺘﻔﺴﺮﺕ ﻫﻮ ﻗﺎﻝ ﻟﻲ ﻛﺪﺍ .. ﻣﺎﺗﺘﺸﺪﺩ ﻓﻲ ﺍﻟﻤﻮﺿﻮﻉ ﻛﺪﺍ ﻳﺎ ﺍﻻﻣﻴﻦ ..

ﻗﺎﻝ ﻟﻴﻬﺎ ﻳﺎ ﺍﻳﻤﺎﻥ ﻟﻮ ﺍﻧﺘﻲ ﺍﺩﻳﺘﻲ ﺯﻭﻝ ﻛﻼﻡ ﺳﺮ .. ﺑﺘﻘﺒﻠﻲ ﻳﻜﻠﻤﻮ ﺑﻴﻬﻮ ﺍﻟﻨﺎﺱ ؟ ﻗﺎﻟﺖ ﻟﻴﻬﻮ ﻣﺎﺑﻘﺒﻞ .. ﻗﺎﻟﻴﻬﺎ ﻃﻴﺐ ﺩﻩ ﻛﻼﻡ ﺳﺮ ﺑﻴﻨﻲ ﻭﺑﻴﻦ ﻋﻄﻴﺔ .. ﺍﻧﺘﻲ ﻣﺎﺗﺪﺧﻠﻲ ﻓﻲ ﺍﻟﻤﻮﺿﻮﻉ .. ﺑﻌﺪﻳﻦ ﺩﻩ ﻣﻮﺿﻮﻉ ﺭﺟﺎﻝ ﻣﺎﺣﺮﻳﻢ ..

ﻗﻮﻣﻲ ﺍﺩﻳﻨﻲ ﺍﻟﺸﺎﻱ ﺩﻩ ﺍﻟﻨﻤﺸﻲ ﻟﻠﺰﻭﻝ ﺩﻩ .. ﺍﻟﻤﻐﺮﺏ ﻋﻠﻰ ﺍﻻﺑﻮﺍﺏ

.. ﺍﻳﻤﺎﻥ ﺟﺎﺑﺖ ﻟﻴﻬﻮ ﺍﻟﺸﺎﻱ ﺷﺎﻟﻮ ﻭﻃﻠﻊ ... ﻭﻫﻲ ﺩﺍﺧﻠﺔ ﻋﻠﻰ ﺍﻟﻤﻄﺒﺦ .. ﻟﻔﺖ ﻧﻈﺮﻫﺎ ﺍﻟﺼﺎﻓﻲ ﻗﺎﻋﺪ ﻓﻮﻕ ﺍﻟﺴﺮﻳﺮ .. ﻣﻄﺮﻡ ﻭﻣﺎﺩﻱ ﻗﺪﻭﻣﻮ ..وبهز في رجلو

ﻃﺒﻌﺎ ﺍﻟﺨﺒﺮ ﺑﻘﻰ ﻣﻨﺘﺸﺮ ﻭﺳﻂ ﺍﻟﻌﺬﺍﺑﻪ .. ﺍﻧﻮ ﺍﻻﻣﻴﻦ ﻣﻜﺴﺮ ﻓﻲ ﻧﺪﻯ .. ﻭﺍﻻﻣﻴﻦ ﻣﺎﺩﺍﻳﺮ ﺍﻟﺨﺒﺮ ﻳﺼﻞ ﻟﻲ ﺍﻳﻤﺎﻥ ﻭﻻﻳﺼﻞ ﻟﻲ ﻋﻄﻴﺔ .. ﻋﻄﻴﺔ ﻣﺸﻐﻮﻝ ﻭﻣﺮﺍﺕ ﻳﻌﺪﻱ ﺷﻬﺮ ﻣﺎﻳﻼﻳﺘﻼﻗﻮ ﻫﻮ ﻭﺍﻻﻣﻴﻦ .. ﺍﻫﺎ ﻗﺎﻡ ﻭﺍﺣﺪ ﻣﻦ ﺍﻟﻌﺬﺍﺑﺔ ﻗﺎﻝ ﻟﻲ ﻋﺒﺪ ﺍﻟﻤﻨﻌﻢ ﺑﺎﻟﻤﻨﺎﺳﺒﺔ .. ﻧﺤﻦ ﻋﻼﻗﺔ ﺍﻻﻣﻴﻦ ﺑﻲ ﻧﺪﻯ ﺩﻱ .. ﺍﻟﻤﻔﺮﻭﺽ ﻧﺴﺘﻔﻴﺪ ﻣﻨﻬﺎ ..

ﻗﺎﻝ ﻟﻴﻬﻮ ﻛﻴﻒ؟

ﻗﺎﻝ ﻟﻴﻬﻮ ﻳﺎﺧﻲ ﺩﻩ ﺍﻻﻣﻴﻦ ﻏﻨﻴﺎﻥ .. ﻭﻗﺮﻭﺷﻮ ﻣﻀﻴﻘﺎﺕ ﻋﻠﻴﻬﻮ .. ﺑﻌﺪﻳﻦ ﺍﻟﻘﺮﻭﺵ ﻫﻮ ﻻﺗﻌﺒﺎﻥ ﻓﻴﻬﻦ .. ﻻ ﺟﺎﻳﺒﻬﻦ ﺑﻲ ﻋﺮﻕ ﺟﺒﻴﻨﻮ .. ﻗﺎﻟﻮ ﻋﻄﻴﺔ ﻧﻔﺾ ﺍﻳﺪﻭ ﻣﻦ ﺍﻟﺪﻛﺎﻥ .. ﻭﺧﻼﻫﻮ ﻟﻴﻬﻮ ..

ﻭﻧﺤﻦ ﺍﻟﻌﻮﺭﺍ ﻣﺎ ﻣﺴﺘﻔﻴﺪﻳﻦ ﺍﻱ ﺣﺎﺟﺔ ﻣﻦ ﺍﻟﻨﻌﻤﺔ ﺩﻱ . ﻟﻜﻦ ﻧﺪﻯ ﺩﻱ ﻃﺮﻳﻘﻨﺎ ﺍﻟﻮﺣﻴﺪ ﻟﻠﻤﻜﺴﺐ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ ﻛﻴﻒ ﻳﺎ ﺷﺎﻃﺮ؟

ﻗﺎﻝ ﻟﻴﻬﻮ ﺍﻧﺖ ﺗﻜﻠﻢ ﻧﺒﻴﻬﺔ .. ﺗﺨﻠﻴﻬﺎ ﺗﻘﻮﻝ ﻟﻲ ﻧﺪﻱ ﺗﺴﺘﻨﺰﻓﻮ ﺑﺎﻟﻄﻠﺒﺎﺕ .. ﻫﻮ ﺡ ﻳﻀﻄﺮﺍ .. ﻳﻠﻌﺐ ﻣﻌﺎﻧﺎ .. ﺍﻡ ﻟﻬﺒﻪ ﺩﻱ .. ‏( ﻟﻌﺒﺔ ﺍﻟﻘﻤﺎﺭ ‏) .. ﻭﻧﺤﻦ ﺑﻨﺨﺮﺗﻮ ﻟﻴﻚ ﺧﺮﺕ ﺍﻟﻘﺮﺽ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ ﻳﺎﺧﻲ ﺩﻱ ﻓﻜﺮﺓ ﻣﻨﻔﺴﺔ ﺳﺎﻛﺖ .. ﺍﻻﻣﻴﻦ ﻟﻮ ﻗﻄﻌﺖ ﺭﻗﺒﺘﻮ ﻣﺎﺑﻠﻌﺐ ﻗﻤﺎﺭ ..

ﻗﺎﻝ ﻟﻴﻬﻮ ﻳﺎﺧﻲ ﺍﻧﺖ ﺟﺮﺏ ﺧﺴﺮﺍﻥ ﺷﻨﻮ؟

ﻭﻋﺒﺪ ﺍﻟﻤﻨﻌﻢ ﺳﺮﺡ ﻓﻲ ﺍﻟﻤﻮﺿﻮﻉ .. ﻭﺍﺻﺮ ﺟﻮﺍﻫﻮ ﺍﻧﻮ ﻳﻨﻔﺬ ﺍﻟﻌﻤﻠﻴﺔ ﺩﻱ ..

ﺍﻫﺎ ﺑﺎﻟﻤﺴﺎﺀ ﻻﻗﻰ ﻧﺒﻴﻬﺔ .. ﻗﺎﻝ ﻟﻴﻬﺎ ﻳﺎﻧﺒﻴﻬﺔ .. ﻃﺒﻌﺎ " ﺍﻻﻣﻴﻦ ﺑﻘﻰ ﻳﺤﺐ ﻧﺪﻯ ﻟﺪﺭﺟﺔ ﻣﺒﺎﻟﻎ ﻓﻴﻬﺎ .. ﺭﻭﺣﻮ ﻭﺩﻳﻨﻮ ﻭﺍﻳﻤﺎﻧﻮ .. ﻭﺍﻻﺭﺑﻌﺔ ﻭﻋﺸﺮﻳﻦ ﺳﺎﻋﺔ ﻳﺘﻜﻠﻢ ﻋﻨﻬﺎ ..

ﻟﻜﻦ ﻳﺎﻧﺒﻴﻬﺔ ﻓﻲ ﺷﻲ ﻣﻬﻢ ﺟﺪﺍ ﺟﺪﺍ .. ﺍﻧﺘﻲ ﻻﺯﻡ ﺗﻘﻮﻟﻴﻬﻮ ﻟﻲ ﻧﺪﻯ .. ﺍﻧﻮ ﺍﻻﻣﻴﻦ ﺯﻭﻝ ﺟﻠﺪﺓ .. ﻭﻣﺎﺑﻄﻠﻊ ﺍﻟﻘﺮﻭﺵ ..

ﻭﻟﻮ ﻧﺪﻯ ﻋﺎﻳﺰﺓ ﺗﻀﻤﻦ ﺣﻴﺎﺗﻬﺎ ﻣﻌﺎﻫﻮ .. ﺗﻘﻮﻝ ﻟﻴﻬﻮ ﺍﻧﺎ ﻣﺎ ﺑﻘﺒﻞ ﺑﻴﻚ .. ﺍﻻ ﺗﺒﻨﻲ ﻟﻲ ﺑﻴﺖ ﻣﻠﻚ .. ﻳﻌﻨﻲ ﺍﻟﺰﻭﻝ ﺩﻩ ﻣﻤﻜﻦ ﻳﻌﻴﺸﻬﺎ ﻋﻤﺮﻫﺎ ﻛﻠﻮ ﻓﻲ ﺑﻴﺖ ﺍﻳﺠﺎﺭ .. ﻭﻳﻀﻴﻊ ﺍﻟﻘﺮﻭﺵ ﻓﻲ ﺣﺎﺟﺎﺕ ﻻﺗﺴﻤﻦ ﻭﻻ ﺗﻐﻨﻲ ﻣﻦ ﺟﻮﻉ ..

ﻧﺒﻴﻬﺔ ﻗﺎﻟﺖ ﻟﻴﻬﻮ ﻏﺎﻳﺘﻮ ﺍﻧﺎ ﺑﻜﻠﻤﻬﺎ ﻭﺗﺎﻧﻲ ﻫﻲ ﻣﺨﻴﺮﺓ ..

ﻭﻧﺸﻮﻑ ﺭﺩﺓ ﻓﻌﻞ ﺍﻟﺒﺖ ﺍﻟﻤﻨﺪﺍﺣﺔ .. ﺑﺘﻘﻮﻝ ﺷﻨﻮ؟

ﺍﻫﺎ ﻫﻨﺎﻙ ﻃﺒﻌﺎ ﺍﻳﻤﺎﻥ ﻣﺘﻀﺎﻳﻘﺔ ﺟﺪﺍ ﺟﺪﺍ .. ﻣﻦ ﺍﻟﺘﻐﻴﻴﺮ ﻭﺍﻟﻤﺴﺦ ﺍﻟﺤﺼﻞ ﻋﻠﻰ ﺷﺨﺼﻴﺔ ﺯﻭﺟﻬﺎ .. ﻳﺎﺯﻭﻝ ﺍﻭﻝ ﻣﺎ ﺟﺎ ﺑﺎﻟﻠﻴﻞ ﻣﺘﺄﺧﺮ .. ﻟﻘﺎﻫﺎ ﻗﺎﻋﺪﺓ ﻣﻨﺘﻈﺮﺍﻫﻮ .. ﻭﻫﻲ ﻃﺒﻌﺎ " ﻣﺎﻋﻨﺪﻫﺎ ﺍﻱ ﻓﻜﺮﺓ ﻋﻦ ﺍﻟﺤﺎﺻﻞ ﻓﻲ ﺣﻴﺎﺓ ﺍﻻﻣﻴﻦ ..

ﺍﻭﻝ ﻣﻦ ﺟﺎ ﻣﻦ ﺑﺮﺓ .. ﻗﺎﻝ ﻟﻴﻬﺎ ﺳﻼﻣﺎﺕ .. ﺍﻣﺴﻴﺘﻮ ﻃﻴﺒﻴﻦ؟

ﻭﺭﻗﺪ ﻃﻮﺍﻟﻲ ..

ﻗﺎﻟﺖ ﻟﻴﻬﻮ ﺍﻟﻠﻪ ﻳﺴﻠﻤﻚ .. ﻃﻴﺒﻴﻦ ﻧﺤﻤﺪ ﺍﻟﻠﻪ ..

ﻳﺎ ﺍﻻﻣﻴﻦ؟؟

ﻗﺎﻝ ﻟﻴﻬﺎ ﻧﻌﻢ .. ﺍﻫﺎ ﻣﺎﻟﻚ؟ ﻓﻲ ﺷﻨﻮ ﻳﺎ ﺍﻳﻤﺎﻥ؟ ..

ﻗﺎﻟﺖ ﻟﻴﻬﻮ ﺍﻧﺎﻋﺎﻳﺰﺓ ﺍﺗﻜﻠﻢ ﻣﻌﺎﻙ ﺻﺤﺼﺢ ﻟﻲ .. ﻛﻞ ﻳﻮﻡ ﺑﻘﻴﺖ ﺗﺠﻲ ﻣﺘﺄﺧﺮ ﻭﺗﻌﺒﺎﻥ .. ﻭﺗﻨﻮﻡ ﻭﺍﻟﺼﺒﺎﺡ ﺗﻘﻮﻡ .. ﺍﻧﺎ ﺍﻟﻨﻬﺎﺭ ﻛﻠﻮ ﺑﻜﻮﻥ ﺑﺘﺰﻳﻦ .. ﻭﻣﻬﺘﻤﺔ ﺑﻲ ﻧﻔﺴﻲ .. ﻭﻛﻞ ﻳﻮﻡ ﺍﻟﺒﺲ ﻟﻴﻚ ﻟﺒﺲ ﺷﻜﻞ ﺑﺮﺍﻫﻮ .. ﻭﺍﻧﺖ ﻭﻻ ﻣﻌﺒﺮﻧﻲ ﺑﻲ ﻧﻈﺮﺓ ..

ﻗﻌﺪ ﻋﻠﻰ ﺣﻴﻠﻮ .. ﻗﺎﻝ ﻟﻴﻬﺎ ﺍﻫﺎ ﻓﻲ ﺷﻨﻮ ﻳﻌﻨﻲ .. ؟ ﺍﻋﻤﻞ ﻟﻴﻚ ﺷﻨﻮ؟ ﺍﻗﻌﺪ ﺍﺗﻐﺰﻝ ﻓﻴﻚ؟ ﺍﻛﺘﺐ ﻓﻴﻚ ﺷﻌﺮ؟ ﻭﺭﻳﻨﻲ ...

ﻗﺎﻟﺖ ﻟﻴﻬﻮ ﻻﺩﺍ ﻭﻻ ﺩﻩ .. ﺑﺲ ﻟﻮ ﺍﻧﺎ ﻏﻠﻄﺎﻧﺔ ﻋﻠﻴﻚ ﻓﻲ ﺣﺎﺟﺔ .. ﻛﻠﻤﻨﻲ .. ﻟﻮ ﻳﻮﻡ ﺳﻤﻌﺘﻚ ﻛﻠﻤﺔ ﻣﺎﺭﺿﺘﻚ .. ﻛﻠﻤﻨﻲ ..

ﺍﻧﺖ ﻳﺎ ﺍﻻﻣﻴﻦ ﺍﺗﻐﻴﺮﺗﻪ ﺷﺪﻳﺪ .. ﺍﻧﺎ ﻣﺎﻋﺎﺭﻓﺔ ﺍﻟﺤﺎﺻﻞ ﻋﻠﻴﻚ ﺷﻨﻮ؟

ﻭﻟﻮ ﻳﺎ ﺍﻻﻣﻴﻦ ﺍﻧﺖ ﻣﻠﻴﺖ ﻣﻨﻲ ﻭﻛﺮﻫﺘﻨﻲ .. ﺑﺮﺿﻮ ﻭﺿﺢ ﻟﻲ ..

ﺍﻻﻣﻴﻦ ﻗﺎﻝ ﻟﻴﻬﺎ ﻣﺎﻓﻲ ﺍﻱ ﺣﺎﺟﺔ ﻳﺎ ﺍﻳﻤﺎﻥ .. ﺍﻧﺘﻲ ﻣﻮﻫﻮﻣﺔ ﻭﺑﺘﺘﺨﻴﻠﻲ ﺣﺎﺟﺎﺕ ﻣﺎﻭﺍﻗﻌﻴﺔ ..

ﻣﺎﻓﻲ ﺣﺎﺟﺔ ﻏﻴﺮ ﺍﻧﻲ ﺍﻧﺎ ﻣﺸﻐﻮﻝ ﻭﻣﺎ ﻓﺎﺿﻲ .. ﺍﻧﺘﻲ ﺩﺍﻳﺮﺍﻧﻲ ﺍﻋﻤﻞ ﺷﻨﻮ ﻣﺜﻼ ؟؟

ﺍﻧﺎ ﺑﻌﺪ ﺍﻗﻔﻞ ﺍﻟﺪﻛﺎﻥ .. ﺑﻤﺸﻲ ﻣﺎﻣﻮﺭﻳﺎﺕ .. ﺍﻟﺪﺍﻣﺮ .. ﻭﻣﺮﺍﺕ ﺑﺮﺑﺮ ﻭﻣﺮﺍﺕ ﻭﻳﻦ ﻭﻳﻦ .. ﻭﺑﺮﺿﻮ ﺑﺤﺎﻭﻝ ﺍﺟﻲ ﺑﺪﺭﻱ .. ﻋﺸﺎﻥ ﻣﺎ ﺍﺗﺎﺧﺮ ﻋﻠﻴﻜﻢ ..ﺻﺎﺡ ﺑﺠﻲ ﺑﻨﻮﻡ ﻃﻮﺍﻟﻲ .. ﻻﻧﻲ ﺑﻜﻮﻥ ﺗﻌﺒﺎﻥ ﻭﻣﺮﻫﻖ ﻣﻦ ﺍﻟﻮﻗﻔﺔ ﻭﺍﻟﺠﺮﻱ ﻓﻲ ﺍﻟﺸﻐﻞ ..

ﻟﻜﻦ ﺍﺑﺪﺍ ﻣﺎﺣﺎﺳﻲ ﺑﻲ ﻧﻔﺴﻲ ﻣﺘﻐﻴﺮ ﻣﻨﻜﻢ ..

ﺍﻧﺎ ‏( ﻋﻨﺪﻱ ﻣﻨﻮ ﻏﻴﺮﻛﻢ ﺍﻧﺘﻲ ﻭﺍﻟﺼﺎﻓﻲ ‏) ؟؟

ﺍﻳﻤﺎﻥ ﺍﻟﻤﺴﻜﻴﻨﺔ ﺍﻟﻜﻠﻤﺘﻴﻦ ﺍﻻﺧﻴﺮﺗﻴﻦ ﺩﻳﻞ ﻏﻴﺮﻭ ﻟﻴﻬﺎ ﻧﻔﺴﻴﺎﺗﻬﺎ ..

‏( ﺍﻧﺎ ﻋﻨﺪﻱ ﻣﻨﻮ ﻏﻴﺮﻛﻢ ﺍﻧﺘﻲ ﻭﺍﻟﺼﺎﻓﻲ ‏) .. ﻭﻛﺄﻧﻪ ﻓﻲ ﺯﻭﻝ ﻣﺴﺢ ﻟﻴﻬﺎ ﺍﻟﺰﻋﻞ ﻣﻦ ﻗﻠﺒﻬﺎ ﺑﻲ ﺍﺳﺘﻴﻜﺔ .. ﻃﻮﺍﻟﻲ ﺑﻘﺖ ﺗﺘﻜﻠﻢ ﻣﻌﺎﻫﻮ ﻃﺒﻴﻌﻴﺔ .. ﻭﻋﺎﺩﻳﺔ ﺟﺪﺍ ﺟﺪﺍ .. ﻗﺎﻟﺖ ﻟﻴﻬﻮ ﺧﻼﺹ ﻣﺎﺗﺰﻋﻞ ﻧﻔﺴﻚ .. ﺑﺲ ﻻﻧﻮ ﻧﺤﻦ ﻣﺤﺘﺎﺟﻴﻦ ﻟﻴﻚ ﻣﻌﺎﻧﺎ ﻳﺎ ﺍﺑﻮ ﺍﻟﺼﺎﻓﻲ ..

ﻏﺎﻳﺘﻮ ﺍﻟﺤﺮﻳﻢ ﺩﻳﻞ ﺍﻟﻮﺍﺣﺪﺓ .. ﺍﺳﻬﻞ ﺣﺎﺟﺔ ﺍﻧﻚ ﺗﺰﻋﻠﻬﺎ .. ﻭﺍﺳﻬﻞ ﺣﺎﺟﺔ ﺍﻧﻚ ﺗﺮﺿﻴﻬﺎ .. ﻳﻌﻨﻲ ﻟﻮ ﺯﻋﻼﻧﺔ ﺩﺍﻳﺮﺓ ﺗﻄﻖ .. ﻛﻠﻤﺔ ﻃﻴﺒﺔ ﺑﺴﻴﻄﺔ ﻋﺎﻃﻔﻴﺔ ﻛﺪﺍ .. ﻣﻤﻜﻦ ﺗﺮﺿﻴﻬﺎ ﻭﺗﻨﺴﻰ ﺍﻟﺰﻋﻞ ..

ﺍﻟﻤﺸﻜﻠﺔ ﺍﻷﺯﻭﺍﺝ .. ﻣﺎﺑﻘﺪﺭﻭ ﻳﻘﻮﻟﻮ ﺍﻟﻜﻼﻡ ﺍﻟﺤﻠﻮ .. ﻣﺎﻋﺎﺭﻑ ﻟﻴﻪ .. ﻳﻘﻮﻝ ﻟﻴﻚ ﺯﻋﻼﻧﺔ؟؟ ﺧﻠﻴﻬﺎ ﺗﻄﺮﺷﻖ ..

ﻳﻌﻨﻲ ﻫﺴﻲ ﺍﻻﻣﻴﻦ ﺍﺳﺘﻌﻤﻞ ﻣﻊ ﺍﻳﻤﺎﻥ ﺍﺳﻠﻮﺏ ﺍﻟﻨﻔﺎﻕ ﺍﻟﻠﻒ ﻭﺍﻟﺪﻭﺭﺍﻥ

ﻟﻜﻦ ﻣﺼﻴﺮﻭ ﻳﻨﻜﺸﻒ ..

ﺍﻟﺼﺎﻓﻲ ﺍﻟﺼﺒﺎﺡ ﻗﺎﻡ ﻣﻦ ﺍﻟﻨﻮﻡ ﺑﺪﻋﻚ ﻓﻲ ﻋﻴﻮﻧﻮ .. ﻭﺑﻌﺎﻳﻦ ﻟﻲ ﺍﻟﺴﺮﻳﺮ ﺑﺘﺎﻉ ﺍﺑﻮﻫﻮ .. ﻭﻛﺎﻥ ﻣﺘﻤﻨﻲ ﻳﻠﻘﺎ ﺍﺑﻮﻫﻮ ﻟﺴﺎ ﻣﺎﻃﻠﻊ ..

ﻟﻜﻦ ﻟﻘﻰ ﺍﺑﻮﻫﻮ ﻣﺎﻓﻲ .. ﻗﺎﻝ ﻟﻴﻬﺎ ﻳﺎﺍﻣﻲ .. ﺍﺑﻮﻱ ﺩﻩ ﺍﻧﺎ ﺑﻘﻴﺖ ﻣﺎﺑﺸﻮﻓﻮ ..

ﺑﺎﻟﻠﻴﻞ ﺑﻲ ﻣﺘﺎﺧﺮ .. ﻭﺍﻟﺼﺒﺎﺡ ﺑﻠﻘﺎﻫﻮ ﻓﺎﺕ .. ﺍﻧﺎ ﺗﺎﻧﻲ ﻣﺎﺑﻨﻮﻡ ﺍﻻ ﻳﺠﻲ ..

ﻗﺎﻟﺖ ﻟﻴﻬﻮ ﻣﺎﻣﺸﻜﻠﺔ ﻳﺎ ﺍﻟﺼﺎﻓﻲ .. ﺑﺎﻛﺮ ﺍﻟﺠﻤﻌﺔ .

ﻭﺍﺑﻮﻙ ﺡ ﻳﻜﻮﻥ ﻗﺎﻋﺪ ﻓﻲ ﺍﻟﺒﻴﺖ .. ﻭﺍﻧﺖ ﻣﺎﺑﻜﻮﻥ ﻋﻨﺪﻙ ﻣﺪﺭﺳﺔ .. ﺑﺎﻛﺮ ﺍﻥ ﺷﺎﺀ ﺍﻟﻠﻪ ﺗﺸﺒﻊ ﻓﻴﻬﻮ .. ﺍﺑﻮﻙ ﺗﻌﺒﺎﻥ ﻣﻦ ﺍﻟﺸﻐﻞ .. ﻭﺷﻘﻴﺎﻥ ﻋﺸﺎﻧﺎ ﻧﺤﻦ ﺣﺒﻴﺒﻲ .. ﻧﺤﻦ ﻻﺯﻡ ﻧﻘﻴﻒ ﻣﻌﺎﻫﻮ ﻭﻣﺎﻧﻀﺎﻳﻘﻮ ..

ﻭﺍﻻﻣﻴﻦ ﺍﻟﻠﻴﻠﺔ ﺍﻟﺨﻤﻴﺲ ﺩﻩ ﺑﺎﻟﻌﺼﺮﻳﺔ ﻋﻨﺪﻭ ﻣﻮﺍﻋﻴﺪ ﻳﻼﻗﻲ ﻧﺪﻯ ﻓﻲ ﺍﻟﻤﻘﺮﻥ . ﺟﻤﺐ ﺍﻟﻜﻮﺑﺮﻱ ..

ﻗﻔﻞ ﺩﻛﺎﻧﻮ ﻣﻦ ﺍﻟﺴﺎﻋﺔ 4 .. ﻭﺍﺗﺨﺎﺭﺝ ﻣﺸﻰ ﺍﻧﺘﻈﺮﻫﺎ ﻓﻲ ﻣﻜﺎﻥ ﺍﻟﻤﻮﺍﻋﻴﺪ .. ﺍﻫﺎ ﺟﺎﺗﻮ ﻟﻴﻚ ﻻﺑﺴﺔ ﻟﺒﺲ ﻓﻈﻴﻊ .. ﻟﺒﺲ ﻟﻮ ﺍﻳﻤﺎﻥ ﺳﻜﺮﻭﻫﺎ ﻣﺎﺑﺘﻠﺒﺴﻮ .. ﻭﺗﻠﻮﻙ ﻓﻲ ﺍﻟﻠﺒﺎﻧﺔ ﺯﻱ ﺍﻟﻐﻨﻤﺎﻳﺔ ﺍﻟﺒﺘﺎﻛﻞ ﻟﻴﻬﺎ ﻓﻲ ﻛﻴﺲ ..

ﻭﺧﺸﻤﻬﺎ ﺩﻩ ﻣﺎﻟﻴﺎﻫﻮ ﺑﻮﻫﻴﺔ ﺣﻤﺮﺍ ﻛﺪﺍ ﺗﺸﻮﻓﺎ ﺗﺤﻠﻒ ﺗﻘﻮﻝ ﺷﺎﺭﺑﻪ ﻟﻴﻬﺎ ﻛﻮﺯ ﺩﻡ .. ﻏﺎﻳﺘﻮ ﺟﻨﺲ ﺑﺸﺘﻨﺔ ؟؟

ﻭﻫﻮ ﻃﺒﻌﺎ ﻣﻦ ﺷﺎﻓﻬﺎ ﺣﻴﻠﻮ ﻣﺎﺕ .. ﻭﺑﻘﻰ ﻳﺘﻜﺒﻜﺐ .. ﻭﺑﻲ ﻗﻠﺒﻮ ﻳﻨﻀﻢ ﺑﺮﺍﻫﻮ .. ﻳﺎﺧﻮﺍﻧﺎ ﻫﺴﻊ ﺩﻱ ﻣﻤﻜﻦ ﺗﺮﺿﻰ ﺑﻲ ﺍﻧﺎ ﺍﻟﻌﺮﺑﻲ ﺍﻟﻤﻘﻄﻊ ﺩﻩ ؟

ﻣﻌﻘﻮﻝ ﻳﺎﺧﻲ؟؟ ﺩﻱ ﺑﺖ ﺍﻟﻌﺰ ﻭﺍﻟﻐﻨﺪﻟﺔ ..

ﺑﺎﻟﻠﻪ ﺷﻮﻑ ﺍﻟﺒﺖ ﺩﻱ ﻭﺷﻬﺎ ﻳﻀﻮﻱ .. ﻭﻫﻮ ﻣﺎﻋﺎﺭﻑ ﺍﻟﺠﻤﺎﻝ ﺩﻩ 50 ﻓﻲ ﺍﻟﻤﻴﺔ ﻣﻨﻮ ﻣﺰﻭﺭ ﻭﻏﻴﺮ ﻃﺒﻴﻌﻲ .. ﻭﺍﻟﺒﻴﺎﺽ ﺩﻩ ﺩﻗﻴﻖ ﺳﺎﻱ .. ﺑﺖ ﻋﻨﺪﻫﺎ ﻧﻘﺺ ﻧﻔﺴﻲ ﺟﺪ ..

ــــــ

ﻫﻬﻬﻪ ‏( ﺍﻧﺎ ﺍﺗﺬﻛﺮﺗﺎ ﻟﻲ ﻧﻜﺘﺔ ﺭﺳﻠﻬﺎ ﻟﻲ ﻭﺍﺣﺪ ﺍﻟﺒﺎﺭﺡ .. ﻗﺎﻝ ﻟﻲ ﻓﻲ ﻭﺍﺣﺪ ﻣﺎﺷﻲ ﻣﻊ ﺣﺒﻴﺒﺘﻮ .. ﻭﻛﺎﻧﺖ ﻋﺎﻣﻠﺔ ﻋﻤﺎﻳﻞ ﻓﻮﻕ ﻭﺷﻬﺎ ﻭﻋﻴﻮﻧﻬﺎ ﻭﺧﺸﻤﻬﺎ .. ﻛﻠﻬﺎ ﺑﺪﺭﺓ ﻭﻃﻠﻴﺎﺕ ..

ﺍﻫﺎ ﻭﻫﻮ ﻣﺒﺴﻮﻁ .. ﺑﺎﻟﺠﻤﺎﻝ ﺍﻟﻤﺎﺷﻲ ﻣﻌﺎﻫﻮ ﺩﻩ .. ﻗﺎﻣﺖ ﺍﻟﻤﻄﺮﺓ ﺻﺒﺖ ..

ﻭﺍﻟﺤﺎﺟﺎﺕ ﻛﻠﻬﺎ ﺳﺎﺣﺖ .. ﻭﺍﻟﺒﺖ ﻭﺷﻬﺎ ﺍﺗﻐﺴﻞ .. ﻭﺧﺮﺧﺮ ﻓﻮﻕ ﻫﺪﻭﻣﺎ .. ﻭﺑﻘﺖ ﺷﻜﻠﻬﺎ ﻓﻈﻴﻊ .. ﻗﺎﻡ ﻫﻮ ﺍﺗﻠﻔﺖ ﻋﻠﻴﻬﺎ ﻛﺪﺍ ﺷﺎﻑ ﺍﻟﻤﻨﻈﺮ .. ﻗﺎﻝ ﻟﻴﻬﺎ ‏( ﺃﺩﻡ ﺟﻴﺐ ﺳﻔﻪ ‏) .

ﺍﻟﻤﻬﻢ ..

ﻧﺪﻭﻳﺔ ﻗﻌﺪﺕ ﻣﻊ ﺍﻟﻤﻌﻠﻢ .. ﻭﺑﺘﻮﻧﺴﻮﻛﺪﺍ .. ﻃﺒﻌﺎ ﻛﻢ ﻣﺮﺓ ﺑﺘﻼﻗﻮ ﻳﻌﻨﻲ .. ﺍﺣﺘﻤﺎﻝ ﺩﻱ ﺍﻟﻤﺮﺓ ﺍﻟﺴﺎﺩﺳﺔ ﻭﻻ ﺍﻟﺴﺎﺑﻌﺔ ﻣﺎﻋﺎﺭﻑ .. ﻭﺧﻼﺹ ﺍﺗﻌﻮﺩﻭ ﻋﻠﻰ ﺑﻌﺾ .. ﻭﻣﺎﺗﻨﺴﻰ ﻧﺪﻯ ﻟﺴﻊ ﻣﺎﻋﺎﺭﻓﺔ ﺣﺒﻴﺒﻬﺎ ﻣﺘﺰﻭﺝ ﻭﻋﻨﺪﻭ ﻭﻟﺪ ..

ﻭﻫﻮ ﻛﻞ ﻣﺮﺓ ﻳﺤﺎﻭﻝ ﻳﺒﻮﺡ ﻟﻴﻬﺎ ﺑﺎﻟﺴﺮ .. ﻭﺑﺨﺎﻑ ﺍﻧﻮ ﻳﻔﻘﺪﻫﺎ .. ﻭﻫﻮ ﺑﺪﺍ ﻳﺘﻜﻠﻢ ﻣﻌﺎﻫﺎ .. ﻗﺎﻝ ﻟﻴﻬﺎ ﻭﺍﻟﻠﻪ ﻳﺎﻧﺪﻯ ﺍﻧﺎ ﺑﻘﻴﺖ ﻛﻞ ﻳﻮﻡ ﺑﻌﺸﻘﻚ ﺍﻛﺘﺮ ﻣﻦ ﺍﻟﻘﺒﻠﻮ .. ﻭﻣﺎﺑﻘﺪﺭ ﺍﺗﺨﻼ ﻋﻨﻚ .. ﻭﺍﻥ ﺷﺎﺀ ﺍﻟﻠﻪ

ﺑﺲ ﺍﺷﻮﻑ ﻓﺮﺻﺔ ﻭﺍﺟﻲ ﺍﺗﻘﺪﻡ ﻟﻴﻜﻢ ﻓﻲ ﺍﻟﺒﻴﺖ ﻃﻮﺍﻟﻲ ..

ﻗﺎﻟﺖ ﻟﻴﻬﻮ ﻭﺍﻟﻠﻪ ﻳﺎ ﺍﻻﻣﻴﻦ ﺍﻧﺎ ﺫﺍﺗﻲ ﻧﻔﺴﻲ ﺍﻧﻚ ﺗﺠﻲ .. ﻟﻜﻦ ﺍﻧﺎ ﻋﺎﻳﺰﺓ ﺍﺗﻜﻠﻢ ﻣﻌﺎﻙ ﻓﻲ ﻣﻮﺿﻮﻉ ﻣﺼﻴﺮﻱ ..

ﻃﺒﻌﺎ ﺍﻧﺖ ﺳﺎﻛﻦ ﻓﻲ ﺑﻴﺖ ﺑﺮﺍﻙ ﻋﺬﺍﺑﻲ ﻓﻲ ﺍﻟﺸﻤﺎﻟﻲ ﺯﻱ ﻣﺎﺣﻜﻴﺖ ﻟﻲ ﻭﺍﻟﺒﻴﺖ ﻣﺆﺟﺮ ﺻﺎﺡ ؟

ﻗﺎﻝ ﻟﻴﻬﺎ ﺍﻳﻮﺓ ﺻﺎﺡ ..

ﻗﺎﻟﺖ ﺍﻧﺎ ﻳﺎ ﺍﻻﻣﻴﻦ ﺳﻜﻦ ﻓﻲ ﺑﻴﺖ ﺍﻳﺠﺎﺭ ﻣﺎﺑﻨﻔﻊ ﻣﻌﺎﻱ .. ﻻﺯﻡ ﺗﺒﻨﻲ ﻟﻲ ﺑﻴﺘﻲ ﻳﻜﻮﻥ ﻣﻠﻜﻲ .. ﺍﻧﺎ ﻣﺎﺑﻘﺪﺭ ﺍﻋﻴﺶ ﻓﻲ ﺑﻴﺖ ﺍﻳﺠﺎﺭ .. ﻭﺍﻫﻠﻲ ﺍﺳﺎﺳﺎ " ﻣﺎﺑﻘﺒﻠﻮ ﺍﻟﺤﺎﺟﺔ ﺩﻱ .. ﻻﻧﻬﻢ ﻧﺎﺱ ﺍﻏﻨﻴﺎﺀ .. ﻭﺑﻲ ﻗﺮﻭﺷﻬﻢ .. ﺍﻧﺖ ﺑﺘﻘﺒﻞ ﻳﺪﻭﻙ ﺑﻴﺖ .. ﻳﻜﻮﻥ ﺣﻘﻲ .. ﻭﺍﻧﺖ ﺗﺴﻜﻦ ﻣﻌﺎﻱ ﻓﻲ ﺑﻴﺖ ﺍﻫﻠﻲ؟

ﻗﺎﻝ ﻟﻴﻬﺎ ﻻﻻ ﻣﺎﺑﻘﺪﺭ .. ﻗﺎﻟﺖ ﻟﻴﻬﻮ ﺧﻼﺹ .. ﻣﺎﺗﺨﻄﻮ ﺍﻱ ﺧﻄﻮﺓ ﻗﺒﻞ ﻣﺎﺗﺸﺘﺮﻱ ﻗﻄﻌﺔ ﻭﺗﺒﺪﺍ ﻓﻴﻬﺎ ﺑﻨﺎﺀ ..

ﻗﺎﻝ ﻟﻴﻬﺎ ﻟﻜﻦ ﻛﺪﺍ ﻣﺎﻋﺼﺮﺗﻲ ﻋﻠﻲ ﺷﺪﻳﺪ ..

ﺍﻧﺎ ﻟﻮ ﺑﻌﺖ ﺍﻟﺪﻛﺎﻥ ﺑﻤﺎ ﻓﻴﻬﻮ .. ﻣﺎﺑﻘﺪﺭ ﺍﺷﺘﺮﻱ ﻗﻄﻌﺔ ﻓﻲ ﺍﻟﻈﺮﻭﻑ ﺍﻟﺮﺍﻫﻨﻪ .. ﺍﻻ ﻧﺼﺒﺮ ﺷﻮﻳﺔ ﻧﻠﻢ ﻟﻴﻬﺎ .. ﻗﺎﻟﺖ ﻟﻴﻬﻮ ﺍﺧﺪ ﺭﺍﺣﺘﻚ ﺍﻧﺎ ﻣﺎﻣﺴﺘﻌﺠﻠﺔ .. ﺑﺲ ﻣﺎﻳﻨﻔﻊ ﻣﻌﺎﻱ ﺑﻴﺖ ﺍﻳﺠﺎﺭ .. ﻣﻌﻠﻴﺶ ..

ﻗﺎﻝ ﻟﻴﻬﺎ ﺣﺎﺿﺮ ﺍﻧﺎ ﺑﺘﺼﺮﻑ .. ﺳﻜﺖ ﺳﺎﻱ .. ﻭﺑﻘﻰ ﻳﺴﺮﺡ ﻫﻨﺎ .. ﻭﻳﻘﺒﻞ ﺟﺎﻱ ﻳﺴﺮﺡ ﻫﻨﺎ .. ﺍﺗﺬﻛﺮ ﺍﻟﻘﻌﺪﺓ ﺣﻘﺔ ﺍﻟﻘﻤﺎﺭ .. ﻭﻛﻤﻴﺔ ﺍﻟﻘﺮﻭﺵ ﺍﻟﻤﻤﻜﻦ ﻳﺮﺑﺤﻬﺎ ﻣﻨﻬﺎ .. ﺍﻟﻤﻬﻢ ﻓﻜﺮ ﻓﻲ ﺍﻟﻘﻤﺎﺭ ﺑﺠﺪﻳﺔ .. ﻭﺑﻘﻰ ﻳﻮﺩﻱ ﻭﻳﺠﻴﺐ .. ﻭﻳﻘﻮﻝ ﺑﻴﻨﻮ ﻭﺑﻴﻦ ﻧﻔﺴﻮ ﻳﺎﺟﻤﺎﻋﺔ ﺍﻧﺎ ﺑﻌﺪ ﺍﻟﺤﺎﻝ ﺩﻩ .. ﺗﺎﻧﻲ ﺍﺩﺧﻞ ﻋﻠﻴﺎ ﻗﺮﻭﺵ ﺍﻟﺤﺮﺍﻡ .. ﺯﻣﺎﻥ ﺟﺪﻱ ﻗﺎﻝ ﻟﻲ ‏( ﺣﻖ ﺍﻟﺤﺮﺍﻡ ﺑﻴﺎﺧﺪ ﺍﻟﻮﺭﺍ ﻭﺍﻟﻘﺪﺍﻡ ‏) ..

ﻟﻜﻦ ﻫﺴﻊ ﺍﻧﺎ ﻓﻲ ﺿﺮﻭﺭﺓ .. ﻭﻟﻮ ﺑﻘﻴﺖ ﺍﺗﺮﺩﺩ ﻧﺪﻯ ﺑﺘﻀﻴﻊ ﻣﻨﻲ .. ﺍﻧﺎ ﺍﻟﻌﺐ ﻛﻢ ﻟﻌﺒﺔ ﻛﺪﻱ .. ﺍﻟﻢ ﻟﻲ ﻗﺮﻳﺸﺎﺕ ﻭﺑﻌﺪﻳﻦ .. ﺍﺗﻮﺏ ﻭﺍﺑﻌﺪ ﻣﻦ ﺍﻟﺤﻜﺎﻳﺔ ﺩﻱ .. ﻭﺭﺑﻨﺎ ﻏﻔﻮﺭ ﺭﺣﻴﻢ ..

ﻧﺪﻯ ﻗﺎﻟﺖ ﻟﻴﻬﻮ ﻳﺎ ﺍﻻﻣﻴﻦ .. ﺍﻧﺖ ﺳﺎﺭﺡ ﻭﻳﻦ؟ ﺍﻧﺖ ﻋﺎﻳﺰ ﺗﻌﻴﺶ ﻋﻤﺮﻙ ﻛﻠﻮ ﻓﻲ ﺑﻴﺖ ﺍﻟﺮﺟﺎﻝ؟

ﻣﻮﺵ ﻻﺯﻡ ﻳﻜﻮﻥ ﻋﻨﺪﻙ ﺑﻴﺘﻚ ﺧﺎﺻﻲ ﺑﻴﻚ؟

ﻗﺎﻝ ﻟﻴﻬﺎ ﻭﺍﻟﻠﻪ ﻛﻼﻣﻚ ﺻﺎﺡ .. ﻫﻮ ﺍﻟﺰﻭﻝ ﺑﻌﻴﺶ ﻓﻲ ﺍﻟﺪﻧﻴﺎ ﺩﻱ ﻛﻢ ﻣﺮﺓ؟ ..

ﻳﺎﺯﻭﻝ ﺑﺲ ﺑﻘﻰ ﻻﻣﺘﻴﻦ ﻳﻤﺸﻲ ﻟﻲ ﺑﻴﺖ ﺍﻟﻌﺬﺍﺑﺔ .. ﻋﺸﺎﻥ ﻳﻘﻮﻝ ﻟﻴﻬﻢ ﺍﻧﺎ ﻣﺴﺘﻌﺪ ﻟﻠﻌﺒﺔ .. ﺍﺻﻼ ﻣﻦ ﺯﻣﺎﻥ ﺑﺤﻨﺴﻮ ﻓﻴﻬﻮ .. ﻭﻫﻮ ﺑﻘﻮﻝ ﻟﻴﻬﻢ .. ﺣﻤﺎﻧﺎ ﺍﻟﻠﻪ .. ﻭﻗﺎﻋﺪ ﻣﻌﺎﻫﻢ ..

ﻃﺒﻌﺎ ﻳﺎﺧﻮﺍﻧﺎ ﺍﻟﺰﻭﻝ ﺍﻟﺒﺠﺎﻟﺲ ﺍﻫﻞ ﺍﻟﻤﻌﺎﺻﻲ ﺣﺘﻰ ﻟﻮ ﻫﻮ ﺑﻜﺮﻩ ﺍﻟﻤﻌﺎﺻﻲ .. ﺡ ﻳﺘﻌﻮﺩ ﻋﻠﻰ ﺭﺅﻳﺘﻬﺎ .. ﻭﻳﺴﺘﺴﻴﻐﻬﺎ ﺑﻄﺒﻌﻪ .. ﻓﻴﺼﺒﺢ ﻣﻦ ﺍﻟﺴﻬﻞ ﻋﻠﻴﻪ ﻣﻤﺎﺭﺳﺘﻬﺎ .. ﻋﺸﺎﻥ ﻛﺪﺍ ﺭﺑﻨﺎ ﻗﺎﻝ )) ﻭﺍﺫﺍ ﺭﺍﻳﺖ ﺍﻟﺬﻳﻦ ﻳﺨﻮﺿﻮﻥ ﻓﻲ ﺍﻳﺎﺗﻨﺎ ﻓﺄﻋﺮﺽ ﻋﻨﻬﻢ ﺣﺘﻰ ﻳﺨﻮﺿﻮﺍ ﻓﻲ ﺣﺪﻳﺚ ﻏﻴﺮﻩ ..(( ﻭﻗﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻣﻦ ﻛﺎﻥ ﻳﺆﻣﻦ ﺑﺎﻟﻠﻪ ﻭﺍﻟﻴﻮﻡ ﺍﻻﺧﺮ ﻓﻼﻳﺠﻠﺲ ﻋﻠﻰ ﻣﺎﺋﺪﺓ ﻳﺪﺍﺭ ﻋﻠﻴﻬﺎ ﺍﻟﺨﻤﺮ ..ﻭﺍﻟﻨﺼﻮﺹ ﻓﻲ ﺍﻟﻤﻌﻨﻰ ﺩﻩ ﻛﺘﻴﺮﺓ ..

ﺑﻌﺪ ﺍﻟﻠﻘﺎﺀ ﺍﻟﺘﺎﺭﻳﺨﻲ ﺍﻟﻜﺎﻥ ﺑﻴﻦ ﺍﻻﻣﻴﻦ ﻭﻧﺪﻯ .. ﺭﺟﻌﻮ .. ﻧﺪﻯ ﻣﺸﺖ ﻋﻠﻰ ﺍﻫﻠﻬﺎ .. ﻭﺍﻻﻣﻴﻦ ﻣﺸﻰ ﺑﻴﺖ ﺍﻟﻌﺬﺍﺑﺔ ﻋﺪﻳﻞ ..

ﻭﻟﻘﺎﻫﻢ ﻗﺎﻋﺪﻳﻦ ﻭﺍﻟﻮﺍﻃﺔ ﻣﻐﺮﺑﺖ .. ﻗﺎﻝ ﻟﻴﻬﻢ ﺍﻟﻠﻴﻠﺔ ﺍﻧﺎ ﻋﻨﺪﻱ ﻟﻴﻜﻢ ﺭﺍﻱ ..

ﺑﺎﻛﺮ ﺍﻟﺠﻤﻌﺔ ﻋﻨﺪﻛﻢ ﻗﻌﺪﺓ ﻣﻄﻌﻤﺔ ﻭﻻ ﻣﺎﻋﻨﺪﻛﻢ؟ .. ﻃﺒﻌﺎ ﺍﻟﻔﺎﻅ ﺍﻟﻘﻤﺮﺗﻴﺔ .. ﻭﻛﺖ ﻳﻘﻮﻟﻮ ‏( ﻣﺴﻴﺨﺔ ‏) .. ﻣﻌﻨﺎﻫﺎ ﻛﺸﺘﻴﻨﺔ ﺑﺪﻭﻥ ﻗﺮﻭﺵ .. ﻭﻛﺖ ﻳﻘﻮﻟﻮ ‏( ﻣﻄﻌﻤﺔ ‏) ﻣﻌﻨﺎﻫﺎ ﺍﻟﻠﻌﺐ ﺑﻲ ﻗﺮﻭﺵ ﻗﻤﺎﺭ ﻳﻌﻨﻲ ..

ﻋﺒﺪ ﺍﻟﻤﻨﻌﻢ ﻗﺎﻝ ﻟﻴﻬﻮ ﻣﻦ ﺍﻟﺴﺎﻋﺔ 9 ﺻﺒﺎﺣﺎ " ﻟﻐﺎﻳﺔ ﺑﺎﻟﻠﻴﻞ .. ﻭﺟﺎﻳﻴﻨﺎ ﺟﻤﺎﻋﺔ .. ﺷﺎﻳﻠﻴﻦ ﻗﺮﻭﺵ ﺑﺎﻟﻬﺒﻞ ..

ﻗﺎﻝ ﻟﻴﻬﻮ ﺍﻧﺎ ﺑﺎﻛﺮ .. ﻣﻦ 8 ﻭﻧﺺ ﺑﺠﻴﻜﻢ ﻋﻨﺪﻱ ﻣﻠﻴﻮﻥ ﻣﺮﺑﻮﻁ ..

ﻳﺎ ﺣﺮﻗﺘﻮ .. ﻳﺎ ﻟﻤﻴﺖ ﺍﻟﻌﻨﺪﻛﻢ .. ﻭﺍﻟﺠﺎﻳﺔ ﻣﻦ ﺍﻟﻠﻪ ﺣﺒﺎﺑﻬﺎ .. ﻭﻃﻠﻊ .

ﺍﻫﺎ ﺑﻌﺪ ﻣﺮﻕ .. ﻭﺍﺣﺪ ﻗﺎﻝ ﻟﻲ ﻋﺒﺪ ﺍﻟﻤﻨﻌﻢ .. ﺍﻫﺎ ﻳﺎﻋﺒﺪﻭ ﻓﻜﺮﺗﻲ ﻃﻠﻌﺖ ﻛﻴﻒ ؟ ﻭﺍﻟﻠﻪ ﺍﻟﺰﻭﻝ ﺩﻩ ﺑﻜﺮﺓ ﺡ ﻧﻌﻤﻞ ﻟﻴﻚ ﻓﻴﻬﻮ ﻋﻤﻠﻴﺔ .. ﺗﺨﻠﻴﻬﻮ ﻳﺸﺮﺏ ﻣﺎﻳﺮﻭﻯ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ .. ﻭﺍﻟﻠﻪ ﺍﻧﺖ ﻃﻠﻌﺖ ﺷﻴﻄﺎﻥ ﺭﺟﻴﻢ .. ﺍﻋﻮﺫ ﺑﺎﻟﻠﻪ ﻣﻨﻚ ﻳﺎﺧﻲ ..

‏( ﺩﻩ ﺍﻟﺰﻭﻝ ﺍﻻﺯﺭﻕ ﺍﻟﻘﺎﻟﺖ ﻋﻨﻮ ﻧﺪﻯ ﺍﺻﻠﻮ ﻣﺎﺣﺒﻴﺘﻮ ﻫﻪ ‏) ..

ﺍﻻﻣﻴﻦ ﻣﺸﻰ ﺍﻟﺒﻴﺖ ﻋﺎﺩﻱ .. ﻭﺑﻘﻰ ﻳﺘﻜﻠﻢ ﻣﻊ ﺍﻳﻤﺎﻥ ﻛﻮﻳﺲ .. ﻭﺍﻳﻤﺎﻥ ﺣﺎﺳﺔ ﺑﻴﻬﻮ ﻓﺮﺣﺎﻥ ﻛﺪﺍ .. ﻣﺎﻋﺎﺭﻓﺎﻫﻮ ﻣﺎﻟﻮ ..

ﻭﻛﻞ ﻣﺮﺓ ﻳﺴﺮﺡ ﻭﻳﺘﺒﺴﻢ ﺑﺮﺍﻫﻮ .. ﺍﻳﻤﺎﻥ ﻗﺎﻟﺖ ﻟﻴﻬﻮ ﺍﻧﺖ ﻳﺎ ﺍﻻﻣﻴﻦ ﺍﻟﻠﻴﻠﺔ ﻓﺮﺣﺎﻥ ﻛﺪﻱ ﻣﺎﻟﻚ .. ؟

ﻭﺍﻟﻐﺮﻳﺒﺔ ﺍﻧﺎ ﻳﺎ ﺍﻻﻣﻴﻦ .. ﻣﻦ ﺍﻟﻤﻐﺮﺏ ﻗﻠﺒﻲ ﻣﻘﺒﻮﺽ ﻭﻣﺎﻣﺮﺗﺎﺣﺔ .. ﻭﺣﺎﺳﺔ ﺑﻲ ﺧﻮﻑ .. ﺍﻭﻝ ﻣﺮﺓ ﻓﻲ ﺣﻴﺎﺗﻲ ﺗﺤﺼﻞ ﻟﻲ ﺍﻟﺤﺎﻟﺔ ﺩﻱ ..

ﻗﺎﻝ ﻟﻴﻬﺎ ﻻﻻ ﻣﺎﻓﻲ ﺣﺎﺟﺔ .. ﺍﻧﺘﻲ ﺑﺘﺘﻮﻫﻤﻲ ﺳﺎﻱ ..

ﻗﺎﻟﺖ ﻟﻴﻬﻮ ﻻﻻ ﺩﺍ ﻣﺎﻭﻫﻢ .. ﺍﻧﺎ ﻣﺎﻗﺎﻋﺪ ﻳﺤﺼﻞ ﻟﻲ ﻛﺪﺍ ﺍﺻﻼ .. ﺍﻟﻠﻪ ﻳﺴﺘﺮ ﻏﺎﻳﺘﻮ ﻣﺎﻋﺎﺭﻓﺔ ..

ﺍﻫﺎ ﻳﺎﺯﻭﻝ ﻣﺎ ﺍﺷﺘﻐﻞ ﺑﻴﻬﺎ ﻛﺘﻴﺮ .. ﺭﺍﺟﻲ ﻻﻣﺘﻴﻦ ﺗﺼﺒﺢ ﺍﻟﻮﺍﻃﺔ .. ﺑﺲ ﻗﺎﻝ ﻟﻴﻬﺎ ﺍﻧﺎ ﻃﺎﻟﻊ ﺍﻟﺼﺒﺎﺡ ﺑﺪﺭﻱ .. ﻋﻨﺪﻱ ﻣﻮﺿﻮﻉ .. ﻭﺍﻧﻜﻔﻰ ﻧﺎﻡ ..

ﻣﻦ ﺍﻟﺼﺒﺎﺡ ﺍﻟﺼﺎﻓﻲ ﻗﺎﻡ ﻣﻦ ﺍﻟﻨﻮﻡ .. ﻗﺒﻞ ﺍﻟﺸﻤﺶ ﻣﺎﺗﺸﺮﻕ ..

ﻟﻘﻰ ﺍﻣﻮ ﺑﺘﻜﻮﻱ ﻓﻲ ﻫﺪﻭﻡ ﺍﺑﻮﻫﻮ .. ﻭﻟﻘﻰ ﺍﺑﻮﻫﻮ ﻧﺎﻳﻢ ﻓﻲ ﺳﺮﻳﺮﻭ ..

ﻭﻓﺮﺡ ﻓﺮﺡ ﺷﺪﻳﺪ . ﻣﺸﻰ ﺍﺗﺴﻮﻙ ﻭﺻﻠﻰ ﻭﺟﺎ ﻗﻌﺪ ﻓﻲ ﺍﻟﺴﺮﻳﺮ

ﻭﺭﺑﻊ ﺍﻳﺪﻳﻬﻮ ﻭﺑﻌﺎﻳﻦ ﻻﺑﻮﻫﻮ ﻧﺎﻳﻢ .. ﺑﺲ ﻣﻨﺘﻄﺮﻩ ﻳﺼﺤﺎ ﻣﻦ ﺍﻟﻨﻮﻡ ﻭﻛﺖ ﻣﺎﻗﺎﻡ .. ﺟﺎ ﺻﺤﺎﻫﻮ ..

ﻗﺎﻝ ﻟﻴﻬﻮ ﺍﺑﻮﻱ ﺍﺑﻮﻱ .. ﻗﻮﻡ ﺍﻧﺖ ﺻﻠﻴﺖ ؟

ﻗﺎﻝ ﻟﻴﻬﻮ ﻣﺎﻟﻚ ﻳﺎ ﺍﻟﺼﺎﻓﻲ .. ؟؟ ﺍﻧﺖ ﻣﺎﺑﺘﻨﻮﻡ؟؟ . ﻗﺎﻝ ﻟﻴﻬﻮ ﺍﻧﺖ ﻳﺎ ﺍﺑﻮﻱ ﻟﻮ ﺗﻌﺒﺎﻥ .. ﻗﻮﻡ ﺻﻠﻲ .. ﻭﺗﻌﺎﻝ ﻧﻮﻡ ﺗﺎﻧﻲ .. ﺍﻧﺎ ﺑﺮﺟﺎﻙ ﺻﺎﺣﻲ ..

ﻗﺎﻝ ﻟﻴﻬﻮ ﺍﻧﺖ ﻳﺎ ﺍﻟﺼﺎﻓﻲ ﺩﺍﻳﺮ ﺷﻨﻮ ﺑﺎﻟﻀﺒﻂ؟؟ ..

ﻗﺎﻝ ﻟﻴﻬﻮ ﺩﺍﻳﺮﻙ ﺍﻧﺖ .. ﺩﺍﻳﺮ ﺍﺗﻮﻧﺲ ﻣﻌﺎﻙ .. ﻻﻧﻲ ﻣﻦ ﺯﻣﺎﻥ ﻣﺎﺷﻔﺘﻚ ﻛﻮﻳﺲ ..

ﺍﻻﻣﻴﻦ ﻫﺰﺯﺍ ﺭﺍﺳﻮ ﻛﺪﺍ .. ﻭﺭﺟﻊ ﺭﻗﺪ ﻭﻃﻮﻯ ﺍﻟﻤﺨﺪﻩ ﺣﻮﻝ ﺭﺍﺳﻮ ﻭﺧﻄﻰ ﺑﻴﻬﺎ ﻭﺷﻮ ..

ﻭﺍﻟﺼﺎﻓﻲ ﺣﺲ ﺍﻧﻮ ﺿﺎﻳﻖ ﺍﺑﻮﻫﻮ .. ﻃﻮﺍﻟﻲ ﻣﺸﻰ ﺧﺶ ﺟﻮﺓ ﻓﻲ ﺍﻻﻭﺿﺔ .. ﻭﻣﺪ ﻗﺪﻭﻣﻮ ﻋﻤﻞ ﺯﻋﻼﻥ ..

ﻭﻣﺎﻗﺪﺭ ﻳﻨﻮﻡ ﺗﺎﻧﻲ .. ﺍﻳﻤﺎﻥ ﺍﻧﺘﻬﺖ ﻣﻦ ﺍﻟﻤﻜﻮﺓ .. ﻭﺩﺧﻠﺖ ﺍﻟﻤﻄﺒﺦ ﺗﺠﻬﺰ ﺍﻟﺸﺎﻱ .. ﻭﺍﻻﻣﻴﻦ ﻗﺎﻡ ﻋﻠﻰ ﻣﻬﻠﺘﻮ .. ﻳﺘﻤﻐﻰ ﻭﻳﺘﻄﻠﻖ ﻭﺻﻠﻰ ﺻﻼﺓ ﻛﺪﺍ ﻻﻣﻨﻬﺎ ﻻﻋﻠﻴﻬﺎ ..

ﻭﻟﺒﺲ ﻫﺪﻭﻣﻮ .. ﻭﺧﺘﺖ ﻟﻴﻬﻮ ﺍﻟﺸﺎﻱ .. ﻭﻗﺎﻟﺖ ﻟﻴﻬﻮ ﻭﺍﻟﻠﻪ ﻳﺎ ﺍﻻﻣﻴﻦ ﺍﻧﺎ ﺻﺪﺭﻱ ﻣﻐﻤﻮﻡ ﻏﻤﺔ ﺷﺪﻳﺪﺓ ﺧﻼﺹ ..

ﻋﻠﻴﻚ ﺍﻟﻠﻪ ﻣﺎﺗﻤﺮﻕ .. ﺧﻠﻚ ﻣﻌﺎﻧﺎ ﺍﻟﻠﻴﻠﺔ .. ﻣﺎﺗﻘﻮﻡ ﺗﺤﺼﻞ ﻟﻴﻚ ﺣﺎﺟﺔ ﻓﻲ ﺍﻟﺸﺎﺭﻉ .. ﻭﺍﻧﺎ ﺍﻟﻨﺪﺍﻣﺔ ﺗﻜﺘﻠﻨﻲ ..

ﻗﺎﻝ ﻟﻴﻬﺎ ﺍﻧﺘﻲ ﻳﺎﻣﺮﺓ ﻣﻮﻫﻮﻣﺔ؟؟ ﻭﻻ ﺩﺍﻳﺮﺓ ﺗﻌﻤﻠﻲ ﻟﻲ ﻣﻮﺿﻮﻉ ﺟﺪﻳﺪ ﺑﺘﺎﻉ ﺣﺮﻳﻢ ﻣﻬﻮﻭﺳﺎﺕ .. ﻋﺎﻳﻨﺖ ﻟﻴﻬﻮ ﻛﺪﺍ ﻭﺑﻠﻌﺖ ﺭﻳﻘﻬﺎ ﻭﺳﻜﺘﺖ ..

ﻭﺍﻟﻠﻪ ﺍﻻﻣﻴﻦ ﺩﻩ ﺍﺗﻐﻴﺮ ﺗﻐﻴﻴﺮ .. ﻟﻤﻦ ﻳﺤﻴﺮ ﻳﺎﺧﻲ ﺍﻻﻣﻴﻦ ﺩﻩ ﻛﺎﻥ ﻣﺴﻜﻴﻦ ﺍﻟﻐﻨﻤﺎﻳﺔ ﺗﺎﻛﻞ ﻋﺸﺎﻫﻮ .. ﻓﻲ ﺍﻗﻞ ﻣﻦ ﺳﻨﺔ ﺑﻘﻰ ﻳﺘﻜﻠﻢ ﻛﻼﻡ ﻋﺠﻴﺐ ﻭﻏﺮﻳﺐ ..

ﺍﻫﺎ ﻳﺎﺯﻭﻝ ﺷﺮﺏ ﺍﻟﺸﺎﻱ ﻭﺍﻗﻒ ﻋﻠﻲ ﺣﻴﻠﻮ ..

ﻭﺩﺍﻳﺮ ﻳﻤﺮﻕ ﺍﻟﺼﺎﻓﻲ ﺟﺎﻫﻮ ﻣﺎﺭﻕ ﻣﻦ ﺟﻮﺓ ..

ﻗﺎﻝ ﻟﻴﻬﻮ ﻳﺎ ﺍﺑﻮﻱ .. ﺍﻧﺎ ﺭﺍﺟﻴﻚ ﻣﻦ ﻗﺒﻴﻞ .. ﻋﺸﺎﻥ ﺍﺷﻮﻓﻚ ﻛﻮﻳﺲ .. ﺍﻧﺖ ﻣﺎﺷﻲ ؟

ﻗﺎﻝ ﻟﻴﻬﻮ ﺗﺸﻮﻑ ﻟﻲ ﺷﻨﻮ ﻳﺎ ﺍﻟﺼﺎﻓﻲ؟؟ ﺍﻧﺖ ﺩﺍﻳﺮ ﺗﺒﻘﻰ ﺯﻱ ﺍﻣﻚ ..

ﺍﻟﺼﺎﻓﻲ ﻗﺎﻝ ﻟﻴﻬﻮ ﺍﺑﻮﻱ ﻋﻠﻴﻚ ﺍﻟﻠﻪ ﻣﺎﺗﻤﺸﻲ .. ﻋﻠﻴﻚ ﺍﻟﻠﻪ ﻣﺎﺗﻤﺸﻲ ..

ﻗﺎﻝ ﻟﻴﻬﻮ ﺍﻟﺼﺎﻓﻲ ﺍﻧﺎ ﺑﺠﻴﺐ ﺍﻟﻤﻄﺮﻕ ﺩﻳﻚ .. ﻭﺍﺟﻠﺪﻙ ﺑﻴﻬﺎ .. ﺳﻴﺐ ﺍﻟﺪﻟﻊ ﺍﻧﺎ ﻋﻨﺪﻱ ﻣﺸﻮﺍﺭ ﺿﺮﻭﺭﻱ ..

ﻗﺎﻝ ﻟﻴﻬﻮ ﻻﻻ ﺟﻴﺐ ﺍﻟﻤﻄﺮﻕ ﺍﺟﻠﺪﻧﻲ .. ﻭﺍﻗﻌﺪ ﻣﻌﺎﻧﺎ ﻣﺎﺗﻤﺸﻲ .. ﻭﻗﻌﺪ ﻳﺒﻜﻲ .. ﺍﻟﻮﻟﺪ ﻭﻗﻒ ﻻﺑﻮﻫﻮ ﻓﻲ ﺍﻟﻄﺮﻳﻖ .. ﻭﻓﺮﺩ ﻳﺪﻳﻬﻮ ﻣﺪﺍﻫﻦ ﻛﺪﺍ ﻳﻌﻨﻲ ﺯﻱ ﺍﻟﺴﺎﺩ ﺍﻟﻄﺮﻳﻖ .. ﻗﺎﻝ ﻟﻴﻬﻮ ﻣﺎﺗﻤﺸﻲ ﻳﺎ ﺍﺑﻮﻱ .. ﻋﻠﻴﻚ ﺍﻟﻠﻪ ﻣﺎﺗﻤﺸﻲ ..

ﺍﻻﻣﻴﻦ ﻣﺴﻚ ﺍﻟﺼﺎﻓﻲ ﻣﻦ ﻳﺪﻭ .. ﻭﺟﺮﺍﻫﻮ ﺩﻓﺮﻭ ﻛﺪﺍ .. ﻻﻣﻦ ﺍﻟﻮﻟﺪ ﻭﻗﻊ ﻋﻠﻰ ﺻﻠﺒﻮ ﻓﻲ ﺍﻻﺭﺽ .. ﻭﻃﻠﻊ ﺑﺪﻭﻥ ﻣﺎﻳﻌﺎﻳﻦ ﻟﻠﻮﻟﺪ ﺍﻟﺤﺼﻞ ﻟﻴﻬﻮ ﺷﻨﻮ؟

ﺍﻳﻤﺎﻥ ﺟﺎﺕ ﺭﻓﻌﺖ ﺍﻟﺼﺎﻓﻲ ﻣﻦ ﺍﻻﺭﺽ .. ﻭﻧﻔﻀﺖ ﻟﻴﻬﻮ ﻫﺪﻭﻣﻮ .. ﻭﻗﺎﻟﺖ ﻟﻴﻬﻮ ﺧﻼﺹ ﻳﺎ ﺍﻟﺼﺎﻓﻲ .. ﺍﻧﺖ ﻟﻴﻪ ﻣﺎﺑﺘﺴﻤﻊ ﻛﻼﻡ ﺍﺑﻮﻙ؟ ..

ﺍﺑﻮﻙ ﻋﻨﺪﻭ ﻣﺸﻮﺍﺭ ﻗﺎﻝ ﻟﻴﻚ .. !!. ﺧﻼﺹ ﻣﺎﺗﺰﻋﻞ ..

ﻭﺍﻟﺼﺎﻓﻲ ﻳﺒﻜﻲ ﻭﻳﻌﺎﻳﻦ ﻟﻠﺒﺎﺏ .. ﻣﺘﺨﻴﻞ ﺍﻧﻮ ﺍﺑﻮﻫﻮ ﻳﺠﻲ ﺭﺍﺟﻊ ..

ﻟﻜﻦ ﻟﻼﺳﻒ ﺍﻻﻣﻴﻦ ﻓﺎﺕ ..ﺍﻻﻣﻴﻦ ﻣﺸﻰ ﻣﺒﺎﺷﺮﺓ ﻟﻠﺪﻛﺎﻥ .. ﻓﺘﺢ ﺍﻟﺪﻛﺎﻥ .. ﻭﻛﺎﻥ ﺧﺎﺗﻲ ﺍﻟﻤﻠﻴﻮﻥ ﻓﻲ ﺻﻨﺪﻭﻕ ﺑﺘﺎﻉ ﺷﺎﻱ .. ﻭﺩﺍﺳﻴﻬﻮ ﻓﻲ ﻛﺮﺗﻮﻧﺔ .. ﺷﺎﻟﻮ ﺑﻲ ﺻﻨﺪﻭﻗﻮ .. ﻭﺧﺘﺎﻫﻮ ﻓﻲ ﻛﻴﺲ ﺍﺳﻮﺩ .. ﻭﻃﻠﻊ ﺑﻴﻬﻮ ﻋﻠﻲ ﺑﻴﺖ ﺍﻟﻌﺰﺍﺑﺔ .. ﻟﻘﺎﻫﻢ ﻳﺎﺩﻭﻭﺏ ﺑﺎﺩﻳﻦ ﻓﻲ ﺍﻟﻘﻌﺪﺓ .. ﻭﺍﻟﺸﻴﺸﺔ .. ﻭﺍﻟﺴﺠﺎﻳﺮ .. ﻭﺍﻟﺪﺧﺎﺧﻴﻦ ﺣﻜﺎﻳﺔ ﻣﺰﻋﺠﺔ ﺷﺪﻳﺪ .. ﻭﺗﺠﻴﺐ ﻗﺒﻀﺔ ﺍﻟﻨﻔﺲ ..

ﻗﺎﻝ ﻟﻴﻬﻢ ﻛﻴﻒ ﻳﺎﺟﻤﺎﻋﺔ؟؟ ﺍﻫﺎ ﺍﻻﻣﻮﺭ ﻣﺎﺷﺔ ﻛﻴﻒ؟؟ ﻭﺍﻟﻘﻴﻢ ﻋﻠﻰ ﻣﻨﻮ؟؟ ﻭﺍﻟﻠﻌﺒﺔ ﻭﺍﻗﻔﺔ ﻭﻳﻦ؟؟ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ ﻧﺤﻦ ﻫﺴﻲ ﻗﺎﻋﺪﻳﻦ ﻧﻘﺰﻗﺰ ﺑﻲ ﺍﻟﺼﻴﺮ ..‏( ﺍﻟﺴﻤﻚ ﺍﻟﺼﻐﺎﺭ ‏) .. ﺍﺻﺒﺮ ﺍﻟﻴﺠﻮ ﺍﻟﺘﻤﺎﺳﻴﺢ .. ﺑﻌﺪ ﺍﻟﻔﻄﻮﺭ ..

ﺍﻟﻤﻬﻢ ﺑﻌﺪ ﺍﻟﻔﻄﻮﺭ .. ﺍﻟﺠﻤﺎﻋﺔ ﺑﺪﻭ ﻳﺘﻠﻤﻠﻤﻮ .. ﻭﺍﻟﻘﻌﺪﺓ ﻋﻤﺮﺕ .. ﻭﺍﻟﻨﺎﺱ ﻛﻠﻬﺎ ﻋﻨﺪﻫﺎ ﺧﺒﺮ .. ﺍﻧﻮ ﺍﻻﻣﻴﻦ ﺍﻟﺘﺎﺟﺮ .. ﺟﺎﻳﺐ ﻣﻠﻴﻮﻥ .. ﻭﺍﻟﻨﺎﺱ ﻛﻠﻬﺎ ﻃﻤﻌﺎﻧﺔ .. ﻭﻓﻲ ﻧﺎﺱ ﺑﻨﻮ ﺃﻣﺎﻝ ﻋﻠﻰ ﺍﻟﻤﻠﻴﻮﻥ ﺩﻩ ..

ﻣﻊ ﺍﻭﻝ ﻗﻴﻢ ﺍﻻﻣﻴﻦ ﺃﺷﻐﺎﻝ ﺑﻲ ﻣﻴﺔ ..

ﺧﻢ ﻟﻴﻚ ﺍﻟﻨﺎﺱ ﺩﻱ ﺟﺖ ..

ﻭﻟﻌﺐ ﺑﺎﻟﻤﻴﺔ ﺍﻟﺘﺎﻧﻴﺔ .. ﻭﺧﻢ ﺍﻟﻨﺎﺱ .. ﻳﺎﺯﻭﻝ ﻟﻐﺎﻳﺔ ﺻﻼﺓ ﺍﻟﺠﻤﻌﺔ .. ﺧﺴﺮ ﻣﺮﺓ ﻭﺍﺣﺪﺓ ﺑﺲ .. ﻭﻓﻲ ﺍﻟﻤﺮﺓ ﺍﻟﺒﻌﺪﻫﺎ ﺭﺟﻊ ﻗﺮﻭﺷﻮ .. ﻭﺷﺎﻝ ﺍﻟﻔﺮﺷﺔ .. ‏( ﻳﻌﻨﻲ ﻟﻢ ﻗﺮﻭﺵ ﺍﻟﻠﻌﺒﺔ ﻛﻠﻬﺎ ‏)

ﺍﻟﻤﻬﻢ ﺍﻟﺰﻭﻝ ﺩﻩ ﺧﻼ ﺍﻟﻘﻌﺪﺓ ﺩﻱ ﻣﺎﻓﻴﻬﺎ ﻻﻗﺮﺵ .. ﺍﻟﺤﺎﻟﺔ ﺩﻱ ﻭﻻ ﻟﻌﺐ ﺑﺎﻟﻤﻠﻴﻮﻥ ﻛﻠﻪ ..

ﻗﺮﻭﺷﻮ ﻭﺻﻠﺖ ﻗﺮﻳﺐ ﺍﻟﺘﻼﺗﺔ ﻣﻠﻴﻮﻥ ﻭﺷﻮﻳﺔ ..

ﻗﺎﻟﻮ ﻟﻴﻬﻮ ﺑﻌﺪ ﺍﻟﺼﻼﺓ ﺗﺠﻲ ﺗﻮﺍﺻﻞ ..

ﻗﺎﻝ ﻟﻴﻬﻢ ﻭﻳﻨﻬﺎ ﻗﺮﻭﺷﻜﻢ؟ .. ﻗﺎﻟﻮ ﻟﻴﻬﻮ ﺗﺪﻳﻨﺎ ﺩﻳﻦ ..

ﻭﻧﺴﺪﺩ ﻟﻴﻚ ﻣﻦ ﺍﻟﻠﻌﺒﺔ ..

ﻗﺎﻝ ﻟﻴﻬﻢ ﻛﺪﻱ ﻧﺸﻮﻑ ﺑﻌﺪ ﺍﻟﺼﻼﺓ .. ﻭﺍﻟﻠﻪ ﺍﻧﺎ ﺍﻟﺪﻳﻦ ﺩﻩ .. ﺑﺨﺎﺍﻑ ﻣﻨﻮ ..

ﻳﺎﺯﻭﻝ ﺍﻟﺰﻭﻝ ﺩﻩ ﻋﺮﻑ ﺍﻧﻮ ﺍﻟﻘﺮﻭﺵ ﺩﻱ .. ﻣﻤﻜﻦ ﺗﺸﺘﺮﻱ ﻟﻴﻬﻮ ﻗﻄﻌﺔ ﻣﺘﻮﺍﺿﻌﺔ ﻛﺪﺍ ﻳﻌﻨﻲ .. ﺑﻌﺪ ﺍﻟﺼﻼﺓ .. ﻣﺸﻰ ﺍﻟﺪﻛﺎﻥ .. ﻭﺗﺎﻧﻲ ﺍﺑﺎ ﻳﺠﻴﻬﻢ .. ﻛﺸﺢ ﻟﻴﻬﻢ ﺣﺒﺔ ﻭﺍﻃﺎ ﺯﻱ ﻣﺎﺑﻘﻮﻟﻮ .. ﺧﺖ ﻗﺮﻭﺷﻮ ﻓﻲ ﺍﻟﺪﻛﺎﻥ ﺟﻮﺓ .. ﻓﻲ ﻧﻔﺲ ﺍﻟﺤﺘﺔ ﺍﻟﻜﺎﻥ ﺧﺎﺗﻲ ﻓﻴﻬﺎ ﺍﻟﻤﻠﻴﻮﻥ ..

ﻭﻗﺎﻝ ﺩﻱ ﻣﺎﺑﻬﺒﺸﻬﺎ .. ﺍﻻ ﺍﺷﺘﺮﻱ ﺑﻴﻬﺎ ﺍﻟﻘﻄﻌﺔ .. ﻋﺸﺎﻥ ﺧﺎﻃﺮ ﻋﻴﻮﻥ ﻧﺪﻭ .. ﻓﺮﺣﺎﻥ ﻓﺮﺣﺔ ﻋﺠﻴﺒﺔ .. ﻭﻣﺸﻰ ﺍﻟﺒﻴﺖ ..

ﻭﺻﻞ ﺍﻟﺒﻴﺖ ﺯﻱ ﺍﻟﺴﺎﻋﺔ 3 ﻛﺪﺍ .. ﻓﺮﺣﺎﻥ .. ﻟﻜﻦ ﺍﻟﺠﻤﻌﺔ ﻣﺎﺻﻼﻫﺎ .. ﻭﺻﻞ ﺍﻟﺒﻴﺖ ﺻﻼﻫﺎ ﺿﻬﺮ .. ﻻﻧﻮ ﻛﺎﻥ ﺧﺎﻳﻒ ﻋﻠﻰ ﺍﻟﻘﺮﻭﺵ ..

ﻗﺒﻴﻞ ﻟﻤﻦ ﻣﺸﻰ ﻓﺘﺢ ﺍﻟﺪﻛﺎﻥ ﻭﺭﺗﺐ ﻟﻴﻬﺎ .. ﺍﻟﺼﻼﺓ ﻛﺎﻥ ﻓﺎﺗﺖ ..

ﺍﻟﻤﻬﻢ .. ﻭﺻﻞ ﺍﻟﺒﻴﺖ .. ﻭﻳﺘﺒﺴﻢ ﻭﻣﺘﻜﻴﻒ ﻛﻴﻒ ﺷﺪﻳﺪ ﺧﻼﺹ .. ﻭﻟﻤﺘﻴﻦ ﺑﺎﻛﺮ ﻳﺠﻲ .. ﻋﺸﺎﻥ ﻳﻼﻗﻲ ﻧﺪﻭ ﺍﻟﻤﻨﺪﺍﺣﺔ ..

ﻭﺍﻳﻤﺎﻥ ﺗﻌﺎﻳﻦ ﻟﻴﻬﻮ ﺳﺎﻱ .. ﻳﺎﺭﺑﻲ ﺍﻟﺮﺍﺟﻞ ﺩﻩ ﻣﺎﻟﻮ ﻓﺮﺣﺎﻥ ﻛﺪﻱ؟؟ ..

ﻭﺍﻟﻠﻪ ﺍﻟﻌﻈﻴﻢ ﺍﻧﺎ ﺍﻟﺸﻤﺎﺭ ﻗﺎﻃﻊ ﻗﻠﺒﻲ ..

ﻭﺍﻟﺼﺎﻓﻲ ﻛﺎﻥ ﻧﺎﻳﻢ ﺟﻮﺓ .. ﻟﻤﻦ ﺣﺲ ﺑﻲ ﺣﺮﻛﺔ ﺍﺑﻮﻫﻮ ﺑﺮﻩ .. ﺟﺎ ﻃﺎﻟﻊ ..

ﻭﺍﺗﻀﺎﺭﺍ ﻓﻲ ﺍﻟﺒﺎﺏ ﻛﺪﺍ .. ﻭﺑﻘﻰ ﻳﻌﺎﻳﻦ ﻻﺑﻮﻫﻮ .. ﻋﺎﻳﺰ ﻳﺸﻮﻑ ﺍﺑﻮﻫﻮ ..

ﻭﻣﺎﻋﺎﻳﺰ ﺍﺑﻮﻫﻮ ﻳﺸﻮﻓﻮ .. ﺧﺎﻳﻒ ﻳﻀﺎﻳﻘﻮ ﻭﻻﺷﻲ ..

ﺍﻟﻤﻬﻢ ﺍﻻﻣﻴﻦ ﺷﺎﻓﻮ ﻗﺎﻝ ﻟﻴﻬﻮ ﺍﻟﺼﺎﻓﻲ؟

ﻣﺎﻟﻚ ﺑﺘﺘﻠﺒﺪ ؟ ﺍﻧﺖ ﺍﻟﻴﻮﻣﻴﻦ ﺩﻳﻞ .. ﺍﺗﻌﻠﻤﺖ ﻟﻴﻚ ﺣﺮﻛﺎﺕ ﻛﺪﺍ ﻣﺎﻋﺎﺟﺒﺎﻧﻲ ..

ﺗﻌﺎﻝ .. ﺟﺎ ﻃﺎﻟﻊ .. ﻭﻣﺎﺳﻚ ﺍﺻﺒﻌﻮ ﺍﻟﺼﻐﻴﺮ .. ﺑﺪﻋﻚ ﻓﻴﻬﻮ ﺑﻴﺪﻭ ﺍﻟﺘﺎﻧﻴﺔ ..

ﻭﺷﻜﻠﻮ ﺧﺎﻳﻒ .. ﺍﻧﻮ ﺍﺑﻮﻫﻮ ﻳﺤﺮﺟﻮ .. ﺍﻭ ﻳﻘﻮﻝ ﻟﻴﻬﻮ ﻛﻼﻡ ﺣﺎﺭ ..

ﻗﺎﻝ ﻟﻴﻬﻮ ﻣﺎﻟﻚ ﻳﺎ ﺍﻟﺼﺎﻓﻲ؟ .. ﻣﺎﻟﻚ ﻣﺘﻀﺎﺭﻱ ﻣﻨﻲ ﺑﻲ ﻭﺭﺍ ﺍﻟﺒﺎﺏ؟ ..

ﻗﺎﻝ ﻟﻴﻬﻮ ﺩﺍﻳﺮ ﺍﺷﻮﻓﻚ ﻳﺎ ﺍﺑﻮﻱ .. ﻣﻦ ﺯﻣﺎﻥ ﻣﺎﺷﻔﺘﻚ ..

ﻗﺎﻝ ﻟﻴﻬﻮ ﻃﻴﺐ .. ﻣﺎﺗﺠﻴﻨﻲ ﻋﺪﻳﻞ ﺗﺸﻮﻓﻨﻲ .. ﻗﺎﻝ ﻟﻴﻬﻮ ﻻﻻ ﺍﻧﺖ ﺯﻋﻼﻥ ﻣﻨﻲ ..

ﻭﺍﻧﺎ ﻣﻨﺪﺍﻳﺮﻙ ﺗﺰﻋﻞ ﻣﻨﻲ ﺗﺎﻧﻲ .. ﻣﻨﺪﺍﻳﺮﻙ ﺗﺸﻮﻓﻨﻲ .. ﻋﺸﺎﻥ ﺍﻧﺎ ﺑﻘﻴﺖ ﺷﺮﻳﺮ ..

ﻗﺎﻝ ﻟﻴﻬﻮﺷﺮﻳﺮ ﻛﻴﻒ ﻳﻌﻨﻲ ؟ ﻗﺎﻝ ﻟﻴﻬﻮ ﻗﺎﻟﻮ ﻟﻴﻨﺎ ﻓﻲ ﺍﻟﻤﺪﺭﺳﺔ .. ﺍﻟﺰﻭﻝ ﺍﻻﺑﻮﻫﻮ ﺑﺰﻋﻞ ﻣﻨﻮ .. ﺩﻩ ﺯﻭﻝ ﺷﺮﻳﺮ .. ﻭﺭﺑﻨﺎ ﺑﻐﻀﺐ ﻋﻠﻴﻚ .. ﺍﺫﺍ ﺍﺑﻮﻙ ﻏﻀﺐ ﻣﻨﻚ ..

ﺍﻻﻣﻴﻦ ﻗﺎﻝ ﻟﻴﻬﻮ ﺍﻳﻮﻩ ﺩﻩ ﻛﻼﻡ ﺻﺎﺡ .. ﻋﺸﺎﻥ ﻛﺪﺍ ﺍﻧﺎ ﺗﺎﻧﻲ ﻟﻮ ﻗﻠﺖ ﻟﻴﻚ ﺣﺎﺟﺔ .. ﻣﺎﺗﻘﻌﺪ ﺗﺘﻌﺎﺑﻂ ﻭﺗﺘﻌﺎﻭﺭ ﻓﺎﻫﻢ ؟

ﻗﺎﻝ ﻟﻴﻬﻮ ﺳﻤﺢ ..

ﺍﻻﻣﻴﻦ ﻗﺎﻝ ﻳﺎ ﺍﻳﻤﺎﺍﺍﻥ .. ﻗﻮﻣﻲ ﺍﻋﻤﻠﻲ ﻟﻲ ﻏﺪﺍ .. ﺑﻲ ﻣﺰﺍﺝ .. ﺍﻧﺎ ﺍﻟﻠﻴﻠﺔ ﺩﺍﻳﺮ ﺍﺗﻐﺪﺍ ﻏﺪﺍ ﺑﻲ ﻓﻬﻢ ..

ﻭﺭﻗﺪ ﻗﻔﺎﻫﻮ .. ﻭﻗﺎﻝ ﺍﺣﺤﺢ ﻭﺍﻟﻠﻪ ﺍﻟﻠﻴﻠﺔ ﺩﻩ ﺍﻧﺠﺎﺯ ﺍﺻﻠﻮ ﻣﺎﺣﺼﻞ .. ﻭﻧﻔﺴﻴﺎﺗﻮ ﻃﺒﻌﺎ " ﻓﻲ ﺍﻟﺴﻤﺎﺀ ..

ﻣﻔﺘﻜﺮ ﺍﻧﻮ ﻛﺴﺐ ﺍﻟﻌﺒﻴﻂ .. ﻭﻧﺎﺳﻲ ﺍﻧﻮ ﺩﻱ ﺍﻛﺒﺮ ﺧﺴﺎﺭﺓ .. ﻭﺍﺳﻮﺀ ﻛﺎﺭﺛﺔ ﻳﻌﻤﻼ ﻓﻲ ﺣﻴﺎﺗﻮ .. ﻟﻜﻦ ﺍﻟﻔﻬﻢ ﻗﺴﻢ ..

ﻭﺍﻟﻌﻤﻰ ﺍﻟﺤﻘﻴﻘﻲ ﻫﻮ ﻋﻤﻰ ﺍﻟﺒﺼﻴﺮﺓ ..

ﺍﻟﺠﻤﺎﻋﺔ ﺍﻟﻌﺰﺍﺑﻪ ﻣﻨﺘﻈﺮﻧﻮ ﺍﻟﻌﺼﺮﺍﻭﻳﺔ ﻛﻠﻬﺎ .. ﻭﻛﻞ ﻣﺮﺓ ﻳﻌﺎﻳﻨﻮ ﻟﻠﺒﺎﺏ .. ﺍﻟﺰﻭﻝ ﺟﺎ ﻭﻻ ﻣﺎﺟﺎ ؟

ﻓﻲ ﻭﺍﺣﺪ ﻗﺎﻝ ﻟﻴﻬﻢ .. ﺍﻟﺰﻭﻝ ﺩﻩ ﻭﺍﻟﻠﻪ ﺧﻼﻛﻢ ﺗﻤﺴﻜﻮ ﺣﺒﺎﻝ ﺍﻟﻬﻮﺍ .. ﺗﺎﻧﻲ ﻣﺎﺑﺠﻴﻜﻢ ..

ﺍﻟﺘﺎﻧﻲ ﻗﺎﻝ ﻟﻴﻬﻮ ﻳﺠﻲ ﻟﺸﻨﻮ؟ ﻋﻨﺪﻛﻢ ﻟﻴﻬﻮ ﻗﺮﻭﺵ؟؟ ..

ﺍﻟﺰﻭﻝ ﻟﻤﻪ ﺍﻟﻘﺮﻭﺵ ﻛﻠﻬﺎ .. ﻭﺧﻼﺹ ﺍﻧﺘﻬﻴﻨﺎ .. ﻟﻜﻦ ﻭﺍﻟﻠﻪ ﺍﻻﻣﻴﻦ ﻃﻠﻊ ﺗﻔﺘﻴﺤﺔ .. ﺍﻟﺰﻭﻝ ﺍﻭﻝ ﻣﺮﺓ ﻳﻠﻌﺐ ﺍﻟﻠﻌﺒﺔ ﺩﻱ .. ﻛﺎﻥ ﺑﻠﻌﺒﻬﺎ ﻣﻌﺎﻧﺎ ﻣﺴﻴﺨﺔ ﺑﺲ .. ﻟﻜﻦ ﺑﺮﺿﻮ ﻛﺎﻥ ﻛﻴﺸﺔ ..

ﻭﻧﺤﻦ ﻫﺴﻲ ﻗﻠﻨﺎ ﺧﻼﺹ .. ﺍﻟﺰﻭﻝ ﺩﻩ ﻧﺸﻴﻞ ﻣﻨﻮ ﺍﻟﻤﻠﻴﻮﻥ .. ﻭﻧﺨﻠﻴﻬﻮ ﻣﺘﺤﻴﺮ .. ﻟﻜﻦ ﻃﻠﻊ ﺍﺑﻦ ﻓﺘﻠﻪ ..

ﺍﻟﺘﺎﻟﺖ ﻗﺎﻝ ﻟﻴﻬﻢ .. ﺍﻟﺰﻭﻝ ﺩﻩ ﺧﺎﻳﻦ ﻭﺍﻟﻠﻪ .. ﻭﻣﺎﻋﻨﺪﻭ ﻋﺸﺮﺓ .. ﻭﻧﺤﻦ ﺍﻟﻤﻔﺮﻭﺽ ﻧﻨﺘﻘﻢ ﻣﻨﻮ .. ﺍﻟﻤﻌﺮﻭﻑ ﻋﻨﺪﻧﺎ .. ﻭﻛﺖ ﺍﻟﺰﻭﻝ ﻗﺮﻭﺷﻮ ﺗﻘﻄﻊ .. ﺑﻨﺪﻳﻨﻮ ..

ﻟﻴﻪ ﺍﻟﺰﻭﻝ ﺩﻩ ﻳﺨﻢ ﺍﻟﻐﻨﻴﻤﺔ .. ﻭﻳﻤﺸﻲ ﺗﺎﻧﻲ ﻣﺎﻳﺠﻲ .. ﻭﺍﻟﻠﻪ ﺍﻧﺎ ﻣﺎﺑﺴﻴﺒﻮ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻢ ﻛﻼﻣﻮ ﺻﺎﺡ .. ﺍﻟﺰﻭﻝ ﺩﻩ ﻻﺯﻡ ﻧﻨﺘﻘﻢ ﻣﻨﻮ ؟

ﻭﺍﺣﺪ ﺭﺍﺑﻊ ﻗﺎﻝ ﻟﻴﻬﻢ ﻳﻌﻨﻲ ﺗﻨﺘﻘﻤﻮ ﻓﻴﻬﻮ ﺗﻌﻤﻠﻮ ﻟﻴﻬﻮ ﺷﻨﻮ .. ؟؟

ﻋﺒﺪ ﺍﻟﻤﻨﻌﻢ ﻗﺎﻝ ﻟﻴﻬﻢ ﺍﻧﺎ ﺑﻌﺮﻑ ﺍﻋﻤﻞ ﻟﻴﻬﻮ ﺷﻨﻮ .. ﺍﺻﺒﺮﻭ ﻋﻠﻲ ﺳﺎﻱ ..

ﻃﺒﻌﺎﻋﺒﺪﺍﻟﻤﻨﻌﻢ ﻫﻮ ﺻﺎﺣﺒﻮ ﺍﻻﺳﺎﺳﻲ .. ﺍﻟﺠﺎﺑﻮ ﻟﻠﻨﺎﺱ ﺩﻳﻞ .. ﻭﻋﺮﻓﻮ ﻋﻠﻴﻬﻢ ..

ﻭﺍﻻﻣﻴﻦ ﺍﺻﻼ ﺑﺠﻲ ﺑﻴﺖ ﺍﻟﻌﺰﺍﺑﺔ ﺩﻩ .. ﻋﺸﺎﻥ ﻋﺒﺪﺍﻟﻤﻨﻌﻢ ..

ﺍﻫﺎ ﻳﺎﺯﻭﻝ ﻣﻦ ﺍﻟﺼﺒﺎﺡ .. ﻋﺒﺪﺍﻟﻤﻨﻌﻢ ﺟﺎﻫﻮ ﻓﻲ ﺍﻟﺪﻛﺎﻥ .. ﻗﺎﻝ ﻟﻴﻬﻮ ﻳﺎ ﺍﻻﻣﻴﻦ .. ﺩﻱ ﺷﻨﻮ ﺍﻟﻌﻤﻠﻴﺔ ﺍﻟﺠﺒﺎﻧﺔ ﺍﻟﻌﻤﻠﺘﻬﺎ ﺍﻟﺒﺎﺭﺡ ﺩﻱ؟

ﻗﺎﻝ ﻟﻴﻬﻮ ﻳﺎﺗﻮ ﻋﻤﻠﻴﺔ ﻳﺎﻋﺒﺪﺍﻟﻤﻨﻌﻢ ؟ ﻳﻌﻨﻲ ﻋﺸﺎﻥ ﺍﺑﻴﺖ ﺍﺟﻲ ﺭﺍﺟﻊ ﺍﺩﻳﻨﻜﻢ ؟ ﻳﺎﺧﻲ ﺍﻧﺎ ﻣﺎﻋﻨﺪﻱ ﻣﺰﺍﺝ ﺍﻟﻌﺐ ﺗﺎﻧﻲ ..

ﺍﻧﺘﻮ ﺣﺪﺩﺗﻮ ﻋﺪﺩ ﺍﻗﻴﺎﻡ ﻣﻌﻴﻨﺔ؟

ﻗﺎﻝ ﻟﻴﻬﻮ ﻻﻻ ﻣﺎﺣﺪﺩﻧﺎ .. ﻟﻜﻦ ﻣﻦ ﺍﻟﺬﻭﻕ ﻭﺍﻻﺩﺏ .. ﻧﺤﻦ ﻧﺎﺱ ﺍﺧﻮﺍﻧﻚ .. ﻣﺎﻣﻤﻜﻦ ﺗﻠﻢ ﺍﻟﻐﻨﻴﻤﺔ ﻭﺗﺰﻭﻍ .

ﻗﺎﻝ ﻟﻴﻬﻮ ﺍﻟﻐﻨﻴﻤﺔ ﺍﻧﺎ ﺳﺎﺭﻗﻬﺎ ﻣﻨﻜﻢ؟؟ ﻣﺶ ﺟﺒﺘﻬﺎ ﺑﻲ ﻟﻌﺐ ﻧﺰﻳﻪ؟

‏( ﻫﻬﻬﻬﻪ ﻗﺎﻝ ﻟﻌﺐ ﻧﺰﻳﻪ ﻗﺎﻝ .. ﻭﺍﻟﻠﻪ ﻏﺎﻳﺘﻮ ﺟﻨﺲ ﻭﻫﻢ ‏)

ﺍﺗﺬﻛﺮﺕ ﻧﻜﺘﺔ .. ﻗﺎﻟﻮ ﻓﻲ ﻭﺍﺣﺪ ﻣﺸﻰ ﻳﺴﻜﺮ .. ﻋﻨﺪ ﺳﺖ ﺍﻟﻌﺮﻗﻲ .. ﻛﺒﺖ ﻟﻴﻬﻮ ﻓﻲ ﺍﻟﻜﺒﺎﻳﺔ ﻛﺪﺍ .. ﻋﺎﻳﻦ ﻟﻲ ﺍﻟﺨﻤﺮﻩ ﻟﻘﺎﻫﺎ ﺻﺎﻓﻴﺔ ﻭﺷﻔﺎﻓﺔ .. ﻭﻗﺎﻝ ﻟﻴﻬﺎ ﻭﺍﻟﻠﻪ ﺷﻐﻠﻚ ﺍﺻﻠﻲ .. ﺩﻩ ﺷﻐﻞ ﺻﺎﻓﻲ ﺷﺪﻳﺪ .. ﻗﺎﻟﺖ ﻟﻴﻬﻮ ﺍﻭﻝ ﻗﺎﻟﻮ ﻟﻴﻚ ﺍﻧﺎ ﺑﺄﻛﻞ ﺍﻭﻻﺩﻱ ﺍﻟﺤﺮﺍﻡ؟ ﻫﻬﻬﻊ ..

ﻳﻌﻨﻲ ﺣﻨﻚ ﺍﻧﻬﺎ ﻣﺎﺑﺘﻐﺶ ﻓﻲ ﺍﻟﻌﺮﻗﻲ .. ﻭﺑﻲ ﻛﺪﺍ ﺑﺘﺎﻛﻞ ﺣﻼﻝ ..

ﺍﻟﻨﺎﺱ ﺩﻱ ﻃﺎﺷﺔ ﺷﺒﻜﺔ ﻭﻻ ﺑﺴﺘﻬﺒﻠﻮ ..

ﺍﻟﻤﻬﻢ .. ﻋﺒﺪ ﺍﻟﻤﻨﻌﻢ ﻗﺎﻝ ﻟﻴﻬﻮ ﺍﺳﻤﻌﻨﻲ ﻳﺎ ﺍﻻﻣﻴﻦ .. ﺍﻟﻨﺎﺱ ﺩﻳﻞ ﺯﻋﻼﻧﻴﻦ .. ﻭﺣﺎﻟﻔﻴﻦ ﻳﻨﺘﻘﻤﻮ ﻣﻨﻚ ..

ﻭﺍﻧﺎ ﻗﻠﺖ ﻟﻴﻬﻢ ﺑﺠﻴﺐ ﻟﻴﻜﻢ ﻣﻨﺔ ﺣﺎﺟﺔ ﻛﻮﻳﺴﺔ .. ﺍﻧﺖ ﺍﺩﻳﻨﻲ ﻧﺺ ﻣﻠﻴﻮﻥ ﺍﻭﺯﻋﻮ ﻟﻴﻬﻢ ..

ﻻﻧﻬﻢ ﺍﻟﻨﺎﺱ ﺩﻳﻞ ﻣﻤﻜﻦ ﻳﻮﺻﻠﻮ ﺧﺒﺮﻙ ﻟﻲ ﻋﻄﻴﺔ .. ﺍﻧﻚ ﺑﺘﻠﻌﺐ ﻗﻤﺎﺭ .. ﻭﻣﻤﻜﻦ ﻳﻮﺻﻠﻮ ﺧﺒﺮﻙ ﻟﻲ ﻧﺪﻯ .. ﺍﻧﻚ ﻣﺘﺰﻭﺝ ﻭﻋﻨﺪﻙ ﻭﻟﺪ ..

ﻭﻣﻤﻜﻦ ﻳﻮﺻﻠﻮ ﺧﺒﺮﻙ ﻟﻲ ﻣﺮﺍﺗﻚ .. ﺍﻧﻚ ﺑﺘﺤﺐ ﺑﻲ ﻭﺭﺍﻫﺎ .. ﻭﺩﺍﻳﺮ ﺗﺘﺰﻭﺝ .. ﻭﺑﺘﻠﻌﺐ ﻗﻤﺎﺭ .. ﺩﻱ ﻛﻠﻬﺎ ﺣﺎﺟﺎﺕ ﺍﻧﺖ ﻧﺎﺳﻴﻬﺎ .. ﻣﻤﻜﻦ ﺗﻄﺮﺷﻖ ﻟﻴﻚ ﺣﻴﺎﺗﻚ ..

ﺍﻻﻣﻴﻦ ﻗﺎﻝ ﻟﻴﻬﻮ ﻳﻌﻨﻲ ﻳﺎﻋﺒﺪﺍﻟﻤﻨﻌﻢ ﺍﻧﺖ ﺑﺘﻬﺪﺩﻧﻲ؟؟ .. ﺍﻧﺖ ﻗﺎﻳﻠﻨﻲ ﺑﺨﺎﻑ؟؟ . ﻭﺍﺩﻳﻚ ﻗﺮﻭﺷﻲ ﺍﻟﻜﺴﺒﺘﻬﺎ ﺑﻲ ﻋﺮﻕ ﺟﺒﻴﻨﻲ ؟

ﺍﻧﺎ ﻣﺎﺑﺪﻱ ﺯﻭﻝ ﺗﻌﺮﻳﻔﻪ ﻭﺍﺣﺪﺓ .. ﻭﺩﻩ ﺍﺧﺮ ﻛﻼﻡ ﻋﻨﺪﻱ .. ﻗﻮﻝ ﻟﻴﻬﻢ ﺍﻻﻣﻴﻦ ﻗﺎﻝ ﻟﻴﻜﻢ ﺍﻱ ﺯﻭﻝ ﻳﻌﻤﻞ ﺍﻟﺒﺮﻳﺤﻮ .. ﻭﺍﻧﺎ ﻋﺎﺭﻓﻚ ﺍﻧﺖ ﻣﺎﻣﻤﻜﻦ ﺗﺨﻠﻴﻬﻢ ﻳﺨﺮﺑﻮ ﻋﻠﻲ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ ﻣﺎﺩﺍﻡ ﻗﻠﺖ ﻛﺪﻱ .. ﺍﻧﺎ ﻣﺎﻟﻲ ﻭﻣﺎﻟﻚ .. ﺍﻟﻤﻬﻢ ﺍﻧﺎ ﻧﺒﻬﺘﻚ ﺗﻨﺒﻴﻪ .. ﻟﺤﺎﺟﺎﺕ ﺍﻧﺖ ﻣﺎﺟﺎﻳﺐ ﻟﻴﻬﺎ ﺧﺒﺮ .. ﻃﻴﺐ ﺍﺩﻳﻨﻲ ﺣﺎﺟﺔ ﺍﻧﺎ ﺍﻥ ﺷﺎﺀ ﺍﻟﻠﻪ ﻣﺼﺎﺭﻳﻒ .. ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﻘﺮﻳﺸﺎﺕ ﺩﻳﻞ ﻋﻨﺪﻱ ﺑﻴﻬﻦ ﻏﺮﺽ ﻭﻣﺎﻋﺎﻳﺰ ﺍﻧﻘﺼﻬﻦ ..ﻋﺒﺪ ﺍﻟﻤﻨﻌﻢ ﻣﻦ ﻣﺤﻠﻮ ﺩﺍﻙ .. ﻣﺸﻰ ﻋﻠﻰ ﺩﻛﺎﻥ ﻋﻄﻴﺔ .. ﻓﻲ ﺍﺧﺮ ﺍﻟﺴﻮﻕ ..

ﺳﻠﻢ ﻋﻠﻴﻬﻮ .. ﻭﻋﻄﻴﺔ ﻃﻠﺐ ﻟﻴﻬﻮ ﺷﺎﻱ .. ﻭﻗﺎﻝ ﻟﻴﻬﻮ ﻛﻴﻒ ﺍﻻﺣﻮﺍﻝ ﻳﺎﻋﺒﺪ ﺍﻟﻤﻨﻌﻢ؟؟ ﻭﺍﻟﻠﻪ ﺩﻱ ﺷﻘﺔ ﻏﺮﻳﺒﺔ ﺍﻟﻠﻴﻠﺔ ..

ﻣﻦ ﺯﻣﺎﻥ ﻭﺍﻧﺎ ﺑﻘﻮﻝ ﻋﺒﺪ ﺍﻟﻤﻨﻌﻢ ﺩﻩ ﺍﺻﻠﻮ ﻣﺎﺑﺪﻭﺭﻧﻲ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﺤﻘﻴﻘﺔ ﻳﺎﻋﻄﻴﺔ .. ﻧﺤﻦ ﻧﺎﺱ ﺑﺘﺎﻋﻴﻦ ﻫﻠﺲ .. ﻭﺳﻜﺮ .. ﻭﻗﻤﺎﺭ .. ﻭﺑﻨﻘﻮ ﻭﺍﻧﺖ ﺍﻟﺤﺎﺟﺎﺕ ﻣﺎﻣﻦ ﻧﺎﺳﻬﺎ .. ﻋﺸﺎﻥ ﻛﺪﺍ ﺍﻧﺎ ﺑﺒﻌﺪ ﻣﻨﻚ .. ﻭﻋﺎﺭﻓﻚ ﻣﺎ ﺑﺘﻬﻀﻤﻨﻲ ..

ﻗﺎﻝ ﻟﻴﻬﻮ ﻛﻮﻳﺲ ﻳﺎﻋﺒﺪﺍﻟﻤﻨﻌﻢ .. ﺍﺗﻔﻀﻞ ﺍﺷﺮﺏ ﺍﻟﺸﺎﻱ ﻭﺍﻣﺮﻧﻲ .. ﺑﺎﻱ ﺧﺪﻣﺔ ..

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻋﻄﻴﺔ ﻣﺎﻋﻨﺪﻱ ﺧﺪﻣﺔ ﻃﺎﻟﺒﻬﺎ ﻣﻨﻚ .. ﺑﺲ ﺍﻧﺖ ﻳﺎﺧﻲ ﺑﻘﻴﺖ ﺑﻌﻴﺪ ﻣﻦ ﺍﻻﻣﻴﻦ .. ﻭﺍﻻﻣﻴﻦ ﺩﻩ ﺍﻟﻴﻮﻣﻴﻦ ﺩﻳﻞ ﻣﺎﺳﻚ ﻟﻴﻬﻮ ﻃﺮﻳﻖ .. ﻧﺤﻦ ﺫﺍﺗﻮ ﺍﻟﻄﺮﻳﻖ ﺩﻩ ﻣﻠﻴﻨﺎ ﻣﻨﻮ .. ﻭﻛﺮﻫﻨﺎﻫﻮ .. ﻭﺩﺍﻳﺮﻳﻦ ﻃﺮﻳﻘﺔ ﺗﺒﻌﺪﻧﺎ ﻣﺎ ﻻﻗﻴﻨﻬﺎ ..

ﻗﺎﻝ ﻟﻴﻬﻮ ﺍﻻﻣﻴﻦ ﻣﺎﻟﻮ ﻳﺎ ﻋﺒﺪﺍﻟﻤﻨﻌﻢ ؟؟ ﺍﺣﻜﻲ ﻟﻲ ﻋﺪﻳﻞ ..

ﻗﺎﻝ ﻟﻴﻬﻮ ﻭﺍﻟﻠﻪ ﺍﻻﻣﻴﻦ ﺍﻟﻴﻮﻣﻴﻦ ﺩﻱ .. ﺑﺎﺭﻱ ﻟﻴﻬﻮ ﺑﺖ ﻣﻦ ﺑﻨﺎﺕ ﺍﻝ ....

ﻭﻗﺎﻝ ﺩﺍﻳﺮ ﻳﺘﺰﻭﺟﻬﺎ ﻓﻮﻕ ﻣﺮﺍﺗﻮ .. ﻭﻫﻲ ﺑﺘﻐﺶ ﻓﻴﻬﻮ .. ﻭﻫﻮ ﺑﻐﺶ ﻓﻴﻬﺎ ..

ﻫﻲ ﻋﻨﺪﻫﺎ 13 ﺣﺒﻴﺐ .. ﻭﻫﻮ ﻣﺎﻛﻠﻤﻬﺎ ﺍﻧﻮ ﻣﺘﺰﻭﺝ ﻭﻋﻨﺪﻭ ﻭﻟﺪ ..

ﻭﻛﻞ ﻭﺍﺣﺪ ﺑﻐﺶ ﻓﻲ ﺍﻟﺘﺎﻧﻲ ..

ﻭﺩﻱ ﻣﺎ ﺍﻟﻤﺸﻜﻠﺔ .. ﺍﻟﻤﺸﻜﻠﺔ ﺍﻧﻮ ﺍﻟﺒﺖ ﺑﻘﺖ ﺗﻐﺶ ﻓﻴﻬﻮ .. ﻭﺗﺴﻒ ﻓﻲ ﻗﺮﻭﺷﻮ .. ﻟﻐﺎﻳﺔ ﻣﺎ ﺍﻟﺰﻭﻝ ﺩﻩ ﺍﺿﻄﺮ ﻳﻘﻌﺪ ﻣﻌﺎﻧﺎ ﻓﻲ ﻃﺮﺑﻴﺰﺓ ﺍﻟﻘﻤﺎﺭ ..

ﻋﻄﻴﺔ ﻗﺎﻝ ﻟﻴﻬﻮ ﻳﻘﻌﺪ ﻓﻲ ﻃﺮﺑﻴﺰﺓ ﺍﻟﻘﻤﺎﺭ ﻳﻌﻤﻞ ﺷﻨﻮ؟

ﻗﺎﻝ ﻟﻴﻬﻮ ﻳﺎﺧﻲ ﺍﻟﺰﻭﻝ ﺩﻩ ﺍﻣﺲ ﺍﻟﺠﻤﻌﺔ ﻛﻠﻬﺎ ﺷﻐﺎﻝ ﻟﻌﺐ .. ﻭﺧﺮﺕ ﺍﻟﺠﻤﺎﻋﺔ ﻛﻤﺎﻥ ..

ﻋﻄﻴﺔ ﻗﺎﻝ ﻟﻴﻬﻮ ﺍﺻﻼ ﻣﺎﺑﺼﺪﻕ .. ﺍﻧﻮ ﺍﻻﻣﻴﻦ ﻳﻌﻤﻞ ﻛﺪﺍ .. ﺍﻧﺖ ﺯﻭﻝ ﺣﺎﻗﺪ .. ﻭﻋﺎﻳﺰ ﺗﺒﻮﻅ ﺳﻤﻌﺔ ﺍﻟﺮﺍﺟﻞ .. ﻳﺎﺧﻲ ﺣﺮﺍﻡ ﻋﻠﻴﻚ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ ﺍﻧﺖ ﺑﺲ ﺍﻣﺸﻲ ﺍﺳﺄﻟﻮ .. ﺷﻮﻓﻮ ﺑﻘﻮﻝ ﻟﻴﻚ ﺷﻨﻮ .. ﻟﻮ ﻧﻜﺮ ﻧﺎﺩﻳﻨﻲ .. ﻭﺍﻧﺎ ﻣﺎﻋﻨﺪﻱ ﻣﺎﻧﻊ ﺍﻋﻤﻞ ﻣﻌﺎﻫﻮ ﻣﻮﺍﺟﻬﺔ .. ﺍﺻﻼ ﺗﺎﻧﻲ ﻣﺎﻋﻨﺪﻱ ﻣﻌﺎﻫﻮ ﺣﺎﺟﺔ ..

ﻗﺎﻝ ﻟﻴﻬﻮ ﺟﺪﺍ .. ﺑﻌﺪ ﺳﺎﻋﺔ ﺍﻧﺎ ﺑﻤﺸﻲ ﻋﻠﻴﻬﻮ .. ﻫﺴﻲ ﻋﻨﺪﻱ ﺯﻭﻝ ﺟﺎﻳﻴﻨﻲ .. ﻟﻜﻦ ﻭﺍﻟﻠﻪ ﻳﺎﻋﺒﺪﺍﻟﻤﻨﻌﻢ ﺍﻟﻘﺎﻙ ﺑﺘﻜﺬﺏ .. ﻣﺎﺑﺴﻴﺒﻚ ﺍﻧﺖ ﻋﺎﺭﻓﻨﻲ ﺍﻧﺎ ﻛﺎﻥ ﻗﻤﺖ ﺑﻌﻤﻞ ﻟﻴﻚ ﺷﻨﻮ؟

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ ﻳﺎﻣﻌﻠﻢ ﻭﻻ ﺗﺰﻋﻞ ﺭﻭﺣﻚ .. ﺍﻧﺎ ﺑﻤﺸﻲ ﻣﻌﺎﻙ ﺧﻠﻴﻬﻮ ﻳﻨﻜﺮ ﻗﺪﺍﻣﻲ ..

ﻭﺑﻨﺘﻈﺮﻙ ﻫﻨﺎﻙ .. ﻣﻊ ﻋﻤﺮ ﺑﺘﺎﻉ ﺍﻟﻤﻐﻠﻖ .. ﻟﻤﻦ ﺗﺨﻠﺺ ﻣﻦ ﺯﻭﻟﻚ ﻛﻮﺭﻙ ﻟﻲ .. ﻧﻤﺸﻲ ﻟﻴﻬﻮﺳﻮﺓ ..

ﻭﻓﻌﻼ ﺍﻧﺘﻈﺮ ﻋﻄﻴﺔ ﻟﻤﻦ ﺍﻟﺰﻭﻝ ﺍﻟﻤﻨﺘﻈﺮﻭ ﺟﺎﻫﻮ .. ﻭﺧﻠﺺ ﻣﻨﻮ ﻭﻧﺎﺩﻯ ﻋﻠﻰ ﻋﺒﺪﺍﻟﻤﻨﻌﻢ ..

ﻭﻣﺸﻮ ﺍﻻﺗﻨﻴﻦ .. ﻟﻴﻤﻨﻮ ؟ ﻣﺸﻮ ﻟﻲ ﺍﻻﻣﻴﻦ ..

ﻭﻋﻄﻴﺔ ﻣﺎﺷﻲ ﻓﻲ ﺍﻟﺸﺎﺭﻉ .. ﻭﻣﺎﻣﺼﺪﻕ ﺍﻟﺤﺎﺻﻞ ﻋﻠﻰ ﺍﻻﻣﻴﻦ ﻧﻬﺎﺋﻲ ..

ﺍﻻﻣﻴﻦ ﻓﻌﻼ ﺑﻘﻰ ﺯﻭﻝ ﻃﻐﻴﺎﻥ .. ﻭﻣﺴﺘﺒﺪ ﻭﻣﺎﻋﻨﺪﻭ ﺍﻱ ﺣﺎﺟﺔ ﻟﺰﻭﻝ

ﻭﺍﺣﺘﻤﺎﻝ ﻳﺸﺨﻂ ﻟﻲ ﻋﻄﻴﺔ ﺫﺍﺗﻮ ..

ﻟﻜﻦ ﺍﻟﺒﺤﺼﻞ ﺷﻨﻮ ﻣﺎﻣﻌﺮﻭﻑ ﻛﺪﻱ ﻧﺸﻮﻑ ﺑﻜﺮﺓ

ﺍﻟﻰ ﺍﻟﻠﻘﺎﺀ

ﺭﻭﺍﻳﺔ ﺍﻟﺼﺎﻓﻲ ..

ﺍﻟﺤﻠﻘﺔ 8

ﺑﻘﻠﻢ ﻃﺎﺭﻕ ﺍﻟﻠﺒﻴﺐ

ــــــــــــــــــــــــ

ﺍﻭﻝ ﻣﻦ ﻭﺻﻠﻮ ﻋﻄﻴﺔ ﻭﻋﺒﺪﺍﻟﻤﻨﻌﻢ .. ﻟﻲ ﺩﻛﺎﻥ ﺍﻻﻣﻴﻦ .. ﺍﻻﻣﻴﻦ ﺷﺎﻓﻬﻢ . ﻋﺮﻑ ﺍﻧﻮ ﻋﺒﺪﺍﻟﻤﻨﻌﻢ ﻛﻠﻢ ﻋﻄﻴﺔ ﺑﺎﻱ ﺣﺎﺟﺔ .. ﻭﺑﻘﻰ ﻳﺒﻠﻊ ﻓﻲ ﺭﻳﻘﻮ .. ﺍﻻﻣﻴﻦ ﺑﺤﺘﺮﻡ ﻋﻄﻴﻪ ﺷﺪﻳﺪ .. ﻭﻣﺎﻋﺎﺭﻑ ﻳﻘﺎﺑﻠﻮ ﻛﻴﻒ .. ﺯﻣﻨﻮ ﺩﻩ ﻛﻠﻮ ﻣﺎﻋﺎﻳﺰ ﻋﻄﻴﺔ ﻳﻌﺮﻑ ﻋﻨﻮ ﺣﺎﺟﺔ ..

ﻋﻄﻴﺔ ﻗﻌﺪ ﺑﺮﺓ ﺍﻟﺪﻛﺎﻥ .. ﻛﺎﻥ ﻓﻲ ﻛﺮﺳﻴﻴﻦ ﻛﺪﺍ ﻗﻌﺪ ﻓﻲ ﻭﺍﺣﺪ .. ﻭﺍﻻﻣﻴﻦ ﺟﺎ ﺳﻠﻢ ﻋﻠﻴﻬﻮ .. ﻭﻗﻌﺪ ﻓﻲ ﺍﻟﻜﺮﺳﻲ ﺍﻟﺘﺎﻧﻲ .. ﻭﻋﺒﺪﺍﻟﻤﻨﻌﻢ ﻗﻌﺪ ﻓﻮﻕ ﺣﺠﺮ ..

ﻋﻄﻴﺔ ﻗﺎﻝ ﻟﻴﻬﻮ ﺩﻩ ﻛﻼﻡ ﺷﻨﻮ ﻳﺎ ﺍﻻﻣﻴﻦ ﺍﻟﻘﺎﻟﻮ ﻟﻲ ﻋﺒﺪﺍﻟﻤﻨﻌﻢ ﺩﻩ؟

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻫﻮ ﺍﻟﺤﺎﺻﻞ ﻭﺍﻟﻠﻪ ﻳﺎ ﻋﻄﻴﻪ .. ﻗﺎﻝ ﻟﻴﻬﻮ ﺍﻧﺖ ﻣﺘﻴﻦ ﺷﻠﺖ ﺣﻴﻠﻚ ﻋﺸﺎﻥ ﺗﺴﻮﻱ ﻟﻚ ﻣﻮﺿﻮﻉ ﻋﺮﺱ؟؟ ﻭﺗﺒﺎﺭﻱ ﺍﻟﺒﻨﺎﺕ ﺍﻟﻤﻠﻘﻄﺎﺕ .. ﻳﺎﺧﻲ ﺍﻧﺖ ﺭﺍﺟﻞ ﻭﺍﻋﻲ ..

ﺩﻩ ﺷﻨﻮ ﺍﻟﺒﺘﺴﻮﻱ ﻓﻴﻬﻮ ﺩﻩ؟ .. ﻋﻠﻴﻚ ﺍﻟﻠﻪ ﻫﺴﻊ ﺍﻧﺖ ﻣﺤﺘﺎﺝ ﻟﻲ ﻋﺮﺱ ؟

ﺑﻌﺪﻳﻦ ﺻﺢ ﺑﻘﻴﺖ ﺗﻘﻌﺪ ﻓﻲ ﺍﻟﻘﻤﺎﺭ ؟

ﺍﻻﻣﻴﻦ ﺩﻩ ﺳﻜﺖ ﺳﺎﻱ .. ﺑﻌﺪ ﻣﺴﺎﻓﺔ ﻗﺎﻝ ﻟﻴﻬﻮ ﻭﺍﻟﻠﻪ ﺑﺲ ﺍﺑﻠﻴﺲ ﻏﺎﻳﺘﻮ .. ﻟﻜﻦ ﻋﺎﻳﻦ ﻳﺎ ﻋﻄﻴﺔ ﻭﺍﻟﻠﻪ ﺍﻧﺎ ﻣﻦ ﺍﻟﺒﺎﺭﺡ ﻗﺮﺭﺕ ﺗﺎﻧﻲ ﻣﺎ ﺍﻗﻌﺪ ﻓﻲ ﻃﺮﺑﻴﺰﺓ ﻗﻤﺎﺭ .. ﻭﺍﻟﻠﻪ ﺍﻟﻨﺎﺱ ﺩﻳﻞ ﺗﺎﻧﻲ ﻣﺎﺑﻘﺒﻞ ﻋﻠﻰ ﺟﻴﻬﺘﻬﻢ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ ﺑﻌﺪ ﺷﻨﻮ؟؟ ﺑﻌﺪ ﺧﻤﻴﺖ ﺍﻟﻘﺮﻭﺵ .. ﻭﺍﻟﻠﻪ ﻋﻤﻠﻴﺘﻚ ﺍﺻﻠﻮ ﻭﺩ ﻧﺎﺱ ﻣﺎﺑﻌﻤﻼ ..

ﺍﻻﻣﻴﻦ ﻗﺎﻝ ﻟﻴﻬﻮ ﻳﺎ ﻋﺒﺪﺍﻟﻤﻨﻌﻢ .. ﺍﺣﺘﺮﻡ ﻧﻔﺴﻚ .. ﻭﺍﻟﻠﻪ ﺍﻧﺎ ﺳﻜﺖ ﻟﻚ ﻛﺘﻴﺮ .. ﺍﻧﺖ ﻣﺎﺑﺘﻌﺮﻓﻨﻲ .. ﻋﻄﻴﺔ ﻗﺎﻝ ﻟﻴﻬﻮ ﺍﻟﻤﻮﺿﻮﻉ ﺑﺘﺎﻉ ﺍﻟﺒﺖ ﺩﻩ ﻳﺎ ﺍﻻﻣﻴﻦ ﻣﻦ ﺍﻟﻠﻴﻠﺔ ﻳﻘﻴﻒ .. ﺑﻌﺪﻳﻦ ﺍﻧﺖ ﻟﻮ ﻋﺎﻳﺰ ﺣﺎﺟﺔ ﺯﻱ ﺩﻱ ﻻﺯﻡ ﺗﻜﻮﻥ ﺯﻭﻝ ﺻﺎﺩﻕ ..

ﻭﺗﺨﻠﻲ ﻣﺮﺗﻚ ﻓﻲ ﺍﻟﺼﻮﺭﺓ .. ﻭﺗﻜﻠﻢ ﺍﻟﺒﺖ ﺍﻧﻚ ﻣﺘﺰﻭﺝ ﻭﻋﻨﺪﻙ ﻭﻟﺪ ..

ﻗﺎﻝ ﻟﻴﻬﻮ ﺍﻳﻮﺓ .. ﺍﻧﺎ ﻛﻨﺖ ﺩﺍﻳﺮ ﺃﻛﻠﻤﻬﺎ .. ﺑﺲ ﺷﻮﻳﺔ ﻛﺪﺍ ..

ﻗﺎﻝ ﻟﻴﻬﻮ ﻳﺎ ﺍﻻﻣﻴﻦ .. ﺍﻧﺖ ﺍﻟﻤﻮﺿﻮﻉ ﺩﻩ ﻣﺎﻣﺤﺘﺎﺝ ﻟﻴﻬﻮ ﺍﺳﺎﺳﺎ .." ﻛﺪﻱ ﺍﺳﺲ ﻧﻔﺴﻚ .. ﻭﺍﺷﺘﺮﻱ ﻟﻴﻚ ﺑﻴﺖ ﻻﻭﻻﺩﻙ .. ﺍﻧﺖ ﻳﺎﺯﻭﻝ ﺍﻟﺤﺎﺻﻞ ﻋﻠﻴﻚ ﺷﻨﻮ؟ . ﻣﺎﻟﻚ ﺩﺍﻳﺮ ﺗﻄﺮﻃﺶ ﻋﻠﻰ ﻛﺒﺮﻙ ..

ﻗﺎﻝ ﻟﻴﻬﻮ ﺍﻧﺖ ﺍﺧﺒﺎﺭﻙ ﺷﻨﻮ ﻳﺎﻋﻄﻴﺔ؟ .. ﻭﻣﺎﻟﻚ ﻗﺎﻃﻌﺘﻨﺎ؟ .. ﻭﻧﺎﺱ ﺍﻟﺒﻴﺖ ﺑٍﺴﺄﻟﻮ ﻣﻨﻚ .. ﻋﻄﻴﺔ ﻋﺮﻓﻮ ﺩﺍﻳﺮ ﻳﺰﻭﻍ ﻣﻦ ﺍﻟﻤﻮﺿﻮﻉ .

ﻗﺎﻝ ﻟﻴﻬﻮ ﺧﻴﺮ ﻳﺎ ﺍﻻﻣﻴﻦ .. ﺍﻧﺖ ﻣﺎﺩﺍﻳﺮ ﺗﺸﺘﻐﻞ ﺑﻲ .. ﻟﻜﻦ ﻣﺎﻓﻲ ﻣﺸﻜﻠﺔ ﺑﺘﻔﻮﺕ ﻓﻴﻨﻲ ﺳﺎﻛﺖ ﻣﻮﺵ ﻛﺪﻱ؟ .. ﻭﺩﻋﺘﻚ ﺍﻟﻠﻪ ﻭﻛﺎﻥ ﺣﻴﻴﻦ ﺑﻨﺘﻼﻗﻰ .. ﻭﻣﺸﻰ .

ﻋﺒﺪﺍﻟﻤﻨﻌﻢ ﻗﺎﻡ ﺍﺗﻨﻔﺾ ﻭﻟﺤﻖ ﻋﻄﻴﺔ .. ﻗﺎﻝ ﻟﻴﻬﻮ ﺍﻫﺎ ﻳﺎﻋﻄﻴﺔ .. ﻟﻘﻴﺘﻨﻲ ﺑﻜﻀﺐ؟؟ .. ﻗﺎﻟﻴﻬﻮ ﺍﻧﺖ ﻳﺎﻋﺒﺪﺍﻟﻤﻨﻌﻢ ﺭﺍﺱ ﺍﻟﺸﺮ .. ﺩﻩ ﻛﻠﻮ ﻃﺎﻟﻊ ﻣﻦ ﺭﺍﺳﻚ ..

ﺍﻧﺎ ﻣﻦ ﻳﻮﻣﻲ ﺍﻟﺠﻴﺖ ﻟﻘﻴﺘﻚ ﺗﺘﻮﻧﺲ ﻣﻊ ﺍﻻﻣﻴﻦ ﻗﺪﺍﻡ ﺍﻟﺪﻛﺎﻥ .. ﻋﺮﻓﺘﻚ ﻣﺎﺟﺎﻱ ﻟﻲ ﺧﻴﺮ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﻮ ﻳﺎﺯﻭﻝ .. ﺍﻧﺎ ﺍﺻﻼ ﻧﺎﻭﻱ ﺍﺻﻠﺢ ﺍﻟﻐﻠﻂ ﺩﻩ .. ﻣﻦ ﺍﻻﻭﻝ ..

ﻳﻼ ﺍﻧﺎ ﺑﻜﻠﻢ ﺍﻟﺒﺖ ﺑﻲ ﺣﻘﻴﻘﺔ ﺍﻻﻣﻴﻦ .. ﻭﺍﻧﺖ ﻣﺎﺗﻨﺴﻰ ﺗﺤﻜﻲ ﻟﻲ ﻣﺮﺗﻮ .. ﺍﻧﺎ ﺑﺲ ﻣﺎﺑﻌﺮﻓﻬﺎ .. ﻭﻻﺑﻌﺮﻓـﻪ ﺳﺎﻛﻦ ﻭﻳﻦ .. ﻭﺍﻟﻠﻪ ﻛﻨﺖ ﺍﻣﺸﻲ ﻟﻴﻬﺎ ﻋﻨﺪ ﺍﻫﻠﻬﺎ ﻭﺣﻜﻴﺖ ﻟﻴﻬﺎ ..

ﻗﺎﻝ ﻟﻴﻬﻮ ﻟﻼﺳﻒ ﻳﺎ ﻋﺒﺪﺍﻟﻤﻨﻌﻢ .. ﺍﻧﺖ ﻣﺎﻗﺼﺪﻙ ﺧﻴﺮ .. ﺍﻧﺖ ﻗﺼﺪﻙ ﺍﻟﻔﺘﻨﺔ .. ﻭﻧﻴﺘﻚ ﺗﺪﻣﺮ ﺍﻻﻣﻴﻦ .. ﻟﻜﻦ ﺍﻧﺎ ﻣﺎﺑﺨﻠﻴﻚ ﺗﺪﻣﺮﻭ .. ﺍﻣﺸﻲ ﻛﻠﻢ ﺍﻟﺒﺖ ﻣﻮﺿﻮﻉ ﺯﻭﺟﺔ ﺍﻻﻣﻴﻦ ﺩﻩ ﺧﻠﻴﻬﻮ ﻋﻠﻲ ..ﺍﻫﺎ ﻳﺎﺯﻭﻝ ﻋﺒﺪﺍﻟﻤﻨﻌﻢ ﻭﻛﺖ ﻣﺸﻰ ﻣﻦ ﻋﻄﻴﺔ ﻓﻜﺮ .. ﻗﺎﻝ ﺍﻧﺎ ﻛﺎﻥ ﻛﻠﻤﺖ ﻧﺪﻯ ﺍﻧﻮ ﺍﻻﻣﻴﻦ ﻣﺘﺰﻭﺝ .. ﺡ ﺗﻬﻴﺞ ﻭﺗﺰﻋﻞ .. ﻭﺗﺨﻠﻴﻬﻮ .. ﻭﻫﻮ ﻳﻤﻮﺕ ﺑﺎﻟﻘﺮﻭﺵ .. ﻭﻳﺼﻠﺢ ﺑﻴﻬﺎ ﺣﺎﻟﻮ .. ﻭﻣﻤﻜﻦ ﻳﻌﺮﺱ ﺍﻱ ﻭﺍﺣﺪﺓ ﻏﻴﺮ ﻧﺪﻯ ..

ﻭﺍﻧﺎ ﺑﻜﻮﻥ ﻣﺎﻛﺴﺒﺖ ﺍﻱ ﺣﺎﺟﺔ ..

ﺍﻧﺎ ﻻﺯﻡ ﺍﻟﻌﺒﻬﺎ ﻟﻌﺒﺔ ﺑﻲ ﻓﻬﻢ .. ﺍﻫﺎ ﻣﻦ ﻣﺤﻠﺘﻮ ﺩﻳﻚ .. ﻣﺸﻰ ﻟﻲ ﻧﺎﺱ ﻧﺒﻴﻬﺔ ﻓﻲ ﺍﻟﺤﻲ .. ﻭﺭﺳﻞ ﻟﻴﻬﻮ ﻭﻟﺪ ﻳﻨﺎﺩﻱ ﻟﻴﻬﻮ ﻧﺒﻴﻬﺔ ﻓﻲ ﺍﻟﺪﻛﺎﻥ .. ﻧﺒﻴﻬﺔ ﺟﺎﺗﻮ ﻻﻓﺤﺔ ﺗﻮﺑﺎ .. ﺧﺎﻳﻔﺔ ﻭﻗﻠﺒﻬﺎ ﻣﻘﻄﻮﻉ . ﻣﺎﻟﻚ ﻳﺎﻋﺒﺪﻭ؟؟ ﺍﻥ ﺷﺎﺀ ﺍﻟﻠﻪ ﻣﺎﻓﻲ ﻛﺎﺭﺛﺔ ..

ﻗﺎﻝ ﻟﻴﻬﺎ ﻓﻲ ﻧﻌﻤﺔ ﺡ ﺗﻜﺴﺒﻨﺎ ﺩﻫﺐ .. ﺑﺲ ﺗﺸﻮﻓﻲ ﻟﻲ ﻧﺪﻯ ﻫﺴﻊ .. ﻓﻲ ﺍﻟﻨﻬﺎﺭ ﺩﻩ .. ﺍﻟﻜﻼﻡ ﺩﻩ ﻛﻠﻮ ﻳﻮﻡ ﺍﻟﺴﺒﺖ ..

ﻗﺎﻟﺖ ﻟﻴﻬﻮ ﺧﻼﺹ ﺍﻣﺸﻲ ﺑﺠﻴﺒﻬﺎ ﻭﻧﺘﻼﻗﺎ ﺑﻌﺪﻳﻦ .. ﺍﻣﺸﻲ ﺍﻣﺸﻲ ﻣﺎﻳﺸﻮﻓﻚ ﺍﻟﺼﺎﺩﻕ ﺍﺧﻮﻱ .. ﻭﺍﻟﻠﻪ ﻳﺨﺮﺏ ﺑﻴﺘﻨﺎ ..

...

ﺍﻫﺎ ﻳﺎ ﺯﻭﻝ ﺑﺎﻟﻠﻴﻞ ﻧﺒﻴﻬﺔ ﺟﺎﺑﺖ ﻧﺪﻯ ﻭﺟﺎﺗﻮ .. ﺍﺗﻼﻗﻮ ﻓﻲ ﺍﻟﺤﺪﻳﻘﺔ ﺑﺮﺿﻮ ..

ﻋﺒﺪﺍﻟﻤﻨﻌﻢ ﻗﺎﻝ ﻟﻴﻬﺎ ﺍﺳﻤﻌﻲ ﻳﺎﻧﺪﻯ .. ﺍﻻﻣﻴﻦ ﺩﻩ ﺟﺎﺗﻮ ﻗﺮﻭﺵ ,, ﻭﻓﻜﺮﺗﻲ ﻧﺠﺤﺖ ﻣﻴﺔ ﻓﻲ ﺍﻟﻤﻴﺔ .. ﻋﺸﺎﻥ ﺗﻌﺮﻓﻲ ﺍﻧﻮ ﺍﻧﺎ ﻗﻠﺒﻲ ﻋﻠﻴﻚ ..

ﻭﺷﻐﺎﻝ ﻟﻲ ﻣﺼﻠﺤﺘﻚ .. ﻭﻋﺸﺎﻥ ﺍﻟﺰﻭﻝ ﺩﻩ ﻣﺎﻳﻀﻴﻊ ﺍﻟﻘﺮﻭﺵ .. ﺣﺎﻭﻟﻲ ﺷﻴﻠﻴﻬﺎ ﻣﻨﻮ .. ﺍﺷﺘﺮﻱ ﻟﻴﻚ ﺑﻴﻬﺎ ﻗﻄﻌﺔ ﺑﻲ ﺍﺳﻤﻚ .. ﻭﺍﻧﺎ ﺑﺴﺎﻋﺪﻙ ﻑ ﻳﺎﻟﻤﻮﺿﻮﻉ ﺩﻩ ﻋﻨﺪﻱ ﺍﺻﺤﺎﺑﻲ ﺗﺠﺎﺭ ﺍﺭﺍﺿﻲ .. ﻭﺗﺎﻧﻲ ﻫﻮ ﻳﺒﻨﻴﻬﺎ ﺑﻲ ﻣﺰﺍﺟﻮ ..

ﻗﺎﻟﺖ ﻟﻴﻬﻮ ﻣﺴﺘﺤﻴﻞ .. ﺍﻧﺎ ﻣﺎﺑﻘﺪﺭ ﺍﻗﻮﻟﻮ ﻛﻼﻡ ﺯﻱ ﺩﻩ .. ﻳﻘﻮﻝ ﻋﻨﻲ ﺷﻨﻮ؟ ﻏﻴﺮ ﻃﻤﺎﻋﺔ ﻭﺑﺘﺎﻋﺔ ﻣﺎﺩﻳﺎﺕ ..

ﻭﻓﻲ ﺍﻟﻨﻬﺎﻳﺔ ﺍﻓﻘﺪﻭ .. ﻫﻮ ﻣﺎﺩﺍﻡ ﻧﻮﻯ ﻳﺸﺘﺮﻱ ﻟﻲ ﺑﻴﺖ ﻣﻠﻚ .. ﺍﻧﺎ ﺗﺎﻧﻲ ﻣﺎﻟﻲ ؟ ﺍﻟﻘﺮﻭﺵ ﺍﻟﻌﻨﺪﻭ ﺑﺘﻜﻮﻥ ﺣﻘﺘﻲ ﺍﻧﺎ .. ﻻﻧﻮ ﺍﺻﻼ ﺡ ﻳﻜﻮﻥ ﺯﻭﺟﻲ ﺍﺫﺍ ﺭﺑﻨﺎ ﺟﻌﻞ ﺍﻟﻘﺴﻤﻪ .. ﻋﺒﺪﺍﻟﻤﻨﻌﻢ ﺑﻘﻰ ﻳﺤﻨﺲ ﻓﻴﻬﺎ .. ﻭﻫﻲ ﺣﺴﺖ ﻣﻦ ﻛﻼﻣﻮ ﺍﻧﻮ ﻧﺎﻭﻱ ﻋﻠﻰ ﺷﻲ ..

ﻗﺎﻟﺖ ﻟﻴﻬﻮ ﺍﻟﻤﻮﺿﻮﻉ ﺩﻩ .. ﺗﺎﻧﻲ ﻣﺎﺗﻨﺎﻗﺸﻨﻲ ﻓﻴﻬﻮ ﻳﺎﻋﺒﺪﺍﻟﻤﻨﻌﻢ .. ﻻﻧﻲ ﻣﺴﺘﺤﻴﻞ ﺍﻋﻤﻞ ﻛﺪﺍ .. ﻗﺎﻝ ﻟﻴﻬﺎ ﻃﻴﺐ ﺍﺳﻤﻌﻲ ﻓﻲ ﺣﺎﺟﺔ ﺍﻧﺘﻲ ﻣﺎﺟﺎﻳﺒﺔ ﻟﻴﻬﺎ ﺧﺒﺮ .. ﺍﻟﺰﻭﻝ ﺩﻩ ﻋﻨﺪﻭ ﻣﺮﺍﺓ ﻗﺒﺎﻟﻚ ﻭﺑﻲ ﻭﻟﺪﻫﺎ ...

ﻗﺎﻟﺖ ﻟﻴﻬﻮ ﻗﻠﺖ ﺷﻨﻮ؟ ﻣﻨﻮ؟ ﺍﻻﻣﻴﻦ؟؟

ﺍﻛﻴﺪ ﺍﻧﺖ ﺑﺘﻬﺮﻃﻖ ﻭﺩﺍﻳﺮ ﺗﻐﻴﻈﻨﻲ ..

ﻗﺎﻝ ﻟﻴﻬﺎ ﻃﻴﺐ ﻻﻗﻴﻬﻮ ﻭﺍﺳﺄﻟﻴﻬﻮ .. ﻭﻟﻮ ﻧﻜﺮ ﻧﺎﺩﻳﻨﻲ .. ﻭﻻ ﺍﻗﻮﻝ ﻟﻴﻚ ﺍﻣﺸﻲ ﻟﻲ ﻭﺍﺣﺪ ﺍﺳﻤﻮ ﻋﻄﻴﺔ ﻭﺩ ﻋﻤﻮ .. ﻭﺑﺒﻘﻰ ﻟﻲ ﻣﺮﺗﻮ .. ﺩﻛﺎﻧﻮ ﻧﻤﺮﺓ ﺗﻼﺗﺔ ﻓﻲ ﺑﻌﺪ ﻣﺤﻼﺕ ‏( .... ....... ‏) ﻋﺮﻓﺘﻲ ﺍﻟﻮﺻﻒ ﺩﻩ ؟

ﻗﺎﻟﺖ ﻟﻴﻬﻮ ﺍﻳﻮﺓ ﺑﻌﺮﻓﻮ ﺍﻟﺪﻛﺎﻥ ﺑﺘﺎﻉ ﺍﻟﻌﺪﺓ ﺩﻩ؟

ﻗﺎﻝ ﻟﻴﻬﺎ ﺑﺲ ﻳﺎﻫﻮ .. ﻗﺎﻟﺖ ﻟﻴﻬﻮ ﺍﻧﺎ ﺑﺎﻛﺮ ﺍﻟﺼﺒﺎﺡ ﻗﺒﻞ ﻣﺎ ﺍﻣﺸﻲ ﻟﻲ ﺍﻻﻣﻴﻦ .. ﺑﻤﺸﻲ ﻟﻴﻬﻮ ﻫﻮ .. ﻭﺑﻌﺮﻑ ﺍﺷﻴﻞ ﻣﻨﻮ ﺍﻟﻤﻌﻠﻮﻣﺔ ﻛﻴﻒ .. ﻭﺍﻟﻠﻪ ﺍﻻﻣﻴﻦ ﻳﻜﻮﻥ ﻓﻌﻼ ﻣﺘﺰﻭﺝ .. ﻭﺩﺍﺳﻲ ﻋﻠﻲ .. ﺍﻟﻠﻪ ﻗﺎﻝ ﺑﻲ ﻗﻮﻟﻮ ..

ﺍﻟﻴﻮﻡ ﺩﻩ ﺍﻟﺴﺒﺖ ﻭﺍﻧﺘﻬﻰ .. ﻭﺍﻻﺣﺪ ﻛﺎﻥ ﺍﻻﻣﻴﻦ ﻣﺘﻮﻗﻊ ﻧﺪﻯ ﺗﺠﻴﻬﻮ ﻓﻲ ﺍﻟﺪﻛﺎﻥ .. ﻣﺎﺟﺎﺕ ..

ﺍﻟﺰﻭﻟﺔ ﺩﻱ ﻳﺎﺯﻭﻝ ﺑﻲ ﺍﺧﺘﺼﺎﺭ ﻣﺸﺖ ﻃﻮﺍﺍﺍﻟﻲ ﻟﻲ ﻋﻄﻴﺔ ..ﻭﻗﻔﺖ ﻟﻴﻬﻮ ﻛﺪﺍ .. ﻭﻋﻄﻴﺔ ﻛﺎﻥ ﺑﻘﺮﺍ ﻟﻴﻬﻮ ﻓﻲ ﺟﺮﻳﺪﺓ .. ﻭﻗﺎﻋﺪ ﻓﻲ ﻧﺺ ﺍﻟﺪﻛﺎﻥ ﻗﺼﺎﺩ ﺍﻟﻤﺮﻭﺣه