روايه الصافي الجزء الاول

رواية الصافي 6

ﺣﻠﻘﺔ ﻟﻤﻴﻨﻴﻪ .. ﺧﺎﻟﻴﺔ ﻣﻦ ﺍﻟﺼﺎﻓﻲ ^+^

ﺍﻻﻣﻴﻦ ﻭﻛﺖ ﻣﺸﻰ ﺑﻴﺖ ﺍﻟﻌﺬﺍﺑﺔ .. ﻟﻘﻰ ﻋﺒﺪﺍﻟﻤﻨﻌﻢ ﻗﺎﻋﺪ ﺑﺮﺍﻫﻮ ..

ﻗﺎﻋﺪ ﻟﻴﻬﻮ ﻓﻮﻕ ﻋﻨﻘﺮﻳﺐ ﺣﺒﺎﻝ ﺻﻐﻴﺮ ﻛﺪﺍ .. ﻭﻣﻬﺘﻮﻙ ﺯﻱ ﺍﻟﺤﻔﺮﺓ .. ﻭﺑﺨﻴﻂ ﻟﻴﻬﻮ ﻓﻲ ﺷﻨﻄﺔ ﻫﺎﻧﺪﺑﺎﻕ ﻗﺪﻳﻤﺔ .. ﺧﺖ ﺍﻟﺸﻨﻄﺔ ﻭﺍﻻﺑﺮﻩ ﻭﻗﺎﻡ ﻣﻦ ﺍﻟﻌﻨﻘﺮﻳﺐ ﺍﻟﻤﻬﺘﻮﻙ ﺑﺎﻟﺠﻼﻟﺔ .. ﻋﺸﺎﻥ ﻳﺴﻠﻢ ﻋﻠﻰ ﺍﻻﻣﻴﻦ .. ﻭﺳﻠﻢ ﻋﻠﻴﻬﻮ ﺳﻼﻣﺎ ﻣﺴﻴﺦ ﻛﺪﻱ .. ﻭﻗﻌﺪ ﺭﺍﺟﻊ .. ﺷﺎﻝ ﺍﻟﺸﻨﻄﺔ ﻭﺍﻻﺑﺮﺓ ﻭﺍﺳﺘﻤﺮ ﻓﻲ ﺍﻟﺨﻴﺎﻃﺔ .

ﺍﻻﻣﻴﻦ ﻋﺮﻑ ﺍﻧﻮ ﺍﻟﺰﻭﻝ ﻣﺎﺷﺎﻳﻞ ﻣﺎﺩﺗﻮ .. ﻭﻣﺎﻋﻨﺪﻭ ﻟﻴﻬﻮ ﺣﺎﺟﺔ ﻓﻲ ﺍﻟﻮﻗﺖ ﺍﻟﺮﺍﻫﻦ ..

ﺳﺄﻟﻪ ﻋﻦ ﺍﺧﺒﺎﺭ ﺍﻟﺠﻤﺎﻋﺔ .. ﻭﻋﺒﺪ ﺍﻟﻤﻨﻌﻢ ﺑﺮﺩ ﻋﻠﻴﻬﻮﺭﺩﻭﺩ ﻣﺴﻴﺨﺔ ﻭﻋﺒﻴﻄﺔ .. ﻭﻗﺮﺏ ﻳﻘﻮﻝ ﻟﻴﻬﻮ ﻳﺎﺧﻮﻱ ﺍﺧﺘﺎﻧﻲ .. ﻣﺎﻋﻨﺪﻱ ﻟﻴﻚ ﺣﺎﺟﺔ ..

ﺍﻻﻣﻴﻦ ﺍﺗﻀﺎﻳﻖ ﺑﺮﺍﻫﻮ .. ﻭﺣﺲ ﺑﺎﻻﺣﺮﺍﺝ .. ﻭﻗﺎﻝ ﻟﻴﻬﻮ ﺧﻼﺹ ﻳﺎﻋﺒﺪ ﺍﻟﻤﻨﻌﻢ .. ﺍﻧﺎ ﺍﺳﺘﺄﺫﻥ ﻧﺘﻼﻗﻰ ﺗﺎﻧﻲ ﺍﻥ ﺷﺎﺀ ﺍﻟﻠﻪ ..

ﻃﺒﻌﺎ ﺩﻱ ﺍﺳﻮﺀ ﻃﺒﻌﺔ ﺍﻧﻚ ﺗﻘﺎﺑﻞ ﺿﻴﻔﻚ ﺑﻲ ﺑﺮﻭﺩ .. ﻭﺗﺤﺴﺴﻮ ﺑﺎﻧﻮ ﻫﻮﺿﻴﻒ ﺛﻘﻴﻞ .. ﺩﻱ ﺍﺑﺪﺍ ﻣﺎ ﻣﻦ ﺷﻴﻢ ﺍﻟﺮﺟﺎﻝ .. ﺍﻟﻀﻴﻒ ﺣﺘﻰ ﻟﻮ ﻋﺪﻭﻙ ﺍﻟﻤﻔﺮﻭﺽ ﺗﻮﺭﻳﻬﻮ ﻏﻠﻄﻮ ﻭﺗﻨﺎﻗﺸﻮ .. ﺍﻭ ﺗﻘﺎﺑﻠﻮ ﺑﻲ ﺑﺴﻤﻪ ﻭﺍﻫﺘﻤﺎﻡ .. ﻟﻜﻦ ﺍﻟﺘﻬﻤﻴﺸﻪ ﺩﻱ ﺍﺳﻮﺀ ﺣﺎﺟﺔ .. ﻗﺎﻝ ﻃﺎﺭﻕ ﺍﻟﻠﺒﻴﺐ ﻣﺮﺓ ﻛﺪﻱ ...

ﻭﻛﺖ ﺍﻟﺰﻭﻝ ﻳﺠﻴﻚ ﻭﺗﻘﺎﺑﻠﻮ ﺑﻲ ﺗﻬﻤﻴﺸﻪ ..

ﻧﺎﺭ ﺍﻟﻐﻞ ﺑﺘﻌﻤﻞ ﻓﻲ ﺍﻟﻔﺆﺍﺩ ﺗﻜﻤﻴﺸﻪ ..

ﻋﻼﻗﺔ ﺍﻟﺨﻮﺓ ﻣﺎﺑﺘﻘﺒﻞ ﻋﻼﺝ ﺗﻌﻤﻴﺸﻪ .

ﺍﺧﻮﻙ ﺭﺣﺒﺒﻮ ﺑﺎﺳﻢ ﻭﻻ ﺯﻭﻝ ﺗﺨﻤﻴﺸﻪ .

ﻋﻠﻰ ﻛﻞ ﺣﺎﻝ .. ﺍﻻﻣﻴﻦ ﺍﺧﺪ ﺑﻌﻀﻮ ﻭﺍﺗﺨﺎﺭﺝ .. ﻣﺮﻕ ﻣﻦ ﺍﻟﺒﻴﺖ ﻭﻫﻮ ﻣﺴﺘﺎﺀ ﻭﻣﺤﺮﺝ .. ﻭﺍﺻﻼ ﻗﺒﻞ ﻣﺎﻳﺪﺧﻞ ﺷﺎﻳﻒ ﻋﻄﺒﺮﺓ ﺑﺎﻟﻨﺴﺒﺔ ﻟﻴﻬﻮ ﺯﻱ ﺧﺮﻡ ﺍﻻﺑﺮﺓ .. ﺑﻲ ﻋﺪﻡ ﻋﻄﻴﺔ .. ﻭﺭﺟﻊ ﺍﻟﺒﻴﺖ ﻭﻛﺎﻥ ﺍﻟﻴﻮﻡ ﺩﺍﻙ ﺳﺎﻛﺖ ﻭﻣﺪﺑﺮﺱ .. ﻭﺍﻳﻤﺎﻥ ﺑﺘﻌﺎﻳﻦ ﻟﻴﻬﻮ ﺳﺎﻱ ﺩﻩ ﻧﻔﺲ ﺍﻟﻴﻮﻡ ﺍﻟﺠﻮ ﻣﻦ ﺍﻟﺴﻔﺮ .. ﻭﺳﺎﻟﺘﻮ ﻗﺎﻟﺖ ﻟﻴﻬﻮ ﻣﻤﻜﻦ ﺗﺤﻜﻲ ﺍﻧﺖ ﻣﺎﻟﻚ ؟ ﻗﺎﻝ ﻟﻴﻬﺎ ﻭﺍﻟﻠﻪ ﺑﺲ ﻓﺎﺭﻕ ﻋﻠﻲ ﻋﻄﻴﺔ .. ﻟﻜﻦ ﺗﺎﻧﻲ ﻣﺎﻋﻨﺪﻱ ﻋﻮﺟﺔ ..

ﺍﻧﺘﻲ ﻋﻤﻠﺘﻲ ﺷﻨﻮ ؟؟ ﺧﻼﺹ ﺭﺗﺒﺘﻲ ﺑﻴﺘﻚ ؟ ﻗﺎﻟﺖ ﻟﻴﻬﻮ ﻭﺍﻟﻠﻪ ﺟﺎﺭﺍﺗﻲ ﺍﻟﻠﻪ ﻳﺒﺎﺭﻙ ﻓﻴﻬﻦ .. ﻣﺎ ﺧﻠﻨﻲ ﻫﺒﺸﺖ ﺣﺎﺟﺔ ﺑﻲ ﻳﺪﻱ .. ﻧﻈﻤﻦ ﺍﻟﺒﻴﺖ .. ﻭﻋﻤﻠﻦ ﺍﻱ ﺣﺎﺟﺔ .. ﻭﺍﻧﺎ ﻗﺎﻋﺪﺓ ﺯﻱ ﺍﻟﻌﺮﻭﺱ .. ﺣﺘﻰ ﻣﻼﺡ ﺍﻟﻐﺪﺍ ﻋﻤﻠﺘﻮ ﺑﺘﻮﻝ ﻓﻲ ﺑﻴﺘﻬﺎ ﻭﺟﺎﺑﺘﻮ ﻟﻲ .. ﻭﻫﺪﺍﻙ ﻏﺪﺍﻙ ﺟﺎﻫﺰ ﻣﺨﺘﻮﺕ ﻓﻲ ﺍﻟﺼﻴﻨﻴﺔ .. ﻛﺎﻥ ﻗﻠﺖ ﻫﺴﻲ ﺍﻗﻮﻡ ﺍﺟﻴﺒﻮ ﻟﻴﻚ .

ﻗﺎﻝ ﻟﻴﻬﺎ ﻭﺍﻟﻠﻪ ﺍﻟﻨﺎﺱ ﺩﻳﻞ ﻏﺎﻳﺘﻮ ﺭﺑﻨﺎ ﻳﻘﺪﺭﻧﺎ ﻋﻠﻰ ﺟﺰﺍﻫﻢ ..

ﻗﺎﻟﺖ ﻟﻴﻬﻮ ﻳﺎ ﺍﻻﻣﻴﻦ .. ﺍﺻﻼ ﺍﻟﺠﻴﺮﺍﻥ ﻫﻢ ﺭﺍﺱ ﻣﺎﻝ ﺍﻟﻐﺮﻳﺐ ﻓﻲ ﻏﺮﺑﺘﻮ .. ﻭﻛﺖ ﺗﺒﻘﻰ ﺑﻌﻴﺪ ﻣﻦ ﺍﻫﻠﻚ .. ﻣﺎﺑﻜﻮﻥ ﻋﻨﺪﻙ ﺍﻗﺮﺏ ﻣﻦ ﺟﺎﺭﻙ .. ﺍﺣﺴﻦ ﺗﻜﺴﺒﻮ ﻭﺗﺘﻌﺎﻣﻞ ﻣﻌﺎﻫﻮ ﺑﻲ ﻣﻌﺎﻣﻠﺔ ﺍﻻﻛﺮﺍﻡ .. ﻭﺗﺤﺘﺮﻣﻮ .. ﻓﻲ ﻳﻮﻡ ﻣﻦ ﺍﻻﻳﺎﻡ ﺑﺘﺠﻴﻚ ﻛﺮﺑﺔ .. ﻭﻣﺎﺑﺘﻠﻘﻰ ﺯﻭﻝ ﺍﻗﺮﺏ ﻟﻴﻚ ﻣﻨﻮ ..

ﺟﺎﺭﺍﺗﻲ ﺩﻳﻞ ﺍﻧﺎ ﻛﻨﺖ ﻣﻌﺎﻫﻦ ﻓﻲ ﺍﻟﺤﺎﺭﺓ ﻭﺍﻟﺒﺎﺭﺩﺓ .. ﻋﺸﺎﻥ ﻛﺪﻱ ﻫﺴﻲ ﻭﺍﻟﻠﻪ ﻣﺘﺴﺎﺑﻘﺎﺕ ﻋﻠﻰ ﺧﺪﻣﺘﻲ ..ﺍﻟﻤﻬﻢ ﻳﺎﺯﻭﻝ .. ﻋﺪﻭ ﺍﻟﻠﻴﻠﺔ ﺩﻳﻚ .. ﻭﺑﺎﻛﺮ ﺍﻻﻣﻴﻦ ﻗﺎﻡ ﺍﻟﺼﺒﺎﺡ ﻳﺸﻮﻑ ﻟﻴﻬﻮ ﻃﺮﻳﻘﺔ ﺷﻐﻞ .. ﻻﻧﻮ ﺍﻟﻘﺮﻳﺸﺎﺕ ﺍﻟﻤﻌﺎﻫﻮ ﺩﻳﻞ ﻣﺎﺑﻌﻤﻠﻦ ﺣﺎﺟﺔ ﻳﻌﻨﻲ .. ﻭﻫﻮ ﺯﻭﻝ ﺍﺗﻌﻠﻢ ﻋﻠﻰ ﺍﻟﺪﻛﺎﻛﻴﻦ ﻭﺍﻟﺘﺮﻃﻴﺒﺔ .. ﺗﺎﻧﻲ ﺍﻟﻔﻠﺲ ﺑﻜﻮﻥ ﻋﻠﻴﻬﻮ ﺻﻌﺐ .. ﻃﻠﻊ ﻃﻮﺍﻟﻲ ﻣﺸﻰ ﻋﻠﻰ ﺩﻛﺎﻧﻮ ﺍﻟﻤﻘﻔﻮﻝ ﺩﺍﻙ .. ﺳﺄﻝ ﺍﻟﺠﻤﺎﻋﺔ ﺍﻟﺠﻴﺮﺍﻥ .. ﻗﺎﻝ ﻟﻴﻬﻢ ﺍﻟﺪﻛﺎﻥ ﺩﻩ ﻣﺎﻓﻲ ﺯﻭﻝ ﺟﺎ ﺍﺷﺘﻐﻞ ﻓﻴﻬﻮ؟؟ ..

ﻗﺎﻝ ﻟﻮ ﻟﻴﻬﻮ ﻭﺍﻟﻠﻪ ﺳﻤﻌﻨﺎ ﺍﻧﻮ ﺍﺷﺘﺮﺍﻫﻮ ﻭﺍﺣﺪ ﻣﻦ ﺍﻟﺪﺍﻣﺮ .. ﻟﻜﻦ ﻗﺒﻞ ﻣﺎﻳﻔﺘﺤﻮ ﺳﺎﻓﺮ ﺍﻟﺨﺮﻃﻮﻡ .. ﻋﻨﺪﻭ ﺍﺧﻮﻫﻮ ﺣﺎﺻﻞ ﻟﻴﻬﻮ ﺣﺎﺩﺙ ..

ﻭﻛﺪﺍ ﺍﻻﻣﻴﻦ ﻗﻨﻊ ﻣﻦ ﻗﺼﺔ ﺍﻟﺪﻛﺎﻥ ﺣﻘﻮ ﺩﻱ .. ﻣﺸﻰ ﻳﻠﻒ .. ﻭﻣﻦ ﺩﺭﺑﻮ ﺩﺍﻙ ﻣﺸﻰ ﻟﻠﺰﻭﻝ ﺍﻻﺷﺘﺮﻯ ﻣﻨﻮ ﺍﻟﺪﻛﺎﻥ .. ﺍﻟﺘﺎﺟﺮ ﺍﻟﻤﺸﻬﻮﺭ ﺍﻟﻤﻦ ﺑﺎﻧﺖ ﺍﻟﻤﺎﺟﺒﻨﺎ ﺍﺳﻤﻮ ﺩﺍﻙ .. ﻋﺸﺎﻥ ﻳﺴﺄﻟﻮ ﻣﻦ ﺍﻟﺰﻭﻝ ﺍﻻﺷﺘﺮﻯ ﺍﻟﺪﻛﺎﻥ ..

ﺍﻟﻤﻬﻢ ﺑﻌﺪ ﺳﻠﻢ ﻋﻠﻴﻬﻮ .. ﻗﺎﻝ ﻟﻴﻬﻮ ﻳﺎﺣﺎﺝ ﻓﻼﻥ .. ﺍﻧﺎ ﻃﺒﻌﺎ ﺍﻟﺤﻤﺪ ﻟﻠﻪ ﺯﻭﺟﺘﻲ ﺍﺗﻌﺎﻟﺠﺖ ﻭﺑﻘﺖ ﻓﻲ ﺍﻣﻦ ﻭﺍﻣﺎﻥ ﺍﻟﺤﻤﺪ ﻟﻠﻪ .. ﻭﺟﻴﺖ ﺍﺷﻜﺮﻙ ﻋﻠﻰ ﻭﻗﻔﺘﻚ ﻣﻌﺎﻱ .. ﻭﺍﻟﻠﻪ ﺍﺑﺪﺍ ﻣﺎﻗﺼﺮﺕ .. ﻭﺩﺍﻳﺮ ﺍﺳﺄﻟﻚ ﻣﻦ ﺍﻟﺰﻭﻝ ﺍﻟﺠﺮﺩﺕ ﻟﻴﻬﻮ ﺩﻛﺎﻧﻲ .. ﻫﻞ ﻣﻤﻜﻦ ﻳﻘﺒﻞ ﺷﺮﺍﻛﺔ ﺑﻴﻨﻲ ﻭﺑﻴﻨﻮ؟

ﺍﻟﺮﺍﺟﻞ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﻻﻣﻴﻦ .. ﺍﻟﺰﻭﻝ ﺍﻟﺠﺮﺩ ﺍﻟﺪﻛﺎﻥ .. ﺯﻭﻝ ﻗﺮﻳﺒﻨﺎ ﻣﻦ ﺑﻌﻴﺪ .. ﻭﺳﺎﻛﻦ ﺍﻟﺪﺍﻣﺮ ﺍﻟﺤﻠﺔ ﺍﻟﺠﺪﻳﺪﺓ .. ﻟﻜﻦ ﻣﻦ ﻣﺎ ﻣﺴﻚ ﻣﻔﺎﺗﻴﺢ ﺍﻟﺪﻛﺎﻥ .. ﺟﺎﻫﻮ ﺧﺒﺮ ﺍﺧﻮﻫﻮ ﻛﺎﺳﺮ ﻛﺮﺍﻋﻮ .. ﻓﻲ ﺣﺎﺩﺙ ﻓﻲ ﺍﻟﺨﺮﻃﻮﻡ .. ﻭﺳﺎﻓﺮ ﻟﻴﻬﻮ .. ﻗﺎﻟﻮ ﻣﻼﺯﻣﻮ ﻓﻲ ﺍﻟﻤﺴﺘﺸﻔﻰ ..

ﻓﻤﺎﻋﺎﺭﻑ ﺍﻟﺰﻭﻝ ﺩﻩ ﻳﺠﻲ ﻣﺘﻴﻦ .. ﻟﻜﻦ ﺍﻧﺎ ﺍﻭﻝ ﻣﺎﻳﺠﻲ ﺑﻜﻠﻤﻮ ﻟﻴﻚ .. ﻟﻮ ﻋﻨﺪﻭ ﻓﻜﺮﺓ ﺷﺮﺍﻛﺔ ﻃﻮﺍﻟﻲ ﺗﺨﺶ ﻣﻌﺎﻫﻮ .. ﺍﻧﺖ ﻫﺴﻲ ﻓﻲ ﺍﻻﻳﺎﻡ ﺩﻱ .. ﺣﺎﻭﻝ ﻟﻘﻂ ﻣﻦ ﺟﺎﻱ ﻻﺟﺎﻱ .. ﻋﺸﺎﻥ ﻣﺎ ﺗﺎﻛﻞ ﻣﻦ ﺳﻨﺎﻣﻚ ..

‏( ﻳﻌﻨﻲ ﺗﺎﻛﻞ ﻣﻦ ﺍﻟﻘﺮﻭﺵ ﺍﻟﻤﻮﻓﺮﺓ ﻟﻠﺸﻐﻞ ‏) .. ﻭﺑﻌﺪﻳﻦ ﺗﻔﻠﺲ ..

ﻗﺎﻝ ﻟﻴﻬﻮ ﺟﺪﺍ ﻳﺎﺣﺎﺝ .. ﻭﺷﻜﺮﻭ ﻭﻣﺸﻰ ﺍﻟﺒﻴﺖ .. ﻣﺴﺘﺎﺀ ﻭﻗﺎﻓﻠﺔ ﻣﻌﺎﻫﻮ

ﺑﺎﻛﺮ ﻣﺸﻰ ﺍﻟﺴﻮﻕ ﺑﺮﺿﻮ .. ﻋﻨﺪﻭ ﻭﺍﺣﺪ ﺑﻌﺮﻓﻮ ﻣﺎﻋﻨﺪﻭ ﻣﻌﺎﻫﻮ ﺻﺪﺍﻗﺔ ﻟﻜﻦ ﻣﻌﺮﻓﺔ .. ﺍﺳﻤﻮ ﺍﻟﻄﺎﻫﺮ ﻳﻮﺳﻒ .. ﺍﻟﻄﺎﻫﺮ ﻳﻮﺳﻒ ﻋﻨﺪﻭ ﺩﻛﺎﻥ ﻣﻼﺑﺲ ﺟﺎﻫﺰﺓ .. ﺍﻭﻝ ﻣﻦ ﺷﺎﻑ ﺍﻻﻣﻴﻦ ﻭﻗﻒ ﻟﻴﻬﻮ ﻋﻠﻰ ﺣﻴﻠﻮ .. ﻭﺭﺣﺐ ﺑﻴﻬﻮ ﺗﺮﺣﻴﺐ ﺷﺪﻳﺪ ﺧﻼﺹ .. ﻗﺎﻝ ﻟﻴﻬﻮ ﻛﻴﻔﻚ ﻳﺎﺭﺟﻞ ﻳﺎﻧﺎﺟﺢ .. ﺍﻧﺖ ﻋﺎﺭﻑ ﻳﺎ ﺍﻻﻣﻴﻦ .. ﺍﻧﺎ ﻣﺘﻜﻴﻒ ﻣﻨﻚ ﻛﻴﻒ ﺷﺪﻳﺪ ﺧﻼﺹ ..

ﻳﺎﺧﻲ ﺍﻧﺖ ﻣﻦ ﻳﻮﻣﻚ ﺍﻟﻤﺴﻜﺖ ﺩﻛﺎﻥ ﻋﻄﻴﺔ .. ﻭﺍﻟﺪﻛﺎﻥ ﻣﺎﺷﻲ ﺯﻱ ﺍﻟﻔﻞ

.. ﻓﻲ ﻇﺮﻑ ﺷﻬﺮ ﺍﻧﺖ ﺧﻠﻴﺖ ﺍﻟﺪﻛﺎﻥ ﺩﻩ ﻣﺪﻭﺭ ﺍﻟﺸﺎﺭﻉ ﻛﻠﻮ ..

ﺍﻧﺎ ﻗﻠﺖ ﻟﻠﺠﻤﺎﻋﺔ ﺍﻻﻣﻴﻦ ﺩﻩ ﻓﻲ ﺳﻨﺔ .. ﺑﻘﻠﺐ ﺍﺟﻤﺎﻟﻲ ﻭﺑﻜﻮﻥ ﻣﻦ ﻣﻠﻮﻙ ﺍﻟﺴﻮﻕ .. ﻟﻜﻦ ﻫﺴﻲ ﻃﻮﻟﺖ ﻣﻨﻚ .. ﺩﻛﺎﻧﻚ ﻣﺎﺷﻲ ﻛﻴﻒ؟ ..

ﺍﻻﻣﻴﻦ ﺩﻧﻘﺮ ﻓﻲ ﺍﻟﻮﺍﻃﺔ .. ﻓﺎﻝ ﻟﻴﻬﻮ ﻭﺍﻟﻠﻪ ﺍﻟﺪﻛﺎﻥ ﺿﺎﻉ ﻣﻦ ﻳﺪﻱ ﻳﺎ ﺍﻟﻄﺎﻫﺮ ..

ﻗﺎﻝ ﻟﻴﻬﻮ ﺍﻟﺤﺎﺻﻞ ﺷﻨﻮ ﻳﺎﺯﻭﻝ ؟

ﺍﻻﻣﻴﻦ ﻗﻌﺪ ﻳﺤﻜﻲ ﻟﻴﻬﻮ ﻓﻲ ﻣﺴﻠﺴﻞ ﻣﺮﺽ ﺍﻳﻤﺎﻥ ﻭﺍﻟﺸﻲ ﺍﻟﺤﺼﻞ

ﻭﺍﻟﻠﻪ ﺍﻟﻄﺎﻫﺮ ﺩﻩ ﺍﺗﺎﺛﺮ ﺗﺎﺛﻴﺮ ﺷﺪﻳﺪ ﺧﻼﺹ ..

ﻗﺎﻝ ﻟﻴﻬﻮ ﻳﺎ ﺍﻻﻣﻴﻦ ﺍﻧﺖ ﺯﻭﻝ ﻧﺎﺟﺢ ﻓﻲ ﺍﻟﺘﺠﺎﺭﺓ .. ﻭﺯﻭﻝ ﺑﺘﻌﺮﻑ ﺗﺘﻌﺎﻣﻞ ﻣﻊ ﺍﻟﺰﺑﺎﻳﻦ .. ﻣﺎﻳﻨﻔﻊ ﻣﻌﺎﻙ ﺍﻱ ﺷﻐﻞ ﻏﻴﺮ ﺍﻟﺘﺠﺎﺭﺓ .. ﺍﻧﺖ ﻟﻮ ﺩﺍﻳﺮ ﻧﺼﻴﺤﺘﻲ .. ﺣﺘﻰ ﻟﻮ ﺍﺗﺴﻠﻔﺖ ﻳﺎ ﺭﺟﻊ ﺩﻛﺎﻧﻚ ... ﻭﻻ ﺧﺶ ﻟﻴﻚ ﻓﻲ ﺩﻛﺎﻥ ﺗﺎﻧﻲ ..

ﻭﺍﻧﺎ ﻣﺘﺄﻛﺪ ﺩﻛﺎﻧﻚ ﺑﺒﺮﺩ ﻟﻴﻚ .. ﻓﻲ ﺍﻗﻞ ﻣﻦ ﺳﺘﺔ ﺷﻬﻮﺭ ..

ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﻟﻄﺎﻫﺮ ﺑﺲ ﺣﻜﺎﻳﺔ ﺍﻟﺪﻳﻮﻥ ﺩﻱ .. ﺑﻘﻰ ﺍﻟﺰﻭﻝ ﻳﺨﺎﻑ ﻣﻨﻬﺎ .. ﻭﺍﻟﻨﺎﺱ ﺫﺍﺗﻬﺎ ﻣﺎﺑﺘﺜﻖ .. ﻗﺎﻝ ﻟﻴﻬﻮ ﻳﺎﺧﻲ ﺍﻧﺖ ﻣﻌﺮﻭﻑ ﻓﻲ ﺍﻟﺴﻮﻕ ﻛﻠﻮ .. ﻭﺍﻱ ﺯﻭﻝ ﻣﻤﻜﻦ ﻳﺘﻌﺎﻣﻞ ﻣﻌﺎﻙ ﺑﻲ ﻗﻠﺐ ﺟﺎﻣﺪ ..ﻃﻴﺐ ﺍﻗﻮﻝ ﻟﻴﻚ ﻛﻼﻡ .. ﻓﻲ ﺟﻤﺎﻋﺔ ﺍﺻﺤﺎﺑﻲ ﺳﻤﺎﺳﺮﺓ ﻧﺠﻴﻀﻴﻦ .. ﺗﺸﺘﺮﻱ ﻣﻨﻬﻢ ﻋﺮﺑﻴﺔ ﺑﺎﻟﺸﻴﻚ .. ﻭﺗﺒﻌﻬﺎ ﺑﺎﻟﻜﺎﺵ .. ﻓﻲ ﻓﺘﺮﺓ ﺍﻟﺸﻴﻚ ﺍﻧﺖ ﺑﺘﻜﻮﻥ ﻇﺒﻄﺎ ﺍﻣﻮﺭﻙ .. ﻭﺗﺴﺪﺩ ﻋﻠﻰ ﺭﺍﺣﺘﻚ ..

ﻗﺎﻝ ﻟﻴﻬﻮ ﻟﻜﻦ ﺍﻟﻔﺘﺮﺓ ﺑﺘﻜﻮﻥ ﻛﻴﻒ ؟ ﻗﺎﻝ ﻟﻴﻬﻮ ﻃﺒﻌﺎ ﺍﻧﺖ ﻋﺎﺭﻑ ﻣﻨﻄﻖ ﺍﻟﺴﻮﻕ .. ﻛﻠﻤﺎ ﺯﺍﺩﺕ ﺍﻟﻤﺪﺓ ﺯﺍﺩ ﺍﻟﺴﻌﺮ ..

ﻗﺎﻝ ﻟﻴﻬﻮ ﺧﻼﺹ ﺍﻧﺖ ﺑﺲ ﺷﻮﻑ ﻟﻲ ﺟﻤﺎﻋﺘﻚ .. ﺍﻧﺎ ﺑﺎﻛﺮ ﺑﻤﺸﻲ ﺑﻔﺘﺢ ﻟﻲ ﺣﺴﺎﺏ ﻓﻲ ﺍﻟﺒﻨﻚ ﻭﺑﻨﺘﻈﺮﻙ .. ﺍﺣﺴﻦ ﻣﻦ ﺍﻟﺰﻭﻝ ﻳﻘﻌﺪ ﺳﺎﻱ ..

ﻃﺒﻌﺎ " ﺍﻻﻣﻴﻦ ﺩﺍﻳﺮ ﻳﻤﺸﻲ ﻓﻲ ﺩﺭﺏ ﺧﻄﻴﺮ ﻭﺻﻌﺐ ﺍﻟﺮﺟﻮﻉ ﻣﻨﻮ ..

ﺷﻴﻜﺎﺕ ﻭﺩﻳﻮﻥ ﻭﻛﺴﺮ ﻭﺍﻧﺘﻈﺎﺭ .. ﻭﺍﻟﺤﻜﺎﻳﺔ ﺩﻱ ﺡ ﺗﺪﺧﻠﻮ ﻓﻲ ﺣﻴﺺ ﺑﻴﺺ ..

ﺍﺣﺴﻦ ﺣﺎﺟﺔ ﻋﻤﻼ ,, ﺍﻧﻮ ﻣﺸﻰ ﺍﻟﺒﻴﺖ .. ﻭﺣﻜﻰ ﺍﻟﻜﻼﻡ ﺩﻩ ﻻﻳﻤﺎﻥ .. ﺍﻳﻤﺎﻥ ﻗﺎﻟﺖ ﻟﻴﻬﻮ ..

ﺍﻧﺎ ﻳﺎ ﺍﻻﻣﻴﻦ ﻣﺎﻣﻮﺍﻓﻘﺔ ﻋﻠﻰ ﺍﻟﻤﻮﺿﻮﻉ ﺩﻩ ﻧﻬﺎﺋﻲ .. ﻭﻣﺎﻋﺎﻓﻴﺔ ﻟﻴﻚ ﻟﻮ ﺩﺧﻠﺖ ﻋﻠﻴﻨﺎ ﻗﺮﻭﺵ ﺯﻱ ﺩﻱ .. ﺍﻟﻤﻮﺿﻮﻉ ﺩﻩ ﺍﻧﺎ ﻣﺎ ﻣﺮﺗﺎﺣﺔ ﻟﻴﻬﻮ ..

ﺍﺑﺪﺍ ﻣﺎ ﻣﺮﺗﺎﺣﺔ ﻟﻴﻬﻮ .. ﻳﺎﺧﻲ ﻗﺪﺭ ﺍﻟﻘﺮﻳﺸﺎﺕ ﺍﻟﻌﻨﺪﻙ ﺩﻳﻞ .. ﺍﻣﺸﻲ ﺍﺷﺘﻐﻞ ﺑﻴﻬﻦ ..

ﺍﻧﺖ ﻭﻛﺖ ﻛﻨﺖ ﺷﻐﺎﻝ ﻓﻲ ﺍﻟﺒﻠﺪ ﻓﻲ ﺍﻟﺨﻀﺎﺭ .. ﻧﺤﻦ ﻣﺘﻨﺎ ﺑﺎﻟﺠﻮﻉ؟؟

ﺍﺣﺘﺠﻨﺎ ﻟﺰﻭﻝ ؟؟ ﺍﻟﺤﻤﺪ ﻟﻠﻪ ﺍﻣﻮﺭﻧﺎ ﻣﺴﺘﻮﺭﺓ .. ﻭﻣﺎﻛﻠﻴﻦ ﻭﺷﺎﺭﺑﻴﻦ .. ﻓﻲ ﺯﻭﻝ ﺩﺍﻳﺮ ﻳﺠﻲ ﻳﻔﺘﺢ ﺣﻠﺘﻲ ﻳﺸﻮﻑ ﻣﻼﺣﻲ ﺷﻨﻮ؟

ﺍﻥ ﺷﺎﺀ ﺍﻟﻠﻪ ﻧﺎﻛﻼ ﺑﻲ ﺑﺼﻠﺔ .. ﺍﻟﻤﻬﻢ ﻧﻜﻮﻥ ﻣﺮﺗﺎﺣﻴﻦ ﻧﻔﺴﻴﺎ .. ﻭﻻ ﻋﻠﻴﻨﺎ ﺩﻳﻮﻥ ﻭﻻﺧﺎﻳﻔﻴﻦ ﻣﻦ ﺷﻴﻚ ﻳﻤﺸﻲ ﺍﻟﻤﺤﻜﻤﺔ ..

ﻗﺎﻝ ﻟﻴﻬﺎ ﻟﻜﻦ ﺍﻋﻤﻞ ﺷﻨﻮ ﻃﻴﺐ ﻳﺎ ﺍﻳﻤﺎﻥ؟؟ ﻫﺴﻲ ﻟﻮ ﻗﻌﺪﻧﺎ ﻧﺘﺼﺮﻑ ﻣﻦ ﺍﻟﻘﺮﻭﺵ ﺩﻱ .. ﺑﺘﺨﻠﺺ ﻭﻣﺎﺑﻜﻮﻥ ﻋﻨﺪﻧﺎ ﺍﻟﺒﻨﺎﻛﻠﻮ ..

ﻗﺎﻟﺖ ﻟﻴﻬﻮ ﺍﻧﺖ ﺧﻠﻘﺘﻨﺎ؟؟ .. ﻣﺎﻟﻚ ﻭﻣﺎﻝ ﺑﻜﺮﻩ .. ﺧﻠﻲ ﺍﻻﻣﻮﺭ ﻋﻠﻰ ﺍﻟﻠﻪ .. ﻛﻞ ﻳﻮﻡ ﺑﺠﻲ ﺑﻲ ﺭﺯﻗﻮ ﻳﺎ ﺍﻻﻣﻴﻦ .. ﻣﺎ ﺩﺍﻡ ﺭﺑﻨﺎ ﺧﻠﻘﻨﺎ ﻗﺎﺩﺭ ﻳﺮﺯﻗﻨﺎ ..

ﺍﺻﻼ ﻣﺎﺗﺴﺘﻌﺠﻞ ﻋﻠﻰ ﺍﻟﻐﻨﻰ .. ﺍﻟﻌﺠﻠﺔ ﻋﻠﻰ ﺍﻟﻐﻨﻰ ﻓﻘﺮ .. ﻭﻓﻌﻼ ﻛﻼﻡ ﺍﻳﻤﺎﻥ ﻋﻴﻦ ﺍﻟﺤﻘﻴﻘﺔ ..

ﻭﻣﺮﺓ ﻗﺎﻝ ﺍﻟﻠﺒﻴﺐ ..

ﺍﻳﻪ ﺍﻟﺪﺍﻋﻲ ﺗﺪﺧﻞ ﻓﻲ ﺩﻳﻮﻥ ﻭﺗﺨﺎﻃﺮ ..

ﺍﻳﻪ ﺍﻟﺪﺍﻋﻲ ﺗﻜﺘﺐ ﺷﻴﻚ ﻭﻓﻴﻬﻮ ﻣﺨﺎﻃﺮ ..

ﻣﺎﺩﺍﻡ ﺍﻧﺖ ﻣﺎﻛﻞ ﻭﻣﺴﺘﻘﺮ ﺍﻟﺨﺎﻃﺮ ..

ﺍﺭﺿﺎﺑﻮ ﺍﻟﻘﻠﻴﻞ ﺍﻭﻉ ﺍﻟﻄﻤﻊ ﻳﺎﺷﺎﻃﺮ ..

.... ﻓﻲ ﺍﻟﻨﻬﺎﻳﺔ ﺍﻻﻣﻴﻦ ﺭﺿﺦ ﻟﻲ ﻛﻼﻡ ﺍﻳﻤﺎﻥ .. ﻭﻃﻠﻊ ﺍﻟﺼﺒﺎﺡ ﻣﺸﻰ ﻟﻠﻄﺎﻫﺮ .. ﻗﺎﻝ ﻟﻴﻬﻮ ﺍﻧﺎ ﻏﻴﺮﺕ ﺭﺍﻱ ﻣﻦ ﻣﻮﺿﻮﻉ ﺍﻟﺒﺎﺭﺡ .. ﻣﺎﻋﺎﻳﺰ ﺣﺎﺟﺔ ﺑﺎﻟﺪﻳﻦ ..

ﺑﺸﺘﻐﻞ ﺑﻲ ﺿﺮﺍﻋﻲ ﻭﻋﺮﻕ ﺟﺒﻴﻨﻲ ﻭﺭﺑﻨﺎ ﻛﺮﻳﻢ .. ﻭﻣﻦ ﻣﺤﻠﻮ ﺩﺍﻙ ﻣﺸﻰ ﻋﻠﻰ ﺳﻮﻕ ﺍﻟﺨﻀﺎﺭ .. ﻛﺎﻧﺖ ﺍﻟﺴﺎﻋﺔ 9 ﻭﺷﻮﻳﺔ ﺻﺒﺎﺣﺎ ..

ﻟﻘﻰ ﺗﻼﺕ ﻛﺪﺍ ﻗﺎﻋﺪﻳﻦ ﺑﺸﺮﺑﻮ ﻟﻴﻬﻢ ﻓﻲ ﻗﻬﻮﺓ .. ﻗﻌﺪ ﻣﻌﺎﻫﻢ ﻭﺳﻠﻢ ﻋﻠﻴﻬﻢ .. ﻗﺎﻝ ﻟﻴﻬﻢ ﺍﻧﺎ ﺩﺍﻳﺮ ﻟﻲ ﺷﻐﻞ ﻳﺎﺟﻤﺎﻋﺔ ..

ﻭﺍﺣﺪ ﻓﻴﻬﻢ ﻗﺎﻝ ﻟﻴﻬﻮ ﺷﻐﻞ ﺷﻨﻮ؟ .. ﺍﻧﺖ ﺩﺍﻳﺮ ﺗﺸﺘﻐﻞ ﺷﻨﻮ ؟ ﻋﺘﺎﻟﺔ؟ ﺗﺒﻊ ﺍﻛﻴﺎﺱ؟ ﺗﺸﺘﺮﻱ ﺟﻤﻠﺔ .. ﺗﺒﻴﻊ ﻗﻄﺎﻋﻲ؟ ﺷﻨﻮ ﺑﺎﻟﻀﺒﻂ ﺍﻻﻧﺖ ﻋﺎﻳﺰﻭ ﻭﺍﻧﺎ ﺑﻔﻴﺪﻙ ..

ﻗﺎﻝ ﻟﻴﻬﻮ ﺍﻧﺎ ﺷﺎﻳﻞ ﻗﺮﻭﺵ ﻭﺩﺍﻳﺮ ﺍﻗﻠﺒﺎ ﻓﻲ ﺍﻟﺴﻮﻕ ..

ﻗﺎﻝ ﻟﻴﻬﻮ ﺍﻳﻮﺍﺍﺍ ﻛﻢ ﻗﺮﻭﺷﻚ ؟ ﻗﺎﻝ ﻟﻴﻬﻮ ﻗﺮﻭﺷﻲ ﻛﺪﺍ .. ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺖ ﺍﺣﻼ ﺯﻭﻝ .. ﻭﺯﻭﻝ ﻣﺤﻈﻮﻅ ﻭﺍﻣﻚ ﺩﺍﻋﻴﺔ ﻟﻴﻚ .. ﺗﻌﺎﻝ ﻭﺭﺍﻱ ..

ﻭﺍﻟﻠﻪ ﺍﻟﺰﻭﻝ ﺩﻩ ﺧﻼ ﻛﺒﺎﻳﺔ ﺍﻟﻘﻬﻮﺓ ﻣﺎ ﻛﻤﻠﻬﺎ .. ﻗﺎﻡ ﻣﻊ ﺍﻻﻣﻴﻦ ﺳﺎﻗﻮ ﻭﻣﺸﻰ ﻋﺸﺎﻥ ﻳﺨﺪﻣﻮ .. ﻭﺩﻳﻞ ﺍﻫﻠﻲ ..

ﻗﺎﻝ ﻟﻴﻬﻮ ﺷﻔﺖ ﺍﻟﺮﺍﺟﻞ ﺍﻟﻮﺍﻗﻒ ﺩﻩ .. ﻋﻨﺪﻭ ﺑﺼﻞ ﺩﺍﻳﺮ ﻳﺒﻌﻮ .. ﻭﺳﻌﺮﻭ ﻛﻮﻳﺲ ﺷﺪﻳﺪ .. ﻭﻧﺤﻦ ﻣﺎﻋﻨﺪﻧﺎ ﻗﺮﻭﺵ .. ﺍﺷﺘﺮﻳﻬﻮ ﻣﻨﻮ ﻋﻠﻰ ﻣﺴﺆﻟﻴﺘﻲ .. ﻋﺸﺮﺓ ﺷﻮﺍﻻﺕﻃﻮﺍﻟﻲ ﺍﻻﻣﻴﻦ ﻣﺸﻰ ﻋﻠﻰ ﺍﻟﺮﺍﺟﻞ .. ﻭﺍﺗﻔﺎﻫﻢ ﻣﻌﺎﻫﻮ ﻓﻲ ﺍﻟﺴﻌﺮ .. ﻭﺍﻻﻣﻴﻦ ﻃﺒﻌﺎ ﺯﻭﻝ ﻓﻲ ﺍﻟﺘﺠﺎﺭﺓ ﺫﻛﻲ ﻭﻟﺒﻖ .. ﻭﺑﺘﻌﺎﻣﻞ ﺑﺮﻗﻲ ﺷﺪﻳﺪ ..

ﻭﺩﺍﻳﻤﺎ ﻣﺒﺘﺴﻢ .. ﻭﺗﺠﻴﻬﻮ ﺍﻧﺖ ﺑﺎﻳﻊ ﻭﻻ ﻣﺸﺘﺮﻱ .. ﻳﺘﻌﺎﻣﻞ ﻣﻌﺎﻙ ﺯﻱ ﺍﻟﺒﻌﺮﻓﻚ ..

ﺍﻟﺮﺍﺟﻞ ﺳﻴﺪ ﺍﻟﺒﺼﻞ ﻗﺎﻝ ﻟﻼﻣﻴﻦ .. ﻭﺍﻟﻠﻪ ﻳﺎ ﺯﻭﻝ ﺍﻧﺎ ﻣﻦ ﺷﻔﺘﻚ ﺍﺭﺗﺤﺖ ﻟﻴﻚ .. ﺍﻧﺖ ﻗﻮﻝ ﺍﻟﺴﻌﺮ ﺍﻟﺒﺮﻳﺤﻚ .. ﻭﺍﺩﻳﻨﻲ ﺍﻟﻘﺮﻭﺵ ﻭﺍﻣﺸﻲ ﺭﺑﻨﺎ ﻳﻌﺸﻴﻚ ..

ﺍﻻﻣﻴﻦ ﻗﺎﻝ ﻟﻴﻬﻮ .. ﻭﺍﻟﻠﻪ ﺍﻧﺎ ﻛﻤﺎﻥ ﻣﺎ ﺍﺳﺘﻐﻠﻚ ﺍﺑﺪﺍ .. ﻭﺡ ﺍﺷﺘﺮﻱ ﻣﻨﻚ .. ﻭﺍﺷﺘﺮﻳﻚ ﺍﺧﻮ ﻭﺻﺎﺣﺐ .. ﻭﺍﻱ ﻳﻮﻡ ﺗﺠﻲ ﺍﻟﺴﻮﻕ ﺩﻩ .. ﺗﻠﻘﺎﻧﻲ ﺍﻧﺎ ﺍﺧﻮﻙ .. ﺍﻟﺮﺍﺟﻞ ﻗﻌﺪ ﻳﺘﺒﺴﻢ .. ﻭﺑﺎﻉ ﻟﻼﻣﻴﻦ ﺍﻟﺒﺼﻞ ﺑﺴﻌﺮ ﻣﻤﺘﺎﺯ ﺟﺪﺍ ..

ﺍﻻﻣﻴﻦ ﺭﺟﻊ ﻟﻠﺰﻭﻝ ﺍﻟﻤﻊ ﺍﻟﺠﻤﺎﻋﺔ ﺍﻟﺒﺸﺮﺑﻮ ﻓﻲ ﺍﻟﺠﺒﻨﺔ .. ﻭﻗﺎﻝ ﻟﻴﻬﻮ ﺍﻟﺰﻭﻝ ﺑﺎﻉ ﺍﻟﺒﺼﻞ ﺑﻲ ﻛﺪﺍ ..

ﻗﺎﻝ ﻟﻴﻬﻮ ﻣﺎﺑﺼﺪﻕ .. ﻳﺎﺧﻲ ﻧﺤﻦ ﻣﻦ ﺍﻟﺼﺒﺎﺡ ﺑﻨﺤﺎﻭﻝ ﻓﻴﻬﻮ ﺑﻲ ﺍﻛﺘﺮ ﻣﻦ ﻛﺪﺍ .. ﻟﻮﺍﺣﺪ ﻛﺪﺍ .. ﺗﺘﺨﻴﻞ ﺍﺑﺎ ﻛﻠﻮ ﻛﻠﻮ .. ﺍﻧﺖ ﻋﻤﻠﺖ ﻟﻴﻬﻮ ﺷﻨﻮ؟؟ ﻓﻲ ﺧﻤﺲ ﺩﻗﺎﻳﻖ ﺍﺩﺍﻙ ﻟﻴﻬﻮ ﺑﻲ ﺳﻌﺮ ﺯﻱ ﺩﻩ ؟؟ ..

ﻗﺎﻝ ﻟﻴﻬﻮ ﺷﻜﺮﺕ ﻟﻴﻬﻮ ﺑﺼﻠﻮ .. ﻭﺍﺣﺘﺮﻣﺖ ﻭﻗﻔﺘﻮ .. ﻭﺍﻻﺣﺘﺮﺍﻡ ﺑﻴﻦ ﺍﻟﻨﺎﺱ ﻣﺘﺒﺎﺩﻝ ﻳﺎ ﺍﺑﻦ ﺍﻟﻌﻢ ..

ﻭﺍﻧﺎ ﻟﻮ ﻣﺎ ﺍﻧﺖ ﺩﻟﻴﺘﻨﻲ ﻭﻭﺟﻬﺘﻨﻲ .. ﺩﻩ ﻛﻠﻮ ﻣﺎ ﻛﺎﻥ ﻟﻘﻴﺘﻮ .. ﺭﺑﻨﺎ ﻳﻜﺮﻣﻚ .. ﻗﺎﻝ ﻟﻴﻬﻮ ﺍﻟﻠﻪ ﻳﺒﺎﺭﻙ ﻓﻴﻚ .. ﺍﻧﺖ ﻃﻴﺒﺘﻚ ﺩﻱ .. ﻳﺎﻫﺎ ﺍﻟﺼﺤﺤﺖ ﻟﻚ ﺍﻟﺒﻴﻌﺔ ..

ﻋﻨﺪﻙ ﻣﻜﺎﻥ ﺗﺨﺖ ﻓﻴﻬﻮ ﺍﻟﺒﺼﻞ ؟ ﻭﻻ ﺍﺧﺘﻮ ﻟﻴﻚ ﻋﻨﺪﻱ .

ﻗﺎﻝ ﻟﻴﻬﻮ ﻣﺎﻋﻨﺪﻱ ﻭﺍﻟﻠﻪ .. ﻟﻜﻦ ﻣﺎﺩﺍﻡ ﺍﻧﺖ ﻋﻨﺪﻙ ﻣﻜﺎﻥ .. ﺍﻧﺎ ﻛﺪﺍ ﺍﻃﻤﻨﺖ ..

ﺍﻟﺮﺍﺟﻞ ﻃﻮﺍﻟﻲ ﻛﻮﺭﻙ ﻟﻠﻌﺘﺎﻟﺔ ﺷﺎﻟﻮ ﺍﻟﺒﺼﻞ ﺧﺘﻮ ﺟﻮﺓ ..

ﻭﺑﺎﻛﺮ ﺍﻻﻣﻴﻦ ﺟﺎ ﻭﻗﻒ ﻓﻮﻕ ﺍﻟﺒﺼﻞ .. ﻭﺑﺎﻋﻮ ﺑﺎﺳﻌﺎﺭ ﺧﺮﺍﻓﻴﺔ .. ﻭﺍﻧﺘﻈﺮ ﺍﻭﻝ ﺑﺼﻞ ﺩﺧﻞ ﺍﻟﺴﻮﻕ ﺍﺷﺘﺮﺍﻫﻮ .. ﻭﺍﺷﺘﻐﻞ ﻛﺪﺍ ﺑﺲ .. ﺑﻘﻰ ﻳﻘﻠﺐ ﻓﻲ ﺍﻟﺒﺼﻞ ﻭﺍﺭﺑﺎﺣﻮ ﻣﺎﺷﺔ ﺍﻟﺤﻤﺪ ﻟﻠﻪ ..

ﻗﺎﻝ ﻟﻴﻚ ﺍﻟﺰﻭﻝ ﺩﻩ ﻓﻲ ﺍﺳﺒﻮﻋﻴﻦ .. ﺍﻟﺴﻮﻕ ﻛﻠﻮ ﻋﺮﻑ ﺍﻻﻣﻴﻦ ﺑﺘﺎﻉ ﺍﻟﺒﺼﻞ .. ﻭﺑﻘﻰ ﻛﻞ ﻳﻮﻡ ﻳﺠﻲ ﺍﻟﺒﻴﺖ ﺷﺎﻳﻞ ﺍﻟﻘﺮﻭﺵ ﺩﻱ ﺭﺑﻂ .. ﻭﺑﻘﻰ ﻳﺸﺘﺮﻱ ﺍﻟﺒﺼﻞ ﺑﺎﻟﺸﺤﻨﺔ .. ﻣﺮ ﺷﻬﺮ ﺑﺎﻟﻄﺮﻳﻘﺔ ﺩﻱ .. ﻭﻣﺎﺯﺍﻝ ﺩﻛﺎﻧﻮ ﺍﻟﻔﻲ ﺍﻟﺴﻮﻕ ﻣﻘﻔﻮﻝ .. ﻭﻛﻞ ﻳﻮﻡ ﻳﺠﻲ ﻣﺎﺷﻲ ﻓﻮﻕ ﺍﻟﺪﻛﺎﻥ .. ﻳﻮﻡ ﻣﺸﻰ ﻟﻠﺘﺎﺟﺮ ﺍﻻﺟﻤﺎﻟﻲ ﺩﺍﻙ ﻭﺳﺄﻟﻮ ﻣﻦ ﺍﻟﺪﻛﺎﻥ ﺗﺎﻧﻲ ..

ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﺰﻭﻝ ﺩﻩ ﺿﺮﺏ ﻣﻦ ﺍﻟﺨﺮﻃﻮﻡ .. ﻭﻗﺎﻝ ﺑﻴﻌﻮ ﺍﻟﺪﻛﺎﻥ ﻭﺭﺳﻠﻮ ﻟﻲ ﻗﺮﻭﺷﻮ .. ﻭﺍﻧﺖ ﻃﺒﻌﺎ ﻣﺎﻋﻨﺪﻙ ﻗﺮﻭﺵ ﻗﺪﺭ ﺍﻟﺒﻀﺎﻋﺔ .. ﻭﺷﺎﻳﻔﻨﻚ ﻗﺎﻟﻮ ﻣﺎﺳﻚ ﺳﻮﻕ ﺍﻟﺒﺼﻞ ﺑﻲ ﺍﺳﻤﻚ ﺍﻟﻴﻮﻣﻴﻦ ﺩﻳﻞ .. ﻗﻠﻨﺎ ﻧﺨﻠﻴﻚ ..

ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﺍﻟﻜﻠﻤﻚ ﻣﻨﻮ؟

ﻗﺎﻝ ﻟﻴﻬﻮ ﻳﺎ ﺍﻻﻣﻴﻦ ﻧﺤﻦ ﺳﻼﻃﻴﻦ ﺍﻟﺴﻮﻕ .. ﺍﻱ ﺩﺍﺧﻠﺔ ﻭﻣﺎﺭﻗﺔ ﻋﺎﺭﻓﻴﻨﻬﺎ ﻫﻬﻬﻪ ..

ﺍﻻﻣﻴﻦ ﻗﺎﻝ ﻟﻴﻬﻮ ﺍﻧﺎ ﺟﺎﻫﺰ ﺍﺷﺘﺮﻱ ﺍﻟﺪﻛﺎﻥ ..

ﻗﺎﻝ ﻟﻴﻬﻮ ﺍﻣﺸﻲ ﺍﻭﻝ ﺣﺎﺟﺔ ﺍﻓﺘﺤﻮ .. ﻭﺷﻮﻑ ﺍﻟﺒﻀﺎﻋﺔ ﺍﻟﻤﻨﺘﻬﻴﺔ .. ﻭﺧﻠﻴﻬﻮ ﻋﻠﻰ ﺍﻟﺼﺎﻓﻲ ﺍﻟﻨﺎﻓﻊ .. ﺍﻫﻢ ﺣﺎﺟﺔ ﺗﻘﺮﺍ ﺗﺎﺭﻳﺦ ﺍﻧﺘﻬﺎﺀ ﺍﻟﻤﻌﻠﺒﺎﺕ .. ﺍﻟﺪﻛﺎﻥ ﻣﻘﻔﻮﻝ ﻟﻴﻬﻮ ﻗﺮﻳﺐ ﺍﻟﺸﻬﺮﻳﻦ ..

ﻗﺎﻝ ﻟﻴﻬﻮ ﺧﻼﺹ ﺑﻜﺮﺓ ﺑﺠﻲ ﺍﺷﻮﻑ ﺍﻟﺤﺎﺻﻞ ﺷﻨﻮ؟

ﺍﻻﻣﻴﻦ ﻣﻦ ﻫﻨﺎﻙ ﺑﺮﺭﺭﺭﺿﻮ ﻣﺸﻰ ﺍﻟﺒﻴﺖ ﻫﻨﺎﻙ ﺣﻜﺎ ﻻﻳﻤﺎﻥ ﺍﻟﻤﻮﺿﻮﻉ ﺩﻩ ..

ﻭﻗﺎﻝ ﻟﻴﻬﺎ ﺍﻧﺎ ﺡ ﺍﺳﻴﺐ ﺳﻮﻕ ﺍﻟﺒﺼﻞ .. ﻭﺍﺭﺟﻊ ﻟﻲ ﺩﻛﺎﻧﻲ .. ﻭﺍﻛﻮﻥ ﺭﺟﻌﺖ ﻟﻲ ﻗﻮﺍﻋﺪﻱ ﺳﺎﻟﻢ .. ﻭﻻ ﺩﻳﻦ ﻭﻻ ﺷﻴﻚ ..

ﺍﺗﺨﻴﻞ ﺍﻳﻤﺎﻥ ﻗﺎﻟﺖ ﻟﻴﻬﻮ ﺷﻨﻮ؟ﺍﻳﻤﺎﻥ ﻗﺎﻟﺖ ﻟﻴﻬﻮ .. ﻭﺍﻟﻠﻪ ﻳﺎ ﺍﻻﻣﻴﻦ .. ﻋﺎﺩ ﺍﻧﺖ ﺍﻛﺘﺮ ﺯﻭﻝ ﺑﺘﻌﺮﻑ ﻣﺼﻠﺤﺘﻚ ﻭﻳﻦ .. ﺍﻧﺖ ﺑﺮﺍﻙ ﺷﻔﺖ ﺍﻟﺪﻛﺎﻥ .. ﻭﺷﻔﺖ ﺷﻐﻞ ﺍﻟﺒﺼﻞ .. ﺍﻟﺸﺎﻳﻔﻮ ﺍﺧﻴﺮ ﻟﻴﻚ ﺳﻮﻳﻬﻮ .. ﻟﻜﻦ ﻛﺎﻥ ﺍﻧﺎ ﻛﻨﺖ ﻓﻲ ﻣﺤﻠﻚ .. ﺑﺴﻮﻱ ﺍﻻﺳﺘﺨﺎﺭﺓ ﻓﻲ ﺩﻩ ﻭﻓﻲ ﺩﻩ .. ﻻﻧﻮ ﺍﻟﺰﻭﻝ ﻣﺎﺑﻌﺮﻑ ﺍﻟﺒﺤﺼﻞ ﺑﻜﺮﺓ ﺷﻨﻮ .. ﺭﺑﻨﺎ ﻫﻮ ﺍﻟﻌﺎﻟﻢ ﺑﻲ ﺭﺑﺤﻚ ﻟﻲ ﻗﺪﺍﻡ ﻭﻳﻦ .. ﻭﺧﺴﺎﺭﺗﻚ ﻭﻳﻦ ..

ﻗﺎﻝ ﻟﻴﻬﺎ ﻭﺍﻟﻠﻪ ﻛﻼﻣﻚ ﺣﻘﻴﻘﺔ .. ﺍﻟﺰﻭﻝ ﻳﺴﺘﺨﻴﺮ ..

ﻭﺩﻩ ﺍﻟﺼﺢ .. ﺍﻟﻤﻔﺮﻭﺽ ﺍﺧﻮﻧﺎ ﺍﻻﻣﻴﻦ ﻳﺴﺘﺨﻴﺮ ﺍﻟﻠﻪ .. ﻭﺑﻌﺪﻳﻦ ﺍﻟﺒﺴﻬﻼ ﺍﻟﻠﻪ ﻫﻲ ﺍﻟﺒﻜﻮﻥ ﻓﻴﻬﺎ ﺍﻟﺨﻴﺮ .. ﻭﺍﻟﺒﺘﺘﻌﻜﺲ ﻋﻠﻴﻬﻮ .. ﺑﺘﻜﻮﻥ ﻣﺎﻓﻴﻬﺎ ﺧﻴﺮ .. ﻭﺩﻱ ﺍﺻﻼ ﻓﻜﺮﺓ ﺍﻻﺳﺘﺨﺎﺭﺓ ﻛﺪﺍ ..

ﻓﻲ ﻧﺎﺱ ﻳﻘﻮﻝ ﻟﻴﻚ .. ﺍﻧﺎ ﻭﺍﻟﻠﻪ ﺍﺳﺘﺨﺮﺕ .. ﻭﺷﻔﺖ ﻣﻨﺎﻡ ﻣﺎﻛﻮﻳﺲ .. ﻋﺸﺎﻥ ﻛﺪﺍ ﺧﻠﻴﺖ ﺍﻟﻤﻮﺿﻮﻉ .. ﻣﻴﻦ ﻗﺎﻝ ﻛﺪﺍ ؟؟ ﺍﻻﺳﺘﺨﺎﺭﺓ ﻳﺎﺟﻤﺎﻋﺔ ﻣﺎﻋﻨﺪﻫﺎ ﻋﻼﻗﺔ ﺑﺎﻻﺣﻼﻡ ..

ﻣﻤﻜﻦ ﺗﻜﻮﻥ ﺍﻟﺤﺎﺟﺔ ﻛﻮﻳﺴﺔ .. ﻭﺍﻧﺖ ﺗﺸﻮﻑ ﺣﻠﻢ ﻣﻦ ﺍﻟﺸﻴﻄﺎﻥ ﻳﻀﻠﻠﻚ .. ﻋﺸﺎﻥ ﻛﺪﺍ ﺍﻟﺰﻭﻝ ﻣﺎﻳﺮﺑﻂ ﺍﻻﺳﺘﺨﺎﺭﺓ ﺑﻲ ﺣﺎﺟﺔ ﻳﺸﻮﻓﻬﺎ ﻓﻲ ﺍﻟﻨﻮﻡ .. ﻭﻓﻲ ﻧﺎﺱ ﻛﻤﺎﻥ ﻋﻨﺪﻫﻢ ﻓﻠﺴﻔﺔ ﻙ .. ﺩﺍ ﺑﻌﺮﻓﻮ ﻟﻴﻬﺎ ﺑﺮﺍﻫﻢ .. ﺍﻟﻮﺍﺣﺪ ﻳﻘﻮﻝ ﻟﻴﻚ ﺍﻧﺎ ﺍﺳﺘﺨﺮﺕ ﻭﻣﺎ ﺍﺭﺗﺤﺖ ﻟﻠﻤﻮﺿﻮﻉ .. ﺍﻭ ﻳﻘﻮﻝ ﺍﻧﺎ ﺍﺳﺘﺨﺮﺕ ﻭﺣﺴﻴﺖ ﺑﻲ ﺿﻴﻖ .. ﺑﺮﺿﻮ ﺩﻩ ﻛﻼﻡ ﻓﺎﺿﻲ ..

ﺍﺻﻼ ﺍﻻﺳﺘﺨﺎﺭﺓ ﻣﻌﻨﺎﻫﺎ .. ﺍﻧﺖ ﺑﺘﻘﻮﻝ ﻓﻴﻬﺎ ﻳﺎﺭﺏ ﻛﺎﻥ ﺍﻟﻤﻮﺿﻮﻉ ﻓﻴﻬﻮ ﻟﻲ ﺧﻴﺮ ﺳﻬﻠﻮ ﻟﻲ .. ﻭﻛﺎﻥ ﻓﻴﻬﻮ ﻟﻲ ﺷﺮ ﺍﺻﺮﻓﻮ ﻋﻨﻲ ..

ﻭﺑﺘﻤﺸﻲ ﻓﻲ ﺍﻟﻤﻮﺿﻮﻉ .. ﻛﺎﻥ ﺍﺗﺴﻬﻞ ﻭﺍﺗﻮﻓﻘﺖ ﻓﻴﻬﻮ .. ﻣﻌﻨﺎﻫﺎ ﺩﻩ ﺍﺧﺘﻴﺎﺭ ﺭﺑﻨﺎ ﺍﻟﺒﻜﻮﻥ ﻓﻴﻬﻮ ﺍﻟﺨﻴﺮ .. ﻭﺍﺫﺍ ﺍﻟﻤﻮﺿﻮﻉ ﺍﺗﻌﻜﺲ ﻭﺍﻧﺼﺮﻑ .. ﻣﻌﻨﺎﻫﺎ ﺩﻩ ﻣﻮﺿﻮﻉ ﻣﺎﻓﻴﻬﻮ ﺧﻴﺮ ﺭﺑﻨﺎ ﺻﺮﻓﻮ ﻋﻨﻚ .. ﺩﻱ ﻣﻌﻠﻮﻣﺔ ﻣﻬﻤﺔ ﺣﻘﻮ ﻧﻜﻮﻥ ﻋﺎﺭﻓﻨﻬﺎ .. ﻃﻴﺐ ..

ﺍﻻﻣﻴﻦ ﺍﻟﺼﺒﺎﺡ ﻋﻤﻞ ﺍﻻﺳﺘﺨﺎﺭﺓ .. ﻻﻧﻮ ﻓﻌﻼ ﻛﺎﻥ ﻣﺘﺮﺩﺩ ﻓﻲ ﺍﻟﻤﻮﺿﻮﻉ .. ﻭﺳﺒﺐ ﺍﻟﺘﺮﺩﺩ ﻫﻮ .. ﺍﻧﻮ ﺷﺎﻳﻒ ﺍﻻﺭﺑﺎﺡ ﻓﻲ ﺍﻟﺒﺼﻞ ﺍﺳﺮﻉ ﻭﺍﻛﺘﺮ ﻣﻦ ﺍﻟﺪﻛﺎﻥ .. ﻭﻣﻦ ﻧﺎﺣﻴﺔ ﻭﺟﺪﺍﻧﻮ ﻣﺮﺗﺒﻂ ﺑﺎﻟﺪﻛﺎﻥ .. ﻭﺣﺎﺳﻲ ﺑﻲ ﺍﻧﻮ ﻓﻘﺪﻭ ﺷﺪﻳﺪ .. ﻻﻧﻮ ﻓﻴﻬﻮ ﺫﻛﺮﻳﺎﺗﻮ ﺍﻟﻄﻴﺒﺔ ﻛﻠﻬﺎ ..

ﻃﻠﻊ ﻣﺸﻰ ﻋﻠﻰ ﺳﻮﻕ ﺍﻟﺒﺼﻞ .. ﻭﻃﺒﻌﺎ ﺍﻟﺰﻭﻝ ﺩﻩ ﻫﻨﺎﻙ ﻛﻮﻥ ﻋﻼﻗﺎﺕ ﻭﺻﺪﺍﻗﺎﺕ ﻋﺠﻴﺒﺔ .. ﻭﻟﻠﻌﻠﻢ ﻟﻲ ﺍﻟﻨﺎﺱ ﺍﻟﺒﻤﺸﻮ ﺳﻮﻕ ﺍﻟﺨﺪﺍﺭ .. ﻭﺍﻟﺒﻤﺸﻮ ﺳﻮﻕ ﺍﻟﺒﺼﻞ .. ﻭﺳﻮﻕ ﺍﻟﻤﻼﺑﺲ .. ﺑﺎﻟﻤﻨﺎﺳﺒﺔ ﺍﻻﺳﻮﺍﻕ ﺩﻱ ﻣﺆﺳﺴﺎﺕ ﻋﺠﻴﺒﺔ .. ﻭﻧﺎﺳﻬﺎ ﺑﺘﻌﺎﺭﻓﻮ .. ﻭﺑﻴﻨﻬﻢ ﻋﻼﻗﺎﺕ ﻭﻣﻌﺎﺭﻑ ﻭﺯﻣﺎﻻﺕ .. ﺳﺒﺤﺎﻥ ﺍﻟﻠﻪ .. ﺍﻟﻮﺍﺣﺪ ﺑﻜﻮﻥ ﻋﺎﺭﻑ ﺍﻟﺤﺎﺟﺎﺕ ﺍﻟﻌﻨﺪﻭ .. ﻭﺍﻟﺤﺎﺟﺎﺕ ﺍﻟﻌﻨﺪ ﺯﻣﻼﻫﻮ ﺍﻟﺘﺠﺎﺭ ﺍﻻﺧﺮﻳﻦ .. ﻳﻌﻨﻲ ﺗﺠﻲ ﺗﻘﻮﻝ ﻟﻴﻮ ﻋﺎﻳﺰ ﺍﻟﺸﻲ ﺍﻟﻔﻼﻧﻲ .. ﻳﻘﻮﻝ ﻟﻚ ﺍﻧﺎ ﻣﺎﻋﻨﺪﻱ .. ﻟﻜﻦ ﺑﺘﻠﻘﺎﻫﻮ ﻋﻨﺪ ﻓﻼﻥ .. ﻓﻲ ﺍﻟﺸﺎﺭﻉ ﺍﻟﺘﺎﻟﺖ .. ﺍﻟﺪﻛﺎﻥ ﻧﻤﺮﺓ 4

ﻳﻌﻨﻲ ﺑﻜﻮﻥ ﻋﺎﺭﻑ ﻛﻞ ﺗﻔﺎﺻﻴﻞ ﺍﻟﺒﻀﺎﻋﺔ ﺍﻟﻔﻲ ﺍﻟﺴﻮﻕ .. ﻋﻨﺪﻭ ﻭﻻﻋﻨﺪ ﺯﻣﺎﻳﻠﻮ ..

ﺍﻫﺎ ﺍﻻﻣﻴﻦ ﺍﻧﺼﻬﺮ ﻓﻲ ﺍﻟﺴﻮﻕ ﺩﻩ .. ﻭﺑﻘﻰ ﻋﻨﺪﻭ ﺑﺎﻉ ﻣﺎﺷﺎﺀ ﺍﻟﻠﻪ .. ﻭﻋﻨﺪﻭ ﻣﺤﻞ ﻣﻌﺮﻭﻑ .. ﺑﻨﺰﻝ ﻓﻴﻬﻮ ﺑﺼﻠﻮ ﻭﻳﺒﻊ ﻣﻨﻮ ..

ﻧﺺ ﺍﻟﻨﻬﺎﺭ ﻛﺪﺍ ﻣﺸﻰ ﻳﺸﻮﻑ ﺧﺒﺮ ﺍﻟﺪﻛﺎﻥ .. ﻭﻣﺸﻰ ﻗﺎﺑﻞ ﺻﺎﺣﺒﻮ ﺗﺎﺟﺮ ﺍﻻﺟﻤﺎﻟﻲ ﺩﺍﻙ .. ﻗﺎﻝ ﻟﻴﻬﻮ ﺧﺒﺮ ﺍﻟﺪﻛﺎﻥ ﺷﻨﻮ؟ ﻧﻤﺸﻲ ﻧﺒﺪﺍ ﺗﻔﺮﻳﺰ؟ ﻗﺎﻟﻴﻬﻮ ﻭﺍﻟﻠﻪ ﻳﺎ ﺍﻻﻣﻴﻦ ﻳﺎﺧﻲ ﺍﻧﺎ ﺍﺳﻒ ﺷﺪﻳﺪ .. ﻧﺤﻦ ﻃﺒﻌﺎ ﺍﻣﺒﺎﺭﺡ .. ﻗﻠﻨﺎ ﻟﻴﻚ ﺍﻟﺮﺍﺟﻞ ﻗﺎﻝ ﺩﺍﻳﺮ ﻳﺒﻊ ﺍﻟﺪﻛﺎﻥ .. ﻋﺸﺎﻥ ﻳﺮﺍﻋﻲ ﺍﺧﻮﻫﻮ ﻫﻨﺎﻙ .. ﺍﻟﻠﻴﻠﺔ ﺍﻟﺼﺒﺎﺡ ﺑﺲ ﺍﻟﺰﻭﻝ ﺩﻩ ﻗﺮﺭ .. ﺍﻧﻮ ﻳﺮﺟﻊ ﻋﻄﺒﺮﺓ .. ﻭﻳﻔﺘﺢ ﺩﻛﺎﻧﻮ .. ﻭ ﻗﺒﻴﻞ ﺍﻟﺼﺒﺎﺡ ﻗﺎﺑﻠﻨﻲ ﺑﺎﻟﺘﻠﻔﻮﻥ .. ﻭﺷﺎﻭﺭﺗﻮ ﻓﻲ ﻗﺼﺔ ﺍﻟﺸﺮﺍﻛﺔ .. ﻭﻗﺎﻝ ﻫﻮ ﺩﺍﻳﺮ ﻳﻌﻤﺮ ﺍﻟﺪﻛﺎﻥ ﺑﺮﺍﻫﻮ .. ﻭﻗﺎﻝ ﺍﻟﺸﺮﺍﻛﺔ ﺩﻱ ﻣﺎﺑﺘﻨﻔﻊ ﻣﻌﺎﻫﻮ .. ﺍﻧﺖ ﻳﺎﺯﻭﻝ ﺭﺑﻨﺎ ﻳﻘﺴﻢ ﻟﻚ ﺍﺧﻴﺮ ﻣﻦ ﺍﻟﺪﻛﺎﻥ ﺩﻩ ..

ﺷﻮﻓﻮ ﻳﺎﺟﻤﺎﻋﺔ .. ﺍﻻﺳﺘﺨﺎﺭﺓ ﺑﺘﻄﻴﺮ ﻣﻨﻚ ﺍﻟﻤﻮﺍﺿﻴﻊ ﺑﺎﻟﻄﺮﻳﻘﺔ ﺩﻱ .. ﻳﻌﻨﻲ ﺍﻟﻤﻮﺿﻮﻉ ﺑﺮﺍﻫﻮ ﺑﻄﻴﺮ ﻣﻦ ﻳﺪﻙ .. ﻭﺍﻧﺖ ﻗﺪ ﻻﺗﻌﺮﻑ ﺍﻟﺴﺒﺐ ﺍﻟﺼﺮﻑ ﻣﻨﻚ ﺍﻟﻤﻮﺿﻮﻉ ﺷﻨﻮ؟ .. ﻟﻜﻦ ﻟﻲ ﻗﺪﺍﻡ ﻣﻤﻜﻦ ﺗﻜﺸﻒ ﺍﻟﺴﺒﺐ .. ﻭﻓﻲ ﺍﻟﻨﻬﺎﻳﺔ ﻛﺎﻥ ﻋﺮﻓﺖ ﻭﻻ ﻣﺎﻋﺮﻓﺖ .. ﺭﺑﻨﺎ ﺑﺼﺮﻑ ﻋﻨﻚ ﺍﻟﺸﺮ ﻭﺑﺲ .. ﻭﺩﻱ ﻣﻦ ﻓﻮﺍﺋﺪ ﺍﻻﺳﺘﺨﺎﺭﺓ .. ﻣﻌﻨﺎﻫﺎ ﺍﻟﺪﻛﺎﻥ ﺩﻩ ﻣﺎﻓﻴﻬﻮ ﺍﻱ ﺧﻴﺮ ﻟﻲ ﺍﻻﻣﻴﻦ ..

ﻭﻟﻮ ﺗﺎﺑﻌﺘﻮ ﺍﻟﻘﺼﺔ .. ﺑﺘﻌﺮﻓﻮ ﻟﻴﻪ ﻛﺎﻥ ﺍﻧﺼﺮﺍﻑ ﺍﻟﺪﻛﺎﻥ ﻓﻴﻬﻮ ﺧﻴﺮ ﻟﻴﻬﻮ ..ﻟﻴﻬﻮ ..

ﻃﻴﺐ ﻗﺒﻞ ﻳﻮﻣﻴﻦ ﻣﻦ ﺍﻻﻥ ﻋﺒﺪﺍﻟﻤﻨﻌﻢ ﺍﻟﻘﻤﺮﺗﻲ ﻣﺘﺬﻛﺮﻧﻮ؟ .. ﻛﻠﻢ ﻧﺒﻴﻬﺔ ﺣﺒﻴﺒﺘﻮ .. ﺍﻧﻮ ﺍﻻﻣﻴﻦ ﻭﺻﻞ .. ﻭﻋﻨﺪﻭ ﻣﺴﺎﻋﻲ ﻳﺮﺟﻊ ﺩﻛﺎﻧﻮ .. ﻋﻠﻰ ﺣﺴﺐ ﺍﻻﺧﺒﺎﺭ .. ﻭﻧﺒﻴﻬﺔ ﻛﻠﻤﺖ ﻧﺪﻯ .. ﻭﻧﺪﻯ ﻭﻧﺒﻴﻬﺔ ﻛﺎﻧﻮ ﻣﻨﺘﻈﺮﻳﻦ ﺍﻻﻣﻴﻦ ﻳﺠﻲ .. ﻳﻔﺘﺢ ﺍﻟﺪﻛﺎﻥ .. ﻛﻞ ﻳﻮﻡ ﺑﺠﻮ ﺍﻟﺴﻮﻕ ﻭﻳﻠﻘﻮ ﺍﻟﺪﻛﺎﻥ ﻣﻘﻔﻮﻝ .. ﻭﻣﺎﻋﺎﺭﻓﻴﻦ ﺍﻻﻣﻴﻦ ﺷﻐﺎﻝ ﺑﺼﻞ ﻓﻲ ﺳﻮﻕ ﺍﻟﺨﺪﺍﺭ ..

ﻧﺒﻴﻬﺔ ﺳﺄﻟﺖ ﻋﺒﺪﺍﻟﻤﻨﻌﻢ .. ﻗﺎﻟﺖ ﻟﻴﻬﻮ ﺍﻧﺖ ﻳﺎﻋﺒﺪﻭ .. ﺍﻟﺤﺼﻞ ﺷﻨﻮ ﻓﻲ ﻣﻮﺿﻮﻉ ﺍﻻﻣﻴﻦ ﻭﺩﻛﺎﻧﻮ ؟ ﻗﺎﻝ ﻟﻴﻬﺎ ﺍﻧﺎ ﺷﺎﻳﻔﻚ ﻣﻬﺘﻤﺔ ﺑﺎﻻﻣﻴﻦ ﻭﺩﺍﻳﻤﺎ ﺑﺘٍﺴﺄﻟﻲ ﻣﻨﻮ .. ﺍﻟﺤﺎﺻﻞ ﺷﻨﻮ ﻳﺎﻧﺒﻴﻬﺔ . ؟؟

ﺍﻟﻜﻼﻡ ﺩﻩ ﻃﺎﻟﻊ ﻣﻦ ﻧﺪﻯ ﻭﻻﺑﺘٍﺴﺄﻟﻲ ﻣﻨﻮ ﺑﺮﺍﻙ؟؟ ..

ﻃﺒﻌﺎ ﻫﻨﺎ ﻧﺒﻴﻬﺔ ﺍﺣﺘﺎﺭﺕ ﺷﺪﻳﺪ .. ﻟﻮ ﻗﺎﻟﺖ ﻟﻴﻬﻮ ﻧﺪﻯ ﺑﺘﺴﺄﻝ ﻣﻨﻮ ﻣﻌﻨﺎﻫﺎ ﺍﻟﺨﻄﺔ ﻃﺮﺷﻘﺖ .. ﻭﻟﻮﻗﺎﻟﺖ ﻟﻴﻬﻮ ﺑﺴﺄﻝ ﻣﻨﻮ ﺑﺮﺍﻱ ﺡ ﻳﺸﻚ ﻓﻴﻬﺎ ..

ﻗﺎﻟﺖ ﻟﻴﻬﻮ ﺍﻧﺎ ﺑﻘﻮﻝ ﻟﻴﻚ ﻛﻼﻡ ﺳﺮ ﺑﺲ ﻣﺎﺗﻘﻮﻝ ﻟﻲ ﻧﺪﻯ .. ﻧﺪﻯ ﻗﺎﻟﺖ ﺩﺍﻳﺮﺓ ﺗﻨﺘﻘﻢ ﻣﻦ ﺍﻻﻣﻴﻦ .. ﻻﻧﻮ ﻏﺸﺎﻫﺎ ..

ﻗﺎﻝ ﻟﻴﻬﺎ ﺩﻩ ﻛﻼﻡ ﻫﻮﺍ ﺳﺎﻱ .. ﻛﻤﺎﻥ ﺟﺎﻧﺎ ﺍﻧﺘﻘﺎﻡ ﺍﻟﺒﻨﺎﺕ؟ .. ﺍﻟﺒﺖ ﻗﺎﻟﻮ ﻛﺎﻥ ﻓﺎﺱ ﻣﺎﺑﺘﺸﻖ ﺍﻟﺮﺍﺱ .. ﺍﻧﺘﻦ ﻗﻠﻴﻼﺕ ﺣﻴﻠﺔ ﺳﺎﻱ ﻭﻛﻼﻣﻜﻦ ﻛﺘﻴﺮ .. ﺍﻻﻧﺘﻘﺎﻡ ﺩﻩ ﺧﻠﻮﻫﻮ ﻟﻲ ﺍﺑﺎﻥ ﺷﻨﺒﺎﺕ ﺩﻳﻞ ..

ﺍﻟﻤﻬﻢ ﻃﺒﻌﺎ ﻳﺎﻧﺒﻴﻬﺔ .. ﺍﻻﻣﻴﻦ ﺧﻼ ﺍﻟﺪﻛﺎﻥ ﻭﺍﺷﺘﻐﻞ ﻓﻲ ﺳﻮﻕ ﺍﻟﺨﺪﺍﺭ .. ﺑﺒﻴﻊ ﺍﻟﺒﺼﻞ .. ﻗﺎﻟﺖ ﻟﻴﻬﻮ ﻣﺎﺑﺼﺪﻕ ﻭﺍﻟﻠﻪ .. ﻗﺎﻝ ﻟﻴﻬﺎ ﺍﻣﺸﻲ ﺑﺮﺍﻙ ﻳﻮﻡ ﺳﻮﻕ ﺍﻟﺨﺪﺍﺭ .. ﻭﺍﻋﻤﻠﻲ ﻓﻴﻬﺎ ﺩﺍﻳﺮﺓ ﺗﺸﻮﻓﻲ ﺍﻟﺒﺼﻞ ﺑﻴﻜﻢ .. ﺷﻮﻓﻲ ﺑﺘﻼﻗﻴﻬﻮ ﻭﻟﻼ ﻻ ..

ﻗﺎﻟﺖ ﻟﻴﻬﻮ ﻳﺎﺣﻠﻴﻠﻮ ﻓﻠﺲ .. ﻃﺒﻌﺎ ﻳﺎ ﻋﺒﺪﻭ ﻧﺎﺱ ﺍﻟﺨﺪﺍﺭ ﺩﻳﻞ ﺍﻛﺘﺮ ﻧﺎﺱ ﻓﻠﺴﺎﻧﻴﻦ ﻭﻗﺤﻄﺎﻧﻴﻦ ﺻﺎﺡ؟؟ .. ﻗﺎﻝ ﻟﻴﻬﺎ ﺻﺎﺡ ﻳﺎﻧﺒﻴﻬﺔ ﺍﻟﻨﺒﻴﻬﺔ ..

ﻃﺒﻌﺎ ﻗﺎﻝ ﻟﻴﻬﺎ ﺑﺴﺨﺮﻳﺔ .. ﻻﻧﻬﺎ ﻣﺎﻓﺎﻫﻤﺔ ﺍﻟﺘﺪﻋﻜﻬﺎ ..

ﻧﺒﻴﻬﺔ ﻃﺒﻌﺎ ﻃﻮﺍﻟﻲ ﻗﺎﻣﺖ ﻣﺸﺖ .. ﺣﻜﺖ ﻟﻲ ﻧﺪﻯ ﺍﻟﻤﻨﺪﺍﺣﺔ .. ﻗﺎﻟﺖ ﻟﻴﻬﺎ .. ﺗﻌﺎﻟﻲ ﺗﻌﺎﻟﻲ ﻳﺎ ﺍﻟﻤﺨﺴﺘﻜﺔ .. ﻭﺍﻟﻠﻪ ﺍﻧﺘﻲ ﻏﺎﻳﺘﻮ ﺯﻭﻟﺔ ﺷﻮﻣﺔ ﻭﻫﻘﻴﺘﺔ .. ﺍﻟﺰﻭﻝ ﺍﻟﻤﺘﺨﻠﻒ ﺩﻩ .. ﻗﺎﻟﻮ ﺧﻼ ﺍﻟﺪﻛﺎﻥ ﻭﻣﺸﻰ ﺍﺷﺘﻐﻞ ﻓﻲ ﺳﻮﻕ ﺍﻟﺨﺪﺍﺭ ﺑﺘﺎﻉ ﺑﺼﻞ ..

ﻗﺎﻟﺖ ﻟﻴﻬﺎ ﺍﻭﻉ ﺗﻘﻮﻟﻲ ﻟﻲ ﺍﻻﻣﻴﻦ ؟ ﻣﺎﺑﺼﺪﻕ ﺍﺻﻠﻮ ..

ﻗﺎﻟﺖ ﻟﻴﻬﺎ ﻭﺍﻟﻠﻪ ﻋﺒﺪ ﺍﻟﻤﻨﻌﻢ ﺣﻜﺎ ﻟﻲ ﻛﺪﻱ ..

ﻧﺪﻯ ﻗﺎﻟﺖ ﻟﻴﻬﺎ ﺧﻼﺹ ﺑﺎﻛﺮ ﺍﻟﺼﺒﺎﺡ .. ﻧﻘﻮﻡ ﻧﻤﺸﻲ ﻧﺴﺠﻞ ﻟﻴﻬﻮ ﺯﻳﺎﺭﺓ ﺑﻴﻦ ﺍﻟﺸﻮﺍﻻﺕ .. ﻭﻧﻮﺭﻳﻬﻮ ﺍﻧﻮ ﻧﺤﻦ ﻛﺸﻔﻨﺎﻫﻮ ..

ﻗﺎﻟﺖ ﻟﻴﻬﺎ ﻳﻌﻨﻲ ﺍﻧﺘﻲ ﺧﻼﺹ ﻗﻨﻌﺘﻲ ﻣﻨﻮ؟ ﻭﺑﻲ ﻛﺪﺍ ﻣﺎﻋﺎﻳﺰﺍﻫﻮ ؟

ﻗﺎﻟﺖ ﻟﻴﻬﺎ ﻣﻨﻮ ﺩﻱ ؟ ﺍﻧﺎ ﺩﻱ؟ .. ﺑﺮﻱ ﻳﺎﻳﻤﻪ .. ﻭﺍﻟﻠﻪ ﻧﺎﺱ ﻧﻌﻮﻣﺔ ﻭﺟﻮﺍﻫﺮ .. ﻳﺴﻮﻧﻲ ﻣﻀﺤﻜﺔ ﻓﻲ ﻗﻌﺪﺍﺕ ﺍﻟﺠﺒﻨﺔ .. ﻳﻘﻮﻟﻦ ﻋﺮﺳﺖ ﻟﻴﻬﺎ ﺭﺍﺟﻞ ﻣﺮﺓ .. ﻭﺑﺘﺎﻉ ﺑﺼﻞ ﻫﻬﻪ ..

ﻟﻜﻦ ﺑﺲ ﻧﻤﺸﻲ ﻟﻴﻬﻮ ﻓﻲ ﺍﻟﺴﻮﻕ .. ﻭﻧﺬﻟﻮ ﻧﻬﻴﻨﻮ ﻭﻧﺠﻲ ..

ﻗﺎﻟﺖ ﻟﻴﻬﺎ ﻳﺎﻧﺪﻯ ﻣﺎﻓﻲ ﺩﺍﻋﻲ ﻭﺍﻟﻠﻪ .. ﺍﻟﺰﻭﻝ ﺩﻩ ﻣﺎﻳﺴﺘﺎﻫﻞ .. ﻏﺎﻳﺘﻮ ﺍﻧﺎ ﻣﺎ ﻣﻮﺍﻓﻘﺎﻙ ﻓﻲ ﺗﺼﺮﻓﺎﺕ ﺍﻟﺸﺮ .. ﺑﺲ ﺩﺍﻳﺮﺓ ﺗﻌﺮﺳﻴﻬﻮ ﺗﻌﺮﺳﻴﻬﻮ .. ﻭﻻﺗﺸﺘﻐﻠﻲ ﺑﻲ ﻛﻼﻡ ﺍﻟﻨﺎﺱ ..

ﺧﻠﻴﻬﻦ ﻳﻘﻮﻟﻦ ﺍﻭﻝ ﺍﻟﺒﺼﻞ ﻣﺎﻟﻮ؟ ﻣﺎﻛﻠﻬﻦ ﻗﺎﻋﺪﺍﺕ ﻳﻘﻄﻌﻦ ﺍﻟﺒﺼﻞ ﻭﻳﺴﻮﻥ ﺍﻟﻤﻼﺡ .. ﺍﺟﻲ ﻳﺎ ﺍﻟﺒﺼﻞ؟

ﻗﺎﻟﺖ ﻟﻴﻬﺎ ﻳﺎﻧﺒﻴﻬﺔ ﻟﺰﻭﻡ ﺍﻟﺒﺮﻳﺘﺴﺞ .. ﺍﻧﺎ ﻣﺴﺘﺤﻴﻞ ﺍﻋﺮﺱ ﻭﺍﺣﺪ ﺑﺒﻴﻊ ﺍﻟﺒﺼﻞ ﻓﻲ ﺳﻮﻕ ﺍﻟﺨﺪﺍﺭ ﻭﺩﻩ ﺍﺧﺮ ﻛﻼﻡ .. ﻗﺎﻟﺖ ﻟﻴﻬﺎ ﻭﺣﺎﺕ ﺍﻟﻠﻪ ﻳﺎ ﻧﺪﻯ .. ﺍﺧﻴﺮ ﻟﻴﻚ ﻣﻦ ﺍﻟﺒﻮﺭﺓ .. ﻧﺪﻯ ﻗﺎﻟﺖ ﻟﻴﻬﺎ ﺍﻭﻭﻭﻭﻭﻭﻩ ﻳﺎ ﻧﺒﻴﻬﺔ .. ﻳﺎﺧﻲ ﻛﺮﻫﺘﻴﻨﺎ ﺫﺍﺗﻮ ﺷﺎﺑﻜﺎﻧﺎ ﺍﻟﺒﻮﺭﺓ ﺍﻟﺒﻮﺭﺓ .. ﻣﺎﺳﻤﻌﺘﻲ ﺍﻟﻤﺜﻞ ﻗﺎﻟﻮ ﺑﻮﺭﺓ ﻣﻀﻤﻮﻧﺔ ﻭﻻﻋﺮﺳﺔ ﻣﺠﻬﺠﻬﺔ؟

ﻗﺎﻟﺖ ﻟﻴﻬﺎ ﺧﻼﺹ ﻣﺎﻣﺸﻜﻠﺔ .. ﺑﺎﻛﺮ ﻧﻤﺸﻲ ﻧﻘﺎﺑﻠﻮ ﻭﺍﻟﺒﺘﻌﻤﻠﻴﻬﻮ ﺍﻋﻤﻠﻴﻬﻮ .. ﺍﻧﺎ ﺍﺳﺎﺳﺎ ﻛﺎﻳﺴﺔ ﻟﻲ ﻣﺼﻠﺤﺘﻚ .. ﻭﺍﻧﺘﻲ ﻣﺎﺑﺘﺴﺘﺎﻫﻠﻲ .. ﻳﻼ .

ﻭﻓﻌﻼ ﺑﻜﺮﺓ ﻗﺎﻣﻦ ﺍﻟﺼﺒﺎﺡ .. ﻣﺎﺷﺎﺕ ﻋﻠﻰ ﺳﻮﻕ ﺍﻟﺒﺼﻞ .. ﻓﻲ ﺍﻟﻄﺮﻳﻖ ﻟﻘﻦ ﺍﻟﺪﻛﺎﻥ ﻓﺎﺗﺢ ﻣﻦ ﺍﻟﺼﺒﺎﺡ ..

ﻧﺪﻯ ﻗﺎﻟﺖ ﻟﻴﻬﺎ ﻳﻬﻮﺩﺍ ﺍﻟﺪﻛﺎﻥ ﻓﺎﺗﺢ ﻳﺎﻧﺒﻴﻬﺔ .. ﺧﻠﻴﻚ ﻭﺍﻗﻔﺔ ﻓﻲ ﻣﺤﻠﻚ ﺩﻩ .. ﺧﻠﻴﻨﻲ ﺍﻣﺸﻲ ﺍﺗﺸﻤﺸﻢ ﻭﺍﺟﻴﻚ .. ﻗﺎﻟﺖ ﻟﻴﻬﺎ ﺍﻫﺎ ﺍﻣﺸﻲ ﺍﻟﻨﺸﻮﻑ ﺍﻟﺸﻤﺸﻴﻢ ﺩﻩ ﺣﺪﻭ ﻭﻳﻦ .. - ﻧﺪﻯ ﻣﺸﺖ ﻭﻗﻔﺖ ﻓﻲ ﺍﻟﺪﻛﺎﻥ .. ﻭﺍﻟﻮﻗﺖ ﺗﻘﺮﻳﺒﺎ ﺯﻱ ﻋﺸﺮﺓ ﺻﺒﺎﺣﺎ "

ﻟﻘﺖ ﺍﻟﺰﻭﻝ ﺍﻻﺷﺘﺮﻯ ﺍﻟﺪﻛﺎﻥ ﺑﺮﺗﺐ ﻓﻲ ﺣﺎﺟﺎﺗﻮ .. ﻭﻭﺑﺮﻓﻊ ﻓﻲ ﺑﻀﺎﻋﺔ ﺟﺪﻳﺪﺓ ﻓﻲ ﺍﻟﺮﻓﻮﻑ ..

ﻗﺎﻟﺖ ﻟﻴﻬﻮ ﺍﻟﺴﻼﻡ ﻋﻠﻴﻜﻢ .. ﻭﻗﻒ ﻋﺎﻳﻦ ﻟﻴﻬﺎ ﻛﺪﺍ ﻭﻗﺎﻝ ﻋﻠﻴﻜﻢ ﺍﻟﺴﻼﻡ .. ﺍﻭﻝ ﻣﻦ ﻋﺎﻳﻨﺖ ﻟﻴﻬﻮ ﻓﻲ ﻭﺷﻮ ﻛﺪﺍ .. ﻗﻠﺒﻬﺎ ﻓﺮﺭﺭﺭ ﻓﺮﺍﻫﺎ .. ﻭﺑﻘﺖ ﺗﺒﻠﻊ ﻓﻲ ﺭﻳﻘﻬﺎ .. ﺯﻱ ﺍﻟﻤﺰﻧﻮﻗﺔ ﻓﻲ ﻗﻮﺍﻟﻪ .. ﻭﻣﻦ ﺟﻮﺍﻫﺎ ﺑﺘﻘﻮﻝ ﺍﻭﻭﻭﻭﺏ ﻋﻠﻴﻨﺎ ﻧﺤﻦ ﻣﻦ ﺍﻟﻮﺳﺎﻣﺔ .. ﺩﻩ ﺟﺎﻱ ﻣﻦ ﻭﻳﻦ ﺩﻩ ؟ .. ﺑﻼ ﺍﻻﻣﻴﻦ ﺑﻼ ﻋﺮﺏ ﺑﻼ ﺑﺼﻞ ..

ﻗﺎﻟﺖ ﻟﻴﻬﻮ ﺍﺳﻤﻊ ﻳﺎ ﻭﺩ ﺍﻟﻌﻢ .. ﻧﺤﻦ ﻛﻨﺎ ﺑﻨﺠﻲ ﻟﻼﻣﻴﻦ ﺍﻟﻜﺎﻥ ﻣﺎﺳﻚ ﺍﻟﺪﻛﺎﻥ ﺩﻩ .. ﻋﻨﺪﻱ ﺍﺧﺘﻲ ﻛﺎﻧﺖ ﺑﺘﺠﻴﻬﻮ ﻃﻮﺍﻟﻲ .. ﻭﺑﻴﻨﺎﺗﻬﻢ ﺻﺪﺍﻗﺔ ﺷﺪﻳﺪﺓ ..

ﺑﺲ ﻫﺴﻲ ﻣﺎﻋﺎﺭﻓﻨﻮ ﻓﺎﺕ ﻭﻳﻦ .. ﻭﺍﺧﺘﻲ ﺣﺎﻟﺘﻬﺎ ﻣﺎﻛﻮﻳﺴﺔ ﺑﺘﺴﺄﻝ ﻣﻨﻮ ﺯﻱ ﺍﻟﻤﺠﻨﻮﻧﺔ ..

ﻃﺒﻌﺎ ﺍﻟﺰﻭﻝ ﺍﻧﺒﻬﺖ ﻣﻦ ﺟﺮﺃﺓ ﺍﻟﺒﺖ ﺩﻱ .. ﻋﺎﺩﺓ ﻓﻲ ﻋﻄﺒﺮﺓ ﻣﺎﻓﻲ ﺑﺖ ﺑﺘﺘﺠﺮﺃ ﺗﻘﻮﻝ ﻛﻼﻡ ﺯﻱ ﺩﻩ .. ﻟﻜﻦ ﻧﻘﻮﻝ ﺷﻨﻮ؟ ﺩﻱ ﺍﻟﻤﻨﺪﺍﺣﺔ ..ﻗﺎﻝ ﻟﻴﻬﺎ ﻭﺍﻟﻠﻪ ﺍﻻﻣﻴﻦ ﺩﻩ .. ﺗﻘﺮﻳﺒﺎ ﺍﺷﺘﻐﻞ ﻓﻲ ﺳﻮﻕ ﺍﻟﺨﺪﺍﺭ ..

ﻗﺎﻟﺖ ﻟﻴﻬﻮ ﻳﺎﺭﻳﺖ ﺍﻧﺖ ﺗﻜﻮﻥ ﺑﺘﺘﻌﺎﻣﻞ ﺯﻱ ﺍﻻﻣﻴﻦ .. ﺍﻻﻣﻴﻦ ﺩﻩ ﻛﺎﻥ ﺑﺘﻌﺎﻣﻞ ﻣﻌﺎﻧﺎ ﻣﻌﺎﻣﻠﺔ ﺭﻗﻴﻘﺔ ﻭﻋﻄﻮﻓﺔ ..

ﻗﺎﻝ ﻟﻴﻬﺎ ﺍﻻﻣﻴﻦ ﺑﺘﻌﺎﻣﻞ ﻣﻌﺎﻛﻢ ﻛﺪﺍ ﻋﺸﺎﻥ ﺍﺧﺘﻚ .. ﺍﻧﺎ ﺍﺗﻌﺎﻣﻞ ﻣﻌﺎﻛﻢ ﻋﺸﺎﻥ ﻣﻨﻮ؟ .. ﻗﺎﻟﺖ ﻟﻴﻬﻮ ﻋﺸﺎﻧﻲ ﺍﻧﺎ .. ﺍﻧﺎ ﻣﺎﻟﻲ ﻣﺎ ﻣﺎﻟﻴﺖ ﻋﻴﻨﻚ ؟؟ ﻭﺍﺧﺪﺕ ﻟﻴﻬﺎ ﺑﺴﻤﺔ ﺧﺴﻴﺴﺔ ﻛﺪﺍ ..

ﻗﺎﻝ ﻟﻴﻬﺎ ﻭﺍﻟﻠﻪ ﺍﻧﺘﻲ ﺗﻤﻠﻲ ﺍﻟﻌﻴﻦ ﻻﻣﻦ ﺗﺪﻓﻖ .. ﻟﻜﻦ ﺍﻟﺰﻭﻝ ﻳﺨﺎﻑ ﻳﺪﻓﻖ ﻣﻮﻳﺘﻮ ﻋﻠﻰ ﺍﻟﺮﻫﺎﺏ ..

ﻗﺎﻟﺖ ﻟﻴﻬﻮ ﻻﻻ ﻭﺍﻟﻠﻪ ﺍﻃﻤﺌﻦ ﻻﺭﻫﺎﺏ ﻭﻻ ﺣﺎﺟﺔ .. ﺍﻧﺖ ﺍﺳﻤﻚ ﻣﻨﻮ؟

ﻗﺎﻝ ﻟﻴﻬﺎ ﺍﻧﺎ ﺍﺳﻤﻲ ﻋﺒﺪﺍﻻﻟﻪ .. ﻗﺎﻟﺖ ﻟﻴﻬﻮ ﺍﻧﺖ ﻣﺘﺰﻭﺝ ؟ ﻗﺎﻝ ﻟﻴﻬﺎ ﻳﺎﺧﻲ ﺍﻧﺎ ﺻﻐﻴﺮ ﻟﺴﻊ ﻣﺘﺰﻭﺝ ﺷﻨﻮ ﻛﻤﺎﻥ؟ .. ﻭﺍﻟﺒﺘﺘﺰﻭﺟﻨﻲ ﻣﻨﻮ؟ ﺍﻧﺎ ﺑﺤﺎﻟﺘﻲ ﺩﻱ .. ؟؟ ﻗﺎﻟﺖ ﻟﻴﻬﻮ ﻣﺎﻟﻚ ﻳﺎﺧﻮﻱ؟؟ ﺣﺎﻟﺘﻚ ﻣﺎﻻ؟؟ ﻣﺎﺷﺎﺀ ﺍﻟﻠﻪ ﺍﻱ ﻭﺍﺣﺪﻩ ﺗﺘﻤﻨﺎﻙ ..

ﻫﻬﻪ ﻗﺎﻝ ﻟﻴﻬﺎ ﻳﻌﻨﻲ ﻫﺴﻲ ﺍﻧﺘﻲ ﺑﺘﺘﻤﻨﻴﻨﻲ ؟ .. ﺿﺤﻜﺖ ﻭﺩﻧﻘﺮﺕ ﻭﻣﺸﺖ

ﻋﺎﻣﻠﺔ ﻓﻴﻬﺎ ﺧﺠﻮﻟﺔ .. ﻗﺎﻝ ﻟﻴﻬﺎ ﺩﻗﻴﻘﺔ .. ﺍﻟﺪﻛﺎﻥ ﻓﺎﺗﺢ ﻟﻴﻚ ﺍﻧﺘﻲ ﻭﺍﺧﺘﻚ .. ﻓﻲ ﺍﻱ ﻟﺤﻈﺔ ..

ﻭﻃﺒﻌﺎ ﻳﺎﺟﻤﺎﻋﺔ .. ﻣﻦ ﺍﻟﻨﻘﻄﺔ ﺩﻱ .. ﻧﺪﻯ ﻓﻜﺖ ﻣﻦ ﺍﻻﻣﻴﻦ .. ﻭﺷﺒﻜﺖ ﻓﻲ ﻋﺒﺪﺍﻻﻟﻪ ﺍﻟﻀﺤﻴﺔ ﺍﻟﺘﺎﻟﻴﺔ ..

ﻭﺩﻱ ﻃﺒﻌﺎ " ﻧﺘﻴﺠﺔ ﺍﺳﺘﺨﺎﺭﺓ ﺍﻻﻣﻴﻦ .. ﺭﺑﻨﺎ ﺻﺮﻓﻮ ﻣﻦ ﺍﻟﺪﻛﺎﻥ ﻻﻣﺮ ﻳﻌﻠﻤﻪ ﺍﻟﻠﻪ .. ﻋﺸﺎﻥ ﻳﺼﺮﻑ ﻣﻨﻪ ﺍﻟﻤﻨﺪﺍﺣﺔ .. ﻭﺗﺒﻌﺪ ﻣﻦ ﻃﺮﻳﻘﻮ .. ﺣﺘﻲ ﺍﻻﻣﻴﻦ ﺫﺍﺗﻮ ﻣﺎﻋﺎﺭﻑ ﺍﻟﺪﻛﺎﻥ ﺍﻧﺼﺮﻑ ﻣﻨﻪ ﻟﻴﻪ .. ﺳﺒﺤﺎﻥ ﺍﻟﻠﻪ .. ..

.

ﺍﻟﺼﺎﻓﻲ ﺍﻟﺤﺒﻴﺐ .. ﺩﺧﻞ ﺳﻨﺔ ﺗﺎﻟﺘﺔ .. ﺑﻲ ﻧﺘﻴﺠﺔ ﺍﻣﺘﻴﺎﺯ .. ﺍﻟﻮﻟﺪ ﺷﺎﻃﺮ ﺷﻄﺎﺭﺓ ﻭﺫﻛﻲ ﻭﻗﺮﺍﻱ .. ﺍﻟﺼﺎﻓﻲ ﻣﻦ ﺍﻻﻭﻻﺩ ﺍﻟﻤﺎﺑﻘﻮﻟﻮ ﻟﻴﻬﻮ ﻳﺎﻭﻟﺪ ﺍﻣﺸﻲ ﺍﻗﺮﺍ ... ﻳﺎﻭﻟﺪ ﺍﻣﺸﻲ ﺫﺍﻛﺮ .. ﻻﻻﻻ ..

ﺍﻟﺼﺎﻓﻲ ﺍﻣﻮ ﺑﺘﻘﻮﻝ ﻟﻴﻬﻮ .. ﻳﺎ ﺍﻟﺼﺎﻓﻲ ﻳﺎﻭﻟﺪ ﺧﻼﺹ ﻗﻮﻡ .. ﻛﻔﺎﻳﺔ ﻣﺬﺍﻛﺮﺓ .. ﺍﻧﺖ ﺑﺎﻛﺮ ﺡ ﺗﻘﻮﻡ ﺑﺪﺭﻱ ﻟﻠﻤﺪﺭﺳﺔ .. ﻭﺑﺘﻘﻮﻡ ﺗﻌﺒﺎﻥ ..

ﺍﻟﺼﺎﻓﻲ ﺍﻣﻮ ﺑﺘﻘﻮﻝ ﻟﻴﻬﻮ .. ﺍﻟﻤﺬﺍﻛﺮﺓ ﺍﻟﻜﺘﻴﺮﺓ ﻭﺭﺍ ﺑﻌﺾ ﺩﻱ ﻳﺎ ﺍﻟﺼﺎﻓﻲ ﺑﺘﺨﻠﻴﻚ ﺗﻤﻞ ﻣﻦ ﺍﻟﺪﺭﺍﺳﺔ ..

ﻭﻫﻮ ﺑﻘﻮﻝ ﻟﻴﻬﺎ ﺑﺲ ﺍﻧﺎ ﻣﺴﺘﻤﺘﻊ ﺑﺎﻟﺪﺭﺍﺳﺔ ﻳﺎ ﺍﻣﻲ . ﻭﻛﻞ ﻣﺎ ﺍﻗﻮﻝ ﺍﻗﻮﻡ ﺧﻼﺹ ﻛﻔﺎﻱ .. ﺑﺮﺟﻊ ﺗﺎﻧﻲ ﺍﻗﺮﺍ ﻛﻼﻡ ﺷﻮﻳﺔ ﻛﺪﺍ .. ﻭﻓﻌﻼ ﺍﻟﺼﺎﻓﻲ ﻛﺎﻥ ﺑﺪﺭﺱ ﺍﻟﺪﺭﺍﺳﺔ ﺑﺤﺐ .. ﻭﺑﺬﺍﻛﺮ ﺑﻌﻤﻖ .. ﻭﺭﻏﺒﺔ ﻓﻲ ﺗﺤﺼﻴﻞ ﺍﻟﻤﻌﻠﻮﻣﺎﺕ .. ﻭﻛﻞ ﻣﺎﻳﻌﺮﻑ ﻟﻴﻬﻮ ﻣﻌﻠﻮﻣﺔ ﺟﺪﻳﺪﺓ .. ﻳﺠﻲ ﻳﺘﺠﺪﻉ ﻟﻲ ﺍﻣﻮ ؟

ﻳﺎ ﺍﻣﻲ ﺍﻧﺘﻲ ﻫﺴﻲ ﺑﺘﻌﺮﻓﻲ ﻋﻤﻠﻴﺔ ﺍﻟﺘﻤﺜﻴﻞ ﺍﻟﻀﻮﺋﻲ؟ ﻫﻬﻬﻬﻪ

ﺍﻣﻲ ﻫﺴﻲ ﺍﻧﺘﻲ ﺑﺘﻌﺮﻓﻲ ﻛﻴﻔﻴﺔ ﺻﻼﺓ ﺍﻟﺨﺴﻮﻑ ﻭﺍﻟﻜﺴﻮﻑ ؟؟ ﻳﺎ ﺍﻣﻲ ﺍﻧﺘﻲ ﺑﺘﻌﺮﻓﻲ ﻋﺎﺻﻤﺔ ﺍﺳﺘﺮﺍﻟﻴﺎ؟

ﻳﺎ ﺍﻣﻲ ﺍﻟﻠﻴﻠﺔ ﺍﺩﻭﻧﺎ ﺍﻟﺸﻲ ﺍﻟﻔﻼﻧﻲ .. ﻭﻳﺤﻜﻲ ﻟﻴﻬﺎ ﺍﻟﺤﺼﺔ ﺑﺎﻟﺘﻔﺎﺻﻴﻞ ﻭﺑﻲ ﻛﻞ ﺣﻮﺍﺳﻮ .. ﻭﺩﻱ ﺷﺨﺼﻴﺔ ﺍﻟﻄﺎﻟﺐ ﺍﻟﻤﻤﻜﻦ ﻳﺘﻘﺪﻡ ﻭﻳﺤﺮﺯ ﺍﻟﻨﺘﺎﺋﺞ ﺍﻟﻤﺸﺮﻓﺔ ﻓﻲ ﺣﻴﺎﺗﻮ ﺍﻟﻌﻠﻤﻴﺔ .. ﻟﻜﻦ ﺍﻟﻄﺎﻟﺐ ﻣﻤﺎ ﺗﻠﻘﺎﻫﻮ ﺑﻜﺮﻫـ ﺍﻟﻘﺮﺍﻳﺔ .. ﻭﺑﻜﺴﻞ ﻣﻦ ﺍﻟﻤﺬﺍﻛﺮﺓ .. ﻭﻫﻤﻮ ﻛﻠﻮ ﻓﻲ ﺍﻟﻠﻌﺐ ﻭﺍﻟﻠﺪﻫﻲ .. ﺍﺗﺎﻛﺪ ﺍﻧﻮ ﺩﻩ ﻣﻦ ﺭﻭﺍﺩ ﺍﻟﻌﻄﺎﻟﺔ ﻓﻲ ﺍﻟﻤﺴﺘﻘﺒﻞ ﺍﻟﻘﺮﻳﺐ ..

ﻋﺸﺎﻥ ﻛﺪﺍ ﺍﻟﺼﺎﻓﻲ ﻛﺎﻥ ,, ﻳﺘﻤﺮﺣﻞ ﻣﻦ ﻧﺠﺎﺡ ﺍﻟﻰ ﻧﺠﺎﺡ .. ﻭﻛﺎﻥ ﻓﺨﺮ ﺑﺎﻟﻨﺴﺒﺔ ﻟﻲ ﺍﻣﻮ ﻭﺍﺑﻮﻫﻮ ﻭﻣﻌﻠﻤﻴﻨﻮ .. ﻭﻣﺮﺕ ﺍﻻﻳﺎﻡ ﻭﺍﻟﺸﻬﻮﺭ .. ﻭﺍﻻﻣﻴﻦ ﺍﺷﺘﺮﻯ ﺍﻟﺒﻴﺖ ﺍﻟﻜﺎﻥ ﻣﺆﺟﺮﻭ .. ﻭﺑﻘﻰ ﺳﻠﻄﺎﻥ ﻓﻲ ﺍﻟﺴﻮﻕ .. ﻭﺑﻌﺪ ﺍﻟﺒﺼﻞ .. ﺍﻟﺤﻜﺎﻳﺔ ﺟﺎﺑﺖ ﻟﻴﻬﺎ ﻣﺤﺎﺻﻴﻞ .. ﻭﻓﻮﻝ ﻭﻓﺎﺻﻮﻟﻴﺎ ﻭﻛﺒﻜﺒﻲ .. ﻭﻭﻭ ...

ﻭﺍﻳﻤﺎﻥ ﻇﻬﺮ ﻟﻴﻬﺎ ﺣﻤﻞ ﻗﺒﻞ ﺍﺳﺒﻮﻉ ..

ﻋﻠﻰ ﻛﻞ ﺍﻟﻨﺎﺱ ﺩﻳﻞ ﺍﻭﺿﺎﻋﻬﻢ ﺍﺳﺘﻘﺮﺕ ﺟﺪﺍ ﻓﻲ ﺍﻟﻔﺘﺮﺓ ﺍﻻﺧﻴﺮﺓ .. ﻭﺍﻟﺼﺎﻓﻲ ﻛﻞ ﻳﻮﻡ ﺗﻈﻬﺮ ﻓﻴﻬﻮ ﺻﻔﺎﺕ ﺍﺟﻤﻞ .. ﻭﺍﺧﻼﻕ ﺍﻧﺒﻞ .. ﻭﻭﻋﻲ ﺍﻓﻀﻞ .. ﻭﻣﺴﺎﺑﻘﺔ ﺑﻴﻦ ﻋﻘﻠﻪ ﻭﻋﻤﺮﻩ .. ﻭﺍﻟﻌﻘﻞ ﺳﺎﺑﻖ ﺑﻲ ﻣﻴﺎﺕ ﺍﻻﻣﻴﺎﻝ .. ﻭﺍﻧﺎ ﺍﻗﻴﻒ ﻫﻨﺎ ﻓﻲ ﺍﻟﻨﻘﻄﺔ ﺩﻱ ﻭﺍﻟﺘﻘﻴﻜﻢ ﻣﻊ ﺍﻟﺼﺎﻓﻲ ﺑﻌﺪ ﻋﺸﺮﺓ ﺳﻨﻮﺍﺕ ﺍﻥ ﺷﺎﺀ ﺍﻟﻠﻪ .. ﻭ ﺑﺎﺫﻥ ﺍﻟﻠﻪ ..ﺑﻌﺪ ﻋﺸﺮ ﺳﻨﻮﺍﺕ .. ﺑﺎﻟﺘﺤﺪﻳﺪ ﻓﻲ ﻧﻮﻓﻤﺒﺮ 2006 .. ﺍﻟﺼﺎﻓﻲ ﻃﺎﻟﻊ ﻣﻦ ﺷﻤﺒﺎﺕ ﺍﻟﺼﺒﺎﺣﻴﺔ .. ﻭﺷﺎﻳﻞ ﻣﻌﺎﻫﻮ ﺷﻨﻄﺘﻮ ﺍﻟﺴﻮﺩﺍﺀ .. ﻓﻴﻬﺎ ﺍﻟﻜﺘﺐ ﻭﺍﻟﻤﺮﺍﺟﻊ ﺑﺘﺎﻋﺔ ﺍﻟﺠﺎﻣﻌﺔ .. ﻭﺟﺮﺍﺏ ﻛﺪﺍ ﻃﻮﻳﻞ ﻓﻴﻬﻮ ﻣﺴﻄﺮﺓ .. ﻭﺍﻧﺎ ﻋﺮﻓﺖ ﻟﻴﻚ ﺍﻟﺰﻭﻝ ﺩﻩ ﺑﻘﺮﺍ ﻓﻲ ﻫﻨﺪﺳﺔ .. ﻭﺑﻘﺮﺍ ﻓﻲ ﺟﺎﻣﻌﺔ ﺍﻟﺴﻮﺩﺍﻥ .. ﺑﺲ ﺟﺎﻱ ﻣﻦ ﺷﻤﺒﺎﺕ ﻣﻦ ﻭﻳﻦ ﻳﺎﺭﺑﻲ . ؟

ﺍﻟﺼﺎﻓﻲ ﺑﻌﺪ ﺍﻟﻤﺪﺓ ﺩﻱ ﻛﻠﻬﺎ ﺷﻜﻠﻮ .. ﺳﺒﺤﺎﻥ ﺍﻟﻠﻪ ﻧﻔﺲ ﺍﻟﻤﻼﻣﺢ ﺍﻟﻄﻔﻮﻟﻴﺔ ..

ﻭﺍﻟﻨﻈﺮﺍﺕ ﺍﻟﺒﺮﻳﺌﺔ .. ﺑﺲ ﺗﺤﺲ ﻓﻲ ﻋﻴﻮﻧﻮ ﺫﻛﺎﺀ ﺧﺎﺭﻕ .. ﻭﺷﺎﻳﻞ ﻣﺴﺆﻭﻟﻴﺔ .. ﻭﺷﻜﻠﻮ ﻣﻨﺸﻐﻞ ﻭﻣﺴﺘﻌﺠﻞ .. ﻭﻛﻞ ﻣﺮﺓ ﻳﻌﺎﻳﻦ ﻟﻲ ﺳﺎﻋﺘﻮ .. ﺍﻟﺒﻴﻀﺎﺀ .. ﻻﻣﻦ ﺟﺎﺕ ﺍﻟﺤﺎﻓﻠﺔ ﻭﺭﻛﺐ .. ﻻﺑﺲ ﺑﻨﻄﻠﻮﻥ ﺍﺳﻮﺩ ﻗﻤﻴﺺ ﺍﺑﻴﺾ .. ﻧﻀﻴﻒ ﻧﻀﺎﻓﺔ ﻋﺠﻴﺒﺔ .. ﺍﻟﻜﺮﺳﻲ ﺍﻟﻔﺎﺿﻲ ﻓﻲ ﺍﻟﺤﺎﻓﻠﺔ ﺑﺲ ﻛﺮﺳﻲ ﺍﻟﻨﺺ .. ﻭﻋﻦ ﻳﻤﻴﻨﻮ ﺭﺟﻞ ﻭﻋﻦ ﺷﻤﺎﻟﻮ ﺑﺖ ..

ﺍﻟﺼﺎﻓﻲ ﻗﻌﺪ ﻣﻨﺼﺮ ﻭﻣﺘﻜﺮﻓﺲ .. ﻭﺣﺎﺿﻦ ﺷﻨﻄﺘﻮ .. ﻭﻻﻣﻲ ﺭﺟﻠﻴﻬﻮ ﺯﻱ ﺍﻟﺒﺖ .. ﻭﺍﻟﺒﺖ ﺍﻟﺮﺍﻛﺒﺔ ﺟﻤﺒﻮ .. ﻗﺎﻋﺪﺓ ﻣﺘﻔﺮﺟﺨﺔ ﻭﻣﺘﺠﺪﻋﺔ ﺯﻱ ﺳﻴﺪ ﺍﻟﻠﻴﻤﻮﻥ .. ﻭﺷﻐﺎﻟﺔ ﺗﻄﺒﺰ ﻓﻲ ﺗﻠﻔﻮﻧﻬﺎ .. ﻭﺗﻄﻖ ﻓﻲ ﺍﻟﻠﺒﺎﻥ ..

ﻭﻛﻞ ﺑﻌﺪ ﺷﻮﻳﺔ ﺍﻟﺼﺎﻓﻲ ﻳﻤﺸﻲ ﺯﺍﺣﻲ ﻋﻠﻰ ﺍﻟﺮﺍﺟﻞ .. ﻋﺸﺎﻥ ﻣﺎﻳﻼﺻﻖ ﺍﻟﺤﺮﻣﺔ ..

ﻭﻟﻴﻤﺘﻴﻦ ﺍﻟﺤﺎﻓﻠﺔ ﺩﻱ ﺗﺼﻞ ﻋﺸﺎﻥ ﻳﻨﻄﻠﻖ ﻣﻦ ﺍﻟﻜﺮﻓﻴﺴﺔ ﺩﻱ .. ﺑﺲ ﺷﻮﻳﺔ ﻛﺪﺍ ﻭﺍﻟﺮﺍﺟﻞ ﺍﻟﻔﻲ ﻳﻤﻴﻨﻮ ﻧﺰﻝ ﻣﺤﻄﺘﻮ .. ﻗﺒﻞ ﻣﺎ ﻳﻄﻠﻊ ﻛﻮﻳﺲ ﺍﻟﺼﺎﻓﻲ ﺍﻧﺰﻗﻪ ﻓﻲ ﻛﺮﺳﻴﻬﻮ .. ﻭﺍﺗﻠﺼﻖ ﻋﻠﻰ ﺍﻟﺸﺒﺎﻙ .. ﻭﺑﻘﻰ ﻳﻌﺎﻳﻦ ﺑﺮﺓ ..

ﺍﻟﺼﺎﻓﻲ ﻋﻤﺮﻭ ﺍﻻﻥ ﻋﺸﺮﻳﻦ ﺳﻨﺔ ﺑﺎﻟﺘﻤﺎﻡ ﻭﺍﻟﻜﻤﺎﻝ .. ﻭﺑﻘﺮﺍ ﻓﻲ ﺗﺎﻟﺘﺔ .. ﻓﻲ ﺟﺎﻣﻌﺔ ﺍﻟﺴﻮﺩﺍﻥ ﻓﻲ ﺍﻟﺠﻨﻮﺑﻲ ..

ﻭﻃﺒﻌﺎ ﺍﻟﻤﺸﻮﺍﺭ ﺩﻩ ﻳﺴﻞ ﺍﻟﺮﻭﺡ .. ﻋﺸﺎﻥ ﻛﺪﺍ ﺍﻟﺼﺎﻓﻲ ﺑﻄﻠﻊ ﺑﺪﺭﻱ ..

ﺍﻟﻤﻬﻢ ﻭﺻﻞ ﻫﻨﺎﻙ .. ﻭﺍﻧﺪﻣﺞ ﻓﻲ ﻣﻮﺍﺿﻴﻌﻮ ﻣﺤﺎﺿﺮﺍﺕ .. ﻭﺑﺮﺍﻣﺞ ﻭﻭﻭ ﻭﺟﻮ ﺍﻟﺠﺎﻣﻌﺔ ﺍﻟﻤﻌﺮﻭﻑ .

ﻓﻲ ﻧﻬﺎﻳﺔ ﺍﻟﻴﻮﻡ ﻛﺎﻧﺖ ‏( ﻟﻴﻨﺔ ‏) ﻣﻨﺘﻈﺮﺍﻫﻮ .. ﻟﻴﻨﺔ ﻭﺍﺣﺪﺓ ﻣﻦ ﺑﻨﺎﺕ ﺗﺎﻧﻴﺔ ..

ﻭﺍﻟﻠﻴﻠﺔ ﺍﻟﻤﻔﺮﻭﺽ ﺗﻼﻗﻴﻬﻮ .. ﻋﻼﻗﺘﻬﻢ ﺑﺪﺕ ﻛﻴﻒ ﻣﺎﻋﺎﺭﻑ .. ﺑﺲ ﺍﻟﻤﻬﻢ ﻫﻮ ﻛﺎﻥ ﺣﺮﻳﺺ ﻣﺎﻳﻔﻮﺕ ﻣﻮﺍﻋﻴﺪﻭ ﻣﻌﺎﻫﺎ ..

ﻟﻴﻨﺔ ﺑﺖ ﻣﻦ ﺑﻨﺎﺕ ﺳﻮﺑﺎ ﺍﻟﺤﻠﺔ .. ﻭﺍﻧﺴﺎﻧﺔ ﻣﻤﺘﺎﺯﺓ ﺷﺪﻳﺪ .. ﺍﻧﻴﻘﺔ ﻭﻗﺮﺍﻳﺔ ..

ﻓﻴﻬﺎ ﺣﻮﻝ ﺑﺴﻴﻂ ﻓﻲ ﻋﻴﻨﻬﺎ ﺍﻟﺸﻤﺎﻝ .. ﻧﺤﻴﻔﺔ ﻭﻗﺼﻴﺮﺓ .. ﻗﻠﻴﻠﻮﻧﺔ ﻣﺎﻓﺎﻳﺘﺔ ﻟﻴﻬﺎ 50 ﻛﻴﻠﻮ ..

ﺑﺘﻠﺒﺲ ﻧﻈﺎﺭﺍﺕ ﻣﻦ ﺳﻨﻮﺍﺕ .. ﻻﺯﺍﻟﺔ ﺍﺛﺎﺭ ﺍﻟﺤﻮﻝ ﻭﻟﻢ ﺗﺠﺪﻱ ﻧﻔﻌﺎ " ..

ﺟﺎ .. ﻗﻌﺪﻭ ﺍﻻﺗﻨﻴﻦ ﻣﻊ ﺑﻌﺾ .. ﻭﺍﻟﺒﺖ ﺑﺘﻌﺎﻳﻦ ﻟﻴﻬﻮ .. ﻭﻫﻮ ﻣﺪﻧﻘﺮ ﻛﺪﺍ ﻓﻲ ﺍﻻﺭﺽ .. ﻭﻣﺮﺓ ﻣﺮﺓ ﻳﺮﻓﻊ ﻋﻴﻨﻮ ﻳﻌﺎﻳﻦ ﻫﻨﺎﺍﺍﺍﺍﻙ .. ﻭﺗﺎﻧﻲ ﻳﻌﺎﻳﻦ ﺟﺎﻱ ﻭﺟﺎﻱ .. ﻳﻌﻨﻲ ﻃﻴﻠﺔ ﺍﻟﻘﻌﺪﺓ ﻣﺎﻋﺎﻳﻦ ﻟﻴﻬﺎ ﻛﺪﺍ ﻓﻲ ﻭﺷﻬﺎ ﺩﻗﻖ ﻓﻴﻬﺎ ﻛﻮﻳﺲ ..

ﻗﺎﻟﺖ ﻟﻴﻬﻮ ﺍﻧﺖ ﻳﺎ ﺍﻟﺼﺎﻓﻲ .. ﺍﻧﺎ ﺷﻴﻨﺔ ﻟﻠﺪﺭﺟﺔ ﺩﻱ ؟؟ﺍﻧﻚ ﻣﺎﻗﺎﺩﺭ ﺗﻌﺎﻳﻦ ﻟﻲ ؟

ﻗﺎﻝ ﻟﻴﻬﺎ ﺍﺑﺪﺍ ﻭﺍﻟﻠﻪ ﺍﻟﻌﻔﻮ .. ﺍﻧﺎ ﺑﺲ ﺑﺴﺘﺤﻲ ﺷﻮﻳﺔ ﻛﺪﺍ ﻟﻤﻦ ﺍﻋﺎﻳﻦ ﻻﻧﺴﺎﻧﺔ ﺟﻤﻴﻠﺔ ..

ﺑﻌﺪﻳﻦ ﺍﻧﺎ ﻣﻨﺘﺒﻪ ﻟﻴﻚ ﺑﻲ ﻛﻞ ﺣﻮﺍﺳﻲ ﻭﺍﻟﻠﻪ ..

ﻗﺎﻟﺖ ﻟﻴﻬﻮ ﻳﺎ ﺍﻟﺼﺎﻓﻲ ﺍﻧﺎ ﺑﺲ ﻋﺎﻳﺰﺍﻙ ﺗﺤﻜﻲ ﻟﻲ ﻋﻨﻚ .. ﻭﻋﻦ ﺍﺳﺮﺗﻚ ﺑﺎﻟﺠﺪ ﺍﻧﺖ ﺷﺨﺼﻴﺔ ﻣﺜﻴﺮﺓ ﻟﻼﻧﺘﺒﺎﻩ .. ﺍﻟﺒﻨﺎﺕ ﻛﻠﻬﻦ ﺑﺘﻜﻠﻤﻦ ﻋﻨﻚ ..

ﺑﺲ ﻃﺒﻌﺎ ﻓﻲ ﺑﻨﺎﺕ ﺭﺍﻳﻬﻢ ﻓﻴﻚ ﺳﻠﺒﻲ ﺷﺪﻳﺪ ..

ﻗﺎﻝ ﻟﻴﻬﺎ ﺍﻱ ﺯﻭﻝ ﻃﺒﻌﺎ ﺑﻨﻈﺮ ﻣﻦ ﻭﺟﻬﺔ ﻧﻈﺮﻭ .. ﻭﺯﺍﻭﻳﻪ ﺣﻘﻮ ﺑﺮﺍﻫﻮ ..

ﻗﺎﻟﺖ ﻟﻴﻬﻮ ﻣﺎﻋﺎﻳﺰ ﺗﻌﺮﻑ ﺍﻟﺮﺍﻱ ﺍﻟﺴﻠﺒﻲ ﻋﻨﻚ ﺷﻨﻮ؟

ﻗﺎﻝ ﻟﻴﻬﺎ ﻻﻻ .. ﻣﺎﻋﺎﻳﺰ ﺍﺯﺣﻢ ﺭﺍﺳﻲ ﺑﻲ ﺣﺎﺟﺎﺕ ﻣﺰﻋﺠﺔ .. ﺍﻧﺘﻲ ﻛﻴﻒ ﺍﺣﻮﺍﻟﻚ؟ ..

ﻗﺎﻟﺖ ﻟﻴﻬﻮ ﺍﻫﺎ ﺷﻔﺖ ﺍﻟﻐﺮﺍﺑﺔ ﺍﻟﻔﻲ ﺷﺨﺼﻴﺘﻚ ؟ .. ﺍﻱ ﺯﻭﻝ ﺗﻘﻮﻝ ﻟﻴﻬﻮ ﺍﻟﻨﺎﺱ ﺑﻘﻮﻟﻮ ﻋﻨﻚ ﻛﻼﻡ .. ﺑﺤﺐ ﻳﻌﺮﻑ ﺍﻟﻜﻼﻡ ﺍﻟﻘﺎﻟﻮﻫﻮ ﺍﻟﻨﺎﺱ ﻋﻨﻮ ..

ﺍﻧﺖ ﻭﻻﻋﺎﻳﺰ ﺗﻌﺮﻑ ..

ﻗﺎﻝ ﻟﻴﻬﺎ ﻋﺎﺭﻓﺔ ﻳﺎﻟﻴﻨﺔ .. ﻣﺮﺍﺕ ﺍﻟﻜﻼﻡ ﺍﻟﺴﻠﺒﻲ ﻣﺎﻳﻜﻮﻥ ﻣﻮﺟﻮﺩ ﻋﻨﺪﻙ ..

ﺑﺲ ﻛﻼﻡ ﺍﻟﻨﺎﺱ ﻳﺨﻠﻲ ﻋﻨﺪﻙ ﺍﺳﺘﻌﺪﺍﺩ ﻟﻠﺴﻠﺒﻴﺔ .. ﻭﻳﻌﻜﺲ ﻋﻠﻴﻚ ﺍﺣﺴﺎﺱ ﻣﺎ ﺣﻠﻮ .. ﻓﺎﺣﺴﻦ ﺍﻟﺰﻭﻝ ﻣﺎ ﻳﺴﻤﻌﻮ .. ﺍﻧﺎ ﺷﺨﺼﻴﺎ " ﻟﻮ ﺳﻤﻌﺖ ﺭﺍﻱ ﺳﻠﺒﻲ ﻓﻲ ﺯﻭﻝ ﻭﻫﻮ ﻏﺎﻳﺐ .. ﻣﺎﺑﻮﺻﻠﻮ ﻟﻴﻬﻮ .. ﻻﻧﻬﺎ ﺍﻟﻤﺴﺄﻟﺔ ﺑﺎﻟﻨﺴﺒﺔ ﻟﻴﻬﻮ ﺑﺘﻜﻮﻥ ﻣﺆﺫﻳﺔ .. ﻧﺤﻦ ﺍﻟﻤﻔﺮﻭﺽ ﻧﻮﺻﻞ ﻟﻴﻬﻮ ﺍﻻﺭﺍﺀ ﺍﻻﻳﺠﺎﺑﻴﺔ .. ﻋﺸﺎﻥ ﺗﻜﻮﻥ ﻟﻴﻬﻮ ﺗﺤﻔﻴﺰ .. ﻭﺩﺍﻓﻊ ..

ﻗﺎﻟﺖ ﻟﻴﻬﻮ ﻛﻮﻳﺲ ﻳﺎ ﺑﺘﺎﻉ ﺍﻟﺘﻨﻤﻴﺔ ﺍﻟﺒﺸﺮﻳﻪ .. ﻭﺭﻳﻨﻲ ﻋﻠﻴﻚ ﺍﻟﻠﻪ ..

ﺍﺣﻜﻲ ﻟﻲ ﻋﻨﻚ ..

ﻗﺎﻝ ﻟﻴﻬﺎ ﻳﻤﻜﻦ ﻳﺎﻟﻴﻨﺔ ﺍﻟﺴﺆﺍﻝ ﻣﺎ ﻭﺿﺢ ﻟﻲ .. ﺍﺣﻜﻲ ﻟﻴﻚ ﺷﻨﻮ ﻣﺜﻼ " ؟؟

ﻗﺎﻟﺖ ﻟﻴﻬﻮ ﻳﻌﻨﻲ ﻣﺜﻼ .." ﺍﻧﺎ ﺍﺳﻤﻲ ﻟﻴﻨﺔ ﻋﺒﺪﺍﻟﺮﺣﻴﻢ ﺍﻟﻬﺎﺩﻱ .. ﺍﺻﻼ ﺍﻫﻠﻲ ﻣﻦ ﺍﻟﺠﺰﻳﺮﺓ .. ﻋﻨﺪﻱ ﺗﻼﺗﺔ ﺍﺧﻮﺍﺕ ﻭﺍﺭﺑﻌﺔ ﺍﺧﻮﺍﻥ ﻭﺍﻣﻲ ﻭﺍﺑﻮﻱ ﺳﺎﻛﻨﻴﻦ ﻓﻲ ﺳﻮﺑﺎ . ﺍﺑﻮﻱ ﺷﻐﺎﻝ ﻓﻲ ﺍﻟﺒﻨﻚ ﺍﻟﻌﻘﺎﺭﻱ . ﻭﺍﻣﻲ ﻣﻮﺟﻬﺔ ﺗﺮﺑﻮﻳﺔ .. ﺩﺧﻠﺖ ﻓﻲ ﻋﻼﻗﺔ ﻓﺎﺷﻠﺔ ﻗﺒﻞ ﺳﻨﺔ ﻭﺍﻧﺘﻬﺖ ﻗﺒﻞ ﺍﺳﺒﻮﻉ ﻭﻳﻮﻡ ﻧﻬﺎﻳﺔ ﻋﻼﻗﺘﻲ ﻻﻗﻴﺘﻚ ﻫﻬﻪ ..

ﺩﻱ ﺍﻧﺎ ﺑﺎﺧﺘﺼﺎﺭ .. ﺑﺲ ﺍﻧﺎ ﻋﺎﻳﺰﺓ ﺍﻋﺮﻑ ﻋﻨﻚ ﺍﻧﺖ .. ﻟﻜﻦ ﺑﺎﻟﺘﻔﺼﻴﻞ ..ﻗﺎﻝ ﻟﻴﻬﺎ ﻃﻴﺐ .. ﺍﻧﺎ ﺍﻟﺼﺎﻓﻲ ﺍﻻﻣﻴﻦ . ﻃﺒﻌﺎ ﺩﻱ ﻋﺎﺭﻓﺎﻫﺎ ﺍﻻﺳﻢ . ﺍﺳﺎﺳﺎ ﻧﺤﻦ ﻣﻦ ﻭﻻﻳﺔ ﻧﻬﺮ ﺍﻟﻨﻴﻞ .. ﺍﺳﺮﺗﻲ ﺳﺎﻛﻨﺔ ﻓﻲ ﻋﻄﺒﺮﺓ ﺍﻻﻣﺘﺪﺍﺩ ﺍﻟﺸﻤﺎﻟﻲ .. ﻋﻨﺪﻱ ﺍﺧﻮ ﻭﺍﺣﺪ ﺍﺳﻤﻮ ﺍﻟﺮﺷﻴﺪ . ﻋﻤﺮﻩ 9 ﺳﻨﻮﺍﺕ ﺗﻘﺮﻳﺒﺎ ..

ﻭﺍﺧﺖ ﻭﺍﺣﺪﺓ ﺍﺳﻤﻬﺎ ﺑﺴﻤﺔ ﻋﻤﺮﻫﺎ 4 ﺳﻨﻮﺍﺕ ..

ﺍﺑﻮﻱ ﺷﻐﺎﻝ ﺗﺎﺟﺮ ﻣﺤﺎﺻﻴﻞ ﻓﻲ ﺳﻮﻕ ﻋﻄﺒﺮﺓ . ﻭﺍﻧﺎ ﻫﺴﻲ ﺳﺎﻛﻦ ﻣﻊ ﻧﺎﺱ ﺣﺒﻮﺑﺘﻲ ﺧﺎﻟﺔ ﺍﻣﻲ ﻓﻲ ﺷﻤﺒﺎﺕ .. ﻣﻦ ﺍﻧﺎ ﻛﻨﺖ ﻣﻤﺘﺤﻦ ﺍﻟﺸﻬﺎﺩﺓ .. ﺣﺒﻮﺑﺘﻲ ﺍﻟﻤﻠﻜﺔ .. ﻗﺎﻟﺖ ﻟﻲ ﺍﻭﻻﺩﻫﺎ ﺍﻧﺎ ﺍﻣﻨﻴﺘﻲ ﺍﻟﻮﺣﻴﺪﺓ ﻳﺠﻲ ﺍﻟﺼﺎﻓﻲ ﻭﺩ ﺍﻳﻤﺎﻥ ﻳﻘﺮﺍ ﻓﻲ ﺍﻟﺨﺮﻃﻮﻡ .. ﻭﻳﺴﻜﻦ ﻣﻌﺎﻱ ﻓﻲ ﺍﻟﺒﻴﺖ ﺩﻩ .. ﻭﺍﻧﺎ ﻟﻤﻦ ﻗﺒﻠﻮﻧﻲ ﻫﻨﺎ .. ﻃﻮﺍﻟﻲ ﺍﻭﻻﺩﻫﺎ ﺟﻮﻧﺎ ﻓﻲ ﻋﻄﺒﺮﺓ .. ﻭﻃﻠﺒﻮ ﻣﻦ ﺍﺑﻮﻱ ﻃﻠﺐ ﺍﻧﻮ ﻳﺴﻤﺢ ﻟﻴﻬﻢ .. ﺍﻧﺎ ﺍﺳﻜﻦ ﻣﻌﺎﻫﻢ ﻓﻲ ﺍﻟﺒﻴﺖ ..

ﻭﺍﺑﻮﻱ ﻭﺍﻓﻖ .. ﻭﺑﻘﻮ ﻟﻲ ﺯﻱ ﻧﺎﺱ ﺑﻴﺘﻨﺎ .. ﻋﺪﻳﺖ ﻣﻌﺎﻫﻢ ﺍﻭﻟﻰ ﻛﻠﻬﺎ ﻭﻧﺺ ﺗﺎﻧﻴﺔ .. ﺑﺲ ﺍﻟﺴﻨﺔ ﺍﻟﻔﺎﺗﺖ ﺣﺒﻮﺑﺘﻲ ﺧﺎﻟﺔ ﺍﻣﻲ ﺍﺳﻤﻬﺎ ﺍﻟﻤﻠﻜﺔ ﺩﻱ ﺫﺍﺗﻬﺎ .. ﺍﺗﻮﻓﺖ ﺍﻟﻠﻪ ﻳﺮﺣﻤﻬﺎ ..

ﻭﻋﻨﺪﻫﺎ ﺑﻨﺎﺗﻬﺎ ﺧﺎﻻﺗﻲ ﺑﻨﺎﺕ ﺧﺎﻟﺔ ﺍﻣﻲ .. ﺣﺴﻴﺖ ﺑﻴﻬﻢ ﻣﺎﻋﺎﻳﺰﻧﻲ ﻣﻌﺎﻫﻢ ﻓﻲ ﺍﻟﺒﻴﺖ .. ﻭﻋﻨﺪﻫﻢ ﻣﻌﺎﻱ ﻣﻌﺎﻣﻠﺔ ﻣﺎﻗﺎﺩﺭ ﺍﻭﺻﻔﻬﺎ ﻟﻴﻚ ..

ﻓﻘﺮﺭﺕ ﺍﻧﻲ ﺍﻣﺸﻲ ﻣﻨﻬﻢ ﺍﺳﻜﻦ ﻣﻊ ﺍﺻﺤﺎﺑﻲ ﻓﻲ ﺳﻜﻦ ﺩﺍﺧﻠﻲ .. ﺑﺲ ﻋﻨﺪﻱ ﺧﺎﻟﻲ ﺍﺳﻤﻮ ﺍﺣﻤﺪ ﺣﻠﻒ ﺍﻧﻮ ﺍﻧﺎ ﻣﺎ ﺍﻃﻠﻊ ﻣﻦ ﺍﻟﺒﻴﺖ ﺍﻻ ﺍﻛﻤﻞ ﺳﻨﻮﺍﺗﻲ ﺍﻟﺪﺭﺍﺳﻴﺔ .. ﻭﻗﺎﻝ ﺩﻱ ﻭﺻﻴﺔ ﺍﻣﻮ .. ﺓﺍﺗﺼﻞ ﻛﻠﻢ ﺍﺑﻮﻱ .. ﻭﺍﺑﻮﻱ ﻗﺎﻝ ﻟﻲ ﻣﺎﺗﻄﻠﻊ ﻣﻨﻬﻢ ﺍﻻ ﺗﻜﻤﻞ .. ﻭﺍﻣﻲ ﺩﻩ ﻧﻔﺲ ﺭﺍﻳﻬﺎ .. ﺑﺲ ﻫﻢ ﻣﺎﻋﺎﺭﻓﻴﻦ ﺍﻟﺤﺎﺻﻞ ﻭﺍﻧﺎ ﻣﺎﻗﺎﺩﺭ ﺍﺣﻜﻲ .. ﻭﺍﻟﻠﻪ ﺍﻧﺎ ﺍﻟﻴﻮﻣﻴﻦ ﺩﻳﻞ ﻋﺎﻳﺶ ﻧﻔﺴﻴﺎﺕ ﺑﺲ ﺧﻠﻴﻬﺎ ﺳﺎﻱ ..

ﻗﺪﺭ ﻣﺎ ﻓﺘﺸﺖ ﻟﻲ ﺍﻧﻲ ﺍﻟﻨﺎﺱ ﺩﻳﻞ ﻋﻤﻠﺖ ﻟﻴﻬﻢ ﺷﻨﻮ؟ ﻣﺎ ﻟﻘﻴﺖ ﻧﻔﺴﻲ ﻏﻠﻄﺎﻥ ﻓﻲ ﺣﺎﺟﺔ ..

ﻟﻴﻨﺔ ﻗﺎﻟﺖ ﻟﻴﻬﻮ ﻣﺎﺣﻜﻴﺖ ﻟﻲ ﺍﻣﻚ ﺍﻟﺒﺤﺼﻞ ﺩﻩ ؟

ﻗﺎﻝ ﻟﻴﻬﺎ ﻻﻻ ﺍﺑﺪﺍ .. ﻫﻢ ﺑﻨﺎﺕ ﺧﺎﻟﺘﻬﺎ ﻭﺑﺘﺤﺒﻬﻢ ﺟﺪﺍ .. ﻭﺍﻧﺎ ﻣﺎﻋﺎﻳﺰ ﺍﺧﻴﺐ ﻟﻴﻬﺎ ﻇﻨﻬﺎ ﻓﻴﻬﻢ .. ﻫﻢ ﻛﻮﻳﺴﺎﺕ ﻭﻃﻴﺒﺎﺕ .. ﺑﻲ ﻣﺎﺑﺤﺒﻮﻧﻲ ﺍﻧﺎ .. ﻭﻛﻮﻧﻮ ﺯﻭﻝ ﻣﺎﻳﺤﺒﻚ ﺩﻱ ﻣﺎ ﻣﻌﻨﺎﻫﺎ ﻫﻮ ﺳﺊ .

ﻳﻌﻨﻲ ﺍﻧﺎ ﻣﺎﻓﻲ ﺩﺍﻋﻲ ﺍﺧﺮﺏ ﻋﻼﻗﺔ ﺍﻟﻨﺎﺱ ﺑﻲ ﺑﻌﺾ ﻋﺸﺎﻥ ﻫﻢ ﻣﺎﺑﺤﺒﻮﻧﻲ ..

ﻗﺎﻟﺖ ﻟﻴﻬﻮ ﻟﻜﻦ ﻳﺎ ﺍﻟﺼﺎﻓﻲ ﻫﻢ ﻣﺎﺩﺍﻡ ﺑﺘﻌﺎﻣﻠﻮ ﻣﻌﺎﻙ ﻛﺪﺍ .. ﻣﻌﻨﺎﻫﺎ ﻣﺎﻋﻨﺪﻫﻢ ﺣﺴﺎﺏ ﻟﻲ ﺍﻣﻚ .. ﻭﻣﻦ ﺍﻟﻤﻔﺮﻭﺽ ﺗﻜﻠﻤﻬﺎ ﻋﺸﺎﻥ ﻣﺎﺗﻜﻮﻥ ﻣﺨﺪﻭﻋﺔ ﻓﻴﻬﻢ ..

ﻗﺎﻝ ﻟﻴﻬﺎ ﻻﻻ .. ﺍﻧﺎ ﻣﺎﺑﻘﺪﺭ ﺍﺗﺎﻛﺪ ﺍﻧﻬﻢ ﻣﺎﻋﻨﺪﻫﻢ ﻟﻴﻬﺎ ﺣﺴﺎﺏ ﺩﻱ .. ﺍﻻ ﺗﺤﺼﻞ ﻣﻌﺎﻣﻠﺔ ﻣﺒﺎﺷﺮﺓ ﺑﻴﻨﻬﻢ ﻭﺑﻴﻦ ﺍﻣﻲ .. ﺑﻌﺪﺍﻙ ﺍﻟﺰﻭﻝ ﺑﺘﻘﺪﺭ ﻳﺤﻜﻢ ﻋﻠﻰ ﺍﻟﻮﻗﺎﻳﻊ ﺑﻌﺪ ﺗﺤﺼﻞ .. ﻋﻠﻰ ﻛﻞ ﺍﻟﻤﻮﺿﻮﻉ ﻣﺎﺧﻄﻴﺮ ﻳﺎ ﻟﻴﻨﻪ .. ﻭﺍﻧﺎ ﻗﺎﺩﺭ ﺍﺗﻌﺎﻣﻞ ﻣﻊ ﺍﻟﺤﺎﺟﺔ ﺩﻱ .. ﺑﺲ ﺣﺎﺳﻲ ﺑﻲ ﻧﻔﺴﻲ ﺷﻮﻳﺔ ﻣﺎﻣﺮﺗﺎﺡ ﻧﻔﺴﻴﺎ .

ﻗﺎﻟﺖ ﻟﻴﻬﻮ ﻃﻴﺐ ﺍﻧﺴﻰ ﺳﺆﺍﻝ ﺗﺎﻧﻲ .. ﺣﺼﻞ ﺩﺧﻠﺖ ﻓﻲ ﺍﻱ ﻋﻼﻗﺔ ﻣﻊ ﻭﺍﺣﺪﺓ ﻣﻦ ﺍﻟﺠﺎﻣﻌﺔ ﻭﻻ ﻏﻴﺮ ﺍﻟﺠﺎﻣﻌﺔ ؟ .. ﻗﺎﻝ ﻟﻴﻬﺎ ﻭﺍﻟﻠﻪ ﺍﻧﺎ ﺷﺨﺼﻴﺎ " ﺍﻟﻌﻼﻗﺎﺕ ﺑﻴﻨﻲ ﻭﺑﻴﻦ ﺍﻟﺒﻨﺎﺕ ﻛﻠﻬﻦ ﻋﻠﻰ ﺣﺪ ﺍﻟﺴﻮﺍﺀ .. ﻋﻼﻗﺔ ﺯﻣﺎﻟﺔ ﻭﺍﺧﻮﻩ ..

ﻗﺎﻟﺖ ﻟﻴﻬﻮ ﻻﻻ ﺍﻧﺎ ﺑﺘﻜﻠﻢ ﻋﻦ ﻋﻼﻗﺔ ﻋﺎﻃﻔﻴﺔ .. ﻳﻌﻨﻲ ﺣﺴﻴﺖ ﺑﺎﻧﻚ ﺑﺘﻤﻴﻞ ﻟﻲ ﻭﺍﺣﺪﺓ ﻣﻴﻮﻝ ﻗﻠﺒﻲ ..

ﻗﺎﻝ ﻟﻴﻬﺎ ﻣﺎﺣﺼﻞ ﻓﻜﺮﺕ ﻓﻲ ﺍﻟﺤﻜﺎﻳﺔ ﺩﻱ ﻛﺪﺍ .. ﻳﻌﻨﻲ ﻃﺒﻌﺎ ﺍﻱ ﺭﺟﻞ .. ﻓﻴﻬﻮ ﻣﻦ ﺍﻟﻐﺮﻳﺰﻩ ﺍﻟﺒﺸﺮﻳﺔ .. ﺍﻧﻮ ﻳﻤﻴﻞ ﺍﻟﻰ ﺍﻻﻧﺜﻰ ﺍﻟﺒﺴﺘﻠﻄﻔﻬﺎ .. ﻟﻜﻦ

ﺍﻧﺎ ﺣﺘﻲ ﻟﻮ ﻓﻲ ﻭﺍﺣﺪﺓ ﺣﺮﻛﺖ ﺟﻮﺍﻱ ﻣﺸﺎﻋﺮ ﻣﻌﻴﻨﺔ .. ﺑﺤﺎﻭﻝ ﺍﺑﻌﺪ ﻣﻨﻬﺎ ﺑﻘﺪﺭ ﻣﺎ ﺍﺳﺘﻄﻴﻊ .. ﻻﻧﻮ ﺑﻨﺎﺀ ﺍﻟﻌﻼﻗﺎﺕ ﻋﺪﻳﻤﺔ ﺍﻟﻤﺴﺘﻘﺒﻞ ﻣﺘﻌﺒﺔ ﻟﻠﻄﺮﻓﻴﻦ ..

ﻗﺎﻟﺖ ﻟﻴﻬﻮ ﻟﻴﻪ ﺍﻧﺖ ﻳﻌﻨﻲ ﺑﺘﺨﺘﻠﻒ ﻋﻦ ﺑﺎﻗﻲ ﺍﻻﻭﻻﺩ؟؟ .. ﺍﻫﻮ ﻛﻞ ﻭﺍﺣﺪ ﻋﻨﺪﻭ ﻭﺍﺣﺪﺓ .. ﺑﺘﻮﻧﺴﻮ ﻣﻊ ﺑﻌﺾ .. ﻭﻋﻨﺪﻫﻢ ﺧﺼﻮﺻﻴﺎﺕ .. ﻭﺑﺘﺒﺎﺩﻟﻮ ﺍﻟﻤﺸﺎﻋﺮ ﻭﻭ ..

ﻗﺎﻝ ﻟﻴﻬﺎ ﺑﺲ ﻓﻲ ﺣﺎﺟﺎﺕ ﻛﺘﻴﺮﺓ ﺑﺘﺘﺨﻠﻞ ﺍﻟﻌﻼﻗﺔ ﺩﻱ .. ﺍﻟﺒﺖ ﺑﺘﺪﺳﻬﺎ ﻣﻦ ﺍﻭﻟﻴﺎﺀ ﺍﻣﻮﺭﻫﺎ .. ﻭﺍﻫﻠﻬﺎ .. ﻭﻛﺬﻟﻚ ﺍﻟﻮﻟﺪ .. ﻣﺎﺑﻘﺪﺭ ﻳﺼﻞ ﺑﺎﻟﻌﻼﻗﺔ ﻗﺪﺍﻡ ﺍﻫﻞ ﺍﻟﺒﺖ ﺍﻻ ﻟﺤﺪﻭﺩ ﻣﻌﻴﻨﺔ ..

ﺍﻧﺎ ﻃﺒﻌﺎ " ﺭﺍﻱ .. ﺍﻧﻮ ﺍﻟﻤﻔﺮﻭﺽ ﺍﻟﻮﻟﺪ ﺍﻟﻌﻨﺪﻭ ﻋﻼﻗﺔ ﻣﻊ ﺑﺖ ﻭﺑﺤﺒﻬﺎ .. ﻭﻋﻨﺪﻭ ﺍﻣﻞ ﻳﺘﺰﻭﺟﻬﺎ ﻭﻳﺒﻨﻲ ﻣﻌﺎﻫﺎ ﺍﺳﺮﺓ ﻛﺮﻳﻤﺔ ..

ﺍﻭﻻ ﻋﻠﻴﻬﻮ ﺍﻧﻮ ﻳﺤﺘﺮﻣﻬﺎ .. ﻭﻳﺨﺎﻑ ﻋﻠﻴﻬﺎ .. ﺯﻱ ﺍﺧﺘﻮ ﺑﺎﻟﻀﺒﻂ .. ﻻﻧﻬﺎ ﺣﺘﻜﻮﻥ ﺯﻭﺟﺘﻪ ﻭﺍﻡ ﺍﻭﻻﺩﻭ .. ﺍﻣﺎ ﺍﺫﺍ ﻛﺎﻧﺖ ﻋﻼﻗﺔ ﻣﻴﺌﻮﺱ ﻣﻦ ﻣﺴﺘﻘﺒﻠﻬﺎ .. ﻓﺎﻟﻤﻔﺮﻭﺽ ﻳﻨﻈﺮ ﻟﻴﻬﺎ ﻛﺎﻧﻬﺎ ﺣﺎﺟﺔ ﻏﺎﻟﻴﺔ ﻻﻧﻬﺎ ﺍﻣﺎﻧﺔ ﻭﻛﺮﺍﻣﺔ ﺭﺟﺎﻝ ﺍﺧﺮﻳﻦ .. ﻭﻻﺯﻡ ﻳﻜﻮﻥ ﺧﺎﻳﻒ ﻋﻠﻴﻬﺎ ﻭﺣﺎﻣﻴﻬﺎ ﻣﻦ ﺍﻱ ﺷﺮ ..