Michelle
Kasalukuyan kaming nasa mall at nagsho-shopping kasaka ko ang aking baby na si Zacchaeus, sobrang malikot na ito kaya nahihirapan na akong awatin siya. Mabuti na nga lang nandito sa tabi ko si Carl.
Kung itatanong kung saan si Carl nag-i-stay ay roon sa bahay namin. Si Mommy kasi mapilit, ayaw niyang patulugin si Carl sa hotel. May guest room naman daw sa bahay doon na lang daw siya patulugin. Agad na pumayag din naman si Daddy sa gusto ni Mom.
Okay lang naman kay Carl, mas pabor pa nga siya sa gusto nila Mommy eh. Mas nakakasama raw niya ang baby ko. Nagseselos nga ako sa kanila dahil mas paborito ng aking anak si Carl kaysa ako na kaniyang ina. Hindi ito nakakatulog kapag wala si Carl sa tabi namin.
Mukhang siya na nga talaga ang kinikilala nitong ama. Hindi ko na lang
