NAABUTAN ni Lorrene ang kaniyang nanay at tatay na nag-uusap sa sala. Hindi maipinta ang mukha ni Lorrene dahil sa dami ng luha na tumutulo mula sa kaniyang mata. Namamaga ang mata at namumula ang ilong dahil sa kaiiyak.
“Anak, ano’ng nangyari sa ʼyo? Bakit ganiyang ang hitsura mo?” gulat na tanong ni Nanay Divine.
“’Nay, tinatanong niyo po ako? Kasalanan niyo ang lahat dahil pumayag kayo na tumira sila rito! Hayop na Ashley ʼyan!”
“Lorrene, ano ba ang nangyayari? Bakit nagkakaganiyan ka? Akala ko ba okay na tayo na dito tumira ang tatay at kapatid mo?”
“Hindi ko siya kapatid! Napakahayop niya! Paano niyo pinalaki si Ashley ng gano’n? Isa siyang demonyo! Isa siyang ahas!”
“Lorrene, ano’ng ginawa ni Ashley sa ʼyo?” tanong ng tatay niya.
“Tinatanong niyo ako? Sinaktan niyo kami ni nan
