Nang magising siya mula sa pagkakahimatay ay wala na ang kaniyang asawa, tanging katulong na lang ang nag-asikaso sa kaniya at dinamayan siya.
“Manang, hindi ba sabi mo ay tutulungan mo akong makatakas? Please, patakasin mo na po ako,” pagsusumamo na niya sa mayordoma habang umiiyak. “Ayoko na po dito. Hindi ko na kaya pang magpakaasawa sa kaniya. Hindi ko na kaya pang magtiis, Manang.”
Pero isang mabigat na buntonghininga lang ang pinakawalan ng matanda. “Pasensya ka na, hija. Pero sa ngayon ay hindi pa kita matutulungan. Dahil kapag pinatakas kita, saan ka naman pupunta? Babalik ka ba sa iyong ama? Ang alam ko ay hindi ka rin trinatrato ng tama doon dahil may ibang asawa at anak ang ama mo. At kahit bumalik ka pa sa kanila, paniguradong masusundan ka pa rin ng asawa mo at kukunin.”
“H
