Maaga akong nagluto para kapag magising na ang mga kapatid ko ay nakahanda na ang pagkain. Mabuti nalamg at may naipon akong pera noong nagtatrabaho ako kay Lucky. Tatlong araw na ang nakalipas at hindi na muli kaming nagkita pa ng lalaking iyon. Kahit nakakalungkot isipin ay mas mabuti na rin iyon nang sa ganoon ay mawawakasan na kung ano man ang namamagitan sa amin noon.
Ilang beses na rin kaming nagkita ni Reign pero hindi ko rin siya kinakausap. Para sa akin, isang traidor na rin si Reign dahil nakipag sabwatan siya kay Lucky na paniwalain ako sa lahat ng mga kasinungalingan.
"Ang bango naman ng niluluto mo!" Napaigtad ako ng marinig ko ang boses ni Ben mula sa aking likuran.
Ngumiti naman ako sa kanya. "Oo naman, alam ko na aito ang paborito ninyo eh, adobong baboy!" Biglang nawal
