(REIGN'S POV)
Sobrang miss na miss ko na si Ellie kaya dumalaw ako sa bahay nila pero wala na sila doon. Nalungkot ako dahil umalis silamg walang paalam sa akin. Ang buomg akala ko ay napatawad na niya ako sa nagawa kong kasalanan sa kanya. Wala rin alam ang mga tao kung saan sila lumipat o ano ang dahilan kung bakit sila umalis.
Naglalakad ako pauwi sa bahay habang yakap ang dala kong pagkain para sana ibigay kina Ellie.
"Hi, beautiful!" Napaigtad ako nang may isang lalaking sumulpot sa aking likuran at nakangisi pa. Kumunot naman ang aking noo habang nakatingin sa kanya.
"Bakit ba palagi kang sumusulpot kung nasaan ako? Sinusundan mo ba ako, Austin?" Tanong ko sa kanya.
"Hindi ah, alam mo kasi may iniimbestigahan ako sa lugar na 'to kaya palagi akong nandito. At nakita kita kanina
