“A-ALEX, bakit pinipiringan mo ako?”
Wala siyang natanggap na sagot mula kay Alexander at sa halip ay muli niyang naramdaman ang pag-alis nito sa pagkakapatong sa kanyang katawan. Agad namang gumana ang kanyang isip sa maaaring gagawin ng lalaki hanggang sa makabalik itong muli. Ginapang siya ng kaunting kaba dahil doon.
Ngunit imbes na muling pumatong sa kanya ay naramdaman lamang niyang umupo ang lalaki sa gilid ng kama.
“Alex?”
“Iʼm here, Dianna.”
“A-ano bang pinaplano mo?”
Muli ay hindi nito sinagot ang kanyang tanong. Naramdaman na lamang niya ang isang bagay na humahaplos sa kanyang balat. Ramdam niya ang ilang makakapal na hibla ng bagay na iyon na unti-unting bumababa sa kanyang katawan. At kagaya ng tulot ng rosas kanina ay nagbibigay din iyon ng kiliti sa kanyang katawan n
