MATAGAL nang nakatitig lamang si Dianna sa kahon ng contraceptive pills na ibinigay ni Alexander. Ayaw ng dalaga sa ideyang dadahin niya sa sinapupunan ang magiging anak ng lalaking kanyang kinamumuhian ngunit ayaw din naman niyang sirain ang katawan para lang sa pansariling kapakanan ng lalaking iyon.
Ngunit nang kanyang maalala ang ina ay pikit mata na niyang ininom ang unang tableta. Pagkatapos, inihanda na rin niya ang sarili sa paghihintay ng kanyang magiging sundo. Umaasa siyang hindi siya bibiguin ni Alexander sa sinabi nitong ngayong araw niya makikita ang ina.
Hindi nga natagal ay may narinig siyang humintong sasakyan mula sa labas ng bahay. Mabilis niyang tinungo ang pinto at inalam kung tama nga ba ang kanyang narinig.
Isang babaeng matangkad ang marahang bumaba mula sa putin
