HABANG nalilinis ni Dianna ng sariling kuwarto ay nakarinig siya ng mahinang tunog. Lumapit siya sa cabinet at binuksan ang maliit na kahon niyon.
Tumambad sa kanya ang panay vibrate na cellphone. Ang cellphone na ibinili ni Toni para sa kanya. Akmang sasagutin na niya ang tawag nang tumigil naman iyon. Mayroon na itong thirty-one missed calls mula kay Toni.
Muli iyong nag-vibrate kaya naman ay sinagot na niya iyon.
“Dianna?” tanong nito sa kabilang linya. Halatang iritable ang tinig.
“Ako nga, Toni. B-bakit?”
Hindi niya inaasahan ang tawag na iyon mula rito. Naalala rin niya bigla ang hitsura at reaksyon nito noong nalamang hindi na ito ang kapareha ni Alexander sa pagtitipong iyon. Bahagya siyang na-guilty doon dahil tila wala itong kaalam-alam sa ganoong set up.
Bagaman nakangiti
