(Like a family gathering)
WALA SIYANG nagawa kung hindi ang sumama kay Garette. Pigil na pigil niya ang sarili na magsalita. Nakatanaw lang siya sa daan habang nagmamaneho ang lalaki. Inabala niya ang sarili sa mga nakikita sa labas ng sasakyan.
“Are you okay?” Napansin niyang iyon ang madalas na tanong sa kanya ni Garette. Talaga bang concern ito sa kanya?
“O-oo naman. Bakit ba lagi mo akong tinatanong kung okay lang ako?”
Napabuga ito ng hangin. “Masama na ba magtanong ngayon?”
“Lagi naman kasi akong okay.”
“Buti ka pa,” anito. Biglang nagbago ang expression ng mukha nito. Mayamaya pa ay nilingon siya nito. “Pero, bumubuti naman na ako ngayon.” Nginitian siya nito.
Muli niyang ibinaling ang tingin sa daan. Nasaktan siya sa nakitang lungkot sa mga mata nito kahit pa tinakpan iyon n
