"Hindi mo kailangan na sundin ang lahat ng sasabihin sa iyo ni Jaksawn, Miss. Rossi, okay? hindi mo pa naman simula, ako muna ang masusunod ngayon. Huwag kang mag-alala kung mainis o magalit siya, ako ang bahala sa 'yo."
Tumango siya sa mga sinabi ni Pat. Nasa loob na si Jaksawn at nagbibihis. May photoshoot schedule ito ngayong umaga. Kanina ay pinapauwi na siya ni Pat para magpahinga at bukas na lang magpatuloy ngunit nagmatigas si Jaksawn na kailangan nito ng personal assistant.
"Mr. Pat, bakit ba walang personal assisstant si Jaksawn? ang alam ko ay halos lahat naman ng artista ay mayroon non at hindi lang manager," tanong niya.
Mayroon rin kasing personal assistant si Marcus. Kasa-kasama ng lalake kahit saan ito magpunta. Ipinakilala ng lalake iyon sa kaniya, ngunit nang magkita si
