NAPABUNTONG-HININGA si Jared habang sinusundan ng tingin si Arabella na pabalik na sa backstage kasama ang iba pang mga modelo. Of course, alam niyang maaaring makita niya ito roon dahil tauhan at kaibigan ito ni Charity. Pero ang hindi niya inaasahan ay ang epekto ni Arabella sa kanya. Kanina ay parang may sumipa sa kanyang dibdib nang makita niya ito. Naramdaman uli niya ang sama ng loob na nadama niya anim na buwan na ang nakalilipas, noong araw na iwan siya nito sa isla. Isang sulat lang ang iniwan ng babae na nagsasabing bumalik na ang lalaking dapat ay pakakasalan nito at makikipagkita ito sa lalaking iyon.
"Pare, ayos ka lang ba?" tanong sa kanya ni Philip. Tinapik pa siya nito sa balikat. Inimbita niya ang kaibigan at ang dalawa pa nilang kasamahan sa trabaho na sumama sa kanya sa
