TODO ang pamamawis ng kasulok-sulukang parte ng katawan ko. Nasa loob ako ng sasakyan at hindi pa rin lumalabas papuntang simbahan.
Samantalang nauna naman si Ram doon sa loob dahil tinawag na ito ng coordinator para sa pagsisimula ng pangunahing wedding photoshoot.
Nakakatense na parang ako ang ikakasal. Nagtataka nga rin ako kung bakit ito ang nararamdaman ko ngayon.
Simpleng dress lang din ang suot ko. At nahihiya akong aminin na nagsisisi ako kung bakit hindi man lang ako nagsuot ng mas bonga. Wala na kasing oras para maghanap ng masusuot dahil nanggaling pa kami sa talon na sumaglit lang sa bahay para magbihis. Alangan tuloy ang itsura ko sa naturang selebrasyon.
Maputla pa rin ang labi ko kahit na nilagyan ko na ito paulit ulit nang lipstick. Parang ayoko ng pumasok sa loob ng si
